الخميس، 1 أكتوبر 2009

يوم الخميس

وما بالكم بيوم الخميس



قبل ما نتكلم عن يوم الخميس يا ريت الناس الغايبه
تراجع قبل كده قبل ما نكمل ، علشان يبقوا معانا على الخط
يوم الخميس بقى أنا فطرت فى المدينه وطلعت على هناك قلت على ما أفوق أجيب النوته وبعدها أرجع أذاكر ، المهم وصلت هناك حوالى تسعه ونص ، وفتحت لى والدتها وأول ما شافتنى ضحكت فسألتها : خير ؟ فقالت إن الحرب شغاله جوه ومش ناقصاك خليك مؤدب وعدى اليوم على خير ، فقلت طيب هاتى لى النوته وأروح من بره بره وأريح الدنيا فرفضت وقالت لى إن عمى والباقيين جوه ودخلتنى لهم فلقيت العروسه قاعده والأفندى بتاعها ووالدها وأختها واقفه على الباب وهى فى قمة الضحك والجو فى توتر غريب كده فسلمت وقعدت لقيت الكل ساكت فسكت أنا كمان حسب النصيحه ، دقيقه ولقيت الأفندى بيكلمنى وبيقولى إحضرنا يا أزهرى فقلت له بكل لباقه لأ أنا فى حالى وأنتم فى حالكم ، فوالدها قال لى لا صحيح اشهد معانا الموضوع ده ، فقلت امرى لله خير ، قال لى عايزين يخرجوا يتفسحوا وطبعا مفيش حد ممكن يخرج معاهم وما أقدرش أخليهمم يخرجوا لوحدهم كده
فقلت له عندك حق لازم كتب الكتاب على الأقل الأول
فقال أنا قلت كده وقلت لهم يقعدوا فى البيت زى ما هم عايزين والكل موجود ومفيش مشاكل بس هم مصرين يخرجوا ويتفسحوا فقلت له طيب أخوها يروح معاهم ، فرفض وقال هو وصغير وانت عارف ممكن يسرحوا ويتوه منهم وساعتها بجد هاقتلهم
فسكت وبالتفت ناحيتهم لقيت العريس باين عليه الإحباط شكله كان فاكر إنى هانصره بس الغريبه مفيش أى معالم للإحباط عليها هى ، بس ساكته وعينها للأرض ولا أكن فى حاجه فقلت إنها موافقانا الرأى شويه وجه العصير وبدأتت أشِربه ولقيتها بتقول لوالدها بس انت رافض ليه انتا مش واثق فينا قال واثق فيه هو بس مش واثق فيكى انت اتلكى واسكتى بقى فضحكت أنا بصوت عالى فبصت لى وقالت لوالدها يعنى انت عايز حد يراقبنا وخلاص ويبقى ثقه وهنا أنا اتوترت لأنى مش لاقى كتير فى المكان بالصفات دى وهو رد طبعا
فقالت له يبقى الأزهرى يروح معانا ياخدنا ويرجعنا للبيت وبكده يبقى انت مطمن علينا إنه هيراقبنا فى نفس الوقت يحمينا ويتفسح ومعنا ويطمن علينا...... وبدأت تكتر فى الكلام ، فوالدها فكر ثوانى كده وقال أنا موافق بس تاخدوا أختك معاكم هى امتحاناتها قربت وتتفسح يوم تفك عن نفسها فيه ، وبيتكلموا ولا أكن أنا هنا ، فاتنحنحت كده وسألتهم ، يعنى لو ممكن أقول رأيي فردت هى بكل برود لأ ، ووالدها بكل دبلوماسيه لأ المفروض إنك يمهك انها تكون فى امان وفى نفس الوقت تفرح مش كده ؟ طبعا سكت وامرى لله ( مش عارف أمان إيه بس دى تقفل لوحدها منطقة كامله )
ونزلنا بعد أخد العهود والمواثيق على إنى أرجعهم وآخد الوصل آخر اليوم ، المهم بعد ما نزلنا قلت لهم ها هندخل الجنينه قالوا لأ ما هى قدام البيت وشايفينها طول اليوم عايزين نروح سينما ، طيب انا باكره السينما ؟ ، حبها النهارده بس علشان خاطرنا ، أمرى لله وباشاور لتاكسى لقيتها ثارت وقالت ليه احنا هنتمشى لوسط البلد، فشديت فى شعرى وقلت ليه ، فردت احنا خارجين نتفسح مش مشوار رسمى ، والباشا ساكت ، امرى لله وتخيلوا بقى الطريق من شارع مراد من على الكورنيش كده مرورا بكوبرى الجامعه وفندق شيراتون وبعدها الأوبرا ومتحف مختار منها كوبرى قصر النيل والتحرير ودخلنا على منطقة السينمات وكل ده بالخطوه البطيئه ( أكتر حاجه بأكرهها فى حياتى ) ، المهم وصلنا ولقيتها بتقول لى إنت تعرف واحد بتاع ايس كريم كويس هنا ؟ فقلت لها فى واحد جميل عن سينما مترو ، وبكل هدوء وخفه تقول : طيب اعزمنا
