الاثنين، 18 مايو، 2009

وكمان تاج

لا يلدغ المؤمن من جحر مرتين

بالذمة دا كلام يا جماعة يعنى أنا قلت أسدد ديونى قبل الإمتحانات وأخلص وبدأت بأول تاج وبعدين لقيتكم بتقولواخليك فى المذاكرة وبعد الإمتحانات الباقى ، وأنا صدقت وبدأت انتبه للمذاكرة بشكل أكبر وامبارح رحت الإمتحان وأنا داخل شى ء إلاهى كده قال لى يا واد اعتمد على مذاكرتك وبلاش دعوات مفيش حد ضامن ممكن دعوة زى بتاعة الترم الأول توديك فى داهية وعنها وقفلت جهاز الإستقبال وقلت بإذن الله ربنا يكرمنا بالمذاكرة وبدعاء الوالدين الموجود معايا دايما لكن برضه شغلت جهاز التسجيل وقلت برضه أى حد يدعى دعوة حلوة نعرفها ونردها له فى مناسبة كويسة والحمد لله خلصت إمتحان على خير وبعد ما خرجت بأراجع الجهاز وألاقى كمية دعاوى مكثفة بطريقة غير عادية وكلها من قلوب أعوذ بالله من سوادها وطبعا الدعاوى دى من حزب الشر والأذ ى بقيادة
يويو و تشفيدة هانم
علشان التاج بتاعهم المتأخر عندى من فترة وهم من ساعة ما شافوا اجابة التاج اللى فات والغل فى قلوبهم وطبعا اجتمعوا على هم والحزب بتاعهم تخيلوا إنهم كانوا بيدعوا بمعدل 30 دعوة فى الدقيقة يعنى لولا كرم ربنا كنت أنا رحت فى داهية وعليه فأنا قلت ادخل أجاوب محدش ضامن الظروف
المهم

إسمك ؟
- تصدقوا بالله أنا أشتريت استمارة علشان البطاقة الجديدة وبإذن الله أول ما تطلع أكتب لكم بياناتها كاملة
المشهور بيه وسط اصحابك ؟
كالعاده لكل مكان شهرة معينة لكن فى الأغلب لقب الأزهرى
سنك ؟
يوم شم النسيم كان 23 واحسبوا انتى الفرق بقى

مجال دراستك ؟
المجال الأساسى الفنكوش ( تفتكروا يبقى إيه ، نخلبها مسابقة الموسم )

اسم مدونتك ؟
بعيد عن الناس أم عيون مدورة أنا عندى اتنين
- الفارس الأخير
-ذكريات
صورتك الرمزية فى المدونة بتعبر عن إيه؟
أنا عندى عادة إنى معظم مستنداتى الإلكترونية بأحملها على إسطوانات ويوم ما قررت أدخل التدوين كانت الصور الموجودة على الكومبيوتر أربع صور بخلاف الخاصين بنظام التشغيل وكلهم عن الأحصنة فكانت الصدفة هى السبب فى وضع الصورة لاأكثر
هل فكرت فى إغلاق مدونتك؟ و السبب؟
إطلاقا ولو فكرت أبعد برضه تفضل مفتوحة لأنها أراء يهمنى الناس تعرفها
إيه رد فعلك لو حد قل أدبه عليك فى المدونة ؟
أرد بأسلوب مهذب وأفهمه حسن الحوار ، لو كان بألفاظ قد تجرح الأصدقاء الذين يدخلون عندى عندها مضطرا أحذفه

أسوأ مدونة دخلتها ؟
المدونات التى تهاجم دون استناد إلى فكر ورأى ولكن لمجرد الهجوم ، كما لا تفتح مجالا لنقاش ما عرضته

هيحصل إيه للايميلات بعد ما تموت ؟
لم أخطط لذلك

إديت الباسورد لحد من قبل ؟
أبدا ، ولو أن هناك من أصدقائى من يمكنهم التوصل إليه
السفر بالنسبة لك ؟
عمل وتعلم وهروب

المود بتاعك إيه ؟
هادىىىىىىىىىى جدا لدرجة تغيظ الكثيرين وأنا منهم

بتعمل ايه فى وقت فراغك ؟
لم أتعود أن يكون عندى وقت فراغ

الأكلة المفضلة ؟؟
منتجات الألبان عموما
لكن فى المطبوخ طبعا المكرونة بالباشميل تليها اللحوم

الصفات اللى اخدتها عن والدك ؟
عشق القراءة والنحو والرياضيات
مكتبة تحوى 800كتاب معظمها من المراجع الكبرى وقد زات إلى الأضعاف الأن
صوته وحب الناس له

الصفات اللى اخذتها عن والدتك ؟
الإصرار على الوصول للهدف
أن يكون اليوم هو أساس الغد
النظرة الواقعية
احترام الناس لها

أكثر 6 حاجات بتكرههم ؟
الخيانة
العشوائية
عدم الإنتماء
التظاهر
السلبية
الكتابة
أكثر 6 حاجات بتحبهم ؟
النظام
النجاح
مساعدة الأخرين
القراءة
المقالب
لعبتى

شخصيتك نوعها ايه ؟
صعب الانسان يوصف نفسه (مقتبسة من يويو)
لكن والدى وأصحابى دايما يقولوا
إنى بأنافس الكومبيوتر فى إنى بأتم كل شىء بسرعة ودقة وإنى من غير مشاعر

لماذا دخلت عالم التدوين ؟
أستأذن فى تأجيل إجابة هذا السؤال لمناسبة قريبة

أهمية التعليقات بالنسبة لك ؟
يبين لى أننى هل ما زلت أسير فى الطريق الذى رسمته أم أننى حدت عنه فأصحح المسار ، كما أنه يعطينى الكثير من الأفكار مما يكون عندى حصيلة جيدة
اجمل كلمه اتقالت في وصف مدونتك.....؟
شمس النهار يقول.
عندما وجدت الاسم فيه الازهر توقعتان اجد مدونه متجهم زي الموضه اللي ماشيه ديني متدين يعني تجهم وعبوس وتكشيرهبس الحمد لله وجدت مدونه مبهجه وجميلهوكلمات رقيقه جداربنا يكرمك ان شاء اللهكل سنه وانت طيب
أحلى بوست كتبته مع لينك له والسبب؟؟
كلهم أجمل من بعض طبعا لكن أقربهم لقلبى
اللعنة لأنه كان يحكى عنى فى الواقع لا فى الذكرى
أفضل مدونة قرأتها ؟
هنا سأقوم بترتيب بسيط إلى حد ما للمدونات التى أتابعها وبالطبع ليس نهائيا كما أنه من الممكن أن تقع بعض المدونات منى فليلتمس لى أصحابها العذر سواء للإمتحانات أو خلافه
- فى البداية مدونة
قبل الطوفان وهى من الأسباب التى أعادتنى إلى عالم القراءة فى الكتابة الحديثة كما أنها تحتوى على فكر قوى وقلم نظيف
- مدونات فكرية متميزة
أمة الله و يلا نحب .. kz و نبضات قلم و ن و ميامسا و غواية...مجرد غواية و فارس قديم و صباح الفل و شمس النهار و مواطنون ضد الشعب و حبشتكنات فلسفية و القادمون و وميض ابتسامة وغنى عن الذكر أن الترتيب لا معنى له

- وطبعا الفرسان الثلاثة فشكوووول دوت كوم و فـركـشاوي..نـاوي... و حـسين حـامـد سـباق ( رئيس التحرير ) والترتيب له معنى (والكلام لك يا جارة )

- مدونات المتأملين فى الحياة قــصــاقيــص و عالم جيجي الصغير و The Lost Princess و بسم الله الرحمن الرحيم و الطريق الى الله و مواجهات و خواطر و الزمن الجميل و الدنيا ريشة وقلم و SHAPE YOUR LIFE و قصاقيص حبيبه و t3alo nfakr sawa و nostalagia و فتافيت الملح و تــنــفــيــس مـلـكـش فـيـه و سمكه واحده و الكــيــت كـــات و اوتار مدونة تبع مزاج صاحبتها سياسية دينية اجتماعية بين قوسين كل حاجة واصحي يا مصر و عوده مملكه الزمن الجميل و عودة الحياة و تنهيدة و [جمعاوي gam3awey و هل تبحث عن السعادة؟ و ح ـــروف متنـاثـره و عايزه اتطلق و و المدونخانة و نظرة و خواطر شابه تعيش مع الآخرين وتريد ان تكون هى و رودى هانم و feelings و قررت أكون عانس و جَـــنـًـــــة و الـمـلـتــــقى و عندما تعجز الكلمات و Butterfly و بلاش فضايح و محاولات للبحث عنى و يا دنيا ... يا غرامي وأكرر أن الترتيب لا معنى له

- مدونات القصص الجميلة كوارث و Rosa و حـــكاوي القهـــاوي و اعشق فى الليل ضوء القمر وأعذرونى إن قلت أن الترتيب هنا حسب رأيى الشخصى وإن كنت أثق فى تفهمكم

- أفض مدونة شخصية هى إنها الحياه - مدونتى الرئيسة - بجد يا جماعة صعب ألاقى عندها جديد وأقرأ غيرها حتى لو فى قبلها لم أقرأه بعد لإن فعلا روحها خفيفة فى الكتابة وعندها فكر جميل لكن لو عايزين نصيحتى ابعدوا عنها دى مفترية دى فاضحه اخواتها وصحباتها واساتذتها والشارع اللى جنبها والبلد اللى بعدهم بعشرين كيلو

- أفضل زوجين فى التدوين زمن الشيكابالالالا و صدى الصمت والترتيب له معنى ففى اللغة العربية يقدم الرجال وليس النساء أولا ( هى كده ) المهم فعلا قمة فى التوافق ربنا يخليهم لبعض ويبارك لهم ويهنيهم دايما بحياة سعيدة وآمنة (بشرط يفتكروا وعدهم لى)
- مدونات خفيفة على المعدة والعقل والقلب
حـــــبــــــة صـــــمـــــت و غلطة مطبعية و مين فين ليه و تررم و Me AnD My FrIeNdS و القدر و انا و Princess&Sunset و طوبة فضة وطوبة دهب و اقاصيص
- مدونات عالم الصحافة ربنا يعيذنا منه
دقي يا ساعة الجامعة و التحدى ما هو إلا اكبر دليل على إثبات ذاتنا ..........

