الأحد، 2 فبراير، 2014

2 فيراير



كنا هنا
شفت الألم
جنب الوجع
شفت الأمل
من غير دلع
شفت الحنايا والدموع
رفض الخضوع

شفت النحيل واقف هنا
زى الجبال
لا بينهزم ولا ينحنى
رغم الرصاص
ثابت بقلبه اللى اتكسر
يوم حبه مات
غاضب أكيد
صارخ بصوته اللى انطلق
شق السكات

شفت الحنون
مليان جنون
شايل عذابه والجراح
ماشى يدور ع البراح
فى عينيه أمل
وبين عينيه سكنت رصاصة
واتكتم
سكت الكلام
من غير ندم

شفته هناك
واقف بعيد
ضمم إيديه
يدعى يا رب
والباقى عين

ناظرة لفوق بترتجى
والقلب ساكن باليقين
ومعاه كمان بدل الرصاصة
أربعة
وقع الجدع
والخلق هاجت من جديد
والدم سال أعلن شهيد
والصحبة نادت يا رفاق
رغم الألم
رغم الجراح
رغم اللى راح
كنا وما زلنا

مكملين 

هناك تعليق واحد:

بسنت يقول...

شفت الحنون
مليان جنون
= صح