الأحد، 11 يناير، 2009

آخر الأحزان

اعتذار عام لكل الشعوب
تم قطع التعليق على مباراة الاسماعيلى وفريق ما لإذاعة خبر الهجوم البرى على غزة
وقد تم معالجة الأمر بسرعة والعودة لإذاعة التعليق نظرا لأولويته القصوى فى هذا التوقيت
يا أمة لم تعد تضحك عليها الأمم بل تنظر مذهولة من الإنحطاط التى وصلت إليه
ولم يسبق له مثيل
*************************************************************
آخر الأحزان

تاج رقم تلاتة
من الصديقة الجميلة
والسياسية المحنكة
الدكتورة ( باعتبار ما سيكون )
لا يا جماعة بلاش النية الوحشة دى ، طبعا دى مش صورة مها ولا حتى الشبه كبير للدرجة دى
صحيح أنا لسة ما قابلتهاش لكن أنا سألت عنها صحباتها

لأ لألأيا جماعة شكل المدونة فيها حاجة غلط
عمالة تحط صور غريبة وطبعا أنا برىء منها
أنا غلبان وكلكم عارفين
وكمان انا متأكد إن مها قمر 14 ومن صغرها كمان
ما هو مش ممكن تكون سياسة ووحشة يبقى الموضوع بايظ من الناحيتين
بصو يا جماعة أنا عارف من كتاباتها إنها إنسانة رقيقة جدا جدا
وعلشان ما حدش يركبنا غلط أنا هجاوب على التاج ده وأخلص نفسى قبل ما الواحد يتورط أكتر من كده
نيجى للسؤال الأول
1- لو كان ينفع تختار عصر تعيش فيه هيبقى انهى؟ ومين الحاكم؟
أختار العصر الحالى ومش مهم مين الحاكم المهم إننا مهما كانت الأمور حوالينا نستفيد من الأشياء الجميلة ونحارب علشان نصلح الأشياء الفاسدة . المهم عدم الإستسلام للظروف وترك الأمور بحجة الأحلام ، لأنه لن يصلح أمورنا غيرنا
2- إيه اكتر حاجه بتحبها فى رمضان؟
لمة الأهل والأصحاب
وزمان كانت الروح الجميلة فى الشهر الكريم لكن للأسف ضاع كتير منها فى الوقت الحالى
3- اوصف أجمل فطار ممكن تفطره؟
بداية كل منتجات الألبان يأتى بعدها اللحوم ثم اللحوم ثم اللحوم وطبعا السلطة طبق أساسى فى كل الأكل أما الأطباق الجانبية فأى حاجة
4- لو انت حاكم هتكون عادل ؟ وهتعرف ازاى؟
صعب السؤال
على الأقل هاحاول أكون
وممكن أعرف لإن أول حاجة هتكون حرية الصحافة ومن مجموع الرأى العام للصحف والتجمعات الشبابية فى اللقاءات المختلفة يمكننى معرفة ذلك
5- مين أكتر اعلامى بتحبه؟
أعتقد حمدى قنديل ول إن آخر برنامج سمعته له كان من حوالى
أربع سنين نظرا للإنشغال
6- لو ممكن شغلانه تانيه تختار ايه؟
أعتقد مدرس علشان ابنى الجيل الجديد من البداية
7- تانى بلد تحب تعيش فيه بعد مصر ؟
المانيا لأنهم يعملون ثم يتكلمون و لأن بها شعب استطاع فى سنوات معدودة بعد الحرب أن يعيد بناء نفسه من جديد
8- اوصف ترتيبات أجمل فرح ممكن تحضره؟
أجمل فرح هو اللى كل الناس فيه فرحانين بجد
وليس الفرح الذى يكون معظمه قادم لرد جميل أو شىء من هذا القبيل
9- بتراعى كلام الناس والقيل والقال؟ وليه؟
ليس فى كل الأحوال فهناك أمور أصبحت فى نظر الناس عادية وهى فى رأيي مذمومة والعكس بالعكس
10-صحيت من النوم لا موبايل ولا كمبيوتر ولا كاميرا ديجيتال ورجعنا لعصر الأحصنه والحمام الزاجل؟
أولا أنا ما عنديش موبايل والحمد لله ورنا ما يكتبش علينا العذاب ده
ثانيا ماعنديش كاميرا ديجيتال برضه ولست من عشاق التصوير واتصور مرة كل خمس سنوات وبعدها ابعث بالصور الى المحل علشان يطلع عليها
اما بالنسبة للمعسكرات فلى فيها الاف الصور ليس عندى منها سوى عدد محدود جدا والباقى مع اصحابى
نيجى بقى لموضوع الكمبيوتر أنا استعمالى ليه يا دوب فى الابحاث ومحاثة الأصدقاء وهذا هو ما سأفتقده منه ولكنها أضرار يمكن الإستعاضة عنها بقليل من المرونة والتدريب
أما بخصوص عصر الأحصنة فيمكننى التكيف معه بسهولة خاصة وأن من حولى جميعا يفضلون لى الحياة فى العصر الحجرى وهذا رأيهم
11-لما بتحب تهرب من كل حاجه بتروح فين ؟
ليس مكانا محددا ولكن فقد أى مكان أكون فيه مع نفسى لأعيد ترتيب الأمور من جديد وأعرف ما الذى يدور بداخلى
12-امتى أول مره أخدت فيها نفس وقلت ياااااااه أنا كبرت؟
مرتين
الأولى فى أحد الأوتوبيسات عندما أتت فتاة فى الثانوية وقالت : الساعة كام يا عمو
الثانى عندما قمت فى أجازة واحدة بحضور أكثر من أربعين حفل زفاف لأصدقائى فى الدراسة
13-بتشرب سجاير ولا لا؟ وايه رأيك فى الرجاله والستات اللى بتشرب؟
طبعا لأ
ليس رأيا محددا فهناك العديد ممن أحترم عقولهم بشدة ولكنهم يشربونها فأقف حائرا بين عقولهم الجميلة وتلك العادة السيئة

14- بتعرف ايدك الشمال ازاى؟
إنها فى نفس الجنب مع رجلى الشمال
15- اكتر اله موسيقيه بتحبها؟
البيانو
16- ليه قله الذوق والنخوه اتعدموا؟
هم لم ينعدموا ولكن فقد الناس للهوية والإنتماء والفراغ الدخلى نتيجة لما يحيط بنا من غموض أدى إلى ضياع الكثير من القيم
17- ايه الحاجه اللى لو حصلت هبقى سعيد ؟
أن يكون لى بصمة فى رجوع مصر منارة للعالم الإسلامى واشعاع حضارى للعالم أجمع كما كانت من قبل
18- تحب أرض زراعيه ولا اجنس عربيات ولا كام عماره ولا فلوس فى البنك؟
فلوس فى البنك أشترى بجزء منها أرض زراعية وبالباقى أزرعها
19- تحب؟ البحر ولا النيل؟
زمان كان النيل لأننى كنت أجد أماكن جميلة أقف فيها عنده أما الأن فالبحر للسبب ذاته
مركب ولا طياره؟
على حسب الغرض منها لو شغل طيارة
ولو نزهة يبقى مركب
شخص مجنون ولا عاقل؟
اخنلفنا أنا بقول عاقل وأصحابى يقولوا لأ مجنون
تقرا كتاب ولا تتفرج على فيلم؟
على حسب الكتاب والفيلم
التاج لمين؟
لم أكن أحب أن أهديه لأحد لأن البعض لا يحب ذلك ومنهم أنا
ولكن أهديه إلى كل الأصدقاء الذين يزوروننى دائما ويجدون فى أنفسهم الرغبة فى حله بدون تكليف
***************************************************************************
الحمد لله خلصت كمان دين وده هيكون الأخير لأننى أريد أن أبدأ فى الكتابة عن عدة مواضيع أخرى ولذلك سيكون هذا الأخير مؤقتا
المفروض أن هذا التاج كان يوم الجمعة الماضية وذلك لمحاولة رسم الإبتسامة على شفتى مها قبل السيمنار
وبعدين بقى
لا يا جماعه أنا هاختم قبل المدونة ما تجيبلى مشاكل أكتر من كدة
وعموما أسألكم الدعاء لأهل غزة
ولنا
وللجميلة مها أن تتم الماجستير الخاص بها

هناك 83 تعليقًا:

maha zein يقول...

ههههههههههههههههههههههههههه
يا خراشتي عليك
بقه ده كله يطلع منك يا راجل انت
بقه اغيب اغيب اجي الاقيك فاضحني ومقطع في فروتي يا راجل يا شراني

ههههههههههههههههههههه
ايه كمية الصور دي
بجد مفاجاة
انا بقيت حسة اني في مدونتي بس بالصور بس
ده انت بتحوشلي بقه
اه يا شرير

وبعدين ايه يا عم مها رقيقة ومعرفش ايه ومتخافوش منها والكلام اللي يقلق ده
انت بتتريق يا جدع
بعدين اصلا مين قالك اني حلوة انا ولا طيبة ولا رقيقة ولا الجو ده
انا اصلا اساسا في الحقيقة ابو شوال

انت مين قالك يعني اللكام ده كله
مين خدعك
امممممممممممممممممم
خلاص هسامحك
اولا اجاباتك حلوة وكنت متوقعة معظمها
الا بقه بتعرفلي ايدك الشمال من رجلك الشمال
خلاص يعني زنقت
يعني بتعرف رجلك الشمال بردو اذاي
ايه بتطلعها كده وتجرب تكتب بيها

وبعدين خد هنا
مين صحبتي اللى سألتها عني
وحاططلي صور الاصدقاء
انهار واعترف
مين سرب اسراري
اوعه تكون ام رجل مسلوخة صديقتي اوعه
وبعدين انت مالك يا راجل انت بالسياسة بتشتم فيها ليه
انت عاوز تتخانق وخلاص

انت نهايتك معايا قربت
خلاص
اتك انت بس علي الصبر


بجد استمتعت بالتاج من اوله لاخره
اصلي اتخضيت والله
لقيت الصور والجو ده
وبعدين انا كنت غيبة عنه
يعني جالى فجاة
وبعدين اشكرك جدا علي الدعاء ليا في السيمنار
ربنا يعزك ويكرمك يا عمو
قصدي يا ازهري

سندس وأمل يقول...

تاج جميل جدا ....بس انا نفسى اضحك

بس مش قدره علشان الى بيحصل فى غزه..

ربنا يفك اسرهم ....يااااااااارب

على الهامش:نصيحه منى تغير الكمبيوتر

........ليوديك فى دهيه....؟

سندس

Beram ElMasry يقول...

صديقى . الازهرى
( مازالت تلك الارض عطرة بدماء ابنائها الذكية )
وعبيرها فواح يلهم النفوس القوة عند الحاجة
خالص تحياتى

شمس النهار يقول...

انا عارفه ان احلا تهييس هو تهييس ايام الامتحانات
بس التهييس عندك النهارده مالوش حل

القلم السكندري يقول...

السلام عليكم

أخي الحبيب..

اشكر زيارتك الكريمة


ولعل في إجاباتك محاولة لرسم بسمة علي وجوهنا المكتئبة من الواقع المظلم


تحياتي

romansy يقول...

هههههههههههههههههه
الحمد لله يا صديقى
انك نهيت البوست بسرعه
بس اقولك حاجه الانطباع الاول يدوم انا لما قريت بوست السفاح قلت مها مش هتعديها على خير برضه بتدبح عصافير
وسلاحف وقطط وحاجات غريبه كده
بس متنزلش صور غريبه تانى

اما بقى عن التاج والاجابات
فانت مش عمو ولا حاجه وكمان حضرت 40 فرح
ربنا يكتر افراحك يا مان
يلا بقى اسيبك
مع مدونتك
بس اقولك نصيحه
ياريت تلحق تأمن على المدونه قبل ما تنفجر
ولا حد يولع فيها بفعل فاعل
وانت بقى عارف مين

princess يقول...

انت ماجر القرد ده ؟هههههههه
هبلغ عنك منظمات حقوق الحيوان عشان بتخليه يضحك بالعافية:))
التاج اجابته ظريفة اكتر حاجة عاجبنى انك عارف ايدك الشمال عشان رجلك الشمال هههههه
وجهة نظر برده:)
وبعدين عايز تبقى مدرس
بسيطة ابعتلك الكلاس بتاعى يخلوك تعيد النظر دول قرود متحركة:)
سلام يا عمو ازهرى

ABOALI يقول...

ههههههههههههههههههههههه
شغاااااااال والله
لسه فى امل فى الشعب اهو
مال بيقولوا ليه انه خرج من عمر مكرم
معك فى موضوع المانيا ده
انا ليه واحد صاحبى اخذ الدكتورة من المانيا فى الهندسه
ولسه فى مصر بيشوفوا هو ينفع تبقى معادلة زاى دكتوراه فى مصر ولا لاء

اهو ربنا يهدى

بس عجبنى الاسلوب الدرامى فى الرد على التاج
ولاستعانة ببعض المؤثرات
التى اعطت الرونق للتاج

تحياتى الراقية
وربنا معاك على اللى هايحصلك
يا ازهرى

الازهرى يقول...

الجميلة مها

بجد استمتعت بالتاج من اوله لاخره

هدفنا الاول اسعاد عملا ئنا الكرام
*****************************
مين صحبتي اللى سألتها عني
بصى يا ستى وانا بأسأل المدونة حطت صورتين
http://enahaelhaya.blogspot.com/2008/07/blog-post_29.html
او
http://enahaelhaya.blogspot.com/2008/11/blog-post_16.html
لكن انا لحقت وفى اخر لحظة غيرتهم بالصورة الموجودة دلوقت وده كان التصليح الوحيد اللى قدرت اعمله
بعد كده المدونة عندت تانى اعمل ايه بقى
*********************************

انت نهايتك معايا قربت
خلاص

عموما انا اخدت بنصيحة رومانسى وامنت على نفسى وعلى المدونة
لكن فى الاول والاخر الاعمار بيد الله
وكله يهون علشان خاطر مصر
وسعد سعد يحيا سعد

سلام بقى يا بنتى
قصدى يا مها

yoyo يقول...

كل سنة وانت طيب
يارب تكون سنة سعيدة عليك يارب
وان شاء الله تحقق كل اللى تتمناه

هههههههههههه بجد اجابات زى السكر
يا ربنا مدرس يا ابنى العزيز ( حلوة ابنى دى ) هههههههه من تجربتى الخاصة خلاص الصحة مش بقت مساعدة الواحد انه يعلم حد الظاهر ان العيال هى اللى بتنسينى بقى ههههههههههه
مهنة التدريس فن ومتعة فى نفس الوقت خصوصا لو حاببها

اجاباتك كله بصراحة لذيذة اوى

بس انا انصحك تاخد لك ساتر اليومين دول تحسبا لآى عواقب هتحصل لك ربنا معاك بقى فى اللى هيحصل لك هههههههههههه

كل سنة وانت طيب يا عمو ههههههههههه

تحياتى
يويو

الازهرى يقول...

الجميلة سندس

لازم نضحك فى وش المشاكل علشان نقدر نهزمه

لكن المهمم مع البسمة حسن التخطيط للمواجهة ومعرفة العدو معرفة صحيحة كى تفوق عليه

بخصوص الكومبيوتر انا موافق
لكن اليد قصيرة والعين بصيرة

تحياتى دوما

الازهرى يقول...

حبيبنا الغالى الاستاذ بيرم

وما زلنا قادرين على ارواء الارض بالكثير من دمائنا كى تنبت من بعدنا اجيالا احرارا يسودون الارض بعلمهم وحضارتهم

تحياتى وافتقادى لتعليقاتك الجميلة عندى

الازهرى يقول...

الحاجة شموسة

اخيرا حد فى صفى
طيب تعملى ايه لو قلتلك ان اول مادة عندى ( مخدرات )

تحياتى دوما

الازهرى يقول...

القلم السكندرى

شكرا جزيلا لكلماتك الجميلة
واتمنى ان اجد تعليقك عندى فى المدونتين

تحياتى دوما

الازهرى يقول...

حبيبنا الرومانسى

كلام فى سرك انا فعلا امنت على المدونة بمبل خيالى
لكن هنروح فين من بتوع السياسة
دول سرهم باتع
وربنا يحفظنا من كيدهم

تحياتى وخالص مودتى

الازهرى يقول...

اميرتنا الغالية
بصراحة
ده سلف من عند مها وهارجعه بعد فترة
ويمكن تنساه ونعمل بيه شغل
ادعى
اما بالنسبة للقرود بتوعك فانا مستعد اخدهم كلهم مقابل خمسة اطفال فقط ممن عندى
والعيل يتوجع قبل التانى

اتفقنا
سلام يا بنتى

الازهرى يقول...

