الأربعاء، 4 يوليو 2012

أحبك





أحبك .. 

قلتها للفجر حين أطل في وجهي

وعانقني

وحطم حولي الجدران

أحبك .. 

قلتها للبحر .. والأمواج

تحملني لشط أمان

أحبك .. 

قُلتها لليل .. واللحظاتُ تسرقنا

فنرجو العمر لو أنا معا طفلان
 ****
جويدة

هناك 16 تعليقًا:

MaNoOoSh يقول...

تصدق انك كائن فضائي بقى

سيبك انت من كلمات الرومانسية والجو الشاعري والكلام ده كله

انا ملفتش نظري غير انك حاطط الصورة اسود في أزرق

ربنا يكون في عونها المأسوفة على شبابها :)

gogo!sf يقول...

اسامه صباح الخير

بس ايه الكلام الجامد ده على الصبح
بحبك وبحبك وبحبك فى ايه يا عم ارحمنا
ههههههههههههههههههههه

ربنا يسعدك ويفرح قلبك يا اسامه يارب

ابقى طمنى عليك هكلمك لما تليفونى يقوم بالسلامه

مصطفى سيف الدين يقول...

جويدة لا يعلى عليه
بالرغم من بساطتها فيها معاني كتير اهمها ان حبها النور اللي هينهي الظلمة و طوق النجاة اللي هيمنع الغرق و في النهاية المبتغى حتى يصبح طفل يملك العالم
تحياتي لك

مصطفى سيف الدين يقول...

جويدة لا يعلى عليه
بالرغم من بساطتها فيها معاني كتير اهمها ان حبها النور اللي هينهي الظلمة و طوق النجاة اللي هيمنع الغرق و في النهاية المبتغى حتى يصبح طفل يملك العالم
تحياتي لك

فاتيما يقول...

مين دى ياض .. ؟!!!!


وش رافع حاجب
ومستعجب وكدهون

مقلب جديد كالعادة
صح ؟

طيب

صباح الروقان ع الصبح بقى
:)

شمس النهار يقول...

:))
ده فاروق
كلامك انت فين
ايه الكروته دي

:))

الازهرى يقول...

مانوووووووووووووووووووووووش

أصدق جدا
وبأحاول أقتع كل اللى حوالى بكده ومش مصدقنى

الصورة للفنانين تتشاف

أنا اخترتها وانا مش شايف أساسا
دخلت بالليل ميت
قلت أرد على التعليقات
نزلت ده ونمت واللاب على حجرى على الكنبة مكانى بعيد عنك

هى مين ؟؟؟؟؟؟

الازهرى يقول...

جوجووووووووو

أم سما حبيبتى

إيه اللى حصل للتليفون ؟
وكمان سهلةاستولى على تليفون نادر وايله البايظ يصلحه ويستخدمه هو
حتة افترا زى عادة بنات حواء

الازهرى يقول...

مصطفى

تحياتى للتحليل الرائع

ودوما قلم متألق

الازهرى يقول...

تماتم

مش مقلب ولا حاجة
أنا كنت راجع نايم
وقلت عاز تدوينة جديدة

فحطيت دى وأنا تقريبا مش شايف قدامى


واضح إن مصر كلها صابحة رايقة النهاردة

ربنا يديمها نعمة ويحفظها من الزوال

الازهرى يقول...

شموستنا

والله قلت أريحكم منى حبتين
وبعدها أرجع لكم من تانى

الكاتبة والإعلامية فاطمة العبيدي يقول...

ليس الحبُّ ...
قصائداً يكتبها .. [ قلمي ]
فـ .. تقرأها .... [ عينيك ]
فـ .... نغنيها .... [ معاً ]
***
إنما الحبّ ...
ما وقر في ...[ القلب ]
وصدّقه .... [ العمل ]
****
**
*

حكاية

gogo!sf يقول...

لالالالالالالالالالالالالا انت عايزو ينفضنى ولا ايه وبعدين انا مستحليه انه بايظ مريحه الجمجمه بصراحه على الاقل اعرف انام من غير ازعاج

لو رجع بدرى هكلمك من تليفونه ان شاء الله وتليفونى شغال بس بعافيه شويه وانا سيباه لما دور البرد يروح من عنده ويخف لوحده

وبعدين اشمعنه سما ها اعترف شكلى هبقى حماتك وهطلع عينك هههههههههههههههههههه

انت قفلت الاكونت بتاعك ليه لو ده عشان الخطوة اللى اتكلمنا فيها يبقى انا كمان هعمل زيك وهسحب كام حد معايا لحد ما تتظبط الامور ونتابع فى الاتنين ولو اتخنقت منه يبقى احسن بردو ريحت وبردو هعمل زيك ههههههههههههه رخامه بقى
مساء الورد يا جميل

الازهرى يقول...

حكايا


ليس الحب بكلمات
وليس الحب بأفعال

ولكن الحب احساس
ينتقل بينهما
ولا يدركه سواهما


تحياتى وتمنياتى بالتواصل

الازهرى يقول...

جوجو

ينفضك ؟؟؟؟؟؟؟؟؟؟؟؟؟؟

هو يجرؤ ؟
لالالالا
استنى بس لما اجى له انفض معاه

وربنا دماغ موضوع البوظان ده
أنا من فترة قفلته شهر كامل
وريحت دماغى منه

أنا قفلت الفيس بسبب زيادة نسبة دلع البنات البايخ فيه
وانا دماغى مش ناقصة
وقلت قلته احسن

بس شوفتى لما رجعت الدنيا أحسن
تعالى وهات الباقيين معاكى

مستنى اتصالك

MaNoOoSh يقول...

متقلقش انت مش محتاج تقنع حد انك كائن فضائي دى حاجة واضحة وضوح الشمس

والمأسوفة على شبابها اللى في علم الغيب لسه وأكيد في يوم هتخوفها بالقلب أبو أزرق في أسود ده D: