الجمعة، 29 مايو، 2009

سالمة يا سلامة + اعتذار

أصدقائى الأعزاء
كانت نيتى أن يوم الجمعة هو أجازة أعود فيها إلى متابعتكم والتعليق على الجديد قدر المستطاع ولكن للأسف بعد تعليقين أو ثلاثة فوجئت بوجود فخ وضعه لى احد الأصدقاء تسبب فى تدمير الكثير من نظام التشغيل لدى ولاسباب معينة يتعذر استبداله فى الوقت الحالى مما استتبع أن أقوم بإصلاح ما فسد مما استغرق منى اليوم بطوله
لذلك أرجوا المعذرة ممن قد يجد أننى علقت عند أحدهم ولم أعلق عنده
وموعدنا الجمعة القادمة بإذن الله
***************************************************************************
رحنا وجينا بالسلامة

الحمد لله يا جماعة رجعت البيت بسلام بصراحة كنت خايف كتير إن الموضوع يبقى صعب لكن الحمد لله كان سهل
إيه ؟
حصل إيه ؟
خلاص نحكى الموضوع من الأول أنا بس كنت فرحان برجوعى لكم والحمد لله يوم الأربعاء فوجئت بصوت جميل فى التليفون بيكلمنى ، وهوب تتطلع أحلى مدونة موجودة



وتخيلوا بتستأذن منى إننا نتقابل علشان أتعرف عليها مش عارفة إن مجرد بس أمر منها يخلينى فى ثوان أروح لها ولو كانت فى نيوزلندا
المهم طلبت كمان إنها تعمل قعدة صلح مع مندوبين من حزب الشر والأذى وهنا يا جماعة حوالى أربع أو خمس فئران بدؤا يلعبوا فى عبى أنا أضمن شمس برقبتى ماشى إنما هم مستحيل
لكن هى طمنتى وقالت لى إن أنا أروح تحت حمايتها وإنها هاتجيب اتنين أمناء شرطة يوقفوا على الباب وتكون هى رسول السلام ما بينا
الخلاصة وافقت بس علشان أتعرف عليها ولجل الورد ينسقى كل حاجة فى الدنيا واتفقنا على كوستا النادى الأهلى
لكن بصراحة يا جماعة انا برضه كنت خايف وهو اتنين أمناء يكفوا برضه ؟
قلت اعمل حسابى
واتصلت بشوية من أصحابى القدامى من أبطال الجمهورية السابقين لزوم التواجد وتأمين المكان من بعيد لبعيد والتدخل عند حدوث أى طارىء ، وكمان اتصلت بأصحابى من أيام نادى الكلية الحربية وبلغتهم بالموضوع كله ، ووعدونى يتصرفوا وفعلا يوم الخميس بالليل بلغونى إن المشير أمر بعمل استنفار عام لجميع الوحدات القريبة من المكان زى الجبل الأخضر والمرج وكمان كتيبة من الحرس الجمهورى و تم وضع أربع أسراب جاهزة للإنطلاق من مطار ألماظة الحربى للتدخل مع أول إشارة
وأنا بعد ما سمعت كده إطمنت شويتين لكن وأنا رايح اتصلت بوالدتى مين عارف يمكن تكون آخر مرة وصليت الجمعة ودعيت ربنا يكون معايا فى المواجهة دى وإن القوات دى تكفى لمواجهتهم حاكم إنتم عارفين إنهم جبروت .
ورحت هناك وطبعا وصلت الأول وعدت فى الدور الأرضى مع أختى ( كانت معايا نوع من الحماية برضه ) وهوب وعدى اتنين كده ممكن تقولوا شبه المفتش
كرومبو والمساعد بتاعه ( وأعذرونى لعدم ذكر أسماء لأنى وعدت بالحفاظ على سرية الشخصيات )


لكن أنا ما اهتمتش بيهم وشوية وعدت حتة بنوته جميلة جدا جدا جدا ورشيقة كده وواضح احترامها من أسلوب مشيها ولبسها وصراحة فكرت أروح اسألها إن كانت مرتبطة أو لأ وبعدها أتصل بالبيت ونروح نخطبها لكن فقت فجأة على تليفون شمس وهى بتقول إنها وصلت ومستنيانى فى الدور التانى ف طلعت وهوب اتسمرت مذهول طلعت البنوتة الحلوة شمس
أن أتخيل إزاى إن دى يا جماعة ممكن تكون اكبر منى أساسا أنا جنبها جدو عبده وحفيدته
الموقف عدى على خير والحمد لله وأنا اتسحبت وقعدت جنب شموسة علشان حماية مفيش حد عارف إيه ممكن يحصل وبابص بعينى كده ولقيت مين قاعد معاها
المفتش كرومبو والمساعد بتاعه لكن المرة دى من غير النضارات وكانت عينيهم أقول إيه بس ، أنا وعدت شمس إنى أسكت ومش أقول لكن بجد يا جماعة اسمحوا لى انتقد
عمرو بدرلأول مرة فى حياتى ( وكنت أتمنى يكون موجود لكنه مشغول فى الصعيد للأسف)

على الرغم من قوة ملاحظته لكنه كان بيقول عن شمس النهار ( أميرة ) لكن يا جماعة دى ملكة بكل ما نتخيله عن كلمة ملكه من معانى جمال وثقافة وحزم وحسم وكمان هيبة كبيرة جدا
كانت كل ما حد يحاول يغمز ناحيتى بأى حاجة تبص له بعينها يقع فورا
وأنقذت حياتى أكتر من مرة لإنى لاحظت المساعد بتاع كرومبو أكتر من مرة بيحط إيده ناحية جيبة شكله كده كان شايل فيه مية نار أو حاجة زى كده وطبعا كنت أنا المقصود
لكن الحمد لله شمس كانت مسيطرة على الوضع سيطرة كاملة مش بأقول لكم ملكة حقيقية
وبدأنا نتكلم لقيتهم فعلا أحسن عينة من الحزب ، عارفين البنات الغريبة دى اللى بتبقى مثقفة كده وبتحب القراءة وعارفين هموم بلدهم وبيحاولوا يحاربوا علشان يشيلوها عنه أهم دول ، بنات كده من النوع اللى يخلي أهله فخورين إن دول بناتهم ، وتفخر بلادهم بيهم
بالذمة دى بنات تنطاق ، فين بس البنات المكبرين دماغهم وعايشين فى الغيبوبة بجد الواحد مفتقدهم
المهم فضلنا نتناقش ونحاول نوصل لحلول سلمية بينى وبين الحزب بتاعهم لكن فى الأخر وكطبيعتنا انتهينا إلى وعد بلقاء جديد لبحث الأمور وجولة جديدة من المباحثات بين الأطراف المعنية بالصراع ، وتم سحب القوات والتأكيد على انتهاء حالة التأهب المعلنة
وبعدين مشيت صراحة وأنا زعلان لإنى بجد كنت أحب إن أقعد اكتر لكن ظروفى وظروفهم للأسف كانت صعبه وكان الكل مرتبط بأشياء تانية
وكمان أنا شرفت بتعرف شخصية جميلة وهى كيمو صاحب مدونة صوت من مصر وبصراحة كان انسان جميل وإلى اللقاء فى جولة أخرى من المباحثات


هناك 148 تعليقًا:

yoyo يقول...

صباحك سكر

اول تعليق
من حظى ونصيبى

yoyo يقول...

ياسلام سلم يا ولاد
وكمان تانى تعليق
لولولوولوولوولى

الازهرى يقول...

أحلى صباح على الصبايا الملاح
ومبروك أول تعليق

الازهرى يقول...

وكمان مبروك تانى تعليق

افرحوا يا اولا

yoyo يقول...

سالمة يا سلامة
روحنا وجينا بالسلامة
سالمة يا سلامة
والازهرى رجع بالسلامة

yoyo يقول...

والرابع كمان عشان بس الحبايب و القرايب
و المعرف و
وسمعنا سلام كبير من هنا لحد الشلالات

yoyo يقول...

والخامس بقى
عشان تبقى خمسة وخميسة
بعيد عن اى شر
واللى بيحبنا مش يضرب نار ههههههههههههههههههه

الازهرى يقول...

اسكتى انا كنت مرعوب موت

وقلت ان اليوم الاخير فى حياتى جه

الازهرى يقول...

رابع ايه يا بنتى انتى مش بتعرفى تعدى كويس ؟

اماال مدرسة ازاى بس ؟

yoyo يقول...

اممممممم

هو انت بتعاكس شمس النهار
اها اها انا بس بهدى النفوس مش اكتر
هههههههههههههههه
ربنا يخليكوا لبعض ويارب دايما متجمعين على الف خير يارب

والله يا بنى انا حسيت انك داخل على الحرب وشوية بقى كدا كنت هاسمع موسيقى رافت الهجان وكله عشان خاطر مصر يا رافت ههههههههههههههههههههههه
مصر عاوزاك يا بطل

وسمعنى سلام والله وعملوها الرجالة
والسؤال بقى ياترى هما عملوا ايه بالضبط ؟؟؟
معليش اصلى كنت نايمة

yoyo يقول...

عد انت بس كدا من الاول يا عم الحاج

الازهرى يقول...

خامسا
بقى يبقى لعب عيال

وكمان انا قربت اضرب نار كتير

yoyo يقول...

شوف بقى يا سيدى
ايوه الله ينعم عليك
الحمد لله ان المفاوضات انتهت على الف خير
والا كان هيكون فيه خسائر وكنا هنجيى نزور بقى بالعيش و الحلاوة و الكلام دا

هههههههههههههههههه

كيمو شخصية انا بحترمها بجد رغم اننا مش اتقابلنا بس بجد انا بيعجبنى افكاره
ياالا يا عم ماشية معاك اهوا
الله يسهله بقى
بنوتة زى القمر هى الحماية بتاعتك وكمان شفت ناس واتكلمت معاهم
ايوه ايوه ناس وناس بقى

yoyo يقول...

ولا بيهمنا ضرب النار
احنا ورانا رجالة تاكل الزلط يا كبير

yoyo يقول...

المدعو الازهرى
المدونة محاصرة
سلم نفسك يا سعيد يا مهران يوووه قصدى يا ازهرى
المدونة كلها محاصرة
ودا النداء الاخير

الازهرى يقول...

ايوه اعاكسها
بنوته كده زى القمر وشاب عسول زيي
لكن انا على الاقل كنت ناوى اكمل صح
مش ناس اولاد اليومين دول


اما بخصوص السلام مش عارفه للاسف

لكن سلام مربع للجدعان

الازهرى يقول...

انا اساسا
استاذ حساب من ايام ابتدائى

yoyo يقول...

يالا بقى خلاص عشان خاطر بس انت ابننا ومننا وكدا
نص احتلالية اهوا
يالا بقى يا بخت من زار وخفف
وزورونى كل سنة مرة حرام تنسونى بالمرة حرام
ياسلام عليكى يا بت يويو يا سلام
الله الله

yoyo يقول...

احنا الانجليزية
وخلى بالك بقى دا انجليزى وراثة يعنى
مش دراسة وبس
دراسة وعشق ويووووووووووه دا الموضوع كبير كبير

الازهرى يقول...

ايوه اشوف
المفاوضات لسه فى جولات تانية

وكمان
كيمو فعلا شخصية جميلة واتكلمنا كتير

وكمان انا باقابل الناس دى لان انا نيتى صافية وقلبى ابيض مش ناس تانية

ربنا يستر على ولايانا

الازهرى يقول...

هما فين الرجالة دول
ما باعوكم من اول لحظة

الازهرى يقول...

سلمت نفسى يا باشا
انا معترف بكل حاجة بداية من قتل توت عنخ آمون وانتهاء
بتدمير تمثل الحرية

yoyo يقول...

ياسيدى عقبال تجمعات تانية على الف خير يارب

وتقضى فيها وقت جميل وحلو من غير ولا المفتش كرومبو ولا حتى سحس هههههههههههه

هى ناقصة يا عم الحاج

ماشى ياراحلة ربنا يسعدك يارب
والله يابن حسيت انى بكلم ابو الغيط ولا عمر موسى كدا فى مهمة رسمية
ربنا يكرمك ازهرى يا بن طنط ام ازهرى ياخويا يارب

تحياتى
يويو

الازهرى يقول...

انا موافق اكون ابنكم

بس فين المصروف ؟

الازهرى يقول...

تعرفى ان زمان كانوا بيقولوا

يا حميد يا عزيز
كبه تاخد الانجليز

yoyo يقول...

هههههههههههههههه
حميد دا مين بقى

انا اعرفها يا عزيز يا عزي كبه تاخد الانجليز

كمان عاوز مصروف
ماشى ماشى
داخل على طمع
صبرنى ياربى معرفتش اربى
هههههههههههههههههه

الازهرى يقول...

باذن الله التجمع القدم تكونى معانا
وربنا يجنينى منهم على خير يا رب

وصدقينى مهام الاتنين دول اسهل منى بكتير

اما بخصوص خالتك ام ازهرى فشكلها عجبها الموضوع لما اختى حكت لها
والمرة الجاية ممكن تكون معانا هى كمان

الازهرى يقول...

يعنى اللى يطلب حقه فى الزمن ده يبقى مش متربى
دى ايه العيلة دى
لااااااااااااااااااااا
انا اروح اشوف اى حد يتبنانى
ويدينى مصروف
وخلاص

لحظة تأمل يقول...

انا قاعدة بتفرج عليكوا م الصبح
قلت ادخل اقول صباح الخير
يارب دايما بخير ومبسوطين

وبجد مبسوطة اوى انك شفت ناس جميلة فى التدوين

دمتوا متواصلين دوما وبكل الخير

yoyo يقول...

ماهو احتلال بقى
و المدونة مدونتى
صباحك سكر يا لحظة تأمل
منورة والله

لحظة تأمل يقول...

احلى صباح مسكر يا يويو

ومنورة طبعا والمدونة مدونتك

حد يقدر يقول غير كده :)

الازهرى يقول...

لحظة تأمل

يا خسارة وأنا كنت فاكرك معايا
وهتناصرينى

كنتى املى الاخير

يا ميت خسارة

yoyo يقول...

ازهرى

يالا هات حاجة ساقعة ولا شاى عشان خاطر الضيوف دول
يالا اعمل لك همة شوية

الازهرى يقول...

يويو

انت قعدتى بصحيح بقى ؟

وسلامات بقى وكلام من ده
مش بأقول لك رئيسة حزب الشر

yoyo يقول...

معليش يا بنى هو احتلال وخلاص اتكتب عليك يا ضنايا
وسمعنى سلام
والله يا زمن لا بادينا زرعنا الشوك
نياااااااااهاااااااا
شريرة شريرة يعنى

Mo7ammed يقول...

ماشى ياعم
يابختتتتتتتك

مش بقر على فكرة

انا بحقد بس

الازهرى يقول...

لحظة تأمل

يعنى أنا أخرج منها وأروح مثلا وألا المطلوب منى ايه بالظبط ؟

الازهرى يقول...

يويو

يعنى انا بقيت مش صاحب المدونة
لا انا العامل
ما علينا
علشان الحبايب بس
ثوانى والمشاريب تكون جاهزة

لحظة تأمل يقول...

لا يا ازهرى مقدرش اقول كده
بس مش زى ما قالت يويو اى شاى كده ولا حاجة ساقعة وياريت فطار

هتلاقينى بدافع عنك علطول

yoyo يقول...

mo7ammed

صباحك سكر
ليه بس النفسنة دى يا ابو حميد
ههههههههههههههه

شاى معاك يا ازهرى

yoyo يقول...

لحظة تأمل
توء توء توء
انت خليكى معايا اضمن

الازهرى يقول...

يويو

لااااااااااااااااااااا
احتلال ايه
انا القوات كلها لسه موجوده ومعاها اوامر بالتدخل السريع

انا اخربها بلاد
اطلعوا بالذوق وحالا

والا اوريكم الوش الشرير بتاعى انا


بره
ومحرومين من الميراث كمان

الازهرى يقول...

mo7ammed

بتقر على ايه بس
انا شايل الليلة كلها اهه

لو بتحبنى تعالى شيل معايا ورينى الهمه

yoyo يقول...

يا مامى يا مامى يا مامى
صدق خفت يا أزهرى
ولا يأثر معنا الرجالة محوطة المدونة
والامن كله مستتب
عاوز تعمل حركة انقلاب مش هتعرف
شريرة شريرة يعنى مش اى كلام
هههههههههههههههههه

ماشى اروح انا وارجعلك تانى بعد الصلاة اوعى تعمل حاجة كدا ولا كدا

الازهرى يقول...

لحظة تأمل

الامر لله حاضر

تحبى تفطرى ايه ؟
اهو نشترى اى حد يقف جنبنا والسلام

لحظة تأمل يقول...

الله يسامحك يا ازهرى انا كنت هبقى فى الجيش بتاعك

هتخلينى اغير رايى ولا ايه

يومكوا جميل ان شاء الله

الازهرى يقول...

يويو

انت كمان بعزمى على حسابى
الامر لله
برض حاضر لكن بعد الفجر بقى

الازهرى يقول...

يويو

انت كمان بتحاولى تاخدى ناس من عندى
لا انا رجالتى لا يمكن يبيعوا مبادئهم
ابدا

الازهرى يقول...

يويو

من مصلحتك تخافى بدل ما تروحى فى الرجلين بعدين صعب يلاقوا منك اى حاجة تنفع تبقى زعيم ولا حتى عضو

انسحبى احسن

والطلبات هاتكون جاهزة بعد الصلاة ان شاء الله

الازهرى يقول...

لحظة تأمل

ما انت كنتى وافقتى تبقى معايا غيرتى رأيك ليه بس ؟

نهارك وكل أيامك أجمل من بعضهم ان شاء الله

ايوشة يقول...

ماشاء الله البوست من تلات ساعات و50 تعليق :)
جميل اوى موضوع اللقاءات التدوينة بجد بتخليك تتعرف على الناس على الحقيقة وبتكتشف اجمل صفات اجمل من اللى بنعرفها على المدونة

ايوشة يقول...

صحيح انتى شردتهم ليه كده انت بصراحة يعنى احسن واحد يعرف يكتم السر :)

yoyo يقول...

احم احم
انا جيت
نورت البيت طبعا

انسحب لا لا لا لا لا لا لا لا لا لا
هى مين دى
بلاش انقلاب بقى
استنى كدا نشوف مين نورنا وانا مش هنا

yoyo يقول...

لحظة تأمل
ايوه كدا تسلمى يا قمر

*************************

ايوشة

والله نورتينا بجد
شفتى بقى قال بيعرف يكتم السر قال
يالا بقى هنعمل ايه بقى

yoyo يقول...

ازهرى وهو انت كل دا بتجيب المشاريب مش نافع والله يا بنى

ههههههههههههه
ههههههههههههههههههههه

الازهرى يقول...

أيوشة

خمسة وخميسة
يا جماعة بالراحة شويتين
كفاية قر بقى

صدقينى فرحتى اكبر من انى اكتبها
وفعلا انا قابلت الاتنين لأول مرة وكنت فرحان جدا جدا جدا

الازهرى يقول...

أيوشة

عيييييييب
السر فى بير

بذمتك فى أى حد عرف حاجة عنهم

الازهرى يقول...

يويو

ايوه كده شوفى كل حاجة لكن من غير احتلال

الازهرى يقول...

يويو

أدينى رجعت
انت فاكرة انى يا دوب كدة بانقرهم فى ثوانى وارجع

دى صلاة يا بنتى
صلاة

لحظة تأمل يقول...

ازهرى

انا مغيرتش رايى انت اللى قلت هتحرمنا من الميراث واخرجوا من هنا
بس ماشى انا هسامحاك برده
وهخلينى من رجالتك بس متنسانيش من الدعوات
________

يويو الجميلة

مبسوطة بجد انى عرفت حد جميل زيك
وبرده المدونة مدونتك ومنورة

بس انتى عارفة الجندى لما بيحلف القسم مينفعش بقى يرجع فى كلامه


دمتوا جميعا بكل خير

yoyo يقول...

صباحك سكر

حاتر حاتر
مش اعمل حاجة تانى
انا برده قلبك تيب
هههههههههههههههههههه

وزى ما قولت انت ابننا برده

الازهرى يقول...

لحظة تأمل

الحمد لله أخيرا لقيت حد معايا فى الالم الظالم ده

لا انت مش محرومة من الميراث ولا حاجة
انت تاخدى والورث كله ولو عايزة الميت معاه مفيش عندى اى مانع

الازهرى يقول...

يويو

برضه بتقول ابننا

طيب فين الدليل يعنى لا مصروف ولا اى حاجة

طيب ابنكم بامارة ايه بس ؟

yoyo يقول...

لحظة تامل

والله بجد انا سعيدة بمعرفتك جدا
وان شاء الله هيكون ليا زيارة عندك باذن الله

سيبك بقى من دعوات الازهرى
وخليكى فى المضمون تكسبى

احلى صباح على عيونك
تحياتى
يويو

yoyo يقول...

ماشى ماشى

يعنى مصروف وماله مصروف مصروف

الازهرى يقول...

يويو

طيب يا جماعة استأذنكم أروح أجيب بونبون من جنوب أفريقيا وأرجع على ما تكملوا سلامات مع بعض

الازهرى يقول...

يويو

أخيرا
وافقتى على المصروف
أحمدك يا رب
كده بقى اقدر اشترى شيكولاته

yoyo يقول...

هههههههههههههه
ههههههههههههههههههههه

وانا كمان ياريت تجيب ليا معاك مصاصة
من اللى فيها لبان

MaNoOoSh يقول...

اكيد كان لقاء جميل مع 3 بنانيت اعثل من بعضهم

بس مليش دعوة بردو.. انا بضم صوتى ليويو وبقول انا كمان عايزة مثاثة من ام لبان جواها وياريت تكون كبيرة.

Sweet Violet يقول...

"وأعذرونى لعدم ذكر أسماء لأنى وعدت بالحفاظ على سرية الشخصيات"

لا ياشيخ !!!!! عملية تحايل بحت يعنى

و كمان شموسة مش قالت عدم ذكر اسماء هي قالت لو عملت حاجة في البوست في تصريح بالتصرف معاك براحتنا (و انت عارف بقى يعني ايه انا اخد تصريح اني اتصرف براحتي و لو ناسي ارجع كام بوست عندك ^_^)

و كمان ايه كمية الخوف و الرعب دى تخيل صعبت عليه جداااا هههههههههههههه .. بس هو فعلا كان واضح عليك .. انا الاول افتكرت انك يعنى هادي لاسمح الله .. لكن اتضح انك كنت قاعد كده من الرعب نيهاهاهاهاهاهاهاهاها

^^^^^^

في الجملة الجاية دي بتفكرنى بمعارض مصرى (بدون ذكر أسماء علشان الرقابة ^_^) لو ماشي مثلا واتكعبل بطوبة يقولك ايوة دى مقصودة اكيد و حد حاطها من الحكومة ليا علشان أقع

( لإنى لاحظت المساعد بتاع كرومبو أكتر من مرة بيحط إيده ناحية جيبة شكله كده كان شايل فيه مية نار أو حاجة زى كده وطبعا كنت أنا المقصود)

أصلا أصلا انا مش كنت لابسة اى حاجة فيها جيب على فكرة .. بطلوا افترى بقى على البشر

ده ايه العالم دي ياربي .. هو يعنى علشان خليتك تروح بسلام للبيت تقوم تعمل كده .. تؤتؤتؤتؤتؤتؤتؤتؤتؤ نهايتك كده مش مبشرة بالخير على فكرة .. خد بالك على نفسك بقى الايام الجاية

و كمان حرام عليك ده سحس قمر ياشيخ كده تظلمه و كمان تحس انه فى التوهان و مالهوش فى الشر اصلا .. بطل تزييف فى الوقائع بقى

^^^^^

(لكن المرة دى من غير النضارات وكانت عينيهم أقول إيه بس ، أنا وعدت شمس إنى أسكت ومش أقول)

مش بقول أسلوب تحايل باحت ... بس انا مش هنكر الصراحة اني فعلا كنت جاية ناوية لك على نية بلون ليلة مش طالع فيها قمر ولا نجوم

بس حظك ان شموسة فعلا كانت موجودة و قالت ماحدش يكلمه

^^^^^^

(عارفين البنات الغريبة دى اللى بتبقى مثقفة كده... بالذمة دى بنات تنطاق)

تخيل بقى بجد ان كنت فى لقاء قبل كده و كان النقاش عن المرأة المثقفة و واحد صحفي فعلا كان ده رأيه

ان البنت المثقفة غريبة و لا تطاق بالمرة و كان بيقول انه فعلا مفتقد النوع الاخر من البنات

يعنى للأسف دى حقيقة و ان فى ناس نفس تفكيرك ده P:

^^^^^
بس بجد انا كنت سعيدة فى اليوم ده

اولا : لان شموسة و خيارا كانوا واحشنى موت

ثانيا: لاني اتعرفت على اختك لانها بجد شخصية جميلة و دى الحاجة الوحيدة الحلوة اللى عملتها اصلا من يوم ماعرفتك (:

"بس احذر بقى بعد كده هه .. ده انت هتشوف ايام"

ثالثا : لاني اتعرفت على صوت من مصر لانه فعلا حد كويس من جوه

رابعا بقى اللي بجد موت فرح منها .. لما أنت وقفت فى الشمس هع هع

اما بقى الحزن الوحيد اللى كان فى اليوم

اني شوفتك اصلا و كمان ماعرفتش اخد حقي منك

هو اى نعم انت حد فكر و أسلوب ماشاء الله عليه لكن بردو ده مش هيمنع اني اخد حقي

صبرا جميلا ياازهرى

عمرو يقول...

صباح الخير يا صديقى الأزهرى ..
أنا كمان و الله كنت أتمنى أكون حاضر للقاء التاريخى اللى جمع ما بين شباب و شابات التدوين الجديره أقلامهم و أفكارهم بكل اٍحترام و تقدير .. لكن للأسف ظروف سفرى لجنوب سيناء - تصحيحا لمعلومة الصعيد - هى ما حالت بين وجودى معكم .. لكن معلش ملحوقه المره الجايه اٍن شاء الله ..
البرنسيس شمس النهار فعلا اٍنسانه مبهره بكل معنى الكلمه .. شكلا و موضوعا :)
و اللى لم يسعده حظه بالتعرف عليها و الدخول لفضاءات عالم عقلها المتسع بغير حدود يبقى خسر كتير ..
الكلام فعلا يطول و لا ينتهى عن البرنسيس شمس النهار ذات الحضور الطاغى رغم قلة حجمها كما رأيت بنفسك :)
عموما بجد اللقاء القادم حأعمل ما فى وسعى لأكون موجود معكم اٍن شاء الله ..
تقبل تحياتى و تقديرى و لك كل الحب و التحيه ..

الازهرى يقول...

يويو

حاضر يا ستى

أجيبلك مصاصة
بس خليها فى سرك علشان لباقيين

الازهرى يقول...

مانووووووش

تصحيح بسيط
كان مع بنوته عثوله وأحلى من القمر
واتنين نص كم

ولك انت كمان مصاصة
وباللبان

يويو وقعتنا فى مطب وشكلها كده ناوية تغرمنا كتير

الازهرى يقول...

ضد التيار

أيوه تحايل فى أى مانع
وكمان أدينى عملت
ورونى بقى أعلى خيلكم شكله عامل إزاى

وبصراحة ناسى ومش هأراجع بوستات احنا لاد النهارده
وما يصعبش عليكى غالى

^^^^^^

وكمان عرفتى منين ان انا اقصدك انت بالمساعد بتاع المفتش كرومبو
شبهه انت صح ؟

وبعدين مفيش حد علمك فى الصحافة ان جيب البنت شنطتها وانت كنتى معاكى شنطة قاااااد كده

ومين قال انى روحت البيت بسلام أنا روحت لقيت كابل النت فى ناس كانت خايفة منى فدعت عليه واتقطع وطلعت على السطح وفضلت أصلحه حوالى ساعة تقريبا

وفوق كل ده أنا أخدت اسم المفتس ومساعده مش شخصياتهم

^^^^^^

نفسى افهم حاجة (باحت )
بتاعتك دى يعنى ايه
وكمان اه
كنت تحت حماية شموسة يعنى ولا حلف الناتو يقدر يكلمنى

^^^^^^^^^^^^
أيوه عارف
على الأقل أنا مش الوحيد من نوعى زى كائنات تانية قربت تنقرض ونخلص منها

فاكرة انتى

^^^^^^

ومالها الشمس هو فى احلى من الشمس
انا اساسا حياتى كلها سفر يعنى باقف فى الشمس وباتحرك فيها دايما

والايام بيننا ورينى تاخدى حقك ازاى


نورتى الازهرى ( مسروقى من عندك افترا كده)

ABOALI يقول...

ياااااااااا عينى
رجعت بالسلامه يا ازهرى
اسجد لربك شكرا وحمدا
مع تمنياتى بمتابعة الجولات مع بعض الاحزاب فى مصر

المهمة ثقيلة يا ريس


انت الشراع فى بحرنا
انت المركب كمان
وسوق يا معلم

تحياتى

Sweet Violet يقول...

لالالا ده من الواضح ان فى حد شارب شوب شجاعة قبل مايرد هنا ولا ايه ؟؟؟

يعنى مش همك .. اووووك ذنبك على جنبك

^^^^^
أمال انا بقول فوق تحايل ليييييييييييييييييييييييييييييييييه هه

مش علشان حضرتك حاطط البروفايل على الاسم

لا حول ولا قوة الا بالله

^^^^^

لا .. لاني أصلا مش بعترف بنظام الشنط ده الا بس لظروف طارئة

علشان كده الجيب هو اللي فى اللبس مش الشنطة

و كمان بردو تزييف لان الشنطة كانت ورايا اصلا وماجتش جنبها

انت عايز بس تطلع مقهور و مضطهد و خلاص .. ياساتر على البشر

وكمان بص بردو يقول قطع كبل النت سببه دعوات ناس

فعلا كان عندى حق لما قولت مثل المعارض P:

^^^^^
ههههههههههههه (بحت) غلطة كيبوردية .. منه له بقى اللي لحد الان ماجبش الحبر

و كمان ماهى مكتوبة فوق ولا هو تلكيك ولا تلكيك يعنى هه

و انت قولت اهو (كنت) يعنى خاف على نفسك بقى D:

^^^^^
انت بقى اللى مش فاكر على فكرة

افتكر الرد كويس علشان تعرف ان الانقراض امر غير وارد ها ها

^^^^^^^^^^
ايوة ايوة ماهو الرد ده زى بالظبط رد (هبقى شاطر)

فاكر؟؟ ((:

ماانا قولتلك صبرا جميلا ... و الحق لازم يرجع و هتشوف

^^^^^
اولا بقى انا لما بقول نورت ضد التيار المقصود المدونة لما كانت اسمها ضد التيار

يعنى دى مش سرقة ممكن نقول تقليد متحرف

((:

* Alwaan * يقول...

الف حمدالله عالسلامة

بس انا بقى بحقد عليكم كلكم حقد فظيع شنيع مريع نياهاهاهاها

عشان كل شويه تتقابلوا وتيجوا تغيظونا

ماااااشى

تتقابلوا فى اسكندرية بعد كده عشان اقدر اجى اغلس عليكوا

تحياتى

الازهرى يقول...

ابوعلى

انان نمت بعد الفجر بعد ما قضيت طول الليل اصلى

لكن موضوع الشراع ده يخوف بعدين يقولوا انى بادبر مؤامرة لقلب نظم الحكم

وطبعا الكل بيبيع

الازهرى يقول...

ضد التيار

على فكرة الشجاعة دى بنصدرها لجميع انحاء العالم
يعنى احنا الاساس
وأهو برضه
ذنبك على جنبك
وانتبه السيارة ترجع الى الخلف
وكلام ببلاش لكن تنفيذ زيرو طبعا
^^^^^^
وكمان البروفايل حط نفسه انا برىء من التهمة دى أساسا
يعنى شكله كده هو كمان مش طايق ناسه ونفسه يخلص منهم
^^^^^^
يعنى اعترفت انك كان معاكى الشنطة يعنى كنت فى حالة طوارىء
وناويين تعملوا حاجات غير عادية
يعنى تكون ايه غير حاجات شريرة
واكيد ضدى
^^^^^^
بمناسبة الحبر قريب جدا ان شاء الله يرجع لى حقى مضاعف لانى ببساطة باخطط شويتين كده وباذن الله اخليكم تزحفوا وانتم شايلين الحبر لحد عندى
اما بالنسبة لكنت فدى موالها مال
حاسبى من اطلاق صفارة الخطر وتجميع قوات الحرس القديم
^^^^^^
اما بخصوص الانقراض فعلى ايدى باذن الله
انا وراكم لحد ما تنتهى السلالة دى من على وجه الاض تماما
^^^^^^
على فكرة وبجد انا عندى ضد التيار كانت احسن لنفس الفرق بين مولان وكيارا وقولى لها تدور على رسالتى فى الميل عندها وتعرفك بيه
^^^^^^
نورتى الازهرى ( برضه .......عند بقى )

yoyo يقول...

اممممممم

ازهرى شفت بقى ازاى انا قلبى طيب
ياسلام عليكلا يا بت يا يويو
برده مش بيهون عليكى

الازهرى يقول...

ألوان

الله يسلمك

على فكرة انا نازل اسكندرية خلال الايام الجاية
وانا اساسا هناك على طول
لكن للأسف الوحيد اللى اتصلت بيه من اسكندرية عمل ناسى وفضلت مستنيه أربع ساعات وبدون اعتذار
تخيلى ؟

الازهرى يقول...

يويو

أيوه أيوه
اعملى طيبة
بعد ما قلت للكل انى ناوى اجيب مصاصات
والكل بقى واقف طوابير
طيب اجيب انا ميزانية منين ؟

yoyo يقول...

انا عملت حاجة بس ؟؟؟
عملت احتلال ولا اى حاجة ؟؟
قلت على مشاريب ولا على حتى فطار؟؟
هو انا قلت على مصاصات ؟!!
شوف ازاى ؟؟
هو صحيح فين المصاصات ؟؟ هههههههههه
ههههههههههههههههههههه

صباحك و مسائك سكر يارب

الازهرى يقول...

يويو

كل ده ومش عملتى حاجة ؟
أمال لو كنت ناوية تعملى كان الوضع بقى ايه بس ؟
لااااااااااااااا
دى تشفيدة طلعت أرحم منك بكتير
المفروض تنسحب من زعامة الحزب وتبقى انت على القمة بدون أى حد معاكى

شمس النهار يقول...

يانهار ابيض

انا هناك والزمبليطه هنا في الصالون

كل ده نم علي

:)
انت اللي كل ده واكتر
بجد انا شرفت بقعدتي معاكم
انتم خير شباب
وانت ياازهري شخصيه جميله بكل المعاني الطيبه
المعاني اللي اختفت من عالمنا

اما بنوتاتي الحلوين روح قلب ماما شمس
خير بنات ممكن تقابلها وتفتخر انهم في حياتك

اما كيمو ليمو ده لوحده قصه بس قصه لطيفه مش ممله

انا بأحبكم جدا
ونتقابل علي خير

وشكرا علي كل حاجه حلوه انت عملتها وبتعملها

الازهرى يقول...

شموسة

أخيرا أنا قاعد من امبارح مستنيكى

صدقينى كلامى أقل كتير من اللى انا حسيت بيه فعلا

وشكرا على كلامك الرقيق هنا وعندك

وزى ما وعدتك بقيت مؤدب جدا ومش قلت أى حاجة على حد ولا ذكرت أسماء

أما بخصوص
خير بنات ممكن تقابلها وتفتخر انهم في حياتك

نخلى المناقشة فى النقطة دى للجولة التانية من المباحثات

كيمو فعلا شخصية ظريفة
لكن بعد الامتحانات ان شاء الله اكون فاضى واعمل معاه احلى شغل

وصدقينى
انا متشكر جدا جدا جدا جدا
على دعوتك لى بجد مش قادر اقول لك اثرت فى لدرججة ايه
وخاصة بعد ما رحت وكانت قعدة جميلة بكل ما تعنيه الكلمة من معانى

كيــــــــــــارا يقول...

الرد جاهز اول اما جيت من الشغل ساعه اما بعتلك المسج واول اما الناس مشيت جيت اهو اضيفه

***********

هسسسسسسسسسسسسسسسسسسسسسسس

وبعديييييييييييييييين الواحد لسه جاي من الشغل بقي ومصدع


وانا اقول الدوشة جايه فين

تاررررررررري بقي في حاجه موش حارفة اسمها اسمها ايه قولو محايا عماله تقرض في الباب عشان الناس تسمع حسها هيع هيع هيع هيع

ياحيييييييني يبني دا انا كنت هموت من الضحك لما كنت اتكلم وشموسة عماله كول ثويه تقول دا في حمايتي دا في حمايتي يالهوي


مش كنت اتخيل ابدا انك خايييييييييييييف للدرجة دي اياااااااااااا شكلك كان تحفففففففه هههههههههههههههههههه


وبعدين عمال تقول عرفتوا ازاي عرفتوا ازاي ان انا كرومبو والبت انتيمي سحس هيا مووووضلعه اوي يعني

مااانت حاطط بروفيلاتنا ااااااااااااااااااااااااااخ منك اااااااخ

ال يعني برئ ومش قولت حاكه

لااااااااااااااااااااااااااااااااااااااااااااااا


دا في تصريح فهمي نظمي عزمي

من مامتي حبيبتي

ان لو في اي حاجه تدا ولا تدااااااااااااااا


نعلن الحرب وموش نسككككككككككككككت بوتيتا


ال اييييييييييييييييييييييييييه انتو عرفتوا منييييييييييييييييييييين


صبرررررررررررررررررررررررررني يارب


والله كنت عاوزه اصورك وانت قاعد خااايف وكل اما نتاهب ليك تقوم تنادي علي شموسه انا في حماااااايتك ههههههههههههههه


بس بجد كنت ميته من الضحك لما بقي لونك احمرررررررررررررررررر من الشمس

وشموسة قالت انتو بتعاقبوه ههههههههههههههههههههههههههههههه حثل حثل شموسة

**************************

نفصص بقي

( وأعذرونى لعدم ذكر أسماء لأنى وعدت بالحفاظ على سرية الشخصيات )

هههههههههههههههههههههههههههه موتني من الضحك هنا لااااااااااااااااا بجد وفيت وفيت بالوعد موش كنت اعرف انك كاتم اسرار كدا

يعني لو الدولة اعتمدت عليك هههههههههههههههههههههههههههه معروف النتيجة اشششششششششششششششششششطه اسرارها كلها عند الدول والدويلات وكل كبير وصغير هههههههههههههههههههههههههههههه


***************

وكانت عينيهم أقول إيه بس
مالها عنينا بقي

لاقووووووووووووووووووووووووووول انا عاوزاك تقول



موش عندك حاجه تقولها هههههههههههههههههه ياحيني والله صحبت عليا موش تعمل في نفسك كدا يبني


************

أكتر من مرة بيحط إيده ناحية جيبة شكله كده كان شايل فيه مية نار

هههههههههههههههههههههههههههههههه

حرام عليك دي الشنطة موش لمستها ولا عندها جيوب ايه الافترااااااااااااااااااا دااااااااااااااااااااااااااا

افترا صحيح صحيح

******************

كنت أنا المقصود

كان فيه 6 افرااااااااااااااااد قاعديييييييييييييييين

ليه قلت انت المقصود

شكلها البطحه وجعتك بقي نياهاهاهاهاهاهاهااها

**************************
عارفين البنات الغريبة دى اللى بتبقى مثقفة كده وبتحب القراءة وعارفين هموم بلدهم وبيحاولوا يحاربوا علشان يشيلوها عنه أهم دول ، بنات كده من النوع اللى يخلي أهله فخورين إن دول بناتهم ، وتفخر بلادهم بيهم

~~~~~~

طب عارف كان في واحد قال لما اتكلمنا عن الزوجه المثقفه قال هو الفلسفه هتجيب العيال !!!

بالحرف والله

************

وبصراحه انا فعلا كنت مبسوطه من اللقاء دا بجد كانت شموستي وانتيمتي واحشني جداااااااااااااااااااااااا

وكمان عرفت اختك العسوله ويارب تشترك في التدوين

وشفتك واتكلمت معاك مع ان المره الاولي كانت في حفل توقيع الكتاب بس موش اتكلمنا كتير ساعتها

وفي الاخر اخيراااااااااااا شفت كيمو اللي بجد المره دي فهمت كتير من اسلوبه وتفكيره ربناه معاه ويوفقه

*************

نيجي بقي لتعليق الكومنتات

ومين قال انى روحت البيت بسلام أنا روحت لقيت كابل النت فى ناس كانت خايفة منى فدعت عليه واتقطع وطلعت على السطح وفضلت أصلحه حوالى ساعة تقريبا

--------------

ههههههههههههههههههههههههههههههههههههههههههههههههههههههههههه

الدعوات اتت بثمارها اشششششششششششششششطه

بجد كان يوم جميل رغم اني مش كنت في المود ودماغي كان فيها مليون حاجه بس كان يوم جميل جدا

اللؤلؤة يقول...

السلام عليكم
حمداً لله على سلامتك
أشكر لك أخى الكريم شعورك الطيب تجاه أستاذنا الفاضل بيرم المصرى شفاه الله وعافاه .
من المعروف عن الأخت شمس النهار أنها ودودة
وموضوعاتها هادفة وتناقش مشكلات يعانى منها فئة كبيرة منا .
دمت بكل الخير والود

شمس النهار يقول...

يانهار ابيض ياكيارا
كل ده تعليق ده مترين كده يادوب

الولد ماجبش اسامي هو حط صور بس
يعني هيقطع نفسه

**ازهري
انت تستاهل اكتر من كده
وبشكرك علي شعورك الطيب تجاه كيمو
ربنا يكرمكم انتم الاتنين

شكا ليكم كلكم

الازهرى يقول...

خيارا توهان

والله كنت عاوزه اصورك وانت قاعد خااايف وكل اما نتاهب ليك تقوم تنادي علي شموسه انا في حماااااايتك

يعنى بتعترفى انكم كنتم بتتأهبوا وكان فى نية سودا ومبيته وحاجات كتير كده
اللهم فاشهد

اما بخصوص سحس بتاعك التانى ده فباذن الله جرة استيكه تمسحه اساسا من على وش الدنيا

**************************************
الدعوات اتت بثمارها اشششششششششششششششطه

وبتعترفى انك انت اللى دعيتى
شاهدين يا بشر انا مش باتجنى على حد اساسا
اعترفوا بنفسهم
وكل شىء ماشى رسمى فهمى نظمى

يعنى انا من حقى اطالب بالتعويض عند محكمة العدل الدولية
***************************
اما بخصوص المود فباذن الله كل شىء يبقى خير ولو فى حاجة يا ريت تبعتى لى

ادم المصرى يقول...

صباحكو اجمل من السكر

والبان السماره

بس انا زعلان ان محدش قالى حاجه زعلان جدا

الازهرى يقول...

اللؤلؤة

وعليكم السلام ورحمة الله وبركاته
استاذنا العزيز بيرم المصرى يعلم الله مكانته فى قلبى
وكنت اتمنى لو فى استطاعتى تقديم المزيد

اما بالنسبة لشموسة
فهى فعلا انسانة جميلة ومثقفة وعلى خلق رفيع
وموضوعاتها فعلا بتكون شاغلة وتهم ناس كتير

شكرا على الزيارة واتمنى دوامها

الازهرى يقول...

شموسة الغالية جدا

شاهدة على عمايلهم
علشان تعرفى انى مسكين ومفترى على
انا سكت علشانك فى المرة دى
وعملت بكلمتك وبعدت عنهم
لكن هم اللى بيجروا شكل يبقى انا من حقى ارد
والا ايه ؟

وكيممو لسه فى بينا كلام كتير

الازهرى يقول...

ادم المصرى

احلى صباح على احلى ناس

انا نفسى كان الموضوع مفاجأة لانى فى الامتحانات
وكمان انت اساسا مختفى من فترة وغايب

تحياتى دوما

كيــــــــــــارا يقول...

اييييييييه دور الشهيييييييييد اللي انت متبت فيه دا


ال شاهده ال

يبني اسال اختك انت كنت عامل ازاااااااااااااااااااااااااااااي وانت خاااااااايف ياحيني وشموسة قالت بنفسها

الله هو الحمايه في كوستا وبرا كوستا لا

ااااااااه كل شويه تنطق انا جاي في حمايتك ههههههههههههههههه

كل اما افتكرها ااااااااااموووووووووووت من الضحك

***************

كمان ياشموستي انا تعليقي صغنن اصلي دماغي موش رايقه خالث

*************

اكيد طبعا لو في حاجه هبعتلك ميل :)

الازهرى يقول...

خيارا
ينا الغلطان انى سمعت كلام شموسة وسيبتكم تطلعو ا احياء من هناك اساسا
ما هى لو علبة مبيد حشرى كنت خلصت البشرية كلها من راسين من روس الفساد
بعد كده اتفق مع شموسة كل واحد من بيته
ومفيش حد تحت حماية حد
والخسران يبقى يلموا بقاياه من على الاسفلت

انا وانتوا والزمن طويل

وكمان تعالى هنا
لو ده تعليق صغير وعلى الماشى
مال لو نويتى تعلقى بقى يبقى قد ايه ؟

ايوه صحيح افتكرت يبقى انت اخدتى من سحس شوية من الحبر اللى استلمه وانكر
يا لا بقى ما هو ببلاش

romansy يقول...

الحمد لله يا ازهرى
رجعت المدونه بالسلامه انا كنت خايف عليك من حزب الشر
بس الحمد لله انك بخير شموسه انسانه جميله
وشرف لاى حد انه يتعرف عليها
يا بختك يا عم

ابو المفاصل الواصل يقول...

الله يعطى ويأخد
كلنا نفرح ونــسر بالانجـــاب والميلاد
ونحزن للمـــوت والفراق والاســـترداد
مع ان الحياة امــانة من الله للعباد
يستردها فى حينها حين يحـــين والميعاد
ولحبنا لحبايبنا نحزن للفراق والابتعاد
وهذا شعور انسانى طيب و جميل لمن اراد
ولكن فى حدود الشكر والرضا والاستحماد
فالله يعطى وياخد وبمنتهى الحب والوداد
جل شانه صاحب هذا الحق وهذا الانفراد

ابو المفاصل الواصل يقول...

الله يعطى ويأخد
كلنا نفرح ونــسر بالانجـــاب والميلاد
ونحزن للمـــوت والفراق والاســـترداد
مع ان الحياة امــانة من الله للعباد
يستردها فى حينها حين يحـــين والميعاد
ولحبنا لحبايبنا نحزن للفراق والابتعاد
وهذا شعور انسانى طيب و جميل لمن اراد
ولكن فى حدود الشكر والرضا والاستحماد
فالله يعطى وياخد وبمنتهى الحب والوداد
جل شانه صاحب هذا الحق وهذا الانفراد

محمد الجرايحى يقول...

حمداً لله على سلامتك

صدى الصمت - عاشقة الورد - يقول...

جميل قوى لقاء الأصدقاء والتعرف عليهم عن قرب ووجهاً لوجه بعد ماتعرفنا عليهم عن طريق غير مباشر فبل ذلك
وجميل أن تتأكد وتثبت الصورة التى طبعتها فى ذاكرتك ومخيلتك عنهم
تحياتى وماتنساش وعدك ليا لما مشاغلك تخلص

Beram ElMasry يقول...

الازهرى
صديقي وحبيبي لك كل التوفيق في امتحناتك وتمنياتي بالنجاح لك ولا تنساني بالدعاء.
والله معاك حق هو الي يسهر للفجر قصاد الدش هيقوم يزرع ولا حتي عشان يصلي

تحياتي والسلام عليكم ولا سلام مع اليهود

الازهرى يقول...

صديقى الذى أعتز بصداقته جدا عمرو

أتمنى بالفعل أن أكون جديرا بمديحك الجميل هذا

وسيناء أو الصعيد المهم أنه مكان جميل فى بلدنا الحبيب منعنا من التمتع بلقاءك
وكلامك عن شمس صحيح جدا جدا جدا مع اصرارى انها فعلا ملكة بكل ما كنت أتخيله عن الملكات معنى تحويه الكلمة
وبخصوص الحجم فتعرف إن إحنا اتكلمنا فيه فعلا وكانت بتقول انك خسيت كتير فى الصور عن فايد
لكن فعلا لها حضور وهيبة يجعلانها عملاقة فى قلوب من يجلس معها

أتمنى من الله أن يكون اللقاء القادم جامعا بيننا

تحياتى دوما وخالص مودتى

الازهرى يقول...

رومانسى الغالى

ايوه كنت خايف على
وبالامارة جريت وسيبتنى لوحدى

صدقنى شرف بلا حدود معرفة انسان جميلة مظهرا واعماقا مثلها

الازهرى يقول...

ابو المفاصل الواصل

شكرا على الكلمات الجميلة وليعنى الله على رد زيارتك الجميلة

اتمنى دوام التواصل

الازهرى يقول...

أخى الغالى محمد الجرايحى

الله يسلمك يا رب
دعواتك معانا فى الامتحانات

الازهرى يقول...

صدى الصمت وعاشقة الورد

اتفق معك بالكامل
والكثير ممن قابلتهم اتفقت صورهم تماما مع تخيلى لهم

وباذن الله لن انسى
ولكن اسألك الدعاء

الازهرى يقول...

حبيبنا الغالى ا/ بيرم المصرى

جئت الان كى اطمئن عليك
وادعوا الله تعالى ان ينير لك البصر كما رزقك ببصيرة صافية نقية ترى الكثير ويمتعنا قلمك بما تشاهده

صعب ان ادعى اننى قرأت اليوم لأن ذهنى ممتلىء بأمور الدراسة وأحب أن أقرأو أنا يقظ الذهن

تحياتى ودعواتى واعتذارى

yoyo يقول...

مسائك سكر يا ازهرى
انا قولت هو اختفى فين ؟؟
ماشى يا باشا
الف سلام على نظام التشغيل و الله
ربنا يقوموا بالف مليون سلامة يا ضنايا
ههههههههههههه

ترجع لنا بالف سلامة
فى انتظارك دوما
تحياتى
يويو

المعلم محمد صاحب المطعم - طعمية سخنة يقول...

حمد الله علي السلامة
طيب عاوزين حلاوة الرجوع
بدل ما احنا اللي كنا نزورك في اي حتة بقي !

ادم المصرى يقول...
أزال المؤلف هذا التعليق.
rovy يقول...

السلام عليكم
اخى الازهرى
متجمعين فى الخير دايما يارب
ان شاءالله المره القادمه تكون فى اسكندريه و يسعدنى الحظ و اشوفكم

اطيب امنياتى و ارق تحياتى

mahasen saber يقول...

زهر عارف اللقاء الجاى لو مجتش انا اليى هتقمص دور كرومبو والمفتشبتاعه وانتا عارف وانا عارفه والصور فضحتهم فضيحة الحرامى فى سوق الجمعه


بجد كان نفسى بجد انى اكون معاكوا
لا وضد تقولى فى التليفون ايه عارفه مين جه ااقولها مين تقولى ازهرى
ااقولها زهر
تقولى وجاب اخته معاه
وانا كمان اخته يا بختى النص كم

تقلى وعارفه مين تانى ااقولها حسرينى حسرينى
تقولى كيمو
وانا يا ربى عليا وعلى مشغولياتى ده انا نفسى اشوف كيمو جدا

شفت انا خظى شمال ازاى

اللقاء الجاى حسك عينك مناخيرك متحضرش واختك معاك عشان اشوفها ضد بتشكر فيها قوى قوى

بعدين شموسه انتا واستاذ عمرو ظلمينها دى اكتر من اليى قولتوه بمراحل
اوصفوها صح بئه لانها تستاهل اكتر من كده بكتير فعلا

Beram ElMasry يقول...

الازهرى
حبيبي واخي الغالي نتمنا نجاحك بتفوق لان هذا ما يدخل علي نفوسنا البهجة والسرور
وتحياتي والسلام ولا سلام مع اليهود

فراشة يقول...

يا جماعة مدوناتنا كلنا مسروقة
واحنا قاعدين مش حاسين بحاجه
لازم يكون لينا موقف
بصراحه صديقتنا طفلة صاحبة مدونة
احساس طفلة محبة للرومانسية بس عاطفية
هى اللى نبهتنى لده
بشكرها جدا
كلنا نعمل اى حاجه ونبلغ بعض

فراشة يقول...

انا آسفه ان كنت غيبت عن زيارتك كتير ولما ارجع اعلق عندك يكون تعليقى بعيد عن المدونة بس والله من غيرتى على كل واحد فيكم وعلى كل كلمة كتبتوها حسيت انى حتجنن لازم ابلغم

بيخدوا كوبى من كل حاجه بنعملها ويا اما بيعملوا مدونة باسمهم او على المنتديات

كلنا نعمل اى حاجه ونبلغ بعض

ياريت كل واحد عنده طريقه نمنع بيها ده نحاول نساعد بعض
حكتبلك اللينكات بس دى مجرد امثلة للى حصل معايا او مع صديقتنا وردة او صديقتنا طفلة صاحبة مدونة
احساس طفلة محبة للرومانسية بس عاطفية يعنى مش هم دول بس لأ فى كتير جدا

http://love-radwan.blogspot.com/2009/05/blog-post_23.html

واللينك ده http://www.fremuzic.com/vb/t1159.htm

نيجار يقول...

أنا جيت D:
وبجد مش عارفه أوري وشي إزاي ..
بس والله توبه بإذن الله مش هعملها تاني
ومش عارفه أشكرك إزاي على سؤالك عليا ،
تحياتي ليك أخويا الغالي :)

الازهرى يقول...

يويو

احلى صباح واحلى مساء على الناس الكويسة

ربنا يخليكى يا رب
والنظام الحمد لله رجع تمام
وباعت لك سلام كبيييييير

الازهرى يقول...

المعلم محمد

الله يسلمك يا معلمى
وباذن الله الحلاوة فى الطريق

الازهرى يقول...

روفى اختى الغالية
وعليكم السلام ورحمة الله وبركاته

باذن الله
انا فى اسكندرية على طول بس انتم حددوا ميعاد وباذن الله اكون موجود

الازهرى يقول...

محاسن ام بيدو

ان اللقاء الجاى عندى ميعاد مهم ومش فاضى

وكمان انتى حظك مش شمال ولا حاجة
ده مفيش اساسا
وده لأنك مصاحبه ضد اساسا
سيبك منها وانت حظك يبقى تمام

اما بخصوص اللقاء الجاى ربنا يسهل واقدر احضر


انا فى الاجازة اساسا باشوف والدى ووالدتى بصعوبة
وشكرا على كلامك انتى وضد عن اختى

وشمس ورينا شطارتك تقدرى توصفيها ازاى
انا شخصيا معترف بعجزى

الازهرى يقول...

استاذنا الغالى بيرم المصرى

شكرا على دعاؤكك الجميل واتمنى ان اسمع عنك دوما اخبارا جميلة

الازهرى يقول...

فراشة

شكرا على تبليغى
وباذن الله احاول اعمل حاجة
وربنا يقدرنى

السرقة فعلا شىء مؤسف ومخجل وسخيف

الازهرى يقول...

فراشة

اولا يضايقنى جدا لما الاقى اختى بتعتذر
المفروض اننا بنعذر بعض اساسا من غير كلام

ثانيا بخصوص السرقة باذن الله ربنا يقدرنى واحاول اعمل حاجة
لكن صدقينى الموضوع قديم ومن زمان واحنا بنحاربه
لكن للاسف النفوس الضعيفة بتكتر كل يوم

الازهرى يقول...

نيجار

يا رب دايما ما تغيبى يا رب
رجعتى بالف سلامة
وباذن الله تكون الامور انتهت على خير

