الاثنين، 14 مايو 2012

تخاريف 3

 
منذ فجر التاريخ كما يقولون
ومنذ بداية وجود البشر
خلقت المرأة من ضلع أعوج فإن ذهبت تقيمه كسرته ، وإن تركته لم يزل أعوج

ولذلك فلا مفر
ولا حول ولا قوة إلا بالله

والحمد لله تعالى على عظيم ابتلائه



والبداية مع أول مرأة
حواء والتى كانت المنفذ الوحيد الذى استطاع إبليس الولوج منه لآدم
وإخراجه من الجنة بسبب طمعها وجشعها
ونزلا إلى الأرض كى يشقى آدم فقط



كان الإسقاط فى الوعى البشرى على المرأة منذ فجر التاريخ أنها اللعنة التى ابتلوا بها
فكانت باستيت
التى لها جسد امرأة ورأس وروح قطة
وكلنا يعلم ما صفات القطط ولا حاجة للتطويل


ثم تطور الأمر بعشتار لعنة بابل الأزلية
والتى دمرت الدنيا على جلجاميش وقتلت الآلاف كى تحاربه
وتنازلت عن كل صفاتها كربة كى تذله



هيرا 

حدث ولا حرج
فهى زوجة  زيوس التى تسببت بغيرتها فى لعن
أكثر من نصف ملكات العالم القديم
وإيقاد الحروب
ونشر الأمراض بسبب غضبها المتواصل


 حتشبسوت 
الملكة الفرعونية العتيدة
والتى قتلت زوجها وأخيها كى تصل إلى الحكم


سميراميس 

هى الملكة الوديعة التى أطعمتها الحمام ( حسب معنى اسمها )
لتفتك بالناس فى حصن بكترا كى ترضى ملكها
وقتل من قتل يومها



اما كليوباترا 
الملكة المحيرة التى تلاعبت بالجميع
وحاربت أخيها
وقتل يوليوس قيصر بسبببها
ثم أنطونيو من بعده
وكادت الإمبرراطورية أن تتمزق



زنوبيا 

التى تربت فى الأحراش بالقرب من حمص وأوغاريت
وهناك تعلمت ( القتل للحفاظ على النفس )كما تذكر المراجع


والكل يعرف بالطبع الدور التاريخى للبسوس الشاعر التى اشعلت الحرب أربعين عاما
وضاع فيها من ضاع من صناديد البلاد


شجرة الدر 
التى وصل بها الأمر
أن قتلت زوجها القائد بسبب غيرتها من ضرتها فى وقت تأزمت فيه الحال بمصر




زينب الوكيل
فهى المرأة التى كانت تهز مصر وليس عرشها فقط
وكانت المتحكم الرئيسي  فى الأحداث بعد الحرب العالمية الثانية


 ويقابلها فى بريطانيا كلاريسا تشرشل
زوجة أنتونى إيدن  والتى أجمع المؤرخون أنها كانت من الأسباب الرئيسية المباشرة للعدوان الثلاثى على مصر

جولدا مائير
وهى لا تخفى على أحد
رئيسة وزراء إسرايل أيام حرب أكتوبر
والتى كادت أن تقصف مصر بالرؤس النووية كى تقضى عليها

ثم تسيفى ليفنى 
رئيسة الزراء الأسبق لإسرائيل
وضابطة الموساد السابقة
وصاحبة العملية الشهيرة على غزة


أما سارة نيتتانياهو
فهى رئيس الوزراء الحقيقي الحالى لإسرائيل
وبعد أن كانت مضيفة جوية أصبحت تستضيف كل رموز الشر لديها

*******************************
وكنت أتمنى أن استرسل فالتاريخ طويل وحافل
ولكن آثرت الإختصار احتراما لمناسبة جميلة

وهى طبعا عيد ميلاد فاتيما
أختى الصغيرة
والتى أتمنى أن تقبل منى ما كتبت هدية فى متواضعة وبسيطة
وكنت أتمنى ما هو أكثر
ولكنه منتصف الشهر والميزانيات كما تعلمون




وهذه الباقة هى تعلم جيدا ما تعنى


كل لحظة وهى طيبة وفى أمن وأمان وإيمان وسلام

بكرة جاى

هناك 25 تعليقًا:

فاتيما يقول...

لا والله ...
انتا كدا اختصرت .. ؟!!!

لا يا شيييخ متختصرش
متسبش حاجة ف نيفسك متقولهاااش
بعبع وفضفض ..
الاّ يجرالك حاجة يا نضرى
نقوم لما نصحى ف يوم ناكشين شعرنا كحريمات وحبينا ندور على حد ندبحه ..منلاقيش

اهىء اهىء ...

عااااااااا



طب نقلب الشريط بقى
ع الوش التانى

-------------

سواطير و طبنجات واربجيهات وقنابل غاز بالعبيط كلها تتوجه الآن لمدونتك .. يا سى منص


نعممممممممم يا خويا

نكتفى بهذا القدر

كل الرصة دى
وحاططنى ف الآخر
ليه ؟؟

كان فيه حاجة اشاء الله
دنتا ليلتك زحلقى
انا .. يتحطلى الورد
ف آخرة كل المدابح دى
والميتيين والجنازات الجماعية اللى شغالة من اول البوست ؟!!!

انشالله ما اتشم
ولا اتهاديت بيه ..!!

ليه يا بابا

ليه كدا ؟

دنا كل شوية
اقول معلش
الشاب ابننا برضو
مسيره يعقل
وهيتريث
و ربنا هيهديه
قوم برضك
مفيش فايدة فيك ...

اعملك زى مدام سندس
ف عايزة اتجوز
وارفع ايديا للسما واقول

اشكو إليييييييييك ...

طيب
طييييييييب

نهارك معايا
ازرق ممطّر مغّبر
ملبد بغيوم رمادى
بتحدف طوب ع النافوخ

فاصل وهرجعلك

فاتيما يقول...

عدنا


ميرسى يا منص
وكل سنة وانتا طيب
:)
http://cdnimg.visualizeus.com/thumbs/2a/93/kitty,cat,cute,animal,black,and,white,girl-2a9356f1ec1f6ab8555294f750e109dd_h.jpg


وبراحتك خاااالص
اكتب وخترف براحتك ...
هوه الخطرفة بفلوس ؟!!!
وجايلك يوم ...
يا ظالم


وعلى رأى المثل
خلى اخونا منص ع هواه
لحد ما ييجى ديله على قفاه

:)))
http://data.whicdn.com/images/20219535/cute-cat-4_large.jpg

ابراهيم رزق يقول...

ههههههههههههههه

ده تاريخ المراة المتوحشة

فعلا هدية مناسبة
مش عارف راى فاتيما ايه
باين كده عيد الميلاد هيسخن

طب فين سالومى التى ضحكت على يوحنا المعمدان
و فيت بيرت كنكى التى اقنعت نوبل باختراع الديناميت
واين مارى انطوانيت التى تسببت فى الثورة الفرنسية
واين هند بنت عتبة التى قتلت حموة و اكلت كبده
و ايناكزانتيب زوجة سقراط
بس على فكرة دول اقلية
قابل انت يا معلم اللى هيجيلك

سلام

ابراهيم رزق يقول...

ايه ده
فاتيما علقت
مش قلتلك قابل
انا مليش دعوة يا عم
شيييييييييييييييييييل انت

Ramy يقول...

على فكرة بقى يا اسامة انت مُتجنى قوى على المراة

هو ممكن يكون فى حقيقى فى التاريخ كدة بس برضو لو عملنا مقارنة ما بين الراجل و المرأة هتلاقى الراجل عامل 80% من مصايب التاريخ

بس علشان الست غالبا بنوصفها بالرقة فمصايبها برغم قلتها عليها العين

اوعى تضربنى بالنار يا ازهرى ((:

رحاب صالح يقول...

اشوف فيك يوم
ده انت خليتها خل خالص
وكمان يوم عيد ميلاد فاتيما
انا لو منها اجي اقتلك واريح البشريات منك
هههههههههه
والا علي اية اجيلك انا
وانا خليك تكره اليوم اللي اتولدت فيه
بس عشان متغلطش ف القرات الرقيقات الوردات النسمات اللي هو احنا يعني

مصطفى سيف الدين يقول...

