الأحد، 25 يناير، 2009

تسقط الصداقة وأشياء اخرى

تسقط الصداقة وأشياء اخرى

طبعا تسقط الصداقة
اذا كان فى الموضوع اللى فات كنت خلاص قربت اخلص خالص والهانم رفعت السلاح وخلاص كنت شايف الموت بعينيه وانتم ولا اكن فى اى حاجة كله ييجى يضحك وبعدين يقولى حاسب من اللى هيحصل
ولما انت وهو وهى عارفن اللى هيحصل تسيبونى كده فى وش المدفع وتهربوا
صحيح الندالة ادب
ووسط ده كله قال الهانم التانية معرفش اسمها ايه جايه تتهمنى ان الحبر ما وصلش
طيب اذا كا انا معايا وصل ممضى منها بالاستلام جابهولى صاحب الشركة بعد ماكنت قربت اقفلهاله لما قالت انه ما وصلش
طيب مش انا من حقى ارفع قضية واطالب بالتعويض
لكن طبعا ما اقدرش
لانكم وبكدا هتوقفوا معاها برضه
ما انتوا شوية مدونين خوافين اساسا
طيب كل ده مقدور عليه وكان ممكن اعمل نفسى مش واخد بالى واطنش اهو الواحد خد على الحرب برضه ويقدر يقف ويصمد ورزقنا على الله وانا عاذركم الناس بعد 11 سبتمبر غير الناس قبلها
القرموطى طبعا كان عنده حق
وكل ده يهون
لكن انا امبارح كنت فى الامتحان وربنا سهلها كده بدعا الوالدين وجاوبت اربع اسئلة بعدين اتزنقنا ونجيب الخامس شمال نجيبه يمين مفيش فايدة زرجن وحلف ماهو متجاوب غير بدعاء حد تانى
انا شغلت الطبق وضبطت الاستقبال وعمال اجيبه من اتجاه للتانى مفيش واغير الريوستات واضبط التردد ان فى دعوة واحدة تيجى ابدا ولا ممكن واقول طيب يمكن الهانم اللى دعينالها فى السيمينار تفتكرنا وتقول اى حاجة
برضه مفيش
شوفتوا الناس بقى هيه يوم السيمينار قالت ادعولى سيبنا كل حاجة وقعدنا ندعى واسرائيل اعلنت الهدنه مع فلسطين وامريكا قررت تسيب العراق وروسيا قالت هننسحب من الشيشان والصرب اتفقوا انهم يسيبوا البوسنة فى حالها وكمان السودان اتحدت وكل ده علشان الناس تفضى تدعيلها
لما بقت داخله عليهم فى القسم بترسانة دعوات لو كان نصها مع غزة كان الوضع اتغير من زمان وبقت تشخط وتنطر فى الدكاترة وبقى ناقص تشيل رئيس القسم وترميه من الشباك وفى الاخر وافقولها على انها تسجل ماجستير من اول سيمينار فى حادثة هى الاولى من نوعها فى القسم
بعد كده راحت وادى وش الضيف ولا اكنها تعرفنا هاقول ايه سبحان مغير القلوب
المهم فجأة لقيت دعوة جامدة قوى جت وجابت السؤال معاها انا ما صدقت لقتها وضبطت الارسال على الموجة دى لغاية نهاية الامتحان وبعدين شغلت الباحث علشان اعرف دعوة مين دى اتاريها دعوة الحاجة شمس النهار وهى على عرفة ربنا يخليها لى يا رب وان شاء الله اقابلها فى عرفة السنة الجاية وينولها زيارة بيته الحرام كل سنة
المهم وبعد اللى حصل ده ولا يمكن يغتفر ابدا