كيكى عوووووو يقول...

هو كان لقاء ولا قاعدة عرب ولا خناقة بالصلاة على النبى كدة!!!
وية الخاينة دى؟؟ ولية الاعتذار ومين عمل فيك كدة
الله هو فى ايه

كيكى عوووووو يقول...

انت من الاحرار يامرسى

اسماء واحلام فى وجدانى يقول...

انا جاى اشكر على وقوفك فى موضوع سرقة كلامنا وياريت تنبه عن الكلام ده عندك وتقول لكل اللى تعرفهم هنا
احمد

الازهرى يقول...

كيكى

بصى
هو بالصلاة على النبى كده
شوية مواضيع كده حصلت
لكن فى الاخر قدرنا ننقذ الام والجنين والحمد لله

الازهرى يقول...

كيكى

انا من الشطار ؟
احمدك يا رب

الازهرى يقول...

أسماء وأحلام وجدانى

انا عملت اقل حاجة لان السرقة ممكن تطولنى انا كمان
وباذن الله كام يوم كده
واخلص امتحانات
ونقدر نعمل اكتر

وان كنت اتمنى انه يبطل سرقة ويكتب بنفسه
جايز ده يكون احسن له ولنا

ايوشة يقول...

جميلة اوى القصيدة بس مش عارفة انت قافل التعليق ليه

MaNoOoSh يقول...

طالما انت قافل التعليق فى الموضوع الجديد فأنا مش هعلق عليه


لكن انا جيت اقولك ربنا معاك فى اللي باقى من الامتحانات.. وللا هي خلصت وللا ايه؟؟؟؟


وكمان موضوع التاج لحضرتك بالذات بقى اجباري يا فندم.. وخصوصا حكاية الفرق بين المرأة وقاطع الطريق دى.

yoyo يقول...

صباحك سكر يا ازهرى

ليه بس مانع التعليقات ؟!!

يارب تكون بالف خير يارب

تحياتى
يويو

شمس النهار يقول...

طالماانت قافل التعليقات
مش هعلق علي القصيده
هي احاسيس اكبر من ان نعلق عليها
بس انا جايه اوصل لك اني بدعيلك
من كل قلبي انك تنجح وبتفوق

لحظة تأمل يقول...

ازهرى

منتظرين عودتك وبوست تانى تطمنا فيه عليك وعلى امتحاناتك

دمت بكل خير

صدى الصمت - عاشقة الورد - يقول...

قافل ليه التعليقات يا عم إنت فى بوست ذكرى ؟
البوست رائع جداً جداً وعاوزة أعلق عليه
ماليش دعوة لازم تفتح التعليق
تحياتى

المعلم محمد صاحب المطعم - طعمية سخنة يقول...

فين الحلاوة !
و ايه اخبار الامتحانات ؟

التكعيبة للتنمية الفنية و الثقافية يقول...

مهرجان النشر الجماعى الاول

تقيم التكعيبة للتنمية الفنية و الثقافية مهرجان سنوي للنشر الجماعي للقصة و القصة القصيرة و الشعر بالعامية و الفصحى، سيكون موسمه الأول هو عام 2009.

و مفهوم النشر الجماعي هو مجموعة قصصية أو مجموعة شعرية لأكثر من مؤلف بين ضفتي كتاب واحد يجمع تلك الأعمال التي سيتم اختيارها عن طريق لجنة تحكيم في كل مجال على حدا، و يتم تحديد أعضاء اللجنة لكل دورة مهرجان.
و يصدر بتلك الأعمال مطبوع/ كتابين أحدهما للقصة و الآخر للشعر سيتم نشره في عامه الأول بالتعاون مع دار دَون، و يتم توزيعه و بيعه في الأسواق
لمساعدة الكتاب أصحاب العمل الواحد و كذا الكتاب الجدد الذين لم تتكون لديهم مجموعة قصصية أو شعرية بعد، في نشر أعمالهم المميزة بدون مقابل مادى

و ترسل الأعمال مرفق بها اسم الكاتب، عنوانه,رقم تليفونه,ايميله، وظيفته، سنه، سابقة نشره للعمل المقدم من عدمه او فوز العمل فى اى مسابقات ادبية
و ذلك في رسالة إلكترونية معنونه باسم المجال الذي يريد المشاركة في مسابقته مرفق بالرسالة العمل بصيغة وورد، و يفضل أن تكون تلك الأعمال مسجلة باسم أصحابها لكنه ليس شرطا لقبول العمل

ترسل الاعمال على ايميل
nashrgama3y@gmail.com

لمزيد من المعلومات حول المهرجان
http://eltak3eiba.blogspot.com
او
http://www.facebook.com/group.php?gid=94334335985#/group.php?gid=94334335985

مزيد من المعلومات حول التكعيبة
http://www.facebook.com/groups.php?ref=sb#/group.php?gid=29491316206

ملاحظات :
الاعمال المشاركة بالمهرجان هى فقط التى ترسل عبر الايميل او تسلم باليد
مسموح بالاشتراك بأكثر من عمل فى اى مجال
اخر موعد لتلقى الاعمال 15-7-2009

مع تمنياتنا للجميع بفرصة عادلة فى النشر
احمد حسن
0193953620
رقم محمول داخل جمهورية مصر العربية

فشكووول يقول...

هو كدا لازم استنفار جميع القوات المسلحه وامناء الشرطه والامن المركزى عشان يحرسوك فى كل حته والحمد لله انك ما اتخطفتش وطلبوا فيك فديه كبيره جدا عباره عن مأذون واثنين شهود

والى اللقاء فى الجلسه القادمه وابقى احكى لنا ايه اللى حصل وعموما انت معاك رقم التليفون لو اتخطفت اتصل على طول وانا تحت امرك حاكلم المأذون واقول له اكتب الكتاب باسرع ما يمكن
تحياتى

ابو المفاصل الواصل يقول...

نحن والحق
نحن قوم تخللى عن الحق طواعيةلا بياخده ولا يحب يديه/
ونعادى من يطـــلبه ونعادى اى مكان اتوجد على اراضــيه/
نتكلم عنه كثيرا ولكن لا ندركه ولا نفهم معانيه/
ولنا فيـــــه فهم خاص لا حق الا ما نقــبله وما نرتضيـــــــه/
فالحق نبت صغير يحتاج لمن يعتنى بيه ويرويه/
والتدريب عليه من الصغرلاعطائه لاصحابه والاعتراف بـــيه/
وجعله ثقـــــافة بدل الحماقة التى تستطيع جر اضخم عربيــــه/
وتحطم فى طريقها كل من ينادى بارجاع الحق لاهاليــــــــــه/
=============
ناجح يوسف فهمى

ابو المفاصل الواصل يقول...

نحن والحق
نحن قوم تخللى عن الحق طواعيةلا بياخده ولا يحب يديه/
ونعادى من يطـــلبه ونعادى اى مكان اتوجد على اراضــيه/
نتكلم عنه كثيرا ولكن لا ندركه ولا نفهم معانيه/
ولنا فيـــــه فهم خاص لا حق الا ما نقــبله وما نرتضيـــــــه/
فالحق نبت صغير يحتاج لمن يعتنى بيه ويرويه/
والتدريب عليه من الصغرلاعطائه لاصحابه والاعتراف بـــيه/
وجعله ثقـــــافة بدل الحماقة التى تستطيع جر اضخم عربيــــه/
وتحطم فى طريقها كل من ينادى بارجاع الحق لاهاليــــــــــه/
=============
ناجح يوسف فهمى

yoyo يقول...

صباحك سكر

يا ترى ليه الغيبة الطويلة دى ؟!
امتحانات طيب على الاقل طمنى عليك و عرفناايه اخبارك
يارب تكون بالف خير يارب
فى انتظار عودتك
دمت اخى بالف خير وصحة
تحياتى
يويو

لحظة تأمل يقول...

طيب طمنا عليك
بلاش الغيبة الطويلة ديه

يارب تكون بخير ان شاء الله

الازهرى يقول...

ايوشة
اسف
بس فى اسباب اقوى منى

الازهرى يقول...

مانوووووووووووووش

شكرا لرأيك
أما بخصوص التاج
ما بلاش احسن
المهم انى حذرت وربنى يسامحنى بقى على اللى هيحصل المرة دى

الازهرى يقول...

يويو

ربنا يخليكى لى يا رب

بس هى شوية ظروف كده

الازهرى يقول...

الحاجة شموسة

ربنا يخليكى لى دايما
انا عارف ان فى كتير ممكن يزعل

لكن واثق جدا فى تفهمكم

وربنامعايا