السبت، 7 يناير 2012

عجبتنى

وعجبنى اللى كتبها
ودخلت نغاشيش قلبى من جوه


عزيزتي المرأه التي تطالب بالمساواه عايز اسألك سؤال : .. .. .. .. .. .. .. .. اذا كان الدلع ليكى من و انتي صغيره وكل الهنا ليكى و انتي كبيره و دراستك على اخوكي و ابوكي و معندكيش جيش ولما نفتح الوظائف فى الجرايد بنلاقي تاء التأنيث مالية الصفحه وبعد الجواز مصاريفك على جوزك حتى جل الشعر الي بيستخدمه الشباب مكتوب سرحي شعرك و في اتفاقيات دوليه لحقوق المرأه و فى العيد انتى اول حاجة بيفكروا فيها و لو زعلتى ولا اتقمصتيلك شوية بيراضوكي و التاكسي بيوقفلك انتى مابيوقفش للشباب وبعد ده كلوووو تقولي مساواه مساووااااه مين ياللي تنشكي ف بطنك

وعجبي


هناك 22 تعليقًا:

Foxology يقول...

والمترو يا جدع ! دول بأة بيتعمدو يطلعو العربيات المختلطة بهدف ان الواحد يبقى عنده دم ويقوم لهم بس ده بعدهم .. تلحم تعش يا مولانا

تحياتى

ابراهيم رزق يقول...

مرة سالت واحدة ست كانت راكبة المترو و كانت تقريبا الوحيدة فى العربة لان بالصدفة كانت عربية السيدات امامى و اقل ازدحاما
قالت عشان احنا ستات زى بعض محدش بيقوم
انا كمان عجبتنى
سيبك انت
انت عامل ايه يا اس
ساليناز كويسة و بتسلم عليك
اما الفيس فهتصل بيك على التليفون

تحياتى

سفروتة يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههه هفطس من الضحك

ده انتوا مسودينها اووووووووووووووي من جوة
ياساتر عليكم :P

سفروتة يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههه هفطس من الضحك

ده انتوا مسودينها اووووووووووووووي من جوة
ياساتر عليكم :P

رؤى عليوة يقول...

كل اللى قلته مظبوط بس كل ده كان عشان الحاجة السوده اللى عندكم من ناحيتنا واللى بنت فى التعليقات ههههههههه

من جهة .. بيتمنالك الغلط يعنى

لكن كلام بجد موضوع الساواه ده مجاش على راس حد غير الستات اللى طالبو بيه يعنى كانت مالها الملاية اللف وكانت مالها قعدة البيت والله كانت حلووة والناس راضيه هههههه

كل وقت وله ادان صحيح لكن عن نفسى انا اشعر بالمساواه لكونى مسلمه وبس خلاص
لما الاسلام جه ادانى حقوقى واللى يظلمنى فيها هو ده اللى هطالبه بيها مش اكتر من كده

تحياتى بس متفرحش اوى مش كل الستات زيى كده ههههه

♥نبع الغرام♥♪≈ يقول...

بطلوا حقد بقا ههههههههههههههههههههههه

أنا - الريس يقول...

عشان كدا إحنا الراجلة المفروض اللي نطالب بالمساواة.

عارف في التدريس بمشوا المدرسات الأول بحجة إنهم وراهم طبيخ يعني يدوهم الحصص الأولى عشان يمشوا مع أني معنديش دم وبطالب مدام دخلوا سوق العمل يتعاملوا زيهم زينا بس خلاث

~ISLAM~ يقول...

وربنا انت بتقول كلام زى الفل

مين اللى يقدر الكلمتين اللى بتقولهم دول

الازهرى يقول...

فوكسولوجى

لالالا
المترو دا حكاية لوحده بعيد عنك هو والأتوبيسات

منك لله يا قاسم يا أمين علشان خرجتهم من البيوت
ما كانوا مدسوسين ومستريحين منهم

بلاغم

الازهرى يقول...

أبو خطيبتى

بلاويهم كتير
وخبثهم أكبر
هنحكى على إيه ولا إيه ولا إيه

سيبك إنت الدنيا ماشية برضه

ومستنى اتصالك

الازهرى يقول...

سففففففففففففروته

اللهم آمين
اتشجعى انت بس وافطسى
والباقى علينا

احنا اللى مسودينها ؟؟؟؟؟

هى سودة ومهببة بسببكم أساسا

الازهرى يقول...

أمة الرحمن

وهو لو كلهن زيك كده كنا تعبنا

المشكلة انك بتمثلى نسبة الواحد فى المليون ويمكن أقل بكتييييير

ربنا على الظلمة والمفتريين

الازهرى يقول...

نبع الغرام

حقد ؟؟؟؟؟؟
إحنا ؟؟؟؟؟؟

الله يسامحكم

الازهرى يقول...

ريسنا

والله أنا بأطاللب بكده من سنين

تيجى نعمل حزب ؟؟؟؟؟

أيوه عارف المثال ده
وأيام الإمتحانات بيخلوا الرجالة تقعد تصحح والستات يروحوا علشان يلحقوا البيت
واتدبس يا معلم فى التعليم كله

ربنا على الظلمة

الازهرى يقول...

إسلام

أنا أقول وفى عين التخين كمان

واللى يقدر على حاجة

هو عمر ولا أكتر

لــــ زهــــــراء ــــولا يقول...

هههههههههههههههههههههههه

ربنا يسامحك
لولا

حنين يقول...

السلام عليكم

ههههههه دى اسمها نفسنه ولا إيه مش اوى كده انتوا ظالمين الستات حرام عليك انا عارفه ان فيه منهم بيقولوا مساواه بس الكلمه دى بجد المفروض تتلغى لاننا كلام فى سرك اخدنا كل الحقوق واتساوينا والحمدلله من زمان

تحياتى

الازهرى يقول...

لولا

يسامحنى ؟؟؟؟؟؟؟

وهو أنا قلت غلط

الازهرى يقول...

حنييين

تخيلى اول م دخلت جريت على مدونتك
كان خبر جميل رجوعك

وبلاش نفاق
إنتم أخدتم حقوقكم والمساواة وعديتوا لهضم حقوقنا كمان

فشكووول يقول...

اما انت لك حاجات يا ازهرى
والله كان نفسى اقول كل اللى بتقوله بس انت راجل شجاع وانا ما اقدرش .. اصل لهم مندوب عندى فى البيت وماسك لى العصايه على طول وانت عارف لما الشومه تطرقع على الدماغ

الازهرى يقول...

عمنا فشكووووووووووول

هو اللى باقى يستاهل خوف برضه

فضفض يا عم واصرخ باعلى صوتك

افكار مبعثرة يقول...

يعني يبقى اول زيارة ليا لمدونتك و لا بيا ولا عليا و الاقيك داخل شمال كده هههههههههههه على فكرة ده ظلم ههههههههه
مش كل الستات بتطالب بالمساواة و انا اصلا شايفاة موضوع فاشل و انا ايه اللي يخليني اتساوى بالرجالة و انزل اشتغل و اتمرمط و اصحى بدري هههههههه
حاسة اني بغيظك زيادة :))))))))
تحياتي ليك و تقبل مروري