الجمعة، 5 مارس، 2010

ألغاز



لكن مين يحل

مش عارف الكل مصر إنى أقول كل كبيرة وصغيرة ليه ما الحكاية اكتملت وخلاص ، ماعلينا
أولا حكاية الصلاة خير من النوم دى نكته كنا بنقولها زمان ، ودى بتقول إن فى واحد كان نايم فى البيت وسمع الأذان وكسل يقوم شوية والمؤذن قال الصلاة خير من النوم ومراته بتصحيه
فرفع راسه حبتين كده وقال: والله يا سيدنا الشيخ جربنا ده وجربنا ده لقينا النوم احسن
وده بيفكرنى بالمرة بنكته كنا بنقولها فى حصص الفقه أيام الثانوى
واحد راح لشيخ وسأله : يا سيدنا الشيخ هو أنا أقدر أصلى العصر من غير ما اتوضى ؟
فرد الشيخ : لأ طبعا يا ابنى ما ينفعش
فقال الراجل : بس انا عملتها ونفعت
أما بخصوص إنى خلصت الخناقة وانا نايم فدى حكاية ظريفة جدا
أنا من النوع اللى بينام فى الصيف على أربع جهات على رأى أصحابى يعنى ممكن أنام راسى على المخدة عادى أصحى ألاقى رجلى مكان راسى وبالعكس وبأتقلب وأنا نايم كتير ويومها كان الولد اللى مصر يفتح النور بيضرب فى الولد اللى نايم فى السرير اللى تحتى والباقيين استغلوا الفرصة وطفوا النور وهوب فى اللحظة دى يقدر ربكم إنى أتقلب وانا نايم فيبان ركبتى متنية على طرف السرير وفى نفس الوقت ايدى تقع تحت وتضرب الولد على دماغه وهو يبص من هنا ويفتكر إنى صحيت وزعلت من الدوشة ودخلت جبهة جديدة ضده ، وعنها واللى طلع عليه يصرخ ويقول والله لأنام والله آخر مرة ومش تسمع لى صوت تانى
أيوه ما صاحبكم سيطرة برضه وله وضعه ، وببساطه ومن غير فذلكه لإنى بأتعامل بصرامه فى الأوقات دى وبالإضافة للضرب بيبقى فى كمان حق عرب عزومة على أى حاجه أختارها لكل الموجودين وطبعا الضربة فى موضوع الجيب تعضل والكل عارف كده والولد نام مع اللى موجود فى السرير اللى تحتى لحد الصبح .
نيجى بقى لموضوع الخناقة ، بعد ما صحيت لقيت الناس بتتكلم عن الخناقة ويوصفوا فيها وطبعا أنا ولا أعرف عنها حاجه علشان كده فضلت أسمع وبس ومن هنا لهنا وبعد الحكاية ما قالوها حوالى عشر مرات ( بعشر روايات مختلفة تقريبا لحد ما فكرونى بتفجير الحسين ، فكرونى أحكيها بعدين ) استخلصت إن الحكاية كالتالى
كان فى واحد قاعد ومعاه جرنالين تقريبا المصرى اليوم والأهرام أو حاجه زى كده وكان الراجل بيحل الكلمات المتقاطعة على نور كشاف التليفون بتاعه وكان فى واحد واقف جنبه فأستأذنه إنه ياخد الجرنال التانى يحل فيه فالراجل شرح له بلباقه إنه بيحب الكلمات المتقاطعه وإن الاتنين يادوب يوصلوا لمحطته فالتانى ضحك معاه وقال له إنه عايز يحل لعبة السودوكو وبعد ما يحلها يبقوا يتبادلوا الجرايد وكل واحد يحل اللى عند التانى واتفقوا على كده ، شويه واتضح ان الراجل محترف سودوكو هو وصاحبه اللى جنبه حلوها فى وقت قصير وطبعا استنى ان التانى يخلص الكلمات المتقاطعة لحد ما زهق فراح يتمشى حبتين فى القطر رجع لقى صاحبه بيتخانق مع صاحب الجرنال ، ودخل فى الكلام عرف ن صاحبه ما يعرف الإتفاق فحل الكلمات المتقاطعة كمان وهوب صاحب الجرنال عرف وقام يزعق وحاول الراجل يهديه ويعتذر له ، مفيش فايده ، كلمه من هنا وكلمه من هنا واحد منهم غلط التانى رد عليه بغلط أكبر ومسكوا فى بعض وقام اصحابهم يسلكوا ما بينهم لكن واحد منهم كان أحمق وكلامه كتير غلط فى الكل فهاجوا عليه وطبعا اصحابه وقفوا يحموه وواحد وقع على واحد نايم فصحى وبدل الواقع ما يعتذر غلط معاه فاتخانق وواحد من اللى بيسلكوا أخد ضربة هو كمان فاتخانق مع الضارب والقطر كله قام على بعضه وكانت معركه رهيبه خرج منها الكل تقريبا مصاب ووقف القطر فتره فى مغاغا لما الشرطة نزلت المجموعة أساس المشكلة والله اعلم الموضوع رسى على إيه دلوقتى لكن ( على حسب حكاوى الناس ) شكلها امن دولة ومخابرات ، ليه ؟ الله أعلم
إيه ؟ موضوع الحسين ؟ هو لازم يعنى ، الأمر لله وحده
لو كنتم فاكرين من كام سنه كده تفجيرات الحسين كانت يوم الخميس آخر النهار وفى الوقت ده انا كنت هناك وفى وقت الحدث تماما وسمعنا الدربكه وبأسأل واحد من الناس فى إيه ؟ قال واحد فجر قنبله
دخلت الأزهر صليت المغرب وأنا طالع سمعت واحد جنبى بيقول لصاحبه واحد رمى قنبله على السياح !
عملت مشوار كده ورا جامع الحسين وأنا خارج دخلت أصلى العشاء فى الأزهر كان ناس بتتكلم فى مكان الوضوء وسمعت إن واحد فجر نفسه وسط الناس!!
خرجت من الصلاة ومشيت ناحية مستشفى الحسين علشان أركب من موقف الدراسه للمنيب وإذا واحد واقف بيتكلم مع صاحبه وعرفت من كلامهم إن واحد فجر موتوسيكل ملغم !!!!
المهم روحت البيت تقريبا الساعة واحده بالليل ونمت وصحيت صليت الفجر وقعدت كالعادة يوم الجمعه قرأت قرآن وشويه النهار طلعرحت جبت الفطار وفطرنا كلنا مع بعض وقعدت لحد صلاة الجمعه مع إخواتى فى البيت ، وطلعت أصلى قابلت واحد من أصحابى ، أول ما شافنى قال لى عرفت اللى حصل ، قلت له خير ؟ قال لى يخرب بيتك كالعادة آخر من يعلم مش واحد فجر اتوبيس سياحى فى الحسين !!!!!!!!!!!!!!!!!!!!!!!!!!!
وعلى الرغم من إنى شفت الحدث تقريبا بعينى وعاينت المكان والمصابين بعينى فحتى هذه اللحظه نفسى أعرف إيه اللى حصل فعلا يومها فى الحسين ؟