انا قررت اقطع صداقتى بكل طقم النفاق ده وممنوع بعد كده حد يدخل المدونة الا اذا كان بيدعى لى ومش اى دعوة لازم تكون من القلب علشان مفيش وقت للمحاولة والغلط الامتحانات شغالة وكمان لازم يكون فى نظام الدعاء على مدار اربعة وعشرين ساعة ان ربنا يفتحها عليا واذاكر اما يومى الاربعاء والاحد من الساعة 10 الى الساعة 1 فيكون بان ربنا يفتحها عليا واحل كويس فى الامتحان وطبعا مش عاوز اتكلم عن الدعاء المضاد كان في اتنين منهم النهاردة لكن بلاش فضايح كفاية هما عارفين نفسهم
خلاص اتفقنا
على بركة الله
*************************************************************************************
نتكلم بقى فى الاشياء الاخرى
أعرف أن الكثيرين ربما يغضبون من كم السخرية والضحك وخاصة فى المواضيع الثلاثة الأخيرة التى أعتذر بشدة لمن ذكرت أسمائهم فيها ، ولكننى تعلمت منذ سنوات مبدءا جميلا وهذا بعد حادثة مررت بها جعلت منى حجرا صوانا لا يعرف البسمة ولا المشاعر ولا يجيد سوى العمل والمزيد من العمل حتى لقبت بالإنسان الألى
حتى رزقنى الله بمن علمنى فلسفة البسمة وأنها فى مواجهة الشدائد سلاح قوى للغاية فهى تقوى النفس وتبعث فيها الأمل والتفاؤل وتساعدنا على التفكير بهدوء
والأهم أنه فى وسط البسمة لا ننسى هدفنا وأن نخطط لكى نصل إليه وأن نعمل دائما على ذلك ونحن وسط كل تلك الشدائد بالفعل فى حاجة إليها ، فما زال أمامنا الكثير
الحرب قائمة فى غزة وكلنا مهددون بها ، المجتمع فى داخله يحتاج منا الكثير من الإصلاح ، الأزمة العالمية طالتنا بشدة والأرقام تهدد بالركود الذى توقعه الخبراء هذا إلى جانب الكثير من الأمور التى تتعلق بمشاكلنا الفردية
ولذلك أنا أدعوا للبسمة بالفعل فلإكتئاب لن يصلح من أحوالنا ولن يجعلنا نتقدم للأمام ، وبلدنا يحتاج منا إلى الكثير فى المرحلة القادمة ، فدعونا نتكاتف كى نبنيه كما نريد له أن يكون ، فهذا لن يكون سوى بأيدينا ولو انتظرنا ألف عام
وكما يقول شاعرنا الجميل إيليا أبو ماضى
أيّها الشاكي الليالي إنَّما الغبطةُ فِكْرَهْ
ربَّما اسْتوطَنَتِ الكوخَ وما في الكوخِ كِسْرَهْ
وخَلَتْ منها القصورُ العالياتُ المُشْمَخِرَّهْ
تلمسُ الغصنَ المُعَرَّى فإذا في الغصنِ نُضْرَهْ
وإذا رفَّتْ على القَفْرِ استوى ماءً وخُضْرَهْ
وإذا مَسَّتْ حصاةً صَقَلَتْها فهيَ دُرَّهْ
لَكَ ، ما دامتْ لكَ ، الأرضُ وما فوق المَجَرَّهْ
فإذا ضَيَّعْتَها فالكونُ لا يَعْدِلُ ذَرَّهْ
أيُّها الباكي رويداً لا يسدُّ الدمعُ ثغرَهْ
أيُّها العابسُ لن تُعطَى على التقطيبِ أُجْرَهْ
لا تكنْ مُرَّاً ، ولا تجعَلْ حياةَ الغيرِ مُرَّهْ
إِنَّ من يبكي لهُ حَوْلٌ على الضحكِ وقُدْرَهْ فتَهَلَّلْ وتَرَنَّمْ ،
فالفتى العابسُ صَخْرَهْ سَكَنَ الدهرُ وحانتْ غفلةٌ منهُ وغِرَّهْ
*************************************************************************************
تحياتى وحتى نهاية الإمتحانات أستودعكم الله الذى لا تضيع ودائعه

