السبت، 22 يونيو 2013

27/6


صباحكم ثكر 
بتوقيت القاهرة 
وعلى المقيمين خارجها 
مراعاة فروق التوقيت 


بعد شوية الورود الجميلة دى 

 

 والشوكولات الجميلة اللى تهبل دى 



نبتدى الحفل بتاعنا



ودى تروتة خفيفة كده 


وكمان واحدة 


 وواحدة للعسولات 

 .











وشوية ورد للحلوين الحاضرين معانا







ودول حبة هدايا منى للناس اللى جت 



أما الوردة دى فلى أنا 
ومش عايز حد يقول لها عليها 
علشان هى مش بتحب اللون الأزرق فى الورد
سر بيننا بقى وكده 


وطبعا الهدية دى منى لى أنا 



 والتورتة دى لى أنا 




وطبعا دا أنا :)

أما دى فتورتتها 


ودى تورتة بنوتاتها 



والورد دا لها 


ودى هديتى لها 



وطبعا أى حد عايز يجيب لها هدية مفيش مشكلة 
يبعتها لها هنا
وأنا وهى هنقسم بالتساوى 
أنا التلتين وهى التلت
نعم ؟؟؟؟؟؟؟؟
ظلم 
ظلم مين حضرتك 
اسحب يا ابنى منه الحلويات والهدايا والورد واطرده 
ما هو أنا يا جماعة هآخد التلت بصفتى صاحب المدونة 
والتلت بصفتى ابنها 
فيها إيه دى نفسى أعرف يعنى 

مين ؟؟؟
يا بنتى ارفعى صوتك شوية
عينى على سرسعة البنات دى 
حاجة قرف 

أيوه قربى وعلى صوتك كده 
نعععععععععععععععععععععععععععععععععم
بره
بررررررررررررررره
اطلعى بره حالا 

قال مش عارفة عيد ميلاد مين 

ماما شموسة طبعا 





هناك 28 تعليقًا:

rovy يقول...

كل سننة و أحلى شموسة طيبة و أنت كمان طيب يا أجدع أزهرى .. :)
وحشتنى المدونات جدا .. تصور مش عارفة أدخل مدونتى شكلها بتعاقبنى علشان اهمالى لها :(
___________ روفى عبدالله

rovy يقول...

وشكم حلو عليا اوى عرفت ادخل :))

gogo!sf يقول...

حبيبتى يا مدام شمس كل سنه وانتى بالف خير يارب
عيد ميلاد سعيد وعقبال مليون سنه وانتى جميله زى مانتى
بحبك جدا على فكرة ... حضرتك شخصيه مريحه كتير
كل سنه وحضرتك طيبه

SHAPE YOUR LIFE (ABOALI) يقول...

كل سنة والشمس عنوان لدفء حياتك وضياء لروحك وسمو لشخصك
عمر مديد. بالبركة والخير والهنا
وتقديري لأزهرى لحسن تذكيرنا بمن نحب

النسر المهاجر يقول...

صباح الورد وكل سنة وأنتى بخير وسلام

لــــ زهــــــراء ــــولا يقول...

اسااااااااامه

طول عمرك انسان ذوووووق ذووووق ذوووووووق
وشموسه دى حبيبة قلبى
كل ثانيه وهى منوره حياتنا ونورها دفء وضياء وهدوء
وكل لحظه وانت انسان محترم راقى طيب


زهــــــــراء

L.G. يقول...

انا عايزة التورتة وبعدين ماما مين يا بني شمس النهار طول عمرها بتكون صبية كفاية انها بتشرق كل يوم وتنور الدنيا

طبعا كل يوم وشهر وسنة وهي طيبة وسعيدة يارب
تحياتي

غير معرف يقول...

كل دى حلوياااااااااااات اه قلبى الصغير لايحتمل♥....كل سنة وانتى بصحة وعافية
يااااااااااااه انا بقالى قرن مادخلتش مدونات ولا علقت
تسلم الأيادى ياأسامة^^
كيكى عووووووو

ابراهيم رزق يقول...

كل سنة و انتى شمس

طبعا انا مجبتش هدايا
لانى لازم اعمل حفلة عندى و كنت بحضرلها
لكن اوس سبق

تحياتى

شمس النهار يقول...

اسامة ازهرررررررررري

شكرا شكرا

مع انك مقلبنجي قديم
بس الشهادة لله اصيل وكلك ذوق
:)

ماعندكش فكرة فرحت بالحفلة دي ازاي
انا فعلا كنت قافله من بلوجر وزعلانه

بس المهون عليا انه كان السبب اني اتعرفت عليكم
وربنا مايحرمني من صداقتكم:)
ملحوظة بقا علي الماشي كده
خدوا الحلويات كلها ومافيش مانع تاخدوا الهدايا وفي دبدوب قاعد ومستكنيص كده علي الاخر برضوا خدوه ده ازهري هنضحي بيك معلش
بس حذااااااري
ونيفر افير
حد يمد ايده علي الورد بتاعي
ونخص بالتهديد والوعيد الورد البينك اي البمبي
:))))
يجعل حياتكم كلها بمبي
:)
وكل سنه وانتوا طيبين ومتجمعين في الخير:)

شمس النهار يقول...

