الثلاثاء، 3 فبراير، 2009

أنا جييييييييت

أحتاج رأيكم هنا
************************************************************
أنا جييييييييت

شكرا شكرا شكرا
أخجلتم تواضعنا
شكرا شكرا
ما خلاص جدعان قلنا شكرا يبقى شكرا
لازم يعنى كل التحية دى
خلونا نقول الكلمتين بتوعنا بقى
يبقى انتم والناس علينا وألا ايه ؟
المهم تصدقوا أنا لسه واصل من نصف ساعة وأنا داخل المنطقة لقيت حالة تراخى تامة فكرتنى بحالة ما بعد الكوارث وطبعا استغربت لكن كملت طريقى ووصلت للبيت لقيت نفس الحالة
فسألت وفوجئت بأننى نسيت وسط ما كنت فيه ان أخويا الصغير كان عنده هو كما امتحانات وطبعا أعلنت حالة الطارىء القصوى فى البلد وتم استدعاء الاحتياطى واعلان حظر التجول بعد السادسة مساء وقبل ذلك تكون الحركة فى هدوء شديد وممنوع منعا باتا مرور أى شىء من المجال الجوى من الذبابة وحتى بوينج 767
وبالطبع أدى هذا إلى تذمر شديد بين السكان وكل ما حد يشتكى يقولهم : حرام عليكم دى تالتة شهادة ياعالم
نعم بتقولوا ايه ؟ تالته ثانوى ايه ؟ تالتة ابتدائى يا ناس هو لازم يعنى نزعق

المهم كنت هانسى أنا طبعا بأشكر كل حبايبى ودعواتهم الحلوة فى الامتحان وطبعا فى ناس الذاكرة عندها ضعيفه برضه عذرهم موجود وحبايبى دايما ، ويا رب اقدر ارد لهم الجميل فى أقرب وقت .
لكن احكموا انتم فى الناس ام قلب اسود ودعواتهم اللى تودى فى داهية
يوم الاحد كان عندى امتحان حديث مادتى المفضلة واستاذها بين زمايلى وفى اخر نقطة فى الامتحان واسهل سؤال وتيجى دعوة توقف الدنيا وادور على الاجابة فى كل حته ، ابدا ، وحاولت افصل الارسال يمكن يضيع الاثر ، لكن اتضح ان الدعوة فيها فيروس سيطر على النظام كله وكانت كارثة افظع من هيروشيما وناجازاكى مجتمعين ، وشكل كده الدعوه كانت من قلب أسود من قلب أبو جهل وللنهارده الاجابة تايهه مع ان السؤال جميل وبسيط ، حتى أقروه وساعدونى انى افتكر اجابته او جاوبوه لى
يعنى إيه كلمة وطن ؟

هناك 101 من التعليقات:

ABOALI يقول...

اهلالالالالالالالالالالالالالالالالالالالالالالالالالالالالالا"
وسهلا
عودا" حميد"

اول تعليق

ABOALI يقول...

دى شهادة يا عالم
حررررررررررررررام عليكوا
عاوز ابقى عاطل

ثانى تعليق

ABOALI يقول...

احنا الشباب الضايع
ضيييييييييييييييييييييييييييياع
العاااااااااااااااااااااااااطل

ثالث تعليق

ABOALI يقول...

فرصة يا ازهرى بقى
العالم لسه نايمه
كمان بفكر فى الوطن

رابع تعليق

ABOALI يقول...

صحيح اليابان
يرموا عليها 2 قنبلة
و ترجع بعد 50 سنه تقود تكنولوجيا العالم

مش غريبه دى

خامس تعليق

ABOALI يقول...

طيب تفتكر هو حصل فى مخهم حاجة من القنبله
ولا هما اللى كده

سادس تعليق

ABOALI يقول...

اصلى بردوا انا بحلل الوطن زيك
ومش عارف

هو احنا محتاجين نوع معين من القنابل

ممكن برضوا

فكر معايا بقى

سادس تعليق

ABOALI يقول...

ايه ده
هو فيه تعليق سادس مكرر

يمكن
اهو نحاول تانى

ABOALI يقول...

بس ممكن نعمل وصلة بينا وبين اليابان

تفتكر نجيب سمكرى ولا ميكانيكى علشان يركب الوصلة

فكر

ABOALI يقول...

ممكن نجيب فنان معروف
يعمل وصلة مختلفه
مش كده
ونسميها وصلة الفنانين نحو المجانين

ولالالالالالالالالالالالالا ايه

ABOALI يقول...

نتكلم جد بقى كفايه كده
بس فى التعليق 11

ABOALI يقول...

يعنى ايه وطن ؟

الوطن يعنى الاه
الوطن يعنى لاء
الوطن بين الاه و ال لاء

ياااااااااااااه
الذكراه تعبانه
مش عارف

الازهرى يقول...

نقطع التسلسل

ABOALI يقول...

وطن وطن وطن وطن

االفيروس بتاعك طلع معدى

نسيت
الاقى معاك برشامة مقويات

الازهرى يقول...

على فكرة انا موجود من بعد التعليق التالت
لكن النت فصل
اعمل ايه حظوظ

ABOALI يقول...

و لو

تم انجاز المهمة

ABOALI يقول...

هو ده الوطن

النت عنده وطن صح
ههههههههههههههههههههه

ABOALI يقول...

كمان بقى 3 تعليقات
علشان اسيب المدونه منورة
كده وكلها الوان وطنية

ABOALI يقول...

وطنى حبيبى وطنى الاكبر
مش عارف ليه كل يوم بتصغر
وانتصاااااااااارته فى مسلسلاتااااااته
وطنى حبيبى وطنى الاصغر

ABOALI يقول...

يااااااااااا عينى على الشعر الوطنى
يااااااااااااااوطنى يااااااا اخويا

ABOALI يقول...

سلامى بقى
ونراكم فى فرصة قادمة
وشكرا لتعاونكم معانا

كان معاكم مواطن فى الوطن والمواطنه

الازهرى يقول...

والايام بيننا

hak يقول...

الف الف شكر على مدونتك الجميله
افلام اغانى فديو كليب افلام عربية - افلام مصريه -صور بنات,صور فنانات,صور هيفاء وهبي,اليسا,نانسي عجرم
مسلسل التركي المسلسلات التركية فيديوهات عربية - مسلسلات تركية - مسلسل لحظة وداع - مسلسل الاجنحة المنكسرة - مسلسل الحلم الضائع - مسلسل ويبقى الحب

http://afla2am.blogspot.com
http://afla2m.blogspot.com

romansy يقول...

حمد الله على سلامتك
ايه اخبارك يا صديقى
مش عارف السؤال صعب قوى
وكمان لو اتحل هيتحل من وجهه نظر مختلفه

فيه ناس بتقول ان الوطن غدار
وفيه ناس بتقول حبيب
وفيه ناس بتقول صديق مخلص وناس تقول زماله
وناس تقول حبيب بيدور على حبيبته

بس انا من وجهه نظرى ان الوطن
ام
مش لاقيه ولدها حواليها

fashkool يقول...

العزيز الازهرى .. تحياتى
سؤال والله صعب جدا .. يعنى كلمة وطن مش اى وطن .. عارف وطنا مصر ام الدنيا احلى وطن واحب وطن واعظم وطن .. لكن فى نفس الوقت وطن ظالم لابنائه .. وطن يلفظ ابنائه .. وطن يجرح ابنائه .. وطن ابنائه ليسوا اعزاء عليه .. نقول ايه عن الوطن .. يحتار العقل ويدمى القلب ونكره الزمان
الحمد لله انك بخير .. تحياتى

لحظة تأمل يقول...

صديقى الازهرى

حمد لله على سلامتك..نورت المدونة
ويارب بالنجاح ان شاء الله

ورغم كل التذمر اللى حصل واللى ممكن يحصل تمسك بحظر التجول
شهادة يا ناس .. عايزين تضيعوا مستقبل الولد ولا ايه


اما بقى عن السؤال الصعب ده
مش هقولك غير ان الوطن بالناس اللى فيه
عايزينه يبقى وطن بجد .. لازم الناس اللى فى الوطن ده يبقوا ناس بجد
نغير فى نفسنا هيتغير الوطن ويبقى وطن بجد
وساعتها هنعرف نجاوب على يعنى ايه كلمة وطن

تحياتى ليك

سمكه واحده يقول...