وأنا اتسمرت مكانى وبكل الغيظ وأمرى لله وافقت والأفندىواقف بيضحك على التدبيسه وأختها طبعا هتموت من الضحك على منظرى ، وجبت للكل وطبعا على حسابى واحنا ماسكين الايس كريم وبناكل سألتهم عايزين يدخلوا فيلم ايه خلينا نخلص لقيتها سبقته بالكلام وقالت على اسم فيلم غريب كده اجنبى المهم اتلفت حواليا إنىألاقيه موجود فى أى لوحه فاستغربت وقلت لها مش موجود هنا هو فين الفيلم ده ؟ فردت والخبث كله فى عينيها ما هو بيتعرض فى سينما جالاكسى ، هنا وأنا كنت خلاص رفعت ايدى وقلت هاديها ضربه فى وشها اخليها تفقد الوعى سنتين أخلص منها فيهم ويمكن تموت واستريح أنا وأكون أنقذت العريس والإنسانيه كلها ، بس لقيت العريس وقف بينى وبينه وبيقول هتعمل ايه ؟ قلت له هاضربها ولو عندك اعتراض أضربك قبلها ، فقال وهو بيضحك لالالالا انا مش هاعترض لانى عارف هاخد علقه تمام بس أنا كنت عايز أفكرك انها بنت ، ترضى تضرب بنت ؟ وهنا كان الغيظ جاب اخره ، ونزلت ايدى وامرى لله وقلت لهم اختاروا اى فيلم من هنا ، فرفضوا بالإجماع وبقيت مضطر امشى معاهم واتحايل إننا نركب رفضوا برضوا هم مستمتعين انهم ماشيين مع بعض وأختها مستمتعه بمنظرى وحفلة الكيد المعموله ضدى
ومشينا من على الكورنيش التانى رحلة العوده مرورا بقى بالفندق الطويل هناك ده مش فاكر اسمه وبعدها على المنيل مرورا بمركز السموم والحمد لله وصلنا هناك ولحقنا حفلة 3 انا كنت خايف نفقدها ويقول نتمشى على ما حفلة 6 تبدأ المهم وصلنا والحمد لله ، ورحنا على شباك التذاكر والأفندى داخل علشان يقطع لقيتها شدته من دراعه وقالت ياااااااه الشباك زحمه قوى روحت انت يا أزهرى إنت هتعرف تتصرف مع الناس بسرعه
قبت انا على البرود وقلت لها لأ ما اعرفش حد هنا ، وكمان زى ما أنا أعرف هو يعرف وألا إيه ؟، فقالت آه بيعرف بس المفروض إن لو مكان فى مشاكل محتمله إنت المسئول مش وعدت والدى بكده ؟ يلا بقى وبلاش تبقى بايخ خلينا ندخل ، أمرى لله رحت قطعت التذاكر وطبعا على حسابى لإنه عيب أقول هات فلوس للباشا بتاعها
ودخلنا والحاجه الكويسه فى الموضوع إن واحنا داخلين دخلتها هى واختها فى الأخر وقعدت جنبهم وخليته هو بره بعدى وطبعا كانوا متضررين لانهم عايزين يرغوا بقى ولوك لوك لوك لوك ، وطول الوقت يقولوا عايزين فشار روح هات لنا وهو بيعمل مش واخد باله علشان أنا أقوم ويدخل مكانى بس أنا بكل برود انقل له الرغبه فيضطر يقوم
وعليه خلصنا الفيلم وخرجنا وأنا من الارهاق مش متابعه اساسا وعلى الرغم من إننا كنا قريب من البيت يعنى يا دوب اعدى كوبرى عباس نبقى وصلنا إلا إن أنا أصريت نركب تاكسى وأول ما وصلنا شاورت لهم على فوق وخليته هو يحاسب رخامه ، وإحنا طالعين لقيته بيضحك ويقول لى على فكره أنا فضلت ساكت لإن وإحنا نازلين لقيتها بتطلب منى كده وقالت إنها ناويه لى على حاجه فأنا فضلت اتفرج على المباراه ومستنى النتيجه
ودخلنا البيت وأول ما والدها ووالدتها شافوا شكلى ضحكوا وقالت أمها يبقى عملت فيك حاجه أنا قلت برضه اليوم مش هيعدى بينكم على خير بس شكلها هى الكسبانه المره دى علشان دخلت فراحنه وانت داخل مخنوق ، ما علينا الغدا جاهز مستنيينكم ، اتغدينا وأنا ساكت خالص وبعدها اخدت النوته ورجعت من غير ولا كلمه على المدينه أخدت حمام ونمت للفجر مهدود وطبعا ضاعت المذاكره بسبب للغيظ وفين على بعد الجمعه على ماهديت وبدأت أذاكر من تانى
بالذمه أمامير إزاى بقىىىىىىىىىىىىىىىىىىىىى؟

