ضحكة بريئة ومؤلمة
ضحكة حقيقي فى يوم مطر
رغم الخطر
رغم الخطاوى فى ليل حزين
مرت سنين
وسنين كمان
ماشى وشايل ذكرياتى
عن اللى فات
بأحلم ببكرة جاى تانى
ومن سكات
جاى بضحكة من القلوب
وردة جميلة مفتحة
ساعة الغروب
جاى بفرح
جاى بهدية من السما
لنفوس جريحة من البشر
قلب انشطر
طفلة ضعيفة خايفة
فى قلب الخطر
جاى يا بكرة ومن زمن
فى طريق طويل
ماشى بخطوة حنينة
إمتى الوصول
هناك 3 تعليقات:
يا اهلا يا صاحبى اخبار ك ايه
هو سؤال صعب امتى الوصول
بس كلامك يا صاحبى فيه تفاؤل
جاى بضحكة من القلوب
وردة جميلة مفتحة
ساعة الغروب
وان شاء الله هتعرف توصل للطريق اللى بترسمه وهتعرف طرق مختصره هتوصل لبر الامان
بحب أنا الناس صاحبة الوجه البشوش المتفاءل رغم الوجع اللي حوالينا في كل مكان
جميلة
تحياتي
احلى حاجة فيك يا اسامة
انك دايما متفائل :)
ان شاء الله الوصول قرب
إرسال تعليق