الثلاثاء، 29 ديسمبر 2009

طلب رأى

يا جماعة أسف نسيت أقول إن الموضوع ده والتالى له جزء من الحملة الموجودة عند شمس النهار يا ريت الكل يشترك فيها ، وده اجبارى مش اختيارى ممفهوم والاااااااااا
***************************************
أتمنى من الجميع قبل القراءة أن يدخلوا هنا ليستمعوا وينصتوا إلى تلك الأغنية هنــــــــــــــــــــــا
***************************************
هل أنت مع أم ضد ؟ ولماذا ؟
منذ ما يقرب من عام تقريبا وصلنى تعليق من اثنين مخطوبين على ما يبدوا ، فالأول يطلب منى ان احترم نفسى عندما ادخل الى مدونات الاخرين وان اعلق دون اساءة ولم اتبين ماذا يقصد وبعدها دخلت الاخرى وقالت لى ان خطيبها يغار عليها وان لا ادخل عندها ثانية ، فدخلت من باب الفضول اليها فلم اجد لنفسى تعليقا على الاطلاق عندها وطلبت من كل منهما بكل الاحترام ان يوضحا قصدهما فلم اجد ردا فتركت الموضوع وراء ظهرى وبعدها واثناء تحدثى عن احداث غزة فى بداية العام وجدت من بنتقد امرا لم اذكره او اتطرق اليه على الاطلاق متهما اياى بسوء الفهم والعمالة وما الى ذلك وقمت بالرد عليه حسنا وبعدها فوجئت انه يضع تعليقا ثابتا وينشره فى كل المدونات وهو ما تكرر ايضا اثناء غيابى الاخير حيث وجدت من انسان يدعوا نفسه من انصار السلف الصالح وكلامه لا يوافقه عليه لا سلف صالح ولا فاسد .
اعلم ان هذا الكلام يتكرر واصاب العديدين وربما اصابهم ما هو اسوأ ولكن تبقى هذه ضريبة ان نكتب امام الجميع والحرية التى لا يفهم معناها الكثيرين ويخلطون بينها وبين الفوضى .
ومن الفوضى الظاهرة فى هذا العالم ايضا وهو ما منعنى ان ادخل عالم المنتديات هو انتحال كلا من الجنسين لصفة الاخر وانتحال الصغير صفة الكبير وبالعكس وعدم المصداقية العام فى تبادل المعلومات سواء الشخصية او العامة وهو ما أدى وسيؤدى إلى الكثير من الصدمات على مر الزمن ما لم نتدارك ذلك ويبدأ كل منا فى التعامل بصدق ونصح الأخرين بذلك .
وهذا يختلف كثيرا عن ان نكون معروضين فى فاترينة عرض كما يجيب البعض ، فمن حقك ان تعلن ما تريد عن شخصيتك وتخفى ما تريد بشرط ان يكون ما تظهره صادقا وان يكون جانبا من شخصيتك لا شخصية منتحلة تخدع بها الأخرين .
لا انكر ان الناس عندما تكتب هنا فغالبا ما يكون هذا للجانب الغير معروف فى شخصيتهم على الحقيقة وربما تكون مخالفة لها ولكن ذلك يكون تفريجا لشخصية تختفى فى داخله ولا تفصح عن نفسها لظرف أو لأخر وربما لشخصية هو نفسه لم ينتبه إليها ، ولكنها تبقى فى النهاية شخصيته هو وغالبا ما تظهر فى مقابلاته الشخصية مع هؤلاء . أما ما نراه من أن يحاول الشخص أن يكون بعدد من الوجوه والشخصيات فهذا هو الخطأ بعينه ، لأنه يفقده مصداقيته عند اكتشاف ذلك ، وسيكتشف على كل حال سواء اليوم أو غدا وعندها فلن يطيق أن يتواجد مع كمية الإحتقار التى سيواجهها نتيجة لما سيكون قد سببه للأخرين الذين وثقوا فيه وفى كلماته من ألم هذا إن اقتصر الموضوع على الصداقة ، أما الأخرين الذين تجاوز معهم الموضوع إلى ما بعد ذلك مثل الحب سواء كان أخويا أو غير ذلك ( وهو ما لا أوافق عليه من الأساس لأسباب سأشرحها لاحقا ). فليتخيل إن كان الأمر ضده وما مقدار صدمته عندما يعلم أن من أعطاه قلبه ومشاعره وشاركه أحزانه وأفراحه كان يخدعه وأن كل ما أخبره به طوال الوقت كان كذبا وعندها فليقل إن كان هذا يجوز أم لا .