هناك 81 تعليقًا:

mahasen saber يقول...

مشى من شارع مراد لوسط البلد مسافه طويله اه

بس متعه بجد

انا اخدتها مشى كام مره من وسط البلد للمقطم
المشى شئ رائع فعلا

بس انقامها منك صحى على فكره يعنى مشى فى مشى

بعدين ايه موضوع الضرب ده ازاى تجرؤ وتفخر انك تتصرف كدا مع بنت
ده انتا كنت هتاكل ضرب للركب

بيطرية ومش بايدى يقول...

انا هاحجز التانى
وارجع ماشى
اوعى حد يقرب هنا
هع هع هع

بيطرية ومش بايدى يقول...

ههههههههههههههههههههه
لا الصراحة تستاهل
شكلها تليمذتك يا ازهرى
كده البت تمام عداها العيب وازح
وزى ماقولت ف الاول يوم لك ويوم عليك

هى اخبارها ايه دلوقتى؟؟؟

Kiara يقول...

هههههههههههههههههههههههههههههههههههههههههههههههههههههههههههههههههههههههههههههههههه

دول بهدلوووووووووك بهدله
فظيييييييييييحه

ألـــــــوان الحيــــــــاة يقول...

ناس طيبييييين اووووووووووى

ههههههههههههههه

هو انا اه مش متخيله المسافات لانى معرفش الاماكن دى بس واضح انك اتبهدلت جاااامد

بس والله شاطرة اووووى

وامامييييير ااااه p:p:p:p:p:

لحظة تأمل يقول...

طيب مش اللى يعمل مقلب يستحمل بقى اللى يجراله

وياريتك بتحرم .. مفيش فايدة :)

تعيش وتعمل مقالب ويتعمل فيك اكتر

yoyo يقول...

احم احم

ادينى جيت
وطبعا طبعا نورت البيت من غير اى كلام يعنى

yoyo يقول...

