الثلاثاء، 21 يوليو، 2009

تاج + تهنئة لمركب ورق



مع كل الإحترام للأخت صاحبة المدونة الجميلة مركب ورق فى إيقاف التعليقات على موضوعاتها فلم أجد سوى هنا كى أقول لها ألف مليون مبروك على النجاح وبإذن الله يكون بداية لمشوار آخر من النجاح والتفوق والرقى
*************************************************************
حزب الشر والأذى




بصراحه يا جماعه أنا حاسس بالذنب ، حزب الشر والأذى أنا حذرتهم كتير وانتم شاهدين ، وبعدها بدأت اناوشهم على خفيف كده ، فوجئت إنهم انهاروا كلهم وبداوا يختفوا وعلى رأسهم الزعيمة ( وطبعا بدون أسماء كالعاده منعا للإحراج )
واتضح إنهم فشنك وكلام على الفاضى ، وطبعا أنا قلبى طيب وخسارة نخليهم يقعدوا مقهورين فى البيوت قررت إنى أسامحهم وعفا الله عما سلف ويا بخت من قدر وعفى إلخ إلخ إلخ .......................
وحل التاج ده عربون لصفحة جديدة ورجاء لرجوع صاحبته من تانى لمدونتها الجميله



نبدأ التاج بقي
من أنت ؟
الأزهرى
وما الذى تفعله هنا ؟
أحاول اثبات شىء ما يتضح خلال الفترة القادمة
إسرائيل تقصف كل جنوب ممكن بحثا عنك، أى شمال ستقصد؟
نفس ما أفعله الآن ، أعد نفسى ومن حولى للمعترك القادم
أنت مكلف بحذف حرف من حروف اللغة العربية.. أيها ستختار ولماذا؟
أختار أن أحذف من على وجه الأرض من كلفنى بهذا ، لأن اللغة كيان كامل وهى جزء من هويتى ، فمن أراد أن يمحو هويتى أمحوه أنا أولا
لو قدر لك أن تدخل السجن فما هي القضية التي تتمنى ان تدخل بها إليه؟
الدفاع عن الوطن
منذ متى اكتشفت نفسك؟
تصور ت أننى أكتشفتها فى أجازة الصف الأول الثانوى ، وأكتشف أننى كنت واهما
على مفترق طريق لافتتان، اليمنى تقول (إلى حلمك) واليسرى تقول: (إلى مالم يحلم به البشر)، أي الطرق ستسلك؟
إلى حلمى
نحن لا نعيش حياتنا بل نتعلم فيها كيف نعيش ما تعليقك؟
نحن نصنع حياتنا ، تبعا لما تعلمناه فيها ، وأثناء ذلك نعيشها ، أو كالبعض نظل متوجسين فنفقدها
بجملة واحدة فقط أكتب تعريفاً لكل كلمة من الكلمات التالية:
الوطن : مصر ، بأيدينا قتلناها وبغير أيدينا لن تعود
الأم : أمى ، مأواى من سفرى الطويل فى الحياة
الليل : مأساة
الحب : لا تصفه الكلمات
أمريكا : مقاتل عجوز يحتضر
المرأة : ( الأنثى ) من أرحامهن نخرج ، وإليهن نلجأ حينما تضيق الحياة بنا ونحتاج إلى السكن
الصمت : لغة قل من يفهمها
الانترنت : عمل وتعلم وتواصل
اختر منصبا واتخذ قرارا؟
وزير التربية والتعليم والإعلام ، والقرار إصلاح الوزارة فورا بما يتفق مع أحدث النظم العلمية ودون التخلى عن مبادئنا الأساسية
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟
من قال ذلك يتجاهل تاريخا عريضا للشعر النسائى يبدأ بالخنساء وينتهى الكثيرات فى العصر الحديث مرورا بالعديدات ( هذا فى اللغة العربية وحدها ناهينا عن باقى الأمم )
أن تكون مطلوبا لارتكابك جريمة، خير لك من ألا تكون مطلوباً مطلقاً، هل تتفق مع هذه العبارة ؟
لم أجرب شعور ألا أكون مطلوبا وبذلك لا إجابه
إلى أين تمضي كلمات الحب .. بعد أن نقولها؟
إن كانت صادقة فمن المؤكد انها تستقر فى قلوب من نحب
هل تجد علاقة بشكل أو بآخر بين المرأة وقطاع الطرق؟
قاطع الطريق يسرق منا ما يمكن تعويضه ويمضى ، أما المرأة ( الأنثى ) فتسرق أعز ما نملك وتترك لنا الذكرى نعيش عليها وتكوينا
هذا فراق بيني وبينك .. متى ولمن تقولها؟
الأحمق الذى لا يدرى أنه أحمق
كيف هو غداً؟
كما نبنيه اليوم
لمن تمرر التاج؟
كالعادة لا أحد والأسباب معروفة

هناك 72 تعليقًا:

فراشة يقول...

هو انا اول تعليق ولا بيتهيألى

فراشة يقول...

اووووووووه اول تعليق بجد مش هزار

مش مصدقة

فراشة يقول...

بص بقى يا ازهرى اللى لا حظته فى التاج بتاعك ده انى بستمع لاجوبته شخص ملىء بالعزيمة والارادة وعزة النفس والكرامة و اعتزاز بوطنيته واهله
واحترامه للمرأة وان كانت تحمل له بعض القسوة من سلبها للقلوب

وكمان شموخ ونظرة مشرقة للحياة

ده بالظبط اللى حسيته فى اجاباتك

يارب اكون صح ويارب تفضل كده على طول

تحياتى ومبروك عليا التعليق الاول

شريكة في المطعم يقول...

اجابات جميلة
وتشير لشخصية طموحة وعندها امل كبير واصرار في تحقيق مستقبل جيد
واهم حاجة احترام المرأة....

منى يقول...

اولا كل سنه وانت طيب
ثانيا اجاباتك مميزه جدل
ثالثا انتظر اجابات اكثر تميزا على التاج بتاعى
تحياتى

ABOALI يقول...

يا هلا يا هلا

مرحب بالتاج ومن لبسه

اشاركك الراءى بعودة البعض الى حظيرة التدوين من جديد وعدم استسلامهم لمناوشات الحياة

التاج واجاباته كلها تمام فى تمام
واضح انك نقشتها كويس شكلك كنت بتذاكرها

بس وصولا الى الليل بان قلبك القاسى

فالليل هو روح النهار منه نبنى ما نجنيه فى النهار
فيه تنمو الاحلام وتتعاظم امانينا
فيها يحلو السكن الى الاحباء

وفيه الكثير والكثير

شكلك كنت بتكتب اجابات التاج والنور قاطع
عووووووووووووووووو عوووووووووووو

لك خالص تقديرى

romansy يقول...

فيك الخير يا ازهرى
هما زى القمر بيغيبوا يغيبوا وبعدين يظهروا طول الشهر بقى

مبروك التاج الجميل يا ازهرى
وان شاء الله تطمن على حزب الشر والاشرار
ومن ضمنهم يويو
اللى سافرت معرفش فين
وشكلها سابت الدنيا بحالها

norahaty يقول...

إجاباتك حلوووووة
ياأزهرى أمال ايه؟
ازهرى وفعلا أزهرى
ربنا يحقق لك احلامك
وامالك كله وحزب النواعم
مش(الشر والاذى )زى ما بتقول
يرجع الى قواعده قصدى مدوناته
سالمـــــــــــــــــــــــــاً

احمد بدر الدين يقول...

السلام عليكم
وبدأت حملة ( مين هيفطر أكتر )
هل ستشاركنا وتأخذ الأجر معنا
هيا اذن لنشمر السواعد ولنعلى الهمم
ولنخلص لله النوايا
الم تسمع قول النبى صلى الله علية وسلم ... عن زيد بن خالد الجهني قال : قال صلى الله عليه وسلم : " مَن فطَّر صائماً كان له مثل أجره غير أنه لا ينقص من أجر الصائم شيء "
أدخل على هذا الرابط وشاركنا
http://3amood.blogspot.com/

MaNoOoSh يقول...

هه.. مين.. فين..
اموت واعرف مين اللي زئني!!!!

ايوشة يقول...

على فكرة انت شرير حتى فى اجابات ومش هغير رايى P:

بس ياريت لما اسرائيل تقصف الشمال ولا الجنوب تقف فى النص علشان فى كلا الحالتين تجيبك :))

لا بهزر طبعا اجابات ماشاء الله منظمة ومدروسة

MaNoOoSh يقول...

بقى احنا فينا من إلخ إلخ إلخ

MaNoOoSh يقول...

اما بقى عن علاقة المرأة بقاطع الطريق...

ان كان كداااااااا ماشي
هههههههههههههه

بس بردو انتوا اللى بتتسرقوا بإرادتكوا
احنا ملناش دعوة
طب دا احنا نسممممممممممممة

MaNoOoSh يقول...

وعلشان خاطر التاج الجميل ده هنزل بوست النهاردة ان شاء الله

بس لو مكنتش تحلففففف
هههههههههههه

العصفورة يقول...

السلام عليكم
ما شاء الله
إجابات حضرتك أكثر من رائعة
خالص تقديرى

لحظة تأمل يقول...

لم تساعدنى كلماتى لتعبر عن سعادتى باجاباتك

لا اجد الا ان اقول اننى حقا اتشرف بمعرفتى بشخصيك وكلماتك

تحياتى دوما

AhmeD 3llaM يقول...

حقيقي يا صديقي
لي الفخر لانك ازهري
تحياتي لك دوما

dalia يقول...

ازيك يا أزهرى
سامحنى مقصره معاك بس متبعاك كويس الشغل واخد كل وقتي تقريبا بس الاجابة على الاسئلة في الجون ورائعة بجد خاصة ي الطرق ستسلك؟
إلى حلمى
رائع يا أزهرى تحياتي

كيكى عوووووو يقول...

مممممممم اولا انا محبش التاج دة بالذات!!! اه والله حاسه ان فى طار بينا
بس بجد اول حد اشوف بيحل بعقل اوى كدة
بس اختلف معاك ان امريكا مقاتل عجوز!!!

عمرو يقول...

هذا فراق بيني وبينك .. متى ولمن تقولها؟
الأحمق الذى لا يدرى أنه أحمق

**********
الله ينور عليك يا أزهرى .. اٍجاباتك منطقيه و مرسومه بدقه و فى نفس الوقت تلقائيه بس السؤال ده و اٍجابته عجبونى منك أوى أوى ..
تقبل تحياتى و تقديرى ..

الازهرى يقول...

فراشتنا الرقيقة
أيييييييييييييييييييوه أول تعليق

الازهرى يقول...

مبروك أول تعليق
وعقبال المونديال
وصدقى سهلة
مش أول تعليق لأ المونديال

الازهرى يقول...

فراشتنا الرقيقة

بجد مش عارف أقول إيه
أنا لو فى كل ده يبقى انسان جميل أتمنى أكونه

واتمنى من الله انى اكون جزء من الكلام ده
معنى كده انى قربت اوصل لهدفى

تحياتى وخالص مودتى

الازهرى يقول...

شريكة فى المطعم

على فكرة الشراكة مش حلوة بتقلب بغم فى الاخر
انا جاى اهدى النفوس طبعا

لو لم احترم المرأة لكان هذا نقص فى دينى وعدم فهم لدورهاالحيوى فى المجتمع

تحياتى دوما

الازهرى يقول...

منى

كل لحظة وكل أحبابك بخير وسلام

وبإذن الله تاجك فى الطريق

تحياتى دوما

الازهرى يقول...

أبو علىىىىىىىىىى

والنبى يا اخوى الفرق بين بداية الاجابة ونهايتها نص ساعة يا دوب
يعنى حل على السريع كد

والليل فيه مما فيه أيضا
الذكرى وعذابها
وأحلامنا التىلم تتم وننتظر ربما يوما نجدها ثانية

وكمان النور ده يقطع عندكم انتم
عندى لو النور قطع
اقطع رقبة المسئولين عنه فى المنطقة
تحياتى دوما

الازهرى يقول...

رومانسى الغالى

المشكلة يا صاحبى انهم حاجة غريبة كده
لو موجودين يخنقونا
ولو اختفوا ندور عليهم
مش فاهم ايه ده؟

ربنا يعيننا عليهم

ويويو تلاقيها عرفت اننا ناوين لها على حرب خافت وجريت

الازهرى يقول...

نورا هاتى

ربنا يخليكى يا رب
ويحقق لك كل احلامك

اما بالنسبة للحزب
فدا حزب مشايخ الخفر
نواعم ايه بس؟

الازهرى يقول...

أحمد بدر الدين

شكرا على الدعوه الجميلة
وباذن الله البيها

وكل سنة والجميع بخير

الازهرى يقول...

مانووووووووووووووووووش

إمتى
زاى
راح فين ؟

أكيد واحد متغاظ (وبدون ذكر أسماء)

الازهرى يقول...

ايييييييييييييوشة

وايه يعنى شرير
الشر اليومين دول بيكسب حلو قوى

وكمان صدقينى سواء اسرائيل قصفت الشمال او الجنوب ستجدنى
تعرفى إزاى ؟

سفروتة يقول...

أنت مكلف بحذف حرف من حروف اللغة العربية.. أيها ستختار ولماذا؟
أختار أن أحذف من على وجه الأرض من كلفنى بهذا ، لأن اللغة كيان كامل وهى جزء من هويتى ، فمن أراد أن يمحو هويتى أمحوه أنا أولا
.................
يا سلام عليك يا والدي
الكلمتين دول دخلوا في المخيخ تمام
يسلم فُمك
D:

حلو التاج ده

دمت بخير
:)

الازهرى يقول...

مانززززززززززززززززززوش

أييييييييوه
فينا من إلخ إلخ
ولو مش عاجبك
البحر كبير

الازهرى يقول...

نسمة ايه بس ؟
انتوا هتصدقوا
انتم زعابيب يا بنتى

ومش بارادتنا صدقينا

الازهرى يقول...

بس انا ما حلفتش والا حاجة
احنا بنتلكك بقى

الف حمد لله لعى سلامتك
بجد فرحان لرجوعك وعقبال الباقيين

الازهرى يقول...

العصفورة
وعليكم السلام ورحمة الله وبركاته

ربنا يخليكى يا رب

شكرا على مرورك الجميل واتمنى دوما دوام التواصل

تحيات دوما

الازهرى يقول...

لحظة تأمل

صدقينى الشرف كل الشرف لى لمعرفتى بكم
واعتز جدا بصداقتكم

تحياتى وخالص مودتى

الازهرى يقول...

صديقى العزيز
احمد علام

الشرف لى أنا اننى أزهرى

تحياتى وخالص مودتى

الازهرى يقول...

داليا
مسامحك من غير أى حاجة
طبعا يهمنى إنك تكونى ناجحة فى شغلك

دا برضه يفرحنى
وحلمى أنا عرفه لكن ما لم يحلم به البشر ربما لا أعرفه ولا أرضى به

الازهرى يقول...

كيكي عوووووووووووووووووووووووووووووو

يعنى أنا عاقل ؟
أحمدك يا رب
دى شهادة أدخل بيها العباسية وأنا مطمن

وطبعا من حقك تختلفى
ويبقى الود بيننا

تحياتى دوما

الازهرى يقول...

صديقى الغالى جدا عمرو

صدقنى كانت الاجابات فى مجملها تلقائية وتعبر عما بداخلى

وبخصوص الأحمق فهى نصية الإمام على لنا
ان نجتنبه

تحياتى وخالص مودتى

الازهرى يقول...

زعيمة كوكب السفاريت

أزى الحال ؟

وهل كلامك ده معناه انكم عندكم فى الكوكب مخيخ ومخ وحاجات من دى برضه ؟

تحياتى دوما

غروب يقول...

عفا الله عما سلف

رغم انى حسيت انك بتهرج او مش متابعه الموضوع لكن بجد والله انا نفسي ان المبدا ده يسود شويه

كنت من فتره والله العظيم ببكي بسبب النقطه دى

لما شوفت دموع اخ بيصالح اخته الاكبر وفي نفس الوقت مش قادر يصالح اخوه

طيب لما مبدا التسامح موجود ليه لا؟؟

ما علينا

بالنسبه للاجابات بجد حلوه اوى يا ازهرى

ربنا يوفقك

بس في نقطه انت فتحتها عندى وحبيت ارد عليك فيها وهى انك قوزلت مش في مانع من قراءه الانجيل والتوراه كمان وانك حافظهم

انا مش موافقه الحقيقه على التعميم لانى وااااثقه جدا ان ممكن مسلم يقرا الانجيل يحصل ليه نوع من الخلل او انه يقتنع ببعض الاشياء مع العلم انه مش انجيل صحيح

سفروتة يقول...

هههههههههههههههههههههههههههههه
سؤالك برئ يا ازهري
بص يا ابني
ادخل علي جوجل ودور علي الموسوعة بتاعتنا
سفروبيديا
تمام؟؟
وهتلاقي هناك كل ما يخص السفاريت وتاريخهم ... وحدوتة المخ والمخيخ

D:

الازهرى يقول...

غروووووووب

عفا اله عما سلف
دى تاريخ كبير محتاجة ترجعى فى المدونة شويتين علشان تعرفيه
لكن هى فى نفس الوقت مش تهريج
لانى اتعودت لازم يبقى فى معنى فى لموضوع وانا باكتب

*******************
اما بخصوص قراءة الانجيل والتوراة وغيرهم من الكتب سواء لمسلمين او لغير للمسلمين او حتى للملحدين
فكان موضوعا لنقاش واسع بينى وبين اصحابى واكثرهم يعارضوننى
ورأيي الذى سألت فيه الكثيرين وآخرهم الدكتور محمد عمر الأستاذ بقسم الأديان ببكلية الدعوة الاسلامية
أنه يمكننى أن أقرأ ما أريد بشرطين
الأول أن يكون هذا وأنا على يقين مما أنا عليه (ولهذا فنحن نحفظ القرآن أولا وندرس تفسيره واعجازه وبعدها ندرس ما سواه )
والثانى أن نلجأ فى حالة الشك وفورا إلى أقرب عالم نثق به ليفسر لنا ما يعترض فهمنا أو ما نسىء تأويله وهو ما فعلته كثيرا مع الشيخ عطية صفر ولمسير رحمهما الله والدكتور الجوهرى وغير هم من الأساتئه الموجودين رزقهم اللخ الصحة جميعا

تحياتى دوما
وأهلا بالنقاش والإختلاف

الازهرى يقول...

سفرووووووته

أنا دخلت على جوجل حسب التعليمات
لكن لقيت بعد البحث حاجات مش حلوة خااااااااااالص
يعنى
إنكم غير معترف بيكم من اتحاد الكواكب
وكمان غير معروف التشريح العام للسفاريت
ولاتوجد دراسة مقننه عن الفسيولولجى الخاص بكم

يعنىمن الاخر مش عاملين لكم اى اعتبار

سفروتة يقول...

اخ
انت بحثت في جوجل بتاع الارضيين بتاعكم؟؟
نسيت اقولك انت المفروض تبحث في جوجل بتاع السفاريت
معلش
هبقي ابعتلك اللينك
D:

الازهرى يقول...

سفرررررروته
أخت

أنا فى الإنتظار على أحر من الثلج

يمكن نعرف لكم منشأ أو مثوى
أو أى حاجة

ادم المصرى يقول...

تاج جميل مووووت
بس اجباتك اجمل يا ازهرى

شمس النهار يقول...

ازززززززهررييييييييي
كده
اسيب البنات امانه في عنقك
تعمل فيهم كده
انت هتبور لي البنات دي والا ايه
حزب الشر حزب الشر
كده:)

الطيب احسن

اجاباتك علي التاج لطيفه بس ليه الليل مأساه
ده احلي ساعات اليوم

EMMY BABY يقول...

احم احم ايه الاجابات دى ياعم بس بصراحة كانت متوقعة من ازهرى اللى طول عمرى عارفة عنه اعتزازه بنفسه وبوطنه

عجبنى التعريف اللى حطيتة للام وللمراءة اوى

بس الليل ممكن يكون اجمل لحظات مابين ايد ربنا

بالنسبة لان المراة تشبه قطاع الطرق فهل يختص هذا التشبيه بالمرأة لوحدها لا اعتقد فيوجد الكثير من الرجال ايضا قطاع طرق

بصراحة تاج جميل وصعب فعلا مش هزار

وفك التكشيرة دى اللى بقالك فيها فترة الحياة حلوة وجميلة

تحياتى

ايمى

د. ياسر عمر عبد الفتاح يقول...

إيه الدماغ العالية
تيلم إيدين كالإثنين يا عم

الإجابات كلها نموذجية ولم تخرج عن كتاب الوزارة

طوبة ذهب وطوبة فضة يقول...

gmela awy wsdka awy agabatk bs msh 3rfa leh ma mrrtsh el tag gmel awy klamk 3n el 7ob wlmraa rbna ykrmk blzoga el sal7a

حوراء المقـدسية Jerus Nymph يقول...

مبارك التاج اخي ,,,


موفق ان شاء الله

صدى الصمت - عاشقة الورد - يقول...

إجاباتك ترسم جزء كبير من شخصيتك
ولكن لماذا الليل هو مأساه ؟؟؟
هذا ما إستوقفنى
تحياتى

وجه جديد د.أحمد عثمان يقول...

اجاباتك تدل
انك تفكر بمنتهى العمق
و تتكلم بمنتهى البساطة


بسيط عميق انت

غروب يقول...

الازهرى

جميل انك عارف انه بيبقي مفضوح جدااااااااااااااااااااااا

ياريت الكل يعرف

انا كمان بحب اسكت واسمع واهو انا المستفيده

لما الاقي راين مختلفين وكل واحد بيثبت رايه ببراهين مختلفه يبقي انا استفدت من الاتنين وف الاخر حتى لو مش عندى خبره ولا راى ف الموضوع اقدر اكون راى وافهم الموضوع

لكن الشئ لامزعج انهم مش بيستنوا لما كل واحد يخلص كلامه خالص يمكن عمو بس اللى كان بيعمل كده الباقي كله على كله

هههههههه

يلا ما علينا

اما بقه حكايه قرائتك في الانجيل دي

انا بصراحه ارفض

لاننا مش علماء وجايز جدا يحصل خلل او زعزعه

خصوصا ان الانجيل الموجود محرف

كمان احيانا بيكون المسلم مجرد ديانته كده في البطاقه

يعنى مسلم بالاسم

بس مسلم

بمعنى انه ممكن جدا يكون في فروض عليه مش بيعملها وممكن يكون مستتقلها احيانا بس عارفه انها موجوده ولابد منها والنوع ده كتييييير

يعنى تلاقي عنده عادى جدا لو ساب فرض في صلاته

لو فطر يوم اللهم عافينا

لو لو لو لو

مسلم زى ده مهمااااا كانت اخطائه لو قعد مع مسيحي هيفضل فاكر انه مسلم وهو مسيحي

لكن تخيل بقه لو نففففففس المسلم قرا الانجيل المحرف وحطلى تحت المحرف مليون خط

طبعا هيلاقي الموضوع اسهل بكتييييير وممكن يعتنقه لو مش علشان اقتنع هيبقي علشان اسهل ليه

وطبعا المسلم اللى اقوى منه شويه هيسال يا ترى اقتنع ليه ؟؟؟؟؟ ويبدا يقرا ويمكن يقتنع

يبقي قراءه الانجيل في نظرى للعلماء فقط

اتمنى تكون فهمتنى وانا منتظره المناقشه برضه

حتى مع الاختلاف ومرحبه بده جداااااا

نورت

اقصوصه يقول...

مبرووووك التاج

اجابات جميله

تقبل مروري:)

shimaa يقول...

الله يبارك فى حضرتك بجد شكرا على التهنئة

أتمنى انى افضل متابعة حتى فى عدم وجود التعليقات

اجابات التاج مميزة فعلا

جزيت خيرا ان شاء الله

rovy يقول...

السلام عليكم

اجابات رائعه يا ازهرى لتاج جربته وبأعترف انه صعب بجد و حقيقى برافو عجبتنى جدا اجاباتك ..

خالص تقديرى اخى الكريم

تحياتى دوما

الازهرى يقول...

شموستنا الغالية

ترجعى بألف سلام مليون سلامة يا رب

والبنانيت أنا سامحتهم أهه علشان خاطرك
وبدأنا صفحة الجديدة
المهم يلتزموا هم بالكلام ده

والليل جميل
لكن المشكلة فى ذكرياته

الازهرى يقول...

صغنونتنا إيمى

إحم دى بتخوفنى مش عارف ليه ؟

ربنا يخليكى يا رب

الليل فيه حاجات كتير
وأنا أقوم فيه وأقرأ القرآن وغير القرآن ولكن يبقى وقت للتفكير
هو ما أقول عنه أنه ماساة بالنسبة إلى


تحياتى دوما

الازهرى يقول...

د.ياسر

يعنى كده ممكن اجيب مجموع وأدخل معهد

ربنا يكرمك يا رب

الازهرى يقول...

طوبة دهب وطوبة فضة وطوبة بلاتين

بصراحةأنا ضعيف فى اللغة

إنما أنا لست من محبى التيجان وبذلك لا أهديها لغيرى

ولكن التاج القادم سيكون فيه إهداءات لأننى أجد فيه معانى جيدة

الازهرى يقول...

حوراء المقدسية

جزاك الله خيرا
وشكرا على مرورك الجميل

الازهرى يقول...

صدى الصمت
أختى العزيزة

شكرا على الكلمات الرقيقة

ولكن الليل عندما يرتبط بالذكرى
فنادرا ما يكون فيه البهجة

تحياتى دوما

الازهرى يقول...

أخى الجميل
د/أحمد عثمان

رائعة كلماتك
وأتمنى ان أكون مستحقا لها

تحياتى دوما

الازهرى يقول...

غرووووووووووووب

المهم إنك تستفيدى منهم

نرجع بقى للإنجيل
أولا أنا عارف إنهم محرفين
يعنى أنا مثلا عندى فى البيت الأناجيل الأربعة وكمان إنجيل برنابا الغير معترف بيه منهم لأنه بيعترف بنبوة النبى عليه الصلاة والسلام
والأناجيل حاليا عددها بالألاف والرقم ليس مبالغة

أما عن قرائة أى منهم فذلك لا بأس به لأن من يريد الرقاءة غالبا سيكون على وعى
كما أننى أشرت إىلى وجوب أن يلجأ لأهل العلم فى ما يلتبس عليه من الأمور
أما مسلم البطاقة فهو عادة لا يقرأ القرآن أساسا فهل تعتقدى أنه سيصبر على قراءة غيره ؟

تحياتى دوما

الازهرى يقول...

أقصوصة

شكرا على تعبيرك الرقيق

وأهلا دوما بمرورك فهو يسعدنى للغاية

تحياتى دوما

الازهرى يقول...

شيماء

أتمنى أن يستمر النجاح والتفوق وأن نكون على علم بأنك على خير دوما

تحياتى دوما

الازهرى يقول...

الغالية أم مريم

شكرا على اطراؤك الجميل
وأتمنى دوما أن أكون كما تحبون

تحياتى وخالص مودتى

الازهرى يقول...

آدم المصرى
أعذرنى يا صاحبى كنت هانساك

ربنا يخليك ويديم المحبة