السبت، 14 فبراير 2009

خبر مؤسف 2

مش قلت لكم انه شهرنحس اتضح ان فى عيد ميلاد حروف كمان وفى نفس اليوم مع ايمى ،
انا قلت هو شهر مش فايت انا خلاص قربت ابيع هدومى يا جدعان
أى حد عيد ميلاده الشهر ده ممنوع من الدخول عندى لحين انتهاؤه
مفهوم ؟
***********************************************************
ياجماعة عيد ميلاد إيمى يوم الثلاثاء 17/2 وفى إشاعة مغرضة مجهولة المصدر بتقول إنها ناوية تلم الهدايا وتهرب على سويسرا علشان مفيش حد يطالبها بالتورتة والحلويات وخلافه
(يا رب الشهر ده ينتهى بقى الميزانية انتهت بسبب الهدايا)
*************************************************************
اسمحوا لى يا جماعة انى أعلن عن بدء فعاليات مهرجان عيد ميلاد الأميرة بيرى
(وكلام فى سركم احنا ناويين نرشحها أميرة للتدوين بدل ناس تانية ) المهم شروط الإشتراك فى المهرجان تلاقوها هناك
وكل سنة والجميع بخير
*************************************************************
الدجاج ( الفراخ يعنى)



اسمحوا لى أولا أن أطلب من مطبخ شموسة طريقة عمل أكلة فراخ ، طبعا ليس لى لأننى لا أطبخ أساسا ، ولكن للمدونات ، لأن كل ما أدخل مونة أطلب واجب ضيافة يكون سندويتشات ، وأنا طبعا خسيت وحالتى بقت صعبة .
المهم نرجع لموضوعنا
أنا فاكر سنة 92 أو 93 كنا ساكنين فى بيت مكون من ثلاث أدوار ، وكنا ساكنين فى الدور الأول مع ساكن تانى وباقى البيت فاضى ، وطبعا أنا كنت بألعب فى باقى البيت ، وفى يوم كنت طالع العب فوجئت بقطة واقفة وضهرها لى ، وكانت محاصرة فأر فى ركن غرفة وبتلعب بيه ، وكان خلاص على وشك نهايته وفجأة لقيت الفار نط فى هجوم مفاجىء وقوى على القطة وطبعا كان فى كده نهايته .
بعد كده بحوالى سنتين وكنا نقلنا فى بيتنا القديم وكنا بنلعب فى الشارع وفجأة لقيت كل أصحابنا بيجروا بسرعة والكل بينادى ، وطبعا أنا جريت فى الزحمة ، وكان كل ده ليييييييه ؟
طلع الموضوع ان فى قطة بيطاردها ثلاث كلاب كل واحد فيهم قد كده واستمرت المطاردة حوالى ربع ساعة وفى النهاية اتحاصرت القطة جنب مصطبه عالية ، ولقينا القطة نفشت وبرها وكانت انيابها كبيرة فعلا وهاجمت الكلاب ، لأ يا جماعة القطة الحمد لله خرجت سليمة ، لأننا كنا جاهزين بالأسلحة الفتاكة من طوب وخلافه وبدأنا مطاردة الكلاب وأنقذنا القطة ، وطبعا القطة جريت فورا وخرجت من الشارع وكانت آخر مرة .
إيه دا يا جماعة إحنا كنا بنتكلم عن الفراخ ، أكيد انتم بتفرعوا الكلام ، لكن انا لا انسى واجب ضيافتى أبدا، نرجع للفراخ
فوق بيتنا كان ي عشة فراخبها عدد نحمد الله عليه ، وعين الحسود فيها عود ، المهم وأنا صغير كانت أمى كل ما تنىوى تعمل فراخ يكون العبد لله هو الضحية ، تسن السكينة وتقول لى تعالى ننقى فرخة ، ونطلع فوق وبكل هدء وحنكة وكقاضى مخضرم تكون إشارتها إلى فرخة معينة ، يكون حكم بالإعدام ووعد بأكلة زى العسل ، وطبعا من يريد أ ينال الورد يجب أن يتحمل الأشواك ، ويكون على أن مطاردة الفرخة عبر السطح فى مطاردة لا تقل عن عشر دقائق ، ويمكن أن تزيد المدة إذا قرتت الفرخة استكمالها فى الشارع وتكون الطامة الكبرى ، أنزل من فوق ويبدأ كل الشارع فى الجرى وراء الفرخة التى ربما تستسلم فى وقت قصير وربما تكون مشاكسة وتقرر المقاومة حتى آخر نفس ، وتتطور المطاردة من مكان إلى آخر ، بل وربما تنتقل إلى الشوارع المجاورة ، وأذكر فى إحدى المرات أن الفرخة قفزت فوق إحدى العربت ومنها إلى سور المدرسة الموجود فى بداية الشارع ، وبدأنا ف مناوشتها محاولين إقناعها بالنزول حتى تذبح ، ولكن هيهات حتى تبرع أحدهم ممن لا يؤمنون بالحلول السلمية وكان الطوب ، لكن الفرخة وبكل براعة تفادت الطوبة وكانت النتيجة كسر زجاج أحد سبابيك المدرسة ، وبكل شجاعة انفضت كل الصحبة وبقيت أنا فى المواجهة ، وثار المدرسين وهللت الناظرة وكان ناقص دقائق ونطلب مجلس الأمن والأمم المتحدة لكن الحمد لله تدخل بعض المدرسين المعارف وتم حل الأمر بسلام ، المهم فى النهاية كلنا الفرخة .
فى خضم كل تلك الأحداث التى نواجهها ومن تكالب الأعداء علينا ووسط ما يفعلونه بنا ، نجد أن الناس تطالب بالمقاومة ويرد البعض بأننا لا نستطيع المقاومة لظروف سياسية وخلافه .
وهنا تفتق ذهن البعض عن فكرة أخرى وهى المقاطعة لمنتجات أعدائنا الذين أصبحوا يواجهوننا بوجوجوهسافرة غير عابئين بنا وبأننا لنا كيان يمكن الإهتمام به وله ، وبعيدا عن رأى الدين الذى نعرفه جميعا وما نعرفه أيضا من أن المقاطعة تضرهم اقتصاديا ، هل من الصعب علينا أن ننتفض وهم يذبحوننا بسكين بارد ، هل مطلوب منا أن نموت فى صمت تام وبلا صرخة تنبىء عنا ، هل من الصعب أن نكون مثل الفرخة أو القطة أو حتى الفأر ونموت ونحن نترك ذكرى لمن بعدنا يذكروننا بها بعد مرور السنين ؟