صباحك سكر

ماله بقى يوم الخميس ياترى
اشوف ارجع لك
استعد بقى يابنى
وياريت تشوف لك حد يساعدك بقى
يالا نلتقى بعد الفاصل
تيت تيت تيت

yoyo يقول...

عودنا و العودة احمد
بس احمد المحتل الازلى يعنى
هههههههههههه

yoyo يقول...

و الله واتدبست يا مرزوق
ههههههههههههه
بصراحة تدبيسة فى الجون يعنى
ضبربة معلم يا معلم
شفت بقى ان ربك بالمرصاد
من اعمالكم سلط عليكم
اشرب بقى
هههههههههههه
بالهنا و الشفا
تعيش و تاخد غيرها

yoyo يقول...

يا اخى دا المشى اجمل رياضة
داانا كدا هابهدل الراجل معايا بقى
هاقطعه مشى رايح جاى و جاى رايح
ربنا يجيب بالسلامة يا خويا يارب
هههههههههههههههه
ولا الصحة خلاص بقى
الصلاحية خلصت يارجالة

yoyo يقول...

و بعدين تعالى هنا بقى
انت كنت عاوزة تضرب
هو انت فاكر نفسك عنتر زمانه ولا عنتر شايل شيفه
دا انت كنت اكلت علقة تمام تمام
و كنت هتبقى بالهنا و الشفتشى
ههههههههههههه
قال يا يضرب قال
ياعم و النبى هو انت تقدر تضرب نملة
لسه من شوية بتقول تعبت من المشى دلوقتى اوديكى فين يا صحة

yoyo يقول...

احساسى كدا بيقولى ان البوست دا هيكون وراه حملة تبرعية لك بقى ومساهمة فى مساعدة اخوكم المتدبس اللى صرف و اتبهدل و هنيأ لك يا فاعل الخير
ههههههههههههههه

yoyo يقول...

يالا اهوا المشوار خلص شوية و لو ان لسه كتييييييييييييير اوى بس اهوا يوم لك ويوم عليك

تعيش وتاخد غيرها
هههههههههههههه

asu_esn يقول...

هههههههههههههه
هههههههههههههه
هههههههههههههه
البنت دى جامده واكيد عارفه تحرق دمك ازاى
وانت اكيد تستاهل حد يقول كده لعريس يوم خطوبته
هو احنا لقيين عرسان اليومين دول
هههههههه
دول شحيين اوى
بس والله صعبت عليا
لانى افتكرت لما كنت بكون مقرره اذاكر حاجه وتحصل حاجه تمنعنى كنت ببقى هعيط المهم تعيش وتاخد غيرها
واكيد اماميييييييير جدا
بااااااى

الشعب لابد له من حكومه تشكمه يقول...

واااااااااااو البنت دى دماغها فظييييييييييييعه ارفع ليها القبعه :) عجبتنى بصراحه وكان نفسى اشوف منظرك:)

Yusuf يقول...

هي دي الدنيا

ما أخذ بالقوة

أكيد يسترد بالقوة

بس عجبتني دماغها

وصباح الفل يا جميل

marmar يقول...

على رأي اللمبي
فيه حض كضه >> هههههههههههههههههههه
وبعدين ازاي كنت عايز تضربها
هيا دي الرجوله يا رجاله مصر


بلا خيبه
بلا ستين خيبه
ولله انا مغلطتش لما قلت الرجاله ماتت في حرب اكتوبر واللي موجود بقايا الحرب

يلا يلا من هنا

romansy يقول...

هههههههههه
يا سلام عليك انا مش عارفاقولك ايه بس انت كده اتدبست علشان مسمعتش الكلام يا عم لازم تخرج يعنى معاهم وتمشى المشوار الطويل وتتضرب وانت بتجيب التذاكر وتدبس فى الايس كريم
حرام عليك يا شيخ من اعمالكم

ههههههههههه
واوعى تعمل كده تانى

Unknown يقول...

أزهري ....
ذكرياااااات حبي و حبك ..
.......
.......
أسيبك تسمع لوحدك ...
زي ما اتبهدلت لوحدك .

طوبه فضه وطوبه دهب يقول...

ah el msabark 3la el gholb dah manshala 3nhom makhargo ya3ny hma ykhrogo wanta ttnaat wt7asb kman bgd ana atshalatlak wah el madena demsh fahma bgd anta lek elgana b3d el khroga de

Foxology يقول...

حمد الله ع السلامة وتعيش وتاخد غيرها :)

تحياتى :)

ستيتة يقول...

الله الله الله
والله من ساعة ما قرأت اللي انت عملته يوم الخطوبة
وانا متأكده ان البوست ده من نوع
نردهالك يوم امتحانك ان شاء الله
هههههههههههههههههههههههههههههههه

بلغها تحياتي
هي دي عضوة جمعية المرأة المتوحشة الأصيلة يا ناس :)

رحلتنا في الحياة يقول...

تستاهل كل اللى يجرالك دى طلعت كريمة معاك لابعد الحدود p:
ياريت تعمل كل يوم من ده فيك علشان تخلص العالم من شرورك ياشريررررررر

فراشة يقول...

بص يا ازهرى انا جيت اسلم عليك اهوه
بس كعادتك يا اما بتضحكنى يا اما بتنرفزنى وانت المرة دى نرفزتنى
الله يكون فى عون اللى يدخل بين اتنين
بس اكيد يا ازهرى اللى حصلك ده تخليص حق قدييييييييم
ههههههه

♥نبع الغرام♥♪≈ يقول...

هههههههههههههههه
ههههههههههههههه

وربنا مبسوطه فيك
تعيش وتاخد غيرها يا جميل
يلا متعنى انت وانا اشمت فيك
يا شماتت ابله ظاظا فيك يا ازهرى
هههههههههههه
مودتى

SHAPE YOUR LIFE (ABOALI) يقول...

يااااااااا عينى
انتى جاية تشتغلى ايه ؟
تؤ تؤ يا ازهرى
انت تبقى كده
تؤتؤ

بس ايييييييييييييه النت دى فى الصميم

انا بس ليا سؤال
هى اتجوزت الواد ولا لسه ؟


بس تعيش وتاخد غيرهااااااااااا يا معنمى

shimaa يقول...
أزال المؤلف هذا التعليق.
اعشق فى الليل ضوء القمر يقول...

معلش يا صاحبى الدنيا كده يوم عليك و يم عليك برده
كلها اوقات و بتعدى
بس مقلتش دفعت كام فى الخروجه دى
اصلى اتدبست زيك كده فى العيد بس مع اختى و بنات عمى
بما أنى الولد الوحيد الموجود وقتها وهن عايزين يخرجن

بس الأيام جــــــــايه كثير
وعارفك حتاخد بطارك يا ولد
وانا معاك لو عاوز حاجه
قول انت و انا اخليها ضلمة

ههههههههه

تقبلى تحياتى يا ازهرى

اعشق فى الليل ضوء القمر يقول...
أزال المؤلف هذا التعليق.
عمرو يقول...

مقلب شيك بجد يا أزهرى :))
بتعجبنى أوى المقالب اللى مش بتضر لكن بتغيظ و واضح أنهم حريفة مقالب يعنى ..
أدينا بنتعلم يا أزهرى طول ما أحنا عايشين فى الحياه الدنيا :)
تقبل تحياتى و تقديرى ..

اقصوصه يقول...

حلوه وايد :)

------ يقول...

ومن اعمااالكم

بس احلى حاجة التدبيسة دى
دفعت كام :)
كله يهووون برضو اختك اختك :)

يابنى دى احلى حاجة المشى

انا معرفش المسافة اللى مشتها كبيرة ولا لا

بس المشى رياضة برضو
وبعدين دول مخطوبين تخليهم يركبوا تاكس علشان يوصوا بسرعة


وبعدين هى هتجيب منين اكيد شربة منك كتييير

دا اصبر بقى لو انت خطبت ياسلام ياسلام
يوم ليك ويوم عليك

Beram ElMasry يقول...
أزال أحد مشرفي المدونة هذا التعليق.
Beram ElMasry يقول...

