الأحد، 24 يناير 2010

مغامرة رحالة

قررت الإنعزال فاقتربت من الناس

بدأت الرحلة فى محطة القاهرة بداية عادية جدا بعد الإستعداد بشنطة بسيطة فيها بعض المأكولات الخفيفة وترنج للنوم هناك وترنج آخر بديل الذى ألبسه للخروج وبالطبع ذهبت إلى المحطة قبل موعد القطار بساعة وأنتظرته عند نهاية المخزن وليس على الرصيف كى أحجز مكانا أجلس فيها وهذا من واقع خبرتى القديمة بالقطارات الناشئة عن سنين الدراسة وبالطبع خرج القطار من المخزن بعد موعد خروجه من الرصيف بثلث الساعة تقريبا ليجدنا السائق نجرى ناحية القطار من على جانبيه متسابقين فى اللحاق بالأبواب المفتوحة كى نقفز منها إلى داخل القطار فى مشهد ربما شاهده البعض منكم وإن لم يشاهدوه فلتذكروا أفلام الهنود الحمر وإن لم تشاهدوا تلك فلتتخيلوه ( مش فاضيين بقى نقف عن كل كلمة ونشرحها بالتفصيل يعنى ، إيه الغلاسه دى ، أمرى لله فيكم ) وبعد الصعود إلى القطار والجلوس فى الجانب الأيمن منه بجوار الشباك عند المربع الثالث فى العربة الثالثة من نهاية القطار ( مكانى المفضل دوما ) ووصل القطار إلى المحطة وبدأ هجوم التتار على القطار المسكين وفى خلال دقيقة على الأكثر كان بداخله ضعف العدد الرسمى من الركاب وتصادف أن كان معى فى المربع شاب جامعى ومعه ثلاث فتيات جاء هو قبلهم ليحجز لهم كما هى العادة كى يجلسوا ضاربين بعرض الحائط أولوية كبار السن والمرضى والمتعبين فى هذا التوقيت، وبعد خروج القطار ومن كلامهم تبينت أنهم فى السنة النهائية بكلية الأداب قسم الفلسفة بجامعة القاهرة وهو ما جعلنى أندهش للحظة فبداية كلامهم تدل أنهم قادمون ( كالعادة )من وسط البلد وبالتأكيد الجامعة ليست هناك ، ولكننى سرعان ما ألقيت بكل هذا خلف ظهرى لأسألهم عن مقال قرأته لـ ( كانت ) قبل ذلك بقليل وسألتهم عنه فأجابنى الشاب الهمام بعد أن تفكروا جميعا لبعض الوقت قائلا بذكاء واضح : مش ( كانت ) دا بتاع الفلسفة الألمانى .
ومن غزارة علمه ومعلومته القيمة استنتجت أنه لا بد من المتميزين فى القسم خاصة بعد علامات الإنبهار التى ظهرت على الفتيات ، وفضلت تغييرا لمجرى الحديث أن أسألهم عن كليتهم وقيمتها ودراستها وما إلى ذلك فأجابنى بكل شجاعة وفخر : تعرف إن طه حسين كان عميدنا .
وهنا لم أجد سوى أن أرسم على وجهى كل علامات الدهشة والذهول من صدمة المعلومة غير التقليدية وخوفا من إصابته بالإحباط وبالطبع لم أتطرق معه فى الحديث إلى من هو طه حسين أو أعماله حتى لا يفاجئنى قائلا مثلا : إنه المصرى الحاصل على جائزة نوبل فى الأدب أو ما إلى ذلك من تلك الأمور التى تصيبنى دوما بالغيظ وتكاد تصل إلى الإصابة بالضغط ، وهو ما يذكرنى بخبر نشرته الأهرام يوما عن استطلاع أجروه عن ثورة 23 يوليو فأجاب أحد شباب الجامعة : إنها الثورة التى قام بها الزعيم العظيم والقائد سعد زغلول .
وعند هذا الحد قررت أن أتركه فى حاله حتى تأتى محطته وينزل ليريحنى منه ومن الغم الذى يصيبنى كلما رأيت ضحالة العلم والثقافة الذى وصل إليه الشباب فى بلادنا وكأنهم لم يسمعوا أنه قد انتهت كل الحروب القديمة واستخدمت فيها كل الأسلحة حتى وصلنا إلى مرحلة الردع ولكن الحرب الحالية وكل الحروب القادمة تقوم على حرب الفكر القائم على المعرفة وهذا لا ينفع معه تسليح أو جيش بل يجب أن يقوم كل منا بما يجب عليه من بناء نفسه والمشاركة فى بناء الأخرين لعلنا نجد لنا مكان فى الزمن القادم .

هناك 57 تعليقًا:

SHAPE YOUR LIFE (ABOALI) يقول...

ياااااااااااسلام
حبيبى يا رحالة
ده اول تعليق عندك بعد غياب للمغامرات

ابسط

SHAPE YOUR LIFE (ABOALI) يقول...

ثانى تعليق يا عم علشان تحرم ترحل لوحدك

SHAPE YOUR LIFE (ABOALI) يقول...

خد عندك تالت تعليق

ده اشتياق لمغامرات الراحل

SHAPE YOUR LIFE (ABOALI) يقول...

رابع تعليق
احلى تحية لمن يغامر فى دنيا المغامرات

SHAPE YOUR LIFE (ABOALI) يقول...

ياااااااااسلام يا ازهرى
من زمان ما افترتيش على حد فى التعليق

كبدى عليك يا ابنى

SHAPE YOUR LIFE (ABOALI) يقول...

نرجع بقى ايام زمان
ايام تفاعلات التعليق الاول

وانت نصيبك كده

SHAPE YOUR LIFE (ABOALI) يقول...

كل الارقام القياسية بتكون عندك فعلا تستحق

SHAPE YOUR LIFE (ABOALI) يقول...

النهاردة عيد الشرطة يا عم

وانا اجااااااااااازة بحتفل معاهم

الازهرى يقول...

قف

SHAPE YOUR LIFE (ABOALI) يقول...

ههههههههههههههههههههههه
حبيبى يا ازهرى ظهرت تيب

صح النوم يا رحال

نقرء ثم نعود الاتصال

الازهرى يقول...

تصدق بالله يا ابو على انا بعيد عن الجهاز من ساعه
ورايح مشوار
بس ربنا سبب انى اقدر اقف فى وش الاحتلال
سلام لحين عودتى

SHAPE YOUR LIFE (ABOALI) يقول...

يا عم مالك وبتوع الاداب يعم

دول ليهم ادب مختلف يعتمد على الاداب العامة الحرة

على العموم

من لا يقدر على حمل القلم لا يقدر على حمل السلاح

وطالما لم بتفاعل العقل ويدرك فسنظل محلك سر

بس ايه ده يا ازهرى تجرى على القطر كده مالو السطح يا ابنى
حتى المخرج العالمى خالد يوسف صور الفليم العالمى حين ميسرة فوق القطر
عيب عليك
المغامرة تبدء من السطح

اعمل كده المرة الجاية

وتحياتى على المعنى والمعانى الذى شعرت به من البوست

لعلى الصرخات يوما تفيد

SHAPE YOUR LIFE (ABOALI) يقول...

ده قدرك يا ابنى

الاحتلال كان هايكون فى قمته

اذهب صلى ركعتين شكر

قلبى اتقطع

حنين يقول...

ازيك يا ازهرى
نورتنى بالزياره وفى انتظار الاحتلال
موضوعك اللى تناولته حقيقى مهم
شباب كثير بيتخرجو من دراستهم
لا يفقهوا أى شىء مما درسوه للأسف طبعا
وده نموزج متكرر واللى بيشجعهم اكثر
انهم لما بيشتغلوا بيكون شغلهم فى حاجه
غير اللى كانو بيدرسوها
تحياتى للازهرى

romansy يقول...

يا مغامراتك يا ازهرى
اخبارك ايه يا صديقى
وحنا كلامك ومقابلك
بسقولى صحيح هو طه حسين دا اللى كان فىفصل تانيه تالت وطلع الاول ع الدفعه
هههههه

romansy يقول...

يلا بقى اهو كله بيتعلم من كلووووو
احناناقصنا كتير قوى قوى
علشان نبقى شئ تانى له قيمه
معظم الطلبه كانوا بيذاكروا علشان النجاح بس

MaNoOoSh يقول...

مبدئيا كده
بيبهرني حجم شنطة السفر اللى الشباب بيجهزوها.. وببقى أموت وأعرف اشمعني انا اللى بشيل مقطورة متخفية في شكل شنطة


وبعدين بالنسبة لطلبة السنة النهائية في فلسفة.. متتعجبش أبدا.. دة خريجين فنون جميلة يبقى رضا لو عرفو مين بيكاسو وللا فان جوخ... وقيس على أي كلية أو مجال تانى

هي فعلا حرب فكرية.. وتقرر ابادتنا فيها

في انتظار المحطات التالية للرحلة

رئيس التحرير يقول...

