الثلاثاء، 19 أبريل، 2011

مشروع وفشل + بناءا على طلب د/ ستيتة




شجر التوت

آخر يوم امتحانات رجعت على الأرض على طول ووصلت تقريبا بعد العصر بساعة وأنا هناك قلت لابن عمى يجيب لى الغدا هناك وبصراحة بعد العلقة المحترمة بتاعت الإمتحانات الأخيرة دى كنت حاسس باسترخاء فظييييييييييييييع وبعد الأكل مددت تحت الشجرة وسرحت بخيالى أفتكر أيام بعييييييدة جدا
منها فى الأجازة قبل ما أدخل أولى ابتدائى مباشرة وكنا متجمعين فى شلل من أعمار مختلفة أكبرنا كان فى سنة تالتة وأنا كنت من الصغيرين نسبيا ، المهم وكانت هوايتنا الكبيرة بطبيعة الحال إننا ناكل توت من الشجر وده طبيعى ، لكن المش طبيعى كانت هوايتنا إننا ناكله من شجر تانى غير شجرنا ( وحتى الأن لم أجد لذلك سببا) المهم وفى من الأيام رجع واحد مننا وكان مضروب علقة تمام ولما سألناه قال إن ابن صاحب أرض من الأراضى عمل كمين محترم لإصطياد من تسول له نفسه الحصول على توت من شجرهم وأطلق كلبين وسط الزراعه لزوم الإنذار والتهديد ولتنبيهه فى نفس الوقت باقتراب أى من أطفال القرية ، وكان أن وقع صاحبنا فى هذا الشرك ، وبصراحة كان صاحب الخدعة مكروها منا ربما لأنه كان بيقظته يمثل عقبة أمامنا فى اصطياد شجرتهم ومنها لأنه كان فى سنة سادسة ومعنى هذا أنه من الكبار وهذا كان سببا كافيا لكرهه ، وبعد الحادث الأليم تم اعلان حالة الاستنفار فى شلتنا وتم تجمبعنا وعلامات الخطورة على وجوهنا نظرا لخطورة القرارات التى سيتم اتخاذها فى هذا المكان وبطبيعة الحال تم الإتفاق على الأخذ بالثأر منه ، وأقسم الجميع قسما مغلظا على ذلك (وكان باقى شويتين ونجيب جفنة دم زى كفار قريش ونحلف عليها ) ، وبعدها قامت هيئة الأركان بشرح خطة الإنتقام المحكمة والتى تم الإستقرار على تنفيذها وهى على عدة مراحل
فى البداية على كل فرد من أفراد المجموعات محاولة الحصول على أى بواقى لحوم من اى نوع من منازلنا ، لزوم تضليل الكلاب وشغلهم عن موقع تنفيذ العملية ( والتى لم يطلق عليها أى اسم كودى للأسف )
على جميع الأفراد محاولة تجهيز المعدات اللازمة لتنفيذ العملية بجميع مراحلها حسب دور كل واحد فيها ، وعدم التحدث مع اى انسان مهما كان عن ما ننوى تنفيذه حفاظا على السرية المطلقة
وتم الإتفاق على توقيت سرى للعملية
وتم تنفيذها على اكمل وجه ، أيه ؟عايزين شرح للخطة ؟ والله احاول أقول لكن طبعا مع التجاوز عن النقاط التى ما زالت تحت بند السرية المطلقة
كانت الخطة كالآتى :
تمت دراسة ارض المعركة دراسة مستفيضة ووجد أن خطة التأمين للمكان به ثغرة يمكن استغلالها وهى إن أكبر شجرة تقع على شط ترعة صغيرة يقابلها ممن الضفة الثانية أرض تقع ضمن املاك أخرى وبذلك لا سيطرة لهم عليها كما أنه مع شغل الكلبين يمكن التسلل منها دون الشعور بنا على الإطلاق ، وامعانا فى السرية تم الدخول الى الارض الموجودة على الضفة الثانية من احدى جوانبها البعيدة والتسلل من وسط الزراعات للوصول الى نقطة الانطلاق عند التوقيت المحدد للعملية .
يتم تقسم الأفراد كالتالى المجموعة الاولى والثانية والثالثه يقومون بعبور الترعة بحيث تقوم المجموعة الاولى بتسلق الشجرة وقطف التوت والقاؤه الى المجموعة الثانية والتى مهمتها نقل التوت الى الضفة الثانية حيث تنتظر المجموعة الرابعة لتجميعه تمهيدا للهروب به والمجموعة الثالثة وهى من كبار السن مهمتها مراقبة وتأمين المكان والاشباك مع العدو فى حالة ظهوره فى أرض العمليات وتغطية الهروب السريع للمجموعات فى حالة الهرب ،وكنت أنا من المجموعة الثانية ولكم أن تتخيلوا حماسنا ونحن نعبر الترعة ؟ صدقونى ربما لو كنا نعلم بأفلام أكتوبر لقلت لكم أن اغانيها الحماسية كانت تدوى فى اذاننا وربما بعد قليل كنا سنبدأ بالتكبير

استمرت العملية بنجاح طبقا للخطة وخاصة أن الولد كان نائما فى زراعتهم ، ولكن وبعد قليل حدث ما لم يكن فى الحسبان ، فوجئنا بوالده يظهر من بعيد ويصرخ فيه مناديا مما أيقظه كما ان الرجل لمحنا وهنا القى كل منا ما بيده وتمت عملية الإنسحاب (الهروب ) بشكل جميل ونال الولد علقة شديدة من والده لإهماله فى حراسة الأرض كما ينبغى ، وكانت قصة تحاكى بها اطفال القرية لفترة طويلة وفى أثناء الإحتفال وتوزيع ما تم جمعه من أسلاب وغنائم على الباقين فوجئنا أن الكمية كبيرة جدا وكنا فى جلستنا الفخور فى هذه المرة نبدوا كالقادة المنتصرين وأضائت لنا الحياة واصبحوا يعاملونا مثل الأباء الروحيين للمافيا
للاسف كنت هجاما جيدا وأصلح للصوصية واكسبنا هذا الكثير وقد نجح بعضهم فيه واستمروا حتى ان احدهم تمكن من ان يصبح من عتاة لصوص الجبل رغم صغر سنه وقتل فى أحد المعارك العام الماضى لكن فشل المشروع بالنسبة لى بسبب تصميم والدى على أن اتعلم وأصبحت الحالة على ما ترون .

***********************
تم اعادة النشر بناءا على طلب د / ستيتة
والعاقبة عندكم فى المسرات

هناك 123 تعليقًا:

yoyo يقول...

صباحك سكر

الحمد لله ان معركة الامتحانات انتهت و عديت على الف خير يارب
و ان شاء الله نطمن على النتيجة قريب

yoyo يقول...

يا سيدى على الجمال
دا انا اول تعليق
الله عليكى يا يويو

yoyo يقول...

و التعليق دا عشان خاطر
اعوض بيه فترة الغياب

yoyo يقول...

مش فى شوية توت كدا ولا ايه
هههههههه
انا بمووووووت فيه
فكرتينى ايام زمان و احنا صغيرين لما كنت باروح عند جدو فى الارض و احلى لعب هناك و احلى توت بقى
يوووووووه كانت ايام جميلة

yoyo يقول...

انا حسيت انك بتوصف عملية استشهادية
ههههههههه و لا عملية عبور خط بارليف بقى
و شوية كدا اسمع اغانى عبد الحليم الوطنية
و عدى النهار
وكل الاغانى دى و حسيت بهتاف الله اكبر
الله اكبر
و انتصرنا
هههههههههه

* Alwaan * يقول...

شله المجرمين المتحدةD:

ايه التخطيط والتفكير الاجرامى

بس بعد كده ابن الراجل مكتشفش وعمل فيكوا زى ما عمل فى احد اعضاء الفريق ولا اية ؟؟

الواحد بعد كده المفروض ياخد حذره وهو داخل هنا بعد كده ليقع فى كمين ولا حاجه

yoyo يقول...

عارف ادهم الشرقاوى و بطولاته
و حتة
سلم نفسك ادهم
المكان كله محاصر
ههههههههههه
يا سلام بقى لو كان حصل عليك اى هجود مضاد ووقعتم فى ايد الفرنجة يا كبير

yoyo يقول...

الكلام عن عبور الترعة ولا كانك بتعبر خط بارليف يا بنى مش حتة ترعة دى
ههههههههههه
مشاء الله من زمان بقى وانت عندك ميول لشغل العصابات و المغامرات
يعنى زعيم من يومك بقى
ههههههههههه

اهم حاجة ان الخطة نجحت و تم المراد
امال فين التوت بقى ؟!

yoyo يقول...

بس فى سؤال صحيح
هو التوت كان لونه ايه ؟!
ابيض ولا اسمر ؟!
معليش برده هتفرق
انا بسبب الون دا اخدت علقة محترمة من ماما
هههههههههه
بسبب الهدوم اللى بقت فلة

yoyo يقول...

مش عارفة ايه الناس اللى بتحتل المدونات دى يوووووه
ههههههه
انا مش بحتل ولا حاجة يعنى
مش تفمهنى غلط
انت عارف انا طيبة

اقولك شوية توت و انا اخلع
هههههههه

اخى العزيز دمت بالف خير و سعادة
تحياتى
يويو

mohamed ghalia يقول...

ايه ياعم هى حرب ولا شجرة توت
منور وحمدا لله على سلامتك ياصاحبى

من غير عنـــوان يقول...

بالنجاح إن شاء الله

الازهرى يقول...

يويو

يا صباح العسل على الناس الحلوين

ياااااااااااا رب المهم تكون النية صافية وانتى بتدعى

الازهرى يقول...

