الاثنين، 9 ديسمبر 2013

راجع أكيد




شايل لبكرة كل حاجة وعكسها
 
شايل يا بكرة ألف ضحكة وزيها


ضحكة أمل من غير ألم 
 
رحلة طويلة ومبهجة 
 
في الذكريات


ماشى بأفكر من سكات 
 
ماشي وبأغني ألف غنوة 
 
ألف رقصة بتنطلق 
 
ضحكة جميلة بتتخلق 
 
فرحة ودايرة في القلوب 
  
من غير كروب


ماشى  وبأرسم ع الحيطان
 وردة ربيع مفتحة

زهرة هنا وزهرة هناك
 
والنحل راجع بالعسل


والقلب راجع بالأمل 
 

هناك 3 تعليقات:

ندى الربيع يقول...

حلوة أوى
ربنا يسعد أيامك ويسعدنا جميعا ويملأ قلوبنا تفاؤل....
تحياتى ؛؛؛؛

رئيس التحرير يقول...

راجعين بعون الله ... و الهموم علي الله .

لــــ زهــــــراء ــــولا يقول...

حسيت بالامل ماليني واني ماشية في بستان وقت الربيع (:


لولا