الخميس، 14 أكتوبر 2010

جمعية المرأة المتوحشة 2


مش عارف صراحة ليه يا جماعة الكل مصر إن الكائن المسمى أنثى كائن له قيمة فى المجتمع ونفعه أكبر من ضرره فى رأيي العكس ، بس قبل ما اكمل الحكاية فى وعد لازم أنفذه وهو حكاية بسيطة عن موقف حصل يوم الجمعة اللى فاتت مع اتنين من الرغايين ( وكل واحد عارف نفسه ) .


كان فى جماعة زمان مسافرين وماعهم واحدة والعياذ بالله صدااااااع زى إخواننا البعدا وبعد شوية واحد كبير قال لها بصى يا ستى إنت تاخدى نص ريال وتقعدى ساكته ، اتفقنا ؟ فوافقت وفضلت قاعدة وهى مش على بعضها وتاكل فى نفسها بس الاتفاق كان حاكمها وبعد شوية لقيوها قامت وراحت للراجل ده وقالت له خد يا عم انتم هتذلونى علشان نص ريال .


المهم نرجع تانى للجمعية المشئومة وأعضائها قصدى عضواتها اللى ربنا يهديهم .


من كام سنة برضه كان فى واحد من قرية جنبا وكان بيتعامل معانا وهو شخصية محترمة جدا جدا جدا ، بس للأسف ربنا رزقه بزوجة محترمة وذكية ومن بيت كويس ، لكن الزن على الودان أمر من السحر وبدأت الودودة ولوك لوك لوك لوك مع حريم الجيران وشوية شوية لقيت إنها محتاجة حاجة ضرورية جدا وصعب تعيش من غيرها ، وهى التليفزيون التوشيبا 21 بوصة تورنادو ، ومن مرة لمرة وهو يصبر فيها لإنه كان كبير إخواته وجوز أختين وساعد أخوه الصغير فى جوازه وكله على إيدى كان بياخد الطلبات من عندنا وكان نعم العميل ، المهم لقيته داخل على ووقفت واستقبلته ورحبت بيه وكنت فرحان جدا بمقابلته ، وبعد شوية لقيته بيقول لى قاصدك فى خدمة ، قلت له عينى يا صاحبى إنت تؤمر ، قال عايز تليفزيون 21 بوصة تورنادو ، فبصيت شوية كده وقلت له لمين ؟ إنت نويت تتجوز ولا إيه ؟ ، ضحك وقال لى لا والله وهو أنا مجنون أعملها تانى بس ده للبيت عندنا والله الكل مصر إنهم يجيبوه مع أنى كنت خلاص نويت أريح دماغى من التقسيط شويتين وأفوق للعيال بقى بس تعمل إيه بقى فى مكر الحريم ، قلت له غلب كيد الشيطان إنت هتقول لى ، قال الجماعة عندنا كبر فى دماغها موضوع التليفزيون ولما بقيت أقول لها إن شاء الله بعد ما أخلص إخواتى وبكرة بعده وبعد بعده لقيتها هى والعيال طلعوها فى دماغ الحاج وقالوا له على القنوات الدينية والإخبار وخلافه وإنت عارف بقى إنه من وقت ما العيا مسكه وهو قاعد فى البيت ولا بيروح يمين ولا شمال ، قلت له طيب ما تاخد 16 بوصة دا الفرق تقريبا 500 جنيه وإنت أولى بيهم ، ضحك وقال لى لالالالا ما ينفعش يا أخى ما دام الحاج طلب حاجة يبقى لازم أقول حاضر أنا عارف ومتأكد إنه مش هيعرف الفرق وكمان لو افترضنا إن المقاطيع اللى فى البيت مش هيفضحونى بس يمكن حد يشوفه عندنا فى البيت ولا حاجة ويعرف إنى جبت حاجة غير اللى طلبها يزعل منى وأبقى رحت فى داهية ، هات لهم اللى هم عايزينه وريح ى دماغى والله المستعان بقى فى موضوع الدفع ده ، قلت له عينى ودخلت المخزن ورجعت له بيه وأخده وروح .


وأنا قعدت محتار فى كيد النسوان اللى غلب كيد الشيطان .


نعمل إيه بقى زمن واللى جاى أسوأ وأسوأ بس خلى الكلام ده المرة الجاية إن شاء الله .

هناك 50 تعليقًا:

SHAPE YOUR LIFE (ABOALI) يقول...

نقووووووووووول اول تعليق

SHAPE YOUR LIFE (ABOALI) يقول...

ونشارك فى التوحش بثانى تعليق

SHAPE YOUR LIFE (ABOALI) يقول...

ونزيد التوحش توحش بثلاثة

SHAPE YOUR LIFE (ABOALI) يقول...