الف حمدالله علي السلامه
عودا حميد
ايه ده اخوك امتحانتالته ابتدائي
ياخلاسي كتي كميله عسوله يالله ربنا يوفقه وعقبال ما يبقي في تلته ثانوي ويشد في شعره وبالنجاح ان شاء الله
وربنا يوفقك انت كمان
تحياتي وافضلنا بقي وافضي لمدونتك

صدى الصمت يقول...

كلمة وطن من وجهة نظرى يعنى
و : وريد فى جسم كل مصرى حتى لو إعترض
ط : طيبة ونقاء وصدق وحرية
ن : نعيش فى سلام وأمان ومستوى معيشى معقول
تحياتى

ضــى القمــر يقول...

أخى الكريم

أولا : هلا بعودتك مرة آخرى. نورت مدونتك وبيتك :)

ثانيا : لازم يفرض الصمت إذا كان فى شهادة .. دى شهادة يا ناس :)

ثالثا : كلمة وطن .. الكلمه لوحدها بتخلى القلب يدق بشدة .. حنين ليها واحنا فى ارضها .
معنى الوطن عندى اهل واحباب وذكريات وعادات وخلق وتراب غالى علينا بالفطرة .
بالرغم ان التفكير العقلانى يخلينا نقول احنا اخذنا ايه من الوطن ..؟؟
لكن التفكير الفطرى اللى اتولد جوة كل واحد فينا .. بيقول ان حب الوطن جوانا كبير جداا .

أتمنى لك التوفيق فى الامتحانات يا اخى :)
ولأخيك :)
تحيتى لك يا اخى

rovy يقول...

السلام عليكم
حمد الله على سلامتك اخى الازهرى
نورت المدونه.. و راجع بسؤال !!
صعب جدا اننا وصلنا فى زمانا اننا نسأل يعنى ايه وطن ؟؟
فين احساسنا بوطنيتنا و ازاى تاهت منا و عنا ..
وطن يعنى احساس بالأمان
يعنى اهلك , يعنى ناسك و احبابك
يعنى حضن يحميك و ايد وقت الالم تداويك
ايه اللى حصل يا وطن ليه على اولادك قسيت؟؟ و لا يا ترى هما اللى قسوا عليك!!

دمت اخى الفاضل بكل الخير

تحياتى

marmar يقول...

ههههههههههههه انا اقولك وطن يعني ايه في مصر بنبسبه خمسين ستين مليون
تاخد بالجزمة وتتضرب على قفاك وتتشتم من اللي يسوى وميسواش وتتهان وتتجرح كرامتك وتتضرب ويا تصيب وتطلع بتشوهات يا تخيب وتطلع بعاهه مستديمة عشان تاكل لقمه عيش بالحلال
ولو عملت فيها فتك وعايز تعمل نفسك راجل ابن راجل يا مؤبد يا اعدام
ولو مشيت جمب الحيط واتقيت شر الناس
يا هيلبسوك قضيه مخدرات يا هيلبسوك العمة ولو لبسوك العمة هتبقى زيك زي اللي ماشي على اربعه
هتلبس العمة ولا هتجازف وتعمل فيها كرومبو وتاخد اعدام ولا نويت تطلع بتشوهات وعاهات زي العشرين مليون اللي فاضلين !!

marmar يقول...

اجابتي صح
فزت بسكوتر هدية !!

ضد التيار يقول...

ايه ده ايه ده ايه ده

بقى نا اروح اسأل عليك فى البوست اللى فات

افتح الريدر عندى الاقيك بتقول انا جيت ):

يعنى ملحقتش ياربى افرح فيك

عاااااااااااااااااااااااااااااااا

ماشى ماشى

هروح اقرا و راجعه تانى

ضد التيار يقول...

