الجمعة، 4 نوفمبر، 2011

شكر خااااااااااص

 من الصعب أن تصف الكلمات الفرحة التى غمرتنى بمن حضروا الزفاف أول أمس ولكن هكذا الإخوة

فلهم منى كل الحب والمودة


 

سالى


والدة منى



 
وطبعا فى صور رائعة بس ممنوعة من النشر والأمر لله



وشكر خاص لرجالة فريق شبابنا الذين حملوا على أعناقهم أن يجعلوها ليلة العمر ونجحوا فى ذلك على مدار يومى الفرح باذلين جهدا رائعا


وبالطبع كل العذر لمن لم يحضر

وكل عام والجميع بخير وسعادة وهناء

وجعل كل أيامنا فرحا

هناك 15 تعليقًا:

ابراهيم رزق يقول...

الف الف مبروك
كانت ليلة زى العسل بالعريس و العروسة و بيكم و بكل الناس الطيبة اللى حضرت
ساليناز بتسلم عليك و مبسوطة بالجرب قوى و بتقولك انا فين صورتى
ههههههههه

كل سنة و انت طيب و عيد سعيد عليك

تحياتى

كيــــــــــــارا يقول...

كان يوم جميل أوى بجد

ربنا يباركلها يارب

وعيب يااستاذ انت تشكر هموتك

كل سنة وانت طيب بئا

الازهرى يقول...

أبو سالى
ربنا يبارك فيك يا رب

هى لها عندى تقريبا 30 صورة

هأبعتهم بإذن الله على ميل المدونة لإن كلها مع العروسة

وكل سنة وإنت وكل أحبابك فى خير وسلام

الازهرى يقول...

خياراااااااا

كان يوم رائع بوجودكم

ومش شكر بس افتتاحية واستنى اللى جاى

وكل سنة وانتم طيبين

Ramy يقول...

ألف مبروك يا باشااااا

هو انت العريس و لا ايه ((:

كان نفسى اجى بس الظروف بقى انا لوحدى و محدش هيغطينى

الحمد لله انكم انبسطو و اليوم كان جميل

و كل سنة و انت و كلكم طيبين عيد أضحى سعيد عليكم

ربنا معاهم فى حياتهم الجديدة

و يوفقهم

فاتيما يقول...

بتشكرنا على ايه يا زيزو ؟!!!

احنا اللى مفروض نشكرك على الدعوة الطيبة دى
وعلى الشوية اللى قعدناهم ف فرحة وبهجة وانشكااااح

بص
انا كان فاضلى نص ساعة كمان
وأقوم أرقص ...
بس وضعى التدوينى وبرستيجى قصاد الجمع الغفير وكدا ..
منعنى
زائد انى اصلا مليش غير ف التصقيف وبس

بس ندرن عليا يوم فرحك
لأقوم بالليلة من اولها لأخرها
لعدة اسباب
اولهم انى هبقى اختليت عقليا من كتر الفرحة والتشفى فييييك
ثانيا هبقى وسط عدد كبير من المدونين اللى هما أهلى ومش هنكسف قوى
ثالثا هبقى واخدة أذن من امى اقعد الفرح كله بقى .. وكدا

والدتك ست جميلة قوى
انا عرفت خفة الدم بتاعتك دى جايبها منين
واخواتك البنات طيبات واولهن العروسة الننوسة
وعرفت الطيابة جاية منين
أكيد الجدعنة من الحاج
يعنى انتا مش جايب حاجة من عندك عشان تبقى عارف ...
هه


انا بحييى معاك الشباب اللى عملوا حس جامد للفرح وفعلا كلهم كانوا باين عليهم فرحانين ...

ندى بقى كانت مش زى القمر ...
لاااااااااا
القمر هوه اللى كان زيها
ماشاء الله
الفستان تحفة والميكاج وهيا ضحكتها تجنن وعيونها شقية ...
ربنا يفرحها ويسعد ايامها دايما
ومحمود شكله ابن حلال وطيب قوى
ربنا يهدى سرهم
ويبعد عنهم العين
والناس الحاكدة
واللى بيقولوا جواز لأ والأفلام دى
عارفههههم |؟!!!

طواايب

الف مبروك يا اخو العروسة
والنبى كان شكلك حلو وانتا قاعد جنبها ف الكوشة لما العريس راح يكتب الكتاب
والبدلة كانت عاملة شغل برضو

طب خلاص اهو
البدلة موجودة
والطلة حاضرة وعليك هيبة
والمعازيم اللى هما احنا ..مستعدين
وامك واخواتك يتمنوا
ناقص ايه بقى ؟!!!!

العروسة بمواصفاتك
دى جزئية شكلية وممكن نتغاضى عنها ونعبرها يعنى ...
بطلوا تلاكيك ونمكية خلوا عجلة الانتاج تمشى والبلد تستقر ...



الف مبروك يا غالى
فرحت قلبنا بالليلة دى ...
وعشان كدا
احنا اللى بنشكرك
شكر خااااااااااص
اكبر من بتاعك

وعقبااااااااااااااالك
يا كل اللى ف بالى
وضد الجمعية واهدافها
خد من قلبى وصّر

هه


اشوفك يوم الجمعة على ألف خير
بؤجة وتبرع بالدم وكدا
ماشى ؟


سلااااااااااام


وعقبال بوست جوازك يا خويا
وراك وراااااك

نور القمر يقول...

الف مبرووووك يارب .. وان شاء الله تتهنا
مع تحياتى
نور

eng_semsem يقول...

الف مبروك وربنا يتم ليهم على خير وعقبال لما نفرح بيك بقى ونشوفك في القفص قفص الزوجيه يعني
وكل سنه وانت طيب

فشكووول يقول...

يا نهارك ابيض ومبيض وبستين زهره .. ايه اللى انت عملته يا يا بنى .. مره واحد وعما ل تضحك على وتسرح بى وعامل فيها زعيم العزاب وانت غرقان فى العرس والافراح وانا ولا انا عارف حاجه والأخر ما تدعنيش ..
الف الف ... الاف المباريك .. ربنا يرزقك البنين البنات الصالحات ويجعل لك من زوجتك حسنة الدنيا وحسنة الآخره

الف الف مبروك يا سمسم
تحياتى للعروس

جارة القمر يقول...

الف الف مبروك ربنا يتمم لها بخير يارب
وعقبالك ان شاء الله


وكل سنة وانت طيب بقى عيد سعيد عليك

لحظة تأمل يقول...

طبعا انا جاية متأخرة تأخير السنين وفايتنى كتييير :)

الف مبرووك وربنا يباركلها يارب وعقبالك يا ابنى :)

وعارفة ان قلبك طيب وهتسامحنى انها جاية متأخرة

دمت بخير

غير معرف يقول...

ثقافة الهزيمة .. عصابة البقرة الضاحكة‏ 3

وأنا تقديري الشخصي لهذه العملية الخاصة بسعاد حسني أنه لم يكن ثمة ما يدعو لأقتحام الغرفة عليها أثناء وجودها مع ممدوح والأكتفاء بمواجهتها بالصور التي حصلنا عليها من عملية الكنترول خاصة وأن الأقتحام تم أثناء ممارسة أوضاع جنسية وكانت سعاد عريانة،

وأذكر أنه في مرحلة من مراحل العملية كانت سعاد وممدوح متغطيين بملاية وكان ذلك من ضمن الأسباب التي دفعت إلى التفكير في الأقتحام أنما هذا لا يمنع من أننا ألتقطنا لهم صور قبل ما يتغطوا بالملاية، وقد كانت هذه العملية الخاصة بسعاد حسني هي أول عملية نلجأ فيها إلى هذا الأسلوب في التجنيد وهو ضبطها متلبسة.

باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى

www.ouregypt.us

اقصوصه يقول...

بالرفااه والبنين :)

عازفة الالحان يقول...

صًبآحك مُزهر غآليتِي

ألف مبروكْ وأكثثُر

ومآ أجمل لقآء الأصدقآأء

دُمتي بخير

شمس النهار يقول...

الف الف مبروك زعلانة اني ماكنتش هنا
بس اللي اسعدني اني كنت في الحج ودعيتلهم كتير
وطبعا دعيتلك اننا نجوزك قريب ان شاء الله
:))))