ياااااااااااه على الجعيات وسنينها
الوطن بقى منقسم جمعيات واقساط

ههههههههههههههه

SHAPE YOUR LIFE (ABOALI) يقول...

بس تفتكر يا ازهرى الجعيات دى
بالدولار الاشتراك فيها ولا الجنيه

SHAPE YOUR LIFE (ABOALI) يقول...

اعترف بقى كااااااااام جمعية فى الوطن

اوعى تقولىىىىىىىىى جمعية الامم
ازعل

SHAPE YOUR LIFE (ABOALI) يقول...

نعمل كام رقم قياسى بقى قبل التعليق

SHAPE YOUR LIFE (ABOALI) يقول...

التوحش التوحش

يعنى جاية من الوحش ولا الوحشين

يع يع

SHAPE YOUR LIFE (ABOALI) يقول...

الله عليك يا ازهرى وانت عندك جمعية للتعليقات

ياااااااااا بختوااااااااا

SHAPE YOUR LIFE (ABOALI) يقول...

يااااااااااااه تسعة

الجمعية هاتولد فى التاسع

SHAPE YOUR LIFE (ABOALI) يقول...

ولا اقولك ناءجل ولادة الجمعية فى العاشر والحادى ونتفاهم بقى

SHAPE YOUR LIFE (ABOALI) يقول...

تصدقك انا حاسس بتوحش موقفى

الازهرى يقول...

ترررن

SHAPE YOUR LIFE (ABOALI) يقول...

سااااااااااامحنى بقى يا ازهرى

هو ده حال التوحش يوم فى حواء ويوم يكون عند ازهرى

SHAPE YOUR LIFE (ABOALI) يقول...

هههههههههههههههههههههههههههههههه

ليييييييييييييييييييييه بس
كده

ده توحش توحش

SHAPE YOUR LIFE (ABOALI) يقول...

نقرء ونعود بعد الفاصل الاعلانى

الازهرى يقول...

أنا قاعد لك مخصوص

ولولا إن والدتى نادت لى كنت وقفتك من البداية
إنما حظوظ بقى

SHAPE YOUR LIFE (ABOALI) يقول...

وعندك تلفزيون 21 توشيبا تورنادو للحاج

قااااااااااااااال حاج قاااااااااال

ههههههههههههههههههههه
يااااااااااعم قولت ليك ارزاق واعلانات ليل نار

وده شغل دعاية بقى

بس لعلمك التجديد مطلوب بقى يا ازهرى
وفيه موضة هاتظهر بعدين اسمها HD

وغيرها
يعنى الحق نفسك بقى وغير التموين

تقديرى الكامل

الازهرى يقول...

أبو علىىىىىىىىى

إنت اللى معلوماتك متأخرة كتييييييييييير
دا ظهر من زمان
لكن تعرف إحنا عندنا فى البيت تليفزيون 14 بوصة القديم فاكره أبو زراير ده
ومش لاقى حد يتفرج عليه كمان

تعمل إيه بقى حظوظ

وكمان التورنادو ده اختفى من السوق من سنتين تقريبا بقى موضة قديمة


مش قلت لك إنت من زمان مش مصدقنى

ألـــــــوان الحيــــــــاة يقول...

لالالالالالالالالالالالالا

لا سلام ولا كلااام

انا قلت اجى اسلم

وكأن قلبى حاااسس

اتارى فيه مكائد بتدبر ضدنا

داحنا ملايكة بس اللى يفهمنا

ده ظلم واضح وصريح وان شاء الله جمعية المرأة تلات تربع المجتمع حسب اخر احصائيات هتيجى تقفل المدونة دى

:P:P:P

جايدا العزيزي يقول...

هههههههههههههه

ممكن تحجزلى مكان

العصفورة بتقولى انك

بتحب النوع ده جدا

ياعم توفير

احلى حاجه فى الماركه دى

ان الارسال شغال 24 ساعه

النور يقطع والارسال شغال

هههههههههههههههه

شفت بقى مصلحه

تحياتى

الازهرى يقول...

ألوان الحياة

يا مغلبانى إنت فين
حفينا بعدها لقيت بوست الأمن المركزى من غير تعليقات قلت اتقبض عليكى
صحيح كنت فرحان بالتخلص من زعيمة من زعيمات المعارضة بس برضه كنت عايز أعرف أبعت العيش والحلاوة على فين

وكمان إيه الجمعية التانية دى كمان هو أنا كل ما أقفل واحدة تطلع لى التانية

حرااااااااااااااااام

راجية الرحمه يقول...