اولا حمدلله على السلامة

ثانيا بقى انت عارف ليه ماعرفتش تحل ؟؟؟

لان حضرتك مش مذاكر مدونة شموسة كويس ليه بقى

لانها كانت منزله معنى كلمة وطن عندها

نيهاهاهاهاهاهاها فرحانه فيك جدااااااا على فكرة

بلاش بقى الكسل بتاعكوا ده و ركزوا كويس علشان تعرفوا تحلوا

بس انا نفسى اعرف مين صاحب الدعوة الحلوة دى علشان الواحد يشكره P:

حروف (دلو مرة ثانية وجرح ثاني سابقا) يقول...

انت جاي تهزر عندنا بئا واخد 3 تعليقات هي سايبة تمنع من دخول اللجان هههههههههههه
روح اقرا البوست وقولي رايك
وكمان حقعد فترة بعيدةعن عالم التدوين
دمت بالف خير

princess يقول...

نورت المدونة:))

PrInCeSS BeRy يقول...

الازهرىىىىىىىىىىىى

الف حمد الله على سلامتك نورت الدنيا يا عثل الا هوة يعنى اية كلمة وطن ؟

موناليزا يقول...

عودا احمدا
السؤال ده جالك فى اى مادة بالظبط؟؟؟

عايش... ولكن !!!! يقول...

كلمة وطن يعنى
و: ولاء
ط : طمأنينه
ن : نعمه

اى ان الوطن هو نعمة يجب الحفاظ عليها وهو الذى تجد فيه الامان والطمأنينه عن غيره من البلاد ويجب الولاء له والعمل على رفعته دوما
عودا حميدا

kochia يقول...

هو انت كنت فين
بتمتحن ؟؟

هوانت لسة في طور الامتحانات ؟
مرحلة وعدت من زمان الحمد لله
ساعات بشتاق لها جدا وساعات بقول اللهم لا تعيدها ايام

المهم تكون حليت كويس

اما الملاحظة التانية بقي فيبدو انك ماهر بطرح الاسئلة كما انك ماهر بالاجابات طبعا
وبالاضافة الي انك ماهر فيها فانك كذلك تحبها ( طرح الاسئلة يعني )
انا خلاص استسلمت للاسئلة رغم اني مش بحبها
وهبدا افكر في الاجابات وهستغل دلوقتي انها لحظة مشتاقة فيها للمذاكرة وللاجابة ....

والاجابة
وطن ارض تجمعنا.. قلوب بتحب بعض ..تاريخ واحد .. هدف مشترك .. مصير واحد ..دموع تنزل من كل العيون في وقت واحد.. او ضحكة من القلب برده في وقت واحد .. نتجمع علي طاولة طعام مع بعض نستني الغايب عشان ناكل سوا..
الوطن جسد ..اذا اشتكي منه عضو تداعي له سائر الجسد بالسهر والحمي

الاجابة سهلة اوي
بس احنا مش شايفينها كويس

تحياتي

صدى الصمت يقول...

أشكرك على تحيتك الجميلة فى مدونتى
وأنا من خلال كل التعليقات عندى لم ألمس أى شكوى من عدم تشغيل الأغانى ولذلك أعتقد إن المشكلة فى جهاز الكمبيوتر الخاص بحضرتك وأعتقد إن برامج تشغيل الأغانى فى جهازك ليست حديثة وذلك لأنك لاتستمع للأغانى بشكل مستمر وبالتالى لم تعلم ان البرامج قد تم تحديثها أكثر من مرة
تحياتى

شمس النهار يقول...

مبروك انك خلصت الامتحانات
والله كنت بدعيلك انت واللي زيك
امايعني ايه كلمت وطن دي موضوع كبير قوي
تعالي عندي المدونه هتلاقي بوست علي جزئين
بالتمام والكمال

كيــــــــــــارا يقول...

بخخخخخخخخخخخخخخخخخ

نورت المدونه يابني

ومعلش علي التاخير والله انا عارفه ماثره كتير معاك

بس علي فكرا كلمة وطن نزلتها شموسه في مدونتها

يلا روح ذاكر بقي وتعوضها في الامتحن الجاي كيكيكيكيك

Butterfly يقول...

ههههههههه
ربنا يوفقك
ومتزعلش على السؤال
بتحصل فى أحسن العائلات :)

Beram ElMasry يقول...

