الثلاثاء، 29 يونيو، 2010

تساؤل عاجل وملح 2

لنكمل التفكير


من مناقشاتى مع البعض من هاجرى المدونات من أصحاب الكلمة الجميلة والرأى القوى والنضج ، لقيت ن المشكلة تقريبا عند الجميع واحدة ( بالطبع بعيدا عن الأسباب الشخصية الخارجة عن الإرادة ) وهى المجاملة وعدم الواقعية أو التفاعل فى التعليقات وبالتالى المناقشات .
فعندما أكتب الموضوع وأنشره ، وأجلس منتظرا التعليقات التى ستضيف إلى جديدا أو تبدأ نقاشا يفيدنى ويفيد كل من يطلع عليه ، وأجد أن كل من يدخليكون تعليقه ( أتفق معك فى الرأى .......تحياتى ) أو ( عنك حق فعلا ....تحياتى ) أو يكون تقييم القصة أو القصيدة (رائع ...تحياتى ) أو أو أو .
دون مناقشة للموضوع أو وضع جديد فقط وكأنه يؤكد حضوره ( هذا بعيدا عن من يدخل ليضع ذلك التعليق ويتبين أنه لم يقرأ من الأساس وهؤلاء من السهل كشفهم ) فما الذى استفدته منه وما الذى يغرينى أن أكتب أكثر .
التدوين هنا من المفروض أن يكون فى أغلبه بديلا إلى حد ما عن المنتديات الثقافية كما سبق أن اتفقنا فى موضوعات سابقة نظرا لبعد المكان بيننا وعدم توافق المواعيد فيدخل كل منا بحريته فلا أحد مجبر على الدخول ولا القراءة وليس من اللازم أن يعلق إن قرأ ، فقط عندما يضع تعليقا يكون عن قناعة منه بالإشتراك وأن يتابع الرد عليه لعل هناك سؤال طرأ فيرد ويستمر النقاش واختلاف الرأى بما يفيد الجميع .
نأتى لمن يدعون أنهم هنا ويتابعون من بعيد ولكن أفكارهم انتهت ويريدون هدنة ( غالبا ما تطول ) أٌو ربما انتهيت انا من أن أكتب أفكارا جديدة ولكن ما دمت أتابع فلم لا أدخل النقاش وأنشط ذهنى مع الأصدقاء دون أن أكتب عندى جديدا وقد كان عمر بن عبد العزيز يقول مجالسة ( مناقشة ) الرجال تنقح الألباب ( العقول ) .فلم نرضى بالخمول ولم لا يكون لنا موقف إيجابى سواء بالقبول أو الرفض ولكن برأى واضح وصريح وقابل للنقاش بدلا من الإنغلاق الذى بالطبع لن يؤدى إلى شئ على الإطلاق ولا إلى أفكار جديدة فالأفكار تأتى من الأفكار وليس من الجلوس والنوم وقضاء الوقت فيما لايفيد .

هناك 25 تعليقًا:

حنان سعيد يقول...

انا متفقه تماما معاك في الراي
النقاش بيفتح افق كتير اوووي
اه اكيد في وقت من الاوقات بيبقى كلم رائع ا جميل مريحه جدااا وبتسعد جداا وخصوا لو قصيده او قصه
واكيد الي هيضيف ليها ان لو حد شاف اي عيب او انتقاد بشكل مهذب يقوله لانه ههيخلي كل من حوله يستفاد
وبردو لو في شيء اعجبه بشده انه يقوله
...
بس الي بجد ماينفعش فيه مجرد المرور والتعبير عن الاعجاب هي مقالات النقاش واختلاف الرأي
لان حتى لو تشابهت الاراء فلكل من رؤيه معينه في طرحها

موضوعك بجد هادف وجاي في وقته كمان
وماعلش بقى طولت عليك

MR.PRESIDENT يقول...