هناك 56 تعليقًا:

romansy يقول...

اول تعليق


ل



رومانسى

mahasen saber يقول...

الرومانسى فرحان باول تعليق ومشى

اخد انا بئه تانى تعليق

هو ده البوست اليى قلت عليه فى نعليقك يا ازهرى

ااقولك يا ازهرى تسقط الخيانه والسرقه

بس بجد اسلوبك رائع
ورائع رائع كمان

ضد التيار يقول...

ووسط ده كله قال الهانم التانية معرفش اسمها ايه جايه تتهمنى ان الحبر ما وصلش

****

اممممممممممم

و كمان اممممممممممممممم

لالالا و كمان امممممممممممممممم

بقى ماتعرفش اسمها ايه ؟؟؟

امممممممممممممممممممم

و كمان اممممممممممممممممم

و كمان اممممممممممممممممممممممممممممممممممممممممممممممم

انت متأكد يعنى يعنى يعنى انك عايز حد يدعي عليك

ييييييييييييييييييييوه حرف العين دا دايما كدا بينط فى الكلام

اقصد يدعى عليك

يييييييييييييييييه بقى على دا حرف

يدعى ليييييييييييييييييييييييك .. اخيرا

لالالالا بلاش تفهمنى صح .. الحرف هو اللى مصمم يتحشر فى الكلام انا ماليش دعوة D:

لالالالا بس يعنى انت مش عارف اسمها

انا قولت عربيه الطوب و محطه البنزين على باب المدونة

لا و مصنع الولاعات كمان نسيت اقولك انه اتنقل هو كمان على باب المدونه

الحبر ماوصلش يعنى ماوصلش

و الوصل اللى عندك مزيييييييييييييف يعنى انا بطلب الطعن و عايز الحبر

و بما انك فى امتحانات يبقى قدم السبت تلاقى الايام كلها

واخد بالك انت .. بلاش تاخده على فكره لانك مش هاتركز فى الامتحان كدا D:

بعد الامتحانات مصنع حبر يتنقل عندى على باب المدونه

ماشى ؟

**********

ربنا معاك يارب فى الامتحانات و ركز كدا فى المذاكرة بلاش دلوقتى تهدى النفوس هه بلاش

***********
ايه دا لالالالالالالالالالالالالا

اصبر اصبر انت فاكر ان الموضوع هايعدى كدا

(انا قررت اقطع صداقتى بكل طقم النفاق ده وممنوع بعد كده حد يدخل المدونة الا اذا كان بيدعى لى ومش اى دعوة لازم تكون من القلب)

دا تحذير ؟؟؟

بس ازاى هى المدونة دى بتاعتك ؟؟؟

انت ناسى ولا ايه انك اتنزلت عنها ليا ؟؟؟؟

و كمان تقطع مع مين ؟؟؟؟؟؟

لالالالالالالالا

مش بقولك ناوى ان المدونة تفقد الذاكرة و تنتهى

ارجع عن هذا القرار و إلا ...........

بلاش دلوقتى و ( إلا ) خليها فجأة كدا علشان لو مارجعتش

و ادى قاعدة فى المدونة و من غير دعوة كمان هه بس

GHARAM يقول...

تفاءلوا بالخير تجدوه



وانا دايما حا ادعي لك بس اظبط الستالاليت

romansy يقول...

انا جيت يا عم الازهرى
بس لما قريت البوست لقيتك قولت

وممنوع بعد كده حد يدخل المدونة الا اذا كان بيدعى لى ومش اى دعوة لازم تكون من القلب علشان مفيش وقت للمحاولة والغلط الامتحانات شغالة وكمان

قولت الاول اضبط التردد وروح اتوضا وادعيلك دعوه
دعوه واحده بس ليك
ودعوه تخلصنا انا وانت
من الى انت قولت عليها

ها

خلاص يا عم الازهرى خدت مصلحتها بقى هتقول ايه
سياسه يا ناس

ربنا يوفقك يا مان

بس لو اعرف مين الشريره دى
كنت اتعلمت كارتيه ولا كونغو فو

شمس النهار يقول...

ماهي دي تجليات الامتحانات
تصدق فكرتني باللايام الغريبه دي
ساعتها نقول ايام الامتحانات السوده
ولما نكبر نقول والله كانت ايام حلوه
المهم ان دعواتي ليك الاسبشيل
جابت نتيجه
وخلاص عرفت مواعيد الامتخان عشان الدعاء يكون موجهه
اضبط انت الدش ومالكش دعوا ياعم
الدعاء هيكون موجهه صح

شمس النهار يقول...

اول ماده مخدرات
لأ
ده انا كده هسطلك قصدي هشكرك واجري
قبل ماتحصل كبسه علي المدونه وانا ست كبيره ولسه حاجه فرش

رحــــيـل يقول...

