الأربعاء، 23 يوليو 2014

عن قلوب عايشة هناك



شايفة يا أم عيون جريئة
نبض قلبى
ضيق جبينى
شايفة عينى ؟
صورة البسمة فى خيالى
يوم لقانا
ضمى كفى جوه كفك
امنحينى دفء قلبك
ارسمينى من جديد

احذفى حزن الفراق
واشياقى للقاء
احذفى دمعة أبية
من سنين عاصية على
رطبى قلبى الجريح
كان وحيد وسط الزحام
كان ماليه غير الكلام
حبى ليكى

من سكات عاش القضية
شاف نسور رايحة وجاية
والغراب طرد  الحمام

كان غريب الضحكة دايما
تسمعه وتقول  يلالى
ضحكته تبهج خيالى
تشرح القلب تفرح
لما ييجى الليل ويصبح
بتلاقيه زى ما كان
وش مشرق
ابتسامته صافية جدا
تخفى دمعه والآلام

بتلاقيه واقف هناك
زى بحر كبير وصافى
موجه ياخدك جوه قلبك
طبطبه على الذكريات
تحكى ليه كل اللى فات
يسمعك تانى وتانى
وبإيديه تلقى الحنين
يمسح الهم فى ثوانى

يا دورب مليانة غربة
حبة رأفة
دورى على قلب تايه
كان زمان صافى  ورقيق
شاف ضياع حلمه البرئ
قسوته كانت هروبه
من جحيم الذكريات

عاش غريب وسط الصحاب
عاش يدور ع اللى راح من غير حساب
عاش أسير الذكريات

الأحد، 13 يوليو 2014

لقاء ابو الريش الخيرى



لقاء ابو الريش الخيرى
يوم السبت 19 يوليو الساعة 4 بعد العصر
مستشفى ابو الريش اليابانى
اقرب محطة مترو السيدة زينب
لاى استفسار 01001345140 - 01277377795
 
التفاصيل 
 
https://www.facebook.com/events/1516286668589580/permalink/1518349605049953/
 
 
 
لو جاى هات معاك غيرك
لو مش جاى .... ادعى غيرك