الثلاثاء، 3 يوليو 2012

تكملة التاج


علشان خاطر عيون عمنا مصطفى سيف الدين
تكملة أسئلة التاج 


من هم أكثر الشخصيات الذين أثروا بك في عالم التدوين و خارجه ؟ 
يأتى على رأس الجميع وبدون نقاش أستاذى الإمام عطية صقر والذى تعلمت منه كيف افكر وكيف اعيش وكيف أتعامل مع الآخر سواء اتفق أم اختلف معى فى الرأى او العقيدة او الأسلوب .
يأتى بعده مدربى وأستاذى ك/ أحمد والذى علمنى معنى الصبر ومعنى القوة الحقيقية
يأتى بعدها فى عالم التدوين الكثير فكل من تعاملت معه تعلمت منه ولكن يبقى فى  الذكور عمرو بدر وفشكول وياسر ثابت وفارس قديم وفى الإناث شموستنا وفاتيما وضد التيار وقوس قزح هؤلاء الأكثر تأثيرا



اختر اقرب تدويناتك لنفسك ؟ 

أختلف مع المسمى فكل تدويناتى تأتى طبقا لتوقيت كتابتها ، ولا أذكر أننى رجعت إلى تدوينة قديمة لأراجعها ولكن هناك واحدة تتميز عن االأخريات فقط بان مناسبتها حاضرة فى ذهنى دوما ( أين أنتِ ؟ )


استعرض اهم المواقف الطريفة و الغريبة التي صادفتك في عالم التدوين؟ 

مواقف كتييييييييييييييييييييييييييييييير
ببساطة لإنى بأحب الضحك ، ودايما مواقفنا جميلة  يعنى احتلال التعليقات أو الضرب فى الميان فى التعليقات والتدوينات ، والمبارزات التدوينية مع حزب الشر والأذى اللى بأتمنى رجوع كل عضوة من عضواته بلا استثناء ، كانت أيام رائعة ربنا يكتب لها الرجوع من تانى .


أدينا خلصنا علشان عم مصطفى يرتاح 

هناك 17 تعليقًا:

Unknown يقول...

مبسوطه إني إنعرفت عليك أكتر و على جو الصخب و المحبه بينك و بين المدونين :)

متباعك

تحياتي لك

الازهرى يقول...

شيرين سامى

وأنا مبسوط كتيييييييييير إنك علقتى عندى

كده اموت وأنا محقق كل أحلامى

تحياتى دوما وخالص مودتى

كريمة سندي يقول...

جميل أن نغوص في عالمك أكثر تحية ود وتقدير

مصطفى سيف الدين يقول...

تسلم يا كبير
ايوة هي دي الرجالة اللي ميهمهاش اسئلة ابدا
ان شاء الله ترجع الايام دي و كل رواد التدوين يرجعوا يتلموا تاني حوالين بعض
شكرا يا باشا ريحتني يريح قلبك معرفش انت لو مكملتش التاج كان ممكن يحصلي ايه :)
على فكرة من أنت جميلة جدا و مؤثرة جدا

MaNoOoSh يقول...

تصدق ان القط ميحبش الا خناقة

غاوي مناكفة
عاوز حزب الشر يرجع علشان يناكف فيه


ميعرفش ان الثورة خلتنا عدوانيين

(بسمة بريئة جدا :) ووش بيطلع لسانه كمان

ابراهيم رزق يقول...

هههههههههههههههههه

كده متجبش سيرة خطيبتك

تدفع كام و مقولش

ابتز براحتى

مش اقل من 10 شيكولاتة جالاكسى

تحياتى

حنين محمد يقول...

صباح الغاردينيا
امممم بصراحة أبتسمت لأني عرفت جواك روح مرحة رغم اني مش عارفة ليه لما شفت لك تعليق عندي كنت فكراك عجوز وكركوب ههههههههه اوعى تزعل انا صريحة جداً بجد بقى انت شخصية جميلة وبشكر أستاذي مصطفى الي خلانا نعرفك أكتر :)"
؛؛
؛
لروحك عبق الغاردينيا
كانت هنا
reemaas

الازهرى يقول...