حبيبي وصديقي الكابتن الأزهري
صديقي الجميل منذ عرفت أنك مدرب كارتية وأنا أحطاط في حديثي معك وأنا مش حملك .
فعلا أتمنى أن أقف علي أخبارك وخاصة موقف التجنيد مع خالص تحياتي والسلام ولا سلام مع قتلة الأنبياء والأطفال بني إسرائيل .

ريمان يقول...

ههههههههههههههههههه


حلوه المقالب دى

بوست دمه خفيف اوى


تحياتى

الازهرى يقول...

محاسن صابر أم الغالى بيدو

متعه أه
وانا مشيتها من العمرانيه لرمسيس
اكتر ن مره ومشيتها من المطار لجامعة عين شمس
إنما لو الدماغ رايقه ومش عقاب
وكمان مش فخر انى ضربتها بس كنت خلاص اتخنقت
بذمتك لو انت مكانى تعملى ايه ؟

الازهرى يقول...

بيطريه
ممنوع الحجز أساسا
كده نزلنا مركزك وبقيتى انت الرابع

الازهرى يقول...

بيطريه

ايوه ايوه انتم طبعا منحازين لها

وكمان انا شارب منهم مش العكس لسه فى حكايات كتير
وكمان هى الحمد لله بخير وربنا رزقها بنوته زى القمر
شبهى تمام

الازهرى يقول...

خيارا

افرحى افرحى يا اختى
ما هى تبع الحزب بتاعكم

ماشى المقلب الجاى من نصيبك

الازهرى يقول...

ألوااااااااان

هى المسافه زى من محطة الرمل للميناء
كده
اتخيلتيها ؟
انا اتبهدلت كل ده
وانا عارف انها شاطرة بس المهم مش على انا
والا ايه ؟

الازهرى يقول...

لحظة تأمل
بصراحه عندك حق
كل ما أقول توبه ألاقى نفسى من غير ما احس أدبر مقلب تانى وطبعا بيترد مع الفوايد

وربنا يدينا ويديكى طول العمر ونعمل مقالب يمكن تلاقى من نصيبك واحد ولا اتنين

الازهرى يقول...

يويو

ثوانى اولع شمعه مش عارف أقرأ
الدنيا ضلمت فجأه

الازهرى يقول...

يويو

يااااااااااااااااااااااااااا رب الفاصل يطول جدا جدا جدا
احنا ايه فاضيين والا ايه ؟

الازهرى يقول...

مين احمد ده ؟
أأأأأأأأأأأأأأأأأأأأأأأأأأأأه
أحمد كوارع
افتكرته

الازهرى يقول...

جا بالهنا والشفا وكل حاجه

المهم اتشرب واتهضم وحليت بعده كمان


بس مين مرزوق ده بقى ؟ شكلك خرفت يا نص

الازهرى يقول...

صلاحية ايه ؟
الصلاحية ممتده حتى الوفاة
بس المشكله فى الغرامه
لو على المشى تهون

الازهرى يقول...

مش قلت لك لسان على الفاضى ؟
طيب قالوا الجمل طلع النخله قلنا ادى الجمل وادى النخله
هاتى واحد فيك يا كوكب الارض يقدر يدينى العلقة دى وانا ادفع لك عشره جنيه

الازهرى يقول...

والله فكرة
ساعدونا يا اولاد الحلال
بس المشكله انه كان من فتره صحيح كانت ازمه ايامها بس الحمد لله الظروف اتحسنت
وبقت تمام

الازهرى يقول...