هناك 54 تعليقًا:

شمس النهار يقول...

موافقه علي كل حرف
مش كل كلمه

الكثير يفتقدون للأمانه


شكرا علي البوست
سلامي

SHAPE YOUR LIFE (ABOALI) يقول...

تانى تعليق بعد شموسه ولى الشرف

نقرء ونشوف الطلب

mohamed ghalia يقول...

معاك حق يا ازهرى فى كلامك
أنا متفق معاك تماما
بس هو فى ناس عايشة بشخصيتها اوى فى عالم التدوين مش شرط يكون بيظهر شخصية جواه

SHAPE YOUR LIFE (ABOALI) يقول...

اللى قولته ده يا ازهرى
اكيد مرتبط بالواقع
وهايكون فى كل وقت واذن
دى هى حياتنا وطبائع البشر وطرق تربيتهم
والبيئة وهكذا

الامانة وعظمة تلك الكلمة لا يستشعرها الجميع

لان معناها تغير طبقا لطريقة المجتمع ونظرياته فى التعامل

فمثلا فيه امانة امريكانى من وجهة نظرهم انهم حارسى العالم

وفيه امانة مصرية
وفيه امانة ايراينة

وفيه امانة تقوم عليها كل الامانات

امانة الدين

ودى بقى البعض تفلسف فيها

بس اجمالا

لن يصح الا الصحيح

لك عظيم شكرى على طرح صرخة بداخل النفس وهى ايضا نفسنا لعلنا نستيقظ

الازهرى يقول...

شمس النهار

اسف انى كنت ناسى انوه عن الحملة بس الحمد لله لحقنا الموضوع ونوهنا

المشكلة ان هذا الكثير فى ازدياد وليس نقصان ومعنى ذلك ان الامور الى اسوأ ويجب أن نتحرك سريعا

شكرا لك انت على طرح الموضوع

تحياتى دوما وخالص مودتى

الازهرى يقول...

ابو على

دى احلى حاجة كانت مخوفانى انك تلحق اول تعليق وتعمل رقم قياسى تانى على قفايا

الازهرى يقول...

محمد غاليا

انا متفق معاك
لكن انا باتكلم هنا عن الناس التانية
هو ده موضوعنا

ها معانا والا مع الناس التانيين ؟

الازهرى يقول...

ابو على

دى هى حياتنا وطبائع البشر وطرق تربيتهم والبيئة
اوافقك
يبقى لازم نغير كل ده
هتقول مستحيل ؟
يبقى مستحيل نتقدم

إن الله لا يغير ما بقوم حتى يغيرووا ما بأنفسهم

هو ده الشرط ولما ننفذه ربنا يكون معانا والعكس بالعكس
والامانه واحده عندنا
لإننا فى مصر ودى بلد أمانتها معروفة وطبعا الإسلام نادى بيها وكمان موجودة فى الانجيل والتوراة بالنص فى كل الأديان

الامانة واحدة يا جماعة واتحدى اى انسان يجيب لى اختلاف فى النص بين الكتب التلاته ومن غير فلسفة ولا غيره

الشكر للجميع ان انطلقت الصرخة موحدة منا جميعا ليسمع صداها كل العالم وفرحتى حين ارى ولو انسانا واحدا هداه الله بها

تحياتى دوما وخالص مودتى

فشكووول يقول...

ازيك يا ازهرى

تحياتى
بتغيب كتير وبترجع على فترات .. حمدا لله على سلامتك

ضريبه على المدونين ان يدفعوها انهم يقابلواغير الصادق وغير الامين كثيرا لكن غالبية المدونين صادقين.

من ضمن عيوب التدوين انك فى ساعات لازم توافق المدون على اللى بيقوله ولو انك فعلا مش موافقه على الكلام بتاعه لكن ساعات تلاقى نفسك بتوافقه

انا ادخل على مدونات برازيليه وفرنسيه ويابانيه بصراحه الاقى صدق وتعبير صحيح عن الذات وبلاقى الناس بتتكلم فى سلاسه وفى ادب جم

احنا لسه علينا شويه

تحياتى

هناء محمود يقول...

معك كل الحق وأصبت عين الحقيقة

Unknown يقول...

صبااااااااااااااااااااح الخييييييييييييييييييييييييييييييييير

ازيك ؟ واحشني كتير

هو طبعا معاك حق و بيتهيالي انا عرفت انت بتكلم عن ايه و البوست ده مكتوب ليه

بس عموما اكيد المدونة بتعبر عن شخصية كل واحد بما فيها من متناقضات و برضه بتلاقي المتناقضات دي في مدونة واحدة معتقدش ان حد يقدر يزيف مدونة كاملة مفيهاش اي لمحات من شخصيته

بالمناسبة في عندي مشروع للربح من الانترنت و العدد كافي و الحمد لله و بدات احط اول بوست فيه لو عاوز لأني افتكر انك كنت كلمتني زماااااااااااااان :D
مستني ردك

صبرني يارب يقول...

ايه هو الى انت معترض عليه

الحب الاخوي ولا الحب الى مش اخوي ؟


وعموما اكيد مافيش خلاف عن ان اي بنى ادم يصل من الحقاره انه يعمل كده مؤكد هو مش طبيعي

لكن ده ما يعفيهوش من المسؤليه

لكن برضه انا باحترم مثلا حد يعمل مدونه ويقول يا جماعه انا مش عايز حد يعرفنى لاي سبب من الاسباب ويتكلم من غير ما يقعد صلات شخصيه بحد ده عادي جدا ومشروع طبعا بشرط ما يكونش هو بيافلم على البشر والا يبقى مريض برضه نفسيا

المهم طبعا حملة شمس انا مشاركه فيها من قبل ما تبدأ
ههههههههههههههههه

القدر و انا يقول...

الازهرى
صباح الخير .. وكل سنة وانت طيب اولا
ثانيا انت محق تماما فى كل ما كتبتت وعن نفسى نابنى من انصار السلف الطالح نصيب الاسد .. لم اهتز او اتاثر بكلمات امثالهم لحظة .. ولكن بقى النساؤل
لماذا ؟؟؟؟؟؟؟؟
وكما فلت لستيتة من لحظات من الصعب فهم النفس البشرية فهى تركيبة كل يوم عاشه الانسان من الطفولة السعيدة او المعذبة ..مرورا بمراحل الحياه المختلفة وما حفر داخلها من احداث وردود افعال المحيطين والمقربين ومدى قدرتهم على التفهم والاحتواء

لذا اقرك تماما بالحذر فى التعامل مع ضرورة وضع اسس للتعامل
تحياتى وكل سنة وانت محقق كل امانيك يا رب

الازهرى يقول...

عمنا الغالى فشكول

انا الحمد لله بخير
هو بس شوية مشاغ الايام دى وربنا يعديها على خير
وبصراحة انا مش فاهم يعنى ايه لازم اوفقه
انا ياما اعترضت على اراء ناس لو مش موافقهم ويمكن اعترضت عليك اكتر من مرة ومفيش مشكلة لان من حق كل واحد ان رأيه يختلف عن الباقى
بس باسلوب محترم وعلى اسس
اما عن الادب والسلاسة فدى اسلوب كتابة بتخص الكاتب
انما احنا بنتكلم عن الناس الكدابة اساسا
ودى لسه علينا فيها كتييير
ولازم نبدأ علشان نلحق نوصل قب المركب ما تفوتنا ويغرقنا الطوفان

تحياتى دوما

فراشة يقول...

موفقاك جدا يا ازهرى فى كل كلمة قولتها
بس اكيد مش كل اللى فى التدوين بيخرجوا بشخصية منافقة او مخادعة
اكيد فى برده صادقين

ابشع حاجه ان الانسان يصدق حد وبعدين يتصدم فى صدقه مهما كان الكلام سواء حب او حتى كلام عام
والابشع بقى انك تكون دايما شايف هذا الظن فى الجميع
او بمعنى آخر تكون دايما حاسس بعدم الامان النهائى لمن يحادثك دون ان تراه

هذا فى رأى بشع وربما اعانى منه
لكن احيانا الصدق يفرض نفسه ومن يكون صادق يظهر صدقه

تحياتى

الازهرى يقول...

ام بوبة


يبقى نبدأ نتحرك كلنا علشان نقدر نوصل فى الوقت المناسب

شكرا على المرور واتمنى دوام التواصل

الازهرى يقول...