هناك 51 تعليقًا:

كيــــــــــــارا يقول...

هحجز


اووووووووووول تعليق

حروووووووووووف يقول...

نعم اية دة ازاي

كيــــــــــــارا يقول...

هههههههههههههههههههههههه

حلوة اوي ياعبده ياسيطرة

وعلي فكرة موضوع اختلاف الراوية انا درسته هههههههههههه بيموتني من الضحك بجد

كيــــــــــــارا يقول...

ههههههههههههههههههههههههههههههه
ههههههههههههههههههههههه


مش قادرة امسك نفسي من الضحك


فاكرة موضوع الحسين دا هههههههههههههههه

حرووووووووووف يقول...

اذا كان هو اللي قالي نزل البوست انتي لحقتي ازاي يعني يا كيارا ها ماشي ماشي

كيــــــــــــارا يقول...

ههههههههههههههههههههه قاعده علي الباب

نياهاهاهااهاهاهاها

بيطرية ومش بايدى يقول...

انا جيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييت
نورت البيت

بيطرية ومش بايدى يقول...

والله مابعدنى عن شرب مقالبك غير الشديد القوى
ادعيلى ياازهرى من كل كلبك
ان ربنا يوفكنى فى حياتى الملغمة بالصريصار والحمار والبقية التى تاتى
دعواتكم بقى وابقى كده انا التالتة
عشان السنة برده
نقرا ونرجع تانى

بيطرية ومش بايدى يقول...

