الاثنين، 31 أكتوبر، 2011

دعوة بالمقلوب + تحديث هام





يا جماعة تصحيح بسيط اسمه نادى مصنع الطائرات وليس الطيران
غلط لغوى وبلاش تسييح فى المنطقة

من الآخر كده يا بشر وبدون كلام كتير
يوم الخميس الجاى 3 نوفمبر
هيكون فرح أختى الصغيرة 
ومن هنا بأوجه دعوة وتحذير
الدعوة لكل إخواتى وحبايبى من المدونين
وأتمنى الكل بإذن الله يحضر ويكون يوم فرح لنا كلنا

أما التحذير وبأوجه بكل قوة وحزم وشدة ضد أ حد فكر ولو للحظة فى عقله الباطنى إنه يناصر حزب الشر والأذى أو جمعية المرأة المتوحشة يقرب من قاعة السحاب الكبرى أو نادى مصنع الطيران أو حتى منطقة حلوان
وربنا
وربنا
وربنا كمان مرة
لأغرقة فى المالح
ولإصحابنا اللى هييجوا الدعوة مفتوحة لكم ولكل أحبابكم بدون حدود
والوصف سهل
من عند ركن فاروق وإنت داخل حلوان هتقول للسواق على النادى هينزلك هلى الباب
ولو من المترو نركب عربيات المساكن أو التبين دقيقتين وتقول للسواق على النادى برضه هينزلك على الباب
والناس اللى مش بخلاء
ممكن يركبوا تاكسى هيوصلهم مفيش مشكلة

ولو فى حد عنده وصفة أسهل
يا ريت بلاش خباثة هى مش لجنة ثانوية عامة هنا

هناك 29 تعليقًا:

شمس النهار يقول...

اااااااالف مبروك

وان شاء الله هسافر الاحد

وهكلمك الصبح

:)))

ابراهيم رزق يقول...

الف الف مبروك
ربنا يتمم بخير يارب

مش عايز اقول عقبالك
اسكت يا لسانى
هههههههههههههه

تحياتى

لـــولا وزهـــراء يقول...

مبروووووووووك ربنا يتمم بالف خير

فاتيما يقول...

عزومة دى ولا واقفة ف المدبح ؟!!!

مفيش فايدة فيك
ماشى ماشى
مردودالك يا معلم
ف فرحك ان شاء الله
وانا اللى هكتب الدعوة عندى ف روح قلب ماما واسيحلك ف عموم البلوجر ...

بس تيجى بنت الحلال
اللى امها داعية عليا ف ساعة مغربية
لا تكسب ولا تربح ولا تشوف هنا


انا جاية ان شاء الله
عشان خاطر البونية الغلبانة دى
نفرحلها ونهيصلها شوية
مش عشانك خالص
ولا ردا لحركات جدعنتك معانا
ولا مشاركة ليك
ولا عشان اشوف الحاجة
ولا أى منظر من دول خالص

متخدش قلم ف روحك
انا جاية عشان اكتب تقرير للجمعية
واروح


الف مليون مبروووووووووك يا زيزو
وعقبالك يا فتى

:)

لووووووووووووووووولى

اهو عشان ابقى وجبت من قبل ما آجى
:)

Ramy يقول...

مبروووووك يا ازهرى

و عقبالك كده

يوم ما نفرح فيك يا رب قريب

قول أن شاء الله

كان نفسى اجى افرح معاكم معلش بقى

الظروف

بأذن الله تبقى ليله سعيدة على الكل

(:

ستيتة حسب الله الحمش يقول...

ألفين مبروك
والله فرحت للخبر
وعقبالك يا ازهري
وبعدين مالك انت ومال جمعية المرأة المتوحشة
اتكلم على أدك يابني ده انت صغار وشباب ومصر عايزاك
ربنا يخلي الجمعية اللي عرفتنا ازاي نتعامل مع وحوش مدللة شرقية معقدة غير سوية
بس كده

و قدرت طبعا ها اجي وسعيدة انك عزمتني
ربنا يتمم لها على خير ويخلي جوزها خاتم في صباعها البنصر

Foxology يقول...