كريمة

الأجمل أنكم تنيرونه بغوصكم بداخله

تحياتى دوما

الازهرى يقول...

مصطفى

عد الجمايل لحد ما ييجى وقت الحسساب

الأسئلة نشاط جميل وانا بأحبه
علشان عادة انا باحب الإمتحانات اللى مش بأذاكر لها

الازهرى يقول...

مانووووووووووووووووش

أخبار القطة إيه الأول ؟؟؟؟

أيييييييييييوه
أحب خناقى

صدقنى المناكفة بالنسبة لى = حياة

إنما السكون والتعليقات الودود
والكلام من ده
ربك يسترها

دا على أساس إنكم كنتم ملايكة قبل الثورة مثلا واتحولتم

الله يرحمك يا زمان
ويرجعك من تانى

الازهرى يقول...

أبو عروستى

أيييييييييوه
أنا مستحيل أجيب سيرتها قدام الناس

دى سرى الخفى

سلم لى عليها

الازهرى يقول...

ريماس

فى حد شبهنى مرة بكلام جاهين الله يرحمه

نا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!

فى الغالب هو صح


ومستحيل أزعل من أى حد بيقول كلام من قلبه
انا أمنية حاتى كل الناس تتكلم من قلوبها وتبطل نفاق

Kiara يقول...

يعني حتى وانت بتجاوب مشاكس

جميله اجاباتك في التاج ^_^

فاتيما يقول...

انا اسمى مكتوب
هيييي
فينك يا ام فاتيما تشوفى الأملة اللى بنتك فيها ...

موشكرين يا منص على ذكرنا ف سجل المدونين اللى عاملولك دماغ وابقى ورينا الكلام دا عملى بدل ما انتا قاعد تناكف فينا احنا الحريم وبترفعلنا الضغط كل شوية وتنزله تانى بمقالبك

وبعدين تأثيرك بقى مش حلو
خليت ابراهيم يتعلم الإبتزاز اهو
وبيهددك علنا على رؤوس الاشهاد
وكدا مش كويس لما قبل الجواز دا النوظام
اومال بعد الجواز هيعمل اييييه
وانا جاية اهدى النفوس حضشرتك وكدهون ...


كل تاج وانتا شقاوة اكتر
يا منص
يا غالى على اختك الكبيرة العيلة
فاتيما ام يوسف

:)

الازهرى يقول...

خيارااااااااا


يعنى هو جديد عليكى الإجابات

ولا بعدكم عن التدوين نساكم ؟؟؟؟

الازهرى يقول...

تماتم
أختى الصغننة الغالية كتييييييييييير

يا نهار أبيض
يا نهار أبيض
يا نهار أبيض
يا نهار أبيض
يا نهار أبيض
يا نهار أبيض
يا نهار أبيض
يا نهار أبيض

اسمك مكتوب ؟
أمال لو اسمك مش هيكون مكتوب
هاكتب اسم مين إن شاء الله

هو صحيح اللى فى القلب فى القلب
بس الإعتراف بالحق فضيلة برضه

والله أنا اعمل مقالب بمزاجى
واللى مش عاجبه يشتكى لبلوجر

وإبراهيم يتكلم براحته
ما دمت مالى إيدى من البونية
وواخدين بعض عن حب
يبقى خلى العوازل يفلفلوا


كل تاج مين
لالالالالالالا
دا الأخير بإذنك يارب
ونفضها سيرة بقى
هى حكاية ولا إيه ؟

MaNoOoSh يقول...

شافهي زي الفل وعامل لماما رعب في البيت وعمال يطاردها

انا بقى سيب له البيت ورحت عند فيروز

وبعدين على فكرة احنا مش بس كنا ملايكة قبل الثورة

ده احنا كنا ومازلنا وسنبقى ملايكة الى ابد الدهر يعني

حد عنده اعتراض؟؟؟؟