الاخ العزيز . الازهرى
السلام عليكم ورحمة الله وبركاته
يعنى إيه كلمة وطن ؟ اختراع بشرى لجماعة من النوع الداجن من الناس احتاجت الخلود الى النوم بعيدا عن السناكيح من الاجناس الاخرى
وعتابى الشديد ....... خدوهم بالصوت
لك تحياتى والسلام عليكم ، ولا سلام مع اليهود

ريمان يقول...

انت فين يا راجل

حمد الله ع السلاامه

محدش يقدر يجاوب على السؤال ده اللى اللى حاسس فعلا بالوطن

قلبت علينا المواجع ليه بس

مع تحياتى

ريمان

Rania يقول...

عارفه انى مقصرة
يا ريت تسامحنى
عودا حميددددا
:)
لو جاوبت انت السؤال ده هديك جايزة

بنت مصريه يقول...

ههههههههههههههههههههههههههههههههههههههه
كلمه وطن
يعنى واو وطه ونون
واو دى وادى
وطه دى طيبه
اما نون دى ناس بلادى
اللى يتحدوا الزمن

ايه ماكنتش بتتفرج على كوكى كاك ولا ايه
احييك
سلام

EMMY BABY يقول...

هههههههههههههههههههههه

ضحكت من الموضوع

وفطست من التعليقات ايه يا ابو على ارحم شوية واخد نصف التعليقات ليك ايه يا اخواتى ده


نرجع تانى للبوست ايه يابنى ده حسستنى انى قاعدة قدام نشرة الاخبار

ههههههههه بس والله اسلوب جديد وجميل

فكرتنى بونيس تالتة شهادة يا ناس

على كدة احنا لازم عندنا يقفلوا الحدود خالص

حمد الله على سلامة وصولك

كلمة وطن


وطن


وطن


ممكن لو قلنا ان وطن جاية من توطين او توطن يبقى تعنى اقامة


هههههههههههه

فكرتنى بالثانوية العامة


تحياتى

ايمى

الازهرى يقول...

حبيبى ابو على

الوطن هو كل شىء فى حياتنا
ولازم ننتبه
لأن لو انتظرنا قنابل تفوقنا يبقى احنا عاملين زى ما قالوا زمان
العبد يقرع بالعصا والحر تكفيه المقالة


تحياتى وانتظارى للجولة القادمة

الازهرى يقول...

هاك

شكرا على الدعوة الجميلة
ولكن للاسف
ليست الافلام والمسلسلات من اهتماماتى

تحياتى دوما

الازهرى يقول...

رومانسى الغالى
الوطن كل ده
واكتر
وما دام فى وجهات نظر كتيرة يبقى معانى اكتر
ويعنى احساس من الكل
لكن من جهاتمختلفة
المهم يفضل وطنا يجمعنا

تحياتى دوما

الازهرى يقول...

حبيبى الغالى فشكول

الوطن هو احساس بداخلنا
يعطينا او يأخذ منا
يحبنا أو يكرهنا
المهم انه فى الاخر وطنا

ويا ريت تراجع
http://shams-elnahar.blogspot.com/2008/10/blog-post_31.html

هتلاقى كلام كتيييييييير قوى كمان

الازهرى يقول...

لحظة تأمل

جمعت الكثير فى كلمات قليلة
الوطن هو نحن
يجمعنا ما بداخلنا واشتراكنا فى اهدافنا
ويفرقنا فى اهوائنا ومقاصدنا
ولكن يبقى فى النهاية هو وطننا


تحياتى دوما

الازهرى يقول...

قرشنا الغالية

ربنا يخليكم لي يا رب
وبان الله افضى للمدونة من يوم الاربعاء
بعد الانتهاء من امور عديدة

تحياتى دوما

الازهرى يقول...

صدى الصمت

تحليل رائع للكلمة
وهنا اراء اخرى فى التعليقات
وبها جميعا نجد بعض من معنى الوطن

تحياتى دوما

الازهرى يقول...

اختى الغالية ضى القمر

شكرا على دعاؤك الجميل
واجدت بالفعل وصف كلمة وطن
فجمعت الكثير
وصدقينى الوطن اعطانا الكثير وينتظر ان نرد له الجميل

تحياتى وخالص مودتى

الازهرى يقول...