لو قلت اني بتفق معاك هتقولي شوفتم اللي بقوله فوق واحد بيطبقه بعند تحت ، ولو قلت مش موافق هتقول شوفتم مخالف عشان انا قلت ياريت ميكنش اتفاق فوق .. فأنا هقف في النص واقول ما الضير ان حد يمسي بكلمة .. بالعكس ممكن يكون عايز يحط بصمه في مدونتك عشان الناس تخش عنده فمتدقش عليه قوي بس ما تقهروش .
الثاني هتلاقي واحد ينصح نصح بجد ودا يبقي انتي كسبته صديق ناصح .. خالص ..
وخلي الغلابة اللي زي ياكلوا . تحياتي لك .

SHAPE YOUR LIFE (ABOALI) يقول...

التدوين يا صديقى ليس هو الكائن الجديد الذى سيخلق بشر من نوع خاص طبقا لامزاجه البعض وارئهم
عندما نتعمق فى حياتنا نجد هناك من ياخذونها على الهامش والبعض من الداخل والبعض حبة كده وحبة كده
وهذا حال الدنيا

من قرر ان يفتح مدونة عليه ان يدرك ان من سيعلق فيها هو ايضا انسان مثله ولكن انسان خط بيانى غيره

فاءن كان من يفتح مدونته كان مدرك
ان المدونة هى نافذة لنفسه بالقدر الاول يعبر فيها عن نفسه وفكره
وهناك ايضا احتمال ان يصطدم باءحد يقول له نصحية او ارشاد معين

لذا بند التعليقات هى بنود غير اساسية فى التدوين
وان وجدت فلا يجب ان تاءخذ اكثر من حجمها
لاءن المدونة هى كتاب مذكرات كبير للشخص الذى يكتبها

وهناك اناس مميزين من الممكن ان نحافظ عليهم بعد ان عرفنا حسن منطقهم واضافتهم

ولكن البعض من اصحاب المدونات

يكون عنده عشم زائد ويترك الشخص الذى حاول اضافة شيىء

ويتجه الى من يشيد بحسن بيانه وحكمته القصوى


من ترك التدوين عليه عن يبحث عن داخله
وينقيه ثم يتجه الى الخارج


هناك موضوع كانت ماما امولة قد كتبته عن
الاسقاط النفسى

ويدور ان كل انسان يعلق شماعة خسارته وعدم نجاحه على الاخرين

لذا يا صديقى ان الاوان ان نفيق
من ترهلات الفكر
والتفسير على المزاج

تقديرى المستمر

Butterfly يقول...

انا برده فكره فى المواقف دى
ولا انكر ان احيانا بعمل ده .. وده غلط طبعا

لابد ان يكون لكل كلمه هدف وموجهه فى مكانها
لكى أستفيد وأفيد ..

رحــــيـل يقول...

امبارح بليل فتحت مدونتي وكنت بقرأ تدويناتى القديمة والتعليقات عليها ودخلت على بروفيلات كتير منهم لاقيت اللى مسح مدونته واللى قفلها واللى بطل يكتب بقالى شهور او حتى اكتر من سنة

قولت انفسي فين ايام زمان .... مش ايام ماكان التعليقات عددها كتير ولكن زى ما نت قولت ايام ما كان فى مجموعة مدونين بيدخلوا يتناقشوا فعلا ويحصل حوار ششيق جدا فى التعليقات الناس دى للاسف نسبة كبيرة منها اختفت حاليا
ده من الاسباب اللى خلتنى اتوقف فترة طويلة او ارجع على فترات متباعدة من وقت للتانى

انا فعلا بفتقد ناس كتير بدأت معاهم وبيهم ..... اوقات بحس بغربة فى التدوين بيهونها الناس بجد القليلة المحترمين فعلا واللى بينى وبينهم عشرى تدوينية

انا اعتقد انى مهما اغيب عن مدونتي هرجع تانى حتى لو مجاليش ولا تعليق بحسها بيتى وطن ليا

الازهرى يقول...