اولا شكرا جدا لزيارتك على مدونتى وسؤالك عليه من فتره اان كمان كنت غايبه وفى اجازه

ثانيا ان شاء الله ربنا يوفقك فى الامتحانات وينجحك وكل الدعوات توصل تمام

ثالثا موضوع البسمه ده فعلا معاك فيه بس تعرف اوقات الواحد حتى البسمه مش بيعرف يصتنعها

ربنا يريحك بالك وينجحك يارب

تحياتى و تقديرى لك

princess يقول...

ربنا يكرمك ان شاءالله وينور بصيرتك يارب
ويذكرك بكل اللى ذاكرته واللى مذاكرتوش كمان(مش عارفة ازاى بس مفيش حاجة بعيدة عن ربنا)
لا بجد ربنا معاك وتنجح يارب
تحياتى

حروف (دلو مرة ثانية وجرح ثاني سابقا) يقول...

لالالا يا ازهري انت مش لازم تسكتعلي فكرةلو سكت مستقبللك حيضيع انا لو منك بئا اخدحقي كدة كتير ياعم وعلي العموم كله بثوابة ربنا معا وانا كمان بمتحن متسبش حقك انا جيت اهديالنفوس وهديت النفوس عند ضد بس تصدق حلوة ضد يا ضد يا ضد بقوللك ايه تيجي نعمل مسيرة ونقول ضد يا ضد
"وش بيضحك"

ABOALI يقول...

اللهم لا سهل الا ماجعلته سهلا
وانك ان شئت جعلت الحزن سهلا

فيسر له امره وحسن من خلقه
وكن له
وزد فى غذاء عقله

وقوة جسمه
وصلابه تركيزه


امين

mr_raafat يقول...

السلام علي غزة
السلام علي المجاهدين
والنصر للمؤمنين
والخزي والعار علي المتخاذلين
الذين حتي لا يستطيعون أخذ قرار بعقد قمة فارغة القرار
لأن ماما أمريكا لم توافق
حتي عباس المسمي رئيس السلطة لا يوافق علي توكيل للمحامين برفع قضايا علي زعماء ” إسرائيل ”
وحسبنا الله ونعم الوكيل
اللهم اخذلهم وانصر اخواننا في غزة

صدى الصمت يقول...

ياسلااااام دة مافيش أسهل من الدعوة هدعيلك أهوة : ربنا يفتحها فى وشك وينولك مرادك ويديلك على قد نيتك قادر يا كريم
تمام كدة ؟ سلام بقى

بسنت يقول...

ربنا معاك ويوفقك انك تذاكر كويس وتحل كويس ان شاء الله

اما عن التفاؤل فانت قلت كلام جميل وختمتها بكلمات اليا ابو ماضى صاحب قصيده التفاؤل الرائعه

اما عن الصداقه فلتعلم
ان الاصدقاء سيحرقونك فى كل مره

دمت طيب
وتعود بالسلامه

لحظة تأمل يقول...

ربنا معاك ان شاء الله ويسهلك كل صعب
وبعدين بس كده الدعوات هتشتغل ان شاء الله بس انت شغل جهاز الاستقبال واظبط التردد كويس

واتفق معك فى مبدأ البسمة
ربنا يديمها عليك

دعواتى بالنجاح والتوفيق

نيجار يقول...

اخويا الغالي
أولا انا مكسوفه جدا من تأخيري في زيارتك ،
وبجد ربنا معاك وبالتوفيق ويارب بالنجاح والتفوق،
ومن القلب والله
إنت تستاهل كل خير
تحياتي ليك

mony يقول...

لا لا لا

انا ماعنديش خبر بموضوع الامتحانات ده خالص


اصل انا معنديش حد في السلك التعليمي
فمش متابعة خالص


طيب خلاص ملحوقة


يوم الحد حاول تظبط اللاسلكي علشان تستقبل الدعوة

بس مش ماتذاكرش و تقول ماحدش دعالي
هه ؟؟ هه؟؟

يالا ربنا ياخد بيدك كده و تنجح بتقدير محترم جدا

كويس كده

ادم المصرى يقول...

اسلوبك يعجب العفريت يبنى والله مشاء الله اسلوب رائع وتنسيق كلمات وما اجمله بوست رائع على فكره مش كل الخيانه بتكون مكروها ومش من سرق حرامى ومش كل من ضربك كان اظدو انو يضربك فهمنى يمان اوكـ مستنى زيارتك بقه هه اقوم انا بقه

رابطة هويتي اسلامية يقول...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

زمن الشيكابالالالا يقول...