*** روفي الجميلة
انتي كمان وحشتيني ووحشتي بلوجر

وكل سنة وانتي بالف خير
مدونتك كانت من اجمل المدونات
هجرتيها ليه ؟؟

شمس النهار يقول...

** جوجو
حبيبتي انتي اللي جميلة وروحك حلوة وشايفة الناس كلها كده
ربنا يكرمك وكل سنة وانتي بالف خير
وسلامي لنااااادر اوعي تنسي
:)

شمس النهار يقول...

** ابو علي
اهلا اهلا
بالغائب
كل سنة وانت طيب
وليه حرمتنا من تدويناتك اللي بجد كانت بتبعث الامل والبسمة
ياريت ترجع وتنور مدونتك تاني:)

شمس النهار يقول...

**جمال
صباح الهنا
كل سنة وانت بالف خير
انا بنشر اللينكات علي جوجل مش بتعلق ليه انت من الناس اللي يهمني فعلا اعرف رايهم في اللي بكتبه:)

شمس النهار يقول...

**زهراء
كل سنة وانتي فرحانة وسعيدة وبصحة
انتي كمان ولولا حبايبي
ومدونتكم من المدونات المتميزة بالافكار اللي كنتوا بتعملوها
ربنا يكرمك ياجميلة

شمس النهار يقول...

**ل جي

شكرا علي كلماتك الجميلة
انتوا اللي مشرقين
وانا بستمد الحيوية منكم ومن مدوناتكم الجميلة
وربنا يكرمك
وكل سنة وانتي غالية وبصحة وسعادة:)

شمس النهار يقول...

**كيكي
:))
ايوة كل دي حلويات
اسامة بيتأمر علي رشاقة بنات بلوجر
:))
خدي ياحبيبتي اللي انتي عايزاه
:))
وليه بقالك كتير ماجيتيش هجرانا ليه
وكل سنة وانتي بالف خير وصحة

شمس النهار يقول...

**ابراهيم رزق

:)) كل سنة وانت بالف صحة وسعادة وخير

اللي بيحصل هنا بمليون هدية ياابراهيم
وبجد انا هديتي ان بلوجر يرجع ينور تاني بناسه

Ramy يقول...

اها

((:

كل سنة و استاذة شمس طيبة و بخير و سلام

مادام زعلانة مننا بقى و قافلة التعليقات و مش عارفين نعلق و لا نعيد (:

فيك الخير يا واد يا اسامة

(:

Kiara يقول...

كل سنة وانتي شموستنا ياماما شموسه

كل سنة وانتى طيبة وبخير يارب

Unknown يقول...

كل سنة وهى بخير
لفتة حلوة منك يا ازهرى
ومجموعة حلوة اوى من الهدايا
والتورتات يسلم ذوقك

غير معرف يقول...

كل سنه وهي طيبه :) .. وجميل انك افتكرت والله :)


شموسه دي شمس البلوجر والله .. بس ايه ماما دي؟ عامل نفسك صغير :D

إمضاء فتاه من الصعيد .. عشان مكسله ادخل على اكونت المدونه

شمس النهار يقول...

*رامي

اهلا بيك
:)
كل سنة وانت بالف خير وصحة وسعادة

كلك ذوق يارامي
ماتحرمش منكم يااجمل صحبه
:)

شمس النهار يقول...

*كيااااراااا

اهلا اهلا
انتي فين وحشتيني خااااالص
جدا قوي
مافيش تليفون حتي :)

كل سنة وانتي بالف الف خير
وبرافوا علي اسامة انك عرف يخليكي تظهري هنا في بلوجر:)

شمس النهار يقول...

نورهاتي

كل سنة وانتي بالف الف خير
ياصحبة زمان الجميلة
:)

شمس النهار يقول...

*فتاة من الصعيد

:))
كل سنة وانتي طيبة وبخير ياغالية

خالي بالك ان اسامة برضوا ممكن يطلع منه حاجات كويسة

ومبسوطة ان التدوينة دي جمعتكم كلكم هنا
وطمنتني عليكم:)

richardCatheart يقول...

:) كل سنة وهى جميلة وطيبة وحبيبة الكل التاريخ خضنى هههههههههههه اصله تاريخ ميلادى انا كمان :) صدفة جميلة اوووووووووووووووى بجد ربنا يسعد ايامها يارب وتسلم الايادى يا اسامة على الحاجات الجميلة دى :)

شمس النهار يقول...

richardCatheart

:))
صدفة جميلة

يبقا كل سنة واحنا الاتنين طيبين