الجمعة، 13 يوليو، 2012

تخاريف 6





ماذا لو

تخلص العالم من النساء ؟؟؟؟
 سؤال بيلح على من فترة  وبدأ يزداد فى الفترة الأخيرة بشكل كبير ، وحاليا وصل لذروته جدا جدا جدا جدا
فى البداية وعلشان عارف إن فى ناس كتير هتفضل تقول لى إنت ظالمهم ، وماينفعش كلامك ده ، ومش كلهن ، والكلام البايت اللى مالوش عازة على رأى واحد أعرفه ، أحب أقول له إن انا فى 80 % من تعاملاتى كانت مع الستات .

فى البيت ، فى المحل بتاع البقالة القديم ، فى المعرض  ، فى النوادى ، فى الشركة ، فى التدوين ، فى الصيدلية ، فى تويتر ، فى الفيس ، حتى فى الميدان ، يعنى عاشرتهم وعرفتهم على كل شكل وملة ولون وعقلية وأى حاجة حد يفكر فيها للمقارنة .

وبأقولها وبكل قوة ، كفاااااااااااااااااااااية ارحمونى ، ويا إما تسيبوا البلد وترحلوا يا إما ترحلونى أنا منها على أى مكان مفيش فيه ستات إطلاقا ، وعلى رأى العيال الثوار اللى خربوا البلد خنقتوووووووووووووووووووونا


نعم ؟ فى محترم قاعد فى الصف اللى على الشمال بيغمغم ، ممكن أعرف بتقول إيه بصوت واضح ؟؟؟؟

نعم يا روح طنط ، فى دليلى

فاكرنى هأعمل زى الأفلام الهندى واقلع لك هدومى وأفرجك على الكرابيج اللى بيضربونى بيها مثلا
ولا أقول لك أنا هأحترم برضه وجود حد بعقليتك معانا هنا وبما إن القافلة تسير بقدر احتمال أضعفها هأقول لك كمثال فى السريع كده
سنة 2002 كنت مسافر الغردقة ورفضت آخد حد معايا قلت للكل أجازة ومصيف ومش عايز حد يقرفنى
وعنها وبدأت الحرب و ( س ) من السيدات لفت لتخليها أجازة نحس على

وانتظرت لحد ما وصلت الغردقة وقعدت الكام يوم بتوعى وانا راجع ويا دوب ركبت الأتوبيس ونمت
ودى اتصلت بحد من القريبين منى وبتسأله صحيح الخبر اللى سمعناه ده ؟؟؟؟
خبر إيه ؟؟؟؟

إن الأزهرى عمل حادثة وهو راجع ونقلوه المستشفى وفارق الحياة

وطبعا مع الكثير من النهنهة والشحتفة والعياط والصويت والذى منه
وعنها وهو اتصل يطمن من حدا تانى والخخد  التانى اتصل بحد تالت

وانتشر الخبر والجيزة كلها اتقلبت وقتها
وطبعا أنا فى الغيبوبة لإن مفيش طريقة حد يوصل لى بيها نهائى لحد ما أنزل القاهرة أو الجيزة
وحتى بعض المقربين منى اتصلوا بالبيت عندنا وبيسألوا انافين فيقولوا لهم دا مسافر وراجع بكرة

وطبعا مفيش حد عايز يبقى هو اللى نقل الخبر السيء ناهيكم عن إنه مش متأكد أساسا
وفضلت الدنيا تغلى ويتصلوا بستشفيات الطريق والبوليس وكانت كارثة
لحد ما وصلت بيت خالى فى الجيزة وعرفت من أولاده الموضوع   وبدأنا نتصل نطمن الناس
سيبك بقى من عملت إيه بعدها  لحد ما وصلت لها ولا حتى انتقامى منها

وكان ف موقف تانى بأعيشه حاليا عبارة عن مأساة حقيقية
تخيل لما حد يوطك إنك تشتغل جليسة أطفال لحد عنده 22 سنة

