الخميس، 26 فبراير 2009

اشهد يا تاريخ

اشهدوا ياعالم

اشهدوا يا خلق
أنا خلاص هارتكب جناية والدم هيبقى للركب
أنا كنت مستحمل الموضوع بالعافية لكن الكيل فاض بى
والصبر نفد
وجبت أخرى
وباقى ثانيتين وأتجنن واعمل اى حاجة
إيه ؟
بتقولوا أهدى ؟
أهدى مين يا عم إنت وهو وهى انتم مش شايفين اللى بيحصل
أنتم مفيش عندكم علم إزاى ؟ دى فضحانى فى كل حته
طيب ما علينا أنا هأحكى الموضوع من أوله وأنتم تحكموا أتفقنا
كانت البداية من حوالى 3 شهور وكانت
الهانم بتعلق عندى وفى نهاية التعليق كتبت D: وطبعا للصراحة يا جماعة أنا فاشل جدا فى موضوع لغة الشات دى وآخر مرة لى على الشات كانت فى يوليو 2004 وطبعا أنا قلت بالمرة دى فرصة إنى أعرف بالمرة شوية معلومات فى الموضوع ده وبحسن نية سألتها فبينت لى أنها بتسامة وكمان كتبت حوالى أربع رموز كمان بمعانيهم
وبعدين كانت طلباتها ( واحد زجاجة حبر حجم صغير للكيبورد بتاعتها ) وإدعت إنى السبب فى إنها خلصت الحبر

طبعا السبب غير مقنع ، لكن أنا قلت يمكن تكون محرجة من إن الحبر خلص من عندها وأنا عارف إن ميزانية الخريجين بتبقى على الحديدة وأحيانا بيبيعوا الحديدة كمان فأنا وبكل كرم وشهامة قلت فى نفسى ( أختك فى زنقة ومحتاجة حبر ضرورى) وبدلا من إنى أبعت واحدة بعت سته ومن الحجم الكبير

مع TNT لا يا جماعة مش متفجرات ( مع انى دلوقتى نفسى كانت تكون كده ) دى شركة البريد
واهو برضه كله بثوابه
لكن غبت يومين رجعت لقيتها بتقول إن الحبر ما وصلش
فاتصلت بشركة البريد لكن مديرها أكد لى إن الطرد وصل بسلام وعنده وصل بكده وعليه إمضتها فأنا قلت له يبعت لى نسخه منه والراجل صراحة وفى أقل من ساعتين كان عندى صوره من الوصل بالإستلام وكمان بعته مع نفس الراجل اللى وصل لها الحبر علشان يأكد
رجعت أكلمها يمكن الحبر وصل وهى مش واخدة بالها ، لكن فوجئت إنها مصرة على كلامها وكمان طلبت تعويض عن الضرر مصنع حبر كامل

وبدأت تتكلم فى كل حتة على الموضوع ده لحد ما شهرت بى
لحد كده وأنا الفار إبتدى يلعب فى كل حتة حواليا مش عبى وبس

وكنت ناوى أبلغ النيابة لكن فى ناس يعز علي زعلهم كانوا بيحبوها وعلشان كده صبرت وطنشت الموضوع ، لكن كانت المفاجأة إن اللى لبست لبس الرهبان

رفعت على السلاح و صعدت الموضوع وبقت بتطالب بمصنعين مش مصنع واحد وكمان بتهدد إنها تولع فى المكان وحاجات كتيرة زى كده
طيب ده بالذمة مش ظلم ، وطيب لما ألاقى نفسى بأتظلم يبقى من حقى إنى أرد على الظلم ده ، طيب ولما تلاقوا واحد مظلوم بيبقى رد فعلكم إيه تقفوا معاه وألا مع الظالم
يا جماعة لوسكتنا على الظلم واتجبر يبقى العيب فى الظالم والا فى الناس المستكينة له ورافضة إنها تتحد ضده وتحاول تغيره
ولو بدأنا نتنازل ونخضع له ، هل فى حد متخيل إن الظالم بيقف من نفسه كده لله فى لله
أفيدونى أفادكم الله

هناك 88 تعليقًا:

Sweet Violet يقول...

ايه ده صورتى موجوده

احجز اول تعليق

هقرا و ارجع

Sweet Violet يقول...

بس انت حاطط صورتى ليه هه ؟؟؟

Sweet Violet يقول...

طيب هروح اشوف الموضوع عن ايه و ارجع

لما نشوف عملت ايه بصورتى

Sweet Violet يقول...

رابع تعليق بقى علشان لما اقرا يكون الخامس

و خمسه و خميسه فى عين الحسووووووووووووود

Sweet Violet يقول...

ههههههههههههههههههههههههههههههههه

ياعينى ... انت كل ده شايله فى قلبك و ساكت

هههههههههههههههههههههههه

على فكرة بقى الوصل قولت مزيف .. و انا اللى هرفع عليك قضيه

و المصانع هتيجى ياازهرى احسن لك .. انا بقول اهو

لحسن ضد هترجع تانى و تولع و تكسر فى المدونة و اخليها تفقد الذاكرة و ماتبقاش ذكريات

هو احنا بنلعب ولا ايه ؟؟؟

و كمان تعالى مين اللى خلص من عندها الحبر و مكسوفه و الكلام ده

انت اللى خلصت الحبر بسبب الدروس بتاعتك دى

ولا هو الدروس ببلاش و لا ببلاش يعنى

^^^^^

من الواضح ان الليل عندك عكس الليل عندنا ((:

واخد بالك انت ههههههههههههههههههه

^^^^
آآآه و كمان هرفع قضيه على استخدام صورتى و بروفايلى بدون علمى هه بس

و قضيه علشان بتقوم المدونين عليا و بتعمل حزب ضدى

و قضيه لتزيف الحقائق

امممم هما بقوا كام لحد دلوقتى ؟؟؟

آه 4

نكمل بقى

و نختمها الخامسه قضيه انك بتضلل المحكمه ايوة لانك قولت توقيت و عملت توقيت عكسه خااالص

و كمان قضيه علشان بتهددنى تحت السلاح ايوااااااااااااااااااااان هو كده بقى

كده بقوا 6 تخيل يلا لما افتكر تانى هرجع اقول

ولا اقولك كل ده اتحكم فيه اصلا و ان شاء الله هحول اوراقك لفضيله المفتى و نرتاح بقى

و حذاااااااااااااااااااااارى الاقى حد هدى النفوس هنا

انا بقول اهو

انا اى نعم غيرت الاسم لكن بردو مازلت ضد التياااااااااااااااااااااااااااااااار

هع هع

marmar يقول...

الحل الوحيده
اعمل هاك على مدونتها واقفلها البلوج كله واعمل نسخه من مدونتك وغير اسمها وبكده هترتاح من كل حاجة
في ابسط من كده بزمتتتتتك ؟؟
انا بهدي النفوس يا ضد اهو زي ما قلتي ووصيتي
اي خدمه يا جماعه ؟؟؟
وارفع عليها قضيه تعدي وسب وقذف
يلااااااااااااااااا انشالله ما حد حوش
اما الحق امشي قبل ما حد يحدفني بحاجة

Sweet Violet يقول...

حتى انتى يامرمر مااااااااااااااااشى

بقى انا مكنتش عايزة اجى جنب المدونة بتاعتك

كده بقى يبقى هى كمان دخلت فى قائمه التوليع هه بس

و ضد راجعه تااااااااااااااااااااااااااااااااانى و بقوة

لما نشوف

و ادى قاعده بقى هنا

ابقى الاقى حد اتنفس هه بس

حروف يقول...

حمدلله علي السلامه الاول ثانيا ضد دية اختي ملكش دعوة بيها فاهم ولما تقول الحبر موصلش يبئا موصلش اةة محدش يحوشني هاتوا
"وش بيطلع نار من ودانة"

فضه يقول...

ارجو زياره مدونتى المتواضعه لاتشرف بارائكم

شمس النهار يقول...

خير اللهم اجعله خير
اهدا ياسيدنا الشيخ
كل حاجه تتحل بالود
والحبر اللي مزعلكم ده خلوه عليا ياسيدي
وهي وعدتني هتبقا كويسه
وهترجع ضد التيار
وبعدين انا شايفه المدونتين دول محتاجين اتنين امناء شرطه ونقطة بوليس علي بابهم
وتقطة اسعاف بالمره

thunder يقول...

ممممممممممممممم مافيش دم لية محدش عارف يهدى النفوس ولا اية ضد بفازة وفى دماغة انتى مستلمتيش الوصل والشركة كدابة ومتسيبش حقك فى ام راسة وعلية العوض فى الفازة هى اللى هتتكسر
اية يابنى انته هتسكت لها ولا اية البلد كلها عرفت كدا انا لو منك ادارى سمعة المدونين فى خطر سلط علية قتله ماجورين ولا اضربها بسفوراية مشهينفعكدا اخرك حبس شهر فى جهاز كمبيوتر
انا قولت اهدى النفوس بينكم وربنا يديم عليكم كل ود وخير يااارب ((وش مطلع لسانة))

Unknown يقول...

هههههههههههه
البنت دلوقتي بتمر بشهر غريب والناس كلها مضطهداها فيه
انت كمان هتجي عليها ولا ايه
ان شاء الله لما الشهر ده يخلص ممكن تفتكر ان الحبر وصلها وكل حاجه تبقي تمام

Kiara يقول...

هههههههههههههههههههههههههههههه
هههههههههههههههههههههههههههههههه

كل دا شايله في قلبك وساكت دا نت معبي بقي

ايه رايك انا شاهده الحبر مش وصل والوصل دا متفبرك ضحكوا عليك نياهاهاهاهاها

ضد وراها اسووووووووووووووود

SHAPE YOUR LIFE (ABOALI) يقول...

ياااااااااعينى
اذا دخلت حواء من الباب
امااااااااااا انى تصبح ملاك
او تصبح مملوك

فاختار وفكر كويس
وخلى بالك لكل واحد مميزاته

وعلى العموم
الى خناقة احنا معاك
واى محاوله للرشوة
هافكر

والاعمار بيد لله يا ازهرى
اجمد كده
الحديد رخيص بس الاسمنت غالى

فشكووول يقول...

ازهرى .. ايه الموضوع النهارده كله عمال يحارب بعضه ليه .. انت بحق اعلنت الحرب على سويت وحلاوه انت يا خويا بعتنى اشوف عندها ايه لقيتها مزنوقه فى مكروباص وكان الحرامى حيسرقها .. سيبها بقى فى حالها وروح واسيها وقول لها حاجه حلوه

المواضيع ولعت خالص والحرب بن المدونين اشتغلت وحتبقى حاجه هنجق خالص
تحياتى

الازهرى يقول...

ضد
مبروك اول تعليق
عقبال الثانوية العامة

الازهرى يقول...

ضد
حاطط الصورة علشان تنورنى طبعا

الازهرى يقول...

ضد
طيب وبعدين

الازهرى يقول...

ضد
لرابع مرة
يا مصبرنى يا رب

الازهرى يقول...

ضد الغالية

كل ده افترى
كده انا عملت اللى على ومفيش غير انى الجأ للنيابة
وطبعا نيجار بتحب الحق وهتقف معايا

نتقابل فى المحكمة يا هانم

******************************
مش قلتيلى
ايه رأيك لما نلاقى حد مظلوم نعمل ايه؟ ونقف جنبه ولا نسيبه؟ والظالم بيسكت لوحده والا لازم احنا نوقفه ؟

الازهرى يقول...

مرمر

اجراءات القضية بدأت من ساعة وربنا يعنى
وكمان موضوع الهاك ده فكرة حلوة ودراستى تؤهلنى انى اقوم بيه بكفاءة


لكن برضه فين اجابة السؤال ؟

الازهرى يقول...

ضد
وبعدين انتى جايه تهدديهم هنا والا ايه
لا دا يبقى حق عرب
تهدديهم عندى دا انا اجمع الرجالة ونيجى نخليها ضلمة
هى سايبة
لاااااااااااااا
التهديد يتسحب فورا

تامر علي يقول...

في خبير ممكن يرفع البصمات من على الوصل وخبير تاني يشوف التوقيع ... البلد فيها حكومة ومحاكم وحقك لازم يرجعلك ...وكمان نطلبلك نفقه قصدي تعويض :)

الازهرى يقول...

حروف

بقى اجتمعتوا ضدى
لا يكون فى علمكم انا لوحدى اولعها بلاد

يعنى كل واحد يلزم حدوده بدل ما النار تاكل الكل فى سكتها

وبرضه مستنى اجابة السؤال

الازهرى يقول...

فليسيتى
شكرا على الدعوة وسألبيها باذن الله

الازهرى يقول...

الحاجة شموسة
انا ساكت ن الاول علشان خاطرك بس
ومادام تضمنيها
يبقى انا موافق على اى شروط تقوليها على دماغى من فوق

وبرضه مستنى اجابة سؤالى

الازهرى يقول...

سيرجو

مممممممممممممم
شكل الناس اللى بتهدى النفوس كتوا
لكن برضه الاستاذ استاذ


ومستنى اجابتك على الؤال

الازهرى يقول...

اسراء

خلاص انا اديلها مهلة علشان خاطرك لاخر الشهر وبعدين نشوف

ومستنى الاجابة

الازهرى يقول...

خيارااااااااااااا

مممممممممممممم
يعنى اجتمعتوا ضدى لكن انا قدكم وزيادة
وربنا المستعان

وانا عاراف ان وراها فيرررررررراان


ومستنى الاجابة برضه

الازهرى يقول...

ابو على
وانا فى القطر النهاردة كان فى بياع جرايد عمال ينادى وراء كل مصيبة امرأة
وراء كل راجل عنده نايبة امرأة
الخ
الخ الخ


ومستنى اجابتك على السؤال؟

رحلتنا في الحياة يقول...

دافع عن حقك لاخر نفس لو انت مظلوم مشفتش فى اخر بوست ليها كانت مفترية ازاى
بهدى النفوس انا بس هههههههههههه

romansy يقول...

يا ازهرى
اقولك حاجه
روح اتجوزها وريحنا بقى من الخناقات دى
ضد ضد ضد
ايه يا ازهرى
خلى قلبك كبير
واتشهاد الاول قبل ما تروح ود بالك اصلك تتفجر هناك دول اهلها صايعده يابا

الازهرى يقول...

فشكولنا الغالى
ادينا بنتدرب يمكن تقوم حرب حقيقية

لكن انا كان نفسى تجاوب السؤال اللى فى الاخر

تحياتى دوما

الازهرى يقول...

ابوشة

انا قلتها تهدية النفوس كترت
لكن الاستاذ استاذ برضه
منورة المكان
ومستنى اجابة السؤال

الازهرى يقول...

رومانسى
وانا الىى كنت فاكر انك معايا
ايه النصيحة دى يا راجل
انا
انا اتجوز الاشكال دى
يا رب اشوفك زى ما انا عايز عقابا ليك


وبرضه مستنى منك اجابة السؤال

الازهرى يقول...

تامر على
اخيرا لقيت حد فى صفى احمدك يارب
فعلا الازهرية دايما حقانيين
والدم بيحن ببرضه


كلنك فكرك القضاء نزيه والا ممكن المفترية دى تشتريه

مستنى اجابتك على اخر سطر فى الموضوع

فشكووول يقول...

يا ازهرى يا لئيم انت عايزنى اقول ايه عن الظلم .. طب يا اخى هى دى حاجه جديده علينا .. ما احنا كل يوم بنتظلم وبناخد على راسنا بالقبقاب ولا حد بيتكلم .. التركه ثقيله جدا يا ازهرى وعصا الحكومه غليظه والناس ما بقتش تستحمل ومسير الظالم يتهد من كتر ما هو بيظلم .. يعنى المجهود اللى بيبذله فى انه يظلم الناس حيتعبه ويخلص عليه
جرب مثلا تقعد تضرب فى واحد حوالى ساعه
انت اللى حتتعب فى الاخر وايديك وكتافك حيتخدلوا وحتقعد بقى من التعب
وبعدين مش حارد على الظلم ولا حاقول حاجه ..
تحياتى

تامر علي يقول...

طبعاً الظلم مش هيتوقف لوحده ... والظالم بيزود ظلمه يوم بعد يوم لأن أطماعه بتزيد .... ولازم وقفه موحده يعني كل المظاليم يتلموا ويقفوا في مواجهة الظالم .... لكن اديك شايف محدش راضي يقف معاك في محنتك :)
ده انت ممكن تلاقي شوية مظاليم زيك واقفين ضدك كمان ... ربنا يعينك ... أعمل مظاهره أجدع :)

عمرو يقول...

يا جماعه ماتخسروش بعض على شوية حبر خلوها عليا و لا تزعلوا :)
بس كى بورد أيه دى يا سويت فيوليت اللى بيتحط لها حبر ؟؟
فكرتينى بمطابع زمان اللى كانت بتطبع بالبالوظه :))

EMMY BABY يقول...

ههههههههههههههههههههههههه كل ده ناوى تعمله يا خرااابى

وضد مين ضد ضد التيار

دى حتى نسمة وكمان بصراحة انت اللى غلطان لازم توصلهم بنفسك ال بالبريد ال ده اكبر غلط

وانتى يا ضد بصراحة اللى قاله ده كتير انا لو منك مسكتشى


ههههههههههههههههه انا بهدى النفوس بس يا جماعة

ربنا يهديكم

عايزة المدونة تولع بقى هه

تحياتى

المولاعتية

ايمى :P

mahasen saber يقول...

هيا مين دى اليى بعتلها حبر

mahasen saber يقول...

ايه ده ايه ده ضد انتا بعت حبر لضد
اممممممممم اشمعنى انا لا

وقعتكوا مبئعه انتوا الاتنيين

لا لا اهدى الامور قول حسبى الله ونعم الوكيل فى اليى بعتلها الحبر وفى شركة البريد اليى منعرفش وصلته ولاا لا
هههههههههه بهزر لتطلع ضد صحيح وتيجى على دماغى

Beram ElMasry يقول...

الاخ العزيز الازهرى
السلام عليكم ورحمة الله وبركاته
حبيبى وصديقى ربنا يسامحك ايه الشات ده وهل يحتاج الى حبر زى الكى بورد اللى فى سماعه الودن
لك تحياتى والسلام عليكم ، ولا سلام مع اليهود

Sweet Violet يقول...

شوفت بقى اللى حصل

اهو ده بالظبط اللى بيحصل دايما فى الظلم و مع المظلوم

الظالم (و طبعا حسابك بعدين علشان صورت الظالم فيا ) هتلاقى قلب الموضوع زى ماانا عملت كده

انت ماوصلش منك حاجه .. الوصل طلع مزيف و طبعا مش هتقدر تثبت ده ليه لان الظالم دايما بيكون معه القوة اللى للأسف استخدمها للظلم

و يقلب الموضوع على المظلوم زى ماحصل فى الجزء التانى فى ردى

قضايا من غير قضايا .. لكن بردو لان معاه القوة هيقدر يعملها

و زى ماتامر قال ممكن تلاقى كتير مظلومين لكن بيوفقوا مع الظالم

خووووف منه للأسف الشديد

و فى ظالم تانى بقى من غير قوة لكن محترف تمثيل دور المظلوم

و ده بقى اشد الظلم اللى ماحدش يقدر يعرفه الا لما ربنا يوقعوه فى شر اعماله

للأسف احنا دلوقتى فى زمن الظالم بقى مظلوم و المظلوم بقى ظالم

و اتقلب فيه كل حاجه و الضمير مااااات

قليل قوووى لما تلاقى فعلا انسان حر يقدر يقول لأ فى وش الظالم

و كتير بقوا يمشوا بمبدأ مصلحتى فين حتى لو كانت مع ظالم

^^^^^^^
بس بردو انا مش مسامحه فى مصنع الحبر و بطالب بيه

لا مش مصنع واحد دول بقوا مصااااااااااانع

علشان تضرب المثل بيا انا

بقى انا ظالمة ؟؟؟

ماشى ماشى

princess يقول...

انا مصدقة ضد ولما تقول انه مش وصل يبقى مش وصل(وش مفترى) ههههه

romansy يقول...

يا ازهرى باشا
يا عم هيه مهمه انتحاريه وخلاص
ومتخفش يا ازهرى هتبقى شهيد
ههههههههههه
عاوزانى ايه يا ازهرى
المازون
ولا اشهد على العقد انا موافق يا سيدى بس نخلص

الازهرى يقول...

فشكولنا الحبيب
طيب تفتكر انه هيتعب قبل ما ننتهى احنا والا بعدها
هو ده اللى مخوفنى

وطبعا انا مش لئيم ولا حاجة
انا غلباااااااااااااااااان

الازهرى يقول...

تامر على

كويس يبقى لازم نتحد فى وش الظالم
والمظاهرات مش حل
انا فى رأيي الحل فى انا احنا نتغير وكل شىء حوالينا هيغير علشانا

شكرا على متابعتك الجميلة

الازهرى يقول...

عمرو
حبيبنا الغالى
طيب انا راضى برأيك على التلاكيك دى كلها
شكلها ناوية على خرابها


لكن صحيح انت لو عرفت الظلم بتقف مع الظالم ولا المظلوم ؟

الازهرى يقول...

ايمى
ايوه ما هى ناقصة بقى
الموضوع والع طبيعى
وانتى بقى معنا والا مع الناس التانيين ؟
يعنى تقفى مع الظالم ولا المظلوم؟

الازهرى يقول...

محاسن صابر

جبتك يا عبد المعين
بقى انا اخلص من ضد تيجى انتى
انا حرمت ابعت حتى عود كبريت لاى حد وشكلى قريب هاسيب البلد كلها لكم وامشى
انا زعلان بس هه

مش قلتيلى صحيح مع المظلوم ولا مع الناس التانين

الازهرى يقول...

حبيبنا الغالى ا/ بيرم المصرى
وعليكم السلام ورحمة الله وبركاته
طيب الغلبان زيي يعمل ايه
وسط الوحوش دى
دبرنى يا وزيرنا الحبيب

تحياتى وخالص مودتى

الازهرى يقول...

ضد الغالية

للاسف عندك حق فى كل اللى قلتيه
لكن هل ده يعنى ان احنا نستسلم ونقبل الظلم ونسكت عليه
هل بكده الظلم ها يخلص وينتهى من حياتنا ؟
ما انكرش انى كتير جربت اقف واواجه
وكمان كتير فشلت
لكن كان فى مرات نجاح
ولو حاولنا كلنا اكيد يبقى فى امل اكبر ؟
وما تنسيش
ان الله لا يغير ما بقوم حتى يغيروا ما بأنفسهم

والا انتى ليكى رأى تانى؟

الامر لله
علشان الناس الحبايب بس
مش خوف
هابعت كمان مصنع
لكن اعملى حسابك ده يكون الاخير
اتفقنا ؟

الازهرى يقول...

برنسس
ايه الناس اللى راجعة تفترى على الصبح
يعنى يبقى ضد وانتم والزمن علينا
الله المستعان

مش قلتي لى
انتى فى العادة بتكونى مع الظالم ولا المظلوم ؟

الازهرى يقول...

رومانسى
انت لسه مصر على الموضوع ده
شكلى كده الناس كلهم ضدى واحتمال افقد الامل واقرر اعمل كده
وطبعا انت اول الشهود

لكن انا كنت مستنى منك تقول لى
انت فى المعتاد بتقف مع الظالم ولا المظلوم ولا بتقف تتفرج على الاتنين ؟

رحلتنا في الحياة يقول...

بس انا مش بحب الظلم وخصوصا لما يكون الظلم من ناحيتى بتخنق من نفسى جدا ومش برتاح الا لما ارجع الحق لاصحابه
ولو اناا عارفة ان فى انسان مظلوم هقف جنبه حتى لو كان الظلم ايه
للاسف السكوت على الظلم ظلم اكبر بيزيد الظلم جبروت كمان وكمان وده سبب حالنا دلوقتى وسبب الاحوال اللى فيها البلد

بقولك ايه لو عايز مساعدة فى حربك الضروس ضدد سويت انا مستعدة البت دى اصلا طلعت مش سهلة وبتقولك اقفشت حرامى مش سايبة الناس تاكل عيش ابدا فى البلد دى

عمرو يقول...

بأقف مع الظالم و المظلوم زى ما نبينا عليه الصلاة و السلام أمرنا

الازهرى يقول...

ايوشة

اجمل شىء ان الانسان يراجع نفسه ويكون رقيب عليها

وفعلا لازم نقف مع المظلوم والا الدور هايكون علينا بعده

ومن ناحية ضد اصبرى واتفرجى انا هاعمل ايه

الازهرى يقول...

عمرو

فعلا النبى صلى الله عليه وسلم ابلغ الخلق
وكانت نصيحته بخصوص الظلم هى الجامعة

تحياتى وخالص مودتى

أسير الجراح يقول...

انا على الميل


ياريت نتكلم

weka_weka49@yahoo.com

يا ريت ما كنش ضايقتك


سلام

mahasen saber يقول...

مش هنشيل بوست التشريد للبت الغلبانه دى

اليى سمعتها فى البلوجر بقت حرامية حبر ههههههههههههههه

ألـــــــوان الحيــــــــاة يقول...

بعتلها مصانع الحبر اللى هى عايزاها ولا لسه ؟؟

ولو لسه متبعتوش ليه لحد دلوقتى مستنى ايه ؟؟

مش كفايه التشريد اللى عملته للبنت , لازم تبعتلها اللى هى عايزاه وبعد كده هنرفع عليك قضايا لتعويض الضرر النفسى والعصبى والسبمثاوى والبارثمبثاوى اللى سببتهلها

وبالنسبة لسؤالك اكيد بحاول اساند المظلوم طالما فى استطاعتى بس اكيد مش هقف جنب الظالم ابدا

EMMY BABY يقول...

انا مع ضد

علشان اللى انت قلته عندى فى الكومنت

هو بجد حد قال الاجابة دى قبل كدة ؟؟؟؟؟؟؟؟؟؟؟؟؟

وش مقهور بس هه

الازهرى يقول...

اسير الجراح

باذن الله نتكلم بعدين

تحياتى

الازهرى يقول...

محاسن

طيب انتم زعلانين عليها
ومش زعلانين على الغلبان السروق منه الحبر

ماشى
انا زعلان بس هه

الازهرى يقول...

رودى هانم

حتى انت يا بروتس
اذن فليسقط قيصر

وكمان تعويض لاااا
انا خلاص شكلى كده اولع المدونات كلها واخلص

وبالنسبة للسؤال
شكرا على الاجابه

الازهرى يقول...

الحقيقة المصرية

شكرا على الدعوة وبإذن الله اتابع
وادعوا الله ان يظهر الحق اينما كان


تحياتى دوما

الازهرى يقول...

ايمى

حتى انتى
يبقى انا ضعت خلاص
كنتى املى الاخير ضدهم
وضاع الامل وضاع العمر يا ولدى


وكمان ان قلت انى معاكى ضد ابو على ايه الغلط فى كده ؟

اقصوصه يقول...

منو هاي اللي تتكلم عنها؟

rovy يقول...

السلام عليكم
ازيك يا ازهرى
الحقيقه المفروض انى اهدى النفوس و رغم انى ما اعرفش ضد الا ان الواضح انك انت اللى ظالمها هى شكلها هادى و مش بتاعة مشاكل خالص .. يعنى لازم تدفعك تعويض !! شفت بقى هديت النفوس ازاى ؟؟!

سلااااااام

EMMY BABY يقول...

طب بعد اللينك اللى انا شفته واللى انت بعتهولى انا كدة اتاكدت انى بريئة لانى والله مشفتش البوست ده قبل كدة معرفشى حتى انك جاوبت التاج ده

والدليل على ده انى معلقتش

صادف نفس الاجابة ده يدل على توارد افكار مش سرقة

وش مصدوم

أكون أو لا أكون يقول...

إيه اللي حاصل هنه؟ متهم... وقضيه... وهاك... وبصمات... وإنكار للجريمه... وإصرار المدعي على الإستمرار في القضيه!!!

حلوها ودياً يا إخوانا... ده قضيه لا فيها شاهد... ولا فيها حد عايز يعترف... ومش معقول يبقى الحال عل ما هو عليه...

أحسن حل ندبس البريد بالجنايه... وتطلعوا انتوا منها ههههههههه

صدى الصمت - عاشقة الورد - يقول...

مافيش حد بيشوف نفسة إنة بيتصرف غلط أو بيظلم إلا إذا وجد جبهة ضده بتعارضة وتقول بصراحة إنة ظالم ولازم يتراجع عن موقفة
ولذلك لازم الناس تتحد على موقف واحد وهدف واحد لتحقيق العدل
تحياتى

ذو النون المصري يقول...

انا مش فاهم حاجة هنا خالص
اسف اصلي اول مره ازوركم هنا

Sweet Violet يقول...

بجد زعلانه جدااا انك كنت فى اللقاء و انا معرفش ولا شوفتك

و شكلى هعمل مقاطعه ليك هه بس .. لحد ما الزعل يروووح

)):

سفروتة يقول...

عارف
ههههههههههههههههههههههههههههههه
انا مفهمتش حاجة
بس سيبك
احلي حاجة اني شفتكم واتعرفت عليكم امبارح

هروح بقي استمخ تاني عشان افهم المشكلة اللي انت عاملها دي
شكلك كده بتاع مشاكل يا ازهري
:)
بهزر بهزر

دمت بكل ود
:)

اعشق فى الليل ضوء القمر يقول...

والله أدامك حل من الأثنين
إما إنك تبعت إرساليه ثانيه و إما إنك تواصل الدفاع عن حقك وهنا أمامك حل من الأثنين
إما إنك تواتجها مع موظف النقل وتضع النقط على الحروف وإما إنك تعلنها حرب دمار شامل وفى الحاله ديه أمامك حل من الأثنين
إما تعلن عن جريمتها فى حق الإنسانيه وبرائتك التى تغتال أمام عينك وإما تدور على شخص يقبل لها مدونتها وفى هذه الحاله أمامك حل من الأثنين إما تدور وتتعبو إعلان حرب بارده حاميه
وإما تعمل نفسك مقرأتش حاجه من إللى كتبته ووقتها أمامك حل من الأثنين إما تمسح تعليقى و إما ترد عليا وأشوفك فى مدونتى
خلاص وجعت دماغك

غير معرف يقول...

أضحك الله سنك :-)

الازهرى يقول...

أقصوصة
مش قادر أقول اسمها تقيل على نفسى قوى

الازهرى يقول...

أم مريم
وعليكم السلام ورحمة الله وبركاته

ما هى المشكلة انك ماتعرفيهاش
وحتى لو تعرفيها دى بتتمسكن لحد ما تتمكن
صدقونى يا جماعة انا المظلوم

تحياتى وسلام لمريم

الازهرى يقول...

ايمى
طيب وانا ذنبى ايه فى الموال ده كله
الكل بيسرقنى يبقى لازم اشك فى صوابع ايدى

وسماح النوبة بقى ؟ دا انا غلبان

الازهرى يقول...

أكون أو لا أكون

تصدقى انتى اول حد يجيب حل وسط
يا ربى اخيرا حد عاقل وسط اللى مغلبينى دول

تحياتى دوما

الازهرى يقول...

صدى الصمت

أصبت الهدف تماما
ويا ريت الناس تسمع ده

تحياتى دوما

الازهرى يقول...

ذو النون المصرى
طيب اقعد كده بهداوة وانا افهمك كل حاجة
مستنيك
اتفقنا؟

الازهرى يقول...

ضد التيار
لا تعليق
اقرى البوست الجديد الاول

الازهرى يقول...

سفروته

دا انا غلبان جدا جدا جدا
واتشرفت كتير انى اتعرفت على المجموعة الجميلة دى
اتمنى الاقيكى هنا دايما

الازهرى يقول...

عاشق القمر
حلول كتيرة قوى
طيب سيبنى يومين افكر وارد عليك
اتفقنا

الازهرى يقول...

أحمد عمر
ورزقك السعادة فى الدنيا والاخرة
اتمنى الا تكون اخر زيارة