هناك 104 تعليقات:

princess يقول...

احجز زبسرعة بسرعة

princess يقول...

انا كنت بقول وانا بقرا البوست وبعدين وبعدين بحسبك كنت هتتكلم عن عدم الاستسلام او انا حتى لو الواحد ضعيف ميسبش حقه
طلع الموضوع كبير كبير على راى اشرف عبد الباقى:)))
عجبنى اوى تناولك للموضوع والحكايات اللى قلتها واللى فعلا المغزى واضح اوى
بقولك انا عايزة حتة من الفرخة ههههههه
تحياتى

ادم المصرى يقول...

ياعم الله يكرمك والله جوعتنى وانا اصلا لسه جى من الشغل وملئتش اكل فى البيت وحظى المنيل اول مدخلت دخلت على موضوعك لقيت الفرخه فى وشى الله يسمحك

بس شويه حكايات جميله يمان تسلم على تناولك لموضوع وبلهنه والشفه

romansy يقول...

ايه ياعم الفرخه اللى تفتح النفس دى

القصص جميله يا ازهرى كلها بس انا متوقعش اننا نكون زى القطه ولا الفرخه ولا الفار اللى عنده امل لغايه اخر لحظه فى حياته

Mony يقول...

موضوع جميل

و خاتمة غير متوقعة

يااا عالم
ايه ممكن يحصل

يمكن في يوم يصبح عندنا رد فعل غير مصمصة الشفايف و لا التنديد و الاستنكار


يا مسهل

Rania Lelah يقول...

:)
ديما البوستات بعتك
ذات هدف و مغزى

تحياتى ليك

Rania Lelah يقول...

ايه ده الفارس الملثم مات يا جماعه

mahasen saber يقول...

القطط والفراخ عندهم امل فى بكره وفى مستقبلهم لاخر نفس
امال احنا يا بشر بنكتئب بسرعه وبنكش من الدنيا ليه

موضوع حلو يا ازهرى والفرخه احلى مع انى مليش فيهم

الازهرى يقول...

اميرتنا الغالية

مبروك اول تعليق يا ستى

فعلا انا باتكلم عن عدم الاستسلام واننا لازم ناخد حقنا
او على الاقل نحاول
وبكده نكسب شرف المحاولة
وده مش سهل

تحياتى دوما

الازهرى يقول...

اخخخخخ
نسيت
الفرخة دى كلناها سنة 98 تفتكرى باقى منها قد ايه؟

الازهرى يقول...

ادم المصرى
الا ادمكانت جنسيته ايه صحيح؟

المهم حقك عليا وليك عندى عزومة كبيرة قوى

تحياتى دوما

الازهرى يقول...

رومانسى

اتفضل بالهنا والشفا

انا مؤمن ان احنا لام نصحى
وان احنا ممكن نسيب بصمة للتاريخ
المهم نحاول

الازهرى يقول...

مونى
ممكن المهم مع الدعاء المحاولة
والمحاولة ممكن تبدأ بانسان او اتنين او اى عدد
المهم الصدق فيها

تحياتى دوما

الازهرى يقول...

رانيا

ربنا يخليكى يا رب
اجمل هدية ان المعنى وصل لاصحابى
ويا رب اشوف الدنيا بكرة اجمل
***************************
رحم الله الفارس الملثم كان شابا جميلة كلماته
مهذب فى تعامله

الازهرى يقول...

محاسن صابر

ليه مع ان الفراخ جميلة جدا

ممكن يبقى عندنا امل
المهم يكون عندنا ارادة نابعة من ايمان فتكون قادرة على خلق الامل

تحياتى دوما

SHAPE YOUR LIFE (ABOALI) يقول...

ياااااااااااا عينى
حلو الكلام السياسى المعجون بالفريك والمحشى ب ارقة دم من لا حول لهم ولا قوه الفراخ

بص يا سيدى احنا حلوين زاى الفرخة الجميلة فى بداية البوست
وساعة الازمة بجد بتظهر المعادن
بس بتكون صحوة و كفاية لحد كده

احنا محتاجين ننمى فينا ثورة الحماس والجهد وتغير الذات

فى وسط التنبلة اللى احنا فيها
محتاجين لحظة توقف للمراجعة والنظام

نقول لاءنفسنا كفاية هرتلة و عك
ونبدء نقطة نظام

لعل وعسى

بس تناول ممتاز احيييك عليه مع زعلى على الفرخة اللى انت اكلتها لوحدك
روح ربنا يرحمك

Unknown يقول...