صباح الجمال يا معلمى
والله كلكم واحشنى كتييير

انا بقى نفسى اعرف انا كاتب عن ايه وليه ؟

المشكلة ان ده ممكن فعلا واسأل مجرب
وفى حكاية يمكن اكتب عنها عرفتها امبارح واخدت ساعة تقريبا مش قادر استوعبها

بمناسبة المشروع هاصدمك واقول اسف بس انا دماغى فى الف حاجةالايام دى

الازهرى يقول...

صبرنى يا رب

ربنا يصبرنى عليكم
طبعا الغير اخوى

وكمان انا اكيد مش باتكلم عن حرية الانسان فى انه يعرف نفسه او يعمل علاقات من عدمه
وفى مدونةهنا رفضت تقول سمها او اى معلومات عنها وباحترم مدونتها وباحبها جدا لان افكارها وكتاباتها جميلة
انا باتكلم على ناس وافقت انها تكون علاقات والكل اعتمد على معلوماتها عن نفسها
وفى النهاية نكتشف ان كتاباتها معلوماته عن نفسها كلها كدب فى كدب
يعنى تصورى لو فى لحظة كده وبعد ما اتواجدت بينكم كل ده ان انا واحد عنده مثلا 60 سنه او انى انسان انانى وباستغل علاقاتى بالبنات المحترمات واجرهم فى طريق الحب علشان اتسلى بيهم
وفى النهاية اصدمهم
وبالعكس طبعا لو اكتشفتم انى بنت وباتسلى

وبالنسبة لحملة شمس فلو كنت مش مسافر كنت هاكون اول واح بالغيظ فى الكل

MaNoOoSh يقول...

انا موافقة تماما ان المدونين بيظهرو على مدوناتهم بصفات تحملها شخصياتهم في الحقيقة
حتى وإن كانت الصفات دي مبتظهرش للناس اللى بتتعامل معاهم في الواقع لأي سبب

والتدوين رغم انه بيحمل شوية من الحقيقة وشوية من الخيال
بس زية زي المجتمع
مليان حشائش ضارة عمرها ما هتبطل تنمو
واحنا عمرنا ما هنبطل نقطعها من وجودها معانا

اقصوصه يقول...

اكيد هذا مرض تدويني

وعلاجه يكون بتسفيه المرضى

والترفع عن حوارهم :)

Sweet Violet يقول...

"هل أنت مع أم ضد ؟ ولماذا ؟"

انا ضد طبعا اما لماذا اعتقد انك عارف مش كل شوية افكرك انا ضد ليه انا
P:

جد بقى
هو اى نعم انا معاك فى الكلام بتاعك
لكن الصراحة مافهمتش يعنى البوست ده مطلوب فى ايه بقى
ولا ده اعلان عن حملة شموسة ولا ايه بقى
اصلك بتقول طلب رأى
معلش هتعبك معايا " امال عايز تغيب و ترجع من غير ماتدفع ضريبة ولا ايه "
اشرح لو سمحت ايه المطلوب من البوست ده

ليس فقيرا من يحب يقول...

طيب موفقاك جدا على رأيك بس تفتكر الحل

يكون غير غير ان كل واحد يخلى باله من

عقله وخلاص

كل سنه وانت طيب

هناء محمود يقول...

بصراحة مسمعتش الأغنية بس حبيت أسلم

Foxology يقول...

للأسف وكالعادة الأستخدام السئ هو الطاغى وسيد الموقف

محدش ينكر ان التدوين والمنتديات عملو ثورة اجتماعية تكنولوجية بس برضه محدش ينكر انهم كانو السبب فى ظهور العيوب الخطيرة اللى كانت الوشوش بتداريها وهى ان الواحد يختفى ورا اسم مجرد اسم ويبدأ يخرج كل السوء اللى جواه وهو مطمن لأن محدش يعرف حقيقته ولا طبيعته

كل انسان قاضى على نفسه :)

تحياتى

Unknown يقول...

ولا يهمك يا سيدي
بس بيتهيالي اني سمعت نفس القصة اللي خلتك تكتب البوست ده
رغم انك مش عارف

طوبه فضه وطوبه دهب يقول...

انا متفقه معاك فى كل كلامك ربنا يكرمك على ماكتبت وما نوهت اليه وربنا يهدى الشخصيات المريضه دى ويردها لصوابها وكل عام وانت فى احسن حال

سلمى يقول...