حبيبنا ابو على

طبعا ما تنفعش المعادلة
بقى حتة المانيا تيجى زى الدكتوراة من المحروسة
ده كلام يا راجل

بخصوص اللى هيحصل
الله المستعان
هى موته والااكتر

تحياتى وخالص مودتى

الازهرى يقول...

الرقيقة يويو

كل سنة وانت والجميع بالف خير وسلام

مهنة التدريس انا حاببها فعلا وامارسها بشكل او باخر فى مجالات معينة

اما بالنسبة للساتر
فلقد لجأت إلى الله
واستعنت بما بيننا من صداقة
كى تحمينى من غدر الايام
وخاصة السياسيين وقانا الله شرهم

برضه يا عمو
خلاص
سلام يا بنتى

محمد مارو يقول...

ايه الصور الجميله دى

ضحتنا يا راجل و احنا فى عز الحزن على غزه

بس اجباتك ممتعه خاصه بتاع شغلانه المدرس اللى الكل بيهرب منها دى

تحياتى

fashkool يقول...

ازيك يا ازهرى ... انا كنت عارف ان فى المدونه المركونه بتاعتك دى كنت حاسس ان فيها فخ معمول ..وفعلا لقيت الفخ . . بس انت ناسى ان انا كنت من جنود اكتوبر وياما عديت على فخوخ وربنا سترها معايا .. نفس التاج ده جالى من اكتر من واحد .. بس عمك فشكول احسن واحد يهرب من الافخاخ دول 22 سؤال يا بابا .. بعدين يا ازهرى ما تعملش لى فخوف التيجان دى ابدا تانى لان ما بحبهاش
لكن على العموم حاحاول احله بالطريقه الفشكوليه واعمل منه بوست ينفع بس مش عارف امتى

fashkool يقول...

نيجى بقى للتاج.. يوووووه
حاجاوب بس على السؤال لو انا بقيت رئيس حاعمل ايه ...يووووووه
حاعمل عمايل مهببه بنيله وحتعرفها من الاجابه على التاج فى مدونتى وكمان حاقول لك بحب افطر ايه فى رمضان ... والعصر اللى حاعيش فيه .. .يا سلااااام حيكون عصر مفاجأه .. واللى اللقاء ان شاء الله فى التاج عندى بس مش حاسميه تاج .. حاسميه فشكوليات
تحياتى

ضد التيار يقول...

اعتذر اولا عن غيابى الغير مسبب

الا انى بعيش حالة من اللاوعى من كتر الاحداث اللى بتحصل عامه

و اكيد ان كان فى زعل منك كنت هاعتبك اولا مش هاتاخر كدا

كل سنه و انت طيب متأخر (:

و هاتقبلها على فكرة متأخر .. معلش بقى ماشيه بالدراع فى بلوجر مش ضد التيار D:

بجد اشكرك على سؤالك عنى صديقى العزيز

ادعى لى بقى بدل ماجيب درف المدونه دى (وش بيحذر)

ضد التيار يقول...

يييييييييييييييييييييه شوفت بقى نسيت اعلق على التاج

على فكرة مطلوب منك قزازة حبر كيبوردى لان كدا ماينفعش نهائى

نيجى بقى للتاج

بجد اجابتك جميله و الجو اللى انت عامله فى التاج عجبنى قوى

انا عندى نفس التاج لكن لحد الان مافكرتش اجاوب مش عارفة ليه

امممم شكلى هاعمل كربون من التاج عندك على التاج عندى عشان جو التهييس دا .. بدل الحالة الغريبه اللى عندى

على فكره ماعندكش حق الاعتراض او القبول

بالدراااااااااااااااااااااااااااااااع D:

الا صحيح سؤال يعنى بخصوص الجزء دا

----
شخص مجنون ولا عاقل؟
اخنلفنا أنا بقول عاقل وأصحابى يقولوا لأ مجنون
---

احم احم طيب الاختلاف خلص على ايه بقى هه ايه؟؟؟

Beram ElMasry يقول...

حبيبى الازهرى
معزرة لتاخرى فى الرد لاننى كنت ارد على احساس لسة حى ومحاولة فض اشتباك بين قطة الصحراء واخرين
قمت بزيارتك من قبل ولكنى اصاب بحالة فزع من رؤية كلمة تاج ولا اقرا ولا اعلق وهذا فى مدونة ذكريات
لم يدر بخلدى ان مدونة الفارس الاخير تبعك ولم افهم لماذا ولكن مش مهم الان
مقالك ماهى غزة غاية فى الابداع ولا اظن ان هناك كثيرون استوعبوا الواقع كما وعيته انت ، ومن وجة نظري انك مصيب فيما قلت وهذا ما يرعبنى وسببا فى حالتى المرضية ، هل عزموا على تحقيق امنية بابا الفاتيكان بتنصير العرب قبل عام 2010 ، فى هذه الحالة لن يكفى الدعاء
تحياتى

لحظة تأمل يقول...

:) :)

جميييل

واضح ان مدونتك شقية خالص خالص وبتجيب صور تعملك شاكل

كل سنة وانت بخير

mahasen saber يقول...

ايه الواقعيه دى برضه تختار العصر ده
اسمى ده ايه وفاء ولاا خايف تجرب حاكم وعصر تانى

kochia يقول...

