الجمعة، 1 مايو 2009

باركولى




يا جماعه باركولى
أنا قابلت فشكوووووووووول
أيوه صدقونى قابلته فى الدقى يوم الأحد الماضى بعد صلاة الضهر
وكانت مقابله جميلة جدا وأنا كنت طاير من الفرح
بتقولوا إيه كداب ؟
لا كداب إيه يا جماعه ، أنا أزهرى والكذب من أكبر الكبائر
والله يا جماعه قابلته
ولقيته شاب زى العسل بتاع كده أربعة وعشرين خمسة وعشرين سنة مش أكتر من كده
لكن هو وعلشان خايف الناس تحسد العسل والإحترام ده كله بيقول على نفسه عجوز
وتخيلوا إنه وعلشان يخلى الموضوع يبقى حقيقى صبغ كام شعره كده باللون الأبيض
قال إيه فاكرنا هنصدق
يا جماعة أنا من هنا بأنادى على صعلوك ابنه وأقوله يخلى باله من أبوه ويبلغ والدته إنها تحبسه فى البيت وتمنعه من الخروج منعا باتا
راجل بالحلاوة دى كلها وبيركب المواصلات ويسافر ورايح وجاى والبنات يا عينى صعب تستحمل وممكن فى أى وقت يلاقوه إتأخر بره البيت وبعدين يعرفوا إن فى بنت خطفته واتجوزته عافية كده
صدقونى يستاهل أكتر من كده بكتيييييييييييييير
لكن الصراحة يا جماعة أنا فى الأخر كنت ماشى وفى نفسى حاجة كده ناحيته برضه
تخيلوا إنه انضم لحزب أمى وخالتى ضدى
أيوه فاكرين لما كلمتكم عنهم يوم المكرونة والضغط بتاعهم ضدى
أهو بقى فشكول أول ماشافنى ويا دوب بنتكلم ولقيته بيقول لى إنت لازم تتجوز يا أزهرى
أيوه ما هى دى مشكلة الساعة بينى وبينهم
هما عايزين إنى أتجوز وفاتحين فى الموضوع ده من يوم ما خلصت الثانوية والموضوع معشش فى دماغهم وكل ما أقول يا جماعة الصبر حلو ، طيب مش وقته يقولوا لأ
كل أصحابك وأولاد أعمامك إتجوزوا ومنهم ناس خلفت كمان وكلهم من سنك وأصغر منك
يبقى أنت قاعد ليه وساكت
أٌقولهم يا جماعة نأجل الموضوع شويتين
أمى تقول جدك الشيخ جاد الحق إتجوز وهو فى سنك وكمان الشيخ الشعراوى
وأنا رافض
وبدئوا معايا خطة الحصار النفسى والمعنوى وخطط قصيرة المدى وطويلة المدى ومتوسطة المدى وربنا يعينى فى الحرب الأهلية الموجودة فى بيتنا
لالالالالالالا يا جماعة بلاش الابتسامة الخبيثة دى والنظرات من تحت تحت والهمس ده أنا بأكرهه
أنا عارف إن فى ناس منكم بتقول إن العكس هو الصحيح وإن أنا اللى بأتحايل عليهم
طيب تخيلوا كده شاب عسولة زيي جسم رياضى ولا عبد الفتاح القصرى وطولى لا يقل بأى حال من الأحوال عن 122 سم وطبعا أوسم من الشاويش عطية ( يعنى الصراحة مش بكتير ) وكمان عندى حساب فى البنك لا
يقل عن 14 جنيه 75 قرش ، وعندى كده اللهم صلى على كامل النور وعين الحسود فيها عودين مش عود واحد عجلة رالى موديل 86 إنما إيه تحفة ، لما أمشى بيها على الطريق السريع بتبقى معجزة
وعندى السكن والحمد لله وكلها كام شهر وأتخرج ، وطبعا بأتميز عن أى خريج تانى بإنى حاجز مكانى على شط النيل عندنا ، يعنى صعب أتمرمت فى الشوارع أدور على قهوة أو خلافه زى باقى الخريجين مكانى جاهز والحمد لله
بالذمة مش أبقى عريس لقطة ، يعنى فى كام مصرى تلاقى فيهم المميزات دى
سبب الرفض ؟
بسيطة جدا
إنى إتعودت دايما على التخطيط لحياتى كل حاجة لازم تكون فى ميعادها ، ولازم نرتب حياتنا ونخلى بالنا ونعمل حساب خطوات أى مشروع ننوى نقوم بيه
هل الهمجية واتخاذ القرارات العشوائية هو ما يمكن أن يكون صحيحا ، وما الذى يؤدى إليه التسرع فى قراراتنا من هدم للبيوت وضياع للحقوق والهزيمة النفسية التى تنشأ داخلنا ، لأننا لم نعمل العقل ولو للحظات قبل أن نتخذ القرارات ، أسمع البعض ممن يقولون أتركها لله ، فهل الله سبحانه وتعالى أمرنا أن نترك الأسباب ونمشى بلا ضابط ولا رابط ، هل وأنا أعلم أن ظروف دراستى ونوعيتها وما بداخلى من خطط يمنعنى أن أتخذ تلك الخطوة أكون مخطئا ، هل الصواب أن أخطط لكل الأمور قبل الإقدام عليها ؟ أم أتحرك دون خطة واضحة يرممينى تيار الحياة أنى شاء ؟ ولا أتحدث هنا فى هذا الموضوع فقط بل كل حياتنا وكل أمورنا وإنما ضربت هذا للمثل فقط


هناك 98 تعليقًا:

SHAPE YOUR LIFE (ABOALI) يقول...

اول تعليق ابارك

SHAPE YOUR LIFE (ABOALI) يقول...

وتانى تعليق اهنى

SHAPE YOUR LIFE (ABOALI) يقول...

وثالت تعليق ابارك واهنى

الازهرى يقول...

stop

SHAPE YOUR LIFE (ABOALI) يقول...

وكمان رابع علشان الاهل والاصحاب

SHAPE YOUR LIFE (ABOALI) يقول...

هههههههههههههههههههههههه

ولو
لازال فى العمر باقية

SHAPE YOUR LIFE (ABOALI) يقول...

نشوف بقى نبارك على ايه

ونعلق

الازهرى يقول...

i was waiting for you

five minutes and i will turn to
write with arabic again

SHAPE YOUR LIFE (ABOALI) يقول...

عدنا بعد الفاصل الازهرى
اولا نبارك ونهنى المرة دى بجد على مقابلتك
مع استاذ فشكول
وانا متاءكد انه شخصية رائعة ومميزة


اما بقى الموضوع التانى
وهو الزواج
هو طبعا نص الدين كما يقال
وانت عايش دلوقتى من غير نص ولا فرد
يااااااااا عينى عليك

بس موضوع الاستعداد
هام بس ساعات بياخد اكتر من وقته والاعمار مش معروفه
وكمان البعض ساعات بيبالغ فى الاستعداد
فلا هناك شيىء يكتمل مهما كان الاستعداد

لذا الواسطية فى الامكانيات مطلوبه

ونصحية يا ازهرى الحق نفسك واللى باقى منك

وان اشتدت بك الحياه يوما فتزوج فسوف ترتاح فى ثوانى

حكمة من ابوعلى


تحياتى

yoyo يقول...

صباحك سكر يا ازهرى

و الله انا بحسدك بجد
استاذ فشكووول دا شخصية جمييييييلة ومحترمة جدا
انا بموووووووت فيه بجد وبحسد حودة على اب بالجمال و الثقافة دى
ربنا يبارك لنا فيه ويخليه لنا يارب اللهم آآمين

كل شىء محتاج اننا نخطط له مش شرط الزواج بس يعنى لكن اعتقد ان قرار الزواج محتاج تعقل و تفكير الانسان مش هيتجوز كل يوم يعنى دا اختيار العمر
بس مش تخليك طول عمرك تفكر و تفكر والاخر نلاقى تاريخ الصلاحية انتهى
يعنى من الاخر مش تخلى العملية تطول منك

يعنى كل المواصفات دى دا انت لقطة يا بنى هههههههههههههه

الف مبروك مقدما
ربنا يسعدك ويسعد قلبك يارب
ويوعدك بنت الحلال يارب يازهرى يابن طنط ام ازهرى
تحياتى
يويو

mohamed ghalia يقول...

مبرررررررررررروك يا أزهرى انك قابلت عمنا فشكول
وربنا يعينك على تحقيق أهدافك

الازهرى يقول...

ابو على حبيب قلبى

والايام دول

الازهرى يقول...

ابو على

المشكلة ليست فى موضوع الزواج والتفكير فيه
بل الكارثة ان الكثير من قراراتنا تتخذ دون تفكير كاف
وهذا بالطبع يؤدى الى الكثير من النتائج الخاطئة



وان اشتدت بك الحياه يوما فتزوج فسوف ترتاح فى ثوانى

اظن ان انت تقصد العكس

وعلى كل حال
ما تخافش صاحبك مخطط لكل حاجة وباذن الله كل حاجة تيجى فى وقتها

سلام يا حكيم

الازهرى يقول...

يويو

يا احلى صباح على احلى ناس فى الدنيا

معاكى حق طبعا فى كل الكلام
وبخصوص الصلاحية فهى مدى الحياة

وكل شىء موجود فى الخطة
لكن مين يسمع

ويا رب يسمع منك
بس فى الوقت المناسب

تحياتى وخالص مودتى

الازهرى يقول...

محمد غاليا

اللهم امين

وعقبالك كده يا رب

رحلتنا في الحياة يقول...

استاذ فشكول شخصية محترمة جدا وتحب ماشاء الله عليه وكل الناس بتحترمه جدا
ربنا يبارك فيه دايما يارب
اا موضوع الزواج فده مقدر ومكتوب يعنى فى المعاد المحدد هتجوز سواء برضاك او غصب عنك:)

شمس النهار يقول...

بتكون من الحاجات اللطيفه ان الانسان يلتقي بشخصيه تعرف عليها فكريا
ان يتجسد التعارف ده ويكون وجها لوجه

اما موضوع الزواج انا معاك كل شئ يخضع لتوكل علي الله والتخطيط ان شاء الله ينجح
ربنا يبارك فيك وتتخرج بتفوق
امين

marmar يقول...

عندي عروسه ليك لقطه موديل 65 ملهاش قطع غيار يعني لو باظت توديها للوكاله او ترميها من البلكونه حدف
انا تقوووووووولي لقى دم ازاي مااااااااااااااااااشي
ادعي عليك اقولك يارب تتجوز ولا اقولك ايه يابني
رووووووووووووووووح وتعالا بسرعه

marmar يقول...

صحيح
كنت تسلملي على عمي فشكول لان الراجل ده بجد زي العسل سكككككر كده بجد
مبروك عليك انك شوفتو عقبال ما تشوف العروسه موديل 65

ألـــــــوان الحيــــــــاة يقول...

المفروض فعلا كل حاجه تاخد حقها فى التفكير مش تبقى هيصه كده من غير تخطيط

واسمع كلامهم واتجوز بقى يا ازهرى عشان تلاقى المكرونه بالبشاميل على طول ومتحتاجش لحد

تحياتى ,رودى هانم سابقا

romansy يقول...

ماشى يا سيدى
اخيرا اتقلبت مع الاستالذ فشكول
انا فاكر ان انت كنت مديله ميعاد يوم افتتاح المسرحيه يانهار ابيض لسه متقابلين يا ازهرى انت متاخر كده عن مواعيدك
الحمد لله انك شوفته بخير
اما بقى موضوع الجواز
لو لقيت فرصه حلوه اوعى تفرط فيها الجواز دا نعمه كبيره يلا بس انوى كده وعندك بنات زى القمر كتير

فشكووول يقول...

ازهرررررررى
ازيك يا عسل يا بكاش يا نتاش دا أنا ح افضحك على صفحات الانترنت بجلاجل اصل انا فتان ومش يتبل فى بقى فوله
شوفوا ياجماع: وخدوا بالكم قوى من اللى ح اقوله ده
الواد الازهرى ده انا كنت فاكره بعمه وكاكولا ودقن مربعه زى سلام مربع للجدعان
لقيته لا ازهرى ولا حاجه شوفوا بقى شكله ايه
اولا : هو واد ربعه لا قصير ولا طويلا لا تخين ولا نحيف
ثانيا : شكله وحش خالص : هو ابيضانى خالص البياض الحلو الصافى ده وزى اللبن ووشه مربع وقسصاته محدده وشعره اسود وفيه شكل كتير من فاروق الفيشاوى بس هو احلى كمان منه
والواد يا جماعه وشه بيضحك على طول وعليه ابتسامه ولا ابتسامة القمر ليلة 14
بصراحه من كتر ما شكله وحش كنت عايز اقرقشه ولو عندى بنت كنت خطفته وجوزتها له خصب عنه - اصله وحش خالص واحلى من القمر
ثانيا : لقيته لابس جينز وتيشرت نصف كم والبياض القشطه باين من التيشرت ولقيته صحيح مربى دقنه . بس دقن شعرها اسود وشعره من هنا وشعره من هناك وبين الشعر باين وشه الابيض اللى زى الحليب وكل الواد ما يقولك كلمه يضحك وعلى طول وشه بيضحك والخلاصه ان شكله مش مصرى خالص ... تقولش من المانيا - من دول البلقان من عند الناس الحلوين اللى هناك فرنساوى ياجدعان ولا امريكانى
بصراحه اهله عندهم حق عشان هو واد حليوه قوى ومؤدب جدا واخلاقه دمثه خالص مالص ولما تشوفوا تعليقاته عند اى حد تلاقوا كمان ثقافته عاليه وواسع الاطلاع
يا نهار ابيض ومبيض عليك يا ازهرى مش عارف البناتات بتعمل ايه لما تتكلم معاهم
مش قلت لك حافضحك بين المدونين يا واد يا عسل انت
بصراحه بقى اهله عندهم حق انهم عايزين يلموك ويجوزوك . وانا كمان ح اخطب لك عروسه واجوزها لك خصب عنك وتلاقى نفسك مكلبش بكلابوش .
بس يا جماعه ما تصدقوش اللى قاله عن فشكول اصل هو بيحب فشكول شويه وبيبالغ فى الكلام عنه
ايه رأيك بقى فى الفضيحه دى
تحياتى يا واد يا ..... بلاش اقول اسمك الحقيقى ... خليك ازهرى احسن

د. ياسر عمر عبد الفتاح يقول...

قابلت عمنا
عقبالنا يا رب


اسمع كلام الحاجة
دي هيه الخير والبركة

Foxology يقول...

بالنسبة لموضوع الجواز

كلامك مظبوط فى التخطيط للحياة وكل حاجة وليها وقتها

تحياتى ليك على كلامك الصح :)

فراشة يقول...

كل اللى انت قولته موفقاك عليه جدا
وكمان بشجعك انك تستمر عليه
الجواز مسئوليه كبيرة جدا لازم اللى ينويها يكون فعلا قدها
مش خطوة فى الحياة تيجى كده وخلاص
وبعدين واضح من كلامك انك ماشاء الله بتخطط لكل خطوة فى حياتك بتأنى وتفكير
بهنيك عليه
استمر على كده مادمت بتأخذ بالاسباب وتلجأ الى الله
ربنا يكرمك يا ازهرى
تحياتى

حماده زيدان يقول...

جروب جريدة الصباح العربي أول جريدة عربية تهتم بكل ما يخص المدونات والمدونين
http://www.facebook.com/group.php?gid=78080770039

gogo!sf يقول...

يا بختك يا ازهرى شوفته كده وجها لوجه يا يختك يا ازهرى يا باختك متخفش انا مش بحسدك انا بأر عليك

بجد فشكول ده شخصيه جميله جدا وانا بجد بحبه اوى زى والدى طبعا رغم انى مش بعرفه معرفه شخصيه

اومال انت بقى عملت ايه لما شوفته

ربنا يخليه لاولاده ولبيته امين يارب العالمين

اما انت بقى
انا منضمه للحزب مع والدتك وكل قريبك لانك فعلا لازم تتجوز قبل ما الوقت ما يسرقك
العمر يا ازهرى مافيش اسرع منه صدقنى ومامتك كمان عندها حق نفسها ومنا عينها تشوفك مستقر مع زوجه وتشوف اولادك كمان ليه تحرمها من اقل حاجه ممكن تقدمها لها بعد تعبها وتربيتها فيك

بجد انا اتكلمت كتير سورى يا ازهرى
واوعى تزعل انى بنصحك ولا تقول انى بتدخل فى خصوصياتك

سلام

عاشقه الاحزان
جوجو

Unknown يقول...

أولاً: الف مبروك ..
شُفت الأمله يا خوي.
ثانياً: انا راح أطق ...لأني نفسي أشوفه كمان .
ثالثا: قرار الزواج مش عايز تفكير ...
خُش يا جدع و أمرك لله ...

بلاش فضايح يقول...

مبروك يا أزهرى على المقابلة دى
هى كانت صدفة ولا مترتبة؟؟
بس انا الحقيقة زورت مدونته كذا مرة الحقيقة عقليته حلوة

ربنا يوفقك

Sweet Violet يقول...

