الأربعاء، 19 أغسطس 2009

حيرة شديده


يمكن المره دى أكون مختلف شويه عن ما انتم متعودين دايما منى
يمكن أضحك يمكن احاول أبكى
يمكن يكون كل ده تخيل منكم لحروف كلامى
لكن أناوى أسيب القلم يكتب مع نفسه ويطلع من جوايا حاجات من فتره شغلانى كتير
كانت البدايه من الباقيين من أصدقائى القدامى
أول ناس عرفتهم وعشت معاهم ويمكن أكتر ناس يعرفوا عنى كل حاجه لحد النهاره
فوجئت برساله بتقولى بعد ما عرفوا بموضوع المدونه وبيطلبوا منى انى اكتب بصدق وكفايه تمثيل
وجاوبت بان دى نيتى فعلا
لكن بعدها بدأت سلسله من المراسلات تحتوى على نقد وتعليق على اكثر ما اكتبه واننى اخالف الواقع
ولا اكتب عن نفسى
بل استمر فى الكتابة عن ذكرياتى
ولكنهم يريدوننى ان اكتب عن الحاضر عنى الأن وليس عن الماضى البعيد
وازدادت حيرتى
ولم اعد ادرى
فانا حين اكتب لا احدد موضوعا بعينه حتى لو تراءى للبعض ذلك
حتى مع ربط الضحك بموضوعات موجود ه
كل هذا ياتى عفو الخاطر
فقط ابدأ الكتابه وينساب ما بداخلى
وقديما كنت اكتب فى اجندتى من هذا الكثير وما زال الكثير منه عندى ولكن ما ان تعودت ان اكون هنا حتى بدأت كلما اردت ان اكتب
اكتب هنا
ومع الوقت كنت افتح التعليق على بعض ذكريات نتناقش فيها ونخرج منها باشياء
ان كانت مجرد الضحكه فهذا لا بأس به
ولكن الخواطر التى تخص أمورا بعينها بدأت أمنع التعليق عليها
وقد لاحظ هذا الكثير
ورويدا صارت الأمور على ما يعلمه الجميع
لكن يظل الإصرار على الرأى الأول سائدا منهم
لا أدرى ماذا أفعل

هناك 53 تعليقًا:

رحلتنا في الحياة يقول...

اول تعليق

رحلتنا في الحياة يقول...

اقولك حاجة انا محدش يعرف من المقربين منى انى عاملة مدونة غير اختى وكنت فى الاول برفض تتدخل تقرا اللى بكتبه وبعدين انا بنفسى اللى قولتلها ادخلى اقرى اللى باكتبه عارف ليه علشان انا فى المدونة غير الحقيقة فى المدونة بكتب من جوايا من غير ما احاول ازوق او ادراى او اجمل فى شكلى قدام الناس
هى دى حقيقتى على المدونة هتلاقى ناس بتنتقدك فى كل وقت وفى كل لحظة الناس مش هتبطل نقد لكن الاهم انك تستفيد من نقدهم ومش يضعفك ويشوش تفكيرك
اكتب اللى انت حاسه لانها مدونتك وسيبك من كلام الناس معتقدش ابدا ان اى انسان عامل مدونة وبيكتب فيها وبيمثل شخصية غير شخصيته
مش هيقدر ابدا يخبئ شخصيته الحقيقة هتظهر هتظهر
وبما ان الناس اللى عرفتك فى المدونة انك بكتب باسلوب معين وحابين الاسلوب ده وانت مرتاح فيه يبقى خلاص عايز ايه تانى
وهرجع واقول المدونة بتعبر عنك مش عن ناس تانية وانت حر تكتب اى حاجة وباى اسلوب يريحك ويعبر عنك صح

ألـــــــوان الحيــــــــاة يقول...

مش معقول تكون بتمثل او بتظهر بشخصيه غير الواقع طالما انك اصلا مش بترتب للى بتكتبه بتسيب نفسك تعبر عما بداخلها والنوع من الكتابة بيكون اصدق انواع الكتابة

استمر على نفس الطريق (:

Unknown يقول...

هيلووووووووووووو
ازيك
كل سنة و انت طيب
بص يا سيدي المدونة دي بتاعتك انت حر فيها و تكتب اللي عاوزه محدش ليه عندك حاجة

كفاية الناس اللي بتقري و بتيجي تعلق و تناقشك ده معناها ان كلامك عاجبهم

و بصراحة انا علقت معايا ذكريات عصابة التوت ههههههههههههه

اكتب براحتك اللي انت عاوزه

Sweet Violet يقول...

انا مش فاهمة يعنى القصد من كلمة (تمثيل) ايه
لكن اللى اقدر اقولك عليه
انك تكتب اللى انت حاسس بيه و عايز تكتبه فقط لاغير
و كمان المدونة دى اسمها ذكريات .. و افتكر اول لما دخلت عليها و من الاسم قولت انك فعلا هتكتب عن ذكرياتك مش الحاضر و اعتقد لما تكتب عن الذكريات يبقى مافيش تمثيل (الا اذا المقصود بالكلمة دى حاجة تانية)
و عموما هرجع اقولك اكتب اللى انت عايز تكتبه و حاسس به
و كل سنة و انت طيب بقى
مش معقول يعنى نبدا رمضان بحيرة
ايه الناس دى ×_×
لازم تنرفزونا على الصبح كده
مش كفاية لحد الان مافيش احبار وصلت
ده احنا داخلين على سنة اهو
v_v

القدر و انا يقول...

الازهرى
ازيك يا قمر
وانا طبعا اشبهك بالقمر فى ضياءه
اولا من منطلق انى دخلت مدونتك وارتحت لاراءك وبساطتك ..
ثانيا من منطلق انك فى غلاوة ابنى ويارب اشوفه زيك
ارجع واقول ان المدزنات بتعبر عن الى جوانا بلا رطوش .. يعنى ممكن تكون اقرب لحقيقتنا من مظهرنا وسط اهلنا واصحابنا
لاننا بنكتب لنفسنا قبل ما يكون لاخرين
وكما قالت عيوشة ( المدونة بتعبر عنك مش عن ناس تانية وانت حر تكتب اى حاجة وباى اسلوب يريحك ويعبر عن اللى جواك)
كل رمضان وانت لالف خير

سفروتة يقول...

ازهري
فقط اكتب ما يحلو لك
ولا تقيد افكارك وذهنك بشئ معين
دع القلم يكتب والذاكرة تملي

سلامات
ولا داعي للحيرة
:)

لحظة تأمل يقول...

صديقى الازهرى

اعتقد ان كل منا له جوانب فى شخصيته قد لا تظهر مجتمعة مع كل الناس

اقصد قد يكون جانب من شخصيتك رآه اصدقائك المقربين ولكنهم لا يعلمون كل الجوانب الاخرى لانك انت نفسك قد تكتشف صفة فيك لم تكن تعملها من قبل بعد مرورك بموقف معين

قد تكون هنا مرح جدا وفى العمل جاد جدا وفى اسرتك هادئ جدا .. كل هذا انت برغم ان من حولك قد يروا جانب واحد تبعا للمكان والظروف

فبرغم معرفتهم بكل التفاصيل فى حياتك هذا لا يعنى انهم يعرفون كل جوانب شخصيتك

اتفق مع من سبقونى فى التعليق اننا فى المدونة نكتب لانفسنا ما نشعر به فى لحظة معينة - فكن نفسك التى تريد ان تكونها هناواعد اكتشاف نفسك ودع الاخرين يكتشفوا ما يجهلوه هنا ايضا

اما ذكرياتك فمن حقك ان تكتبها وتجعلنا نشارك فى التعليقات اذا احببت
الا تتفق معى ان كلمات الكثيرين تساعدك حتى لو فى ذكرياتك

اكتب ما يحلو لك وما تشعر به وكن من تكون فقد احببناك كما انت

اعتذر عن الاطالة
كل سنة وانت طيب وبالف خير

تحياتى دوما

♥نبع الغرام♥♪≈ يقول...

السلام عليكم

ليه الحيرة ياقمر

ربنا يسعدك يارب

ده احساسك انت وسيب قلمك يكتب ويعبر برحته سيبك انت
رمضان كريم

مودتى
ايناس

غير معرف يقول...

السلام عليكم ورحمة الله وبركاته

أصدقائى الأعزاء
انا مش عارفه أقول ايه يا جماعه
لكن دى أول مره الأزهرى يعرض أمر من أموره على الملأ بالشكل ده
كان دايما بيخليه جواه ومن غير سبب فى الحالتين

أما بخصوص انه هنا غير الحقيقه فدى موجوده بس بشكل معكوس
يعنى هو الحقيقى هنا أما المزيف ففى الحقيقه
أى واحد منكم عامله فى الحقيقه هيلاقى انه شخص قاسى الى حد كبير فى احكامه ولما بيمسك حاجه بيمشيها بصرامه وقوه ومن غير مشاعر يخليك كده تحس انه شخص من صخر ودا غير حقيقته صدقونى
وبيبتسم لكن ابتسامه مصطنعه يمكن قليل ممكن ياخد باله من كده
لانه بيقدر يخبى الحزن جواه بسهوله غير منطقيه
نشيط جدا ويشتغل 24 ساعه متواصل بس لانه بيهرب من انه يقعد مع نفسه
لان ذكرياته دايما حيه جواه فبيشغل نفسه علشان يحاول يبعدها عن ذهنه بدل ما ينهار
الازهرى انسان متفائل
لان ملجأه الأخير انه يعيش على الأمل ومفيش مفر بالنسبه له غير كده مع ان الدنيا عنده واسعه ويقدر يعمل اى حاجه
ويقدر يعيش من تانى لكن هو قرر يفضل على الأمل لأخر لحظه وأخر نفس
مع انه اول واحد بيعترف انه امل كاذب
صدقونى هو انسان جميل وناجح لكن حايس نفسه بعيد عن البشر يمكن تقولوا عنه اجتماعى
لكن صدقونى بيكون مع الناس وهو بعيد عنهم فى نفس الوقت

اسفه ان كنت طولت عليكم لكن هو يستاهل كتير
واتمنى من كل قلبى انه يبطل يهرب

متعبه هانم ( كان بيسمينى كده)

SHAPE YOUR LIFE (ABOALI) يقول...

قالوا اضعاث احلام وما نحن بتاؤيل الاحلام بعلمين



رمضان قرب
صلى لربك وتقرب
فمن استمع للقيل والقال ابتعد عن الرحمن



رمضان سعيد يا سعيد

Beram Elmasry يقول...

أخي وصديقي الجميل لأ ومدرب الكارتيه كمان مليون مبروك نجاحك وإن شاء الله جيشك هيبقي سلس لأن مدربي الكارتية من أمثالة سينالون حذوة ومكانة تليق بشخصك الجميل فعلا وكل سنة وانت في أحسن حال دعائي لك بالتوفيق سلام

اعشق فى الليل ضوء القمر يقول...

السلام عليكم ورحمه الله وبركاته
تقبل الله منا ومنك
ووفقنا للصالحات فى رمضان و بعده
وجعل عملنا له خالصا متقبلا
كل سنه و انت طيب

سمكه واحده يقول...

كل سنه وانت طيب يا ازهري
وتحقق كل اللي تحلم بيه وربنا يسعدك ويبعد عنك كل ضيق يارب
رمضان كريم يا استاذ انت

GiGi world يقول...

كل عام وحضرتك بالف خير
اللهم بلغنا رمضان

الازهرى يقول...

آيوشه
مبروك أول تعليق
بس بلاش تتعودى على كده

الازهرى يقول...

آيوشه

كلامك صح جدا جدا جدا
لكن النقد بتاعهم بيكون علشان انا باكتب عنى انا هنا
وهم عايزين يشوفونى تانى فى الواقع زى كده من تانى
صعب اقول انى مش اتغيرت عن زمان
لكن غصب عنى
الظروف اقوى منى بكتير

وهاحاول يكون تاثير النقد ايجابى على قد ما اقدر

وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

ألوان

المسأله مش انى بأمثل هنا
لكن مشكلتهم انى باكتب عن الذكريات
ونفسهم ترجع من تانى
لكطن فى رأيى صعب الايام الجميله ترجع من تانى

شكرا على الدعم
بجد فرحان بيه جدا


وكل سنه وانت وكل أحبابك فى إيمان وأمان وأمن وخير وسلام وطمأنينه

الازهرى يقول...

صباح الجمال يا معلمى الغالى


وكل سنه وانت وكل أحبابك فى إيمان وأمان وخير وسلام وطمأنينه

أما عصابة التوت فلسه فى جزء تانى وتالت ورابع كمان منها
ذكرياتى فى الموضوع ده كتيره جدا

تعمل ايه بقى فى شياطين الطفوله

شكرا على الدعم

الازهرى يقول...

ضد الغاليه

كلمة تمثيل فى رأيهم مكتوب فى تعليق واحده منهم تحت اسم غير معرف
انا فتحته مخصوص علشانهم

والمشكله ان اعتراضهم على الواقع مش الكتابه
واضح انى ما وضحتش كويس المشكله

بس اهم حاجه من غير نرفزه
واظن توقعا يعنى ان العلامه دى تكشيره
انا صح ؟

وكمان انت مش فاهمه انا مستنى مرور سنه وفى الذكرى السنويه يوصل الحبر

وكل سنه وانت وكل أحبابك فى إيمان وأمان وخير وسلام وطمأنينه
*****************
بس العلامه التانيه ايه هه ؟

الازهرى يقول...

القدر وأنا
ربنا يبارك فى وفى العسول الصغير يا رب
وبإذن الله يبقى أحسن مننا كلنا
وربنا يجعله سبب فى على الأزهر والأمه
وشكرا جدا على الإطراء الجميل للمدونه

وفعلا انت وصفت المشكله صح
وهاحاول أكون كده

وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

سفرووووووووووووووته

وهذا هو ما أحاول أن أفعله
وسأحاول أن أنفذ ما تقولين
وأسألك الدعاء


وكل سنه وانت وكل أحبابك فى إيمان وأمان وخير وسلام وطمأنينه

سندس وأمل يقول...

انا هقول الى فى نفسى اكتب الى فى قلبك

وخلاص....ويعنى يعنى اضرب ليهم طناش..

خليك ع الى انت فيه ...

ومدام حضرتك بتكتب من تلقائى

نفسك يبقى حضرتك مش بتألف

فخليك ع نفس الطريق...

وفقك الله يااخى:)

اه وكل سننننننننننننننننننننننننه

وحضررررررررررررررررررررررررررتك

بألف صحه وسلامه...

سندس

Sweet Violet يقول...

يعنى حيرة و كمان مش عارف توضح
اممممممممم
الحالة دى مش لازم نسكت عليها ابدا
P:

ايوة انا قريت و فهمت الكلام
لكن
ياريت مافهمت الكلام v_v
لانى بجد زعلت قووووى
و طبعا هما الصراحة بقى معاهم حق
ياريت فعلا تحاول تكون فى الواقع زى المدونة
بدل ما الموضوع يحصل فيه تطور بقى و تبقى اتنين
P:

جد بقى
اللى انت شايف فعلا هترتاح فيه اعمله بردو
لان انت اكتر واحد يعرف راحته هتكون ازاى

يعنى العلامة دى تمشى كده فى امل انك تنجح
^_^

الوش التانى بقى وش زعلان
v_v
علشان الحبر اللى خلاص الامل راح انه يجى

مش عارفة هنفضل نعطى دروس لحد امتى احنا
×_×

mohamed ghalia يقول...

امضى فى مدونتك كما خططت لها
كل سنة وانت طيب

منى يقول...

لو من حفى افول رائى
فبقولك
اكتب براحتك
هما يمكن شايفين حاجه فى المدونه غير اللى يعرفوه عنك
واعتقد ده مش تمثيل بالعكس هنا فى المدونه بتقول يمكن الحاجات اللى مش عارف تقولها بره او بالطريقه اللى انت حاسسها فعلا
شخصيه كل حد مننا فيها مكونات كتير اى فى كل وقت ومع كل حد هتلاقى صفات معينه اوضح من التانيه
المهم المجموع
وانت اخى مجموعك كبي والحمد لله

كل سنه وانت طيب

الازهرى يقول...

الصديقة الغاليه لحظة تأمل

صدقينى أنت أول من يصف الوصف الكامل لما أنا عليه

وكان من أسباب ذكريات فعلا اعادة الإكتشاف تلك ربما أصل لحل لما اصبحت عليه

واتفق معك فى أن كلماتكم قد ساعدتنى على اعادة التفكير فى امور عديده

وسأحاول أن يكون تأثرى ايجابيا واكتب ما بداخلى

ولا يوجد اطاله فانت مرحب بك دوما وانت تعلمين ذلك


وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

الصديقة الغاليه لحظة تأمل

صدقينى أنت أول من يصف الوصف الكامل لما أنا عليه

وكان من أسباب ذكريات فعلا اعادة الإكتشاف تلك ربما أصل لحل لما اصبحت عليه

واتفق معك فى أن كلماتكم قد ساعدتنى على اعادة التفكير فى امور عديده

وسأحاول أن يكون تأثرى ايجابيا واكتب ما بداخلى

ولا يوجد اطاله فانت مرحب بك دوما وانت تعلمين ذلك


وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

عاشقة الأحزان
وعليكم السلام وحمة الله وبركاته

الحيره صفه من صفات الانسان الطبيعى
لان دايما فى تساؤل

وباذن الله اقدر اعمل بالنصيحه

وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

متعبه هانم
يااااااااه من زمان اخر مره ناديت لك باللقب ده
اتمنى اقدر اجع انديك بيه من تانى
طبعا صعب اعلق على وصفك لى
لانك حره فيه
لكن اقدر وبكل بساطه انكم انتم هربتم
من يوم ان حدث ما حدث تفرقت الدنيا بكم وسافرتم وتركتم ما كنا فيه وما اتفقنا عليه
نسيتم أحلاما وما رسمناه لسنوات طوال
هربتم من مواجهه مباشره لما حدث
اما انا
فظللت هنا واجهت ولم أهرب مثلكم
صحيح أننى هزمت فى العديد من الجولات إلا أنه يبقى لى شرف المحاوله
ويبقى أننى لم أتخلى عن أحلامنا من اجل عارض مهما كان شأنه بداخلنا ومها كانت قسوة ما حدث لنا

أنتم الهاربون لا أنا
أنتم من يجب أن تعودوا وتواجهوا ذكرياتكم وتستعيدوا أحلامكم من جديد
نحن من يجب أن نتكاتف كى نثأر ممن حطم أمالنا يوما ما

فهل ما زلت أنا الهارب ؟

الازهرى يقول...

أبو علىىىىىىىىىىى

خير الكلام ما قل ودل
هكذا قال العرب

وشكرا على التذكره الجميله

وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

حبيبنا الغالى أ/بيرم المصرى
أتمنى من الله تعالى أن يعيننى على شكرك على كل هذا الإهتمام بى
فى ظل غيابى عن الجميع

وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

عاشق ضوء القمر

وعليكم السلام ورحمة الله وبركاته
شكرا على التذكره الجميله

وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

سمكمك

ربنا يكرمك يا رب دايما

وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

جى جى

وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

سندوس

فعلا عندك حق

لكن برضه احاول اعمل بكلامك
وربنا يعينى

وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

ضد الغاليه

خلينا نسكت على الموضوع ده مؤقتا لحد ما نخلص الأهم
لكن بلاش العلامه دى بالذات

كويس انك فهمتى المشكله
لكن المشكله الأكبر فى سببها
ومين فينا على حق الموضوع مش موضوع مزاج ودماغ على الفاضى

شكل الموضع هيطول فبلاش زعل او غيره مؤقتا
خليها لوقت تانى
وتابعى
والحبر على حسابى المره دى

الازهرى يقول...

محمد غاليا

شكرا على الدعم الجميل

وكل سنه وانت وكل أحبابك فى إيمان وأمان وخير وسلام وطمأنينه

rovy يقول...

السلام عليكم
اولا كل سنه و انت طيب يا ازهرى و رمضان كريم عليك و علينا جميعا يارب
بالنسبه لسؤالك عاوزه اقولك اكتب اللى انت حاسس به و بس مهما كان النقد اكتب ياحساسك الجميل اللى اتعودناه و سيب افكارك تنساب بانسابيتها السلسه التى احببناها و اوعى تحاول تكتب زى ما اى حد غيرك عاوز
الكتابه دى احساس للكاتب وحده و حق مطلق له مش من حق اى حد يتدخل فيه او يحاول يفرض اى شىء عليه
و صدقنى صدقك ده هو اللى خلاك الازهرى اللى كلنا بنحترمه و بنقدره جداا
و كل سنه و انت طيب مره اخرى
اراك اخى الكريم ان شتء الرحمن بعد اجازتى الرمضانيه على كل خير يارب

تحياتى

غير معرف يقول...

ازهرى

طبيعى على المدونة ممكن يحسوا باختلاف لانك على المدونة بتكلم من قلبك ومن اعماق نفسك عن ذكرياتك اللى انت جزء منها وهى جزء منك عن كل حاجة حلوة او وحشة انت حاسسها

مش محتاج تكلم بحساسية زى مانت على الحقيقة خايف تقول حاجة جواك خايف من ده ومن ده خايف تكشر يفتكروا فى الامور امور

تفتكر لو احنا فى الحقيقة زى المدونة كنا عملنا المدونة ليه

على فكرة بالرغم ان بكتب اللى جوايا على المدونة بس برضه انا زى منا مقدرتش اكتب مشاعر او مشكلة تخصنى
واعتقد ان انت كمان صامت فى الحقيقة وبتحاول تكلم هنا لكن برضه ساعات بحس بالصمت فى كلامك وبتغطيه بالهزار والضحك يعنى انت زى مانت الفرق ان انت هنا غالبا بتكتب وبتكلم مع ناس متعرفهمشى من وراء فاصل فمش خايف من حاجة

تحياتى

ايمى بيبى

princess يقول...

متهيالى صعب اوى حد يدخل ان الواحد يكتب ايه لان اغلبنا بيكتب اللى بيجى على دماغه من غير ترتيب او تفكير بس ممكن نسمع اراء الناس ممكن تفيدنا فى حاجة بس يبقى الاموضوع تكتب ايه ومتكتبش ايه ده مش مقبول

غير معرف يقول...

تانى يا أزهرى
يا ابنى انت مش ناوى تعقل وتسيب الموضوع ده برضه من دماغك
فاكر يا أزهرى أخر مرة كنا مع بعض فى الاستاد قبل ما اسافر
اتكلمنا فى الموضوع ده برضه
وقلت لك ان احنا زهقنا وكفايه لحد كده احلام بقى
خلينا فى الواقع
هتقول انهزمنا
يمكن بس على الاقل قدرنا نعيش حياتنا من تانى طبيعى زى باقى البشر
نجحنا فى اماكننا وحالتنا بقت كويسه ماديا ومعنويا
واتحدينا ذكرياتنا ودفناها فى ركن بعيد جدا جوانا

انت بقى لسه عايش معاها وبتجدد فيها ومش عايز تشوف الدنيا من حواليك
حاول تطلع منها
الحياه من حقك تعيشها كانسان طبيعى من تانى
من حقك قلبك يتحرك من جديد ويحس من جديد
من حقه يلاقى مشاعر تانيه غير الحزن والألم والانتقام
من حقه يكون زى أى قلب عند اى حد تانى على وجه الارض
حاول تهرب انت كما لو كنت بتقول على اللى احن عملناه هروب
يمكن تنجح انت كمان وتقدر تعيش من تانى
وكفايه بقى فتحك للجراح القديمه
حرام عليك يا ابنى خلي الجرح يخف

متعبه هانم

عمرو يقول...