الف الف مبروووك يا صديقى وعقبالك يااارب :))

تحياتى

سفروتة يقول...

لولولولولولولولووووووووووووي
مبروووووووووووووووووووووووووووووووووووووووووووووووووووووووووووووووووووووووووووووووووووووووك يا بابا
:D:D
وعقبال ما نفرح فيك كده يا رب
قول امين
:P

جايدا العزيزي يقول...

الف مبروووووووك لاختك

وعقباااالك

يارب يجعل كل ايامكم سعاده وافراح

عيد اضحى سعيد عليكم اخى

تحياتى

عازفة الالحان يقول...

الف مُبروكْ ي نقًي

دمتم بخير

وجع البنفسج يقول...

ألف مبارك لاختك وبالرفاه والبنين

ربنا يهنيها ويسعدها يارب ..

همس الاحباب يقول...

الف مليون مبروك
وربنا يتمم بخير
وان شاء الله نشوفك على خير باذن الله

الازهرى يقول...

شمس

ربنا يبارك فيكى

وتروحى وترجعى بألف سلامة

الازهرى يقول...

أبو سالى

أيييييييييييييوه
دى الناس العاقلة

امسك لسانك
بدل وربنا اخطف سالى

الازهرى يقول...

لولا وزهراء

ربنا يبارك لكم

ويرزقكم الخير دوما

الازهرى يقول...

فاتيما

أيوه من المدبح نتحدث
علشان كل واحد يلزم حدوده ويعرف إن فى كبير فى المنطقة

وربنا يدينا ويديكى طول العمر
بعد ما نفرح بيوسف بإذن الله بأربع سنين أكون جهزت وندخل فى غمار المعركة على طوووووووووووووووول

والبونية بتسلم عليكى كتييييييييييييييييييييييييييييييير

وفى انتظار الجمعية ويبقى ورورنى يا بشر هتعملوا إيه

الازهرى يقول...

رامى حبيب قلبى

كنا سيرتم أنا ومينا فى الميدان

فرحنا فى القلب
وما دام إنت فى القلب يبقى أكيد مشارك معانا

الازهرى يقول...

دكتور ستيتة

اللهم بعد الشر عن شخصىالطيب المتواضع

ما هى المشكلة
إنى بأصغر نفسى وبأتكلم مع الجمعية


بجد مش قادر أعبر عن سعادتى إنك هتنورينى

وعلى فكرة العريس شاف الدعاء وجاله اكتئاب من أولها داخلين على طمع فيه ؟؟؟؟

الازهرى يقول...

فوكسولوجى

حاف لأ

لازم تحضر يا صاحبى

الازهرى يقول...

زعيمة السفاريت

بقى كده

محرومة من العيدية تماما

ويبقى ورينى بقى هتعيدي إزاى

الازهرى يقول...

جايدا

عيد سعيد على كل الأحبة

وكان نفسى تحضرى

الازهرى يقول...

عازفة الألحان

الله يبارك فيكى يا رب

الازهرى يقول...

وجع البنفسج

ربنا يبارك فيكى

وعقبال ما نفرح كلنا فى فلسطين العربية المسلمة المحررة

الازهرى يقول...

أبو همس

بإذن الله تنورونى وأفرح بوجودكم معايا

نور القمر يقول...

الف مبررررروووك لاختك اخي ..
وان شاء الله تتهنا وتفرح ويجعل ايامها حلوه ..
مع تحياتى نور

جارة القمر يقول...

الف مبروك لاختك يا ازهرى يارب

ربنا يتمم لها بخير و يتم نعمته عليها و على زوجها

rovy يقول...

ألف ألف ألف مبرووووووووووووووك .................ربنا يتمم بخير يااارب و يسعد اختك و يرزقها كل السعادة ..

كيــــــــــــارا يقول...

الف الف مبرووووك

وان شاء الله جايه :)

عمرو يسرى يقول...

الف مبروك
وربنا يتمم بخير
وعقبال مانفرح فيك