نسيت اهم حيزبون يا كبير
نسيت سوزي مبارك مهندسة التوريث و الجميع يجمع انها كانت تحكم مصر و ليس البيه المخلوع
انا هاتفرج من بعيد و معرفكش يا عم الموضوع هيبقى فيه سواطير واكياس بلاستيك

شمس النهار يقول...

تصدق انا لو شيرت البوست ده علي المدونات والفيس هتبقا اكبر حته فيك قد الترمساية

هقولك ايه راجل
هستني ايه من راجل غير الكلام ده
ربنا يهديك ويهدي كل الرجالة

الازهرى يقول...

أختى الصغيرة تماتم


والله أنا ـقول كل اللى فى نفسى واتكلم براحتى
وراحة راحتى كمان

وكل اللى نفسهه فى حاجة يعملها
إحنا ولا بيهمنا ولا مؤاخذة


كل حاجة هنا مثبتة بالأدلة العلمية تماما
واللى عنده دليل بعكس كده يتقضل يجيبه

وكمان لا بالأسلحة بنتهدد
ولا الرشاشات بنخاف

إحنا ناس قلبنا ميت من زمان

وإذا كان المخلوع وأمنه بجبروتهم ولا قدروا يحركوا شعرة منى

ورونى شطارتكم

وربنا
وربنا
وربنا كمان مرة لأنيمكم من العصر يا بلوجريات

الازهرى يقول...

تماتم

بعد الفاصل

متشكرين على الهدية ووتم قبولها بصفتها على لا تعتبر رشوة أو أى مما يتقاضاه الناس للسكوت عن الظلم


والحرب قائمة لحين إشعار آخر

الازهرى يقول...

أبو عروستى


والله كان موجود كتييييييييييييييير
التاريخ مليان

بس قلنا رفقا بهن فى هذه المناسبة الموحشة

ونعديها المرة دى


ثابل وقعد
ولا بيهمنى

شكلك خفت ؟؟؟؟؟؟؟؟؟

الازهرى يقول...

وكمان اللى نفسه فىجاة يعملها

يسقط الخوف والإستبداد

الازهرى يقول...

رامى

هو إحنا أصدقاء من كتير ؟؟؟؟؟؟؟

علشان أنا شايف إن كفاية عليك لحد كده

وشكرا على الفترة الجميلة اللى قضيتها معانا

وورينا عرض اكتافك من هنا لو سمحت

برة

ومحروم من الميراث كمان

Sweet Violet يقول...

قول ان انت مش فاكر عيد ميلادي امتي بجد .. و يارب لو فاكر يجيلك الزهايمر ياجدع قااااااااااااادر ياكريم

...
كل سنة و طمطم بخير يارب و سعادة :)

الازهرى يقول...

رحاب صالح

يا صباح البنفسج

والله تعالوا


وورونى شطارتكم
واللى عنده حاجة يوريهالى


من النهاردة مفيش خوف

أنا الزعيم



قال رقيقة قال

بلا سم

الازهرى يقول...

مصطفى

والله العظيم ما نسيتها
بس التحديث للأسف النت قطع قبل ما يطلع

وحصل خير

وطبعا الجبن سيد الأخلاق

الازهرى يقول...

شموستنا

والله انا موافق

شيرى


وربنا كلهم بق على الفاضى
ومستخبين هناك فى الفيس من أيام الصليب الأحمر


وعايز واحدة منهم تورينى قدراتها


اللهم آمين

الازهرى يقول...

ضد


لأ فاكره آخر 8 وباليوم والساعة والدقيقة

على يدى


وربنا يومها لأخليكى تهاجرى كندا
وتاخدى مقصوفة الرقبة التانية معاكى

مهندس مصري بيحب مصر يقول...

اللي نفسي أفهمه حاجة واحدة بس إيه علاقة فاتيما ارقيقة و قلب المدونات الطيب بكل النسوان المتوحشة اللي في البوست دي ؟
:)

فاتيما يقول...

معلش
عشام المدونة دة مدونتشى
واعلق براحتى وكدهون ...