سيبك منه علشان وأنا باكتب دخلت على بنت أمورة ومعاها جوزها وطفلتها وانا باكتب التدوينة دى
وعايزو علاج للكحة لبنتها
طيب يا ستى معاها بلغم او برد ؟؟؟؟
آه معاها
لأ مش معاها
يعنى معاها ولا مش معاها ؟؟؟؟
مش عارفة
طيب يا ست الكل
وهى بتكح بتحسى غن صدرها تقيل مثلا او حاجة غريبة فى كحتها ؟؟؟؟
أيوه فى
لأ مفيش
يعنى فى ولا مفيش ؟؟؟؟
مش عارفة
طيب هى أسنانها بدأت تطلع ولا لأ ؟؟؟؟
أيوه بدأت
لأ لسه
يعنى بدأت ولا لسه ؟؟؟؟
مش عارفة
طيب سؤال أخير
هى عمرها كام ؟؟؟؟
سنتين وشهرين
لأ سنة وشهرين

نعععععععععععععم

تيجى إزاى دى بقى إن شاء  الله
طيب اتولدت قبل الثورة ولا بعدها ؟؟؟؟
قبلها
لأ بعدها
هى اتولدت فى شم النسيم
قلت لها حلو
يعنى فى أبريل ويبفى كده هندها تقريبا
سنة و 3 شهور
لأ هى اتولدت فى فبراير

يا ستى طول عمر شم النسيم بييجى فى أبريل مع عيد ميلادى

لأ النسة اللى فاتت كان فى فبراير

طبعا غلطت نفسى
وقلبت الكلام ضحك مع جوزها وبنكمل كلامنا
وعرفت إن الأبلة المعدلة
اللى حارقة دمى من الصبح المفترض تقول لى يا خال
تبعا لقواعد عائلات الريف اللى كيد عارفينها
طبعا
كان نفسى أولع فيها وفى بنتها وفى جوزها وفى أبوها لو شفته هو كمان

دى عينة بسيطة من المأساة

ترضيكم ولا نقول تانى ؟؟؟؟

هناك 16 تعليقًا:

MaNoOoSh يقول...

بص بقى وده مش تحيز بتاتا لتفكر اني علشان ست هقف فى صفهم يعني

ابداااااااااااا

المشكلة مش فيهم يا ازهري
المشكلة فيك انت

وبعدين يعني بغض النظر عن الجنان وتوهان المخ والمواعيد والزهايمر والدلع البايخ ساعات

كل دي حاجت عبيطة يعني لا تذكر


وبعدين تعالى هنا قولي
عملتو ايه انتو يعني يا رجالة فى كوكو الأرض
اللي ما اخدنا منكو غير حروب وتدمير وقتل ووجع قلب

تعالى شوف بقى لو الستات حكمت الارض شهرين بس

انا شخصيا لو مسكت الرئاسة اول قرار هاخده اعتقال كل الرجالة فى البلد
:))

مصطفى سيف الدين يقول...

لو كان العالم بدون نساء مش هنلاقي حد نضحك على عبطه و هبله و هتبقى الحياة مملة علشان كل االلي على الارض هيكونوا اذكياء

هامشي بقى انا قبل ما حد من البعدا يشوف تعليقي :)

ابراهيم رزق يقول...

ههههههههههههههههههههه
بدون تعليق

بس خلاص
و ذلك لاحتياكات امنية

تحياتى

Angie يقول...

طبعاً التدوينة دي حتجيب أعلى نسبة مشاهدة من الطرف الناعم أو يعني اللي حنعتبره ناعم ،، و ده يثبت فضول المرأة الذي فاق كل التصورات D:

بس أحب أقولك أن حظك هو اللي سيئ إنه بيوقعك في النوع ده من البنات ... بس كل الكلام اللي بيتقال علينا ده عبارة عن تضخيم لتفاصيل من إعلام فاسد و مضلل
p: .... و لو عايزني أكتبلك عن طبيعة الرجل و خصوصاً فصيلة الرجل الشرقي و كمية التناقضات اللي بيعشها فمش حيكفيني مجلدات مش بس تدوينة D:

بس بصراحة معاك حق إن في فصائل للمرأة بتبقي عايزة الحرق في ميدان عام P:

قوس قزح يقول...

مش عارفة البوست ده هدفه ايه .. هل فعلا بتكره البنات ولا مجرد مناغشة لهم


بس ردى بسيط
اللى كون شخصيتك انثى ..هى امك
اللى بتنصحك فى وقت ضعفك من غير ما تحس ان ضعفك ده نقص فى الرجولة .. هى صديقتك
اللى ممكن تحس انك سندها فى الدنيا ولك قيمة ..هى اختك

اللى ممكن تمنحك اجمل زينة فى الحياة ..هى زوجتك

و اللى ممكن تتمنى قربك ..هى حبيبتك


ممكن بقى تقولى ايه ممكن يقدمه الرجالة لك ؟؟

لو البوست مناغشة ..هاقولك كلمة واحدة
خف تعوم :P

عمرو يسرى يقول...

ههههههههههههههههههههههههههه
عمرك ما هتحرم يا ازهرى كل ما اجيلك الاقيك عامل مشكله
تحياتى

حفيدة عرابى يقول...

على فكرة بقى كده ظلم
المثال الأول ..واحدة مننا قلقانة عليك وبعد الشر سمعت الخبر ده ..تقلب الدنيا ولا متقلبش الدنيا ؟
أساسا انها تقلب الدنيا وتتصل بكل الناس والكل يسأل فين اسامة ده طبع أنثوى صعب اننا نتجاهله :)

المثال التانى
أم مرتبكة
ابنها فلذة كبدها عيان ..هتعرف تركز هى ازاى مش فاهمة أنا !!

لأ ياأزهرى كده انت بتظلمنا بزيادة ؛)
هشوفلك لينك لرواية جميلة بتناقش العالم ممكن يبقى ازاى لو الأنثى الناعمة الرقيقة اختفت منه

الازهرى يقول...

مانوووووووووووووووووش

اممممممممممم
شكله رأى حيادى جدا جدا جدا

لما يبقى بغض النظر عن كل ده
باقى إيه إن شاء الله ابص له ؟؟؟؟؟

شهرين يا مفترية ؟
يحكموا شهرين ؟؟؟؟؟؟؟؟؟؟؟؟؟

عليه العوض ومنه العوض

الازهرى يقول...

مصطفى سيف الدين

تصدق صح

امشى امشى
ما الجبن سيد الأخلاق

الازهرى يقول...

أبو عروستى

حتى أنت يا بروتس

إذا فليسقط قيصر

الازهرى يقول...

انجى

م ناحية المشاهدة متفق معاكى جداجدا جدا

لو جمعنا فضول العالم
المرأة تحتل 99 % منه

وصعب نقول الحظ السىء للدرجة دى
دا مش يبقى حظ سىء
دا يبقى نحس ازلى

ورجعنا نتهم إعلامنا الشريف وناس ماسبيرو اللى زى العسل
وشوية وهنهاجم المجلس ونقول إن هو السبب فى اللى بيحصل

تصحيح
مفيش حاجة اسمها فى فصائل فى المرأة تستاهل الحرق

أغلب فصائل المرأة تستاهل الحرق
بعد الشنق
والضرب بالنار فى أكبر ميادين العالم

الازهرى يقول...

قوس قزح

يبقى أروح اخف علشان اعرف أعوم
ولو إنى فى العوم مش قد كده أساسا

:)

الازهرى يقول...

عمرو يسرى

اركن إنت يا ابنى على جنب

إنت غلبان ومش قد الحرب دى

الازهرى يقول...

المس الكبيرة قوى قوى قوى قوى قوى

التأويل ده ينقصه حاجات أساسية جدا جدا جدا

أولا
صعب تكون قلقانة اساسا
لإن بالتتبع اتضح إنها مصدر الإشاعة
وتم اخذ اعترافها فى المقر العام كمان
وتم إقرار عقوبة لن تتخيليها ولول فى الأساطير اليونانية القديمة

المثال التانى
ياريتها كده
دى كانت بتزعق للى أنا وجوزها ودماغها آخر روقان
وربنا لما عرفت إنى أبقى خالها كان نفسى
أضربها هى وأبوها
ويبقى عندى حق كمان

مستنى الرواية جدا جدا

شمس النهار يقول...

موافقة علي كل كلمة قالتها الرفيقة مخنوقة
:))

الازهرى يقول...

شموستنا

الله الله الله

الرفيقة ؟؟؟؟

هو أنا وقعت وسط ناس شيوعيين ولا إيه يا عم الحاج ؟؟؟؟