الاثنين، 25 مارس، 2013

أنا انسان



وقالوا الحلم بيعافر
وبيسافر
وبيدور على اللى ضاع

وقالوا طريقنا متغير
وبيخير
ما بين السكنى فى قلوبنا
وبين الفرقة والغربة
وبين الهجرة من تانى
فى قلب شراع

وقالوا الضحكة تجمعنا
وتسمعنا
وتقتل خوفنا من بكرة
وتمسح هم من قلبك
على اللى راح

وقالوا الصحبة تحلى لنا
وقالوا كتير ومن تانى
عن الحلم اللى صار معنى
وصار من تانى يجمعنا
يفرقنا
ويقتل فى القلوب احساس

هناك 11 تعليقًا:

MaNoOoSh يقول...

دنيا بنت *** مش مستاهلة
بس للاسف فيها اللى يستاهل نعافر عشانهم

الكاتبة فاطمة العبيدي يقول...

ويبقى الحلم الشيء الوحيد فينا الذي جعل منا بشر

تحياتي

well يقول...

الحلم مابيقتلش فى القلوب احساس ..
الحلم معنى جميل لكنه قليل لما بيكمل
..
والضحكة بتقتل الخوف
..
كلمات بها لحن
تحياتى ..

شمس النهار يقول...

همه اللي قالوا :))

جيت ولا لسه

أمل حمدي يقول...

وقالوا طريقنا متغير
وبيخير
ما بين السكنى فى قلوبنا
وبين الفرقة والغربة
وبين الهجرة من تانى
فى قلب شراع

الله عليك يا أزهري

الازهرى يقول...

مانوووووش

مش للأسف
الحمد لله
إن فى ناس تستاهل نعافر علشانهم :'(

الازهرى يقول...

فاطمة العبيدى

ويبقى

تحياتى دوما

الازهرى يقول...

ويل

والضحكة بتقتل اى جراح

كدبة القرن

تحياتى دوما

الازهرى يقول...

شموستنا

بلاش سؤال بالله عليكى تانى عن موضوع أنا فين وامتى والكلام ده

آخر مرة اتكلمنا على تويتر اتحجزت بعدها 4 أيام فى المستشفى واتلغى كتير من الجدول وربنا اللى كان عالم بالحال
وربنا يهدى تويتر واهله

غالبا راجع الأسبوع الجاى بإذن الله

الازهرى يقول...

شموستنا

بلاش سؤال بالله عليكى تانى عن موضوع أنا فين وامتى والكلام ده

آخر مرة اتكلمنا على تويتر اتحجزت بعدها 4 أيام فى المستشفى واتلغى كتير من الجدول وربنا اللى كان عالم بالحال
وربنا يهدى تويتر واهله

غالبا راجع الأسبوع الجاى بإذن الله

الازهرى يقول...

ماما أمولة

الله على كل الصحبة الحلوة
وربنا يديمها علينا نعمة