مبروك على المقابلة (:

و طبعا الصح ان الواحد قبل مايعمل اى حاجة يخطط ليها "اعقلها و توكل"

مش اننا نمشى مع التيار زى ما يوجهنا نروح

ربنا يوفقك فى حياتك يارب

صدى الصمت - عاشقة الورد - يقول...

مبروك إنك إلتقيت بإنسان محترم وجميل داخلياً
وإنت من وصفك ليه حببتنا فى شخصيتة
وبالنسبة للجواز ف ده شر لابد منه وسنة الحياه عشان تفرح بأولادك بدرى وتفرح مامتك الحاجة
ربنا يوفقك وتلاقى الفتاه المناسبة ال تكمل معاك مشوارك وتسعدك
لى رجاء عندك : ياريت تعمل تحديث للبرامج الخاصة بالأغانى والأفلام على الكمبيوتر الخاص بيك
تحياتى

عاشقة الورد

طوبه فضه وطوبه دهب يقول...

احى فيك التخطيط والاصرار على تنظيم الحياه لكن نصيحتى لا تدع هذا التفكير ياخذ منك الكثير والا ستفقد الاحساس بكل ما هو جميل

اعشق فى الليل ضوء القمر يقول...

مبارك عقبلنا و عقبال لك لما ترى النبى
فى المنام

marmar يقول...

هيهيهيهيهيهيهيي فشكككككككككول فضحك
هههههههههههههههههه
فرحانه فيك
الا صحيح طلع اسمك ايه
محمدين ولا ايه نظامك اعترف

ادم المصرى يقول...

مرحب بك ازهرى اولا بشكرك انك تذكرتنى وزورتنى ثانيا استاذ فشكول من الشخصيات الى كنت اتمنى اتعرف عليها ولكن لظروفى وانشغالى الدائم عن النت فلقدر لا يوفقنى فهذا ولكن كان فى صفك واتمنالك الخير الجواز يا اخى قدر ومكتوب فى كل الاحوال والى مكتبلك هتشوفو

MaNoOoSh يقول...

عمو فشكوول فضحك خلاص يا ازهري
هع هع هع
وبالنوسبة بقى للمزنق اللى انت فيه والحاح اهلك على زواجك فأنا سخصيا يعنى رأيي ان التخطيط اكيد ليه فوائد عظيمة.. لكن انت بس تلاقى الانسانة الطيبة بنت الحلال اللى تشاركها فى التخطيط لحياتك.. وايه اللى يمنع انك تخطط لحياتك وبنت الحلال معاك يعنى.. مهى لو فعلا بنت اصول هتستحملك وتشجعك.. واكيد الحياه هيبقى ليها طعم تانى مع حد بيحبك عن الحياة لوحدك.. وللا ايه؟

Butterfly يقول...

هههههههههههههههههههه
أنا أعلق بس أخر كلمتين

فعلا الانسان لازم ميطهورش ويركز ويرتب أولوياته ويبقى عارف اللى اللى ينفع دلوقتى وايه اللى مينفعش ولازم يتأجل !

Beram ElMasry يقول...

اخي وحبيبي دائما اسعد لرؤية تعليقك ومداومة الزيارة والدعاء لي فهذة شيم الكرام من امثالك واصحاب الهمة العالية والود الخالص والصدق في الصداقة
ولك تحباتي والسلام ولا سلام مع اليهود

Kiara يقول...

اولا

بعتذررررررر بشدة


كل سنة وانت طييييييييييييييييييييب

انا فعلا بجد زعلانه من نفسي اوي لسه فاكره حالا وعدي ليك بعيد ميلادك بس وربنا اخلص من اللي انا فيه وعيد ميلادك في رقبتي

كل سنه وانت طيييييييييييييييييب

عيد ميلاد سعيد

وفشكول اكيد شخصية جميله ومش تنق عليه بقي

كيكى عوووووو يقول...

مممممممممممممممممم
طي ياعم الف مبروووووووووووووووووك
وكمان زغروطة عشان الحبايب
لولوولوولىللىىىىىىىىىىىىىىىى
بس بالنسبة للتعليق فشكول
دة اشاعة ولا افترء ولا بتغزو العين انتوا الاتينين!!!!
عووووووووووووووووووووو

mahasen saber يقول...

ازهرى يا لمض يا بختك طبعا طبعا انك تمتعت بمقابلت عمنا الغالى واستاذنا فشكول

وطبعا مقموصه منك انك مبلغتناش اصلا انك هتقابله عشان نشاركك اللقاء الرائع ده
فبالعربى كده عينى فى المقابله دى

mahasen saber يقول...

ازهرى يا لمض يا بختك طبعا طبعا انك تمتعت بمقابلت عمنا الغالى واستاذنا فشكول

وطبعا مقموصه منك انك مبلغتناش اصلا انك هتقابله عشان نشاركك اللقاء الرائع ده
فبالعربى كده عينى فى المقابله دى

mahasen saber يقول...

اما الجواز تعالا هنا تفكيرك صح ماشى منقلناش حاجه

بس لو حسيت انك تقدر تفتح بيت وعلى مصراعيه من غير اى مشاكل فاتجوز ليه لا

انا اعتقد لما اكبر ان ربنا ارادلى انى اشوف ابنى كبير كده انى برضه هزن على دماغه عشان يتجوز وافرح بيه واعكنن بئه على مراته
فمتحرمش مامتك من المتعه دى وليك عندى صينية مكرونه معتبره محروقه من فوق وشايطه من تحت
وبالف هنا وشفا ليك وللعروسه
عروسة اخويا الصغير بئه

mahasen saber يقول...

قولى بئه اخبار المسرحيه ايه

يا ابنى عايزه اشوفك وانتا بتمثل علينا بئه ههههههههه

غير معرف يقول...

