الثلاثاء، 26 مارس، 2013

قررت أفرح :'(


قررت أعيش
قررت أشوف الدنيا
من فوق الغيام

يا ما نفسى أنام
يا ما نفسى أحلم من جديد
حلم السعادة والفرح
قلبى انطرح
من كبرياؤه اللى انتهى
يوم ما انجرح

يوم ما انغرس
فيه الحنان

ضاع الأمان

ضاعت من القلب المحبة
واختفت
وسط الزحام

يا ليل حزين

بكفاية ضاع
الحلم والأمل الجميل
بكفاية راح
العمر فى الزمن العليل

ألم الجراح اللى انتهت
من غير علاج
من غير كلام
ولا سكات
ولا حتى لحظة لوم
من القلب اللى حبك فى الجموع

كفايانا جوع
للفرحة
واللحظة الجميلة
والطبطبة على القلوب

يمكن ندوب
ونختفى
ونروح بلاش
وينتهى
العمر اللى فاضل مننا
من غير ما تتلاقى 
الوشوش

هناك 4 تعليقات:

شمس النهار يقول...

انت عارف ان فعلا الفرح قرار
لو قررت تفرح هتفرح حتي لو حواليك سواد
:)

مصطفى سيف الدين يقول...

افرح يا عم
هو حد واخد منها حاجة

ابراهيم رزق يقول...

كويس و احمد ربنا ان القرار فى ايدك

تحياتى

الكاتبة فاطمة العبيدي يقول...

اضحك وافرح
خلي الدنيا تسعد بيك ولو فاض على قلبك الألم ضمه بحب واحضنه لحد ما يجي اليوم اللي يفرح بيه ألمك معاك


تحياتي لحروفك الجميلة