الجمعة، 25 فبراير 2011

رجاء شخصى

يا جماعة أرجوكم
اعتبرونى مغفل
مغيب
مش فاهم
اعتبرونى أى حاجة

بس عايز حد يشرح لى بهدوء
واحد اتنين تلاتة فى نقاط بسيطة على قد فهمى
ليه الناس النهارده كانوا فى الميدان ؟

هناك 6 تعليقات:

Unknown يقول...

انت لا مغفل ولا مغيب ومش فاهم انت انسان ليك وجهة نظر وزاوية رؤية تحترم ودي اجابة سؤالك
1- شفيق كانن رئيس الوزراء يوم الاربعاء الدامي يدبن بالولاء الكامل للنظام السابق ولا يزال يطلق لقب الرئيس على مبارك ولا يعترف برحيله , شفيق كان بيعتبر الثوار عيال ولاد اجندة وانها حركة مش ثورة فكيف تستامنه على ثورتك وتحقيق مطالبها اذا كان لا يعترف بشرعيتها
2- وزير الداخلية الجديد قال في برنامج مصر النهاردة ان جهات اجنبية هي التي قتلت المتظاهرين وليس الشرطة , كما قال بانه لا يوجد معتقلين من 25 يناير رغم وجود عدد لا باس به في سجن الوادي الجديد عنبر 8 و 9 فاذا بدأنا بالكذب يبقى معملناش حاجة زائد انه نفى ان الشرطة دخلت ميدان التحرير للهجوم على الناس يوم الاربعاء رغم القبض عليهم واظهار كارنيهاتهم وبطايقهم على الفضائيات يعني مش بيعترف بالجريمة ازيا حيحاسب المجرم ؟
3- رفع حالة الطوارىء لم تحدث كما لم يقم الجيش بحل امن الدولة الذي لا يزال نشطا في بث روح الفرقة في المجتمع لافشال الثورة
4-عدم اطئنان لبطء حركة الجيش في تنفيذ المطالب ( اخر مثال ) التحفظ على مكتب زكريا عزمي يوم الاربعاء الماضي فقط اي بعد مرورر اكثر من 10 ايام على تنحي الرئيس ما يعطي انطباع باحراق اوراق مهمة او التخلص منها في هذه الفترة الطويلة نسبيا
5- مبارك لماذا يزال طليقا اليس هو المسئول عن الرصاص الحي الذي تم اطلاقه على المتظاهرين ؟؟؟
6 - حبيب العادلي تم تحويله الى محكمة جنايات لمخالفات مالية ولم يتم تحويله لجرائم ارتكبها في حق المتظاهرين العزل
اعتقد انها اسباب تدعو الى القلق والتساؤل والبقاء بيقظة
واخيرا ندعوا ان تعود مصر مستقرة بعد الخلاص من اذناب الافساد في الارض
تقبل تحياتي ومروري

شمس النهار يقول...

لازم تتكلم مع حد من اللي نزلوا ميدان التحرير النهارده

انا شخصيا اتناقشت مع ضد وقلت لها لا مش مقتنعه بالنزول

انا كنت بنزل لما كنت مقتنعه

لما اثق في شخص يعني هو عمل حاجات اثناء علاقتنا ببعض تخليني اثق فيه
يبقا خلاص
لكن اقوله بثق فيك وافعالي لا

لكن لو عايزة حاجه تاني منه اروح له واتكلم معاه واقوله انا عايزة كذا وكذا وانت ماعملتش كذا

لكن بصراحه انا خايفه فعلا علشان لا محافظين اتغيروا والفساد موجود زي ماهو
وموضوع الوزراء ده موضوع مهم جدا والغريب ان ماحدش عايز يبقا وزير اليومين دول

ربنا يستر ومايحصلش حاجه

غير معرف يقول...
أزال المؤلف هذا التعليق.
غير معرف يقول...

أنت الحمدالله بكامل قواك العقلية والحالة دى عندنا منها كتير معتش حد فاهم من مع من ولا من عايز ايه ولا ايه كان بيحصل بس اكتر حاجة سمعتها جننتنى فعلاً كل ما حد يتكلميقولك هيعملوا زى روسيا ويمسكها بوتين وبقايا نظام وكده هوا لو عندنا حد زى بوتن يبقى كخة ياريت ده نفض روسيا بعد ما كانت بتشيع وعمل اقتصاد ورجعها تانى للصف الاول

معلش لخبطتك اكتر بس انا متأكده ان ده كله بسبب ان كلنا بقينا فتايين كل من عرف معلومة حس انه بقى الفاهم الوحيد ومعتش فيه تقبل للاخر وكأننا بنمارس السياسة اللى احنا رفضينها على رأى الاستاذ أشرف توفيق كان عندنا مبارك وبقوا مباركون

ومكان لكل اشاعة وكل واحد بيسمع من طرف واحد وحكاوى كتيرة

الله المستعان

sony2000 يقول...

الاجابه
اهو واحد من الناس قلك عليها
ربنا يارب يريحنا بقا
لان بجد الناس تعبت

Emtiaz Zourob يقول...

بصراحة انا كنت زيك مش عارفة ليه بس فهمت من كلام " واحد من الناس " الأسباب الحقيقية لنزولهم ،، ربنا يعدي هالايام على خير ويوصل مصر لبر الأمان ..