السلام عليكم
سيدى احترم ما قلته بشده لكن هناك الكثير من الكلامات التى اود قولها لكن ساجعلها لاحقا
دعواتك عشان الامتحانات
دمت بكل ود

gogo!sf يقول...

كل سنه وانت طيب يا زهرى
عام سعيد عليك وعلى الجميع ان شاء الله

والسنه الجديده تكون معاك العروسه وتفرح قلوبنا كلنا يارب

Atef Shahin يقول...

السلام عليكم
لا تقلق او تحزن فقد تعرضت لما تعرضت انت له
هؤلاء أناس يتسلون وهم سطحيون ولا اريد ان أزيد

حنين يقول...

السلام عليكم
اول مره ازور مدونه الازهري
وان شاء الله مش اخر مره
موضوعك اللى قدمته مشرف
وانا اوافقك فى ضروره
صدق المدون واحترامه للاخرين
انا عندما ازور مدونه لم يجبرنى احد
فى اضافتها عندى الا اذا كنت احترم
صاحبها ولذا فلابد من صدقى
فى تعبيرى عن رأى وعن كلامى
حتى لانفقد الثقه فيمن نتعامل
شكرا
تحياتى حنين

Beram ElMasry يقول...

حبيبي الازهري وعليكم السلام ورحمة الله
اشرقت الانوار يامدرب الكاراتيه
وحشنا تعليقك الذكي وروحك الجميلة وكله يهون مادمت بخير وسلام

تحياتي والسلام ولاسلام مع بني اسرائيل

اعشق فى الليل ضوء القمر يقول...

طيب اعلق عندك الأول
واقول
كل سنه
وانت طيب
وعودا احمد
احمد مين مش عارف بس بسمعهم بيقولو كده


ازيك يا ازهرى
انا قرات البوست و متفق معاك تماما وزارنى ايضا وقال ما قال بس نعمل ايه
كفايهانك رجعت من اجازتك اللى انا شايف نفسى اخر من يعلم بيها
ههههههههههه

معلش ظروف العمل صعبه شويه
سلامى ليكى
اخوك اعشق فى الليل ضوء القمر

heba يقول...

السلام عليكم ورحمة الله وبركاتة
انا زل زيارة ليا هنا بصراحة بس كلامك صح وفى كتير بيكدبو للاسف وماتفهمش لية رغم انك مش مضطر للكذب ولية تكذب وتزيف حقيقتك يعنى فيها ايه لو قلت الحقيقة ماحدش يعنى هيموتك بس زى مافى ناس بتخدع وبتكدب فى ناس بردو محترمة ومش مضطرة للكذب الدنيا فيها وفيها عشان تتعلم وتعرف وتدرس اللى قدامك لازم تقابل الصريح والكداب وتعرف الفرق بينهم والا مش هنتعلم

تقبل مرورى

heba

مجهوله يقول...

كلامك تمااااااااام
وطبعا كلامك كله صح

MaNoOoSh يقول...

هو انت بتختفي ليه كده؟

الازهرى يقول...

القدر وأنا

لذا اقرك تماما بالحذر فى التعامل مع ضرورة وضع اسس للتعامل

وأنا أقر ذلك أيضا ولكن
ما هى الأسس
وكيف نضمن أن من أمامنا سيحترم ذلك

فى رأيي أنه لا بد من ألا نفرط فى الثقة فى أى انسان إلا بعد التعرف عليه جيدا ومعرفته معرفة تامة


تحياتى دوما

الازهرى يقول...

فراشتنا

فعلا الصدق يفض نفسه
ولكن لا بد من أن نأخذ وقتنا قبل أن نمضى فى علاقات أعمق كى لا نندم وبعدها كما قلت أنت

بمعنى آخر تكون دايما حاسس بعدم الامان النهائى لمن يحادثك دون ان تراه

فهنا تكون الكارثة الكبرى

تحياتى دوما

الازهرى يقول...

مانووووووووووووووش


واحنا عمرنا ما هنبطل نقطعها من وجودها معانا


وهو ده اللى احنا بندعوا له
اننا عمرنا ما نيأس من الحرب ضدهم ولازم نفضل لأخر لحظة نحاول نمنعهم يلوثوا عالمنا الجميل
سواء الواقعى أو التدوين

تحياتى وخالص مودتى دوما وأبدا

الازهرى يقول...