يويو

مبروك تانى تعليق
انما اول تعليق لأ
غلاسة

الازهرى يقول...

وكمان تعليق ؟

ما علينا الامر لله

الازهرى يقول...

شوية توت ايه بس ؟

تصدقى بالله انا بقالى تقريبا سنتين من اخر مرة اكلت فيها توت


فعلا اللعب هناك كان متعة
لكن على رأى جاهين

الشارع ده كنا ساكنين فيه زمان
كل يوم يضيق زياده عن ماكان
اصبح الان
زى بطن الام.. مالناش فيه مكان

الازهرى يقول...

اييييييييييوه

المهم اننا ف النهاية انتصرنا
وصدقينى فى سننا ايامهاكنا حاسين بكده فعلا

رايحين ناخد بتارنا

الازهرى يقول...

الوان
مش اتفقنا نمشيها لون واحد ؟

المهم
اكتشف طبعا وكل اطفال البلد عرفوا
لكن ما تنسيش ان الاتحاد قوة
وهو مهما كان كبير عرف اننا باتحادنا اقوى منه ونقدر نرد عليه ونهزمه

اما بخصوص الكمائن فدى بالكوم وحاسبى من اصابات الحروب

الازهرى يقول...

يويو

اسمع عنه
وقرأت عنه
لكن للأسف مش سمعته

لكن لو وقعنا هنا كان ييجى دور قوات الطوارىء
انتى فكرة الخطة كانت سهلة والا ايه ؟

الازهرى يقول...

يويو

انا مجرم من يومى
لكن للاسف والدى جنى على واصر انى اتعلم
وضيع مستقبلى

اعمل ايه بس فيه ؟

الازهرى يقول...

يعنى انت عايزانى افتكر كمان لون التوت ؟

لاااااااااااا
انتى مغشوشة فى الذاكرة بتاعتى جدا جدا جدا

انا يا دوب افتكر اخر اكلة بالعافية

الازهرى يقول...

يويو

ولا توتايه واحدة
انتى تلحقى تخلعى بالذول بدل ما نجيب الرجالة ونخلى المدونة عندك
كلها توت


ها تخلعى والا لسه مصرة ؟

mahasen saber يقول...

انا بسلم بس على واحد لسه ضاربنى بالرصاص فى مدونتى

لعلمك التار سيطالب بيه احفادى

اخبارك ايييييييييييييييييه يا زهر كان نفسى اشوفك فى كوستا

وكان نفسى فى شوية توت من الشجره اليى انتا حاططها دى


بس بقلك ايه انتا تفكيرك قلب على آل كابون كده ليه

ربنا يستر منك بئه

الازهرى يقول...

محمد غاليا

لا هى حرب على شجرة توت

ربنا يسلمك يا رب
تحياتى دوما

الازهرى يقول...

من غير عنوان

اللهم امين
اللهم امين
اللهم امين

شكرا على مرورك الكريم واتمنى دوام التواصل

الازهرى يقول...

ام بيدو

انا كمان كان نفسى
لكن الحمد لله على كل حال

اما بخصوص التار
فممكن وبكل بساطة نعل زى اسرائيل ونغسل مخ الاحفاد وينسوا حقهم ويفضلوا يحاربوا مع بعض وينسونى

اما بخصوص ال كابونى فانا كنت بادرس لهم ايام ما كنت فى باليرمو

اييييه
ايام بقى

سلامى لبيدو
ولكى مفاجأة عن قريب

yoyo يقول...

مممممم
اخلع نو يا ماااااااااااان
مش انا اللى اخلع
انا اجرى و بس
ههههههههه
احنا برده ناس اجرام ومش بنتهدد يا كبير

yoyo يقول...

يالا اروح انا بقى و ابقى ارجع لك تانى بالتشكيل العصابى
و عمك آل كابونى دا كان عشرة عمر
الروح بالروح كدا
قوله بس يويو
يوووووووه يعمل معاك احلى واجب
ههههههههههه

رؤية يقول...

حمدا لله علىالسلامة اولا
اما عن العملية السرية التى لم يطلق عليها كودا الى الان ياترى تت على اكمل وجه
ولا الباقى مازال فى طى الكتماااان!!

اجمل مافى حياتنا ذكريات الطفولة
اسعدك الله دوما
ورزقك التفوق والتوفيق

تحياتى

ABOALI يقول...

تشكيل اجرامى محترم

حاصر شجرة التوت وعمل منها حرير
وعبر الضفة

نقدر نقول اننا عندنا فعلا ردالة

مستعدين ورافعين عصاية الجيلاتى
ومسلحين بالبونبونى

وجاهزين رهن الاشارة


الله اكبر على كيد المعتدى
نداء من شجرة التوت


الى اللقاء
كود 0900

hasona يقول...

السلام عليكم
الحمد لله ان الامتحانات خلص
وان شاء الله يتوج جهدك وتعبك بنتيجة عالية ومتميزة

،،،،
عملوها الوحوش
يا ريتني كنت معاهم
الطريق الي التوت

طيف السودان يقول...

حمدالله علي سلامه
الحمدالله انتهت الحمدالله علي الخير
يارب تطمن علي النتيجه قريب نفرح بي نجاحك

طيف السودان يقول...

حمدالله علي سلامه
الحمدالله انتهت الحمدالله علي الخير
يارب تطمن علي النتيجه قريب نفرح بي نجاحك

طيف السودان يقول...

حمدالله علي سلامه
الحمدالله انتهت الحمدالله علي الخير
يارب تطمن علي النتيجه قريب نفرح بي نجاحك بجد احلي احد يرجع يذكر طفوله

romansy يقول...

حمد الله على سلامتك يا ازهرى

عملت ايه فى الامتحانات

romansy يقول...

دا كلله علشان التوت صحيح انا بحبه وبحبه التوت الابيض والاحمر بس بقى الصراحه بيبقى اجمل من الشجره تستاهل تعمل علشان كده الف مغامره يا ازهرى

حمد الله على سلامتك

Butterfly يقول...

هههههههههه
أنا كمان بحب أجيب التوت من الشجر أوى
و فى الكليه بقى عندنا شجر توت بنقعد نلمه بقى وناكله :)

بزنس تعيش يقول...

ما احلى الذكريات خصوصا اللى فيها مغامرات الشقاوة
بس إيه يا عم الخطط الجامدة ده
كنت فين أيام 67
شكرا
نرجو تقبل مرورنا
----------------------------
مع تحياتنا / حازم و هانى

ســـــــهــــــــــر يقول...

يذكرنى كلامك بمقولة ان الطفل المصرى اذكى اطفال العالم الى ان يبلغ سن المدرسه ( فى ايماءه الى ان المدارس هى السبب الرئيسى فى تخلف مستوى ذكاءه )

طبعا بضحك
و اكيد مش متمنيالك القتل زى صديقك احد ذئاب الجبل

اسماء واحلام فى وجدانى يقول...

سيدى الفاضل

الازهرى

انا مدونتى محتلة زى حضرتك من نفس المحتلة الاستاذة يويو بصراحة عاملة مدونتى مراجيح السبتية وبالليل عاملها ملاهى ويوم الجمعة دار مناسبات ومن الواضح ان مدونة حضرتك اشتكت بنفس شكوتى ولازم لازم نعمل وقفة ضد الاحتلال ده

اسماء واحلام فى وجدانى يقول...

باى شكل من الاشكال

الاحتلال التام او الموت من غير سلام

لازم نشوف حل بدروم المدونة عندى ضرب منها يا راجل ولو لفيت وراها هتلاقى المجنى عليهم كتير اوى

اسماء واحلام فى وجدانى يقول...

حتى شوف وانا جاى اشتكيلك منها حاسس انى باحتلك اصل يويو دى عاملة زى الفيرس اى مدونة تقرب منها صاحبها يجيلو نفس الفيرس

اسماء واحلام فى وجدانى يقول...

يا ترا هتعمل معايا وقفة
ولا نيسبها تحتل البلوجر كله
اصل مش معقول يويو واحدة تعمل كل ده اكيد لها جواسيس لازم نحط ايدينا فى جيوبنا ونصرف على الحملة ضد يويو

اسماء واحلام فى وجدانى يقول...

اوعى تفتكرنى جاى احتلك اصل انا بينى وبينك مجروح فى مدونتى وما صدقت الاقى مجروح زى نرمى همومنا على بعض
قلت ايه
اظن الموضوع مش محتاج تفكير ولا انت ليك راى تانى العرض ده لفترة محدودة
حتى نفاذ الكمية

yoyo يقول...

الله الله
بقى كدا يعنى عند كيمو بتتفقوا
ودلوقتى بتعدوا العدة

* أسماء واحلام فى وجدانى
حد يطول مراجيح السبتية دلوقتى
والله الملاهى يا بنى حقك والله تشكرنى
ههههههههههه
و الله يا بنى تعملوا وقفة تعملوا حتى قعدة
انا مش بخاف و انا برده ادها
هههههههههه

yoyo يقول...

* اسماء و احلام فى وجدانى

سعد سعد يحيا سعد
وسمعنى سلام العنب العنب
ههههههههههه

اعزائى المجنى عليهم
دا كان فاصل ودلوقتى التحية دى
يويو لكل وبتقولهم تعيشوا وتاخدوا غيرها
هههههههههههه

يا بنى قلت لك اطلع على السطوح

yoyo يقول...

* اسماء واحلام فى وجدانى

و النبى ناس جاية تشتكى ولا جاية تحتل
وتقولوا عليا بحتل
ايه الظلم دا
هههههههههههه
ماشى اشرب الدوا دا وانت تبقى كويس

yoyo يقول...

* الازهرى

عقلك فى راسك تعرف خلصك يا بنى
انا بس قلت انصحك انت برده مننا وعلينا

عمرو يقول...