ايه التاج الجميل ده
انت مذوقه حلو اوي
ومظبط مها فيه هي وصورها .. علي الله بقي متحرمش تبعت لك تاج

عجبني اوي اختيارك للعصر الحالي غير معظم اللي جاوبوا التاج ده ومنهم انا لان الكل هرب من الظروف وانت الوحيد اللي هتواجها
انت شخص متفائل يا ازهري وربنا يكرمك ويحقق لك احلامك

تحياتي

princess يقول...

الازهرى
اتفقنا امتى وفين ههههههه

عمرو يقول...

مساء الخير يا صديقى العزيز
التاج جميل و اٍجاباتك أجمل و وجدت أشياء كتيره نشترك فيها أنا و أنت من أهمها حبك للبيانو :)
بس حسيت أنك عاقل أوى يمكن بزياده شويه !!
بس بنوتة ثانوى اللى قالت لك يا عمو يمكن كانت تقصد تعقدك و لا حاجه فمتاخدش على كلامها :))

الازهرى يقول...

الجميل محمد مارو

شكرا على الكلمات الجميلة

اكن للمدرسين احتراما فائقا فهم بناة شباب المستقبل

تحياتى

الازهرى يقول...

فشكولنا الغالى

على فكرة انت ورطت نفسك فى حاجة تانية خالص
انا كان نفسى الاقى حد يقف معايا
كلهم بيقولوا ان الايام الجاية سودة
وان بتوع السياسة دول التار عندهم غلاب
وبعدين يمشوا ويسيبونى لوحدى
وصاحبكبصراحة ابتدى يخاف
وكان عايز حد يقف جنبى فى المعركة الجاية
وربنا يستر

لكن انا خدت منك كلمة وهامسك فيها
ومستنى الاجابة

ها معايا فى المعركة والا هتحذر وتخاف وتنسحب زى الباقيين

صدى الصمت يقول...

إجاباتك جميلة جداً وصادقة ومقنعة وليس بها تزييف أو تأليف
كل عام وانت بخير

الازهرى يقول...

ضد التيااااااااااااار
اخيرا

مقبول يا ستى
وبالدراع بالدراع ما علينا فى دى

زجاجة الحبر فى الطريق وتوصل فى اقرب وقت ضدقينى قبل 2010 هتكون عندك

نيجى بقى للكربون طبعا حقوق الطبع مفوظة للمؤلف ويجب الاشارة الى المصدر

وطبعا انا متنازل عن الحق ده فى مقابل انك تتوسطى لى عند مها
شكلها كده ناوية ترجع مذبحة التلاتينات من تانى

وبدون اشارة احنا ديمقراطيين والرأى للأغلبية

بالمرة بقى خدمة منك
انا عرفت بعد مجهود ان :) ابتسامة
طيب D: يعنى ايه

مستنى رد

وايه حكاية الحالة الغريبة لو ممكن

الازهرى يقول...

حبيبنا الغالى الاستاذ بيرم

الكارثة الكبرى ان ما ننادى به من ترك الدعاء والنهوض الى العمل من اجل القضية يستنكره الكثير وما زالوا يحبون الشجب والاستنكار سواء على مستوى الحكومة او الشعب

اما بالنسبة لحالة الحزن
صدقنى اقرا التاج واوعدك هتضحك

فالابتسامة فى وجه المصاعب تساعد على التفكير الجديد وثبات النفس

تحياتى وخالص مودتى

الازهرى يقول...

لحظة تأمل

اعمل ايه حظى معاكى يا دنيا كده
كله عليا
وربنا يستر

كل سنة وانت فى غاية السعادة والصحة

الازهرى يقول...

محاسن

لأ مش خوف
لكن أنا هاسيب الزمن ده لما ينتهى الظلم واروح لزمن تانى احارب فيه الظلم من جديد
انما لو رحت زمن جميل
اكيد هيبقى ممل
زى يوتوبيا

تحياتى وخالص مودتى

الازهرى يقول...

كوشيا

المشكلة مش فى انها تبعت تاج
انا خايف من حاجات اخطر
انتى ما قرأتيش هيا بتقول ايه فى تعليقها

اتعودت ان الحياة جميلة
وان الشىء السىء لازم نزيله من حياتنا علشان تبقى زى ما احنا بنحبها
واكيد ده هيكون بايينا احنا
احنا عارفين
داحلامنا اكتر من اى حد تانى
شكرا على الدعاء الجميل

الازهرى يقول...

أميرة

إيه رأيك فى الثلاثاء القادم بعد صلاة الجمعة فى ميدان الجيزة بالاسكندرية
يناسبك ؟

الازهرى يقول...

حبيب الغالى عمرو

هذه المشتركات تشرفنى كسرا

العقل الزيادة عذاب كبير للاسف

تفتكى كده
وجه نظر برضه
خلاص فول بقى للفريق اللى فوق ده كله يبطل موضوع يا عمو دا

تحياتى وخالص مودتى

الازهرى يقول...

صدى الصمت

عرفتى ان دين كانت ارحم بكتير

وشكرا على كلماتك الجميلة
كل سنة وانت وكل من تحبين فى خير وسعادة وهناء

مفكر يقول...

السلام عليكم::

شكراً يا أخي على السؤال،،،

آسف على التأخر ولكن الواحد مشغول شوية في الدراسة لأن الامتحانات قربت،،،

إن شاء الله لية عودة،،،

في رعاية الله

ضد التيار يقول...