- أفضل مدونة للقراءات من قراءاتى

- مدونات أفتقدها كثيرا الأستـــــــاذ و مذكرات زوجة شابة جدا و بنت القاضي و لا تحاول أن تجعل ملابسك أغلى شيء فيك حتى لا تجد نفسك يوماً أرخص مما ترتديه و فارس... ولكن... بلا جواد و هى فوضى و أكون أو لا أكون... الحريه لمنتظر الزيدي.. و المهاجر و أيام وعيشنها و شمس اللقاء و مركـــــــب ورق و !!عجبى!! و احنا حبايب و نبض الروح و Me... My Thought و مجرد رأي و انا والعالم من حولى وطبعا مدونة قلب شاعرة والتى للأسف لا يوجد رابط لها يعمل على الرغم من أنها كانت جميلة جدا

- مدونات تعرفتها حديثا وبإذن الله أسعد بهذا التعارف ومضات و محارة اللؤلؤ الندية من تربة القدس الابية و طعمية سخنة و صعبان علىّ حالنا

- مدونات حزب الشر والأذى عوووووfokaak meny و ضد التيار و انا والنجوم والدلو وهواك و عالم مولان و مخنوقة و life is still smiling on u و تخاريف آيوشة
والترتيب هنا لا يهم المهم يولعوا كلهم ( ملاحظين حاجة فى الحزب ده )


أفضل بوست قرأته ؟
من المستحيل إجابة السؤال لأنهم يختلفون فى الموضوع وفى كيفية طرح

الشغل بالنسبة لك ؟
حياتى.

الانترنت بالنسبة لك ؟
وسيلة جيدة لعرض الأراء والتعرف على الشخصيات الجميلة والتواصل مع من أبعدتهم الأيام عنى
تمرر التاج لمين ؟
كما قلت من قبل
لا يؤمن أحدكم حتى يحب لأخيه ما يحب لنفسه
*********************************************************************************
بأستأذ نكم يا جماعة بعد التعليق على التاج ألاقى رأيكم
هنــــــا ضرورى

هناك 84 تعليقًا:

romansy يقول...

اول تعليق

اول دعوه حلوه

ل



رومانسى

romansy يقول...

تانى دعوه يا ازهرى

جميله

بدل الدعوات الكتير من يويو

ومنوش


ربنا معاك يا اخى

romansy يقول...

برضه يويو
حدفت لى التاج
دا
اه منهم المدرسين يا اخى

اه
دعوات بالانجليزى وبالعربى وبكل لغات العالم

الازهرى يقول...

احلى دعوة من احلى اخ

romansy يقول...

بس الصراحه بقى يا ازهرى انت متعبتش فى نص الاسئله
انت كروت فيها بقى


بس الصراحه الصراحه تعبت جدا فى اللينكات دى كلها

انت يا ازهرى جايب مدونات النت كلها

الازهرى يقول...

رومانسى

ويا ريتهم لوحدهم
دا الحزب كله اتفق على
تخيل ؟

romansy يقول...

بشكرك يا ازهرى بيك طبعا عى وضع مدونتى ضمن المدونات ذات الكلمات الرقيقه

دا شرف ليا يا فندم

الازهرى يقول...

رومانسى

مدرسين بقى نعمل فيهم ايه
بذمتك مش من حق النعليم يبوظ ؟

الازهرى يقول...

رومانسى

تصدق بايه
انى تعبت فى الاجابة اكتر من اللينكات

دى لعبة اعلمهالك لما نبقى مع بعض علشان الحساد

romansy يقول...

أفضل مدونة شخصية هى إنها الحياه - مدونتى الرئيسة

اه يا ازهرى منها اه

تلاقى عندها دبح وقتل وسرقه وخطف وكل انواع العذاب وبعدين انا كل ما افتكر افلام الرعب بوست المروحه العملاقه وبوست العصفوره المسلوخه وبوست القرود
الصراحه مدونه مختلفه جداااااااااااااااااا

الازهرى يقول...

رومانسى

صدقنى يا صاحبى
انا صعب جدا اجامل فى رأيى والمدونتيتن بتوعك فعلا اجمل من بعض

romansy يقول...

ماشى يا ازهرى
ابقى علمهالى يا سيدى

الله يكون فى عونك
انا عارف ان حزب الشر وراك وراك ومش هسيبك ابدا

امشى يا عم بدل ما يحصلى حاجه

romansy يقول...

على فكره تاجك جميل والصفات اللى بتكررها دى لاسف جدا موجوده
بس نعمل ايه قدرنا كده بقى

ربنا يوفقك فى الامتحانات
ويحوش عنك عيون الناس والدعوات الشر

اااامين يارب

الازهرى يقول...

