الثلاثاء، 22 سبتمبر 2009

مقالب

الأمامير




بصراحه يا جماعه أنا كانت هوايتى المقالب من زمان جدا جدا جدا ، يهيألى إنى ميلادى نفسه كان مقلب تقيل على كل الناس حواليا ، وصعب تلاقوا واحد نجى من مقالبى ، ابتداء من أمى وانتهاء بأى انسان تانى حتى مأمور القسم عندنا وأعضاء مجلس الشعب ، وطبعا ده خلانى محبوب بطريقة سهل تخيلها ، لكن طبعا الكل عارف إن الدنيا يومان يوم لك ويوم عليك وزى ما بتعمل فى الناس هيتعمل فيك ، ودين وداير على الكل ، وكل الحاجات دى ، فدايما كان فى ناس تقف لى وترد المقالب ، لكن أكبر المقالب فى حياتى كانت من جنس النساء ، مش عارف ليه لكن دايما كان مقالبهم تطلع من النافوخ على طول ومش سهل تعدى كده والسلام ، وأظن الكل لسه فاكر
موضوع المكرونه ، مش عارف ليه ناس بيقولوا عليهم أمامير صراحه ، مع إن المثل الشعبى بيقول إن كيدهم غلب كيد الشيطان وفوق كده القرآن قال ( إن كيدهن عظيم ) ومع كل ده بيعتبروا نفسهم الجنس الرقيق واللطيف
يا لطيف ، ما علينا
النهارده الذكرى الأولى ليوم جميل فى حياتى ، كان يوم جواز واحده زميله لنا من أيام الطفوله لكن مش هأتكلم المره دى على الفرح ، أنا ناوى أتكلم عن الخطوبه ، كان يوم 20 مايو 2008 ، أنا فاكره لأنه كان بعد بداية امتحاناتى ب3 أيام وكان يوم الثلاثاء ، وطبعا لإنها أخوها كان عنده 10 سنين يا دوب كانت الشغلانه كلها على دماغنا إحنا ورجعت يوم السبت من الإمتحان على هناك ورتبنا مع أصحابنا كل واحد يجيب إيه ويعمل إيه بحيث يكون الشغل موزع بينا فنقدر نتابع الإمتحانات مع إجراءات الحفله ، وكمان توضيب وتغيير فى البيت استعدادا لإستقبال المدعوين ، مع إنى اقترحت التأجيل وخاصة إن أختها فى تالته ثانوى وقتها ، لكن تعمل إيه العريس مستعجل ( شكله مفيش حد قال له على الحقيقه ) ، المهم وضبنا كل حاجه ، وجه يوم الخطوبه رجعت من الإمتحان على النادى على كام مشوار كده وبعدها على المدينة ، وغيرت ووضبت نفسى وطلعت على هناك والشيطان بيلعب فى رأسى ، وأنا أقول له بلاش ، يا ابنى اهمد ، خليك ساكت وعدى اليوم على خير ، ومن شارع عرابى ولحد ما وصلت البيت فى شارع مراد وأنا بأحاول أخليه يعقل مفيش فايده ، ودخلت وقلت ربنا يستر ، وأول ما دخلت كنت متأخر والمعازيم معظمهم مشى وسألت عن العريس قالوا إنه قاعد فى الصالون مع العروسه ورحت وكان العريس قاعد كده مالى مركزه وشكله طيب وعلى نياته وأمور ومسمسم ، والعروسه مش موجوده كانت جوه بتصلح لبسها أو تحجيبتها أو أى حاجه من حاجات الحريم دى ، وعلى كده يا جماعه لقيت الجو رايق وبقى صعب أمسك نفسى ، ودخلت على العريس وعلى وشى علامات الحذر والتسلل ، وأول ما شافنى طبعا ابتسم وانتظر إنى أقدم نفسى وأبارك له ، لكن أنا دخلت عليه دخلت جواسيس كده وبصوت واطى وقلت له أخبارك إيه ؟ إنت كويس لحد الوقت ؟ الأمور ماشيه كويس؟
وطبعا استغرب واندهش ومش فاهم أى حاجه ، فكملت أنا وقلت له حد اتعرض لك بحاجه ؟
فسأل تقصد إيه حضرتك ؟
فقلت له لأ شكلك سليم ربنا يعدى الموضوع على خير بإذن الله ومن غير إصابات ، من هنا يا جماعة وبدأ العرق يصب منه ، ويتردد وحالته بقت صعبه وإن أنا أسكت أبدا ، كملت وقلت له شكلك مفيش حد حكالك وألا إيه ؟
فسأل مندهش حكى إيه ؟ تقصد إيه ؟
فقلت له باستغراب : إنت ما شفتهاش وهى متنرفزه أو غضبانه أبدا ؟ إنت ما تعرفش هى كانت بتلعب إيه ؟
فقال عارف بس ......... ( هى على فكره أول جيزه وسادس جمهوريه فى التايكوندو ) فقاطعته وقلت له وكانت بتلعب ليه ؟ فقال وهو قرب يموت هوايه
فبصيت وهو صعبان على وقلت له هواية ايه بس ؟ دى اصلها موضوع أعصابها والهياج بتاعها كانت بتفرغه على الملعب لكن من يوم ما اعتزلت وهو بيرجع لها من وقت للتانى معقول ما تعرفش ؟
ولقيته بدأ يفك الكرافته والعرق بقى للركب ولقيت نفسى فى حضنه
لأ مش محبه ، ولا مراضيه ، المشكله إن الهانم كانت رجعت ومن ورايا وبرجلها فى ضهرى خليتنى أعدى الترابيزه الصغيره وأقع عليه ، والتفت لها ولقيت علي وشها أشرس تعبير يمكن تخيله وزمجرت ولا النمره المفترسه ، والطبيعى فى الحالة دى إنى أسكت ونضحك لكن على مين ، أنا رسمت على وشى الرعب وقلت له مش قلت لك ، مش قلت لك أهى الحاله جت لها ، وهى سمعت كده وبدأت تحضر للهجوم التانى على ، لولا إن خالتها سمعت الخبط وجت جرى على عندنا ومسكتها وسألتها فى إيه ؟ فشاورت على مطرح ما كنت واقع على الأرض وهنا بدأت أضحك وخرجت كل المكبوت جوايا من أول ما وصلت والعريس واقف مسبهل ومش فاهم أى حاجه
وخالتها شافتنى من هنا شخط وزعيق حاجات كتيره كده وإنت مش ناوى تعقل ، وأنا قلت لأختى بلاش تخلوه يحضر أساسا وعلى النعمة بتيجى بخرابها
وعلى صوتها طبعا حضر والد العروسه ووالدتها وأصحابنا اللى فضلوا للأخر وكل ده وأنا مش قادر أمسك نفسى من الضحك ووالدها شاف الموقف وفهم كل حاجه وقال جمله واحده ( ربنا يهديك يا ابنى ) فقمت وسلمت على العريس وقلت له ألف مبروك وعرفته بنفسى ، وهو سمع الإسم من هنا ، وفهم كل حاجه وقعد مكانه يمسح عرقه ويقول يخرب بيت كده أنت رعبتنى ، هى كانت بتحكى لى عنك وعن مقالبك لكن عمرى ما تصورت إنها ممكن تكون بالشكل ده إنت خليت قلبى وقع فى رجلى وحالتى بقت كرب ، روح يا شيخ منك لله ، يعنى أول تعارف وتعمل كده ، طيب راعى المناسبه
وطبعا المجموعه كلها ( باستثناء العروسه وخالتها كانت كرهانى لله فى لله ) فطسوا على نفسهم من الضحك حتى العريس اشترك معاهم وقام جاب العروسه جنبه وقعد يهدى فيها ويحاول تخليها تسامحنى علشان خاطره ، طيب علشان خاطر والدك ، علشان خاطر الحبايب كلهم أبدا وأبوس على راسها وهى برضه مكشره ، فين نص ساعه على ما هديت وهى بتحلف وتستحلف إنها هاتهد البلد على دماغى إن خراب بيتى عن قريب على إيديها ، ووالدها قال لنا نسيبهم لوحدهم شويتين ونطلع نقعد إحنا بره شويه وطلعنا وأنا بأحكى لهم على اللى حصل وقعدنا نضحك وشويه ووقفنا نستأذن علشان نمشى ، لكن على مين والدها أصر إننا نفضل قاعدين لحد ما نوضب الشقه من تانى ونرجع كل حاجه فى مكانها زى ما وعدنا وقت ما قعدنا الأيام اللى قبلها نكركبها ، وكان فيها شغل للفجر وبعدها فطرنا معاه ومشينا ، لكن أنا كنت نسيت النوته الصغيره بتاعتى هناك ، وبصراحه وأسألوا أى حد إتعامل معايا ، لازم تكون فى جيبى ، عامله زى البوصله ومن غيرها أتوه خالص ، وعليه اتصلت بيهم وعرفت إنها وقعت منى هناك واتفقت مع والدها انى أروح يوم الخميس اخدها ورحت ويا ريتنى ما رحت

هناك 137 تعليقًا:

SHAPE YOUR LIFE (ABOALI) يقول...

مقلب اول

SHAPE YOUR LIFE (ABOALI) يقول...

والتانى

SHAPE YOUR LIFE (ABOALI) يقول...

وجووووووووووووووون

SHAPE YOUR LIFE (ABOALI) يقول...

والازهرى ماشى بالكرة

SHAPE YOUR LIFE (ABOALI) يقول...

دخل ابوعلى قطع الكورة

SHAPE YOUR LIFE (ABOALI) يقول...

ام بيرو كانت الحكم

SHAPE YOUR LIFE (ABOALI) يقول...

قالت لالالالالالالالالالالالالا يا ابوعلى فاول

SHAPE YOUR LIFE (ABOALI) يقول...

حصل احتكاك شديد

SHAPE YOUR LIFE (ABOALI) يقول...

نزلت ايمى وكانت هى حاملة الراية

SHAPE YOUR LIFE (ABOALI) يقول...

قااااااالت ياااااااالهوى عليكوا

SHAPE YOUR LIFE (ABOALI) يقول...

هاتسكتوا ولا كلكوا
هاتخدوا حقنة ريلاكساشين فور هيومان

SHAPE YOUR LIFE (ABOALI) يقول...

ام بيرو قالت خلاص يا ايمى

SHAPE YOUR LIFE (ABOALI) يقول...

احنا هانفضحهم فى رايو المطلقات

SHAPE YOUR LIFE (ABOALI) يقول...

خليكى يا شمس النهار شاهد عيان

الازهرى يقول...

وقف عندك

SHAPE YOUR LIFE (ABOALI) يقول...

استاذ عمرو قال احنا هانشكل لجنة للبحث

SHAPE YOUR LIFE (ABOALI) يقول...

وكفاية عليا شارع فيصل ومشاكله

الازهرى يقول...

رايح فيييييييييييييين ؟

SHAPE YOUR LIFE (ABOALI) يقول...

والحاجة شمس قالت وكمان فى مصر الجديده جنب كوستا تصدق

الازهرى يقول...

إنت فاكر المكان من غير حارس مرمى وألا إيييييييه ؟

SHAPE YOUR LIFE (ABOALI) يقول...

قام رومانسى قال يا جماعة خلوا عندكوا احساس

SHAPE YOUR LIFE (ABOALI) يقول...

هييييييييييييييييييييييييييييييه

الازهرى تكلم

الازهرى يقول...

يعنى إلعب بعيد يا شاطر
هانرش ميه

SHAPE YOUR LIFE (ABOALI) يقول...

ليييييييييييييييييييه يا مان قطعت الارسال

روح منك لله

SHAPE YOUR LIFE (ABOALI) يقول...

