الاثنين، 18 أكتوبر، 2010

جمعية المرأة المتوحشة 3





وبعدين يا جماعة القضية هنا مش قضية توفير القضية أكبر من كده بكتييييييييييييير ، القضية إننا لازم يبقى لنا وقفة ضد الخبث والكيد الصادر من الناس دى وهأحكى موضوع عرفته يوم الجمعة اللى فاتت وأنا رايح المنصورة مع ناس من المتدربين معايا .


عندى ولد فى تالته ثانوى وبيقول إنه وهم فى أولى ثانوى عام طبعا مش أزهر كان فى نظام إن الوزارة تبعت منهج معين يدرس لطلبة معينه من المناطق التعليمية المختلفة ويروحوا يمتحنوا فيه ، ويبقى تنافس ، المهم الإدارة التعليمية عندنا اختارت الأول والتانى على البنات والبنين وشكلوا منتخب من أربع طلبة لتمثيل ، وقعدوا يدرسوا لهم المنهج ويذاكروا لهم وإلخ إلخ إلخ ، وجه يوم الإمتحان وكعادة طلبة الزمن ده ومهما كان مذاكر يقول لك البرشام فى جيبى أضمن ألف مرة من المعلومة اللى فى دماغى ، وعنها والدلد ده عمل برشام محترم للمادة دى وكمان إيه عمل نسختين مفيش حد عارف الظروف ، وراح على لإدارة علشان هيتجمعوا وبيوروحوا على مكان الإمتحان ، وعنها وأول ما وصلوا بيتكلموا راح الولد طبعا وبحسن نية ومبدأ الأخوة والزمالة وإننا فى جبهة واحدة قال على البرشام اللى فى جيبه ، ولقى البنت دى معارضه جدا جدا جدا الفكرة وإديته محاضرة جامدة عن الأخلاق والغش والخداع والحاجات اللى كلنا عارفينها دى ، وطلبت منه البرشام اللى فى جيبه وقالت لازم ولابد يترمى حالا ، والولد إداها واحد من البرشام اللى فى جيبه ، وراحت تخفيه هى من غير ما حد ينتبه لها ، وشوية والولد راح الحمام وهو راجع كان معدى عليهم وسط الزحمة وهم مش واخدين بالهم ولقيها بتقول لزميلتها والله الواد (س) ده مغفل قوى قعد يعمل فى البرشام الوقت ده كله وبعدها أخدته منه أنا على الجاهز ، وقعدوا يضحكوا عليه ولا الشياطين .


فاكرين الموضوع انتهى عند كده أبدا ، الولد كتم فى نفسه ودخلوا لجنة الإمتحان وهو قعد يراقبها وهى بتستعمل البرشام بتاعه وتحل منه وهو متغاظ طبعا والناس بتاعت المراقبة دخل واحد فيهم عليه وكان هيكشف البرشام اللى معاه لكن ربنا ستر بس بيسأله ويقول لهل يا ابنى لو معاك برشام والا أى حاجة من دى إخلص منها بدل ما تعمل لك مشكلة إنت فى غنى عنها ، فرد الولد أنا مفيش معايا حاجة إنما البنت اللى هناك دى معاها ، طبعا فى حد هيقول على الولد شرير ، طيب اسمعوا بقى البنت عملت إيه ، يا دوب المراقب لسه رايح لها ورئيس اللجان دخل وطبعا الكل انتبه له وهى خافت على اللى معاها لإن الراجل ده كان معروف إنه شديد ، طيب تخلص من اللى معاها إزاى ؟ ، كان قدامها طالب لابس جاكت أبو زعبوط ده وعنها وحطت البرشام بسرعة فى الزعبوط والراجل بيلف لمح طرف البرشام وقوم الطالب وبيفتح الزعبوط لقى برشام المادة وأخد الولد وراح مستقبله فى أبو نكله ، تعرفوا الولد اللى راح فى داهية كان مين ؟ كان الأول على الجمهورية فى الإعدادية ، وراح فى داهية بسبب مييييييييييييين ؟


كيد وخبث البنات


ولا حول ولا قوة إلا بالله

هناك 48 تعليقًا:

SHAPE YOUR LIFE (ABOALI) يقول...