اقولك

احنا قولنا دى (: ابتسامة

دى بقى D: ابتسامة بس مع اظهار السنان

و دى P-: او P: وش بيطلع لسانه

اما دا ): حزين

و دا )): بيعيط

دا اول جزء من درس الرموز

الجزء التانى بعد ماتدفع حساب الدرس كامل متكامل

هى الدروس ببلاش ولا ايه ؟؟

و كمان تعالى هنا .. انا بقول تعالى هنا

الحبر هايوصل امتى ؟؟؟؟؟؟؟؟؟؟؟؟؟؟؟؟

ليه ؟؟؟ بعته على السلحفاة

لالالالا مافيناش من كدا احنا

القزازة توصل حالا على المدونه

بدل ماحط مدونتك فى قايمه المدونات اللى بولعها دلوقتى

و اسأل كيارا ... انا بحدف طوب فى قزاز المدونات و بولع فيها وقتى

ايه هو الواحد مش عارف يتكلم فى بلوجر ولا ايه (وش متنرفز)

-----
اما بقى الحالة الغريبة .. هو تعليقى اللى قبل تعليقى على التاج وقع منك ولا ايه ؟؟

ياربى بقى

انت مصمم تنرفزنى و مصمم تعلن وفاة المدونه دى قريب

لانى هافقدها الذاكرة و مش هاتبقى فى ذكريات

انا بقول اهو

------

دا تالت تعليق على فكره

القزازة بقى عشان انا كدا مش هلاقى حبر اكتب بيه ):

fashkool يقول...

والله ما انا عارف اكون معاك فى ايه يا ازهرى .. افصح يا رجل .. اذاكان التاج فانا اخذته وان شاء الله حاحله وارد عليه .. بس المشكله ان ما بحبش التيجان دى بتفرض على الواحد حاجات مش عايز يقولها .. لكن والله ان شاء الله حاحله .. ايه تانى اللى انت عايزنى اكون معاك فيه .. افصح يا رجل
تحياتى

الازهرى يقول...

مفكر


ربنا يقويك ويعينك يا رب

الازهرى يقول...

ضد
يا عينى على المدونة الغلبانة
هتلاقيها منك ولا من مها
يا جماعة حرام عليكم
اللى ييجى على الولايا عمره ما يكسب ودى مدونة وحيدة وملهاش حد يدافع عنها

اما بالنسبة للحبر فانا بعته فورا من خلال شركة TNT وموصى اصحابى هناك عليه لكن شكلى هاقفل لهم الشركة علشان الطرد ما وصلش
وعلشان ماتزعليش
http://www.samirandaly.com/
ادخلى ونقى الحبر اللى على مزاجك وقضى بيه الوقت على الحبر الاصلى ما يوصل

ومستنيين الحصة التانية يا ابلة
شكلها كده لغة اصعب من الروسى
ربنا يعنا

الازهرى يقول...

ايه ياعم
مها رفعت درجة الاستعداد وحالفة لهى جايبة ضلفها
والبنات كلهم معاها
والرجالة اختفت وقالوا دول خلصوا فى الحرب
استنجدت بيك
هاه معايا والا مع الناس التانيين

fashkool يقول...

الازهرى حبيبى
انا معاكم ان شاء الله بس فى الهلال الاحمر بتاع بلدنا عشان انا مهرى من السفر من اسكندريه لاسوان كل اسبوع فى بلد وان شاء الله بعد عودتى من الاسكندريه الاسبوع القادم اروح الهلال الاحمر واطلع كارنيه واتبرع هناك باللى هما عايزينه .. كدا كويس يا عم؟
تحياتى

شيماء طلعت يقول...

تظل لكلماتك رونقا خاص

هنيئا للتاج اجاباتك المتميزة على اسئلته المتميزة

دمت بخير

ضد التيار يقول...

ابلة ؟؟؟؟؟؟؟؟؟؟؟؟؟؟؟؟؟؟

ينهار ابيض انت بتقول ابلة ؟؟؟؟؟؟؟؟

لالالالالالالالا دا انت مصمم مصمم مصمم ان المدونه تنتهى نهاااائى

مابحبش انا كلمه ابلة دى

عاااااااااااااااااااااااااااااااااااااااااااااااااااااااااا

عاااااااااااااااااااااااااااااااااااااااااااااا

و كمان ايه دا اصبر نفسى ايه .. انا ماليش فيه انا

انا عايزة الحبر دلوقتى مابحبش انا التصبيرة دى هه بس

يلا اتفضل هات الحبر دلوقتى

و كمان درس تانى ايييييييييييييييييييه اللى انت منتظره

هو انت دفعت حق الدرس اساسا

ايه الناس دى بس ياربى .. عايزين دروس ببلاش

لالالالالا .. احنا عندنا الشكك ممنوع و الزعل مرفوع

ايدك على حق الدرس عشان نكمل

و الحبر الاصلى يجيى حالا

و علبة شكولا من النوع الفاخر

و معاهم تورته كبيرة شكولا برضه

و جاتوه كله شكولا برضه

امممممممممممم

و ايه تانى ياضد

ايه تانى يا ضد

مش فاكرة دلوقتى بقى عموما دول تجيبهم مؤقتاً

لحد ماافتكر الباقى

و ادى قاعدة على باب المدونه

و ادى عربية الزلط

و ادى محطه البنزين كمان

لما نشوف الحاجه هاتيجى امتى

كيــــــــــــارا يقول...

هههههههههههههههههههههههههههههههههههههههههههههه


شويه صور تحفه

هقرا وارجع

كيــــــــــــارا يقول...

اجاباتك جميله

بالنسبه لسؤال مجنون ولا عاقل

اوقات بشوفك مجنون واوقات بشوفك عاقل بس الاغلب عاقل

Beram ElMasry يقول...

صديقى الازهرى
( صدقنى اقرا التاج واوعدك هتضحك ) ساحول ان شاء الله
( وصدقنى فالاسوأ لم يأت بعد ) ربنا يستر وتعدى الامور باقل الخسائر
ولك كل الشكر والمودة

saheda.com يقول...