رومانسى

بجد مها عاملة احلى شغل عندها
وافترى على واااااااااااااااااسع

فاكر انت لما كتبت عن اخوها والوجبة وكمان اخوها والانفلوانزا

فعلا مشكلة

الازهرى يقول...

رومانسى

اتفقنا يا عمنا
حدد انت بس الزمان والمكان وانا اى هوا

لكن ماشى ليه
اه يا مدونين جبنا

الازهرى يقول...

رومانسى

ربنا يخليك يا رب
وربنا يعينى عليهم
واقدر اكمل الامتحانات على خير

mohamed ghalia يقول...

ياهلا متجمعين فى الأفراح يا جماعة
ايه يا أزهرى انت خلصت على المدونات كلها
وبعدين انت بتتكلم فى سياسة التدوين وبتحارب حزب كيارا
لعبت فى عداد عمرك يا عمنا ههههههههههههههههههههههه

الازهرى يقول...

محمد غاليا

لأ سيااسة لأ
انت كده هتودينى فى داهية
ومان لسه فى مدونات كتير
بس الوقت اللى نقرأ فيه هو المشكلة

اعشق فى الليل ضوء القمر يقول...

هههههههههههه
الله يكون فى العون

بس مقلتش سيبت مين فى التدوين مكتبتش ليه

على فكرة كل مرة يزداد إعجابى وتقديرى ليك

على موعد فى يوم ان نلتقى

اعشق فى الليل ضوء القمر

ندا منير يقول...

رائع جدا ربنا يوفقك يارب
باين من ردودك ان انسان منظم ومتفوق ربنا يوفقك فى ياتك

ايوشة يقول...

وانا بقرا التاج للاخر شغالة اقول زى عادل امام انا اسمى مكتوب
وياريته ما كان مكتوب
- مدونات حزب الشر والأذى عوووووfokaak meny و ضد التيار و انا والنجوم والدلو وهواك و عالم مولان و مخنوقة و life is still smiling on u و تخاريف آيوشة
والترتيب هنا لا يهم المهم يولعوا كلهم ( ملاحظين حاجة فى الحزب ده )


وكمان ولعتنا ايه القلب الاسود والحقد الطبقى دى ايوة ملاحظة انهم كلهم بنات قمرات شربتات وزى الفل فى اى مانع
خليك انت فى المكرونة البشاميل اللى هعدى عليك ان شاء الله ان شاء الله ربنا يكرمك بواحدة مش بتعرف تعملها بتاتا وده اكبر عقاب ليك


وعلشان انا قلبى مش اسود هقولك يلا ربنا يوفقك فى الامتحانات ( وش بيطلع نار من ودنه )

أكون أو لا أكون يقول...

كيف حالك يا أزهري...؟
اجابات جميله... رغم أنك تهربت من الإجابه على بعضها هههه...
أعتذر عن غيابي عن زيارة مدونتك... الحقيقه أنا غبت عن الكل... وذلك بسبب انشغالي في الدراسه...

يله مستنيين نسمع خبر نجاحك ان شاء الله...
في امان الله...

شمس النهار يقول...

يانهار ابيض
انا احوليت كل دي مدونات انت بتابعها
وسيتك بتذاكر امتي ان شاء الله

ماشي ماشي الحساب يوم النتيجه وعامل بتذاكر وانت دماغك في المدونات

وطبعا انا كل كلمه قلتها في مدونتك حقيقيه مش مجامله
انت اصلا انسان جميل قدرت تعمل توليفه بين الدين الصحيح وحبك للأزهر والعلم والدنيا
ربنا يكرمك

مالك انت ومال بنوتاتي الامامير دول
طب ايه قول حضرتك ان احنا هنتقابل يوم الجمعه في كوستا م نصر وانت لا
اقعد ذاكر

Butterfly يقول...

فرحت اوى لما لقيت اسم مدونتى
مع انى عارفه انها مش حلوه :)

kochia يقول...

تاج ظريف بس الاجابات مش كلها عجبتني
انت مجاوبتش اسئلة كتير اجباري
ما علينا
هنعتبر ذلك لكثرة المشغوليات
سلام

MaNoOoSh يقول...

أولا
عااااااااااااااااااااااااااااااااا
انا مش تشفيدة.. تشفيدة دى بكرهها بكرهها بكرههااااااااااااااااا
عاااااااااااااااااااا



ثانيا بقى.. يارب تكون الامتحانات عدت على خير والنتيجة تفوق باذن الله.


ثالثا
واضح انك هادى فعلا بس مش لازم علشان انت شخص هادى من بره ان بالضرورة تبقى هادى من جوة كمان.. وكمان التنظيم دة صفة جميلة جدا بتسهل على الانسان حياته شوية.. وربنا يكملك بعقلك دايما يارب.