ونقوووووووووووووول اول تعليق متوحش

SHAPE YOUR LIFE (ABOALI) يقول...

ونتوحش كمان

SHAPE YOUR LIFE (ABOALI) يقول...

الله على التوحش حلو اقوووووووووى بطعم الكريز

SHAPE YOUR LIFE (ABOALI) يقول...

ويلا بينا نتوحش
ده شعارنا المرة القادمة

SHAPE YOUR LIFE (ABOALI) يقول...

شعارك يا سيدتى
يلا بينا نتوحش
سيؤدى بك الى طيات الفرح والهنا

SHAPE YOUR LIFE (ABOALI) يقول...

الردالة المتوحشين الوحشين بلاش منهم
خلى الملعب لك فقط

SHAPE YOUR LIFE (ABOALI) يقول...

والتوحش انواع فى علم التوحشيزم

SHAPE YOUR LIFE (ABOALI) يقول...

خد عندك يا سيدتى

توحش نفسى روحى

SHAPE YOUR LIFE (ABOALI) يقول...

توحش جسدى ظاهرى شبه منحرف

SHAPE YOUR LIFE (ABOALI) يقول...

وفيه بقى نوع توحش غريب

هو توحش نفسى وجسدى مع بعض بطعم شبساوى متوحش

SHAPE YOUR LIFE (ABOALI) يقول...

مش عارف يا ازهرى
يا ترى اعمل اى نوع تقدر تدلنى يا صديقى الغااااااااااالى

SHAPE YOUR LIFE (ABOALI) يقول...

ولا انت بتاع كلام مش متوحش

ياااااااااااااقاسى يا قاسى

SHAPE YOUR LIFE (ABOALI) يقول...

بس انت متوحش فعلا يا ازهرى
فاكر انك لما تنزل البوست فى الشروق

ابوعلى لن يطلع عليه ويتوحش

لالالالالالالالالالالالالالالالالالالالالالالالالالالالالالا

اعد النظر مرة اخرى

SHAPE YOUR LIFE (ABOALI) يقول...

وخد بقى القصيده التوحشية دى

بس التعليق اللى جاى

SHAPE YOUR LIFE (ABOALI) يقول...

توحش كما شئت
ستعود كما انت
وحش من الوحشيييييييييييييييييين
يا واد يا وحش انت
خلى بالك من المتوحشيييييييييين
توحش توحش توحش

SHAPE YOUR LIFE (ABOALI) يقول...

خمسة عشر تعليق

ازود ولا خمسة عشر ليست لغة عربية صحيحة

ياااااااااا عم قوووووووول

SHAPE YOUR LIFE (ABOALI) يقول...

فينك يا دكتورة ستيته

تشوفى الازهرى وهو قائد المتوحشين

فينك فينك

SHAPE YOUR LIFE (ABOALI) يقول...

باقول كفاية كده
علشان الشغل ونقرء ونستفيد

ولا انت رايك ايه

SHAPE YOUR LIFE (ABOALI) يقول...

اممممممممممممممممم

رايك نكمل لعشرين تعليق

حاااااااااااااضر من توحش قلبى والله

SHAPE YOUR LIFE (ABOALI) يقول...

وهندخل على العشرين والجووووووووووون
بالايد المصرية الخالصة

والله عليك يا اينرامو يا مارادونى يا خطير

SHAPE YOUR LIFE (ABOALI) يقول...

انيراموووووووووووو مين

ده ابووووووووووووووووعلى
معلش بقى يا ازهرى تعليق توحشى زيادة

الانسان بينسى

SHAPE YOUR LIFE (ABOALI) يقول...

هاقرء بقى المرة دى بجد

حرام كفاية كده

SHAPE YOUR LIFE (ABOALI) يقول...

بس قلبى بيقول ده كمل االى الخامس والعشرين

قلبى متوحش وحس وحس وحس

SHAPE YOUR LIFE (ABOALI) يقول...

معلش استحمل

مين بس اللى دعى عليك وخلاك تعرفنى

SHAPE YOUR LIFE (ABOALI) يقول...

ارجع لربك يا ابنى واستغفره علشان يرفع عنك
ويحنن قلب العباد عليك

انت دواخلينك طيب

بس الناس ليها الظاهر

SHAPE YOUR LIFE (ABOALI) يقول...

بعد القراءة
نقول ونكتب بقى بجد

بس فى التعليق اللى جاى

الازهرى يقول...

قف

الازهرى يقول...

يعنى ينفع كده أقوم خمس دقايق تستغل غيابى
ما علينا
الأيام بيننا

SHAPE YOUR LIFE (ABOALI) يقول...

الواد الاولانى اللى عمل البرشام

حونين حبتين البت فى لحظة ارتدت الثياب الملائمة وحدثت السيطرة

ودوافع الانتقام كانت مريرة
وممكن كانت تلبسه قضية تحرش لو زود فى الكلام فى اللجنة

ومن الموقف ناخد عبرة
اولا

سرعة البديهة التى تتمتع بها
الاقناع التفاعلى على الولد
الثبات الانفعالى الداخلى
اتقان العمل
البرشام وسيلة مذاكرة واسترجاع جيد

ام عن الولد

متسرع
مستعرض
غلاوى
لا يعرف معانى الاحتواء الانسانى
فتان ازاى يفتن على البنت

وعلى هذا الجريمة اشترك فيها دوافع كثيرة

استغلال نسائى لحنين الرجل اليها
انتقام رجالى حين امتهنت كرامته

على هذا النطق بالحكم
فى التعليق اللى جاى

SHAPE YOUR LIFE (ABOALI) يقول...

ياااااااااااااهلا يا حبيبى يا هلا

الحكم بقى

تفشى الفساد واستشرائه جرس انذار يهدد المجتمع
واستحلال المبادىء الفاسدة ناقوس خطر

وعليه يتم احالة الطالب المضبوط بالبرشام
الى الطب الشرعى مع باقى زملائه

ومقارنة الخطوط
اذ ربما يتبين انه مظلوم

وبهذا

ستاءخد البنت حقها فى الادانه
والولد على المشاركة

ويظهر الحق

الله اكبر الله اكبر

مععععععععععععععع تقديرى

بووووووووووووووووووعلى

gogo!sf يقول...

يا نهار ابيض
يعملوها الفاشلين ويقعو فيها الممجتهدين

ربنا يعينه اللى البالوة اللى جتلو وهو مش ليه ذنب فيها
بس تعرف هو ممكن يثبت انه مش ليه علاقه بالموضوع لو كان طلب انه يمتحن لوحد فى لجنه خاصه يعنى
واكيد اجاباته هتثبت اذا كان هو صاحب البرشام او لاء

صباح الفل يا قمر

حنان الشافعي يقول...

سلام عليكم
ممممممممممم
مش عارفه فاكرني ولا ناسيني ولا ايه
بس انا فاكره بقي
:)
بالنوسبه للبنت
دي غلباااااااااااااااانه
بتبعده عن الطريق الوحش
وهو مفيش فايده فيه
تفديه وتغش هيا
يفتن هو
وحش وحش

جايدا العزيزي يقول...

والله يا ازهرى

انا بحب اتابع حلقات الجمعيه

بس حاسه انك جى علينا اووووووووى

ايه ياعنى الدنيا مافهاش غير الستات و

البنات المتوحشه وكل الرجاله ملايكه

عايز اشوف رجل متوحش

وبعدين البنت اتزنقت تعمل ايه يعنى

امال اسمهم رجاله ليه

علشان ساعه الزنقه يكونوا موجودين


ههههههههههههههههههه

خليك حيادى

وعايزه اشوف رجل شرير

ما فيش مانع تعملهم جمعيه تلمهم بدل قعدتهم على القهاوى ليل ونهار

احسن والله العظيم اعملها انا وانفسك

هههههههههههههههههه

فكر فى الفكرة

اشكرك

تحياتى

قطرة وفا يقول...

لا حول ولا قووووة الا بالله العلي العظيم


لا تعليق :(

زعلتني بجد

وربنا يعوووضو يااا رب

مـجـنـووون يقول...

حاجه غريبه

انا لسه سامع الكلام ده في البرنامج الكوميدي ( ضحكني شكرا )

متكنش انت الي بتقدم البرنامج ؟؟؟؟؟!!

تقبل مروري
مجنووون

Foxology يقول...

ايه ده هو فى شر بالمنظر ده ؟؟؟

اعوذ بالله !

ربنا يسترها علينا يا عم هيثم

تحياتى

صدى الصمت - عاشقة الورد - يقول...

على فكرة انا كنت من المناصرين للمرأة وكنت ضد الجمعية دى فى الأول
بس بصراحة كتاباتك مشوقة وجميلة قوى
وشكلى هأحب الجمعية دى
تحياتى

إسراء عمران ؛؛؛ راجية الرحمه يقول...

لا بقى كفايه كده
سكتناله دخل بـ....
هى فعلا حركه وحشه من البنت بس لو ولد مكان البنت دى كان ممكن يعمل كده برضه
كل واحد واخلاقه بقى
وعلى فكره بابا جابلنا تليفزيون

الازهرى يقول...

أبو علىىىىىى

والله القضية أسهل وأكبر من كده بكتييييييير

وربنا يستر من بكره

تحياتى دوما

الازهرى يقول...

جوجو

يا صباح الورد
ممكن يكون عمل لجنة خاصة بعد كده أنا الموضوع اتحكى لى زى ما كتبته بالظبط والعهدة على الراوى
وطبعا صعب واحد أول جمهورية يضيع بسهولة كده

تحياتى وخالص مودتى

الازهرى يقول...

حنان الشافعى

وعليكم السلام ورحمة الله وبركاته

طبعا فاكر وهو انا عندى حاجة سليمة فى إلا ذاكرتى
بس أنا عارف إنى منقطع من عند كتير للإنشغال مش أكتر

البنت غلبانة ؟؟؟؟
واضح إنك من عضوات الجمعية
إلحقى نفسك وتوبى وإرجعى للطريق القويم أحسن لك
اللهم هل بلغت ؟
اللهم فاشهد

تحياتى دوما

الازهرى يقول...

جايدا العزيزى

لالالالالالا
جاى عليكم مين بس دا أنا ذكرت حالات بسيطة بس
أمال لو قلت اللى فى قلبى هتقولى إيه
راجعى فى الموضوعات القديمة فى المدون حكاية يوم الخميس والمكرونة البشميل
وإنت تتنصلى من الجمعية فورا

وكمان أنا بدأت كتابة بناءا على تحدى إحدى عضوات الجناع السرى للجمعية ومش معنى كد إن كل الرجالة حلوين
لأ بس يمكن بعدين أكتب عنهم

ولو تبدأ إنتى لكتابة يبقى جميل جدا علشان نشوف الرأى والرأى الآخر

وكملى لسه مصايب الجمعية كتييييييييييييير

تحياتى وخالص مودتى

الازهرى يقول...

قطرة وفا

لالالالا تزعلى إيه بس
دا كله لسه قشور
التقيل جاى ورا

شكرا على المرور وأتمنى دوام التواصل
وأهلا بك دوما

الازهرى يقول...

مجنون

أهلا بشعراء اسكندرية

بصراحة أول مرة أسمع عن البرناج أنا بعيد عن لتليفزيون جدا جدا جدا

لكن ممكن تكرار القصة هن وراهم غير الأذى ؟


تحياتى دوما

الازهرى يقول...

فوكسولوجى

لا وفى شر أكتر وأكتر وأكتر

مين هيثم ؟

تحياتى دوما

الازهرى يقول...

صدى الصمت

الله الله الله
تحبى الجمعية إيه بس ؟
حتى أنت يا بروتس
إذا فليسقط قيصر

يعنى هو الدم بيحن وألا اتفقتم على فى غيابى ؟

على العموم ربنا معايا وهيصرنى عليكن بإذن الله

تحياتى وخالص مودتى

الازهرى يقول...

إسراء عمران

كفاية إيه بس ؟
إحنا لسه بنبتدى

مممممممم
صعب ولد يبقى جواه كمية الشر دى

المهم فى الموضوع
التليفزيون كام بوصة ونوعه إيه ؟

وكمان مش تقولى له على علشان نسترزق

أقول إيه بس
العشرة ما تهونش إلا على البنات

تحياتى دوما

Beram ElMasry يقول...

اخي وصديقي الازهري
لم استطع التوصل الي خطابك علي الاميل فباي اسم ارسلته حتي اتمكن من الوصول اليه او تكرم باعادة الارسال ولكخالص تقديري
اخوك بيرم