حنان

أولا طلى براحتك ما دام فى رأى ومنطق إحنا ورانا إيه يعنى

أتمنى إن الكل يقتنع ويبقى فى نقاش زى زمان
ونرفع من مستوى بعضنا بالنقد البناء

تحياتى دوما

الازهرى يقول...

سيدى الرئيس

أنا مش بأدق ببس نفسى تكون البصمة مفيدة لى وله ولكل الموجودين مش مجرد اثبات تواجد والسلام
وكمان فى ناس بتدخل تحط الصمة من غير ما تقرأ

وربنا يعيننا كلنا وعشانا عليك يا رب

الازهرى يقول...

أبو علىىىىىىىى

الفكرة ليست فى التدوين فقط ولكن الفعل الإيجابى يكون فى أى مكان سواء مناقشات هننا أو غير ذلك وأيضا مواقف الحياة
أما عن أننا نكتب هنا والسلام فغير صحيح وذلك لأننا نريد التفاعل وإلا فعودتى لأكتب فى أجنداتى القديمة أو الكشاكيل أمر سهل ولا فرق بين هنا وهناك

هنا سعيت كى أجد الرأى والرأى الآخر وكى أستمتع بالنقاش


بالمناسبة مدونتك بعد الشكل الجديد لا أستطيع الدخول عليها ولا أدرى السبب
أدع لى

الازهرى يقول...

فراشتنا

الاعتراف بالحق فضيلة
وربنا يعيننا جميعا إن تكون لكل كلمة عندنا هدف ومعنى فنحن محاسبون بمت ننطق به

تحياتى دوما

الازهرى يقول...

رحيل
الموضوع مش موضوع عدد ولا كم الموضوع كيف فعلا
أنا أحيانا بألاقى تعليق واحد أقرأه وأعيد قرائته كتير وأسيب باقى التعليقات حتى لو خمسين تعليق لإن قيمته كبيرة وفى كلام مفيد

أما بخصوص الغياب والررجوع لظروف فدا سهل إنما المشكة إن الكل حاليا بيرحل ويقفل المدونات أو يهجرها بدون عودة

تحياتى ودعواتى بعدم الغياب إطلاقا

أتنين حبيبين يقول...

السلام عليكم
ازيك يا ازهرى يارب تكون بخير
ماشاء الله عليك اتكلمت بموضوع جميل
اووى
وزبتحصل معايا كتير
ساعات الاقى حد داخل اتكلم كلام مش ينفع يتقال فى الحاله دى

بتخنق بصراحه
مش عارفه اشمعنا احنا بنروح لهم وبنقرء وعيونا هطلع بره من كتر التركيز وهما لاء
من هنا انى احتج
وياريت كلامك ده يوصل لناس كتير وتحس بقا

المهم سيبك من ده
انا زورتك وعليك رد الزياره
منتظراك
وان شاء الله مش هتكون الاخيره
مودتى
توتا

ندا منير يقول...

اولا بالنسبة لغلق المدونات فلانها حاجة شخصية وبيكون شخص واحد بس مسئول عنها وكل واحد عنده ظروف فطبيعى يقفل المدونة فترة او يبعد فترة عن الكتابة

بالنسبة ان فى كتير مبيقراوش الموضوع كويس او الرد بيكون ملوش علاقى بالموضوع
فدا من وجهة نظرى ممكن يكون اما كسل انه يكتب التعليق اللى هو عايزه او لانه ملوش راى فى الموضوع اللى مكتوب او لمجرد تسلية وخلاص

وبالتاكيد لازم يكون فى رد لانه بيضيف اشياء مهمة جدا وبيزود الثقافة

dalia يقول...

