السبت، 5 مارس، 2011

الجمعية اللى ما تتسمى + اعتراف



صدااااااااااااااااااااااع



وكمان صداااااااااااااااااااااااااااااااااااااااااااااااااااااااااااااااااااااااااااااااااااااااااااع



وكمان مرة صداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااع



دا اللى انا حسيت بيه لما رجعت من الميدان امبارح ، تخيلوا يوم كامل مع تلاته من عضوات الجمعية ، قائد الجناح العسكرى ورغاية هانم وصاحبتها ، طبعا بدون ذكر أسماء منعا للإحراج ، لأنى محترم طبعا ، صحيح كان فى ناس كتير زى العسل موجودين ، ضياء والمهندس أحمد ووليد الدوغرى ورامى وعمرو يسرى وحسنى توهان وفولتا ، لكن تقول إيه بقى الرجالة الغلابة لما بيقعوا فى شر أعمالهم ويبقى معاهم ناس من الجمعية المحظورة وكلهم تقريبا معايا على نفس الرأى ، صدقونى لو كان الجستابو كان أرحم بكتييييييييييييييير ، وكلام فى سركم بعد اليوم ده شايف إن أمن الدولة مش وحش للدرجة ، يعنى الواحد يقضى أسبوع معاهم أرحم من اليوم ده ، وقال بيقولوا على غلباوى وشرير ، مع إنى كنت ساكت أغلب الوقت وبأقول حاضر ونعم ومؤدب جدا جدا جدا ، نقول إيه بقى على الافترا ، وبنهاية اليوم كان أخطر قراراتهم على الإطلاق وهو التعدى على الحرية الشخصية وبدأ الاكتتاب العام لسجن شخصى المتواضع وبيقولوا هتكون مليونية الجمعة الجاية علشان يطالبوا المجلس الأعلى للقوات المسلحة بسجنى ، إيه ؟ السجن الحربى ؟ لالالالالالالالا ، لو على السجن الحربى كانت تبقى سهلة ، السجن الحربى أرحم بكتييير جدا من اللى ناويين عليه ، دول ناويين يجوزونى ، رغما وغصبا واقتدارا وافتراءا واستغلالا للإنفلات الأمنى وعدم وجود قانون يحكم البلاد .



وأنا من هنا أناشد مجالس حقوق الإنسان ، والأمم المتحدة والمجلس الأعلى للقوات المسلحة ومجلس اتحاد مجرة درب التبانة ، ومجلس مدينة البدرشين بالتدخل بينى بينهم بدل ما اضطر للدخول فى مواجهات مفتوحة معاهم ويبقى الضحايا أكتر من ضعايا العبارة والقطر المحروق وإبادة القذافى لشعبه مجتمعين ، أنا حذرت علشان أخلى مسئوليتى عن اللى هأعمله ومفيش حد يطلع لى ويقول طيب كنت قلت لنا وإحنا اتصرفنا والكلام اللى بييجى متأخر ده .



وقبل ما أختم هنا وبناءا على المناقشات اللى دارت امبارح فى أمور معينة كان لازم كلمة حق عند جبار ظالم ، وبأقولها وأنا مش مصدق نفسى إن الكلام ده طالع منى ، ومذهول أكتر منكم ، يا جماعة أنا بأعلن إن فاتيما هى احسن وأحسن أخت قابلتها فى العالم ده كله ، ومش لاقى كلام يعبر عن اللى جوايا ، بس فى هدية منى لها عندى من سنين وعمرى ما حطيتها لحد على المدونة ولا حتى بعتها ميل قبل كده ، لأنهاغالية على جدا ، وأتمنى تقبلها منى .


هناك 18 تعليقًا:

فاتيما يقول...

يا سلاااااااااااام

انضحك عليا انا بالورد بقى

دا بدل ما تخش عليا بحزمة ملوخية افيد ؟

اعمل ايه بالورد دا ان شاء الله
اعمله مربى ؟!!

طب هاتها جاهزة ولا هوه وجع قلب ووقفة نقطف الورد و نغسله وننشفه وقصاد البوتجاز نقف نقلب ..ياسااااااااتر

ايه الرجالة دى ؟
متعبين متعبين
مفيش فايدة


عموماااااااااا
خلى الورد
اهو نعصره ونعمله شربات
ينشرب ف فرحك ان شاء الله


وايوه هنجوزك وان كان عاجبك
مش عاجبك
اليافطة الجاية ف التحرير هتطالب بمحاكمتك عسكرياً بإعتبارك خيطر ع الأمن العام
اما امن الدولة فالناس ماشاء الله متكفلة بيهم من امبارح وعمالين يطهروا ف مقار امن الدولة هنا وهناك
والله احنا شعب زى الفل
مش مستنى وصاية
وبيحمى حقوقه بنفسه اهو

سيبك انتا
كلبشات يوسف عملت شغل جامد
ونحررت الناس
عدوا جمايلى ع الثورة بقى


موشكرين على فاصل المديح اللى ف الآخر دا ولو انى مش مرتحاله
القائد العسكرى للجمعية اللى ما تتسمى ..مش مطمنالك ولو قولت حاضر وطيب ورسمت وش البراءة
:)

لأ بجد
اليوم كان رائع
كفاية اتوجدنا ف لحظات مصر بترحب برئيس وزراء من ميدان التحرير ومن قلب الثورة ...

النقاشات والحكايات كانت مثمرة
وحتى الراجل اللى دخل معانا ف الحوار كنت حاسة انه ممكن يكون اتونس بينا واستفاد حاجة ...

الولد اللطيف اللى علق ع الحمامة المحبوسة كمان ...
:)

وصحيح استقطعتونا ف المصاصات
بس انا مسامحة

و يلا قول عايز اتجوز
احسن الخطة (ب) تطلع ورامى وعمرو وباقى الجمعية هتساعدنى ونجوزك على يد محضر وانا عارف تهديدات العسكر بقى
هه


انا بخير يا زيزو
متقلقش عليا لو قلقان
وانا عارفة انك قلقان

انا زى الفل
اللى يعرفكوا وميبقاش كدا
يقام عليه الحد يا بنى

اشوفك دايما على الف خير
وحل كويس ف الأمتحان
متفضحنواااااش قدام العروسة
واهلها بقى ...

:)

للمرة الألف
مرسيى ع الورد

Butterfly يقول...

هههههههههههه
اتجوز هو حد لاقى جواز اليومين دول
حد طايل D:

شمس النهار يقول...

:))))))))

حلال عليك اللي هيعملوه فيك

انت مالكش فعلا الا الجواز

وفاتيما ام قلب دهب فعلا وردة
وماتستحقش غير الورد اللي هي احلي منه

:)

وردة الجنة يقول...

ازهرى
ههههههههه

انا بجد اتخضيت من الكلام فى البداية

ربنا يسعدك يارب ويكون جواز مبارك عليك وسعيد

بالتوفيق والسعادة الدائمة

تحياتى لك ........

saragebaly يقول...

يبدو كدة اننا فعلا في عصر الثورات

يعني على حد قولك اني مرجعتش الا بثورة

يبقى شكلك كدة مش هتتجوز الا بثورة

يبقى النتيجة

زي ماقالت شمس

" حلال عليك الي هيعملوه فيييييييك "

:) :)

sony2000 يقول...

ناااااعااااااااام
وحياااااااااات
الرغايه
لهتعرف
اللي قولنا عليه
هوا اللي هيتفذ
يوووومك لزيز لما اشوفك تاني
وانعمه لهخليك تنفجر
قاعد تقولي فين الرغي
فين الرغي
لحد ماوريتهولك
الظاااااهرانك ماحرمتش
صحيح

اللي....
ماشي..ماااااشي
ليك يوووووم هوريك فيه الشغل الصح

ثـــوره الــغضب يقول...

بمرووووووووووووووووووووووك وياكبيييير

انا كمان هجوز بثوره لو ام البت زرجنت معايا هعملها اعتصام على السلم واجيب بلطجيه ونختف البنوته

ههههههههههههههههههههههههههههه

الازهرى يقول...

فاتيما

مش مطمنالك ولو قولت حاضر وطيب ورسمت وش البراءة

أشد فى شعرى أنا يا ناس
طيب احكموا بيننا
واحد بيقول حاضر ونعم ومؤدب ولا يطلع منه العيبه
كطلوب منه إيه تانى
ولو بنات الجعية بيعملوا فى كل ده قبل الجواز يبقى بعد الجواز هيعملوا إيه بس ؟
دا أقلها اكياس بلاستيك والساطور إياه

يا عااااااااااااااااااااااالم
حد يحكم بالعقل شوية
وكفاية الخوف بقى الناس بعد 25 يناير المفروض يتغيروا
فينكم يا رجالة مصر تقفوا معايا
ولا خلاص كل بقى بيخاف من أبو وردة