بسم الله ماشاء الله
جميلة هذه العلاقة الحميمية بين الأخوة فى الله
وأدام الله علينا جميعاً الأخوة الحقة والمودة الصادقة.
اللهم آمين
وشكراً لك أخى الأزهرى على هذا الوصف التفصيلى لعمنا الجميل وأستاذنا : فشكوووول.
وربنا يكرمك وإن شاء الله تتخرج وتحقق كل أحلامك.
بارك الله فيك وأعزك

أخوك
محمد

تامر علي يقول...

انت محظوظ انك شفت استاذنا فشكول طبعاً ده شيء مفروغ منه ..ولو ان المفروض كنا نعملة حفلة تدوينية ونتلم عليه وهاتك يا (تدوين:)

....
ياعم اتجوز .... كده كده هاتتجوز .... اعمل خطة قصيرة المدى للجواز وبعدها هتدعييييييييييلي :)

Unknown يقول...

السلام عليكم ورحمة
الله تعالى وبركاته
مبروك مقابلتك مع
الاستاذ فشكووووول
بس انت ظلمته 24-25
سنة دى!ده بالكتير 18سنة
كتابته وروحة المرحة المنطلقة
بتدل على كده .مبروك مرة تانية
بالنسبة للزواج عجبنى اوى رد
ABOALIالتخطيط كويس وكل حاجة
لكن ما تجعله طويلا وكذلك الاستعداد
لان مثل هذه القرارات مثل ما تحتاج
للتخطيط بتحتاج للجراءة والشجاعة
فى اتخاذها(وشوية تهور كمان)لانك مهما تحسبها لابد من المقسوم والنصيب يكون

لحظة تأمل يقول...

اولا اعتذر بشدة عن الغياب
ثانيا اشكرك بشدة اشد من اللى فاتت على سؤالك

ثالثا بقى .. مبرووووك رؤيتك للاستاذ فشكول وادام الله عليكم الود والتواصل دايما ان شاء الله

اما بالنسبة للتخطيط فحياتنا هى نتيجة لمجموعة من اختياراتنا
عشان كده لازم ندقق فى اختياراتنا ونخططلها كويس ونكون فاهمين الخطوة اللى بعد اختيارنا ده
والتخطيط مش شرط معناه الوقت الطويل فى اتخاذ القرار ده بيعتمد على الموضوع نفسه واهمية الاختيار

اسفة على الاطالة
دمت بكل خير وتحياتى دوما

عمرو يقول...

اسمح لى احسدك على فرصة مقابلتك للاستاذ فشكول :) و بجد وصفك له لا يختلف كثيرا عن تخيلى لشخصيته الشابه اللى استشعرتها من كتاباته و اراءه
جميل ان يتقابل المدونين و يتعارفوا و ده جزء من اهداف التدوين فى رايى
اما موضوع الزواج ده بقى فالحقيقه انا باؤيد تماما فكرة زواج الشاب فى سن مبكر
يالا يا ازهرى خلينا نفرح بيك و بلاش حجج :)

القدر و انا يقول...

ازهرى
اولا اعتذر عن التاخير
ثانيا كل سنة وانت طيب .. ويارب كل سنينك تكون سعيدة
ثالثا الجواز ( خير او شر ) الله اعلم لكن لا بد منه
حط خطط كما تريد وقسم كما يحلو لك وفى النهاية حتلاقى نفسك متزوج عكس ما خططت .. دا قدر يا ابنى العزيز
ولا بد ان ترضى به
اتمنى لك قدر جميل وطيب

غروب يقول...

عقبالنا لما نشوف عمو فشكول

وطبعا المحتل ابو على موجود هنا اهو

انا نفسي اشوفه هو كمان وانت كمان يا ازهرى علشان انتوا محتلين ولالالالازم تتعاقبوا هههه

الازهرى يقول...

ايوشه
كل شىء قسمة ونصيب
لكن المهم ان احنا ناخد بالاسباب ونرتب لحياتنا
وبعدها وقبلها
انت تريد وانا اريد والله تعالى يفعل ما يريد

فشكووول يقول...

بحق يا ازهرى عيد ميلادك
وبعدين انامش عارف يوم كام
وعموما
كل سنه وانت طيب
happy pirth day to you
وحنا حالا مالا بالا حيو ابو الفصد
عيد ميلاده الليله اجمل الاعياد
طب حيوا ابو الفصد
كل سنه وانت طيب

الازهرى يقول...

الحاجة شموسة

التخطيط هو جزء لا يتجزأ من التوكل على الله

اتمنى فعالا ان ارى الكثيرين ممن ارتبط بهم واعجبت بالكثير من افكارهم الجميلة

تحياتى وخالص مودتى

الازهرى يقول...

مرررررررررررررررر

ايوه لقى دم ازاى صحيح ؟
المشكلة فى الموديل ان بلد المنشأ غير مذكورة يعنى فى احتمال للغش
وادينى رجعت بسرعة

الازهرى يقول...

مررررررررررررررررررررر

ايوه انا عارف طبعا انه زى السكر امال هيكون مر زى ناس
وادينا فى انتظار العروسة

الازهرى يقول...

لون واحد بس كفاية

لكن تفتكرى الاقى فين واحد تقدر تعمل مكرونة بالباشميل تدخل مزاجى ؟
لو لقيتى اكسبى ثواب وبلغينى

الازهرى يقول...

رومانسى

هم فين دول

يا عم دول كلهم مشايخ غفر
وبعدين احسن نكته سمعتها فعلا كلامك عن انى باتأخر فى مواعيدى

صحيح تاخد عليها جايزة

الازهرى يقول...

