الخميس، 29 أبريل، 2010

بشرى لأهالى المنصورة الكرام



من سنين وأنا عايز أعترف بحاجة مهمة جدا يا جماعة ، بصراحة كاتمه على نفسى وخلاص قربت أطق ، وهى إن والدتى أساسا من المنصورة يعنى عندنا أربعة وعشرين ضلع من هناك ، وكمان هى أساسا من طلخا لو حد يعرف هناك وكمان ابن خال جدى هو فضيلة الإمام جاد الحق على جاد الحق وطبعا انا عارف إن كتير منكم ولا سمع عنه ، المهم أنا افتكرت أعرف اليومين دول ليييييييييييه ؟


علشان .... علشان ...... شكلى نسيت ولا إيه ؟


آه افتكرت من فترة كده وانا مختفى شويه بعيد عن الناس دا غصب عنى ولأمور خير إن شاء الله بس مشكلتى إن كل ما أرجع ألاقى حد كويس مختفى وغالبا السبب يا إما الضجر ، يا إما السخط بسبب موقف مش كويس من أشخاص سواء داخل التدوين أو براه ، ويمكن كمان خانه أو خان ثقته أو أو أو أو .....................


خلينا نتكلم بالعقل حبتين كده وأعذرونى علشان اتخنقت وناخد آخر مثال بجد زعلت كتييييييييييييييير بسببه .


واحده مدونه من المنصورة بلد الصمود واللى لسه فيها دار ابن لقمان اللى اتسجن فيه لويس التاسع عشر بعد ما أخد هو وقواته علقة تمام هناك ، أنا يا دوب راجع البيت قبل المغرب تقريبا بساعة وقلت على ما يجهزوا الأكل أدخل أشوف الدنيا فيها إيه ومين مات وخلصت منه ( وخاصة بتوع الحزب ، من قلبى والله ) ومين عايش وفرحت بأخباره وكده يعنى . ألا وفوجئت برثاء عجيب هناك وقرار امتناع عن التواجد لأسباب تم ذكرها هنـــــــــا ولم تقنعنى مقدار بصلة ، لسبب بسيط جدا إننا كلنا هنا تقريبا جايين نقول رأينا فى مكان مفتوح ومجتمع من غير حدود يعنى ببساطة لازم نتوقع كل حاجة يعنى لازم نلاقى ناس كويسة نحبهم جدا ونتعلق بيهم ويبقى فى مشاعر بيننا مبنية على الإحترام المتبادل والأخوة الصادقة الخالية من المنفعة ، وكمان لازم يبقى فى نماذج برضه من صنف الخيانه والغدر ، عادى جدا ولازم نعرف إزاى نتعامل مع ده وده . مش من أول ولا تانى ولا عاشر مطب نقع خالص لأ والف مليون لأ ، لازم يبقى فى إصرار إننا نفضل عايشين ولنا صوت ، لازم نحاول تانى وتالت ويبقى عندنا أمل فى بكره ، لازم يبقى فى إصرار علىالهدف مهما كانت المصاعب اللى فى طريقنا وحتى سخافة أسلوب أى انسان بيتعامل معانا ، يا جماعة كفاية بقى نبقى مهزوزين وفى أول اختبار يبقى سقوط مريع بالشكل ده ( وأنا بأتكلم هنا عموما ) ، أن قلت قبل كده كتير إن الإصرار بيجيب نتيجة قوية جدا وأظن موضوع الكاراتيه لسه فى الذاكره وكمان ألف موضوع هنلاقيه فى ألف مكان بيتكلم بس كلام من غير نتيجة أو تنفيذ عملى ، يا جماعة أرجوكم كل واحد يصر إنه يكمل مشواره .

ونداء أخير لصاحبة المدونة بسرعة العودة وإلا..................................

وألا بلاش خليها مفاجأة ( هيبقى انتقام جبابرة ) .


هناك 43 تعليقًا:

شذا الروح يقول...

الووووووووووووووووو


بابا فين

وناخد اول تعليق

شذا الروح يقول...

ياااااااااااااااه

ايون هى دى الاحتلالات يا جدعااااااااااااااااان

والازهرى رجع بالسلامه

نورت يا ازهرى

شذا الروح يقول...

والتالت


ونقول مساء الخير والورد والفل والياسمين على رجوعك لينا تانى

شذا الروح يقول...

طيب كفايه بقا اروح اشوف البوت

اصلا اكون متراقبه ولا حاجه

فاصل ثم نواصل

الازهرى يقول...

ها
مين هناك ؟

الازهرى يقول...

بابا هنا ياحلوين

ومبروك أولا تعليق

الازهرى يقول...

الله يسلمك يا رب
وطبعا المكان متراقب تمام

وكله تحت السيطرة

شذا الروح يقول...

انت هنا ياجميل

مساؤك سكر

نورت ياباشا

شذا الروح يقول...

ههههههههههه

ياما انا خايفه اوووووووووووووووووووى

اصلى عليا احكام وهربانه
استر عليا الله يخليك

شذا الروح يقول...

هههههههههه

ايون ايون هو ده الازهرى يا ناس

الله الله وحشتنى احتلالاتك يا باشاااااااااا

فينننننننننننننك
من زمان

على فكرة القلوب عند بعضهااااااااااا

الازهرى يقول...

والله يا بنتى انا مش شايف قدامى أساسا

وشكلىهادخل انام إنما مستنى رسالة مهمة
ربنا يستر وتيجى بسرعة وساعتها هيبقى سكر بجد

المكان منور بالجمال اللى هنا

الازهرى يقول...

طبعا هنا وهأفضل هنا يا أوغاد

انتم فاكرين الأزهرى ممكن يموت بسهولة

نياهاهاهاهاهاهاهاهاهاها

شذا الروح يقول...
أزال المؤلف هذا التعليق.
الازهرى يقول...

طبعا هنا وهأفضل هنا يا أوغاد

انتم فاكرين الأزهرى ممكن يموت بسهولة

نياهاهاهاهاهاهاهاهاهاها

شذا الروح يقول...

تعرف بجد

انت حد جميل اووى بعد كلامك اللى زى السكر

انت مش لوحدك اللى كتبت عنها
فى كتير كتبوا عنها بعد ما مشيت

بس للاسف هى اكيد شافت حاجه زعلتها والانسان مننا ياما بيشوف

معلهش الحمد لله على حال

وعسى ان تكرهو شىء وهو خيرآ لكم

شذا الروح يقول...

قلبك طيب

وانت حد جميل
وطالما مافيش غيرنا عاوزه اقولك على سر بس مش هينفع هنا

عندك حساب على الفيس بوك ولا؟؟؟
هبعتلك رساله

شذا الروح يقول...

روحت فين


انت نمت؟

الووووووووووووووووووو

شذا الروح يقول...
أزال المؤلف هذا التعليق.
الازهرى يقول...

تعرفى يا شذا
المشكلة مش فى حالة واحدة
المشكلة انى لاحظت إنها ظاهرة فى ازدياد سواء وسط المدوين او وسط الناس العاديين

فقدنا الإحساس والإصرار على الهدف
فقدنا إن يبقى فى حاجات عايزين نعملها ومهما كانت المصاعب لازم نواجهها ونتغلب عليها أو على الأقل نحاول كتييييييييييييير قبل ما نقول إننا انهزمنا


وشكرا على كلامك الجميل

الازهرى يقول...

بصراحة موضوع الفيس بوك ده بجيب لى حساسية وحساسية كبيرة كمان

وانا فى ناس عملوا لى حساب هناك لعد محاولات مضنية منى من غير فايدة بس مش فاكر اسمه ايه

دقايق أدور عليه وأرجع أكتبه

شذا الروح يقول...

مستنيه

ولو مافيش

ممكن إيميل نتكلم عليه

شذا الروح يقول...

يارب يهدينا كلنا للخير يارب

الازهرى يقول...
أزال المؤلف هذا التعليق.
شذا الروح يقول...

اوك

تمام

الازهرى يقول...

بالمناسبه الميل نفس العنوان

وغالبا هافتحه بعد ساعة او ساعة ونص

شذا الروح يقول...

أنا ضيف الميل
انت فين بقا

شذا الروح يقول...

انا بعت اضافه

ومنتظراك

يارب يديم الاخوه والحب فى الله

تحياتى ليك اخى الفاضل

شمس النهار يقول...

اااااااااازيك
انت فين يابني
مافيش الو واحدة
ماعلينا
المهم انك كويس

وبصراحة البلوجر بقا رخم شوية
من يوم مافي ناس ابتدت تضايق ناس تانيه

وتطاول
وتعليقات بايخة
وكده
بس الحقيقه انا مش غايبه علشان كده بس عندي مشاغل كتير

سلامي

الازهرى يقول...

أنا رجعت من تانى

وثوانى وأدخل

تحياتى دوما وخالص مودتى

الازهرى يقول...

شموسة الغالية

أنا الحمد لله بخير
بس مشاغل كتير وضغط كبير ووقت قليل
والحمد لله

بصراحة انا مش متابع
بسب القاعدة واحدة
لو استسلمنا من ير ما نقاوم الشخصيات دى
يبقى بكل بساطى بنهدم أحلامنا علشانهم ويبقى هم كسبوا المعركة كلها


وربنا يعينك على مشاغلك بإذن الله

الملاك الحزين يقول...

السلام عليكم

مش عارفه اقولك ايه

بجد انا من ساعة ما قرئت كلامك وانا ببكى

انا عملت بوست ياريت تدخل تشوفه

ربنا يباركلك يارب ويحفظك انت اخ جميل

ربنا يعزك يارب

ندى الياسمين يقول...

ايه ده يا ازهري انت من بتره يا باشا

طيب قول طيب

على فكره بن اخو الشيخ جاد الحق يعنى قريبكم برضه بيته الى لازق فى بيتنا

والى هو بقى ماذون بتره دلوقتي ناس طيبين وحبايبنا يعنى

وانت نسيت ليه يا اخويا انك من طلخا

عشان البير يعنى عادي يا ازهري ما تبقاش تحف منه يا جدع

بالنسبه لايناس
انا ما كنتش اعرف انها قالت كده
وكمان انا بطلت اقول لحد ارجع تعبت يا اخويا

والى مش عايز يكتب براحته بقى

وعلى فكره انا قالبت ايناس قبل كده فى لقاء عندنا فى المنصوره وعارفاها

اممممممممم لو عملت لقاء فى المنصوره وانت ما جيتش هابلغ عنك البوليس يا ازهري يا بتراوي

بسنت يقول...

تحيه طيبه يا ازهرى
وطبعا فضيلة الإمام جاد الحق على جاد
مشهور وعالم ازهرى جليل وان شاء الله تكون بتستفيد من القرابه دى بالمعرفه الفكريه على الاقل
مش ببلاش يعنى

وبالنسبه للاخت المدونه عادى دا مود
وكلنا بنحب ناخد فاصل ونواصل
ولفته طيبه منك

كل التحيه

الازهرى يقول...

اختى الغالية

ملاك الفرحة

ربنا يديم عليك الفرح دايما

الازهرى يقول...

ندى الياسمين

على فكرة انا قلت لك انت بالذات قبل كده
لو راجعتى التعليقات هتلاقى انى قلت ان لى اربعة وعشرين ضلع فى المنصورة

اما بخصوص الرجوع الموضوع اكبر من ارادة كتابة هى مشكله ولازم نساعد فى حلها
المشكلة عند المدونين كلهم حاليا مش الكتابة
لأ إرادة الكتابة

تحياتى دوما

الازهرى يقول...

وعلى فكرة لو عملتى لقاء مش هاحضر لإنى مضرب عن اللقاءات


سلاموز

الازهرى يقول...

بسنت

يكفى ان اقول لك ان انا الوريث الأول لكتبات العائلة سواء من ناحية والدى أو والدتى
لإن أنا الوحيد تقريبا اللى بأحب القراءة فى جيلى كله

والله لمستعان

والتكاتف فى مواجهة الصعاب أمر واجب بين الأخوة

دخل الشتا يقول...

فى البداية شدنى نداؤك لأهالى المنصورة الكرام لأننى منها ثم شدتنى مدونتك الجميلة كلها بتنوعها وجمالها الحقيقى .. خالص حبى

الازهرى يقول...

دخل الشتا

أستاذى العزيز
يخجلنى اطراؤك الجميل على مدونتى المتواضعة
أدعوا الله تعالى أن تكون تستحقها

وأتمنى من كل قلبى دوام التواصل والأخوة

ريمان يقول...

السلام عليكم

يااااااااااه
حمد الله ع السلامه

ايه فينك

كل دى غيبه؟

نورت مدونتك من جديد

تحياتى ليك

وانا منتظره اجابتك ع التاج بس مش تطنش بقى

ههههههههههههه

Butterfly يقول...

ههههههههههه
دا احنا طلعنا جيران اهه
الشيخ جاد الحق مره واحده يعنى بطره يعنى مترين هههههه

تحيه كبيره لكل أهل المنصوره :)

الازهرى يقول...

ريمان

وعليكم السلام ورحمة الله وبركاته

نعمل ايه بقى
حكم الزمن
والحمد لله مفيش تطنييش ولا حاجة

الازهرى يقول...

الفراشة

وكمان الف تحية وتحية منى

ونعم الجيرة يا ستى