تصدق بالله حسيت قلبى بيدق بشده و أنا بأقرا شرح العمليه اللى فكرتنى بفيلم دستة أشرار :))
معلش بقى نصيبك فى الحياه أن تكون من الشرفاء رغم ما يلاقونه فى مشوار حياتهم و لله فى أمره شئون :))
بوست لطيف جدا جدا و به لمحة ذكاء تحتاج لعميق التفكير لفهمها ..
تقبل تحياتى و تقديرى ..

Foxology يقول...

ههههههههههههههههههههههههههههههههه

والله البوست دى ضحتكنى من قلبى بجد :)

ذكريات جميلة اوى يا أزهرى تخللى الواحد يقول ياريتنى فضلت عيل صغير :)

تحياتى وربنا يوفق بالنتيجة :)

الازهرى يقول...

يويو

طيب الحقى اجرى
وحافظى على نفسك
وبلاش تنسى
الكبير كبير برضه

الازهرى يقول...

يويو

معقولة ؟ كنتى تعرفيه ؟

مع انى كنت معاه من كام شهر كده وكان اخر كلامى معاه انى المصرى الوحيد فى الشلة

يمكن ؟
اسأله تانى

الازهرى يقول...

رؤية

الباقى انا أخطأت فى نشره ولكن الحمد لله انتبهت وصححت الخطأ

وعندك حق
كتير باتمنى ارجع طفل من جديد
كفاية انى باكون من غير هموم

الازهرى يقول...

ابوعلى
صباح الجمال

تعرف احلى حاجة ايه ؟


الله اكبر على كيد المعتدى

الازهرى يقول...

حسونة

ربنا يسمع منك ويستجب

يا عمنا حقك محفوظ ما تخافش
التوت كتير والحمد لله

الازهرى يقول...

احلى طيف من اقرب بلد لقبى

طيف السودان

الحمد لله رجعت وباذن الله عن قريب تظهر النتيجة ونفرح كلنا بيها

الازهرى يقول...

رومانسى الغالى

الحمد لله عدت على خير وباذن الله تدعى لى عندى امتحان مهم يوم الجمعة
وباذن الله بعد ما ارجع هتكون فى مفاجأة لطيفة

الازهرى يقول...

رومانسى

قل لهم والنبى
مش مصدقين كمية الحلاوة وانها تستاهل الحرب علشانها

الازهرى يقول...

فراشتنا الغالية

تصدقى بالله انى اكتشفت بعد خمس سنين بالكية ان عندنا شجر توت

وانى بعد كل الوقت ده خارج منها من غير ما ادوقه حتى

حكم

الازهرى يقول...

بزنس تعيش

والله كنت مشغول حبتين انتم عارفين بقى الدراسة والامتحانات وغيره وغيره وغيره

شكرا على مروركم الجميل واتمنى دوام التواصل

الازهرى يقول...

سهر

ما انا الحمد لله كنت ازهر يعنى فى المعهد الدينى
وبعيد عن المدارس
وعلشان كده لسه العقل موجود
وان كان اصحابى بشككوا فى الموضوع ده

وطبعا انا واثق من كده

الازهرى يقول...

صديقى العزيز
اسماء واحلام فى وجدانى

انا شخصيا مش باشتكى لسببين
الاول ان الشكوى لغير الله مذلة
التانى انى باذن الله عندى امتحان مهم يوم الجمعة وبعدها راجع لهم
وهم عارفين يعنى ايه رجوعى
وبكره تشوف الدم للركب
والفيران فى الجحور من تانى

الازهرى يقول...

يا خبر ابيض
هى وصلت عندك للبدروم
دا هى هنا يا دوب لسه عند البوابة
وباذن الله مش هتعدى منها اساسا الا على نقالة وفى الاتجاه المعاكس
صبرك انت بس

الازهرى يقول...

لالالالالالالالالا
مش احتلال ولا حاجة
يا عمنا البيت بيتك

انا اساسا باعشق اى حاجة من ريحة اسكندرية

الازهرى يقول...

انا حاليا قاعد
لانى يا دوب راجع من التمرين من نص ساعة تقريبا
فلو عايز انت تقف على انام كام ساعة كده واكون معاك مفيش مانع
ولو عايز رايي طنش اليومين دول وقابلنى نقف مع بعض على كوبرى ستانلى يوم الاتنين باذن الله

الازهرى يقول...

لالا
يا راجل احتلال ايه بس
الاحتلال الحقيقى بيبقى عندى انا وابو على بس
ولو مش مصدق ارجع للتاريخ

انت تيجى هنا تاخد واجبك وتفضفض براحتك وباذن الله نرجع لك حقك واخر تمام

ولا يهمك خالص
دى مجرد زوبعة فى فنجان

الازهرى يقول...

يويو
ايوه وبكره باذن الله
والا بلاش بكره ده انا مش فاضى
من يوم الاتنين هتلاقى تحالف كامل

ويبقى ورينى حزب الشر والاذى يقدر يعمل ايه

الازهرى يقول...