السلام عليكم ورحمه الله وبركاته
اجابه علي سؤالك ...لم نختلف في شيئ
سوي انك تركب القطار من المخزن ...
وانا لا أركبه اطلاقاً افضل السير علي الأقدام فهو اكثر اماناً وراحه من طلبه الفلسفه والكلام الفارغ بتاع الفلاسفه .
تحياتي لك و في انتظار عودتك بالسلامه .
ـ حُسين ـ

القدر و انا يقول...

الازهرى
فى السفر سبع فوائد
والثامنة انك حتمتعنا بحلقات متميزة عما صادفت فى رحلتك الطويلة

♥نبع الغرام♥♪≈ يقول...

السلام عليكم

اكيد السفر دا بيعلمنا كتير
وما احلى مغامرتك

دمت بكل خير
منتظراك عشان تشارك فى بوست شقاوة
تحياتى
ايناس

♥نبع الغرام♥♪≈ يقول...

جاءنا مصدر من قناة الجزيره
يقول
والله وعملها ازهرى ياجدعااااااااااان

أشهد يازمن

♥نبع الغرام♥♪≈ يقول...

اناإحتليت يا جدعااااااااااااااااااان
عملها الازهرى

هع هع هع

منور شقاوتنا يا ازهرى
لولولولولوى

عمرو جويلى يقول...

عزيزى الأزهرى
السلام عليكم
يؤسفنى أن أؤيدك بأن الكثير
من شبابنا لا يفكرون إلا فى الموضة
والأغانى الهابطة ولا يشغل تفكريهم من
قريب او بعيد العلم وأثره فى تقدمنا
خالص تقديرى

الازهرى يقول...

أبو على

المشكله ان دول مش العينه الوحيده
ودى كارثه فى حد ذاتها
والسيف أصدق أنباء من الكتب
ولكن سيف اليوم غير سيف الأمس والغد ولا بد ان نكون جاهزين فى اى وقت ولأى موقف

ودى برضه حاجه هتجننى
الكل بقى عالمى ما عدا العبد لله

ونحاول المره الجايه ولو ان بقى فيها غرامه

تحياتى وثقتى فى فهمك

وقد أسمعت إذ ناديت حيا
ولكن لا حياة لمن تنادى

ودى كارثتى مع الناس من حولى

الازهرى يقول...

اللهم لك الحمد حمدا كثيرا طيبا مباركا فيه

والأيام دول

الازهرى يقول...

حنين

إحنا كده بنلف فى دايره مقفوله
يدخلوا حاجه مش بيحبوها
ويدرسوا غلط
وبعدها يتخرجوا وهم صفر
وطبعا صعب يشتغلوا فى تخصصهم لإنهم صفر
فيشتغلوا فى حاجه تانيه ويقولوا للناس بعدهم فيهملوا وتتكرر المأساه

بصراحه مش عارف أخرتها إيه

ومدونتك جميله جدا
وأتمنى دوام الود والتواصل

الازهرى يقول...

رووووووووووووووووومانسى

والله انتم كمان واحشنى

طه حسين ده كان بن البواب من مراته التانيه
بس ربنا كرمه واشتغل فى انابيب البوتاجاز ودلوقتى بقى عربجى قد الدنيا

الازهرى يقول...

رومانسى
ودى كارثه أكبر
نطلع منالإكتحان المخ ممسوح
وبعد الدراسه نقول الواسط هى الكارثه
مع ان بالعقل كد فى صاحب شغل هيشغل واحد بواسطه وما يعرفش حاجه ويسيب واحد فاهم وهينجح له شغله لإنه من غير واسطه

الازهرى يقول...

مانووووووووووووووووووووووووووش

هنبدأ النق بقى
عندى إخواتى البنات نفس الكارثه بأشد فى شعرى منهم علشان أنا الى بأشيل الشنط طبعا

ويا ترى هم قرروا ابادتنا
وحنا هنقف ساكتين والا نساعدهم والا موقفنا ايه أساسا

الحلقات الجايه مش عارف هاكتبها امتى بس ربنا يستر

الازهرى يقول...

رئيس التحرير

وعليكم السلام ورحمة الله وبركاته

ما هو لو ينفع كنت عملتها
انما الصحه مش زى الأول
وربنا يعيننى عليهم

دمت بكل الود والمحبه

الازهرى يقول...

القدر وأنا

فى السفر سبع فوائد
وماذا عن الأضرار ؟

ربنا يعننى وأقدر أكتب

تحياتى دوما

الازهرى يقول...

ابتسامة ملاك

السفر بيعلمنا كتييييييير
قالوا زمان اللى ياما يشوف واللى يلف يشوف أكتر

رحت شقاوة فعلا
بس حصل ظرف طارىء وراجع هناك حالا

فراشة يقول...

عارف يا ازهرى لما بحب اضحك كده واغير المود بتاعى بدخل هنا على طول
هههههههههه
عندك مانع يعنى انى اضحك هنا ولا حاجه

دماغك وافكارك وطريقتك عشان توصل المعلومة جميلة جدا

بس برده ضحكت جدا وانت بتقول

(ليجدنا السائق نجرى ناحية القطار من على جانبيه متسابقين فى اللحاق بالأبواب المفتوحة كى نقفز .......وبدأ هجوم التتار على القطار المسكين وفى خلال دقيقة على الأكثر كان بداخله ضعف العدد الرسمى من الركاب)

جامد بجد

الازهرى يقول...

يااااااااااااااه

أول مرة الجزيرة تقول حاجه صح
وتكون عنى كمان
أحمد يا رب
أنا دخلت التاريخ

الازهرى يقول...

ابتسامة ملاك

تم الاعتراف بقرار رسمى رقم 455588

وجارى اتخاذ اللازم لمنع العكس

فالأيام دوا

الازهرى يقول...

استاذى عمرو جويلى

وعليكم السلام ورحمة الله وبركاته

كان رسول الله صلى الله عليه وسلم يقول
نصرت بالشباب

ويعنى بذلك أنهم عماد الأمة وأمل المستقبل
فكيف بأملنا ولا يعينه شىء مما يحدث حوله ولا يدرك الخطر القادم

الازهرى يقول...

فراشتنا الرقيقة

على أساس إن هنا فى أراجوز يعنى وألا إيه ؟

كلامك ده بيخلينى أحس بالأمل وإن كتاباتى لها قيمه
حتى ولو ضحكه بسيطه
أنا عارف إن المعنى وصلك أتمنى يوصل لكل الناس

ويا رب تفضلى تضحكى على طول













وبعدها الناس يقولوا البت اتجننت


تحياتى وخالص مودتى

اعشق فى الليل ضوء القمر يقول...

الأزهرى
وحشتنى نقدك ولذاعت كلماتك
وحشنى بجد وسامحتى على تقصيرى فى تواجدى بس ظروف العمل معلش

فراشة يقول...

طب اعمل ايه يعنى انت بجد بضحكنى
طب بص لردك على التعليق بالذمة اضحك ولا لأ
يالا يا عم اهو تكسب ثواب ادخال البسمة والضحكة فى نفوس الاخرين
هههههههههههه

فشكووول يقول...

قاعد تبص للعيال البنات وعمال تعصر فيهم وفى معلوماتهم ورايح فى القطار حتى اسوان تبحلق فى عيون الناس وفى امخاخهم وافكارهم.. كمان رحت اسكندريه وكل ده وانت عمال تهرى العيال اسئله عن كانت وغيره.

والله يا اخى انت مش حتجيبها لبره وانا نفسى اقعد مع والدتك ونعمل عليك مؤامره .. طبعا انت مش حيلمك غير المؤامره دى.

صدى الصمت - عاشقة الورد - يقول...

ايه دة كل الناس دى دخلت قبلى ؟؟؟
على فكرة كتير من الشباب دلوقت أصبحم انصاف مثقفين وبياخدوا قشور المعلومات فقط ويتحدثوا وكأنهم مثقفين
تحياتى لك ولرحلتك الجميلة

Unknown يقول...

السلام عليكم
هو حضرتك أخدت مهنتي و قاعد في القطر تفركش مخاخ العيال ...
مره واحد منهم قالي الشباب بقي هايف اليومين دول ...سألته ليه؟
علشان بيقروا قصص اجاثاكريستي..
وفيها ايه ؟
لا انا لا اقرأ له اطلاقاً..
ليه ؟
لأنه كداب .

كوارث يقول...

أزهري
موضوعك حلو قوي يا ريس وفي الصميم كالعادة
مشاريعي شغالة كلها انتا عارفني نشيط كصرصور الليل والناس نايمة
عملت دار إنسان بالفعل وإصداراتها قريبًا .. خرج منها ما بعد حسن العامري - مجموعة قصصية لأسامة أمين ناصف
إنتا فين مختفي ؟
انا ده ايميلي
tarekpen2000@gmail.com
واحشني !

gogo يقول...

يا العلم نور بردو

بس والله انا قولت ايه ده طه حسين يا حلاوة يا ولاد وفى ثانيه رجعت لعقلى هوى

قولت ايه ده مجنون ده ولا ايه

بس انت غلطان هو فاهم اكتر وبعدين مش لازم تحرجه ادام الاوزتين اللى كانو معاه


وبعدين ممكن اوى يكون بيهزر هو مش للدرجه مش فاهم يعنى

المهم اخبارك انت ايه
يارب تكون بخير دايما

جوجو طبعا

سلمى يقول...

