الخميس، 29 مايو 2014
الثلاثاء، 27 مايو 2014
ثورة ولا انقلاب
قبل ما أرجع الفضاء الحلزونى بتاعى بناء على نصيحة من
القريبين من قلبى حابب أقول كلمتين .
اللى حصل فى مصر ثورة ، ثورة مكتملة الأركان والمعالم ،
كل اللى أعرفهم نزلوا الشوارع ودمهم روى الأرض وشيلناهم على أكتافنا ( وما قدرتش
أحضر دفن أى حد منهم ) نزلوا علشان حلمهم بالثورة دى ، وحلمنا وحلمهم بيتحقق ، مش
لسه هيتحقق ، قليل مننا عاش علشان يشوف
اللحظات الجميلة دى ، وأقل هيكمل ، ويمكن مفيش حد مننا يوصل لنقطة النهاية ويشوف
مصر اللى اتمنيناها طول عمرنا ، بس برضه إحنا فرحانين وهنفضل مؤمنين إن اللى حصل
ثورة ، ثورة بكل مراحلها ، ثورة حقيقية ثورة بتقلب ( مش هتقلب ) كيان العالم مش مصر بس ، والثورة هى التغيير ،
التغيير الكامل ، التغيير فى النظم كلها مش النظام السياسي وبس ، مش تغيير مبارك
وعصبته بعصبة تانية أو تالتة أو رابعة أيا كانت المسميات والتوجهات لأ تغيير نظام الفكر نفسه ، وده طريق طويل ،
وحلم بعيد ، بس بيتحقق ، كل الغليان والتصفية والصهر وإزالة الخبث اللى بتحصل
بتأكد إننا على الطريق ، وبإذن الله مش هنرجع .
طريق صعب وشاق وطويل ومش مفهوم وممكن أقول كمان مضطهد ،
بس اليقين بإنه الطريق الصح والعلامات اللى بتظهر إننا صح بتزود عندنا اليقين ،
وبتخلينا أٌوى كل يوم ، هيتصفى ناس وتختفى ناس وتظهر ناس تانية ، بس كل ده يهون لإن
مصر هتبقى أجمل ، هتبقى أم الدنيا زى ما كانت وغصب عن أى حد وبعيد عن أى حد
بيستعمل الكلام ده بشكل أجوف ، هتبقى لإن شعبها هو الأعظم مهما حاول أى حد يقول
غير كده لإن التاريخ أثبت ده فى عصور كتير ومواقف أشد بكتير من كل اللى إحنا
عايشينه دلوقتى بس مش مشكلة سنين صعبة فى عمر الزمن لحظات
يا رب
الخميس، 15 مايو 2014
عرفنى يا وطنى
عرفنى يا وطنى أمرا
ما معنى أن أسكن جحرا
أن آكل يابس لا أخضر
أن أعرق دمى
وجراحى لا تعرف برءا
عرفنى يا وطنى الساعة
عن حلمى الماضى فى الباحة
عن ركب أميرى يسحقنى
عن غد اصعنه زحفا
وبقلب أدماه الوجع
عرفنى يا وطنى حالا
لماذا أترك أحبابى
وأهيم حياتى ترحالا
ولماذا أكتب أشعارى
دمعا وبكاءا وصراخا
عرفنى يا وطنى الأكبر
عن حيرة وجدانى دوما
أن ألعن فيك
وأن أفجٌر
أن أترك محرابى هجرا
وكلامى سخط متفجر
عرفنى يا وطنى كثيرا
عرفنى فعلا لا قولا
عرفنى يا وطنى المعنى
أن أقتل يوما من أجلك
الجمعة، 2 مايو 2014
الاشتراك في:
الرسائل (Atom)