وأخيرا بقى.. يعنى انت عارف انه حزب شورير ومؤذى وبتلعب فى عداد مدونتك وبتقول يولعوا؟؟؟
وبعدين بنات اه.. مالهم يعنى؟؟ طب دة كلهم عسسسسسسسسسسل وقمرات وسكر وشربات.. اتمنى انهم كمان ينضموا معانا لجمعية المرأة المتوحشة.
نياهاهههاهاهاهههاهاهاهاههها

saragebaly يقول...

اولا
ربنا يكرمك في امتحاناتك يارب وان شاء الله بكل نجاح وتفوق وتقديرات كبيييرة بعدد المدونات الي انت حاططها كدة

ثانيا
انا اسمي مكتووووب هيييييييييه

ثالثا
اجاباتك بجد جميلة جدا
بتدل على شخصية متميزة

رابعا ( وهجري )
انا اتحدف عليا تاااج
واول ما هجاوبه ان شاء الله
هتلاقيه اتحدف علييييييييك

متفقين طبعا

انا ألحق امشي بقى احسن شكلي هتحدف بحاجة

سلااااااام

سارة

saragebaly يقول...

انا جيت تاني

بسأل بس؟؟

ازاي حطيت كل اللينكات دي

دة انا بقالي سنة وكام شهر من اول مبدأت تدوين وانا بحاول احط لينك واحد بس

في الاخر برضو معرفتش

ممكن بس اعرف ازاي بيتحط؟؟
وهعفيك من نص سؤال من التاج

وش مسكين والله

لحظة تأمل يقول...

ازهرى

لن اعلق على اجاباتك لان كلماتى لن توفى شخصيتك الجميلة حقها

شرف لى حقا ان اجد اسم مدونتى هناوان تقرأ ما اكتبه واتمنى ان استحق كلماتك الرقيقة

وان شاء الله موفق دائما فى امتحاناتك
وناجح دوما
وبعدين افتح بس جهاز الاستقبال وهتلاقى دعوات كويسة

دمت ناجحا وسعيدا
تحياتى دوما

صدى الصمت - عاشقة الورد - يقول...

أولاً : انا بأشكرك جداً على الكلام الجميل ال قلتة عننا والحقيقة دة كتير وإحنا مانستحقش كل دة
وبالنسبة للوعد فأحب أقولك إننا إن شاءالله هنعمل المكرونة لما ربنا يفرجها علينا ونقدر نشترى لحمة مفرومة مضمونة تماماً وخالية من الخنازير
ثانيا : لماذا تكره الكتابة ؟؟؟
أنا شايفة إن القراءة والكتابة وجهان لعملة واحدة وإذا لم توجد الكتابة فماذا سنقرأ ؟
وكيف أعبر عن أفكارى دون أن أكتبها ليقرأها الآخرين وأتواصل معهم ؟
وكيف ستوثق كتاباتى وتستمر عبر الأجيال إذا لم أكتبها؟
ثالثاً : عجبنى جداً تصنيفك ووصفك المدونين والمدونات
رابعاً : أرجو منك أن توضح لى كيفية إضافة لينك المدونة الأخرى فى ملف التعريف وآسفة لو كنت هأتعبك
تحياتى

yoyo يقول...

صباحك سكر

هههههههههههههه بقى كدا يعنى
ماشى يا ازهرى
معاك الزعيمة
وخلى بالك من نفسك بقى يا بنى
هههههههههههههههههه
زعيمة حزب الشر بقى
هاركن التوك توك وارجع لك

yoyo يقول...

ماشى ماشى
يا رومنسى
مش كان العشم اهئ اهئ اهئ
وانا بقول الا رومنسى منا وعلينا

طيب بذمتك يا احمد انا شريرة
انا زعيمة الشر بس صح
هههههههههههههههه
ماشى ماشى

yoyo يقول...

اممممم
ماشى يا عم حلوة الطاعة دى
عملنا الواجب اهوا وجاوبنا على التاج
ناس مش بتجى الا بالعين الحمرا
هههههههههههههههههه

يعنى ماشى من غير بطاقة ولما تقفش بقى وانت عارف انك متراقب هههههههههه

العمر كله لك يارب وعقبال 100سنة كدا يارب
ماشى ياعم الهادى
صباحك بشاميل ههههههه هو حد يقدر يتكلم

صفاتك مشاء الله جميلة

صعب الانسان يوصف نفسه (مقتبسة من يويو)
بطلوا غش بقى هههههههههه ايه الناس اللى بتقلدونا فى كل حاجة كدا

يا خواتى على الكسوف يا ولاد
ههههههههههههه اسمى مكتوب
توء توء توء الله بقى بتكسف
ههههههههههههه

اجابتك حلوة اوى مشاء الله عليك
ربنا يكرمك يارب وتحقق كل احلامك يارب

تحياتى
يويو

yoyo يقول...

ازهررررررررررررررررررررى

بسرعة تعال وسيب اللى فايدك دا
فين بقية الاسئلة ؟؟ ها فين ؟؟
نسيت تأكل ؟؟
نسيت تشرب ؟؟
نسيت تاخد مصروفك ؟؟

هههههههههههه مش مس بقى ولا ايه
يالا هاعفو عنك بقى
زى ابننا برده

mahasen saber يقول...