قريت ومافهمتش اوى
بس يمكن مش متابعة الموضوع من اوله

كله خير
سلامووووووووووزات بقى
ولا تنسانا من دعائك يا سيطرة

الازهرى يقول...

خيارااااااااااااااا

مبروك أول تعليق

الازهرى يقول...

خرررررررررررررررروف
ومعزة كمان

هو كده اللى سبق أكل النبق

الازهرى يقول...

خيارااااااا

موضوع الرواية واختلافها ده أنا عشته كتير
وخاصة مع الحريم
مع الإعتذار دايما

لكن أعمل إيه
صبح تموت فار
بالليل يكون فى الرواية ديناصور

كيــــــــــــارا يقول...

هههههههههههههههههههههههههههههههههههه


حلوة ديناصور دي


طبعا ديناصور


دا حرب عشان يموت ومش هي الي بتموته طبعااااااااااااااااااااااااا

الازهرى يقول...

أما موضوع الحسين دا أنا كنت هناك

وما زلت لحد اللحظة دى بأَضحك جدا جدا جدا
كل ما أفتكر اللى حصل يومها

بجد مهزلة

تخيلى إن واحد كان معايا وقدم تصريحات مهمة جدا لقناة إخبارية
والمذيع بلغها فورا وذاعها قدام عنينا واحنا واقفين نضحك لإنه كان جه بعد الحدث نفسه بساعة تقريبا

كيــــــــــــارا يقول...

يالهووووووووووووووي

هههههههههههههههههههههههههههه



والله هم يبكي وهم يضحك

الازهرى يقول...

خرووووووووووووووووووف

ماشيه رايحه على فين بقى

خليكى شوية وخيرها فى غيرها

الازهرى يقول...

خيارا

ليه هو باب جامع وقاعدة تقولى لله والا ايه ؟

الازهرى يقول...

الطب البيطرى كله هنا
يا مرحبا يا مرحبا

كيــــــــــــارا يقول...

هههههههههههههههههههههههه

الحق عليا اني بشحتلك

انا غلطانه

الازهرى يقول...

ربنا يعينك على الضفادع والفيران
وابو جلمبو كمان

لكن الحمير غلبانه خليها فى حالها

وإن شاء الله تعدى على خيرها وتفتكريا وتضحكى كلنا مرينا بكده

حرووووووف يقول...

بيقولوا في خناقه قلت اجي علي طول ها مين هناك

الازهرى يقول...

بيطرية ارجع اللى فات مباشرة مش بعيد والا حاجة وانت تفهمى على الأقل شويتين

سلااااااااااااااااااااموووووووووووووووووز
وإن شاء الله أدعى دايما

إبتسامة ملاك يقول...

انت جميل
وكلامك اجمل
وموضوعاتك فيها كوميدى رائعه

الازهرى يقول...

خياراااا

ما هو دا اللى مجننى

أنا أختى كنت أموت فار وأروح مشوار أرجع ألاقيها وسط صحباتها ولا الخط فى زمانه وتحسى إنها قتلته بخطة ولا خطط أكتوبر

إبتسامة ملاك يقول...

الطيب احسن يا جدعااااااااااااااااااااااااان

الازهرى يقول...

وضحك للركب كمان

أنا يومها كنت مسبهل

ومش مصدق وفضلت أفكر الواد بالموضوع ده لحد ما سافر

الازهرى يقول...

خيارا

لو كده ماشى

إنما نتفق الأول على النسبة

حروووووووووووف يقول...

:(

كيــــــــــــارا يقول...

هههههههههههههههههههههههههههههههههههههههههههههههههههههههههههههههههههههههه

مش قادرة بجد موتني من الضحك

إبتسامة ملاك يقول...

:)
:)

:)

كيــــــــــــارا يقول...

ففتى ففتى ايه رايك

الازهرى يقول...

خرووووووف

هو انت عمرك ما تيجى فى خير أبدا

كله خناقات كده ؟

كيــــــــــــارا يقول...

ابتسامة ملاك وحروف


مالكم يابنات

الازهرى يقول...

ملاكنا الجميل

يعنى أنفع بدل الريحانى ومحمود السعدنى والناس الحلوة دى

بس لو ايزة الجد دورى على بين السطور هتلاقى كتير

الازهرى يقول...

