الاثنين، 25 أبريل، 2011

أين أنتِ؟؟

أين أنتِ؟؟






أين أنتِ في الصباح وفي المساء
أين أنتِ حين تنهشنى الذئاب وأصبح للسبع الغذاء
أين طيفك فى ربى الحزن المسيطر
فى ثنايايا أغنى
أنتفض
أرقص رقصة طائر ذبحوه وحيدا
وتركوه ملقي على قارعة الطريق


أين من يلملم أشلائى
يدمع من أجلى دمعة
يوارينى الثرى
أين من يلقى فى رثائى كلمة
تؤنسنى فى وحشة القبر
يزرع من أجلى وردة أستنشق عبيرها
من بين ثنيات التراب

أين لمستك الحانية
كى تخفف عنى العذاب
أين الوعود


ولا عتاب





قد بت التحف السماء
ولا يوارينى التراب
ران السكون
وضاع نور الشمس
من خلف السحاب
ولا جواب


لاجواب



*********************************


إعادة نشر

هناك 25 تعليقًا:

SHAPE YOUR LIFE (ABOALI) يقول...

اين انتى

انا فى الوجود احلق فى السماء
اكون هنا وهناك
بين خطوط برد الشتاء
وخريف اوراقه تنادى حبيب فات
وياسمين عبير ربيع الذكريات
وصيف جاء بالحياه الوان وحكايات
انا هنا
اتلمسك فى الهواء
اتنفس ثغور الهمسات
انا
اصعد بين السموات
لعلى اراك يوما
تضمنى لقلبك وتسمع النبضات
تنادى عليك كل يوم
انطلق
واصنع معى طريق الجنات
********************

جميل يا ازهرى ما نثرت سابقا
يظهر انك بتحن لعصر مبارك
اه منكوا يا فلول الشعراء

كل التقدير يا انسان الذكريات

SHAPE YOUR LIFE (ABOALI) يقول...

بلاش نعمل احتلال
علشان عيونك تنادى على انتى وقلبك يستدعى الذكريات
وياسمينات كلماتك تصعد للسماء
لعلها تجد الاحباء

وعجبى

فاتيما يقول...

ازيك يا سى منص

اتاريك قافش على عضوات الجمعية
طب ما تقول م الاول انك زينا
وقلبك متفشفش ميت الف حتة
لازم تعملوا علينا سى السيد ؟

طيب

الاجابة عن سؤالك يا غالى
اكيد مش عندى ...

بس ممكن اقولك من واقع الهزائم المتكررة التى خضت غمارها
وخلى بالك انا هرطن بالنحوى دلوقتى ودى بادرة مش كويسة ...
المهم

من واقه سجل الهزايم المتكررة
اقدر أقولك ببساطة
ان الوعود يُنطق بها .. لكى ُتخلف
غالبا يعنى

فيه ناس مبتنطقش بالكلمة
الا لما تكون متاكدة مما بعدها
وفيه ناس بتتسربع ومتعرفش اذا كانت مشاعرها صح ولا غلط ...

المأساة
ان الاتنين دول يتلموا على بعض
وواحد يبقى واثق وعاوز يكمل
وواحد يكتشف انه ف سكة مش عاوزاها ويقول انا ايه اللى جابنى هنا ؟!!

المعضلة وقتها تتلخص ف الآتى
حد متمسك جدا وبيبذل كل جهد عشان يحتفظ بحبه وحبيبه
وحد متوتر قوى وبيبذل كل جهد عشان يتخلص من هذا الحب وهذا الحبيب

قليل الأصل
بيتخلص ..بكل خسة وندالة
واللى أصله طيب ومعدنه حر مش فالصو
بيحاول يحافظ على مشاعر اللى قصاده قدر الممكن

وانتا وحظك يا بنى
لو قليل الأصل بتتعب شوية ...
وبعدين خلاص
لو كويس وطيب ومحترم معاك
بتتعب أكتر الف مرة
ومفيش بعدين للأسف ...
لأنك بتفضل فاكره
وعاوزه
ومضطر تنساه وانت مش قادر
وطبعا مفيش داعى
اقولك انى م النوع التانى
اللى ربنا انعم عليا فيه بحد محترم جدا لدرجة انى مش عارفة ابطل احبه جدا جدا جدا

انا بعلق عشان اطبطب عليك
ولا أفضفض واطبطب على نفسى ؟!!

لو التعليق ضايقك
امسحه

ولو مضايقكش


قولى

عشان أكتب واحد يضايقك
وش مطلع لسانه
آل يعنى عندى نفس اهزر وكدا

خلى بالك من نفسك ياواد
هنعمل ايه بس
قلوبنا ومخلوقين بيها
وهنقعد معاها لحد ما نموت
لازم نتكيف بقى وخلاص
ولا إيه؟؟؟


يوووه
سلام بقى
لحسن هرغى تانى
واوعج قلبك زيادة

وجع البنفسج يقول...

خاطرة جميلة والرد الاول عليها ايضا جميل ..

بس شو حكاية فلول الشعراء هذه كمان ..

عموما سعيدة بتواجدي هنا ..

لـــولا وزهـــراء يقول...

ابن انتى ؟؟؟

واضح ان البوست كان موجود سابقا وحنيت له ورجعت تنشره ورغم كل ده مش عارف لها طريق !!!
يمكن بس محتاج تكرز عشان تلاقيها
يمكن شايفها ومش عارف انها هى
يمكن باصص فى عيونها وانت بتتكلم ومش واخد بالك منها
حاول بس تركز واكيد هتوصل لها ان شاء الله

جميله تلك الكلمات
دعواتى ان تجدها عما قريب

زهراء

Foxology يقول...

قد تكون متوارية خلف ستار الحياة ويمكن أن تخبرها قول الشاعر :

فإن كان قد عزّ فى الدنيا اللقاء
ففى مواقف الحشر نلقاكم ويكفينا

تحياتى

الازهرى يقول...

أبو على

مش حنين لعصر مبارك
بس حنين لناس حاربت معايا فى عصره
وكان نفسى يبقوا معايا وحانا بنحتفل بسقوطه

كل التقدير والاحترام

الازهرى يقول...

وبلاها احتلال

وادعوا الله تعالىان يجيب دعائك وأجد من أبحث عنه

الازهرى يقول...

فاتيما

ما انا قلت لف مرة
بس مفيش حد اخد باله
ونص اللى اتكتب على المدونة كان على الموضوع ده


عارفة يا فاتيما
انا عمرى ما دورت على اجابة السؤال إنى عارفها
مشكلتى إزاى أوصل هناك
حاربت سنين علشان أعرف أعمل ده وبرضه عجزت عنه ، الحاجة الوحيدة اللى فشلت فيها جدا جدا
وكان نفسى أقدر عليها بس كان صعب
صعب مش علشان فى طرف خاين
انا فاهم انت تقصدى إيه
بس كان صعب لإن الطرفين كانوا مخلصين جدا
بس مش كل حاجة بالإخلاص والإرادة
فى قوة أعلى من الكل إرادتها هى اللى بتمشى الأمور وصعب الجبل مهما كان ثباته إنه ييقاوم كل حاجة فى حاجات بتهد الجباال وتزحزحها من مكانها وترميها بعيد وتدكها دك
معاكى فى إننا نعيش
وأنا عايش وبأضحك وألعب وأهيص وأشتغل وأدرس وأثور وأقاوم
بس كل ده فى النهاية محاولات للهروب من إنى اقعد مع نفسى وأتكلم معاها
محاولات للهروب من التفكير
عارفة جاهين لما قال
خايف و لكن خوفي مني أنا
أخرس و لكن قلبي مليان كلام

أنا بأساعد الناس يعيشوا بقلبهم ويحبوا ويفرحوا وبأفرح جدا لما الاقى علاقة نجحت بين اتنين أعرفهم او حتى ما اعرفهمش
لكن دايما بتيجى لحظات الإرهاق لما تقعد تستريح او تفرح او حتى تحزن وتدور على ايد حنينه كانت بتمسح عنك كل الهموم والتعب وقلب حنين يفرح معاك ويحزن معاك ساعتها قلبك بيتوجع من تانى والجرح يتفتح وينزف من جديد
تشيل سلاحك وتطلع الدنيا من تانى تحارب يمكن تنسى
ودايرة مقفولة مش عارفين نخرج منها إزاى

فهمتى ليه كنت بأقول لك دايما إنى فاهمكلامك وحاسس بيه لإنى مجروح وجرح شديد كمان أنت المشكلة عندك فى طرف مش عارف يحافظ على طرف
لكن انا مشكلتى فى طرفين بيحافظوا على بعض لكن فى قوة اكبر مش قادرين يقوموها ، تخيلى اتنين ماسكين فى ايد بعض وشادين فى بعض جامد لكن فى قوة اكبر منهم بتشدهم ويحاولوا يتماسكوا بس التيار أكبر منهم وفى النهاية يتفصلوا تفتكرى جواهم بيبقى عامل ازاى وكل واحد بيحاول يرجع للتانى بس التيار يشد اكتر وتبقى كلمة النهاية غصب عنهم

كلام كتير جوايا عايز أقوله بس بيطلع بصعوبة
تعرفى من يوم ما شجعتينى انى اكتب لما كنا مع بعض وانا بدأت كتبت كتير من الى حصل ولسه فى كتير بأحاول اطلعه وهأحاول اكتر
بس أقول إيه بكره إن شاء الله أحسن

عاجبك كده خليتينى أرغى انا كان
مش قلت لك انكم جايين على بالخسارة

اتكلمى زى ما انت عايزة
هو احنا باقى لنا غير الكلام ؟

الازهرى يقول...

وجع البنفسج

ما هو اللى باقى من النظام القديم بيسموها فلول
وابو على فاكرنى من النظام القديم

وانا اسعد بكتير بتواجدك هنا دايما

الازهرى يقول...