لأ بجد بجد أنا ماكنتش أعرف انك لسة بتمتحن أصل بتنى خلصت امتحانات بقالها 10 أيام
ربنا يوفقك ومش هأطول عليك علشان ما أعطلكش أكتر من كدة

yoyo يقول...

معليش بقى يا ازهرى الاخت عملت بمبدا الندالة علينا حق بقى ههههههههههه

ربنا يعينك يارب ويزفقك فى الامتحانات

وان شاء الله ترجع بالف خير
منتظرة وجودك و جديدك

تحياتى
يويو

saheda.com يقول...

حَيَّ عَلَى الْجِهَادِ.. لدعم المقاومة بالسلاح فى مواجهة الآلة العسكرية الصهيونية.

حَيَّ عَلَى الْجِهَادِ.. بالوقت والعلم والمال والدم لتتحقق الوحدة بين كافة طوائف الأمة..

حَيَّ عَلَى الْجِهَادِ.. بفتح المعابر والحدود وأبواب التطوع ودعم المجاهدين بكل الوسائل.

حَيَّ عَلَى الْجِهَادِ.. لتبرأ الأمة إلى ربها من تقصيرها في حق ربها ودينها ورسالتها.

حَيَّ عَلَى الْجِهَادِ.. لنصرة المظلوم وإعادة الحق لأصحابه.

حَيَّ عَلَى الْجِهَادِ.. للوقوف في وجه الظلم والاستبداد والاستكبار الصهيوني غير المسبوق على مرأى ومسمع من العالم بأسره.

حَيَّ عَلَى الْجِهَادِ.. جهادًا نرفع به سقف مواجهتنا لهذه المحرقة لأقصى درجاتها الممكنة.

حَيَّ عَلَى الْجِهَادِ.. لنحسن علاقتنا بربنا ونتقرب إليه وندعوه آناء الليل وأطراف النهار، وبخاصة وقت السحر، لنصرة المجاهدين الصابرين الصامدين.

سمكه واحده يقول...

لالالا ده انا فعلا اعتبر ندله يا اخي
مكسوفه منك خالص
معلش جيت متاخره جدا
بس هدعيلك ان شاء الله بس ركز يا عم الحج ركز
ربنا يفرج الهم عننا يارب ويثبت اهل فلسطين
وتحياتي ليك وربنا ان شاء الله يوفقك ده اذا مكنتش لسه خلصت امتحانات ابقي طمنا
تحياتي

Bent el-Qassam يقول...

بسم الله
السلام عليكم ورحمه الله
رائع البوست وجميل اوى الاسلوب
ربنا يوفقك في امتحاناتك يارب ويكرمك
- بدعي من قلبي عل فكرة -
حياك الله

rovy يقول...

السلام عليكم اخى الازهرى
الامتحانات اخذتك منا كثيرا
لكن المهم ان ربنا يوفقك يارب و نطمن عليك
ان شاء الله بالتوفيق و النجاح
البوست جميل جدا و اسلوبك رائع بجد

دمت بكل الخير و يارب يكون وشنا حلو عليك وتنجح

تحياتى

princess يقول...

برنسيس تنادى اين انت؟؟

elsha3er يقول...

الازهرى والله واحشنى وان شاء الله خلاص حتابعك على طووووووووووووووووووووول


احمد الشاعر

أسير الجراح يقول...

اخى الغالى


وحشتنى جدا جدا


وافتقدتك كتير اوى

ارجع بقى بسرعة قبل ما اسافر


ترجع بالف مليون سلامة


تحياتى لاجمل اخ

اسير الجراح

ضد التيار يقول...

كل ده امتحانات ؟؟؟؟؟!!!!!!!!

طيب ادخل نطمن عليك و نعرف عملت ايه و بعدين اختفى تانى

ماينفعش كده على فكرة نهاااائى

ياريت بجد نطمن عليك )):

الازهرى يقول...

رومانسى الغالى

خطفته من بق الاسد
مبروك يا سيدى

الازهرى يقول...

محاسن صابر

يا ستى مبروك عليه اول تعليق

وليكى عليا احجزلك المرة الجاية

بالمناسبة انتى قرأت الموضوع قبل اكتماله

الازهرى يقول...