فشكول المفشكل

انا تستغل غيابى وتفضحنى الفضيحة دى كلها
اكمنك يعنى عارف انى هأتأخر وارجع فى اخر الاسبوع فتاخد راحتك بقى
روح يا شيخ الله يسامحك كده ويكتبلك الجنة بعد عمر طويل ان شاء الله
وكمان ايه البياض ده كله حسستنى انى وقعت فى جردل لبن قبل ما اقابلك
وكل ده كان ممكن اسامح فيه
لكن تقول على انى مثقف يا نهار ابيض
انا مثقف ؟
انما اقول ايه ؟ بحبك وصعب ازعل منك
لكن ممكن ازعل لما الاقيك بتقول
ح اخطب لك عروسه واجوزها لك خصب عنك وتلاقى نفسك مكلبش بكلابوش .
يعنى انا اخلص من خالى تطلع لى انت

يا عالم هو ما فيش حد معايا
كلكم على كده
طيييييييييب
اما اعلنت الطوارىء واستدعيت الاحتياطى وهزمتكم

سلام وخااااااااااااالص مودتى وحبى

الازهرى يقول...

د. ياسر عمر عبد الفتاح

اللهم امين
والحاجة طبعا باسمع كلامها
هو انا لى خير من غيرها

تحياتى دوما

الازهرى يقول...

فوكسولجى

شكرا على تحيتك الجميلة
ان يصل المعنى فهذااجمل تحية اتلقاها

والاهم ان نطبق فى حياتنا ما فهمناه

تحياتى دوما

الازهرى يقول...

فراشة

ياااااااااااااااه
اخيرا لقيت حد يوافقنى
انا كنت خلاص قربت افقد الامل

الحياة بدون تخطيط معناها الضياع
وهذا احد الاسباب الرئيسية لما نراه اليوم

تحياتى دوما

الازهرى يقول...

حمادة

شكرا على الدعوة الجميلة
للاسف لست من رواد الفيس بوك

تحياتى دوما

الازهرى يقول...

جوجو

ايوه ايوه
انا عارف الشويتين دول
ما هو البنات بيفضلوا يقولوا انهم بيحبوه زى والدهم
لكن انا عرفت الحقيقة لما شفته
عينيكم منه مش كده ؟
وبخصوص الحزب
فانا خلاااااااااااص
قربت استسلم
الحزب كبر كتير وبقى صعب الواحد يقومه
لكن تفكترى لو الموضوع جه من غير ترتيب مناسب وفى غير ميعاده يبقى كويس ؟

وصدقينى انا لو شايف ان دا شىء خصوصى ولا اريد من احد ان يتدخل فيه فلن اكتبه هنا
لكن المهم كفاية قر
انا كده هاروح فى داهية
تحياتى دوما وخالص مودتى

الازهرى يقول...

فركشاوى الغالى

يعنى فكرك كده ؟

خلاص على بركة الله

الازهرى يقول...

نونا

هى كانت صدفة مترتبة
يعنى انا كنت عارف انه بيكون فى الدقى فى الوقت ده
وفى اول مناسبة لقيت نفسى قريب منه
اتقابلنا
وانت زرتى مدونه فى وقت الراحة اليومين دول
لسه البهاريز فى الطريق

الازهرى يقول...

ضد التيار
دايما ولا اعترف باى مسمى اخر

عين الحسود فيها عود يا حلاوة

حياة بدون تخطيط
تساوى الفشل

تحياتى وخالص مودتى

الازهرى يقول...

صدى الصمت

الله يبارك فيك يا رب
تفتكرى موضوع ان الجواز شر دى لو قلتها لـ س من الناس يبقى رد فعله ايه ؟

لم اقل بانه ليس كذلك ولكن ما اريد ان اقوله هو التخطيط لخطوتنا قبل اتخاذها حتى لا نصاب بالفشل وبدها نبحث عن الاسباب بعد فوات الاوان

بالنسبة للبرامج
حاضر ومن عينى
لكن ادعى لى اخلص امتحانات على خير

الازهرى يقول...

طوبة دهب وطوبة فضة

التخطيط هو اساس الحياة السليمة
واهم جزء تعلنته فيه هو ان لا اجعل الوقت يضبع هدرا منى

تحياتى دوما

الازهرى يقول...

مرررررررررررر
خلاص انا هاقر واعترف

عطعوط

يمشى معاكى ولا نغيره

الازهرى يقول...

اعشق فى الليل ضوء القمر

يارب
كم اتمنى ان يلبى الله دعاك

الازهرى يقول...

ادم المصرى

انا عارف والله انى مقصر مع ناس كتير
لكنصدقنى ظروف الشغل مع الامتحانات مخليانى فى قمة الارهاق
اعذرنى بقى يا صاحبى

تحياتى دوما

الازهرى يقول...

مانوووووش

صدقينى
انا بس حياتى صعبة فى الاوقات دى
وخايف فعلا انى اختارها وتكون محترمة وتستحملنى
وانا اظلمها وما اقدرش اعتنى بيها

والامر لله فى فشكول
يا رب اسمع عنه خمس اخبار حلوين مرة واحدة

الازهرى يقول...

فراشتنا الغالية

وكمان صوت لصالحى
شكل الامل هيرجع من تانى

وجعلنا لكل شىء سببا

هكذا تعلمنا من القران الكريم

الازهرى يقول...

حبيبنا الغالى ا/بيرم المصرى

كلماتى تعجز عن وصف شاعرى تجاه اطراؤك الجميل
لك منى كل التحية والسلام والمحبة ولا سلام مع الصهاينة

الازهرى يقول...

خيارا

بتعتذر عن ايه بس ؟
انا عارف انك كنتى فى الفترة اللى فاتت دى فى ظروف صعبة وربنا يقويكى يا رب


وكل سنة وكل من تحبين فى خير وسلام وعافية

وبخصوص النق

انا اخدت كفايتى
انتم هريتونى اساسا

الازهرى يقول...

كيكى

يا بنتى بالراحة شوية انا قلبى ضعيف وباخاف بسرعة

اما بالنسبة لكلامى عن فشكول فهو اقل من الواقع
بالنسبة لكلامه بالتأكيد اكتر من الواقع بكتيييييير

الازهرى يقول...