يا نهار ابيض عليا وعلى كل الموجودين هونا هههههههههههههه

وحشتنى جدا جدا يا مضروب يا ازهرى انتا

اخبارك ايه بخلاف جهاز استقبالك اليى مبيشتغلش الا ايام الامتحانات بس شكله كده

يا ربى انا كنت فى غيبوبه بئه

وحشششششششششتونى والله جدا جدا جدا

mahasen saber يقول...

بعدين المسرحيه المسرخيه المسرجيه يا اخ انتا

انا كتبتها بالتلاته اهه

امتى العرض الاول عايزه مقدرش اغمض عنييه

خلص امتحانات وقلنا المسرحيه امتى

ahmed saker يقول...

السلام عليكم..........
أجابات موفقة و تنم عن شخصية يجب أن تُحترم
شكرا لك و دمت بخير

صانعة الحرية يقول...

ما شاء الله
يبدو ان حضرتك عايش فى المدونات
ربنا يبارك فى عمرك

rovy يقول...

السلام عليكم

تاج تانى بجد الله يكون فى عونك التاج احيانا كثير بيكون مرهق و كمان محتاج وقت ..
المهم اجاباتك متميزه كالعاده
اشكرك جدا لوصفك لمدونتى بالكلمة الرقيقه و ادعوا الله ان اكون عند حسن ظنك بى اخى العزيز

ادعوا الرحمن ان يوفقك فى الامتحانات

دمت مبدعا و موفقا دائما

ارق تحياتى

ABOALI يقول...

ياااااااااااا عينى عليك يا ازهرى
ياااااااااجامد
وكمان قسمت المدونات
وفلان وعلان

بس شغال النظام واجابات التاج متميزة
عاملة زاى نماذج الوزارة بتاعة الامتحانات

نموذج اصلى


زداك الله علما" يا سيدى
واعطاك التركيز والتحصيل الجيد فى الامتحانات


تحياتى

محمد الجرايحى يقول...

أخى الغالى : الأزهرى
تقبل مرورى وتقديرى واحترامى
ودعواتى المخلصة لك بأن يوفقك الله تعالى فى امتحاناتك ..اللهم آمين

maha zein يقول...

كده يا ازهري
اا شريرة
عمما اعري الا لاي مجتش علطول وده لا جهازي كا بايظ
صقي احتمال كبير ابعد ع التدي مؤقتا ا ما كش علطل
الامر دلقتي صعبة اي
ملاقيش قت اعمل فيه اي حاجة لا حتي ااكر
لاسباب كتير
هشعر بإحراج شديد اي يكو حد بيزري اا مش زر ح
الناس بتتخق
بخصص بقه كرك لمدتي
مش عارفة اقلك ايه
يعي بجد محرجة مك وم زقك
اك تفردي في المدح وتقل علي مدتي كيسة
شىء بجد معرفش ارد عليه
مع اك في الاخر فضحتني بس بردو
بجد الف شكر ليك
اجابات التاج بتاعتك حلة جدا
انت الوحيد اللى رصيت قائمة المدنات اللى تتابعها وتقراها
ده ايه ده كله
ربنا يكرمك يعزك
مش هعرف برد اردلك مدحك
هدعيلك بقه خلاص
واقلك ربنا يبارك فيك بجد

maha zein يقول...

شفت الغلطات دي كلها
ده بسبب ان الكيبورد بايظ
هاتولي كيبورد بقه

ادم المصرى يقول...

ردود التاج ده بجد اعجبتنى فى اخيارك اياها لئنها منطقيه جدا وهديه

فراشة يقول...

ماشاء الله يا ازهرى اجاباتك ممتعة
شخصيتك مرحة جدا جدا وتقريبا قولتلك كده فى التاج اللى فات
اكتر حاجه عجبتنى فى اجاباتك جزئية سرد افضل مدونة قرأتها
ماشاء الله عندك قدرة على تصنيف كل مدونة فى المسمى الخاص بها
وده تقدير منك لكل المدونين ودليل على اهتمامك الشديد وانت تقرأ لجميع المدونين
حقيقى بهنيك جدا على هذا الاحترام والتقدير
وبشكرك جدا جدا لاختيارى من ضمن المدونات صاحبة الكلمة الرقيقة
ولك كل التقدير والاحترام
وربنا معاك فى الامتحانات

فراشة يقول...

نسيت اقولك ان اسم تاجك نفس اسم التاج بتاعى اللى فاتت
وكمان تاج

norahaty يقول...

من غير مشاعر ازاى وانت بتحب المكرونة الباشميل دى كلها مشاعر:)
والله يا أزهرى اللى ما يعرفك يجهلك
انا كمان لما كنت أقرأ اسم المدونة ما كنت اتصورك لطيفففففففففففففف
ياااا لطيييييييييييييييييييييييف
كده بس فعلا اللى ما يعرفك يجهلك :)

norahaty يقول...

وانا الاسعد بالتعرف ده
واتمنى تزيد المعرفة فى الخير

norahaty يقول...