اقصوصة

وأنا موافق جدا على كلامك
بس المهم نبدأ نتعامل معاهم

تحياتى دوما

الازهرى يقول...

ضد

طيب بالعقل كده

كل الناس دى فهمت المقصود ما عدا انتى
يبقى العيب فى ميييييييييييييييييين ؟


المطلوب بكل بساطة مناقشة المشكلة ومحاولة طرح الحلول وفهمها يمكن يكون رأينا له مكان

المهم بلاش نيأس ونستسلم للظاهرة دى

كفاية كده والا نفهم اكتر ؟

الازهرى يقول...

ليس فقيرا ممن يحب

ايوه
بانه كمان يحاول يتعرف على الناس اكتر ولما يلاقى خطر ينبه الباقيين عليه

اعتقد بكده ممكن تخلص المشكلة مع الوقت لان كل واحد هيخاف يتفضح


تحياتى دوما

الازهرى يقول...

أم بوبه

السلام وصل وأهلا بكي دايما

الازهرى يقول...

فوكسولجى
كل انسان قاضى على نفسه

فعلا متفق معاك جدا
بس المشكلة لو واحد ضميره ميت يبقى نخليه يفسد مابينا ؟
لازم ننبه بعض زنقف ضده علشان المركب تعدى بيننا واحنا متماسكين
الريح اصبحت شديدة والبحر عالى
والموقف ل يحتمل الشقاق من اجل انسان معدوم الضمير

الازهرى يقول...

المعلم محمد

انا قرأتها فعلا فى احدى المدونات ومش عارف صاحبها بس المشكله دى منتشره فى المنتديات من زمان وبدأت فى الظهور فى المدونات كمان
وده خطر حقيقى لان المنتدى بأنواعه مجرد طرح موضوع واراء
انما المدونات اسبتفكر وتكتب عن مشاكل او خلافه
يعنى بتفكر
يبقى ازاى تعمل كده ؟

الازهرى يقول...

طوبه فضه وطوبه دهب

وانا معاكى
وربنا يهدينا ويهديهم

تحياتى دوما

الازهرى يقول...

سلمى

ربنا يعينك فى امتحاناتك
ويعينا على حياتنا
وفى انتظار كلماتك دوما

تحياتى وخالص مودتى

الازهرى يقول...

جوجو

فينك من زمان ؟
كل حظة وانت طيبة
والسنة الجاية يكون معاكى العريس تعيس الحظ
واكيد مش انا باذن الله

الازهرى يقول...

عاطف شاهين

أدعوا الله تعالى أن يهدى هؤلاء
والسؤال هنا عن رد فعلنا تجاههم

شكرا على مرورك الجميل وزيارتك العطرة
أتمنى من الله ان لا تنقطع عنا أبدا

الازهرى يقول...

حنين

اتفق معك الف فى المائة
فالصدق هو عنوان العلاقات الناجحة دوما

أول زيارة لك
وبإذن الله لا تكون الأخيرة
وأهلا بك دوما

الازهرى يقول...

أستاذنا الغالى بيرم المصرى

وانت والله واحشنى كتيييييييييييير
ربنا يقرب البعيد وارجع هنا من تانى

تحياتى دوما

الازهرى يقول...

اعشق فى الليل ضوء القمر

ربنا يعينا ويعينك يا رب
والله الشغل عند الكل كارثة الأيام دى

لكن بإذن الله نفضل متواصلين

وخلى أحمد فى سرك

الازهرى يقول...

هبه

الدنيا فيها كتير
بس لازم نعرف اننا هنا كلنا جاين علشان نبعد عن ديا الكدب شوية ونبقى صادقين مع نفسنا
يعنى لو كدبت هنا هاكسب ايه ؟
فى الدنيا العادية ممكن اكسب انما ههنا الكل بيتعامل مع افكار
يبقى نحاول تكون افكارنا واضحة وصريحه

أهلا بك فى اول زيارة وأتمنى من كل قلبى ان لا تملى وتكون الأخيرة
بل يبقى الود متصلا

الازهرى يقول...

مجهولة

تماااااااام والا صح ؟

اهل بك هنا دوما

الازهرى يقول...

مانووووووووووووووووش

مش عارف اقول ايه
بجد لو شكرتك يبقى أنا عبيط
بين الإخوات مفيش شكر على السؤال

ظروف وإن شاء الله تعدى على خير