اولااا


يا حبيب قلب اختك الكبيرة يا محمد
يا مهندس مصرى يا غالى

انتا اختصرت بسؤالك
كل المطلوب معرفته ... بالمللى

انا عاوزة افهم
ايه علاقتشى بالستات المفترية دى
وانا غلبانة و مقهورة
والمفروض تعملولى جمعية خيرية
وتلموا تشبرعات باسمى .. ؟!!!


انتا يرضيك كدا ؟؟



رامى يا رقيق القلب
دا العشم برضه

وكده يا ابراهيم
انتا ومصطفى
بتمرعوه عليا
وتفكروه بأسامى تانية ؟!!!


ماشى ماشى ...



رحوبة
وشموسة
وشيكو يا نورا
أيحرمنيش منكن
والستات لبعضشيها


اما انتا يا سى منص
فخلاص أهُـدر دمك ...
وكريباااا هفرح فيك القاصى والدانى
واخد بحق كل الحريم ...

وكل سنة وانتا طيب يا خويا
ومردودااااااااااااااااالك
يا معلم

:)

الازهرى يقول...

مهندى مصرى


أن اللى نفسه أفهمه إيه علاقة كل الصفات دى بفاتيما ؟؟؟؟؟؟؟؟؟؟؟؟؟؟

يا عم رقة مين
إنت مش شايف كمية الأسلحة والإفترا والضرب وغيره وغيره وغيره
اللى فى تهديدها

رقة إيه دى بس يا غلبى ؟؟؟؟؟؟

وكمان بعضهن من بعض
وكلهن كذلك

وأتمنى حد يجيب لى مثال من التاريخ على كارثة لم تكن فيها واحدة ست

الازهرى يقول...

تماتم

مدونتك بأمارة إيه إن شاء الله ؟؟؟؟؟؟؟

اتفرجوا يا خلق على الإحتلال العلنى

وربنا وربنا وربنا

ومش هأكمل وهنشوف الأيام قادمة والدم هيكون للركب

وكمان يفكرونى بإيه

وهو أنا كنت نسيت أساسا

عندك هيلين طروادة اللى علشان دماغها الطاقة اللى تستاهل قطعها
مات آلاف الأبطال

وعندك زوجة الأمير النمساوى اللى علشان أصرت تتفسح حبتين
قامت الحرب العالمية الأولى

وفى كمان مارى الدموية
وطبعا معروفة جدا

والملكة إليزابث صاحبة التاريخ الطويل والعريض كمان فى الإستعمار

أكمل ولا كفاية ؟؟؟؟؟؟؟؟


قال بأماة إيه قال

وخلى الحريمات لبعضيم

ياااااااااااااااااااااارب
أتوبيس واحد ومن بكرة يتقلب من فوق قصر النيل فى أعماق المحيط الهادى مباشرة

ومن غير غزاى هو كده ولسلام
خلونا نخلص منهن ونعيش فى روقان بقى

بلا غم

غير معرف يقول...

كل سنه وانتي طيبه يا قمر واوعي تنزلي من عرشك وتسمعي كلام المؤذي اخويا الكبير العظيم في الوصف الكريم في الثناء.....اخت الازهري

لــــ زهــــــراء ــــولا يقول...

والبداية مع أول مرأة
حواء والتى كانت المنفذ الوحيد الذى استطاع إبليس الولوج منه لآدم
وإخراجه من الجنة بسبب طمعها وجشعها
ونزلا إلى الأرض كى يشقى آدم فقط
.................................

رجاءً مراجعة كلماتك بخصوص امنا حواء
فقد تاب الله عليهما فمن انت او انا حتى نصفها بالطمع والجشع !!!!
لولا

لــــ زهــــــراء ــــولا يقول...

اراك تذكرت هؤلاء ولم تتذكر آسيا امرأة فرعون سيدة نساء اهل الجنة
ولم تتذكر امك خديجة رضي الله عنها
وكذلك عائشة وفاطمة ومريم ......
ولم تتذكر قول رسولنا فيهن

ولم تتذكر ان الضلع الاعوج هو من حمى قلب آدم وليس معناه اهانه لهن

(ما اكرمهن الا كريم وما اهانهن الا لئيم )




لولا