يويو

ولا سعد ولا حسنين ولا تفاح
وبلاش موضوع الفاصل ده بدل ما نفصل لك الجمجمة واللجواها
دا اذا كان جواها حاجة اساسا عن باقى الجسم

الازهرى يقول...

يويو

دوا ايه بس
انت خلاص نفعتى فى التدريس لما تتدخلى كمان فى الطب
يا اقعدى كده فى اى جنب يمكن ترزقى بقرشين واكفى خيرك شرك

الازهرى يقول...

يويو

شكرا على النصيحة
وحاولى انت كمان تسمعى نصيحتى وانفدى بجلدك

الازهرى يقول...

حبيب قلبى الغالى عمرو

الف سلامة لقلبك
لمحة ذكاء اطراء يشجينى للغاية واتمنى ان استحقه
وكنت متاكدا انك من القلائل الذين سيجيدون قراءة ما بين السطور

تحياتى وخالص مودتى

الازهرى يقول...

فوكسولجى

لو قدرت فعلا انى اخليك تضحك يبقى نجاح كبير وسط الهم الموجود حوالينا

وكلنا نتمنى نرجع اطفال كفاية مفيش هم

وربنا معانا بقى فى موضوع النتيجة
تحياتى دوما

norahaty يقول...

هل نقول ان الوالد جنى عليك بصراره على عملية التعليم والتعلم دى!
ام نقول انه انقذ البشرية من
قرصان جديد مثل( الكونت
لامونت كريستو)لو كان
تركك وما تريد!!
على العموم نعلم
اننا كسبنا اديباً ماهراً
فى سرد حكايات الماضى الجميل بكل
ما يحمل من ذكريات عزيزة لا تموت فينا!

norahaty يقول...

(المش طبيعى كانت هوايتنا إننا ناكله من (شجر تانى غير شجرنا) وحتى الأن لم أجد لذلك سببا)
ازاى مش لاقى سبب!!!
1-كل ممنوع مرغوب!!
2-حب المغامرة
3-كسر الاوامر
ليس سبباً واحداً!!!
ولكن ثلاثــــــــة اسباب !!!

أسماء علي يقول...

ههههههههههه

حمد الله عالسلامة من الامتحانات أولا

و ثانيا حلوة الخطط الحربية دي
:)

دمت بكل ود

MaNoOoSh يقول...

صحيح يا يويو
نفسي اعرف مين المفتري اللي طلع عنك اوشاعة الاحتلال دي بث

هههههههههههههههههههههه
انتى تنوري اى مدونة تحتليها أصلا


نيجي بقى للتشكيل الاجرامي بتاع عصابة التوت ده
لالالالا انا زعلانة
طب مش كنت تندهلنا نساعدكوا (ونلتهم الحصيلة طبعا)
ههههههههههههههههههه
بس الموضوع بيبين قد ايه عقلية الطفل اجرامية يعني مش هفأ ولا أي كلام
وبهذوه المناسبة انني أطالب بشوية توت بقى مليش دعوة

dalia يقول...

أهلا ازيك يا ازهرى
سامحني مقصره معاك مبروك الاجازة اما الذكريات فهي الشيئ الوحيد اللى بيخلينا نضحك وسط الضلمة تحياتي بس حكاية قبل ما ادخل أولى ابتدائي ديه واسعة قوي ياعم:)

عاشقة الأحزان يقول...

السلام عليكم

اخى العزيز

اسعدنى مرورك الكريم لمدونتى وان شاء الله يبقا الود والتواصل بينا على طول
دمت فى حفظ الرحمن ومبروك على الاجازه

وان شاء الله ربنا يعوضك خير

انوسه

المعلم محمد صاحب المطعم - طعمية سخنة يقول...

ههههههههههههههههههههههههههههههه
جامدة اوي القصة دي
بس اكتر حاجة زعلتني اصرار والدك علي التعليم ...... يالا مش هنقدر نكلم كان زمانك دلوقتي الازهري لوبين

ما علينا بص يا ريس التفاصيل بتاعة موضوع الربح دي مبدأية و لما نكمل ال 10 هبقي اشرح

شمس النهار يقول...

صباح الخير
انا سمعت عن حرب الفراوله بس دي اول مره اسمع عن حرب التوت
:)
ازيك عامل ايه وايه اخبار النتيجه
ان شاء الله خير

yoyo يقول...

يا مامى يا مامى
حصلى الرعب و الله
قال ايه الازهرى بيقول هنشوف الدم للركب
ماشى ياعم انا ان شاء الله مسافرة الجمعة وراجعة على الاربعاء كدا بكتيره ابقى ورينا بقى

yoyo يقول...

ياعم الحاج انت بتضحك عليه ولا على نفسك يا بنى الاحتلال اهوا خير دليل الا على السلم قال
ههههههههههه
خلى بالك انا ورايا رجالة تقول الزلط
ولا رجالة ليه انا بميت راجل

yoyo يقول...