المشكله ان الناس دى عندها قانون تانى خالص
يوم لك
وااياااااااااااام عليك

يعنى باطلع انا المظلوم فى النهاية

الازهرى يقول...

asu_esn

يااااااااااااه
اخيرا لقيت حد اصعب عليه
احمدك يا رب
صحيح الجزء الاول مش تمام بس نعمل نفسنا مش واخدين بالنا

تحياتى دوما

الازهرى يقول...

الشعب لا يد له من حكومه تشكمه

يعنى او كلام لك هنا يكون بالشكل ده ؟
شمتانه فى ؟
ما علينا نفوتها المره دى يمكن المره الجايه يكون أحسن

أتمنى بس تتكرر ويكون فى تواصل

الازهرى يقول...

يوسف

طيب عجبتك دماغها وفمناها
طيب والمغلوب على امره مفيش اخبار عنه ؟

الازهرى يقول...

مررررررررررررررررررررر

بره
بره ومحرومه كمان من الميراث

وكمان الرجاله الىى ماتت فى الحرب سايبه وراها وحوش تسد مكانها يعنى اى حد يقرب لنا من اى جنس او لون نمسحه من على وش الدنيا
مش يتطالبوا بالمساواة ؟

الازهرى يقول...

رومانسى


اوتن فاكر انى كررتها تانى
عيب يا صاحبى لا يلدغ المؤمن من جحر مرتين

الازهرى يقول...

فركشاوى

يعنى انا اتكتب على الوحده دايما يا ربى
ما علينا
ضاع الاصحاب ويا العمر يا ولدى

الازهرى يقول...

طوبه فضه وطوبه دهب

اعمل نفسى فاهم واقول
اتمنى باذن الله الجنه لنا كلنا
ويبقى تانى صوت لصالحى فى الليله دى
أحمدك يا رب

الازهرى يقول...

فوكسولوجى

لو اخدت غيرها يبقى انت ناوى على موتى

تحياتى دوما

الازهرى يقول...

ستيته حسب الله الحمش

واضح كده انك من انصار الطرف التانى
ما علينا برضه نحترم الرأى الاخر ولو جه بموتنا
يعنى اول تعليق
بلى ريقى فيه ولو بكلمه
ما علينا
يحيا الحزب

وليمت الشعب

تحياتى وتمنياتى بالتواصل

الازهرى يقول...

أيوشه

انا شرير ؟
الله يسامحك
وكان الله يرحم ايام ناس كانوا ناويين يقتلوا جارهم علشلن بيشرب السجاير فى البلكونه

ربنا يعين الرجاله

الازهرى يقول...

فراشه
أه جايه تسلمى بس يكون سلام حقيقى مش على الماشى
لانك بكل بساطه لو ضغطى على اللينك الموجود فى الاول هتعرفى انه كان رد حق قديم
وهتعرفى ان انا كنت الطرف الضعيف فى الشغلانه كلها

وعموما حمد له على السلامه

الازهرى يقول...

عاشقة الافراح ايناس

يعنى انا اتدبس وانتم تشمتوا
كده يخونكم العيش والملح وتهون عليكم عشرة السنين الطويله
اقول ايه بس
ربنا يسترها علينا

روح يا شيخه ربنا يوقف لك ولاد الحلال

الازهرى يقول...

أبو علىىىىىىىىىى

واضح كده والله أعلم ان الزهايمر عامل شغل تمام

راجع المتكوب وانت تعرف ميعاد الفرح

وممكن نتقابل هناك
ايه رأيك ؟

الازهرى يقول...

أعشق فى الليل ضوء القمر

أنا برضه كنت زمان كده وحاليا فى العيد أصلى وأفضل فى البيت لما العيد ينتهى خالص والناس تنساه تماما

والخروجه دى كلفتنى حالى 130 جنيه تقريبا

والله المعين
بس لما اطلبك األاقيك موجود مش يقولوا راح يجيب ورقة بوسته

الازهرى يقول...