السلام عليكم
ازيك ياااا أزهري كيفك يا رجل، بما ان التعليقات مش عاجباك قررت لا أقول مع تحياتي، ولا أقول رائع فكرة جيدة ، ولا بتفق معك في الرأى، سأقول شيئ رجاء لا تحمل المدونين المسئولية كاملة صدقني احيانا صدق المشاعر وجودة الفكرة بتفرض نفسها وأحيانا هناك من يتابعونك ولا يعلقون وهذا ليس أمر سلبي ، انما الشئ السلبي في رأيي أن يكتفي الشخص باثبات حضور فقط، أو يقول أى كلام ملهوش دعوى بالموضوع وانت قلت يسهل اكتشافهم والاهم هو الاحترام المتبادل والصدق أيضا المتبادل حتى لو لم يكن هناك تعليق

انت انسان محترم ولذلك دوما ابحث عن مدونتك حتى لو لم تجد سوى طيفي

إيه رأيك تعليق محترم ها؟
مش تحياتي:)

عصـــــــــــام الــــديــن يقول...

http://www.sofsafa.blogspot.com/

gogo!sf يقول...

انت عندك حق بردو هههههههههه

بجد فعلا انا كمان لاحظت ده ان الكل بقى يدخل يكتب كلمتين شكر وخلاص
اثبات حاله انه موجود وبس

المفروض اننا بنتكلم عن مواضيع عامه عشان الكل يتناقش فيها ونعرف اذا كان رأيك الكاتب صح او غلط اومال بيتكلم عنها ليه مش عشان يستفاد اكتر

شوف يا ازهرى وانا صغيرة كنت بكرهه فى حياتى ان حد ينتقدنى اوى على اى حاجه بعملها لكن لما كبرت شويه عرفت ان من كتر الانتقاد بقيت فهمه كل حاجه صح عشان كده بقيت بحب الانتقاد لكن مش على شخصى طبعا

المهم انك بجد واضح وصريح للغايه
وانا معاك فى كل كلمه قولتها


ومن الاخر هنعمل مدونه انا وانت للانتقادات فقط يمكن نلاقى حد عايز يفيد ويستفيد
وانا اول من يستفيد لكنى بصراحه مش بفيد هههههههههه

موضوع مفيد بجد يا ازهرى

ايه ده كل ده رغى معلش بقى ربنا يعينك

سلام يا جميل

سندباد مصري يقول...

أحيانا يتعطل العقل عن المناقشة ولا تجد ما تضيفة ليس لتفاهة الموضوع أو لعنصر المفاجأه
ولكن ربما لضعف التركيز أو لتشتت الأفكار
وفي نفس الوقت : أنت معجب بما تقرأ
أو تكرهه
أحيانا تحمل التحية رسالة
أو تشجيع ليحول هذا دون الهجر
هناك من يقراً
وهناك من يتابع ويهتم وليس هذا من أجل إثبات وجود كما يعتقد البعض
هناك من يهتم ويعلق بكلمة
لست أدعي أو أدعوا لتكون التعليقات سلبية دائما
ولكن الطاقة الإيجابية لكل منا كما أظن محدودة والدليل علي هذا إن الكتاب الأصليين يهجروا مدوناتهم فما بالك بقرائهم
...
أتأسف معك علي أصحاب الموهبة ... وأحزن كثيراً علي فراق كلماتهم ... ولكن الموهبة ليست كل شيء ... نحتاج إلي المثابرة والجد والإيمان لإستمرارنا
...
وفي ظني أن الموهبة مزاجية تماماً ويأتي الإبداع وقتما يشاء لا وقتما نشاء وحينما يأتي من جديد
سوف تعانق عيوننا إياه لو ظللنا علي دئبنا في بحث الدائم عنة
...
لا أشك أبداً إن الغائب سوف يعود والمهاجر سوف يضيف الجديد ولكن عندما يأتي الجديد
...
عن نفسي هجرت مدونتي لعدة مرات ولأسباب كثيرة أولها أني أحيانا لا أجد ما أكتبة
وكثيراً ما أكتب ... لأعلن فقط ( أني لازلت موجود ) ( وأني لم أتوقف عن المحاولة ) في البداية والنهاية الكاتب يكتب من اجل نفسة ومن أجلها يتوقف وليس لأحد مهما كان تعليقة أن يوقف أحدهم عن الكتابة أو يجعلة يبدأ بها

فقط هي تجعلنا نلقي نظرة علي ما نكتب في عيون الآخرين

وهي أيضاً في النهاية عيون الآخرين ليست عيوننا

من أجل كل هذا وأكثر ... تحياتي

صدى الصمت - عاشقة الورد - يقول...

فعلاً فية ناس كتير بتدخل تترك تعليق لمجرد إثبات الوجود على ساحة التدوين ودة بيكون واضح فى تعليقهم المنمق المتكرر فى مدونات كتير
لكن فية مدونين بيتركوا تعليقات هادفة وفى المضمون وبتفيد الكاتب وباقى القراءأيضاً وهية دى التعليقات ال الواحد بينتظرها وبيكون مهم قوى يعرف رأيها
تحياتى ليك

marmar يقول...

انت صح

تحياتي

ههههههههههههههههههههههههههههههههههه

عايزه انرفزك شويه :> :>


بص في ناس عايزه تنجز عشان بتلف على كل مدونه تقولهم هاي باي وخلصنا عشان يردو عليها وتعليقاتها تزيد وطبعا ده الناس المريضه اللي عندها شك في نفسها

يعني افتكر مره كتبت قصيده رومانسيه كالعاده وطويله كالعاده ولقيت رد من الردود لواحده او واحد بتقولي حلو

هههههههههههههههههههههه

عادي بقى خلي اللي يقول يقول
تيكت ايزي يا عزيزي

علاء المصرى كل يوم يقول...

دعوة لمواصلة التدوين
دعوة للتواصل كاتب مصرى

3ailmoshtmam يقول...

كلامك جميل وتفكيرك سليم بس ياريت
متحرمناش من تكبير الخط والنبى
الف شكر يا باشا

محمود(باحث عن حب) يقول...

http://www9.0zz0.com/2010/07/11/02/419916357.jpg

مدونه رائعه
لقد عانيت مما تقول
فوضعت تلك الصوره فى مدونتى
فلعل من
يعى
بارك الله لك

TWEETY يقول...

ازيك ياعمو انا جيت ازورك
ومبسوطة انى هنا
هستناك انت كمان تزورنى خلاص اتفقنا

gogo!sf يقول...

كل سنه وانت بألف خير وبسعاده يا ازهرى

رمضان كريم يا مان

Beram ElMasry يقول...

اخي الكريم

أجمل التهانى بحلول شهر رمضان المبارك أعاده الله عليكم باليمن والخير والبركة وكل عام وأنتم بخير

احاسيس آيوشه يقول...

سؤال ملح
طيب مفيش سؤال سكر P:
نهزروا شوية علشان رمضان بس
اولا كل سنة وانت طيب ورمضان كريم عليك
ثانيا عند حق واتفق معاك فى الراى ههههه
وسلام

لا فعلا السبب الاساسى فى هجر المدونات عدم التفاعل بس مش هو كل الاسباب
بدليل مدونة زى مدونة عادة عبد العال مكنتش بترد على تعليقات ولا كانت بتزور مدونات تانية لكن ماشاء الله التعليقات كانت بتستمر ومازالت لغاية الان
الفكرة فى المواضيع اللى بتتقدم فى المدونة دا حاجة والحاجة التانية التدوينات اللى بتنزل كتير وفى اكتر من مدونة بيكون صعب فيها تقرا كله دا فى يوم وتعلق والمفروض تناقش المواضيع دى كلها
وبعدين تعالى هنا انا مش بشوف وشك اصلا فى مدونتى ابقى حتى تعالى جامل وبلاش تناقش