و الله يا بنى لما نشوف الفرافير
هتعمل ايه
ههههههههههه
ارجع الاقى تحالف يعنى
لما اشوف
برده انا لها

yoyo يقول...

تانى كدا
يا بنى مش تلعب فى عداد عمرك
انا برده يويو
قال جمجمة قال
يالا غلابة بقى وزى ولادنا هعديها

yoyo يقول...

امشى هى مين دى اللى مش نفعت
يا بنى نحن افعال لا اقوال
و بالنسبة للطب من عاشر القوم 100يوم بقى

yoyo يقول...

يويو
مش تهرب يا حبيبى
انا بعون الله ادها و لها
خلى بالكم انتوا من نفسكم وعاوزة اشوف هتعملوا ايه
والله قلبى معاكم
ههههههههههههه

عالم حبيب يقول...

هههههههه ما شاء الله .. ايه الحلاوة دي .. حلو لما يكون الواحد عنده ذكريات جميلة زي دي

دمت بخير

marmar يقول...

صباح الورد على عيونك

ازيك يا ازهري عامل ايه يابني واخبار نتيجتك ايه
نقووووووول مبرووووووووووووك مقدما

يلا متنساس عزومتي بمناسبه نجاحك بس متكونش على توت مسروووق هههههههههههههههه

ذكريات طفولتك مشرده يابني ولله :p

من صغرك وانت شقي ولمض يا ساتر عليك
الحق امشي بدل ما حد يحدفني بحاجه

اعشق فى الليل ضوء القمر يقول...

انا كمان بحب التوت فكرتنى وانا فى المدرسهالابتدائى كانت فيه شجره توت كلنا كن بنحب نقطف منها وكنا بنطلع للدور الثالث من غير سور علشان نقطف التوت
وفيه مننا كان بيقع لكن تقول ايه
توت توت ولا حد يموت

الازهرى يقول...

نورهاتى

تعجز كلماتى عن وصف ما اشعر به تجاه اطراؤك الجميل

والذكريات هى الزاد الذى نعيش عليه

الازهرى يقول...

نوراهاتى

يا نهار ابيض
3 اسباب مرة واحدة ؟

فعلا تحليل دقيق

تحياتى دوما

الازهرى يقول...

أسماء على

والحمد لله عبرنا
والاهم من الحرب
دروس الحررررب

الازهرى يقول...

مانووووووووووووووووش

زعيمة الحزب العظمى

ايه رأيك ؟
خافى على نفسك بقى انت والحزب
الخطة الجاية ان شاء الله ضدكم

اما بخصوص التوت فبعنيكم انكم تاخدوه منه ولو حتى واحدة

الازهرى يقول...

داليا
يا عينى على الجماعة الصحفيين الشكاكين

اولا انا الحمد لله مشهور بذاكرتى القوية
ثانيا عندنا فى الفالاحين اتعودنا نقعد مع بعض كل فترة ونتكلم ونفتكر ذكرياتنا وبكده بتفضل حية جوانا
ولو عايزانى اكلمك عن حاجات كان عندى 3 سنين فيها مفيش مانع

الازهرى يقول...

عاشقة الاحزان

مدونتك بروعتها هى ما جذب انتباهى
وباذن الله يدوم التواصل

تحياتى دوما

الازهرى يقول...

المعلم محمد

صباح الجمال يا معلمى

على فكرة لوبين كان بيخطط
انما لو تلاحظ انا هنا بانفذ بس

لكن على كل حال الحمد لله

الازهرى يقول...

الحاجة شموسة الغالية
احلى صباح واحلى مسا على احلى ناس كويسة
الاحوال عاملة ايه هناك
انا راجعت صور الاقمار الصناعية واكتشفت ان امريكا منورة جدا
اكيد لانك هناك

وفى ان شاء الله عن قريب حرب العنب كمان
لكن دى كان بطلها ناس اصحابى وكنت انا مسافر ايامها

وبخصوص النتيجة انا الحمد لله نجحت فى امتحان الكاراتيه
لكن باقى امتحان الكلية

وربنا معانا

الازهرى يقول...

يويو

خلاص يا ستنا
هدنة ليوم الاربعاء
وبعدها ربنا يعمل الصالح ان شاء الله

الازهرى يقول...

يويو

ايوه بميت راجل
من بتوع اليومين دول
يعنى رجالة كارتون

الازهرى يقول...

يويو

المهم انت ترجعى بالسلامة
وبعدها يبقى نفاهم فى الموضوع ده
وربنا يقدم اللى فيه لخير

الازهرى يقول...

يويو

يعنى انت عاشرت الاطباء كمريض لا قدر الله
ولا كمرض
زى ما انا متوقع

الازهرى يقول...

عالم حبيب

فعلا شىء جميل
والاجمل اننا نعمل حاجة جديدة تبقى ذكرى لنا بعدين

شكرا على مرورك الكريم واتمنى دوام التواصل

الازهرى يقول...

