زى النهاردة ومن سنين
لحظة أمل
صرخة ميلاد
نبض الحيارى من هنا
وصل هناك
والحضن جمع كل دول
طرح الميدان عايش أكيد
قلب انتفض
صوت انطلق
غطى جميع الموجودين
زلزل عروشهم زلزلة
جلجل كتير بعد السكات
صحى اللى مات
ورود كتير ... وبتتقطف
لأجل العطور
نسيم عليل
ميدان فى حبك يا بلد
لم البشر
نطق القدر
خلص اللى فات
والجاى ... بكرة
رغم الألم
وكتير أنين
راحل لفين
سايب أخوك وف قلبه موت
تارك مكانك للسكوت
فاكر الرصاص
طب الحشود
كتفى انكشف
ضهرى انحنى
شفتك بعيد رغم الدما
غطى عيونى
ف لحظة تايهة من الزمن
طعنة ألم
من غدر نسيانك لأخوك
كان ألف موت
هناك تعليق واحد:
حمد الله بالسلامة
إرسال تعليق