اختى العزيزة ام مريم

الوطن هو كل ما قلت واكثر
والوطن ربما يقسو على ابناؤه من وقت لاخر فيتحملوه ويعملوا على مدواواة جراحه كى يعود كما كان

ولكن ما نراه من قسوة ابناؤه عليه هو المحزن بالفعل

تحياتى وخالص مودتى

الازهرى يقول...

مرمر
اجابة ناقصة تاخدى عليها 3 من عشرة وبكده ضاع الاسكوتر


جبت كل سيئات الوضع فى الوطن
لكن يا ترى قعدتى تفكرى ولو لدقيقة فى لحظة حلوة جوه الوطن تنسينا كل السيئات دى

تحياتى دوما

الازهرى يقول...

ضد التيار

وش مش بيطلع لسانه علشان مؤدب
لكن بجد نفسه جدا

الازهرى يقول...

ضد التيار

انا مذاكر كويس جدا
وبلا تتعلمى تهدى النفوس اخرتها وحشة صدقينى
وكمان محتاجة وقت طويييييييييييييل جدا
يمكن عمر بحاله


وبخصوص صاحبة الدعوة انا سكت علشان الفضايح بس
لكن وقت الحساب والانتقام جاى ان شاء الله

الازهرى يقول...

حروفكلمات مش فارقة
المهم
انا بجد مش بهزر لكن انا دخلت اعلق وبعدين اخدونى من قدام الكومبيوتر فى نص الليل ويا دوب راجع

لكن اوعدك اقرأ واعلق

تحياتى دوما

الازهرى يقول...

اميرتنا الغالية
المدونة منورة بالناس الجميلة المودة فيها

الازهرى يقول...

اختى العثولة بيرى

الله يسلمك
وبخصوص الاجابة هتلاقى جزء منها هنا
http://shams-elnahar.blogspot.com/2008/10/blog-post_31.html

والباقى على اقساط



اللهصحيح نفسى اعرف يعنى ايه بيرى

GHARAM يقول...

حمد لله على السلامه



اما بأي يعني ايه كلمة وطن؟


فانا حا أقولك لما حد يقولك يعني أم تقول له أيه؟


تقريبا هي نفس الأجابة


الوطن هو الأم ، وهو الحضن اللي بيضمنا اللي من غيره مانسواش ، مهما حصل لنا فيه ومهما حسينا بتعب اللي مالوش وطن مسكين وشريد واحنا الحمد لله إن لينا وطن من اجمل الأوطان وبحبه مهما حصل ومهما كان

الازهرى يقول...

موناليزا
اختى فى الله

كان فى امتحان مادة الحديث
انتى نسيتى انى ازهرى

الازهرى يقول...

عايش ولكن

انت من انصار تحليل الكلمة
فى اصحاب تانى يا ريت تراجعهم فى التعليقات
كلمة وطن هى مجموع كل التحليلات دى واكتر

تحياتى دوما

الازهرى يقول...

كوشيا
يا ريت الاجابة تكون سهلة
وكمان مش صعبة

الوطن هو احساس بكل ما ولك مهما كان
سىء او جيد
والاحساس غالبا لا تحويه الكلمات

تحياتى دوما
وشكرا على المجاملة الرقيقة

الازهرى يقول...

صدى الصمت
عندك حق جدا
لكن اعمل ايه
انا احدث برنامج تشغيل صوت وفيديو اصدار سنة 82 والحمد لله مكفينى تمام

اعذرينى بقى

تحياتى دوما

الازهرى يقول...

الحاجة شموسة

انا قرأتهم طبعا
وهتلاقى عندك تعليقى اكيد منور الموضوعين وخاصة الثانى منهم

لكن الموضوع فيه سر وخدعة يمكن اكشفهم يوم من الايام

تحياتى وخالص مودتى

الازهرى يقول...

كىكىكىكىكىكىكىكىكىكىىكى

يا بنتى احنا قلنا
تهدية النفوس مش سهلة ومحتاجة عمر طويييييييل جدا

ما علينا
وبالمناسبة صلحى اللغة
مقصرة مش مأثرة
(وش نفسه يطلع لسانه لكن مؤدب نعمل ايه )

الازهرى يقول...