وصراحة كلبشات يوسف عملت شغل كبيييييييير
بس كنت كلما أبص لها اتخيلها فى إيدين ناس بعينهم
أوعى تفهمى صح
أنا أقصد المفترين والمشاغبين وآكلى قوت الغلابة والفاسدين
من كل نوع وصنف

اما بخصوص المصاصة فأنا لسه فاتحها حالا وشغال فيها وأنا بأكتب التعليق
آه والله لسه حالا

أما بخصوص القلق فصدقينى انا مش قلقان خالص
عارفة ليه ؟
لإنى بأعيش برضه نفس الحالة من سنين وعرف آخرها
وصدقينى نصيحتى هى نصيحة مجرب ومجرب قوى كمان
يمكن زى ما قلت لشمس قبل كده فى يوم من الأيام يمكن أقدر أكتب أو اتكلم
بس لحد ما ييجى اليوم ده
ادينى عايش

وربك يسترها

الازهرى يقول...

فراشتنا

يا ستى تعالى لأمى وهى تلايك ألف عريس
دى ولا الخطابة
جوزت كل أقاربى وأصحابى

تحياتى دوما

الازهرى يقول...

شمووووووووسة

بقى كده ؟
وبعديييين
وبعديييييييييين
شكلى هأبيع عشرة السنين
وناس هتنتقل من قلبى للقايمة السواء


أما فاتيما فربنا يستر عليها فى الفترة الجاية
لو تهمك خليها تنسحب من الجمعية

الازهرى يقول...

وردة الجنة

سلامتك من الخضة

معنى كلامك ده إنك فى صفهم ؟

واحسرتااااااااااااااه


تحياتى دوما

الازهرى يقول...

سارة جبالى

ثورة مش ثورة
والله لو جابوا حلف الناتو مع الأمم المتحدة وحلف المجرات الأعظم
ما يهزوا شعرة فى رأسى

حمدا لله على السلامة

الازهرى يقول...

سووووووونى

يا صباح الرغى والصداع
أهو دا اللى إحنا واخدينه منكم
رغى
رغى
رغى
وفى الآخر على الفاضى

فين الكتب
ولا بابا سافر يعمل عمرة زى بتوع مجلس الشعب القدام ؟

وأدينى مستنى اليوم اللى مش عايز ييجى من 40 سنة ده

الازهرى يقول...

ثورة الغضب

لو أم البت زرجنت
صفر لى إنت بس
وربنا أجيب لك شيخ الأزهر شخصيا ونيجى نكتب لك عليها ونزفكم فى ساعة زمن
وخلى أمها تخبط دماغها فى الحيطة
دا لو الحيطة استحملت نشفان دماغها

فاتيما يقول...

ازيك يا سى منص

انا داخلة اشوفك عملت ايه ف الأستمحان
بس طالما بترد ع التعليقات بلإفترا بتاع الرجالة كدا
يبقى كله تمام

ونعم ياخويا
مش عاجبك كلامى

وايون
مبكلش انا من وش البراءة دا
(اخو وش الوطنية بتاع شفيق يا راجل)
وانا عارفة نبيتك وقلبك الفحقلى
والاكياس والساطور هدية الجواز ان شاء الله اومال هخش عليك الفرح بإيدى فاضية ؟!!


اشوفك على الف خير دايما
وخلى بالك من نفسك
عشان عضوات الجمعية منتشرين
ومؤثرين
ومفتريين يا بنى
وانتا مش قدهم ...

سلااااااام

:)

كيــــــــــــارا يقول...

مين اللي هتنيمهم من المغرب مش سامعه كويس هه

الازهرى يقول...

فاتيما

يعنى واحد جاى فايق ورايق وكان قاعد فاضى جدا وبيذاكر أربعةوعشرين ساعة ولا فى بلد بيلف فيها ولا نيلة

يبقى بالتأكيد حل كويس جدا

عشان عضوات الجمعية منتشرين
ومؤثرين
ومفتريين يا بنى
وانتا مش قدهم ...


طظظظظظظظظظظظظظظظظظظظظظ


ويورونى هيملوا إيه
الخيول كتير والحيطان أكتر
يركبو ا أعلى خيلهم
أو يضربوا دماغهم فى الحيط

وهم أحرار

الازهرى يقول...

خيارا

أنيم أى حد فى اسمه أو صفته
تاء التأنيث

واولعى يا بلد