المرشد العام يطالب المسلمين بالتحرك لنجدة غزة... كتائب شهداء الأقصى وسرايا القدس وباقي فصائل المقاومة تعلن أنها تقاتل جنبًا إلى جنب مع كتائب القسام وتقول إنها معركة الفرقان كما أعلنت القسام... الجيش الصهيوني يسحب أجهزة اللاسلكي من جنوده بعد اختراق حماس لها... سلطات الاحتلال تطلب من المغتصبين على بعد 40 كم من غزة التزام الملاجئ... مصادر صهيونية تعترف بسقوط قتلى و25 جريحًا بين قواتها... الاشتباكات بين المقاومة الفلسطينية وجيش الاحتلال تدور في محيط 2 كلم فقط... كتائب القسام قصفت العدو اليوم بـ 24 صاروخًا و17 قذيفة هاون و4 عبوات ناسفة... أنباء صهيونية عن ارتفاع القتلى في صفوف جيش الاحتلال إلى 9 من بينهم قائد لواء جولاني... جيش الاحتلال يؤكد سقوط 5 صواريخ للقسام في النقب... القسام تحاصر أكثر من 12 جنديًّا صهيونيًّا أعضاء قوة صهيونية خاصة بالقرب من شرق قطاع غزة... نتيجة المقاومة الشرسة مجلس الأمن يعقد اجتماعًا خاصًّا لبحث الأوضاع في غزة بعد ساعتين من الآن... توغل قوة صهيونية خاصة في منطقة رفح... إعلاميون صهاينة: حماس نجحت في شن حرب نفسية على الجيش الصهيوني... مصادر إعلامية صهيونية تؤكد التفاف المقاومة على جنود الاحتلال من الخلف مستخدمين الأنفاق... القناة العاشرة الصهيونية تعترف ببطء العملية العسكرية في غزة نظرًا للمقاومة الشرسة... الرقابة العسكرية الصهيونية تفرض حظرًا إعلاميًّا على مجريات الأحداث في الحرب الدائرة داخل قطاع غزة بعد الأنباء عن وقوع قتلى وجرحى في صفوفهم... كتائب القسام تؤكد أنها تحاصر قوتين صهيونيتين في رفح وشرق قطاع غزة... كتائب القسام تعلن اختراقها لموجة اللاسكي الخاصة بالجيش الصهيوني وأنها سمعت من خلاله التبليغ عن مقتل 5 جنود صهاينة وإصابة 21

الازهرى يقول...

حبيبى الغالى

طبعا لم اتوقع منك اقل من هذا
وربنا يعينك على السفر والعمل
كما ادعوا لك بان يعينك على مشاكلك فى العائلة والتى انتبهت لها عند رئيس التحرير بعد كلام فركشاوى

بكل المودة والحب والتحية

الازهرى يقول...

شيماء

اهنىء نفسى دوما على تعليقاتك الجميلة التى ترفع من معنوياتى كثيرا

تحياتى وخالص مودتى

الازهرى يقول...

ضد
خلاص نغليها استاذة
ما هو انا مش بحب مس والكلام الفاضى ده

وكمان انا هاجرى اتصالاتى بنيجار وارفع قضية
ازاى تقولى الحبر ما وصلش والراجل الغلبان رحت اقفله الشركةورانى وصل ممضى منك بالاستلام
كده كنتى هاتجنى على الراجل

اما بخصوص كل الشيكولاته دى
فانا وصيت واحد صديقى يتولى ارسالها بنفسه
ما ما ينفعش انا
لانى لو شفت الشيكولاته دى كلها
مش هينوبك منها اى حاجة خالص
ما هو انا انسان
وبرضه
يعنى
باضعف قدامها جدا
بخصوص البنزين
يا ريت تفضلى موجودة
يمكن
مها
تقوم بحركة غر
كده ولا كده
اهو لازم يبقى فيه برضه حاجة تحمى
والا ايه

مستنى الحصة التانية برضه

الازهرى يقول...

كيارا
كده بقى فيه حزب تالت

نستنى ونشوف احصاء للأراء
والرأى للأغلبية
شوفتى الديمقراطية

الازهرى يقول...

حبيبنا الاستاذ بيرم

تظل كلماتك وساما دائما على صدرى

تحياتى دوما

الازهرى يقول...

شهيدة

اتمنىمن كل قلبى ان تكون تلك الانباء صحيحة
فنحن لن نحتمل نكبة مثل 67 ثانية

تحياتى

حروف (دلو مرة ثانية وجرح ثاني سابقا) يقول...

مدونتك جميلة جداوخلي بللكمن ايدك الشمال لتوةمنك انا كل مدخل مدونة الاقي ازهري وبيشكروا فية وشويا شويا حيعملوا مسيرة فقلت اجي واديني جيت وبجد مبسوطة من الزيارة وردوك جميلة جدا علي التاج والصورجميلة جدا متغيرهاش خليها

الازهرى يقول...

حروف
انا بيتقال عليا دا كله
ربنا يجبر بخاطرك يا رب
اول واحدة تنصرنى فى حرب المغول بتاعت الشلة اللى فوق دى
حاضر الصور تفضل
بس عليكي انتى تحمينى من مها
اتفقنا ؟

شكرا لزيارتك وكلماتك الجميلة
واتمنى بصدق ان تتكرر دوما
تحياتى وخالص مودتى

عابد الرحمن يقول...

انت بجد حد كويس ودمك خفيف ومدونتك لذيذة
للأمام ديما

rovy يقول...