علي فكره المقاطعه مش صعبه خالص
انا مقاطعه دلوقتي من 7 سنين وشويه الحمدلله
يمكن في الاول بيكون بعدك عن الحاجات اللي بتحبها
لكن دايما نقول لنفسنا اننا بنعمل ده عشان ربنا وعشان يبقي عذر لينا لما يسألنا يوم القيامه عملتوا ايه؟

صدى الصمت - عاشقة الورد - يقول...

ياخبر للدرجة دى بقينا حتى مش قادرين يكون عندنا إصرار وعزيمة الفأر أو القطة أو الفرخة؟
جميلة قوى القصة وبتنبهنا لحاجات كانت غايبة عنا

عايش... ولكن !!!! يقول...

يخرب عقلك دنا جوعت
تلاقى الفرخه دى طعمها لزيز اوى
يلا المهم بوست جامد والقصص مغزاها حلو جدا
بس معتقدش اننا ممكن نكون زى الفار ده اللى بيعافر لاخر لحظه

شمس النهار يقول...

الفار لما مات مات بشرف قاوم وهاجم حتي النهايه والقطه انتصرت بفضل اتحادكم معاها ومساعدتها بأخلاص
بالنسبه للفراخ ماانا عملت فراخ قبل كده بس ماشي نعمل فراخ بطريقه تانيه
عشان خاطر عيونك

Beram ElMasry يقول...

الاخ العزيز . الازهرى
السلام عليكم ورحمة الله وبركاته
ومنهم مدلدل ومنهم خبيس ..... خطا اصلحته الى خبيث وبارك الله فيك
وكذلك مخنث ...... مخنس اعنى بها صامت من خناس ، وابدلتها مخندس لانى لا اعنى مخنث وبارك الله فيك
قبل الدخول فى محاورة مقالك الرائع لى سؤال ، دى صورة فرخة ولا دب روسى
الفار ينهزم لعقده مقارنة نفسية بين حجمة وحجم القطة ، وهجومه المفاجئ انتحار
خير من الانتحار البحث عن بدائل وهى فى الدين اللذى نعرفة كما انه فى ذاكرة التاريخ من طول التجارب
احسنت مقالك رائع
لك تحياتى والسلام عليكم ، ولا سلام مع اليهود

حروف يقول...

اتصدق وتؤمن بالله دوختني زي مالفرخة مسكينة مدوخاك واانا جيت علي نية عزومة وطمع بئا في الاخر اكتشف اكلتها سنة 98 علي كدة دية بقت من الاثار مصر القديمة
موضوع جامد ياازهري وخصوصا النهاية بتوضيح مغزي القصة
دمت بالف خير
اللي نعمله في ناس يتعمل فينا ولا ايه ههههههههههههههه انتوا حتتكاتروا عليا ولا ايه دة انا اجري القطط بتاعتي عليكم"وش بيطلع لسان"هههههههه

ألـــــــوان الحيــــــــاة يقول...

جميله اوى القصه والمغزى منها

على فكره احنات ممكن نكون فراخ بننتفض وقت الخطر بس للاسف بيبقى بعد ما تبقى اخر فرخه بعد ما تكون العشه كلها اتدبحت وخلصت يعنى استجابتنابطيئه اوى وبناخد وقت على ما حدياخد موقف ايجابى

وعلى فكره المقاطعه فعاله فعلا وانا من زمان اوى مقاطعه منكرش ان فيه اوقات بستهبل شويه بس خلاص مفيش مجال للاستهبال تانى D:

شكرا للقصه والمجزى الجميل

انى احبكم فى الله يقول...

شكل الفرخه جميل ههه شكر على الموضوع ولو ان الرد متاخر

رحــــيـل يقول...

كووول ده حصل بسبب فرخة

تصدق انا الفار صعب عليا بجد

والقطه اصل انا فى مره حصلى نفس الموقف وتلات كلاب جرو ورايا برضه


المهم مش عارفه اقولك خلى عندك امل اصل حتى الامل مبقاش فى امل ليه

عود حميدا
يارب تكون بخير

تامر علي يقول...

المقاطعة للأسف لايلتزم بها إلا من له اتجاه فكري محدد أما معظم الناس فلايوجد عندهم هذا النوع من الثقافة ... أما بالنسبة للمقاومة فلا يزال هناك شراذم تقاوم الفساد ولكن يجب البحث عنهم ودعمهم وعدم الاكتفاء بالكلام ... أما عن الفراخ فأنا أفضلها صغيره ومحشية أو مشوية ... في انتظار الطبق أقصد البوست القادم ان شاء الله

Ahmed Othman يقول...

نحتاج الى مقاطعات
قبل مقاطعة البضائع

نحتاج الى مقاطعة الانهزامية
و مقاطعة اليأس
مقاطعة اللامبالاة
مقاطعة التخلي عن المسئولية
مقاطعة الجهل
مقاطعة الاستغلال
مقاطعات مقاطعات


تحياتي و تقديري

الازهرى يقول...

ابو على

سياسة ايه يا عم دا انا غلبان وفى حالى
***********************
بس بتكون صحوة و كفاية لحد كده

وهو ده الكلام اللى بحاول اقوله
يا جماعة ننبه بعض ونوصى بعض بالصمود والاستمرار
فعلا فى دراسات عندهم عن اننا شعوب عاطفية سرعان ما يذهب ما بها بقدم الحدث ولذلك هم مطمئنون فى تصرفاتهم ولا يخافون رد الفعل قصير المدى

روح ربنا يورينى فيك يومين حلوين والباقى احلى

الازهرى يقول...

اسراء

تسعدنى كلماتك للغاية وتعرفنى اننا لسنا وحدنا نحارب طواحين الهواء
انا ومجموعة من اصحابى بدأنا المقاطعة منذ انتفاضة 98 والحمد لله الذى اعاننا على ان نستمر فيها

وتلك دعوة للباقين ان الامر ليس مستحيل ولكننا نحتاج الى الايمان بقضيتنا وحقوقنا الذى هو جزء من ايماننا بالله

تحياتى دوما

الازهرى يقول...

صدى الصمت

الحمد لله ان المعنى وصل كما اردت
وممكن نكون احسن
لكن المهم الارادة النابعة من الايمان

تحياتى دوما

الازهرى يقول...

عايش ولكن

مش فاكر كان طعمها ايه
لانى كنت باكل انتقام وليس استطعام

وممكن نكون احسن من الفار المهم يكون عندنا ارادة وايمان بقضيتنا نابع من ايماننا بالله

تحياتى دوما

الازهرى يقول...

الحاجة شموسة
تسلمي لى يا اغلى شموسة فى الدنيا

يبقى احنا لازم نحاول
ولازم الامل فى الانتصار يكون عندنا لاخر لحظة

ولا احنا نسينا ان ربنا كرمنا وجعلنا احسن المخلوقات ؟

تحياتى وخالص مودتى

الازهرى يقول...

حبيبى الغالى ا/بيرم المصرى
وعليكم السلا ورحمة الله وبركاته

الفار ينهزم لعقده مقارنة نفسية بين حجمة وحجم القطة ، وهجومه المفاجئ انتحار

فى رأيي انه لم ينتحر ولكنه كان يقوم بهجوم أخير لعله يستطيع فك الحصار والنجاة من براثن القط

التاريخ به الثير من الحلول ولكنك افضل من يعرف ان المعروض منه قليل ومضلل والناس لا تقرأ
وما زلت اذكر مقولة احدهم
تعلمنا من التاريخ ان الناس لا تتعلم من التاريخ


وشكرا على المديح الجميل
والسلام عليكم ، ولا سلام مع اليهود

الازهرى يقول...

حروف زمش مقتنع انها كبرت وبقت كلمات هه بس

خلاص يا ستى ليكى عندى عزومة كبيرة لكن حددى الزمان والمكان

المهم بعد معرفة المغزى تفتكرى تقدرى توصليه لناس تانية ونبدأ يكون موقفنا قوى ؟

خلى بالك احنا خلصنا على الكلاب لكن ممكن نجيب غيرها

الازهرى يقول...

رودى هانم

ده بقينا تلاتة انا وانتى واسراء
واكيد فى ناس تانية كتير المهم نقدر نتجمع ونقدر ودا الاهم ان احنا نكلم غيرنا والناس حوالينا
القضية لو ماتت يبقى احنا كمان ضعنا
وزى مل قلتى
خلاص مفيش مجال للاستهبال تانى D:

تحياتى وخالص مودتى

الازهرى يقول...

انى احبكم فى الله
ونحن ايضا نحبك فى الله
الفرخة هدية منى ليكى
وهنا كل الناس فى وقتها
واتمنى تكونى موجودة دايما

الازهرى يقول...

رحيل

لازم يكون فى امل
طول ما احنا مؤمنين بالله لازم يكون فى امل
طول ما فى نفس فى صدرنا بردد فى امل
طول ما فى بكرة يبقى فى امل
المهم الارادة مع الامل
واعمل معالجميع
نحقق احلامنا
وبكرة يكونا لينا احنا

تحياتى دوما

الازهرى يقول...

تامر على

يبقى المهمة كده واضحة
ان احنا نوعى الناس وننقل رسالتنا لكل اللى حوالينا
وانا لا اتحدث عن العالم الواسع ولكن ليتولى كل منا توعية من حوله من اقاربه واصدقاؤه وستون النتيجة ان الكثيرين سينتبهون ونكون قد حصلنا على جزء لا بأس به من النتيجة المرجوة
وكذلك بالنسبة لمن يقاومون الفساد يجب ان نعرفهم ونعرف بهم ونعلمهم بانهم ليسووا وحدهم وان لا يقاتلون فى معركة خاسرة


وبخصوص الفراخ سوف ابلغ الطلب للمسئولين (طبعا المسئولين عن المطبخ وليس اخرين)
تحياتى وتنمياتى بتواجدك الدائم هنا وفى الفارس الاخير

الازهرى يقول...

د. احمد عثمان

ما دمنا قد عرفنا الحل فلنبدأ
فمشوار الالف ميل يبدأ بخطوة
والطريق امامنا فلنخطوا وسيأتى من بعدنا ليكمل الطريق

تحياتى دوما

yoyo يقول...

واو ريحة الفراخ طالعة من على المدونة يا ازهرى
فين نصيبى بقى ؟؟؟

عجبتى الفكرة اوى والله
بس هو احنا لازم نتتظر للحظة الاخيرة لحد ما خلاص نتحاصر ويبقى مش فى اى مفر غير اننا ندافع عن نفسنا بقى

يعنى هنفضل على طول كدا قطة هههههههههههههه يادى الخيبة يا ولاد

لازم نفوق قبل فوات الاوان والا الكلاب هتنزنقنا زنقة بها مش فيها مفر

آآه مش تنسى نصيبى ههههههه
تحياتى
يويو

اسماء واحلام فى وجدانى يقول...

الجوع نسانى كنت عايز اقولك ايه

بصراحة الصورة تفتح النفس

لكن الحقيقة صعبة اوى

princess يقول...

مرسى يا ازهرى:((

ســـــــهــــــــــر يقول...

جميله الحواديت اللى من الذاكره او حتى من الخيال و النظر فيها و البحث عن البعد الكامن ورا الحواديت
و عجبنى الربط بين الفكاهه و ابداء الراى بشكل خفيف محبب و مقبول .. و كمان واااااصل جدا

بيعجبنى طريقة عرض الفكر دى

مقصره انا عارفه بس لى عذرى اكيد

mahasen saber يقول...

ازهرى يا ازهرى
ادبح الفرخه اليى فى الصوره دى لو كنت فاهمهحاجه

بس هدوس على الين يمكن افهم
بس شكلى حبيت اعرفك انى مبفهمش

EMMY BABY يقول...

ههههههههههههههههههههههههههههههههههههههههههههه

طب والله جوعتنى انا مكلتش حاجة من امبارح

كنت اقلى قبل ما ادخل

بس بجد والله الهدف من الموضوع جميل اوى والخاتمة حلوة جدا

ياريت فعلا كلنا نفهم اننا لازم نقاطع

بس المهم يعنى انا عايزة فرخة من دى

اجى استلمها امتى يا معلم ؟

بس حسيت بانتماء فى البوست ده بوست بيطرى فعلا :)

الازهرى يقول...

يويو

المشكلة اننا فعلا متحاصرين ومزنوقين جدا
ولو ما اتحركناش فورا
يبقى هنروح فى المعمعة ومفيش حد هيبقى علينا

ونصيبك محفوظ لكن حددى الزمان والمكان

الازهرى يقول...

رابطة مدونون من أجل فلسطين

شكرا على الدعوة
وسأحاول تلبيتها ما امكننى

الازهرى يقول...

اسماء واحلام فى وجدانى

المهم انها الحقيقة
وهى ما يجب ان نبنى عليه مواقفنا
وليس الزيف المنتشر حولنا

تحياتى وتنمياتى بدوام التواصل

الازهرى يقول...

اميرتنا الغالية

لا شكر على واجب ( ولا اكنى واخد بالى )

الازهرى يقول...

و كمان واااااصل جدا

ودى فعلا جايزتى الكبرى
ان العنى وصل لاصحابى
والاهم ان احنا نبدأ نتحرك
الوقت فعلا مش فى صالحنا

وانا اعطى العذر لجميع اصحابى بلا حساب

الازهرى يقول...

محاسن

طيب والفرخة ذنبهاايه
سيبك من كيارا وضد وانا افهمك كل حاجة
والا اقولك
اسألى شموسة

الازهرى يقول...

العزيزة سهر

و كمان واااااصل جدا

ودى فعلا جايزتى الكبرى
ان العنى وصل لاصحابى
والاهم ان احنا نبدأ نتحرك
الوقت فعلا مش فى صالحنا

وانا اعطى العذر لجميع اصحابى بلا حساب

الازهرى يقول...

الصغنونة ايمى

يا كبدى يا اختى
من امبارح؟
طيب وفى البيت سايبينك كده؟
لالالا
انا ازمك على اكله مخصوص بس حددى زمان ومكان العملية وكمان لازم تكون فى السر
وممنوع تعزمى اكتر من عشرين من صاحباتك معاكى مفهوم والا لأ ممنوع المقالب

المه ان الهدف وصل
ويا ريت نبدأ كلنا
الوقت مش فى صالحنا

حاسيتى بانتماء ازاااااااااااى ؟
ما هى تفرق

فشكووول يقول...

يا خبر .. هو انا جيت متأخر كتير كدا ليه
تصدق يا ازهرى اكنا ما بنساويش الفئران ولا حتى القطط ولا حتى الفراخ
احنا امة همدت همتها بفعل حكام فقدوا العزم والهمه ..
يا ريتناساوينا الفئران حتى او القطط
عارف يا ازهرى ان الجماعه دول زى الفيران بس احنا شايفينهم اسد .. خداع نظر بقى واحنا باين والله اعلم ما عندناش نظر
المشكله يا ازهرى اننا كلنا نرمى حملنا على بعضنا وما فيش حد منا عايز ياخد المبادره
عارف الحكايه دى عايزه ايه .. يا دوب نصف مليون شخص ينزلوا الشارع يسقطوا تلك الانظمه الفاسده
المهم احنا بنقول انظمه فاسده وهما عارفين انهم فسده وبقت المواجهه سافره وكل واحد عارف نفسه لكن بنضحك على بعض .. اسمع الكلام فى التليفزيونات والبرامج تلاقى المسئول بيقول كلام كبير قوى قوى وبعدين يدينا ضهره ويطلع لنا لسانه وكأنه بيقول يا ناس يا هبل احنا كدا واللى مش عاجبه يشرب من البحر
فشكول حيخرف يا ازهرى .. سلامو عليكم

زمن الشيكابالالالا يقول...

بالفعل إذا لم نتكر ذكرى لمن بعدنا فليس لنا بصمة أو وجود من الأساس
أحييك على هذا البوست الرائع

الازهرى يقول...

فشكول الغالى

يا خبر .. هو انا جيت متأخر كتير كدا ليه
لو بنسأل كنا لحقنا

المهم
انا متفق معاك فى انهم فئران ونحن من نتصورهم اسود
ولكن اختلف معك فى اننا فى حاجة الى اسقاط الفاسدة فلواسقطناها سيتقوم مكانها انظمة اخرى مثلها وربما اسوأ
المشلكة فى اسقاط الجهل والتخلف المسيطرين على الشعوب عندنا
عندها ستسقط الانظمة من تلقاء نفسها والامر لا يحتاج الى نصف مليون
بل يحتاج بكل بساطة الى شعوب واعية بقضيتها مدركة لهدفها واعية بما يدور حولها


يحيا التخريف
وعليكم السلام ورحمة الله وبركاته

الازهرى يقول...

زمن الشيكابالالالا

اذا فلم لا نبدأ فى ترك بصمتنا حتى تراها الاجيال القادمة
انتظر اقتراحاتك

تحياتى دوما

mohamed ghalia يقول...

الأزهرى
من يريد الورد يجب ان يتحمل الأشواك
معك حق ياصديقى
ياريت تكلمنى على الإيميل الخاص
يشرفنى اتعرف بشخصية مثلك
دمت بكل الود

مفكر يقول...

السلام عليكم:

إمتحناتي الأسبوع الجاي لسة وهتستمر لمدة اسبوعين

إن شاء الله يا أزهري باشا تخلص بس الإمتحنات وأرجع أتابعك

شكراً على السؤال صديقي العزيز

Kiara يقول...

وانا بقرا فكرتني في يوم كنت منهاره جدااااا بسبب موقف قديم من حوالي 6 سنين او 5 وكنت في المترو ولقيت خنفسه الباب قفل عليها وكانت خلاص انا قلت انها راحت بس لاقيتها بتحاول وبتتحرك وبتعافر حوالي اربع محطات لانه كان الباب من الناحيه اللي مش بيفتح كل محطه ولاقتها بعد محاولات خرجت الخنفسايه الصغننه ادتني درس مش ممكن انساه وفي نفس اليوم شفت نمله وعليها حتته اكل المهم النمله بتمشي والاكل يقع اكتر من ساعه بتحاول بتمشي حته صغننه اوي بس فضلت تحاول لحد اما وصلت

بوست في الجوووووووووووون بس برده زحلانه

الازهرى يقول...

اخى الغالى محمد غاليا

المشكلة ان الاشواك حول الوردة كثيرا وعلينا ان نبدأ ونصبر حتى نزيلها فنستمتع بعبير الورد كما نشاء

شكرا على الدعوة الجميلة وبإذن الله اكلمك قريبا
وصدقنى الشرف كل الشرف لى

تحياتى وخالص مودتى

الازهرى يقول...

رابطة مدونون من أجل فلسطين

شكرا على الدعوة
وسأحاول تلبيتها ما امكننى

الازهرى يقول...

حبيبنا المفكر

وعليكم السلام ورحمة الله وبركاته
كان الله فى عونك
واعادك الينا منتصرا وفرحا

الازهرى يقول...

كىكىكىكىكىكىكىكىكىكىكىكىكىكىكىكى

الامثلة كتيرة المهم
اننا نلاحظها ونتعلم منها
والاهم
نطبق اللى اتعلمناه


وايه حكاية الزعل دى كمان
يبقى انتى واميرة وضد
وانا كده رحت بلاش

الازهرى يقول...

رابطة مدونون من أجل فلسطين

شكرا على الدعوة
وسأحاول تلبيتها ما امكننى

الازهرى يقول...

حبيبنا المفكر

وعليكم السلام ورحمة الله وبركاته
كان الله فى عونك
واعادك الينا منتصرا وفرحا

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

hasona يقول...

السلام عليكم

فرخة جميلة
وقصة رائعة
وهدفها كويس
ولها ومغزي كالعادة

أتمني لك دوام التفوق

تحياتي

Beram ElMasry يقول...

الاخ العزيز . الازهري
السلام عليكم ورحمة الله وبركاته
متاخر فى الزيارة واحنا حطين ايدينا على خدنا فانتظار تشريفك ، وبعدين بتعترض يا ازهرى ما انا من هذا الشعب وموجوع من اللى احنا فية وانت قلت فى مقالك ما هو اشد وله نسيت الفار والفرخة
يا ازهري لك حق الاعتراض والتوجيه مع فارق العمر لانى اعتقد ان المودة اكبر
لك تحياتى والسلام عليكم ، ولا سلام مع اليهود

EMMY BABY يقول...

انا اقلت اجى اشكرك فى مدونتك

واقلك وانت طيب :)

EMMY BABY يقول...

صحيح سؤال واقف فى زورى بقاله فترة

اييييييييييييييييييييه انت كبير اوى كدة

دايما تقلى صغيرة طفلة (هعيط انا )

مش كفاية محاسن وابو على

ابو على يقلى اشربى اللبن

ومحاسن تقلى يا بيبى

ااااااااااااااااااااااه بقى هعيط

دانا هكمل 19 يا نااااااس

الازهرى يقول...

رابطة هويتي اسلامية
سؤالك غير مفهوم بالنسبة لى
وانا لا اوافق على توجيه الكلمات لشخص بعينه
تحياتى

mahasen saber يقول...

ربنا يسامحك

رعبتنى افتكرت فيه حاجه وحشه
لا قدر الله

إيمان قنديل يقول...

تصدق والله رغم أن البوست له مغزي سياسي واقتصادي، إلا أنك اعدتني لأيام زمان ايام كنا نسكن في بيت صغير مكون من دورين وكانت جدتي رحمها الله غاوية تربية فراخ وبط وكمان رومي، وينهار موش فايت على الرومي مره طلعت لجدتي فوق السطوح علشان اتشمس شويه في الشتاء وفجأه لقيت الديك الرومي نفش ريشه وهات ياجري ونقر فيه وانا أصرخ، طبعا لأني مكنتش أعرف أن الديك الرومي بيكره اللون الأحمر تصدق بهدلني يومها وانا اصرخ وابكي وجدتي تحاول تحوش عني ، كان يوم لسه لحد دلوقتي فاكراه

=====================

مره بنتي وهي طفله راحت مع ابوها سوق الطيور هنا في الأمارات وعجبها قوي الكتاكيت لأنهم بيصبغوها بألوان فاقعه وطلبت من ابوها يشتري ليها شوية كتاكيت وتربيهم في بلكونة المطبخ، المهم جبنا الكتاكيت وابتدي كل يوم واحد يموت وهي تعيط وانا أقول لها هما الكتاكيت كده بيفضل منهم عدد قليل ، المهم فضل واحد وقعدت هي وأخوها يربوه ويأكلوه ويشربوه، المهم نزلت أنا وهما في أجازه مصر وسبنا ابوهم مع الكتكوت، رجعت لقيت الكتكوت كبر بس مخلي ريحه المطبخ وحشه لأن دي بلكونه المطبخ ، فقررت انا وابوهم دبحه



تعرف ولادي قعدوا يعيطوا ومرضوش ياكلوا الديك الصغير، وحاولنا نفهمهم أن الكتاكيت بتتربي والأخر تكبر وندبحها وناكلها ، وهما يقولوا ابدا أزاي نأكله واحنا كنا بنربيه؟؟؟؟؟؟؟؟؟؟؟؟؟؟؟؟؟؟؟؟؟

EMMY BABY يقول...

يا نهااااااااااااااااااااااااارى عليكى والله خضتنى

وكمان ايه الاشاعات المغرضة دى يابنتى مش انت قلتلى يا ايمى زورى فى يوم ميلادك ولمى الهدايا وانا اللى هسافر بيها

شوف شوف النفوس الضعيفة بتحملنى اللى كنت ناوى تعمله

EMMY BABY يقول...

هههههههههههههههههههه بس والله لفتة جميلة منك

ومستنية الهدية انا متواضعة على فكرة

عربية واحدة كفاية :p

حروف يقول...

ياسلام طب سمعت الاغنية اسمعها
وبعدين انا عيد ميلادي مع ايمي هههههههههه اة والله سبحان الله
حستني الهدية
اسمع الاغنية وبعدين انت سهران بئا
لارسال الهدية
ارسلها علي الاميل ههههههههه
واسرع في طلب الاميل ههههههههههه
نام ياعم

NIDAAL .R يقول...

انا اول ما لقيت أعياد ميلاد كنت هزوغ بس لمحت فرخة وقة كدة قولت أكشف عليها من باب الامن والمتانة ليس ألا .. مش علشان لا سمح الله أكلها ولا حاجة
واتضح لى من المعاينة المبدئية أن الفرخة تعانى من ألامحادة بالزور و يتضح بشدة ظهور أعراض المرض عليها
وده لأن ريشها كبير و الفرخة مكلبظة
فتبقى اكيد عيانة ولازم نصادرها فى مخازننا المختصة وابقى قابلنى لو حد شافها تانى
هههههههههههههههههههههههههههههههههه

وبس كدة

سلام

رابطة مدونون من أجل فلسطين يقول...

دعوة حضورإجتماع كونفرانس

الأخوة الكرام أعضاء رابطة مدونون من أجل فلسطين

تتشرف اللجنة التأسيسية للرابطة أن تدعوكم

إلي حضورإجتماعاً مصغراً على الكنفرانس

وذلك في تمام الساعة العاشرة من مساء يوم الاحد القادم 15/02/2009

وذلك على ايميل الرابطة bloggersforpalestine@yahoo.com

وذلك لمناقشة الأعمال المقترح القيام بها فى الرابطة ومناقشتها معكم

وايضا دراسة بعض الاقتراحات المقدمة من الاعضاء

وذلك من اجل النهوض برابطتنا والعمل على نشرها واستمرارها

وللأهمية يرجى الحضور وعدم التغيب

الامين العام للرابطة

الازهرى يقول...

حسونة
شكرا على الاطراء الجميل
زكل سنة وانت بخير وسلام
واتمنى دوام التواصل

الازهرى يقول...

حبيبنا الغالى أ/بيرم المصرى
وعليكم السلام ورحمة الله وبركاته

اعرف اننا من هذا الشعب
ولكن الا ترى معى انه لا تزر وازرة وزر اخرى
لا أؤيد الجمع بين من يجاهد ويحاول فى سبيل اعلاء كلمة الامة وبين المتخاذلين
وانا اضرب المثل لينهض هؤلاء ولكن لا اجمع
هل يستوى الذين يعلمون والذين لا يعلمون

تحياتى وخالص مودتى

الازهرى يقول...

ايمى
وانتى طيبة وبخير وسلام
وصعب اقبل شكرك لان ده اقل شىء اعمله

الازهرى يقول...

ايمى
ياااااااااااااه
19 سنة بس
انتى كده من دور ابنى الوسطانى يا دوب

خلاص يا ستى اخر مرة نقول مصاصة
اجيبلك شيكولاته ؟

الازهرى يقول...

محاسن
اللهم امين
اعمل ايه القافية حكمت
وسلامتك الف سلامة من اى خضة

الازهرى يقول...

غرام

صدقينى الايام الحولة دى والذكريات الجميلة هى زادنا فى مواجهة الايام الصعبة

وتصدقى اكتر ان فى اب بعد ما ربى عياله دبحهم
احنا بقينا فى وقت صعب فعلا
****************
ربنا يخليهم لك ويطرح فيهم البركةويكونوا دايما على اجمل ما تحبين

تحياتى دوما

الازهرى يقول...

ايمى
انا؟
آه قلبى
انا اقولك زورى ولمى الهدايا وانا اسافر بيهم ؟
الله يسامحك
(صحيح هو كان فى كلام بالمعنى ده لكن مش بالنص يعنى)

الازهرى يقول...

ايمى

احم
هدية ايه ؟ هو فى مناسبة حلوة وانا مش واخد بالى والا ايه ؟

(ولا اكن انا قرأت أى حاجة)

EMMY BABY يقول...

دور ابنك الوسطانى ههههههههههههههههههههههههههههههههههههههههههههههههههههههههههههههههههههههه

طب والله ضحكتنى اه ياخوفى تطلع انت مكملتش ال 19 اصلا :p


مبحبش الشيكولاتة خلينا فى المصاصة وامرى الى الله

الازهرى يقول...

حروف
صحيح موضوع عيد الميلاد ده ؟
وبعدين يا ستى انتى قلتى نام والنور قطع ونمت
شكلك فيكى شىء لله
والهدية فى الطريق
طبعا الى ايلات

EMMY BABY يقول...

قلبك دانت ممثل بارع وقدير ولا كأنك قلت او عملت حاجة هههههههههههه


وكمان عايز تهرب من الهدية لايمكن دى عربية يا ازهرى عربية واحدة مقلتلكشى هات دبابة يعنى حاجة بسيطة ايه البخل ده ياربى

الازهرى يقول...

نضال ر
انا لا اسمح
فراخنا الحمد لله زى العسل وعندنا بيطريين زى ايمى اللهم لا حسد اخر شطارة

اهلا بك دوما واتمنى ان تتواجد وتتواصل بصفة مستمرة

الازهرى يقول...

من أجل فلسطين

شكرا على الدعوة واعتذر عن قبولها للانشغال

الازهرى يقول...

ايمى
انت موجودة بقى ؟
اسف المصاصة اتحجزت لكيارا
شوفتى الطمع يقل ما جمع ازاى

خليكى فى الشيكولاته بقى قبل ما ضد توصل

الازهرى يقول...

ايمى
خلاص يا ستى الامر لله اقمتى الحجة عليا
حددى زمان ومكان التسليم
ويكون فى سرية تامة
اتضح ان فى ناس تانية معاكى فى نفس التاريخ وكده مش هاخلص
اتفقنا ؟

فشكووول يقول...

ازهرى يا حبيبى
تحياتى
فعلا احنا محتاجين ان نكون بنعرف وبنفهم وفعلا احنا بقينا بنعرف .. فاضل اننا نفهم
انت كتبت احتفال بعيد ميلاد بيرى وما سبتش مكان للتعليقات فجيت هنا عشان اقول كل سنه وبيرى بخير
تحياتى وشكرا علىالتعليق

محمد مارو يقول...

حلوه اوى الفكره

فى الاول جوعتنى

و فى الاخر انتهيت بالسياسه

عامل زى مسرحيه عفرتو
تحياتى

Maha Shahen يقول...

والله عندك حق
وطلعنا من وصفة فراخ عاديه لحرب كبيره
هنئيا ليك لأكل الفرخه ويا رب نتعلم من مقاومتها شيء
وبلاش سيرة الفيران علشان فى ناس بتخاف
غيرى طبعا هههههههه

تحياتى

الازهرى يقول...

حبيبنا فشكول
صدقنى احنا بنشكرك اكتر على مواضيعك المهمة
والاهم هو فتح باب المناقشة دون تحيز لرأى معين بل مناقشة موضوعية وجميلة

بخصوص بيرى روح قول لها والا انت خايف من التكاليف
وعلى فكرة الموضوع كبر ويا ريت تقدر تيجى وتخلصنى منه

الازهرى يقول...

محمد مارو
المسرحية جميلة
وشكرا على التعليق الجميل

الازهرى يقول...

نور

طبعا طبعا
المهم ان احنا نكون احسن من الفرخة

نورتينى بجد

yoyo يقول...

فلبى معاك يا بنى والله هههههههههههههههه

انا هاطلب بحملة لجمع التبرعات بقلا وهنيا لك يا فاعل الخير و الثواب

هههههههههههه هنعمل ايه بقى كل دى هدايا واعياد ميلاد يالا انت تطلع على السيد البدوى وهناك هتعمل احلى شغل

تحياتى
يويو

فشكووول يقول...

شاطر بس تدوخنى بين المدونات عشان نهنى باعياد الميلاد .. كل سنه والجميع بخير
تحياتى

الازهرى يقول...

يويو
اخيرا لقيت حد قلبه معايا
بعد ما قربت ايأس

انا مش بحب الموالد
ومستنى نتيجة حملة التبرع

الازهرى يقول...

فشكولنا الغالى
نعمل ايه
امرنا لله
انا وانت فى مركب واحد واخده الموج