زهراء

صدقينى انا عارف الطريق جدا
بس مش كل الطرق نقدر نمشى فيها بمزاجنا

شكرا على الدعوة الجميلة

وجميل مشاركتك باحساسك الجميل

الازهرى يقول...

فوكسولوجى

هى أبعد من ذلك بكثير
وهذا البيت من الشعر على الأخص هو ما أتعزى من سنوات

تحياتى دوما

ريــــمــــاس يقول...

وسيدور سؤالك عنها في فلك الحنين شوقاً ولهفة "
؛؛
؛
مصافحة أولى
لروحك عبق الغاردينيا
كانت هنا
reemaas

فاتيما يقول...

اه يا واد باقلينا

بقاقلينا حاجات غير الكلام
اصل مهو مش معقول هترسى على كدا ؟!!!

دى تبقى مصيبة
لو مفيش غير كدا ؟

اصلى دايما اقول ان
فيه بكرة
وفيه امل
وفيه ربنا الكبير

ولا هيا خلصت على كدا
والواحد يروح يموت أحسن ولا إيه؟!!

فاتيما يقول...

ولو انها مش من ادبيات الجمعية
وحازز ف نفسى اقولها بسماحة نفس

بس هقولها
عشان ميصحش
تطلع معاش
و منقولكش كل سنة وانتا طيب
يا سى جعلص

عيد ميلاد سعيد يا سيدى
و طلعت مع اختك فاتيما اهو
برج الثور ..
اتاريك يا بنى
قلبك حنين وموديك ف داهية
انا اول مرة شوفتك
قولت الواد دا فيه شىء لله
آه
محنا كدا برج الغلابة
اللى يشيلوا ف روحهم لحد ما ينفجروا
ويخبطوا ف حيطة ..
وينزلوا على مفيش

قصره
انا جاية اهىن
ولا انكد عليك ؟!!!!

كل سنة وانتا طيب يا زيزو
وعقبال كل سنة وانتا ف وسطنا
والسنة الجاية نكون خلصنا منك
وجوزناك واحدة من عضوات الجمعية
عشان تطلعه بط بط
بعد ما كلناه وز وز ...

:)

حاجة على ما قسم
http://funny-birthday.net/pictures/birthday-pictures/17.jpg
-----------------

غروب يقول...

جميله

تسلم ايدك

حـــــ الــجــنــة ـــــور يقول...

كثيرا ما نبحث عن اناس وهم حوالينا بس الاغلب العتب علينا


بوست جميل


تقبل مروري وتقديري

لـــولا وزهـــراء يقول...

فيه خطأ كتابي ربي>>.دربي
" اين دربك في الحزن المسيطر"


أين لمستك الحانية
كى تخفف عنى العذاب

" ايه الشعر الجميل المؤلم ده... الصورة معبرة يفترش الطريق ونومته نومة الجنين يفترش السماء
جائت متطابقة مع الابيات
لولا

الازهرى يقول...

ريماس

ويظل يدور أبد الدهر

تحياتى على المرور وأتمنى بشدة دوام التواصل

بالمناسبة بأحب الغاردينيا جدا

الازهرى يقول...

تماتم

بكرة جاى وعايشين له
الدنيا ماشية واللى يقف يتنسى ويضيع

اللى بأتكلم عنه اللى باقى لنا من الذكريات
اللى باقى لنا من كل الأيام الجميلة

هو إننا نتكلم عنها ونفتكرها

وتبقى ذكريات

الازهرى يقول...

بعيد عن أدبيات الجمعية
كل سنة وانت وكل الحبايب بخير وسلام ويا رب دايما أيام سعيدة عليكى وربنا يحقق كل أحلامك

أنا ثور ؟
الله يسامحك
دا أنا غلبان وعلى قدى
حمل وديع وطيب ومسالم وعمر ما ييجى من ورايا مشاكل
البرج دا أكيد بتاع الجمعية بس
إنما أنا المتيم الغلبان اللى بيحارب علشان يفضل حبه عايش مهما كان
وكمان برضه فيه شىء لله وشئ كبير كمان

يا رب كل سنة أكون فى وسطكم مش فى أى مكان تانى
وأنا ورا الجمعية والزمن طويل
وعلى فكرة امبارح كان الأكل ارانب مش وز
يعنى مفيش حد هيطلعه على العبد لله
دا إذا كان فى حد يقدر

وأنا قاعد لكم

الازهرى يقول...

غروب

على أساس إن دى مصالحة بعد كل الغياب دا ولا أفهم منها إيه ؟

حذار تانى من الغياب وإلا

الازهرى يقول...

حور الجنة

العتب علينا فعلا
بس نعمل إيه فى قلوبنا


تحياتى وخالص مودتى

الازهرى يقول...

لولا

هى ربى
بضم الراء وفتح الباء
ودورى على معناها فى القاموس

شكرا على التعليق الجميل واتمنى إنى أستاهله

تحياتى دوما

عازفة الالحان يقول...

كَلمآتِكْ تَحكِي عنكْ
وتَعبر جًمآألِ حُرفِكْ

رآأئِعًة