محاسن

اناعرفت انا جالى برد بعدها ليه
ارحمونى من عينيكم شوية


بخصوص المقابلة فيمكن اعتبارها صدف انا كنت نبه فى نادى الصيد وعرفت انه جنبى فرحت له بس كده

الازهرى يقول...

محاسن

تقصدى ما احرمهاش من الفرحة والا العكننة

لو تقصدى بموضوع القدرة النقود وخلافهفهذا فى يد والحمد لله لاننا تعودنا على العمل منذ كنت صغيرا ولدى ادخار احمد الله عليه
ولكن تخيلى معى اننى اعود الى منزلنا غالبا يوم الجمعة قبل الصلاة بقليل لاسافر من جديد بعد صلاة العشاء نظرا لظروف الدراسة بالكلية والعمل وبعض الامور الاخرى
تعالى نححسبها كده
ينفع اتجوز واظلمها معايا والا ابهدل جزء من حياتى مهم علشانه

او انى استنى انتهاء الدراسة على الاقل و مع ترتيبى الجديد للحياة تكون جزء منها

فكرى معايا
ويهمنى فعلا نصيحتك

الازهرى يقول...

محاسن
والله يا ام بيدو موضوع المسرحية ده عامللى حيرة شديدة
كل شوية يقولو ميعاد
اخرها امبارح بلغونى وانا فى مكتبة مبارك الصبح انه يوم 13 مايو وهيكون فى مسرح السعيدية فى الجيزة
بعد المغرب وانا فى الشغل بلغونى انه اتأجل لبعد الامتحانات وتم تغيير المكان الى نادى الصيد بالدقى

وربنا يهديهم بقى

الازهرى يقول...

الاخ الفاضل محمد الجرايحى

ادعوا الله تعالى ان يديم المحبة بيننا وان يبلغنا بها الفردوس الاعلى

تحياتى دوما وتمنياتى بلقيا الجميع

الازهرى يقول...

تامر على

طيب قصيرة ازاى يعنى
نقول سبع سنين مثلا؟

وكمان ادعيلك بمناسبة ايه يا عمنا
انت بتنصحنى بالمهالك وتقولى ادعيلك

طيب روح ربنا يدخلك الجنة

الازهرى يقول...

نوراهاتى
وعليكم السلام ورحمة الله وبركاته

انا برضه باقول كده لكن الناس مش مصدقة

الجرأة والشجاعة وحتى الشىء من التهور اذا لم يحكمهم العقل اصبحوا ادوات مدمرة لحياة الانسان
وتحكيم العقل جزء منه حساب الوقت
وبذلك نكون متفقين

تحياتى وتمنياتى بالمزيد من التواصل

الازهرى يقول...

لحظة تأمل
اتفقنا من قبل ان لا شكر ولا اعتذار بين الاخوة

وتخطيط الوقت بدونه ينهار اى تخطيط اخر


تحياتى دوما وخالص مودتى

الازهرى يقول...

عمرو
اسمح لك جدا
على الاقل انت الوحيد المضمون ان حسده غير مضر


امابخصوص المبكر فانا اوافقك جدا فى رأيك
لكن تفتكر يعنى ايه مبكر ؟
فى رأيي اول ما الا نسان يلاقى انه عنده القدرة على تحمل مسئولية تكوين اسرة سواء كان سنه 12 او 32

يا ترى موافقنى ؟

الازهرى يقول...

القدر وانا
لا داعى للاعتذار فالمكان مكانكم

وانا ايضا اتمنى ان يكون قدرى طيبا ولكن اخذ بالاسباب قدر استطاعتى وفى النهاية
يكون قضاء الله هو النافذ

تحياتى دوما

الازهرى يقول...

غروووب

انا اتعاقب ؟
يا نهار ابيض بعد 17 سنة تعليم بدون عقوبة واحدة اجى اتعاقب النهاردة
دى تبقى وصمت عار فى تاريخى

لكن بصراحة اتمنى انا كمان انى اشوف ناس كتييييييييييير

الازهرى يقول...

فشكووول
بقى انا ابو الفصاد ؟
ماشى يا عمنا
كل سنة وانت طيب وكل احبابك بخير يا رب
عيد ميلادى دايما اجازة رسمية وراجعه كده لمدة 10 سنين لورا على الاقل وانت تلاقية كده

وعموما السنة دى كان يوم شم النسيم

شمس النهار يقول...

كل سنه وانت طيب
عقبال ما نقولها لك وانت اشهر دكتور في الدنيا

rovy يقول...

السلام عليكم

طبعا المفروض نحسدك على المقابله الجميله لانسان جميل زى اخونا الاستاذ فشكول .. ربنا يسعدكم و دايما متجمعين فى كل خير يارب
اما عن انضمامه لحزب العائلة و مطالبتكم بالزواج الفورى فأعتقد اننا كلنا حننضم خصوصا بعد ما ذكرنه من مؤهلاتك الرهيبه اللى اكيد حنخاف كده عليك من البنات .. شاب بأوصافك و ممتلكاتك لازم يتخاف عليه جداااااااا .. ))
بس طبعا لازم ارجع و اتكلم جد و اقولك دى حياتك و ده مستقبلك و لازم تكون زى ما تحب و اكيد يوم ما حيجى النصيب مش حتحتاج حد يقولك و خصوصا لما تقابل بنت الحلال اللى حتفوز بيك بجد و ده طبعا مش علشان مؤهلاتك الفذه اللى ذكرتها لكن علشان بجد انا حساك انسان قوى و راجل يندر وجوده فى زماننا هذا و مين عارف يمكن اقدر افوز و اكون حماتك .. )) ليه لا ..
ربنا يوفقك و تحقق كل اللى بتتمناه يا ازهرى و يوفقك دايما للخير

ارق تحياتى

فشكووول يقول...