وفعلا انا معاك فى رأيك
أنها الحياة -مدونتى الريئسية
شرررررررررررررررررررررررربات:)

norahaty يقول...

أنما هو رومنسى كان
واخد المدونة لحسابه ولا ايه؟
اكيد كنت عازمه على الفطار والعشا:)

thunder يقول...

انا جيتتتتتتتتتتتتتتتتتتتتتتتت
نياهاااااااااااااااااااااااااااااااااااااااااااااااااا




اية دا ياعم انته كنت فين ال يعنى انا اللى مكنتش مختفى





بوست يع يع يا ازهرى حلوووووو عاااااااااااا



احلى حاجة فى البوست اسمى وانا من المتاملين هههههههههههههههه
ربنا يخاليك ليا ياحوبى





بجد يا ازهرى رغم انه فى حاجات انته اخفتها الا ان البوست عرفنى باخويا ايوا
دمت بكل حب وود وفى رعاية الله دائما ياااااااااااااااااااارب

اقصوصه يقول...

مدونات خفيفة على المعدة والعقل والقلب

الحمد لله ان هذا طلع تصنيفي

لووووووووووووووووول

مبروك التاج

اجابات جميله :)

الازهرى يقول...

عاشق ضوء القمر

يااااااااااااااااااه
انا سيبت كتير جدا

ربنا يخليك لى يا رب

تحياتى وخالص مودتى

الازهرى يقول...

ندا منير

بتغيبى كتير
ربنا يكون فى عونك

وشكرا على الدعاء الجميل
ادعوا الله ان يتقبله

الازهرى يقول...

أيوشة

عجبتنى جدا كلمتك دى
وانا بقرا

الههم أيوه حزب الشر
فاكرة كنتم ناويين للراجل الغلبان جاركم على ايه
انا كنت قربت ابلغ البوليس واطلب منه يحمى الراجل رسميا

بطلوا افتر ى بقى

شكرا على الدعاء الجميل

تحياتى دوما

الازهرى يقول...

أكون أو لا أكون

ربنا معاكى فى الإمتحانات ويوفقنا كلنا يا رب

وبإذن الله نسمع خبر نجاح كل الناس
ويوفق الجميع

تحياتى دوما

الازهرى يقول...

شموسة الغالية

بالعكس المتابعة مش بتاخد وقت نهئى صدقينى

ابقى فكرينى اعلمك اللعبة دى

وبخصوص مديحك مش عارف أقول إيه صراحة
كلمة شكرا أقل بكتير من اللى جوايا

أما بخصوص كوستا فصعب أعلق بس البوست الجديد فيه كتير

الازهرى يقول...

كوشيا

هنعتبر ذلك لكثرة المشغوليات

أيوه كده التمس لاخاك عذرا

صدقينى قريب جدا هاكلم عنى أنا
بس مش عارف
بصراحة خايف من رد الفعل

الازهرى يقول...

مانووووش

بخصوص أولا فأنا مش قلت إن دى إنت لكن كل واحد وعارف نفسه

وثانيا
الحمد لله الامتحانات لحد النهاردة زى العسل وربنا يتم علينا الموضوع على خير

وثالثا صدقينى انت جبتى المفيد بالظبط

اما اخيرا
فربنا يستر


عرفتى بقى لما حذرتك من اجابة التاج ؟

تحياتى دوما

الازهرى يقول...

سارة جبالى

أولا
اللهم آمين
لكن كده المواد تبقى كتيرة شويتين ؟

ثانيا
ألف مبروك

ثالثا
شكرا على المديح الجميل

رابعا
صدقينى خايف عليكى ياش احسن
ممكن يتعمل فيكى زى مانووش ويويو
انا حذرتهم برضه
وقد اعذر من انذر

تحياتى دوما

الازهرى يقول...

سارة جبالى

بسيطة جدا ادخلىى على برنامج وورد
وعلمى على الكلمة وبعدين دوسى يمين تلاقى قايمة ظهرت
اضغطى على Hyper link
تلاقى شاشة صغيرة ظهرت فيها من تحت مستطيل مكتوب جنبه Address
انسخى جواه اللينك وبعدها اضغطى أوك

وبعدين انسخى الكلمة وجواها اللينك للرسالة جوة المدونة

بس كده شفتى سهل ازاى

الازهرى يقول...

لحظة تأمل

صدقينى لم أكن أنتظر منك كلماتا فأنا أثق بك وأعرف ما تودين أن تقولين

وبخصوص مدونتك فصدقينى لو بدأت الكلام عنها فلن انتهى

وشكرا على دعائك الجميل واتمنى ان استحقه

تحياتى دوما وخالص مودتى

الازهرى يقول...

