الاثنين، 29 أبريل 2013

داين تدان



داين تدان

دا المشربية 
بتتفتح 

وبتتقفل

علي نسمة من ليلة زمان

 
على ذكرى فايحة
ف الدروب
 
على كلمة طايرة
من العيون

ساعة الغروب

على نغمة حلوة
من كمان

يا كلمة تاهت مننا
ساعة الأذان

وقعت
وضلت الطريق
من غير رفيق

يمسك بإيدها فى الضباب
ييجى الأمان

والضحكة تدوى
من جديد

والليل سعيد

بنهار وقرب م الشروق
هيروح ينام
تلمس خدوده
الهمسة
والضحكة كمان

والحضن يملك قسوته
بمحبته
يركن بخفة
ف الضلوع
يغسل هموم اللى اشتكوا له
فى الظلام

ينشر عبايته
للهدوء وللسكينة
وللسلام

وينام فى دفء الشمس
ينتظر الغروب

ويبتدى
ويسمى تانى من جديد
وليلة تانية من الآهات
تروح
ويفضل السكات

تروح
ويفضل السكات

هناك 3 تعليقات:

Ramy يقول...

يا عم يا جامد

لأ جامدة حقيقى

يارب تطون احسن دلوقت

Ramy يقول...

قصدى تكون مش تطون

اتعلموا انجليزى بقى (((:

Foxology يقول...

حلو الكلام :)

تحياتي