فراشتنا الغالية

نعمل ايه بقى فى القلوب السودة

ما علينا
الحمد لله على كل حال

الازهرى يقول...

حبيبى الغالى ا / بيرم المصرى
وعليكم السلام ورحمة الله وبركاته

تعريف غريب للوطن وجديد
لكن اعتقد انه صح

*********
بخصوص العتاب
انت لو بتزرنى كنت عرفت سبب غيابى
لانه كان مكتوب
يبقى مين يعتب؟
انا شخصيا متنازل لو كان لى الحق
كفاية على محبتك

تحياتى وخالص مودتى

الازهرى يقول...

ريمان

الله يسلمك يا رب
طيب وانتى مش حاسه بيه ليه

هو مفيش اى ذكرى جميله فى الوطن ده ؟

تحياتى دوما

الازهرى يقول...

رانيا

انا مسامح من غير اى حاجة

وممكن اجاوب جزء من السؤال
اقرى كل التعليقات دى وكمان اقرى
هناك
http://shams-elnahar.blogspot.com/2008/10/blog-post_31.html

وكل ده جزء من معنى كلمة وطن

ممكن اخد جزء من الجايزة ؟

تحياتى دوما

الازهرى يقول...

بنت مصرية

انضمى لحزب تحليل الكلمة
اقرأى تعليقاتهم وحاولى تجمعى المعنى

تحياتى دوما

الازهرى يقول...

الصغنونة الجميلة والغالية ايمى
الف حمد لله على السلامة

موضوع ابو على ده جولة ولو راجعتى مدونته تلاقينى كسبان الجولة الاولى
والحرب سجال والعبرة بالنهاية

*************************
ياااااااااااااااه
انتى لسه فاكره ايام الثانوى
بجد كانت ايام جميلة
وحلو قوى التعريف المدرسى ده

تحياتى وخالص مودتى

الازهرى يقول...

غرام
الله يسلمك

الوطن هو الأم ، وهو الحضن اللي بيضمنا اللي من غيره مانسواش ، مهما حصل لنا فيه ومهما حسينا بتعب

فعلا تعريفك للوطن انا متفق معاكى جدا جدا

تحياتى دوما

roody hanem يقول...

الوطن..
الوطن...
الوطن.....

مش هغنى متخفش D:

الوطن اكيد المكان اللى اتولدت فيه وروحت المدرسه فيه وكبرت وترعرعت فيه _حلوه ترعرعرت دى _ودخلت الامتحان فيه والمراقب اللى اداك الامتحان كان فيه و الامتحان اللى كان اخر سؤال فيه يعنى ايه وطن كان فيييييه

فهمت حاجه ؟؟

تقبل مرورى فى اول زياره ليك

كيــــــــــــارا يقول...

هههههههههههههههههههههه

لا والله

وهو انا من امتي بنطق كلمه بحلوفها الحقيقيه يبني انا بوظت الللغه من زوماااااااااااااااااااااااااااان

وبلاش بقي شغل شركات اولمبيك دي بقي اعاااااااااااااااااااااااااااااا

Beram ElMasry يقول...

الاخ العزيز . الازهرى
السلام عليكم ورحمة الله وبركاته
لكن اعتقد انه صح ......الحمد لله انى عملت حاجة صح
يبقى مين يعتب؟......ياصديقى انا لا ازور احد ليس كبرا ولكن صدقنى انى اعانى من دخول المدونات لضعف بصرى ثم انى انسخ الموضوع واقوم بتكبيرة بنط 22 ا 24 لاتمكن من القراءة ويكون ردى سليم ونافع قدر استطاعتى
كفاية على محبتك ........ صدقنى حبى لك اكبر
لك تحياتى والسلام عليكم ، ولا سلام مع اليهود

mahasen saber يقول...

ازهرى ليه الاسله العويصه دى

ده مدحت العدل فشل فى اجابته

بس حمد الله على سلامتك من معركة الامتحانات الداميه ويا رب النتيجه تكون غير المعركه بتاتا
واخوك كمان ده شهاده صحيح

على كده ابنى فى الحضانه اعتبرها شهاده برضه

wafaa يقول...