اروح اقرء بقى المقالب

الازهرى يقول...

وكمان سايب مصر كلها وجايب أم بيدو حكم
ليه خربت
وألا التحكيم بقى للرايح والجاى
صحيح
ما هو من ساعة ما مرعى مسك والقضاة فى خبر كان

الازهرى يقول...

وأنامستنى على أحر من الجمر

SHAPE YOUR LIFE (ABOALI) يقول...

ههههههههههههههههههههههه
صدقنى يا بنى كما تدين تدان
واسئلنى انا

شكلك كده فى تكملة الحكاية ستستغل استغلال بشع
و اه منك ياااااااااا حواااااااا

وربنا يجعله عاااااااااااامر

SHAPE YOUR LIFE (ABOALI) يقول...

اولا ام بيرو
خبرررررررررررات فى التحكيم الدولى
واذعة وتليفزيون

يعنى تصنف حكم دولى عالمى

علشان تكون محايدة

ده مخ يا زهر

آه من قلبي يقول...

ههههههههههههههههه
حرام عليك يا بني
دة انا فطست على نفسي من الضحك
واتخيلت شكل العريس والعروسة وهي بتهجم
ههههههههههههههه
اول زيارة وان شاء الله أحطك في المفضلة
اتمنى اشوف تعليقك عندي
:)

Foxology يقول...

ههههههههههههههههههه

يا خبر ابيض ده انت طلعت راجل قديم اوى فى الموضوع ده وخبرة ماشاء الله :)

طبعا البوست اللى جاية هتتكلم عن اللى حصلك يوم الخميس الموعود :D

تحياتى وفى انتظار التكملة

صبرني يارب يقول...

بص يا ازهري

انا نفسي اتعرف على كل الناس

وكان نفسي اتعرف عليك

كاااااان ايوه فعل ماضي

خلاص ياعم مش طالبه

هههههههههههههههههههههه

حرام عليك يا مفتري انا لو من البت دي كنت طلعت عليك كل التمارين الى خدتها

romansy يقول...

هههههههههههههه
والله بتشرح الوقف بالظبط وبلذات الشلطوت اللى رمالك فى حضن العريس
على كده يا ازهرى الواحد يخاف منك
انتى بتاع مقالب واحنا مش ادك يا عمونا

كل مقلب وانت طيب

الازهرى يقول...

أبو علىىىىىىىىىىىىىىى

وأى استغلا يا صاحبى
دى ندبه لن تمحى على مر الزمن

وشكلى هافضل فاكرها لحد ما احكيها لأحفادى

الازهرى يقول...

مخ بين وبس وكبدة مين ؟
وإيه المسمط ده ؟

يا عم أنا أكتر ناس أخاف منهم
بتوع الإذاعه والتليفزيون والصحافه


يعنى من الأخر بتوع

وألا بلاش أحسن الواحد خارج من صيام ومش ناقص

الازهرى يقول...

آه من قلبى


فطستى إيه بس ؟
هتلبسينى تهمه وانا فى العيد كده
يقولوا لى فطست البنت وآخد فيها عشر سنين
ينفع كده ؟

أهلا بك دوما
وبإذن الله أزورك غدا لأننى اليوم مرهق وهذا أخر ما سأقوم به وبعدها فليحيا النوم

الازهرى يقول...

فوكسولوجى

المشكله يا صاحبى ان هم كمان قدام جدا جدا جدا

واللى جرى يوم الخميس لا ينكتب ولا ينقرا
ربنا يعيذك من الإنتقام

تحياتى دوما

الازهرى يقول...

صبرنى يا رب

انت لسه هاتتعرفى
انا عارفكمن ايام ما كانت شمس النهار يتقول
ماشى يا صبرنى لما اشوفك

ز
وكمان كان فعل ماضى وخليه فى حاله

وصعب جدا تطلع تمارينها على لسبب بسيط جدا
إن أنا المدرب
وراجعى القديم او استنى الجديد هاتكلم عن الموضوع ده تانى

اسماء واحلام فى وجدانى يقول...

اجمل حاجة اننا طلعنا زمايل يا حاج

بس الحقيقة انك مفترى شوية

وخد بالك انك بردة ليك يوم
بس انت يومك بقى هيكون ايه ماشاء الله يعنى هيتجمع فيه كل اللى عملته فى الناس واسال مجرب لسة بيشرب لحد دلوقتى من اللى عمله فى الناس وفى مثل بيقولك يموت المعلم ولا يتعلم وسبحان الله بيحصل فيا بلاوى ولسة مش عارف اتوب

الازهرى يقول...

رومانسى

اصبر على الرز لما يستوى لانتقام كان اكيرمن مجرد كلام
وكمان الشلوت بتاع الهوا دى محترفه يا عمنا

وكمان تخاف من
اصبر بس وانت تعرف ان انا غلبان وسطهم
دا انا اتعمل فى عمايل

الازهرى يقول...

اسماء واحلام فى وجدانى

انا بقى بينتقموا منى اول باول

وصبرك لما تعرف بيتعمل فى ايه
انا اتهريت منهم وكل مقلب ومقلب يطلع من نافوخى
حاجه صعبه بجد يعنى

عمرو جويلى يقول...

السلام عليكم
أشكرك على زيارتك
وكل عام وأنت بكل خير
وبعدين أنا هاحاول أكتب سلسلة عن تاريخك
والسلسلة سوف تكون بإسم مقالب الأزهرى
هههههههههههههههههههه
تقبل مرورى

ألـــــــوان الحيــــــــاة يقول...

هههههههههههههه
كنت هتبوظلها الجوازه يا شيخ حرام عليك
ياساتر يارب
ربنا ما يكتب علينا مقلب من مقالبك p:
بس ضحكتنى وانا بقالى زمن مضحكتش


كل سنة وانت طيب

بـسـمـــة صـــــلاح يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههه
لا لا لا مقلب جامد كيك
أول زيارة ليا بس اتبسطت اوي وبجد كنت هموت م الدحك

عايزين الباقي بأه

دمت بود
تحيــ بسومة النعومة ــاتي(:

سفروتة يقول...

(وش مزبهل جداااا جداااا جداااا تلاتة جدااااااااااااا)

ايه ده
ليه كل ده
هههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههههه وربنا انت تحفة
انتيكة انت

اقول ايه بس
اقول ايه
خليني ساكتة احسن

ربنا يتوب عليييييك
قول امين

♥نبع الغرام♥♪≈ يقول...

هههههههههههه
ربنا يروق بالك يارب ويسعدك بجد بوست دمه خفيف

يلا يا عم اى خدمة انا ضحكة فى هاكونا مطاطا وانتى ضحتنى هنا
سلام ياقمر

غير معرف يقول...

بقا اول مرة اجى عندك
بعد زيارتك ليا علشان اتعرف عليك
وقلت الجواب باين من عنوانه اصله
ازهرى الاقيك بتاع مقالب ومن النوع ده
كمان التقيل
لاياعم الطيب احسن كويس ان الموضوع عدا على خير
طبعا انا بهزر انا تشرفت بمعرفتك
ونورتنى بزيارتك ويارب دايما
تحياتى

marmar يقول...

ده انت مصيبه سوده ولله ههههههههههههههههههههههههههههههههههههههه تخيل لو عزمتك مثلا في خطوبتي ولا فرحي ولا ولا هتعمل ايه فيا :d
انت احسن حل ليك تاخد كم مقلب كده من الكل عشان تحرررررررم :d

احذذذرني اليومين دول اصلي ناويه اعمل فيك مقلب عايزه اشوف بس قوه قلبك :d

Sweet Violet يقول...

احم احم
بقى الواحد كان بيفكر ان اخويا هيكون اول واحد من المعازيم تيجى انت و تصدمه كده
بس كويس انك عرفت الواحد علشان يعمل حسابه
^_^
منتظرة بقى اعرف حصل ايه بعد كده
(اياك تفهنى صح و تقول علشان افرح فيك)
لالالا انا بس عايزة اطمن فقط
P:

EMMY BABY يقول...

ههههههههههههههههههههههههههههه

بجد والله انت فظيع ايه اللى انت بتعمله ده

يخربيت مقالبك

دانت كنت ممكن تقلبها مصيبة

يالهوووووووووى ربنا يرزقك بواحدة من الجنس الرقيق واللطيف تطلع عينك وتنتقم للناس دى كلها

ههههههههه

تحياتى

ايمى

اسماء واحلام فى وجدانى يقول...

انت لسة شوفت حاجة

ده اللى جاى كـــــــــــــــتير اوى
هى الدنيا كده اللى تعملة نملة يطلع عليك فيل والدنيا ضيقة سعتك

الازهرى يقول...

اللؤلوة
وعليكم السلام ورحمة الله وبركاته

كل عام وأنت وأحبابك فى خير وسلام

وصعب تعمل سلسله عن مقالبى دا عمل ضخم جدا
يعنى زى قصة الحضارة وموسوعة مصر القديمة هتحتاج منك لزمن كتيييييييييييير


تحياتى دوما

الازهرى يقول...

ألواااااااااااااان
من زمان من غير حاجه جديده ؟

وربنا يعيذكم من مقالبى دا أبسطها

وصدقينى من المستحيل إن حاجه تبوظ وأنا موجود
دا أنا أزهرى وأعرف بإذن الله أصلح الناس

بس بيبقى الضحك حلو وبتاع وقته

الازهرى يقول...

بسمه صلاح

لالالالالالا
تموتى إيه بس ؟ إحنا ناقصين
لأ المقالب المقصود منها الضحك مش أكتر إنما نضحك لما نموت يبقى أنا هيعتقلونى لأنى خطر على الأمن العام
أنا كل الناس بتضحك معايا

تحياتى وتمنياتى بدوام التواصل

الازهرى يقول...

سفرووووووووته

ولا تقولى أى حاجه
خليكى ساكته
لما بتتكلمى بتكتر طلباتك وبتبوخى

وكمان لو تعرفى مقالبها ضدى تقوى على حمل وديع جنبها

آمين

الازهرى يقول...

إيناس

ربنا يروق بالنا كلنا

وكده النتيجه تعادل وفى انتظار الجوله القادمه

تحياتى دوما

الازهرى يقول...

أم مالك

نورتى ذكريات وصاحب ذكريات بزيارتك الكريمه

وكمان صعب المقالب بتاعتنا تنتهى بحزن لإن كلنا فى النهايه حبايب وعارفين إن الضحكة البريئه هى المقصوده من مقالبنا

ولما تشوفى لجوله التانيه هتعرفى انى عايش وسط وحوش وأنا الحمل الوديع بينهم

وأتمنى تزورى الفارس الأخير هتلاقى الوش التانى

تحياتى دوما وتمنياتى بالتواصل

الازهرى يقول...

مرمووووووووووووووووور

بقى يهون عليك العيش والملح
بعد السنين دى كلها تقولى علي مصيبه وسوده كمان

الله يسامحك
شوفتى انا طيب ازاى
ومين قال أساسا إنى ممكن أحضر أفراحكم انتم مين فى البلد أساسا
يلا بلا غم
وكمان انا ياما شربت منهم

ومستنى المقلب
بس بحذرك من رده وقد أعذر من أنذر

الازهرى يقول...

ضد

يعنى هتعملى ايه ؟
وكمان مين قال لك انى ممكن اتنازل وأحضر أساسا
سوفاج
انتم مين فى البلد دى

وكمان أنا من زمان هنا وعارف نيتك كويس جدا جدا جدا جدا جدا .............

وصعب أفهمك صح

وخليكى مستنيه الحلو كله جاى فى الطريق

وكمان كفايه علامات صدقينى اصعب عندى من المقالب

ليس فقيرا من يحب يقول...

ههههههههههههههههههههههههههههههههههه

صبااح الروقان

ليس فقيرا من يحب يقول...

العروسه دى طلعت جدعه

على الاخر هههههههههههههههههه

حلوة ولقيت نفسى فى حضنه دى

ههههههههههههههههههههههههههههه

وربنا حلوة

ليس فقيرا من يحب يقول...

ايه اللى حصل يوم الخميس ؟هه

قول ايه اللى حصل

ماهى الدنيا كده يوم ليك ويوم ليك

برده

ليس فقيرا من يحب يقول...

المهم ان البوست دمه حفيف جدا

ربنا يروق بالك دايما

هامشى انا

اقعد بالعافيه

الازهرى يقول...

إيمى الصغنونه

تعرفى إنك فكرتينى بأمى
برضه بتدعى على نفس الدعوه

ومان أنا فظيع فى إيه ؟
الحرب سجال ولما تسمعه الجوله التانيه احكموا مين فينا الطيب ومين الشرس

وأهم حاجه انك خربتى بيت مقالبى مش بيتى أنا زى ناس تانيين

ما علينا طلعتىاحسن كتيييييييييييير
ولا داعى لذكر الأسماء

الازهرى يقول...

اسماء وأحلام فى وجدانى

والله عندك اللى بنعمله وز وز بيطلع علينا بط بط

واستنى الباقى
أنا اتبهدلت يا صاحبى

الازهرى يقول...

ليس فقيرا من يحب

يا صباح الجمال على الناس الحلوين

الازهرى يقول...

من ناحية جدعه هى جدعه جدا جدا جدا
وبعيد عن المقالب هى من احسن النا اللى تلجأى لهم وقت الخناقة
بتسد ولا أحسن بلطجى
تعليمى

الازهرى يقول...

لااااااااااااااا
يوم الخميس ده كان كارثه لوحده
أنا اتذليت بحق ربنا يومها

تابعى بس وانت تعرفى انا كنت مسكين قد ايه ؟
وان افظع حاجه فى الدنيا هو انتقام امرأة
على رأى الفيلم

الازهرى يقول...

ربنا يروق بالنا جميعا
ونضحك فى وش الحياه مهما كانت مصاعبها

وماشيه رايحه فين
الغدا جاى حالا

طيب حتى عصير
طيب أى حاجه

الأمر لله
بس المره دى مش محسوبه

ادم المصرى يقول...

كل عام وانت بخير يا ازهرى

سلمى يقول...

السلام عليكم
جزاك الله خيرا لانك سئلت عنى فى فتره غيابى
وفعلا من كلامك شكلك كارثه
ربنا يهديك
كل سنه وانت طيب
دمت بخير

ألـــــــوان الحيــــــــاة يقول...

يلا انزل بيوم الخميس


عايزين نشمت فيك...آآ...قصدى نفرح فيك ....يوووووه ...قصدى نتعاطف معاك D:

الازهرى يقول...

آدم المصرى
فينك من زمان يا راجل

كل سنه وانتوكل احبابك بخير وسلام

الازهرى يقول...

سلمى
وعليكم السلام ورحمة الله وبركاته

لا شكر بين الأخوه

وانا مش كارثه للدرجه دى
انا اتعمل فى بلاوى

تحياتى دوما

الازهرى يقول...

ألوان

انا لو نزلت بيوم الخميس
الكل مهما كانت نياتهم لازم يتعاطفوا معايا

دا ولا التعذيب النازى فى زمانه

Kiara يقول...

يالهوووووووووووووووووووووووي

موتنىىىىىىىىىىىىىىىىىىىىىىىى من الضحك

بس ايه اللي حصل لما رحت الخميس ها قول

Kiara يقول...

ايه بقي حكاية الاحتلال دي لن اقبل لن اقبل وهاكل الشكولاته برده هه بث

الازهرى يقول...

خياراااااااااااااا

موتك من الضحك إيه بس ؟
فى إيه يا جماعه انتم عايزين تودونى فى داهيه وألا إيه

حرام عليكم انا فى حالى ومسكين

ويوم الخميس انا اتذليت بمعنى كلمة الذل

الازهرى يقول...

وحاولى تلمسى الشيكولاته كده وهتشوفى
أنا هأعمل إيه
وربنا أخد المدونه لصالحى وما اخليكى تكتبى كلمه واحده فيها

سواء انت او سحس

اسماء واحلام فى وجدانى يقول...

حبايبى كتير جيرانك

بس انت اطلب وآشر

والمعونة هتوصلك فورا

زى الهوا يقول...

ههههههههههههههه


موقف تحفـــــــــــــه

r يقول...

وانا اللى بقول عليك طيب
وقاعده اعتذرلك هناك على التقصير
ويطلع منك كل دا

ومالهم ان شاء اله الامامير؟

هقولك ايه
روح ربنا يهديك

--------------------
ههههههه
انا بهزر طبعا بس لو انت فعلا كدا
تبقى مشكله
لان كما تدين تدان
خلى باللك
------------
كل سنه وانت طيب

سندس وأمل يقول...

لالالالالالالالالالالالالالالالالالالالالالالالا

ده الازهرى بتاعنا؟

يامقلب:)....تلاقيهم فرتكوك

لما رحت تانى:D:D

معلش ع التاخير:)...

سندس

rovy يقول...

السلام عليكم
اخى الكريم كل عام وانت بالف خير
اعتذر عن تأخيرى لعدم وجود نت اليومين دول عندى ..
واضح ان فاتنى كثير
اسمح لى بعوده للتعليق على ما فاتنى
الحقيقه انا اتيت لاسلم و اعتذر عن تأخيرى فى العيديه ..

خالص نحياتى دوما اخى الفاضل

marmar يقول...

:@ معاك الباش مهندسه مرمر :@
فااااااااهم ولا لا يا اخ انت :@
وبعدين مين قلك اني هعزمك اصلا انت بتحلم يا حلمي هأأأأأأ :p
ولا اقولك اكسب فيك ثواب واعزمك ايه رأيك وتبقى كده عملت فيك جميل محدش ينساه ولله .. اعمل حسابك في اي وقت من الاوقات لاي مقلب يعني بص يمين وشمال وانت نازل كده من البيت يمكن تلاقيني في خلقتك مثلا وامسكك متلبس
يعني مين عارف ايه اللي ممكن يحصل

ندا منير يقول...

ههههههههههههه

كل دا يطلع منك بتاع مقالب وكدة ههههههههههههههههه

بس بوست حلو

كل سنة وانت طيب

mohamed ghalia يقول...

دا الواحد يخاف منك بعد كده يا أزهرى

mahasen saber يقول...
أزال المؤلف هذا التعليق.
mahasen saber يقول...

هههههههههه شكرا شكرا لابو على على تقليده لشخصى وظيفة حكم دولى

بس قلى دى مرتبها كام يا اخويا

بس اى حاجه من اخونا ابو على حلوه
طب مينفعش اورث الوظيفه دى لبيرو هههههههههه بس على فكره يا ابو على مكناتش فاول الكوره كانت جون
ازاى معرفش

mahasen saber يقول...

ممكن بئا تساعدنى اربط اليى اسمه زهر ده

هو خلاص جاب اخره معايا
الكرسى يا بيرو والحبل اهه يتربط وبتحط قدامه طبق مكرونه وهو متكتف لحد ما يبالنه صاحب او يعتذر على غلطاته التكرره فيا

بئا انا مش عاجباك حكم
انا تقول على تقليدى المنصب خربت

كتف يا ابو على ده لا تجوز عليه الرحمه ولاا الشفقه

mahasen saber يقول...

هسيبك لربنا ولبيرو ولو متعرفش بيرو

اسأل كيمو عن بيرو ههههههههه

معرفش ليه حاسه ان ابو على هيفك الحبل شكله تعاطف معاك عليا ولاا ايه

الكنز المفقود يقول...

تؤتؤتؤتؤتؤتؤتؤ واللى يعرفك ميقولش انك وش مقالب خالص

ده الواحد يحذر منك بقى لحسن بعد كده ييجى يدخل المدونه يلاقى نفسه فى مدونه تانيه ولا حاجه ومين عالم ممكن نروح فين
هههههههه

بوست هايل بس ارحم الناس اللى معاك شويه الناس مبقتش حمل الكلام ده ههههه


تحياتى
حبيبه

------ يقول...

يااااااااااانهااار

دا انت كدا شكلك ناويلى نية سوااااد

لا ياعم

ماله القانون هو حد قال حاجة مية مية والله
والحياه ميت فن واربعتاشر

خليك كدا حلو معانا وبلاش مقالب

الازهرى يقول...

اسماء واحلام فى وجدانى

رنبا يخليك لى يا حبيب قلبى

وباذن الله وقت الخطر هتلاقى الانذار بيدوى

تحياتى دوما

الازهرى يقول...

زى الهوا

لا وفى مواقف كتير أحلى
بس انت تابعى وانت تعرفى نهاية القصه

تحياتى وتمنياتى بالتواصل

الازهرى يقول...

بسنت

اللهم آمين
حد طايل ربنا يهديه

وكمان أنا عرفت كما تدين تدان وبزياده كمان

تابعى وانت تعرفى الباقى

كل لحظه وهى عيد سعيد لك ولكل أحبابك

الازهرى يقول...

سندوس

ويا ريتها رسيت على انهم فرتكونى وبس

انا اتبهدلت يا سندس يا اختى

وكمان ولا يهمك المهم انك لحقتى فى الاخر


تحياتى دوما

الازهرى يقول...

أختى الغاليه أم مريوم الأموره
وعليكم السلام ورحمة الله وبركاته

لا اعتذار بين الأخوه
وتعودى فى اى وقت تشائين فالمكان مكانك
وان كنت جالس علىأحر من الجمر فىالانتظار

والعيديه وصلت واتصرفت كمان

تحياتى دوما

الازهرى يقول...

ندا منير

ربنا يكومك يا ب
بس انت لو راجعتى المكتوب هنا على كتبك هتلاقيها هناك

تحياتى دوما وخالص مودتى

الازهرى يقول...

الباش شويش مررررررررررررررررررررر

طبعا تبقى كارثه تخيلى كده انا طالع الصبح فى امان الله والاقيكى فى خلقتى
دا انا يجيي لى صرع واتحول اموراض نفسيه وعصبيه فورا
يا نهار ابيض دو خلق الواحد يصطبح بيها يا رب

اللهم انى لا أسألك رد القضاء ولكنى أسألك اللطف فيه

ربنا يستر

الازهرى يقول...

محمد غاليا

لا مش قوى كده يا صاحبى
لسه التقيل جاى فى السكه

الازهرى يقول...

مساوىء

الوظيفه دى مرتبها تلاته سحتوت ونكلتين

اما بقى بخصوص الميراث فممكن
ما كل حاجه بتورث اليومين دول هتيجى على بيدو وتحرم يعنى
وكمان دى فاول وراجعى تصوير المباراه من تانى وبلاش تزويغ من اولها

مش قلت هتخرب ؟

الازهرى يقول...

وكمانايه تربطونى د ؟
انا بفضل الله كده وباشاره من الصوبع الصغير بتاع رجلى اليمين يتربط البلوجر كله فى اربع دقايق ويبقى يدور له على صاحب بقى

وكمان تعالى هنا
مين دا اللى يعتذر
انت مش عارفه انت بتكلمى مين ؟
والله هزلت

الازهرى يقول...

وكمان هتقول بيرو

ما احنا حلينا المشكله دى من زمان وقلت لك انا كمان عندى عبد الرحمن اخويا بيفطر بسبعه شراقوة غير التحليه

وكمان اصعب على مين يا طنط

اقول ايه بس
روحى وتعالى بسرعه

الازهرى يقول...

بحر الحياه

اما تقولى ايه بقى عليهم لما تعرفى بيعملوا ايه معايا
يا جماعه انا مظلوم مع الناس دى والله
انا المفترى عليه مش المفترى

تحياتى وتمنياتى بدوام التواصل

الازهرى يقول...

دموع القمر

ما كان من الأول
ولا احنا مش بنيجى غير بالعين الحمرا

نا تخاف ما تختشيش
البالونه توصل حالا
ويتم تغيير المؤلف
وتبعتى اربع سندويتشات كبده بلدى على عنوان المدونه

مفهوم والا

بجد اكتر حته عجبتك ايه ؟

فشكووول يقول...

السلام عليكم

طبعا انا عيدت عليك لكن ما فيش مانع اقول لك كل سنه وانت طيب

انت دعوتنى لزيارة ذكريات ... يا ريتنى ما جيت عشان انت بتاع مقالب ومقالب سخنه

يعنى يا راجل الراجل فى اول يوم عرسه وانت تعمل فيه المقلب ده

بس الحمد لله البت العروسه اخدت بتار العريس منك وكومتك على الارض ولا نفعك معرفتك للتايكندوا ولا الكارتيه حتى اصل البت دى راجل ما هو اللى ياخد عريسى يبقى عمره اوشك على الانتهاء ويهدر دمه.

بس عايزين تكمل الحكايه ... اظن اول ما تروح تاخد النوته تلاقيها موضبه لك مقلب او حتى ناويه تكومك قدام الباب.

مش قلت لك احسن تعقل وتتجوز وتخلص البت الغلبانه دى منك وبالمره تعمل فينا معروف والعروسه تلمك فى البيت ونخلص بقى منك ومن مقالبك

الله يكون فى عونها والدتك

maha zein يقول...

يا شيخ اتقي الله
انت لا منك ولا كفاية شرك
من اعمالكم سلط عليكم
اصبر وشوف الانتقام


وتقولي انا اللى شريرة

ربنا يكون في عونكالناس اللى حواليك

كل سنةوانت طيب يا ازهري
جت متاخرة بس عاتشي بقه
اصلي كنت بحضر لمقلب كده علي ما اوسم هي هي هي هي

mahasen saber يقول...

مساوئ

انتا شايفنى كدا ..

ولاا بتستهر فيا...

ولاا انا عيله وتافهه فى نظرك عشان تكلمنى بالاسلوب ده

انا اسمى محاسن يا ازهرى محاسن صابر

ولاا ابت للمساوئ بصله

Yusuf يقول...

يخرب بيت فقرك

كده الواحد يخاف منك ومن مقالبك

مستني بقية الحكاية

صباح الجمال

marmar يقول...

هههههههههههههههههههههههههههههههههه
وحياه ربنا يبقى يوم وصباح زي الفل وزي القمرررر كمااااااااان
ده انت غلباااااااااان اوي يا واد يا حزمبل :p
وبعدين مين قلك اني هفضل سليمه لو شوفتك دنا يجيلي سحس في الاستحبس على طوووول :d

marmar يقول...

ايه ده انا التعليق 111 يا جمالي يا جمالي
يلا عشان متقولش اني حرمتك من حاجه

"أحلام حقيقية" يقول...

زى ما بيقولوا انا فى الاذية مؤذى وفى الشر شرير ايه ده يابنى وبعدين عامل حرب على الجنس الناعم ومشوه صورته فى كل مكان وعامل نفسك المظلوم البرئ عارف انا لو منها كنت وريته ازاى بيلعبوا التايكوندوا بحق وحقيقى اهو منها تردلك الجميل بتاعك ومنها تتدبح القطة للعريس من اولها هههههههه








على فكرة انا متغيرتش ولا حاجة انا بس بجد مليش نفس للتدوين خالص ولا ليا نفس لاى حاجة لكن انا بدخل وبتابع التدوينات كلها اللى بتنزل جديد

------ يقول...

البالونة وصلت ياريس من 8 ساعات

بالاسم كمااااااان

وبدل واحدة بقوا خمناشر

الازهرى يقول...

عمنا فشكول
وعليكم السلام ورحمة الله وبركاته

ممكن تعيد على فى اى وقت لإنى كل يوم فى عيد زى ما سيدنا على كرم الله وجهه قال

أما بقى بخصوص العريس ففى حد عاقل أساسا فىالزمن ده يتجوز لاااااااا وايه بطلة ألعاب قتاليه

بس بصراحه هى جدعه جدعه وتنفع فى اى خناقه واسأل مجرب

وانت اخدت بالك من نقطه عدت على كتير
ان المرأة لازم تدافع عن بيتها ولا تخلى بالها من بيتها ضد اى انسان ودا معنى افتقدناه كتير فى الزمن ده
بقت البنت تقول مش عاجبك طلقنى على اهون سبب وكمان تسمع لبره ضد جوزها بسهوله جدا جدا جدا

وكمان صعب توضب لى مقلب
احسن المقالب بتيجى عفو الخاطر

وكمان تخلص منى ايه انا نفسى اخلص منها فى اى وقت
تخيل انها فى اعلنت وفاتى وقلبت الدنيا ؟

تحياتى دوما وتحيات ذكريات

الكحيان يقول...

هذه أول مرة آتي للتعليق كتابتك مشوقة وممتعة، مقالبك جامدة قوي وتودي في داهية ... سعدت بمرورك الكريم وأرجو دوام التواصل

Butterfly يقول...

ايه كل البوست ده
انا قريت نصفه هبقى أكمله بعدين بقى

وكل مقلب وانت طيب

الازهرى يقول...

مها سياسه

هو انا لسه هاشوف انتقام اشنع من اللى شوفته
يا شيخه انت اللى حرام عليكى
بس اصبرى وشوفى عمايلهم فى وبعدها احكمى

وكمان تعالى هنا
ايوه شريره وشريره جدا كمان
دا انت فضحتى العيلةوعيلة العيله

وكمان متأخره ما تنفعش من غير العيديه
والادهى من كده حكية المقلب
يا بنتى اقعدى على جنب أحسن لك

الازهرى يقول...

محاسن محاسن محاسن محاسن محاسن محاسن محاسن محاسن محاسن محاسن محاسن محاسن


يعجبك كده ؟

بس اعمل ايه مش مقتنع
واحده من ساعة ما عرفتها وهى بتهددنى مرة ببيدوا ومرة بأبو على
وشويه وهتدخل الباقيين فى الموضوع ويقوم بسببها حرب
وطبعا انا اللى هاكسبها

يبفى نسميها اييييييييييييييييه ؟

وكمان تعالى هنا اشمعنى انا اتقلبت كده بدرة قادر لــ زهر
جت منين زهر دى ان شاء اللللللللللللله ؟

الازهرى يقول...

يوسف

يعنى فقرى اتخرب بيته على ايدك ؟

الحمد لله مفيش فقر بعد كده يا رجاله

تحياتى وتابع وانت تعرف الباقى

الازهرى يقول...

مرررررررررررر
وهيجى منين الفل بس وانت موجوده ؟

وكمان تعالى هنا
اسألى كل الناس وأولهم شموسه
تقول لك انه كان يوم حظها يوم ما اتقابلنا

بس بلاش تسئلى المفتش كرومبو وسحس بتاعه

ماشى ؟

الازهرى يقول...

ايييييييييييوه
111

بس دا يعنى ايه
ما هو لو 911 كنا قلنا بوليس النجده يريحنا منك
انما ده اييييه ؟

الازهرى يقول...

أحلام حقيقية

طيب بالعقل كده خلينا فى كلامك

ازاى انت بتزصيها تدبح له القطه وتوريله العين الحمرا من اول يوم
وبعدها تقولى جنس ناعم
اعقليها لى انت ؟



على فكره كنت متوقع ردك ده وصراحه كنت بستفزك علشان تخرجى وتضحكى وتختلطى من جديدي بالكل
مش معنى ان مفيييش فى دماغك حاجه جديده اننا نقعد ونستسلم
لو عازه اجازه خديها من حقك بس تكون اجازه حقيقيه
يعنى ابعدى عن الكومبيوتر كله لو تقدرى وفرغى ذهنك فى نشاط تانى
قراءه زياره للأهل والأصحاب
اقعدى مع اخواتك اتكلمى مع ناس جديه
هتلاقى ذهنك صفى للأخر وترجعى احسن من الأول
انما لو موجوده ادخلى واتفاعلى وححاولى غير ى المود زى ما بيقولوا وباذن الله ترجعى احسن من الأول
الا الميل بايظ ومش بيستقبل ليه ؟


تحياتى دوما

الازهرى يقول...

الكحيان

أتمنى ألا تكون أخر مرة لك
وألأا تخاف من المقالب فعى عادة تأتى كرد فعل لا كفعل

والتواصل شرف لى
كما أتمنى أن تزور الفارس الأخير وتعطينى رأيك أيضا

الازهرى يقول...

فراشتنا الجميله

تؤتؤتؤتؤ
ما احبش كده
فى انتظار اكتمال الرؤيه

واصدار القرار

تحياتى دوما

دعاء مواجهات يقول...

اية ياعم دا دا انت كنت شغب بقى مع انك ميبانش عليك خالص على فكرة

لا دا احنا كدة نحترس منك بقى

سلاااام

marmar يقول...

كرومبو وسحس مره واحده :@ دنا هووولع فيك قررررريب صبررررك عليا يا بتاع يوم الحظ انت :@

111
الله واحد
العمر واحد
القلب واحد


ومرررررررررمرررررررر واحده :d

شمس النهار يقول...

مش هقول غير ياشريرررررررررررررررر

ومالهم الامامير

انت غيران منهم
صح

طب خاللي بالك علشان واحده منهم عيد ميلادها التلات الجاي بس خاليها في سرك

اسماء واحلام فى وجدانى يقول...

هى وصلت للانذرات كمان

شكلك واصل اوى يا ريس وصيتك كمان واصل معلش يا ابنى اصل الاذى ده شىء ممتع جدا انت هتقولى

الازهرى يقول...

دعاء مواجهات

طيب تحترسى ازاى وانت مش بتيجى هنا اساسا

على العموم الحكايه لها باقى

الازهرى يقول...

مررررررررررررررمررررررررررررر

انت مش عارفه مين كرومبو وسحس ؟
أأأأأأأأه صحيح انت كنت غايبه ايامها

حاولى تراجعى اللى فاتك
او تستنى بكره بالليل هتلاقى ليله كبيره قوى قوى قوى

وكمان
911 برضه احسن
تريحنى منكن

الازهرى يقول...

حتى انت يل شموسه بتقولى شرير
للدرجه دى دهب بتغير الناس ؟

انت قبل ما تسافرى كنت بتقولى مش لايق على دور الشرير والا ايييييييييييه ؟

وطبعا ولا كأنى سمعت أى حاجه اطلاقا

الازهرى يقول...

اسماء واحلام فى وجدانى


لو ناوى تقف معايا حقيقى
خليك موجود بكره بالليل هنا

ألـــــــوان الحيــــــــاة يقول...

فيه بوست عندى عالريدر بعد البوست ده بس مش ظاهر هنا

غيرت رايك ومش عايز رأينا ولا اييييه ؟؟؟

yoyo يقول...

هو فيه بوست ولا دى خودعة بقى

الازهرى يقول...

ألوان

انتم أخر بشر على وجه الأرض أساسا يهمنى رأيكم

فاكرين نفسكم مين يعنى

بس هو عطل فنى

الازهرى يقول...

يويو

لا مش خدعه ولا حاجه بس عطل فنى