السلام عليكم
هما دول شباب المستقبل اللى حيحررو
فلسطين امال انت فاكر ايه انه مستغل النت فى القرايه والحجات دى تؤتؤ عيب
انا مبقتش عارفه هى حرب فكر ولا اخلاق ولا ايه بلظبط
فى انتظار البقيه
تحياتى

Beram ElMasry يقول...

حبيبي الازهري
معذرة للتاخير
عود حميدوحمدا لله علي السلامة وارجو ان تكون موفق في عملك

وحشنا تعليقك اذكي والمسؤول هو من يملك التغير ولا يغير او يتغير

تحياتي والسلام ولاسلام مع الصهاينة

rovy يقول...

السلام عليكم

تدوينه رائعه أخى الأزهرى ..
صدمت من ثقافة الشاب وحده .. أحمد ربنا أن البنات اللى معاه و أللى لم تعرف سبب وجودهن فى غير طريق جامعهتم لم يتحدثن أيضا ربما لو تحدثن لفوجعت فى ثقافتهن أكثر و أكثر :))

تقديرى الدائم و تحياتى

الازهرى يقول...

أعشق فى الليل ضوء القمر

كلنا ذا الرجل تشغلنا أمور الحياة
أدعوا الله أن يعينك

ونقدى لأنى أحبك وأحب أن يكون عملك خاليا من الأخطاء

تحياتى دوما

الازهرى يقول...

فراشتنا

اضحكى واملى الدنيا ضحك
صدقينى الدنيا مفيش فيها حاجة نبكى عليها
الا طبعا لما نلاقى نفسنا مستهترين بالمعاصى


سلاموز

الازهرى يقول...

عمنا الغالى فشكول

والله فى 48 ساعة الأخيرة دى بالذات بدت الأحزاب كلها تجتمع على ابنك وشكلى هاقع عن قريب

ادعى ربنا ينجينى من الشرور

الازهرى يقول...

صدى الصمت

حظوظ بقى
المرة الجاية تلحقى بدرى

للأسف حتى القشور أصبحت مهمله

الواقع الحالى يشير إلى انعدام الثقافة

الازهرى يقول...

فركشاوى الغالى

أهو من عاشر القوم اربعين يوم صار منهم
والعشرة بيننا طويلة ربنا يزيدها

فكرتنى بحاجة هأكتبا عن قريب
كان فى زميلة طلبت منى كتاب لنيتشه ورحت أسأل عنه فى معهد جوته
قابلتنى آنسه محترمة وشيك جدا جدا جدا
سألتها عن الكتاب
فبحثت عنه فى الكومبيوتر وما عرفتشش تجيبه
فسألتنى هو الناشر ده له أعمال تانية مكن ندور بيها
فبصيت لها ومشيت من غير ولا كلمة

الازهرى يقول...

أخى الغالى كوارث

طيب المشكلة إنى مش عارف صرصور الليل يبقى العمل إيه ؟

ألف مبروك الدار وبإذن الله تنجح جدا

آسف على الإختفاء بس ظروف خارجة عن الإرادة

وهأحاول أراسلك على الميل

تحياتى دوما

الازهرى يقول...

جوجو

فيييييييييييييينك من زمان

المشكله انه مش بيهزر حقيقي صدقينى
لو شفتى منظره هتعرفى ان قدراته العقلية صفر أو أقل

الكل دلوقتى بيدور على التفاهات

بس إيه موضوع الأوز ده ؟
لو ناوية تعمليها وتعزمي حذار تنسى أخوكى إنت عارفه معزتك ومعزة الأكل عندى

حياتى وخالص مودتى

الازهرى يقول...

سلمى
وعليكم السلام ورحمة الله وبركاته

مين فلسطين ده ؟

الأخلاق ناتجه عن الفكر
لو واحد عنده الفكر الدينى والإجتماعى الجيد لازم اخلاقه هتكون جميله والعكس بالعكس


تحياتى دوما

الازهرى يقول...

عمنا بيرم

إذا فالكل يملك التغيير ولا يتغير

فكل إنسان مسئول عن نفسه ومحاسب عليها

تحياتى دوما

الازهرى يقول...

أختى الغالية أم مريم

هذه كارثة أخرى لم ينتبه إليها البعض
وبعض البنات مثقفات فوق الحدود وأعرف البعض منهن
ولكن هؤلاء
أدعوا الله تعالى أن يهدينا وإياهم

تحياتى وخالص مودتى