امممممممم
ظلم بالثلاثه صدقنى
صوابعك مش زى بعضها
والله احنا تليفزيونا بايظ بقاله 6 شهور واحنا اللى بنتحايل على والدى علشان ميشتريش واحد جديد
مش علشان التوفير والكلام الفارغ ده بس علشان عايزه اغير من كبمبيوتر للاب :D
بس لامانه اللى بابا علمهالى تجبرنى انى اقول ان الستات مفتريين جدا
ميحشروش نفسهم فى حاجه غير ولازم تخرب
لكن هما برضه روح الحياااه

الازهرى يقول...

جايدا العزيزى

محجوز لك اتنين مش واحد ولا يهمك
أنا أساسا مش من هواة التليفزيونات وكل سنة لما أقعد واتفرج على حلقة من مسلسل

لكن والحق يقالالماركة نضيفة جدا جدا جدا

الازهرى يقول...

راجية الرحمة

يعنى برضه مصلحة
اشهدوا يا بشر وادى كمان مثال حى على اللى بأقوله
حد يخلصنا من الجنس المفترى ده بقى
ربنا على الظالم والمفترى


روح إيه بس وأشباح إيه
هو فيلم اجنبى ؟

طوبه فضه وطوبه دهب يقول...

ليه كدا بس لعبت انت كدا فى عداد عمرك يا ازهرى بس عايز الصراحه الصراحه والله عندك حق الستات دى يتفات لها بلاد يا اخى وعليهم كيد يغلب شياطين مش شيطان واحد الله الله ايه اللى انا بقوله دا المهم الحق اجرى قبل ما اخربها اكتر من كدا

لــــ زهــــــراء ــــولا يقول...

السلام عليكم
ازيك يا فندم يارب تكون بخير وسعادة ..
انت سميت البوست في التسميات امراة ..انت لخصت المرأة في الرغي والالحاح!!
لـــولا

صدى الصمت - عاشقة الورد - يقول...

اية يا عم أزهرى دة ؟
إية الهجوم المتعصب دة على الجنس الناعم
على فكرة مش كل نون النسوة متوحشين وبرضة مش كلهم ملايكة
إهدأ شوية أحسن نعمل حزب عليك وننشر كل بلاوى الرجال المتوحشين إحنا كمان
ونتمسك بحقوق المساواه والحاجات دى
تحياتى ليك كتير

ألـــــــوان الحيــــــــاة يقول...

عيش وحلاوة !!!

بعد الشر ان شاء الله المعارضين :p

بس بجد بالنسبة لموضوع البوست

مش كل الجنس الناعم كده ...هو اه فعلا فيه ستات عاوزين ضرب النار

بس برضه فيه رجالة الكلاشينكوف ميكفيهمش

والحياة متنفعش تمشى سلسة كده من غير ست من النوع ده او رجل من النوع الاخر

ولا اية ؟؟

Foxology يقول...

دى غيرة يا صديقى وغيرة عمياء كمان من باقى النسوة نظام اشمعنى فلانة عندها وانا لأ ؟؟؟؟

عادى يا صديقى دى سنة الله فى خلقه وله فى خلقه شؤون !

تحياتى

الازهرى يقول...

طوبة فضة وطوبة دهب

حتى أنت يا بروتس
إذا فليسقط قيصر

صحيح إنت أقريتى حقيقة بس برضه طلعتى جبانة وجريتى
طيب أقفى مع أخوكى بدل ما يقف لوحده فى وش الناس اللى فى بالك ويروح فى الكازوزة

أقول إيه بس
الله المستعان

الازهرى يقول...

لولا

وعليكم السلام ورحمة الله وبركاته

لأ أنا ما لخصتهاش فى كده إحنا لسه فى بداية الكلام
اصبرى للنهاية واحكمى

وكمان أفندم دى بتجيب لى حساسية
ترضى يبقى عندى حساسية ؟

الازهرى يقول...

صدى الصمت

أعمل إيه بس م أيام المكرونةوالمقالب وأنا ساكت
بس هما اللى زنوا على خراب عشهم وأقول لهم اعتذروا بيتبجحوا برضه ويقولوا هيمسحونى من التدوين
قلت نفد الصبر وهم الجانيين على روحهم

أما موضوع المساواة ده فجاى فى السكة
ونصيحتى اختارى المعسكر الصح

الازهرى يقول...

ألوان الحياة

ما هى المشكلة إن الوضع بقى مشكلة
ما بقاش واحد هنا وواحدة هناك
أصبحوا كتيييييييييييييييييير

وأنا واخد الجنس الناعم الأول (ولو إنى معترض على ناعم دى المفروض الجنس الوحشى ) لكن بعدها هأجيب سيرة الرجالة المغلوبين على أمرهم فى الحياة

تحياتى دوما

غير معرف يقول...

الستات معظمهم طيبين

همسات وبحــ الحياه ــر يقول...

