الاثنين، 27 مايو، 2013

علمينى يا حياة 2



علمينى يا حياة

علمينى الحب صادق
ينتشر جوه القلوب
ينتصر بره الخنادق

علمينى أجرى فى بلادى
أنشر محبة بين صحابى
أزرع أمل فى نفوس ولادى

علمينى أكون كبير
بقلب طفل والبراءة
أعلم الدنيا البساطة
نسمة هادية م الغدير

علمينى الإنتظار
علمينى الصبر دايم
والليالى راجعة تانى
فيها ضحكة والولايم

علمينى أعشق جنانى
والجنون دا عيشة حلوة
فيها حلم وشوق أمانى


علمينى أدوب فى فكرة
والأمل أهو جاى بكرة
نجرى ع الشط اللى حاير
بين قلوب العاشقين

علمينى الزرعة طلة
بعد صبر وطول مذلة
والإيدين تحصد تدندن
بالأغانى والهزيج

علمينى إن البعيد عن المكان
هو القريب
جوه القلوب
مهما ابتعد بيننا الزمان

علمينى أهتف وأنادى
فى البلاد وصوتى عالى
يا عباد الله فوقوا
دى المحبة أغلى حبه
الكراهة ضياع وغربة
والزمن ماشى فى طريقه
رغم كل الزعلانين
 

هناك 5 تعليقات:

Gamal Abu El-ezz يقول...

أزهرى
قصيدة جميلة وخاصة إن فعلا الحياة بتعلم أكتر من الأب والام دلوقتى أهم شئ أن تعلمنا الفضيله

شمس النهار يقول...

علام الحياة واعر ياولدي:)

Ramy يقول...

المحبة

كنزٌ لا يفنى ((:

انين الياسمين يقول...

الحياه فيها كتير المهم اننا ننتقى ما نتعلمه منها

L.G. يقول...

لالالالالالا
متعلمنيش الحاجات الوحشة ديه دنا بحارب عشان انساها