الاثنين، 9 مايو، 2011

محاولة للفهم



video

أنا راجع من امبابة امبارح فى نص الليل والدنيا هناك كلها توتر
ليييييييييييييييه ؟
حد يفكر معايا
اللى حمى الكنيسة بتاعت شارع الوحدة وطفاها أغلبهم مسلمين
اللى بيحمى الكنيسة بتاعت شارع الوحدة حاليا أغلبهم مسلمين
اللى حارب الناس اللى بتدمر هناك امبارح أغلبهم مسلمين
الناس بتقول إن فى حد من اتصل بشيخ على إنه البنت المخطوفة فى الكنيسة
وحد اتصل بالناس فى الكنيسة وقال لهم إن فى ناس جايين يهاجموها ويحرقوها
موضوع السلاح اللى فى الكنيسة حقيقي مش كدب ودا من سنين طويلة لإن البصراوى أسوأ من الباطنية ألف مرة
والموضوع مش كنيسة هى منطقة لبش أساسا من بداية التسعينات ولغة الحوار فيها بين أهلها بكل طوائفهم وحتى بين المسلمين وبعضهم هى السلاح
الشرطة كانت طول عمرها بتخاف تقرب من هناك إطلاقا لإن المنطقة أسوأ من غيطان الذرة بتاعت الصعيد وعشوائيات خالد يوسف فى حين ميسرة ولو دخلتها قوة شرطة كاملة ممكن تختفى بعربياتها وقواتها ولا حد يعرف له طريق

حد فهم حاجة ؟

هناك 9 تعليقات:

ريــــمــــاس يقول...

مايجب أن نفهمه أن يبقى المسلم والمسيحي يداً واحدة يجمعهم وطن واحد "
؛؛
؛
لروحك عبق الغاردينيا
كانت هنا
reemaas

لـــولا وزهـــراء يقول...

ياريت كلنا نحاول نفهم بجد اننا فى الاخر مسلمين او مسيحين او يهود او كفره كلنا فى الاخر انسان ومافيش حد فينا له فضل على التانى كلنا فى الاخر هنقف امام ربنا سبحانه وتعالى وكلنا هنتحاسب ويا عالم بقى مين داخل مين اللى هينجح يوم القيامه للاسف كل اللى بيتكلم بيتكلم بطريقة يلا نفسى وانا ومن بعدى الطوفان وماحدش عاوز يفهم اى حاجه
ربنا يستر لانى مرعوبه


زهراء

Foxology يقول...

يا أزهرى احب اقولك الحقيقة المرة أن الكنيسة اللى ف شارع الوحدة وشارع الوحدة خصوصا من أفضل المناطق فى امبابة تخيل !!! فى مناطق بأة محدش يعرف عنها اى حاجة الا اللى ساكنين فيها او قريب منها ( زى حالاتى كدة ) لو انت اساسا مش من المنطقة انسى انك تدخلها ولو دخلت انسى انك تخرج ! مابالك بالشرطة ؟؟؟؟؟

محدش فاهم غير ان فى ناس عاوزينها تولع وتقع وربنا يسترها

تحياتى

sony2000 يقول...

ربنا هيسترها باذن الله
يارب

kochia يقول...

انا مش فاهمة
حتي لو سلفيين كلهم زي ما بيقولوا مهو فيه اخرين بيقولوا عكس كدة
يبقي ده مش منهج سلفي ده منهج افراد
مين هم بقي الافراد دول
مش فاهمة

الازهرى يقول...

ريما

أفضل من أن نفهمه هو أن نعيشه

تحياتى دوما

الازهرى يقول...

زهراء

باضم صوتى لصوتك بشدة

ومرعوب جدا
بس لازم نتحرك كل واحد فى محيطه علشان نسيطر على الأمور

تحياتى دوما

الازهرى يقول...

فوكس

ربنا يسترها

المهم انت تكون كويس

والأمور عندك بدأت تتحسن

الازهرى يقول...

كوشيا

هم مش سلفيين
هو استغلال لأفراد تحت مسمى السلفيين

وللأسف بينجحوا بسبب تقاعسنا إحنا

تحياتى دوما