ضد ضد ضد ضد ضد ضد ضد ضد ضد

الامر لله نبعت كمان مرة

لكن اعملى حسابك دى المرة الاخيرة

الازهرى يقول...

غرام

تتعدد الكلمات لنتعطى نفس المعنى

ولكن المهم ان نطبق ما نعيه

شكرا على الدعاء الجميل واتمنى ان اراك دوما هنا وفى المدونة الاخرى

الازهرى يقول...

رومانسى
الدعوة وصلت تمام وتم تسجيلها

اما بالنسبة لهى مين

اسأل عن موضوع التعويض بالعربية وانت تعرف

الازهرى يقول...

الحاجة شموسة

كل الدعوات وصلت والحمد لله

على فكرة انا بحب ايام الامتحانات فعلا

ومتخافيش انا دماغى تقيلة قوى

الازهرى يقول...

اختى الغالية رحيل

دا اقل شىء اقدر اعمله

اوقات الواحد حتى البسمه مش بيعرف يصتنعها


المشكلة ان ما يكونش فى اختيار وتكون مضطر تضحك وانت من جواك بتبكى

تحياتى وخالص مودتى

الازهرى يقول...

اميرتنا الغالية

دعوتك بالذات نفعتنى فى السؤال الاخير فى اخر امتحان
بعدين اقول لك السبب

الازهرى يقول...

حروف او كلمات
يمكن ويمكن
المهم

انا موافق على المسيرة بشرط تكونى انتى فى المقدمة
علشان وقت الضرب
هه موافقة ؟

الازهرى يقول...

ابو على الغالى

لا اجد كلمات تعبر عن شكرى لدعائك الجميل

تحياتى وخالص مودتى

الازهرى يقول...

صدى الصمت

حلوة الدعوة السريعة دى
المهم تكون من القلب

الازهرى يقول...

بسنت

المهم ان يكونوا اصدقاء حقيقين
ففى سبيلهم يهون كل شىء

الازهرى يقول...

لحظة تأمل

كل الدعوات الجميلة وصلت

وربنا يديم عليكى البسمة والفرحة وكل شىء جميل

الازهرى يقول...

اختى الغالية جدا نيجار

لا اعتذار فانا مقدر للظروف جدا

والدعوة الجميلة وصلت جدا جدا جدا

الازهرى يقول...

مونى

انتى ما عفرفتيش

مش بقى الحبل التعليمى

وكمان اشمعنى يوم الاحد
وبقيت الايام تزعل يعنى والا ايه ؟

الازهرى يقول...

ادم المصرى

مش كل الخيانه بتكون مكروها
بصراحة مش فاهمها قوى

باذن الله ازورك ولكن اعذرنى ان تغيبت فامامى الكثير من الامور

واتمنى تواجدك دوما هنا وفى الفارس الاخير

الازهرى يقول...

رابطة هويتى اسلامية

شكرا على الدعوة الكريمة

وباذن الله البيها

الازهرى يقول...

زمن الشيكابالالالا

ربنا يخليها لك دايما وتكون احلى حقيقة حلمت بيها

وعقبالنا احنا كمان

تحياتى وتمنياتى بتواجدك الدائم

الازهرى يقول...

يويو

الامر لله
سامحتها علشان خاطرك

الازهرى يقول...

شهيدة

دعوة جميلة وليعنى الله على ان الحق بالركب

الازهرى يقول...

سمكة قرش

وشهد شاهد من اهلها

الازهرى يقول...

بنت القسام
وعليكم السلام ورحمة الله وبركاته

شكرا على دعائك الجميل والمخلص

الازهرى يقول...

روفى اختى فى الله

وعليكم السلام ورحمة الله وبركاته

شكرا على سؤالك الجميل عنى
وعلى الدعوة المخلصة

الازهرى يقول...

اميرتنا الغالية

نحن هنا

الازهرى يقول...

شاعرنا الحبيب

اخيرا رجعت
بقالك زمااااااااااان يا راجل

بجد انا فرحان برجوعك

الازهرى يقول...

اخى الحبيب اسير الجراح

الشعور متبادل

وادينى رجعت وباذن الله انا وانت نكون موجودين دايما

الازهرى يقول...

ضد التيار

انا بدأت امتحانات فى نص ديسمبر
لكن اختفيت وقت المواد الصعبة

يا ريت تسامحونى