هو الطيب أحسن فعلا

دا با إن أنا الطيب فى لموضوع ده
ويبقى الاتنين التانيين
الشرس والقبيح

تفتكرى مين تبقى مين ؟

الازهرى يقول...

خرووووف

حاسس إنها ابتسامة صفرا مش عارف ليه

الازهرى يقول...

خيارااااااااااااااا

يعنى كده اضمن ان عقربه ماتت
باقى الاقيين والحزب نخلص منه

الازهرى يقول...

ملاكنا

أهى هى الابتسامة الحلوة مش الصفرا التانية

الازهرى يقول...

خيارا
طبعا موافق
بس المهم لو البلدية عدت واتمسكتى

أانا ولا أعرفك

الندالة أدب

الازهرى يقول...

وكمان البنات بخير وزى العسل أهم اطلعى انت بس منها وهى تعمر

عمرو جويلى يقول...

الأزهرى
السلام عليكم
أشكرك على الزيارة ولاخجل بين الإخوة
وأنا علمت أنك كنت متغيب أيضاً
أصلح الله حالك وحالنا
خالص تقديرى

Foxology يقول...

ايه كل ده ؟؟؟ هو مين راح فين :))))

موضوع انك فضيت الخناقة وانت نايم ده جامد جدا :))

تحياتى

norahaty يقول...

حمدا لله على السلامة
ياازهرى معلش النوم
سلطان وكمان ليس على
النائم حرج :بس حقيقى
النوم العميق اللى بتقول
عليه دا:نعمة ربنا يحفظها
لك.أما أن كل واحد يحكى حاجة
بطريقته فطبيعى :فكل واحد له
(رؤؤؤؤؤؤؤؤؤؤؤؤؤؤية خاصة!)

فركشاوي ..ناوي يقول...

السلام عليكم ورحمه الله وبركاته
وحشتني خفه ظلك ...ورشاقه كلماتك وحركاتك ورحلاتك ياابن بطوطه ..نفس اقعد وياك شويه ...بس لما تكون صاحي ربما ينوبني كوعين وركبه وما انتاش داري .
بشكرك علي زيارتك ورايك الطيب في صاحب العقيده ( ربنا يلطف )!
تفبل تحيتي واحترامي ...

الازهرى يقول...

عمرو جويلى
وعليكم السلام ورحمة الله وبركاته

أدعوا الله تعالى أن يديم المحبة والألفة بيننا

خالص تحياتى وتقديرى

الازهرى يقول...

فوكسولجى

احلى حاجة انك تطلع من البيت بدعاء الولدين

بعدها تفوت فى الحديد

تحياتى دوما

الازهرى يقول...

نورهاتى


الله يسلمك وربنا يديم عليك كل نعمه
وكل واحد له رؤية خاصة لحدث واحد
انما اللى بيحص إننا بنوصل فى الأخر ان الحدث الواحد بيقى متعدد

تحياتى دوما

الازهرى يقول...

عمنا الفركشاوى

تعجز كلماتى عن شكرك على هذا المديح الجميل

وبس احنا نتقابل وبعدها يحلها الذى لا يغفل ولا ينام

تحياتى دوما

فركشاوي ..ناوي يقول...

ازهري ...أيه رأيك نتقابل هناك؟ ..ولا خلاص بطلت تروح المكان دا . ماشي هناك علي اليمين احسن ...منظرك علي احر من الجمر ...اوعي ما تجيش.

rovy يقول...

هههههههههههه
كده تمام .. يعنى نايم لكن يتعملك حساب ..:)
بس بالنسبه لموضوع القطار أزاى البوليس سابك نايم .. ! الحمد لله أنك ما صحيتش لقيت نفسك فى مكان تانى غير القطار بعد ألف شر عليك طبعا ..
:)))

تحياتى الدائمه لك ..

صدى الصمت - عاشقة الورد - يقول...

أزيك يا أزهرى
فعلاً حصلت معايا كتير إن موضوع أو موقف يحصل الصبح يتحكى بأكتر من طريقة لغايت مايوصل على بالليل وتسمعة تلاقية موضوع تانى خالص وأخد شكل تانى وإتجاة مختلف تماماً عن حقيقتة
تحياتى لسردك المشوق