صدى الصمت وعاشقة الورد

أولا أنتما تستحقان أكثر من ذلك بكثير لولا أن الكلمات لم تسعفنى
فقد قدمتم مثالا اتقده عند الكثيرين من الأزواج المدونين
وفى حاجة اسمها مكرونة بالفراخ
أخ اللفراخ برضه مصابة
طيب السمك
مش ينفع
الأمر لله نستنى

ثانيا كلماتك بخصوص الكتابة صحيحة تماما ولكن انا الذى لم تسعفنى الكلمات لتوضيح المعنى الذى اردت
فقط ان لا احب ان اجلس واكتب

ثالثا الحمد لله اخير فى حد عجبه حاجة باعملها


رابعا بقى تعذرينى بس لمدة بسيطة اخلص شوية حاجات كد وامتحانات وافوق ومن عينى الاتنين اشوف لك الموضوع ده واكتبه


تحياتى كثيرا
وسلامى لشيكابالالالا

الازهرى يقول...

يويو

أهلا بالزعيمة
وربنا يعينا
اركنى براحتك أنا فى الانتظار

الازهرى يقول...

يويو

وانا بقول الا رومنسى منا وعلينا

يا بنتى اذا كان باعنى انا شخصيا وطلع يجرى خايف منكم

الامر لله فى المدونين دول

الازهرى يقول...

يويو

شفتى يا ابلة انا باسمع الكلام ازاى
المفروض تدينى شيكولاته مش كده ؟

وكمان ايوه ماشى من غير بطاقة
ما انا معايا كارت ميناتل

ربنا يكرنك يا رب
واتمنى انى استاهل الكلام الجميل ده

تحياتى دوما

الازهرى يقول...

يويو

يا صباح الجمال

ايوه ايوه انا عارف الشويتين بتوع المدرسين دول

تحياتى دوما وخالص مودتى

الازهرى يقول...

محاسن صابر

ربنا يجعل كل ايامك بيضا يا رب

كنت مختفية فين كل ده

ادعى لى بقى
الامتحانات عاملة شغلها معانا

الازهرى يقول...

محاسن

يا دى المسرحية

يا ستى ما انا قلت لك عليها فى الرد على البوستين اللى فاتوا

روحى راجعيهم

الازهرى يقول...

أحمد صقر

افتقدك كثيرا

شكرا على الاطراء الجميل
واتمنى اناستحقه

الازهرى يقول...

صانعة الحرية

صدقينى الكلمة الصادقة دوما ما تجذ الناس ايها

أهلا بك دوما
واتمنى بصدق دوام التواصل

الازهرى يقول...

الاخت الرقيقة جدا
ام مريم

شكرا على اطراؤك الجميل
وانا من اتمنى ان اكون شيئا يستحق ان تتابعوه

تحياتى دوما

وسلامى لمريم

الازهرى يقول...

ابو على

ومنكم نستفيد انت نسيت انك اول واحد عمل التقسيمة دى عند برنسس

شكرا على الدعاء الجميل واتمنى من الله ان يقبله

الازهرى يقول...

الاخ الغالى محمد الجرايحى
مرورك يسعدنى دوما
واتمنى ان استحق تقديرك واحترامك

وادعوا الله ان يتقبل دعائك

تحياتى دوما

الازهرى يقول...

مها زين

ايوة شريرة
لكن بجد مدونتك تستاهل كتير
وكمان اكتبى ومش تزورى لانى بجد باحب أقرألكحتى لو مش بتزورينى لانى عارف انك مشغولة فى الرسالة وربنا يوفقك كده
وتبقى وزيرة كوالالمبور

وربنا يديم الاخوة والمحبة

الازهرى يقول...

مها زين

ايوه اعملى زى ضد بقى
وشوية واطلبى حبر انت كمان

يفتح الله

الازهرى يقول...

فراشة

فعلا قلتيها واتمنى انى اكون فعلا كده

صدقينى مش لاقى كلمات اشكرك بيها على الكلام الجميل دا كله

وربنا يعينى واكون دايما عند حسن حظكم

الازهرى يقول...

فراشة

صدقينى
برىء يا بيه
دا تشابه اسماء ليس عن تعمد

الازهرى يقول...

نورا هاتى

هو انا اللى قلت
دول هم

وانا لطيف ؟
اشهدوا يا خلق
اهو شاهد عدل بيقول عنى لطيف شفتوا
سجل يا تاريخ

ربنا يكرمك يا رب

الازهرى يقول...

نورا هاتى

صدقينى اخر صفة ممكن تكون فى انى اكون مجامل
مدونتك جميلة فعلا

الازهرى يقول...

نورهاتى

على فكرة هى الرئيسة مش الرئيسية
واسألىمها عن السبب لانى مش فاهمه
لكن هى فعلا شررررررررررررررر

لاكن من غير بات

الازهرى يقول...

نورا هاتى

ايوه عزمته
لكن فى الاخر جرى وهرب وسابنى لوحدى
تصورى ؟

الازهرى يقول...

ثندر حبيب قلبى

اخيرا ظهرت
انت عارف الامتحانات بقى


صدقنى زى ما قلت لكوشيا انا اخفيت حاجات وناوى اتكلم عنها قريب
بس بصراحة خايف

تحياتى دوما

الازهرى يقول...

أقصوصة

ربنا يبارك فيكى يا رب
وتفضلى خفيفة

تحياتى دوما