يا ازهرى يا مناكف
كل اسئلتك مظبوطه من الناحيه العلميه
لكن يا اخى تذكر انها عمل من عند الله بفعل الكينونه
وتذكر قدرةالله يفعل ما يشاء وما يريد
ولا اربعين كم ولا حتى مئات الكيلومترات ولا هيروشيما ولا مفاعل تشيرنوبل .. انها قدرة الله - ( كن ... فيكون)
صحيت من النوم ولا لسه؟
تحياتى

jehan يقول...

ياراجل انت هنا وانا بدور عليك فى الفاس الاخير

المهم فاشكووول >> بيتهئلى كده صح

انا بجد لغياه دلقوتى بحس باستغراب شديد جداا لما الاقى ابهات متفتحه وليها مدونات وحاجات جامده كده ولا كأنها شباب عشرين مشاء الله مش بحسد والله ههههههههه ربنا يحفظه يارب ومبروك ليك على المقابله

الحاجه التانيه بس يازهرى انا ليا رائى فى مضووع الجواز
انه مش ليه سن معين
يعنى يابنى لو انت جاهز من سن 16 اتجوز على بركه الله
يعنى معاك شقه تتجوز فيها تقدر تعتمد على نفسك قابلت انسانه تساندك وتكون هى النص الى هتكمل بيه مافيش مشكله
مشكله النص والشغل والمعقوات التانيه احنا الى خلقنها اى نعم هى حقيقه بس هرجع واقول الجواز البدرى فى الزمن ده افضل بكتيييييييييير
حقيقى
دلوقتى اى بنت بيجيلها عريس وهى مثلها فى ثانوى تلاقى اهلها لااااااااا علشان دراستها وهى فى الاخر ما بتعملش حاجه بالمؤهل

شوف علشان مش ارغى كتييير

يابنى لو لقيت انسانه فعلا تساندك وتسعدك وانت شايف فيها الموصفات الى بتحبها اتوكل على بركه دا ربنا يسير الامور للانسان الى عايز يتجوز

اى نعم انا عارفه ان فى معوقات كتير بس واضح مادام اهلك بيزنوا عليك يبقى هيسندوك والامور هتمشى فل مش تحبكها انت بس

>> بس مش تبقى تنسى تعزمنى ( لو فى جاتوه وكانز هزعل قوووى لو مش عزمتنى )

maha zein يقول...

يا شيخ
مثلوا مثلوا
ده انتوا ما بتصدقوا
انا بس عارفة انك عينك علي حاجة كده بس بتداري وبتعمل مكسوف

نصيحة لو تقدر تتجوز الان اتجوز والله افضل ليك من جميع الجهات

بس احسن الاختيار

انت بقه زعلان
ليه
والله غيابي عن مدوناتكم ما كان بأيدي
اللى بمر بيه ده اكتر فترة في حياتي فيها انشغالات و تغيرات وكل حاجة
كمان نتي والله بايظ
وفين وفين لما اقدر اكتب بوست او ازور حد
طبعا انا مقصرة جدا
جدا
بعتذرلك
اسفة
انت بتزورني
ومتابعني
وانا
مفيش
اسفة ليك ومتزعلش بجد

الازهرى يقول...

الحاجة شموسة
وانت وكل حبايبك طيبين
ويسمع منك ربنا
لكن الدكتراه دى فاضل عليها كتير
لكن باذن الله نوصلها

الازهرى يقول...

روفى
وعليكم السلم ورحمة الله وبركاته

انت كمان هتنضمى لهم يبقى انا رحت بلاش
كنتى املى الاخير

بالنسبة للكلام الجد فنا طلبت منك مريم اكتر من مرة لكن انت قلتى انها مخطوبة

انا نفسى اعرف يا عالم فى حد يناسب بتوع الصحافة

ما علينا ادينى مستنى يمكن الولد يطلع العوبان وتتفركش الخطوبة ويبقى من حقى ادخل واتقدم

تحياتى وخالص مودتى

الازهرى يقول...

فشكولنا الغالى
انا صحيت لك اهه
لكن انت قلت ان دا تصور شخصى ومعنى ذلك انه ليس مبينيا على ادلة تأكيدية وبذلك يمكن مناقشته من الناحية العلمية
ولو نظرت الى كل العقوبات التى وقعت على الاقوام الصابقة لوجدت ان اكثرها لا بد وان تكون كيفيته مخيفة ومعجزة من قبل الله ولكن لا تتنافى مع العقل كى يتقبلها الناس ويتعظوا به

اخبار صعلوك ايه وليه بطل كتابه ؟

الازهرى يقول...

جيهان

ايوه انا هنا بس كنت مخبى عليكم
من الناحية المادية الحمد لله انا اقدر افتح اربع بيوت مش بيت واحد

لكن انا مشكلتى فى الوقت
القت هو كارثتى الكبرى

داعى لى انت بس
وانا او ما انوى صدقينى هانسى اعزمك على طول
ما هو انا لو عزمتك يبقى بقيت الناس مش هياكلوا

الازهرى يقول...

مها زين السياسية المخضرمة

ايوه امثل
انت نسيتى انى ممثل قديم

انا موافقك
لكن تفتكرى انى اجيب بنت الحلال واظلمها معايا
يا بنتى انا اهلى اساسا بيشوفونىلمدة ربع يوم اخر الاسبوع دا لو رجعت اساسا
اقولك ادعى انت بس وكل شىء هيبقى تمام

بخصوص العتاب مش علشان انك مش بتزورينى صدقينى لانى عارف انك مشغولة كتير بسبب الرسالة واختك والطيران بجد ربنا يعينك
كان علشان انك اختفبتى شويتين كده وقلقنا بس كده
لكن انا مستنى الحفلة ومكانى المتفق عليه