حبيبا الغالى عمرو

بس القرصه كانت شديده قوى
الناس دى ايديها تقيله
دا سه فى بلاوى
دا اللى حصل ده كان أول المشوار بس

تحياتى دوما وخالص مودتى

الازهرى يقول...

أقصوصه

حلوه بس حريفة جدا

المجاهد الصغير يقول...

القرضاوي يدعو لجعل الجمعة القادم "يوم غضب" لنصرة الأقصى
ياريت نكون يد واحده ونشارك
التفاصيل "موقع امل الامه"

الازهرى يقول...

دموع القمر
من جهة دفعت
فأنا دفعت
وكان ممكن أدفع أكتر بس يسيبوى فى حالى

والأيام دول
وأنا مشيت كده بالصلاة على النبى حالى 16 كيلو مشفيين

وبعدين اخطب ليه ؟انت ناويه تنضمى لفشكول وحزبه والا ايه ؟
لاااااااااا اعقلى كده وارسى

الازهرى يقول...

أستاذنا الغالى بيرم المصرى

لالالالالالالالا
تخاف منى بس مين يا عم دا انا غلبان والله
انا الحمد لله بخير وان شاء الله هامضى مع ناى الزمالك بعد اسبوع تقريبا واحتمال اضم له نادى الصيد بس ادع لى

تحياتى دوما

الازهرى يقول...

ريمان

هى حلوة فعلا
بس للقراءة فقط
أما لو كان المقلب ضدك ساعتها هتعرفى يعنى ايه كلمة ظلم

تحياتى دوما

الازهرى يقول...

المجاهد الصغير

شكرا على الدعوة الجميلة
وليعنى الله على ما فيه الخير والصواب

RASHA يقول...

عموما مخسرتش كتيرالمشى اجمل رياضة ومن الجيزة لوسط البلد مش كتير

Beram ElMasry يقول...

حبيبي الكابتن الأزهري
مبروك إن شاء الله مقدما ومع المزيد من النجاحات والمناسبة أنا زملكاوي مع إني عضو في النادي الأهلي بسبب المجاورة في مدينة نصر وعائي لك بالنجاح فأنت أهل له مع خالص تحياتي والسلام ولا سلام مع بني إسرائيل قتلة الأنبياء والأطفال .

سفروتة يقول...

بابيتو العزيز

ههههههههههههههههههههههههههههههههه
اشرب
اشرب
وكل كمان

بس بجد مقلب تمام يعني
ان كيدهن عظيم

ركز بقي عشان انت عندك بناااااااااااات
D:

دمت بخير أبي
:)

سلمى يقول...

مع كل اللى حضرتك حكيته ده واضح انها بتعززززك اوووى
متشكره لان حضرتك سئلت عنى
دمت بخير

Unknown يقول...

يااااااااااااااااااااااه
بهدلة
ربنا يعين

تقبل مروري وتحياتي

ويبقى التواصل

الازهرى يقول...

شاشا

واضح كده انك دايما بتاخديها بتاكسى فى وقت الروقه
مش كتير مين بس؟

عموما الف حمد لله على سلامتك

الازهرى يقول...

حبيبنا الغالى الأستاذ بيرم المصرى

يا خسارة
طلعت زملكاوى ؟
ما علينا انا اساسا مش بياشجع الا نفسى علشان مش لاقى وقت لغير كده
على العموم اكل العيش يحكم دايما
وكمان احنا طلعنا جيران
ما انا الجامعه برضه فى مدينة نصر

تحياتى دوما

الازهرى يقول...

زعيمة السفاريت

وهو فى اشقى من الاب اللى عنده بنات

ربنا يعيننى عليكم واقدر اربيكم من غير ما ادخل المصحه العقلية او العناية المركزه

الازهرى يقول...

سلمى

بتعزنى جدا
لدرجة انها نفسها تشوفنى تجوز
شوفتى قد ايه ؟

تحياتى ولا شكر بين الاخوة

الازهرى يقول...

معتز شاهين

دى هدله وبهدله وبهدله
وكمان بهدله

تحياتى دوما