القنوات الدينية والإخبار
هههههههههه

ان كيدهن عظيييم

ربنا يصبره اصل الست لما يطل فى دماغها حاجة لازمن ولابد تتنفذ
طب كنت خليه ياخد ال16 بوصه كدا
وهى تعرف انك اللى وزيته ههههههه
اتقى شر الحريم اذا غضبت هههه

فشكووول يقول...

السلام عليكم
طبعا جمعية المرأه المتوحشة بقيادة ستيته الحمش .. دى حاجه الكل بقى عارفها وهى بقت متوحشه خالص على الرجاله

بعدين يا سيدى انت عشان مش اتجوزت لسه مش تعرف كيد النسوان ده كله .. دا يا دوب بيحكو لك عليه

اصل ايه .. الست لما تحب تعمل حاجه تفضل تزن تزن تزن .. تقوم انت تعمل فيها راجل وتروح طاقق فى وشها كلمتين من اللى قلبك يحبهم .. تقوم تسكت وتاخد رست وبعد يومين قول اسبوع ما تيئسش خالص وتبتدى تانى حالة الزن تقوم تكرر الكره تانى وبرضه ما فيش يأس يبدأ الزن من جديد وهلم جرا .. لحد سعادتك ما تيأس انت وتنفذ ورجلك على راسك وامرك لله بدل ما يتغلت عليك وطبعا كل الشعب معاها هى وضدك انت .. قصدى الشعب فى البيت .. فمالكش حل تانى يا حبيبى

انت ناوى تخطب امتى؟؟

الازهرى يقول...

يوميات شحات

حاليا معظمهم العكس

الازهرى يقول...

همسات

أنا شخصيا مفيش حاجة تخوفنى نهائى
بس كنت خايف على الراجل المسكين

بس أكيد

إن كيدهن عظيم

تحياتى دوما

الازهرى يقول...

عمنا فشكول
وعليكم السلام ورحمة الله وبركاته

صحيح أنا ما أتجوزتش بس عارفه كويس
أنا عندى تلات اخوات فى البيت مخليين دماغى هتنفجر وأجمل أيامى كانت لما أكون مسافر لكن طبعا دا قبل الإختراع المؤذى اللى اسمه محمول

ويعنى بعد كل ده يا عمنا وتقول لى أخطب ؟
الله الغنى

الازهرى يقول...

فوكسولوجى

آسف على تأخير الرد

سنة الحياة ولله فى خلقه شئون

تحياتى دوما

gogo!sf يقول...

والنبى انت قطاع ارزاق
مالك انت 21 بوصه ولا 16 بوصه
انت بتوفرله هو ولا بتوفر الدخل للمحل وربنا انت عندك ضمير

واقولك على حاجه بقى الراجل ده فعلا حد محترم جدا جدا عشان بينفذ رغبه والده بجد ربنا يكرمه من شر ام العيال ولسانها
ههههههههههههههههه

انت اخبارك ايه يا قمر وحشتنى بوستاتك ومدونتك جدا جدا

صباحو جميل يا مان

همسات وبحــ الحياه ــر يقول...

انت مخاصمنا ولا ايه :):):)

شمس النهار يقول...

مين اللي قال ياازهرررررري

ياخريج الازهر
:))

ان كيد النسا غلب كيد الشيطان

ولا انتوا قوم الرجال زعلانين ان ربنا قال في كتابه العزيز ان كيدهن عظيم

وانتوا لا

:))

Beram ElMasry يقول...

صديقي الازهري
سلامتك من الموت والتغير يكفي لتعديل الاوضاع الهمنا واياكم الصبر والمقدرة علي التغير
تحية وسلام ولاسلام مع بني اسرائيل

الازهرى يقول...

جوجو

صباح الفل والجمال والياسمين وكل الحاجات الجميلة اللى فى الدنيا

لا بأقول الحق ولو على رقبتى
ودا اللى أنا اتعودته من صغرى

واللهم اكفنا شر كل ما هو مؤنث فى الدنيا والأخرة كمان

وطبعا المكان مكانك من غير كلام

الازهرى يقول...

همسات وبحر الحياة
لا والله العظيم بس أعذرى أخوكى الصغير

الازهرى يقول...

شموسة الغالية

أييوه خريج الأزهر ومن مصادر التشريع فى الدين
العرف وإجماع الأمة
والإتنين على إن كيد النسا غلب كيد الشيطان
والتاريخ يشهد وكمان تابعى التدوينةالجاية وإنت تبقى فى صفى على طول

الازهرى يقول...

بيرم المصرى

اللم ثبتنا على الطريق الصحيح

تحياتى دوما وخالص مودتى

سهل وسهيلة يقول...

نتمنى أن تشاركنا التفكير في
كلانا يفكر
http://shlandsohila.blogspot.com


سهيلة