السلام عليكم
تاج جميل جدا و اجابات اجمل حقا
حاولت ان ترسم البسمه على شفاهنا اخى الازهرى من خلال اجاباتك فلك كل الشكر فلقد اصبحنا فى واقع مرير اصبح الضحك به عمله صعبه و ممنوعه علينا ..

حقيقى سلمت يداك

دمت سالما و دمت بكل خير

خالص التحيه

زهرة الكاميليا يقول...

مررت من هنا ..

للإطمئنان عليك ..

ارجو أن تكون بخير ..


ملاحظة:
حلوة اوى صور ستيفى ليفنى دى .. هى كانت تقريبا كده فى طفولتها وشبابها.

بالمناسبة .. ستيفى ليفنى كانت انشط جاسوسة فى الموساد فى الثمنينات على الجالية العربية بفرنسا .. وكانت فى نفس الوقت تعمل مدبرة منزل!!!!
شوف الزمن!!!

تحياتى لك
ولبلدى الحبيبة

mony يقول...

السلام علكي

انا جيت اهه

و عايزة اتداري في اي عامود موجود من كسوفي و لله
مافيش حتة هنا استخبي فيها



انا عارفة اني مقصرة جداااااااااااااا

بس انا اول مرة اخد بالي من مدونة ذكريات ديه
اصل كنت بدخل علي الفارس الاخير علي طول
و كنت شايفة ان الكلام هناك اكبر من اني ارد عليه فكنت بكتفي بالقرأه بس

اه و الله




و بالنوسبة للتاج

فالتاج فعلا منك جميل جدا
و ان دل علي شئ
فيدل علي خفة دم ممزوجة بذكاء و معرفة واسعة و اطلاع

ربنا يبارك فيك و يكتر من امثالك

خلاص بأه سماح؟؟

حروف (دلو مرة ثانية وجرح ثاني سابقا) يقول...

حتتكرر ان شاء الله والتورتات يابني اكلوها وناسوك انا بهدي النفوس

حروف (دلو مرة ثانية وجرح ثاني سابقا) يقول...
أزال المؤلف هذا التعليق.
حروف (دلو مرة ثانية وجرح ثاني سابقا) يقول...
أزال المؤلف هذا التعليق.
mahasen saber يقول...

تصدق بالله التحديث والتعبير اليى انتا كاتبه عن امتنا
من ابلغ واعمق واجمل ما يكون

الله ينور عليك
ويسلم احساسك وعقلك
اختك محاسن

fashkool يقول...

شفت بقى يا ازهرى عمك فشكول عنيه زايغه ازاى وما يملاش عنيه غير التراب .. قال عايز يجوز كاترين زيتا جونز قال .. روح قول له يا ازهرى يا عم شوف لك قبر ولا حاجه . . وقول له كمان قبل يلمك يا فشكول

هــو..مش ..نـو يقول...

عم فشكول بيقول انه بيحب اللحمه
لحمه ايه؟
والدم في غزه سايل...
ولا حتي بنتكب لهم رسايل..
تقوي عزمهم ...ومين قايل؟
...قبر يلمنا كلنـــــــــا*

دعاء مواجهات يقول...

التاج مميز ولذيذ

وكان اللة ف عون غزة

حسبنا الله ...

منى يقول...

جميله الاجابات
انا جاوبت التاج ده من زمان وفيه كمان اجابات كتير مشتركه

ربنا يوفقك
تحياتى

الازهرى يقول...

عابد الرحمن

اشكرك فعلا على كلماتك الجميلة واتمنى اشوفك هنا دايما

تحياتى

الازهرى يقول...

اختى العزيزة ام مريم

بجد اول حد ياخد باله من هدفى تحياتى ليكى دايما
دمت بكل خير ودامت اخوتنا الجميلة

الازهرى يقول...

زهرة الكاميليا

يا نهار ابيض مها طلع ليها علاقة بالموساد
وانا عمال اقول البنت دى مالها ومال السياسة
اتاريها
لا انا ابلغ فورا قبل ما حد ياخدنى بذنبها

شكرا على سؤالك الجميل
تحياتى لك منى ومن كل بلدنا الحبيبة

الازهرى يقول...

مونى

خشى فى عبى يا اختى خشى
انا مش باكل من الكلام ده
وصدقينى اى تعليق منك سواء هنا او فى الفارس الاخير يهمنى جدا
واكيد بيضيف ليا جديد

بجد شكرا على كلماتك الجميلة
وسماح النوبة
انما اعملى حسابك المرة الجاية لا ممكن ابدا

الازهرى يقول...

حروف
ايه ده قلبى قلبى
هو فى حد فى التدوين بيهدى النفوس غيرى
انا لا اقبل
ولو عايزة تشوفى تهدية النفوس بجد
روحى عند ضد التيار

تحياتى دوما

الازهرى يقول...

اختنا محاسن

ربنا يخليكى ليا يا رب
اعمل ايه الموقف كان يحرق الدم بصحيح

تحياتى دوما

الازهرى يقول...

فشكولنا الغالى

اعمل ايه بقى
حظى معاكى يا دنيا كده
المهم ما تنسانيش معاك هى مش صداقة
والا هو كلام وبس

الازهرى يقول...

هو مش نو
اهرش فروةراسى واقول مش فاهم

تحياتى

الازهرى يقول...

دعاء

شكرا على كلماتك الجميلة
وكان الله فى عون العبد ما دام العبد فى عون اخيه
تحياتى

الازهرى يقول...

منى

اجابات مشتركة
اجابات مشتركة

لااااااا
انا هاراجع التاج عندك بنفسى الاول
المقلب ده انا شربته قبل كده

تحياتى دوما