مرمر

حمدا لله على السلامة

انت فين يا بنتى مش كنتى بتقولى انك هتنزلى مصر فى شهر 7 والا هو كلام وخلاص

وكمان اعزمك ازاى على توت مش مسروق

حتى طعمه مش يبقى لذيذ

والا ايه ؟

الازهرى يقول...

عاشق ضوء القمر

مهما يمر الزمن تظل تلك الايام الجميلة عالقة بداخلنا

تحياتى دوما

المعلم محمد صاحب المطعم - طعمية سخنة يقول...

ههههههههههه
مانا بقولك كنت هتترقي و تخطط

"النجم القادم"رابطة مدونون من أجل فلسطين يقول...

===========================
جديد مدونة اوعى تخاف
رسالة من م . أسامة محمد سليمان
أحد المعتقلين على ذمة القضية المعروفة بقضية فارس بركات
الذى القي به ناجى الجمال ضابط أمن الدولة بدمنهور من الدور الرابع

فقط وحصريا على مدونة اوعى تخاف

akeed يقول...

بالنجاح ان شاء الله

الواحد بقاله كتير ما كلش توت فكرتينا بيه


تحياتى

فراشة يقول...

ازهرى انت بجد عليك خفه دم تجنن
انت كده يا بنى حتتحسد

ماشاء الله عليك

القصة تحفه
الطفولة بطبيعتها وبساطتها جميلة
كل واحد له ذكريات رائعة

ربنا يسعدك دايما وتحافظ على هذه البسمة

فراشة يقول...

آسفه كتير على التأخير

rovy يقول...

معقول انت كان عندك تخطيط عدوانى كده !
المهم الحمد لله انها مجرد ذكريات .. :)
الحمد لله ان الامتحانات انتهت على خير
عقبال ما نبارك قريب جداا بالنجاح ياااارب ..

تحياتى دوما

إنتظارات شاهقة يقول...

أزيك ؟
دايماً عاتب علية؟
انا بنزل البوست وبلحق اهرب منه ومن المدونه!!
:)
وبجد انا مختفية عن الناس كلها
ومقصرة مع الكل

:)
شاكرة ليك وجودك عندى بيسعدنى
،
،

.. عجبنى اوى التشكيل العصابى دة
ادواتك فى السرد رائعة
ربنا يوفقك

ود

nour shahen يقول...

ههههههههههه طيب والله كويس انك فشلت يا كبير
بس لو الطفوله مشبعه بالمغامرات دى
يا رب كل اطفالنا يفشلوا شوية كدا
ويتحولو لما يكبروا لشىء مفيد ونافع ودمه خفيف بنفس الشكل
وبالنجاح فى الامتحانات يا رب وبالتوفيق مع الكتابه دايما
بجد استمتعت جدا بالقصه وطريقة عرض رائعه
تحياتى ليك

Beram ElMasry يقول...

عزيزي الازهري ابعث ايميلك ثانيا لان ابنتي لم تعرف ساعتها ان تضيفة

ايوشة يقول...

الله زعيم عصابة من يومك يعنى ههههه وبعدين عامل فيها الطيب والامير ومطلع علينا اشاعات غرييييييييييب فى البلوجرات كلها
انت الشر بيجرى فى دمك على فكرة :))

الازهرى يقول...

المعلم محمد
والنبى يا معلمى تدعى

ادينا مستنيين الترقية بقالنا كتير
وربنا يسهل

الازهرى يقول...

النجم القادم

شكرا على الدعوة الجميلة وباذن الله اتمكن من تلبية الدعوة

تحياتى دوما

الازهرى يقول...

اكيد

باذن الله نتقابل ويكون التوت على

تحياتى دوما

الازهرى يقول...

فراشة

انت اكتر واحدة بتجبرى بخاطرى

ربنا يجبر بخاطرك انتى كمان

ومفيش اعتذار عن التأخير انا دايما باعذر اخواتى

الازهرى يقول...

روفى
ام الجميلة مريم

هى مش ذكريات قوى
يعنى لسه فى منها دلوقتى
شوية كده

ويااااااااااااااا رب النتيجة تظهر وتكون خير

الازهرى يقول...

إنتظارات شاهقة

انا عتابى مش على غيابك عنى
لكن على غيابك من غير سبب

وانا صراحة باقلق على اخواتى لما بيغيبوا
عيب فى كده

اتمنى دايما اسمع اخبار جميلة عنكم

تحياتى دوما

الازهرى يقول...

نور شاهين

يعنى انا دمى خفيف ؟

ربنا يكرمك يا رب
ويخلى كل ايامك سعيده

تحياتى دوما

الازهرى يقول...

حبيبنا الاستاذ بيرم

فى الطريق ان شاء الله

لحظة تأمل يقول...

:) ممكن تشرفنا يا فندم فى حاجة بتاعتك هناك