كل سنه و أنت طيب ..
ربنا يتقبل صيامنا و قيامنا و يجعله شهر خير و يمن و مسرات ..
تقبل تحياتى و تقديرى ..

الازهرى يقول...

منى

أعتقد إنك لمست جزء من المشكله
هم مش معترضين على المدونه
بالعكس عم نفسهم أرجع تانى زى ما أنا فى المدونه

أما بالنسبه للمجوع فأنا متشكر جدا
لكن تفتكرى ممكن أدخل بيه إيه ؟

تحياتى دوما
وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

أختى الغاليه أم مريم
وعليكم السلام ورحمة الله وبركاته
وكل سنه وانت وكل أحبابك فى إيمان وأمان وخير وسلام وطمأنينه

المشكله إنهم بيوافقونى على الكتابه لكن نفسهم تبقى الكتابه زى الواقع
يعنى أبقى فى الحقيقه زى هنا
وهو ده الخلاف

ترجعى بألف سلامه
وكل سنه وانت وكل أحبابك فى إيمان وأمان وخير وسلام وطمأنينه
كمان مره

kochia يقول...

كل سنة وانت طيب
ويارب يكون رمضان سعيد علي كل الاوجه
ويديم عليك الصحة والسعادة والايمان

الازهرى يقول...

الصغنونه

تعرفى انك وصلت كتير لجوه
فعلافى حاجات مش قادر اطلعها من جوايا
بس مش خوف من الناس حواليا
لكن خوف عليهم
فى حاجات لو اتعرفت تخليهم يخافوا
مش علشان انها غلط
لكن مفيش حد ممكن يصدقها برضه

وفعلا انا باهرب بالضحك سواء هنا او بره

تحياتى وخالص تقديرى ومودتى

الازهرى يقول...

أميرتنا

الموضوع مش اكتب ايه ومش اكتب ايه
انا مش عارف اعبر عن المشكله بالضبط
حاولى تراجعى التعليقات وتفهمى

تحياتى دوما
وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

متعبه هانم
أيوه تانى وتالت ورابع وعاشر
ولو العقل بالنسبه لكم
انى اعيش من غير هدف يبقى افضل مجنون أحسن
ولو النجاح معناه انى اكون مجرد حيوان يدور فى ساقيه وكل همه انه يخرج المياه او يخطط الأرض كويس علشان تنتج برسيم يقدر ياكله
يبقى الفشل أرحم
أما عن قلبى فمش بمتاح أقفله وأفتح
وأما الجرح فسأعود لما كنت أقوله قديما
إننى فلاح تعلمت من الصغر أن الجرح لن يندمل إلا بعد أن آخذ حقى كاملا

وكل سنه وانت وكل أحبابك فى إيمان وأمان وخير وسلام وطمأنينه

الازهرى يقول...

عمنا الغالى عمرو

وكل سنه وانت وكل أحبابك فى إيمان وأمان وخير وسلام وطمأنينه
دمت بكل الحب والتقدير

الازهرى يقول...

كوشيا
أخيرا وبعد طول انتظار

كل سنه وانت وكل أحبابك فى إيمان وأمان وخير وسلام وطمأنينه

شمس النهار يقول...

اولا ازيك
شوف ياازهري
كتير من المدونين بيكتبوا عكس شخصياتهم تماما يمكن بيكتبوا اللي كان نفسهم يكونوا مااعرفش
بس الاغلب الاعم بيكتب اللي هو عليه سواء في العلن او بينه وبين نفسه

المهم انك انت تكون انت تكتب اللي جواك
وحبيت نشاركك بالتعليق مافيش مانع
حبيت تغلق التعليقات علشان مش عايز حد يشاركك واهي تبقي فضفضه وخلاص براحتك
المهم انك تعمل اللي انت مقتنع بيه
كل سنه وانت انت كده طيب وجميل

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله