الأربعاء، 17 ديسمبر 2008

تاج


تضامنا مع كل صاحب فكر حر وقلم نظيف وموقف قوى
*************************************************************************************

تسديد ديون فى محاولة للنوم هانئا





تطبيقا لسياسة كراهية الدين التى اتبعها فى حياتى والأرق الذى يسببه لى فلا أجد مفرا من الإجابة على تاجين من المخزون لدى الأول من الجميلة سندس والأخر من الصديقة العزيزة صدى الصمت

ولنبدأ حسب الترتيب الزمنى
تاج الجميلة سندس
السؤال الأول : من أنت ؟
سؤال جميل أبحث عن أجابته من سنوات طويلة فلم أجد
ولكن أرى أننى انسان مصرى عادى توافق أن كانت دراسته بالأزهر وأحبه للغاية فأعطاه الأزهر الكثير وحمله أمانة ثقيلة ليبلغها لمن حوله من البشر ويدعوا الله أن يكون أهلا لها وألا يفرط فيها أو يقصر فى أدائها .
السؤال الثانى : البطاقة الشخصية ؟
للأسف وقعت منى منذ عدة شهور ولكن ما أتذكره من بياناتها هو
الاسم : عايش
الوظيفة : شاب طايش
الفصيلة : دم بايش جوه جدران العروق
نفسى يوم أقدر أفوق
نفسى أصحى مرة واحدة ويا لحظاية شروق
نفسى يتمتع شبابى أبقى تانى
نفسى أتمتع بتحقيق الأمانى
نفسى بعد سنين شقايا فى الزمان ألقى مكانى

السن : فكما يقول عمنا جاهين

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام


أو كما ذكر فى كتاب قصص العرب
عندما سئل أحدهم عن عمره فأجاب : ولدت على رأس الهلال للمنتصف من شهر رمضان بعد العيد بثلاثة أيام
واحسبوها بقى
العنوان : مصر المحروسة

السؤال الثالث : ما هى أحلامك ؟
كثير ويمكن أهمها عندى أن أرى العالم الإسلامى كما أتمنى أن تكون مصر درته الغالية وأن تعود منارة الحضارة للعالم ثانية وإلى الأبد


وبعدها أرجع طفل برىء من تانى

الحالة الإجتماعية : أعزب ويعول
السؤال الرابع : من أقرب الناس إليك ؟
أقربهم إلى بعيدا عن الأسرة وعنى صديقى الغالى على قلبى صلاح ويليه دينا التى أعتبرها أختى الصغيرة وهى بالمناسبة تقارب مولان فى الشبه فى نقاط لن أذكرها منعا للزعل
تحب تهديه لمين


طبعا مبدأ حب لأخيك ما تحب لنفسك كنت أود ألا أهديه لأى انسان ولكننى أهديه إلى أميرة التدوين لعله يتسبب فى رجوعها ولكل انسان يحب يحله


التاج الثانى من الصديقة العزيزة صدى الصمت وهو بمناسبة العيد وبما أننى أؤمن بأن كل يوم أقضيه فى طاعة الله وفى محاولاتى فى وضع حجر جديد فى بناء وطنى الجميل عيد فسأجيب عليه الآن


وطبعا الإجابات خاصة بيوم عيد الأضحى وليس كل يوم


ماذا يمثل لك العيد؟ وما أكثر شىء يبهجك فى مظاهر العيد؟
يمثل الأجازة بكل ما فيها من متعة بعد الإرهاق كما يمثل الفرحة بتجمع الناس والضحبة الجميلة
أكثر شىء يبهجنى فى العيد هو التجمع الجميل للناس بعد الصلاة والسلام علي أكبر عددممكن منهم وأيضا الفرحة الغامرة التى أراها فى العيون
أوصف لنا طقوسك فى العيد من ليلة العيد لآخر يوم ؟
ليس شيئا معينا فأنا أكره التكرار ولكن الخطوط العريضة
الذهاب إلى الصلاة وبالطبع العودة من طريق مختلف حيث يزيد ذلك من عدد من نهنئهم
وبعدها الجلوس فى المنزل لاستقبال الأقارب الذين عادة ما يتجمعون عندنا
إحكى لنا أطرف موقف حصلك فى العيد ؟
بعد خطوبة أختى جاء أهل العريس لزيارتنا وتم إيقتظى أجباريا للجلوس معهم وفى النهاية كان والده يجلس مع والدى وهو يتحدث معها ونساءهم جالسين مع أمى وأخوتى الأخرين وأنا جالس أسلى وقتى بعد الثوانى التى جلسوها وأخمن كم عدد الثوانى الباقية
بتحرص على تهنئة الأهل والأقارب والأصدقاء ولا مش بتهتم؟
طبعا أحرص على التهنئة وبداية من صلاة الفجر
مين أول حد تزورة أو تكلمة عشان تهنيه بالعيد ؟
ليس أحدا بعينه ولكن من يخطر على بالى وكل واحد وحظه
ايه الفرق بين العيد الحالى والعيد أيام الطفولة ؟
إن لم يكن هناك سوى أننا كنا نأخذ العيدية ولا نعطى فيكفى ولكن هناك الكثير
تفتكر الحياة من غير عيد هتفرق كتير ؟
بالتأكيد هيفرق كتير كفايه انه يحرمنا لمة الحبايب
اية أجمل رسالة تهنئة بالعيد وصلتك ؟ ومن مين ؟
العيد ده كانت عيدية أميرة التدوين وضد التيار بجد فرقوا معايا كتير جدا
لسة بتاخد عيدية ؟ من مين ؟ وبتديها لمين ؟
طبعا ندر من يعطينى عيدية ولكن أعطيها لعدد لا حصر له منهم على سبيل المثال أبناء أعمامى وأبناء أبناء أعمامى وأبناء أخوالى وأبناء أبناءء أخوالى وأخوتى الصغار أبناء أصدقائى والأطفال فى الأماكن التى أتردد عليها مثل النادى والثقافة وغيرها خراب بيوت مستعجل إنما فى الحقيقة جميلة السعادة فى عيونهم
اية رأيك فى التاج ؟
جميل جدا نبهنى لأشياء كثيرة
تحب تمرره لمين ؟ أذكر10على الأقل
بما أن المناسبة انتهت نحتفظ بيه للعيد القادم

وفى النهاية شكرا للصديقتين ولكل الأصدقاء وأدعوا الله تعالى أن يجعل كل أيامنا أعيادا جميلة



هناك 56 تعليقًا:

kochia يقول...

والله فكرتني بالديون
وعندك حق السداد واجب

عجبتني بيانات بطاقتك الشخصية
اما اجبابت التاج الثاني فرقيقة

تحياتي

لحظة تأمل يقول...

كويس انك سددت ديونك:)

عجبتى اوى اجاباتك على التاج الاول وربنا يحققلك كل احلامك ان شاء الله

وعندك حق احلى ما فى العيد لمة الاهل وكل اللى بنحبهم

دمت بكل خير

ريمان يقول...

السلام عليكم

ايه الاجابات المثاليه دى

عجبتنى اوى اجابتك على سؤال البطاقه الشخصيه

ههههههههه

مفيس اجابات صريحه ابدا ليه كده لام يعنى تلف وتدور

ههههه

دمك خفيف بجد

مع تحياتى ليك

وكل تاج وانت طيب وسعيد

سعيده بمرورى

r يقول...

كل سنه وانت طيب
العيد خلص خلاص
ان شاء الله كان عيد سعيد عليك

Beram ElMasry يقول...

الاخ الحبيب الازهرى
اسعد الله اوقاتك بالخير
البطولات التى تتم بعيدا عن عيون الاعلام ولا يذكر عنها احد شيئا
واجبنا ان نمجد مانعرفه ام نمتدح ما لم نعرفه
واعتذارى عن التأخير المتكرر
لا عليك فسعادتى ان تكون بخير دائما
شكرا لزيارتك مع تحيلتى

princess يقول...

اميرة دى انا مبدئيا؟هههههههه
انا اسمى جه فى المحضر يعنى تاج اول ما ارجع
طيب يا ازهرى اوعدك البوست الجاى التاج ان شاء الله
عاجبنى البطاقة مقلتش حاجة جديدة يعنى هههه
تحياتى

الازهرى يقول...

الجميلة كوشيا

شكرا على كلماتك الرقيقة وصداقتك الغالية

تحياتى وخالص مودتى

الازهرى يقول...

الجميلة كوشيا

شكرا على كلماتك الرقيقة وصداقتك الغالية

تحياتى وخالص مودتى

الازهرى يقول...

العزيزة لحظة تأمل

اللهم آمين

وجعل الله كل ايامك اعيادا سعيدة

تحياتى دوما

الازهرى يقول...

العزيزة ريمان
افتقدتك كثيرا هنا

طبعا مفيش لف ولا دوران هنا الحقيقة بكل شفافية

تحياتى دوما

الازهرى يقول...

العزيزة بسنت

ما حانا قلنا
كل يوم جميل عيد
جعل الله كل ايامك وجميلة وسعيدة

تحياتى وخالص مودتى

الازهرى يقول...

حبيب قلبى الاستاذ بيرم

متعك الله بالصحة والسعادة
نمجد ما نعلمه ولكن لا نعطيه اكثر من حقه تاركين الكثير من قضايانا
الاكثر اهية منسية فى خضم الاحداث

لم اجد رأيك فى التاج
كما يهمنى رأيك للغاية فى الموضوع الجديد فى المدونة الاخرى

مع كل الحب والتقدير

الازهرى يقول...

اميرتناالغالية
مبدئيا ونهائيا

المشكلة ان البطاقة ضايعة من فترة والكلام من الذاكرة

وطبعا بكل شفافية وصدق

تحياتى دوما

shimaa يقول...

تمتعنى كلكاتك وان كانت هربت من الكثير لكنه هروب ممتع

دمت بخير

Beram ElMasry يقول...

حبيبى الازهرى
اسعد الله صباحك بكل الخير
نمجد ما نعلمه ولكن لا نعطيه اكثر
لا مانع
لم اجد رأيك فى التاج
ردود ذكية . وانا لا افهم لماذا لا اقبل اى تاج واشعر بالغضب
مع كل الحب والتقدير
ولك مثله واكثر

نبض الروح يقول...

فعلا إجابات رائعة جدا
رغم تهربك إلا أنها دبلوماسية امممممممم بالتوفيق دوما وأبدا :)

yoyo يقول...

صديقى العزيز

إجابتك أكثر من رائعة و عجبتنى جدا فهى تعبر عن شخصية مثقفة جدا و قلب راقى
التاجين اظهروا جوانب جميلة جدا فى شخصيتك يالا عقبال التاج الجاى

ربنا يسعدك و يسعد قلبك و ان شاء الله تحقق كل احلامك

تحياتى
يويو

منى يقول...

التاج الاول اجابات متميزه رغم انك مقلتش اى حاجه

كل سنه وانت طيب
متاخره بس مع التاج بتاعك
تحياتى

بسبوسة يقول...

وفقك..الله فى احلامك

Kiara يقول...

انا برده اتبعتلي التاج ده

ومش جاوبته

بس اجاباتك جميله وروحها حلوه

صدى الصمت - عاشقة الورد - يقول...

أشكرك على قبول التاج وعلى إجاباتك الجميلة التى تحمل بهجة العيد وطقوسة الرائعة
بس ماتقولش علية دين عشان ماأحسش إنك مغصوب علية أو مضطر لإجابتة
تحياتى

ســـــــهــــــــــر يقول...

عايش
شاب طايش
دم بايش جوه جدران العروق
نفسى يوم أقدر أفوق
نفسى أصحى مرة واحدة ويا لحظاية شروق
نفسى يتمتع شبابى أبقى تانى
نفسى أتمتع بتحقيق الأمانى
نفسى بعد سنين شقايا فى الزمان ألقى مكانى


انا وقفت مع الكلام ده و حسيته قصيده
حسيتها اوى قبل ما يعجبنى مزيكتها اللى ما فارقتهاش

مقصره انا عارفه ف المتابعه لكن غصب عنى

EMMY BABY يقول...

امممممممممممم

ايه الاجابات دى
ماشاء الله هربت من الاسئلة بمنتهى اللباقة

عجبنى جا اللحن اللى بيانات بطاقتك الشخصية

ايه تانى يابت يا ايمان

اه

حاسة انك حمال قسية اوى وجواك حاجات كتير اثرت على حاجات انت مفتقدها دلوقتى

مع علينا ههههههههههه معلش طلع من امتحانات فتلاقينى بهبل

احلامك جميلة اوى ربنا يحققهالك

اجابات التاج بتاع العيد فيها سؤال زعلنى اوى

0

0


0


0

ازاى متدينيش عدية اشمعنى هما يعنى :(

ربنا يوفقك

تحياتى

ايمى

أسماء علي يقول...

على فكرة
نسيت تديني عديتي .. أنا فضلت مستنية و ماوصلنيش حاجة يعني ..!

...

اجابات التاج الأول خصوصا أكثر من رائعة و تدل على شخصية مشاكسة .. أعاننا الله (باااهزر)

و التاج الثاني .. أضحكني فكرة عد الثواني التي مرت و المتبقية هههههه
سأفعلها إن لم أحجد ماأفعله في أي مكان :))

دمت بكل ود ..

Unknown يقول...

حبيبى انا عندى دين برضو ححاول اسددة قريبا
ربنا يكرمك ويحققلك كل ما تريد
ماشى ياسيدى بتعول مين بقى
كل عام وانت بخير
كلامك واسلوبك فى صياغة الاجابات رائع
تحياتى

الازهرى يقول...

الصديقة الرقيقة شيماء

ليس هروبا ولكنها امور لو ذكرتها لن تعود الامور كما كانت واحب تأجيلها

تحياتى دوما

الازهرى يقول...

حبيبنا الاستا بيرم
متعك الله بالصحة والعافية فى كل الاوقات

وباذن الله تعود قريبا من الاجازة وتمتعنا كما تعودنا على كلماتك الجميلة

تحياتى وخالص مودتى

الازهرى يقول...

العزيزة نبض الروح

شكرا على كلماتك الجميلة
ولكن لى سؤال
اي حكاية اممممممممم
دائما فى وسط التعليق
تحياتى وخالص مودتى

الازهرى يقول...

الصديقة الرائعة يويو

لا اصدق اننى استحق كل تلك الكلمات الجميلة
يبدوا اننى افضل مما اعتقد
ويا رب يحقق لنا كلنا كل ما نتمناه
تحياتى وخالص مودتى

الازهرى يقول...

الصديقة المخطوبة حديثا منى

ازاى متميزة وازاى مقلتش حاجة
انا كده دخت

وكل يوم وانت سعيدة وفى هناء

الازهرى يقول...

العزيزة بسبوسه
او كنافة
مش فاكر المهم
اللهم امين
واتمنى دوام التواصل

الازهرى يقول...

الجميلة مولان
طيب ابعتهولك تانى وتحليه

منتظر الاجابه

الازهرى يقول...

الصديقة العزيزة صدى الصمت

احنا اتفقنا ان بين الاصدقاء مفيش غصب

لكن التاج الجاى هتعرفى ان دين افضل من حاجات تانية
استنى وانتى تعرفى
تحياتى وخالص مودتى

الازهرى يقول...

الرقيقة سهر
هو كلام كنت بقوله على المسح من سنين
واحنا كنا ركبناه على تعريف شخصيتى فى المسرحية
ففضل فى الذاكرة

كلنا غصب عننا
ماهى الدنيا كده هنعمل ايه
تحياتى دوما وابدا

الازهرى يقول...

ايمى

برده هتقول هربت
يا جماعة هو انا حرامى

اما بخصوص العيدية فانا بعتها مع برنسس واسأليها

وبخصوص الهبل
صدقينى الحقيقة قريبةقوى قوى من كلامك

تحياتى وخالص مودتى

صدى الصمت - عاشقة الورد - يقول...

على فكرة أنا مش زعلانة خالص
لية وصلك الإحساس دة ؟
أنا بأقولك ان الكلمة حسسيتنى انة دين مفروض عليك مش هدية بمناسبة العيد ،عادى
فى انتظار البوست القادم عشان أفهم ايه الحكاية
تحياتى

الازهرى يقول...

صاحبة الهدايا والافضال اسماء
الم يكن من الافضل اسما واحدا

ما علينا المهم العيدية انا بعتها قبل الوقفة بيوم على العنوان اللى معايا
اسيوط الدور التانى
مش هوه ده ( حقيقة مش هزار)

وطبعا النصيحة مجربة لكن ممكن تتعبى من العد انما انا نفسى طويل

دمت بخير ودامت صداقتك الجميلة

الازهرى يقول...

العزيز احمد

بعول نفسى واصدقائى وتلامذتى ووووو

انا بتعب من العد نكمل بعديت بقى

تحياتى وخالص مودتى

david santos يقول...

Happy New Year...

بنت مصريه يقول...

الله حلو قوى التاج ده يا ازهرى واكتر حاجه عجبتنى فيه
انك بتجاوب بالشحر
فعلا فكره جديده وحلوه
مبروك انك سددت الدين
واحييك عالبوست

غير معرف يقول...

عاجبك اللى بيحصل فى غزة دلوقتى

لو مش عاجبك وعايز تاخد موقف

تعالى عندى فى المدونة وشارك

غزة تصرخ

فهل سنجيب ؟؟؟

Beram ElMasry يقول...

الازهرى

فى مستهل العام الهجرى الجديد ادعو الله لكم وللاهل ، ان يجعله عام خير ورغد ، وان يحفظكم وجميع العرب من كل سوء ومكروه ، وان يسبغ علينا نعمة الامن والامان وكل عام وانتم بخير
بيرم المصري

PrInCeSS BeRy يقول...

احلى اخ فى الدنيا وحشتنى مدونتك كتير بعد غيابى شوية نونو متزعلش واله اتاخرت عليك بس ظروف تعبى بجد معلش


واحلى دين تسددة بجد لانك حد جميل كتير ربنا يكرمك ويسعدك

maha zein يقول...

اه شاطر اوي تحل تيجان الناس
لكن تحل التاج بتاعي لا
طب شطور والله
ده انا كمان افشته بالصدفة
لولا كده كن هظل مخدوعة
روح يا ششيخ وتعالا بسرعة
كلا البتا
مفيش صلح
حاشا وماشا خلاص
انا ماشية انا ومش جيالك تاني خلاص
يا شيخ بلا بتاع بقه

Unknown يقول...

اعلنها امام كل العالم
لست عاجزا
ساقاوم حت انتزع عزتى
كيف تنصر غزة الان على عمود نور
_________

لا تذكرو لى هذا العجز الاسود..... الان على عمود نور ... كيف تقاوم ماذا تفعل .. شارك الان ... تفاعل معنا
قدم اقتراحاتك

http://3amood.blogspot.com/

شمس النهار يقول...

ازيك
طبعا اجاباتك لطيفه وخصوصا انت مين
وياريت نرجع كلنا للطفوله
فين عيديتي انا بقا

سندس وأمل يقول...

شكرا اخى ازهرى لهذه المفاجأه الجميله..

قرأته كثيرا...ولكنى لم اعلق بسبب غزه..

وما يحصل فيها ..عزرا ان كنت تأخرت ...

ادعوا لهم بان يفرج عنهم هذه المأساه..

شكرا ثانيه...

الازهرى يقول...

ديفيد
كل سنة وكل الناس فى كل مكان فى خير وسلام

الازهرى يقول...

العزيزة بنت مصرية

والله مش شعر
دى كلمات مسرح
وربنا يسدد كل الديون على كل الناس

تحياتى دوما

الازهرى يقول...

عزيزى المحارب
طبعا ل يعجبنى
وانا ذاهب الى هناك

تحياتى دوما

الازهرى يقول...

حبيب قلبنا الاستاذ بيرم

دايما سباق بالخير
كل سنة وانت وكل والاحباب بخير
وفى سلام وهناء واتم عافية

تحياتى وخالص مودتى

الازهرى يقول...

اختى العثولة بيرى

الف حمد لله على سلامتك الغالية علينا كلنا
وطبعا انتى تيجى فى وقت

وكلماتك جعلتنى خجل كثيرا
تحياتى وخالص مودتى
وكل سنة وانتى طيبة

الازهرى يقول...

الجميلة مها

ولا حتى شوية صغننه
اديى حليت التاج
لكن مالناش من زعل

طبعا بكل الود والمحبة

الازهرى يقول...

الجميل احمد بدر الدين

نحن نعلنها صريحة بكل لغات العالم
وباذن الله ازورك

تحياتى دوما

الازهرى يقول...

الحاجة شموسة

الله يسلمك
العيدية ازاى ما وصلتش
انتى طبعا ليكىاكبر عيدية
انا بعتها مع البنت ضد
شكلها طمعت فيها وهربت
وانتى مسافرة

ليكى عندى عيديتين المرة الجاية ولا تزعلى

الازهرى يقول...

الجميلة سندس

غزة فى قلوبنا جميعا وكلنا نحترق لما يحدث فيها

ولكننا حاول ان نبتسم فى وجه المشكلات
ولكن فى نفس الوقت نحاول حلها

تحياتى دوما