حمدلله على السلامة
يعنى خلصت امتحانات وجاى تمتحنا ؟
هنسقط كلنا

ندا منير يقول...

حمدلله على سلامتك

وبالتوفيق ان شاء الله

وجه جديد د.أحمد عثمان يقول...

وطني تراب ..أمشيه و بكرة يــتاويني
و الخير في طينه مهما يعوصني بيرضيني
يقسى ما يقسى راضي أنا بقسوته
ع الضهر لسعة سوط تـــــنزل تقويني


...

كل الشكر على السؤال
و حمدالله على السلامة

مصطفي زهران يقول...

واو دي وادي ط دي طيبه نون دي ناس ماليا الوطن
هههههههههههههههههههه
حمد لله علي السلامه يازعيم

ahmed saker يقول...

السلام عليكم.....

حلو فعلا الموضوع ده

بس يا ترى يعني ايه فعلا كلمة وطن

يعني سرقة و نهب و قتل

يعني ضرب و ذل و مهانة

يعني عصابة مسيطرة على الحكم و مستعبدة الناس

يعني ناس بتناضل و بتحارب عشان ميبقاش فيه اي حاجة من الحاجات دي

دمت بخير

الازهرى يقول...

رودى هانم

على صوتك بالغنا
ما تخافيش
لسه الاغانى ممكنه


طبعا فهمت

تحياتى وتمنياتى بدوام التواجد

الازهرى يقول...

كىكىكىكىكىكىكىكىكىكى

تعرفى انى فعلا معاياتوكيل من شركة كريازى
لكن مش اوليمبك
يمكن بعد كلامك ده افكر فيها

الازهرى يقول...

حبيبى الغالى ا/ بيرم المصرى

بجد انا مش عارف اقول ايه لكن وعلى كل الاحوال ومن غير كلام
انت عارف اللى فى قلبى ليك

وعليكم السلام ورحمة الله وبركاته
ولا سلام مع من يعتدى علينا

الازهرى يقول...

محاسن صابر
بعد التهنئة طبعا

حتى مدحت العدل
مع انى شايفه سهل

المهم طبعا ممكن نعتبره شهاده
لكن
لكن
خلاص نعتبره شهادة وبدون اى استثناء

الازهرى يقول...

وفاء

خلاص نعمل دور تانى
وندى الطلبة الاجابة مع الاسئلة زى المدارس

الازهرى يقول...

ندا منير

انت رجعتى انتى كمان

حمد لله على سلامة الجميع

الازهرى يقول...

وجه جديد د.أحمد عثمان

بالفعل اجدت الايجاز
وطننا بداخلنا مهما صنع بنا


تحياتى دوما

الازهرى يقول...

مصطفى زهران

انا اول مرة اسمع عن كوكى كوك
من بنت مصرية
وبعدين سألت واحد من اصحابى عنها وعرفتها

الله يسلمك يا رب

الازهرى يقول...

احمد صقر

وعليكم السلام ورحمة الله وبركاته
فعلا هو الوطن بكل ما فيه
الخير وضده الشر
السوء والناس بتحار علشان تظهر الجمال

كل شىء

اتمنى ان اجدك دوما هنا وفى الفارس الاخير

مَـطَـر يقول...

اتٍالت السؤال ده من فتره
بس لساني إتلجم في الاجابه عنه
وتقريبا اتأخرت في الاجابه عنه
لانه محمود درويش او جبران خليل كان جاوبه ..

:)

haninalnada يقول...

مدونة ذكريات مدونة خفيفة ورائعة
فيها مواضيع كتير متنوعة ومختلفة
احييك على هذا النشاط
بالتوفيق

الازهرى يقول...

العزيزة مطر

كل الناس اجابت
ولكن يبقى كل ذلك جزء من المعنى
لان المعنى اكبر من ان تحتويه كلمات

تحياتى دوما

الازهرى يقول...

العزيزة مطر

كل الناس اجابت
ولكن يبقى كل ذلك جزء من المعنى
لان المعنى اكبر من ان تحتويه كلمات

تحياتى دوما

الازهرى يقول...

حنين
شكرا على اطراؤك الجميل الذى يملؤنى خجلا

تحياتى دوما