الثلاثاء، 29 سبتمبر 2009

يوم حزين فى تاريخ الأمة + عيد جديد + كمان عيد


جاءنا البيان التالى اتضح ان الدكتورة اسماء على برضه النهارده
يبقى المكان مشاركه بينها وبين كيارا ولو فى اعتراض يضربوا بعض واللى تغلب تاخد الحفله لصالحها
**************************************************************
المشاغب........المفتش كرومبو ................... زهايمر
ثانية الثنائى الثنائى المرح

تفتكروا تبقى مين ؟


طبعا مش هأقول لإنى مش بأحب أذكر أسماء والكل عارف كده احنا عندنا ولايا برضه

ندخل فى الموضوع
عارفين يا جماعه من زمان جدا جا جدا
ايوه ما هو الزمن نسبى وكل ما الفترة بتكون أسوأ كل ما نحس ان الوقت أطول يعنى الكام سنه دول كانوا بيعادلوا تقريبا كل الزمن من بداية التاريخ ونشأة الأرض ووجود الديناصورات وليله كبيره قوى قوى قوى كده
فى يوم 29 سبتمبر وهو طبعا يوم مش ولا بد موجود فى شهر نكد ( واظن الكل فاكر 11 سبتمبردا غير على مر التاريخ صدقونى شهر نكد نكد يعنى ) وكانت الساعه 12 الضهر حصلت الفاجعه
وبعد 9 شهور من الغلب أمها ( ربنا يكون فى عونها قبل الولاده وبعدها دى بإذن الله مكتوب لها الجنه على صبرها ) فى النهاية خلصت منها وخرجتها للدنيا علشان تغلبنا احنا ( يا ريت لو قاعدة نضحى بالجنين علشان الأم والشعب يعشيوا موجوده ايامها ما علينا )
جت الدنيا فى اليوم ده ومع الذكرى تتجدد الأحزان
وعلشان كده انا بادعوا شعب المدونين انهم يقفوا دقيقه حدادا على هذه الذكرى
وكمان طقم قهوه ساده للكل

وبعدها ندخل بالأكل أنا عارف فى ناس جايه من الشغل وفى ناس أساسا ما لهاش نفس تيجى بس نعمل ايه بقى الاجتماعيات أمركم لله





وعلشان خاطر الحبايب بس
تورته الشيكولاته دى علشانها انا عرف انها بتحبها جدا ( طالعه لى فى دى ) هديه خاصة ممنوع لمسها غير منى



وكمان تورتايه كمان بالمناسبه السعيده ( فوتوا دى)



وتورتايه علشان الحبايب على أساس إن فى حد بيحبها يعنى خليها فى سركم




وكمان واحده للقرايب



والباقى للشعب الكادح






ودى محجوزة ليوم الفرح بإذن الله ربنا يكرما بواحد صالح وأكيد على نياته وطيب
وعلى العموم انا حجزته له على حسابى فى العباسيه مقدما


وقبل ما اكمل نصيحه للكل وعلى رأسهم صاحبة عيد الميلاد ممنوع سحس يدوق اى حاجه من الحلويات دى كلها منعا باتا

ونكمل بقى الطقم ده هدية للشعب












وكمان طقم ورود كل واحد ورده مش اكتر انا الميزانيه على قدى ومفيش داعى للطمع الموضوع كلفنى كتير ومفيش مانع للتبرع ومساعدتى اهى تبقى سبوبه للنفر برضه يسترزق من وراها وكلنا اخوات فى النهاية







وألا أقول لكم بلاش أنا شايف فى ناس حزينه لان الورد خلص وما اخدوش وكمان ناس كان نفسها فى زياده البستان كله تحت أمركم
وعشانا عليك يا رب

وكمان طقم عصاير علشان الكل يحلى
وكل واحد ينقى العصير الى على مزاجه فلتحيا الحريه وخلى الشعب يعيش













طبعا ترسل الهدايا على مدونة ذكريات وبعد الفرز سيرسل ما يترائى لى على عنوانها تماما
ما هو لازم الرقابه برضه على أولادنا ونعرف نديهم وناخد ايه ......... قصدى نمنع عنهم ايه


بجد يا جماعه مدونتها كان لى الشرف انها من اول المدونات اللى عرفتها وفعلا كانت رائعه ولما اتعرفت عليها شخصيا كان لى الشرف انى لى اخت زيها ، بعقليتها الجميلة وافكارها الرائعه وحبها لبلدها
بأقولها كل لحظه وهى طيبه وباذن الله نحتفل كلنا وهى عندها 100 سنه برضه وكلنا موجودين مع بعض
وأقولها تانى كان لى الشرف انى بقى لى اخت زيك والورده دى هديه بسيطه منى أتمنى تقبلها

وطبعا المدونه مفتوحه لها ترد على التهنئات

أنا ضيف لحين انتهاء الحفل


هناك 105 تعليقات:

الازهرى يقول...

وطبعا بقى من حقى أول تعليق
أنا أول واحد يعرف

الازهرى يقول...

وأنا ومن مكانى هذا أحب أقول لها
كل لحظه وهى ووكل أحبابها وأصحابها واناتيمها ما عدا سحس
بخير وسلام وفرح وامن وامان وايمان وربنا يحقق لها كل أحلامها وطموحاته وباذن الله نسمع عنها دايما احلى الأخبار
وربنا يرزقها انسان جميل دينا وخلقا وخلقا

اللهم امين

Kiara يقول...

انا وشي احمر والله ماعارفه اقولك ايه علي الكلام اللي قلته دا

وانا اللي بجد بجد بجد بتشرف اني ليا اخ ذيك بجد مش هزار

يالهوي بجد مش عارفه اوصف حالتي دلوقت

ربنا يخليك ياااااااارب ويخليكو كلكم ليا

وانت طيب ويارب تحقق احلامك (^_^)

رحلتنا في الحياة يقول...

الحق اول تعليق

رحلتنا في الحياة يقول...

طيب ينفع كده اى صاحبة العيد ميلاد جت اهو ملحقتش اهنئ وابارك طيب كل سنة وانتى طيبة ياقمر وعقبال 100000 سنة يارب فى طاعة الله

رحلتنا في الحياة يقول...

اروح اقرا البوست وارجع تانى

رحلتنا في الحياة يقول...

ايه ده ايه وعاملى عنوان يخض ويجيب اكتئاب حراااااام عليك مش هتبطلوا افترى على خلق الله ياساتر عليك ياساتر
وكمان ايه مغرق المدونة صوانى مكرونة بالبشاميل ومش مراعى ابداااااااا ان فى ناس لسه متغدتش :(
طيب انا جعت وعايزة نصيبى من كل حاجة من دول
والقهوة دى نشربها ان شاء الله لما تروح ابو زعبل مع المعلم بحر p:

رحلتنا في الحياة يقول...

هفضل لواحدى هنا كتييييييييييير :(

الازهرى يقول...

ايوشه

عاده بقى اعمل ايه ؟
وكمان تعالى هنا انت لسه ما اتغدتيش
انما انا صايم تخيلى بقلا حالتى عامله ازاى قدام كل الحاجات اللى بحبها دى ؟

انا قربت اعيط من كتر الجوع
والمشكله انى جايب الاكلات اللى انا باحبها
تخيلى ؟

Kiara يقول...

لا طبعا ياايوشتي اخلص البوست وهاجي اقعد معاكم للصبح وانتي طيبة يااغلي ايوششششششششه

الازهرى يقول...

ايوشه
ما انت طول عمرك لوحدك
هو فى طايقك اساسا
دا ايه كميه الغتاته دى يا رب
اعوذ بالله
اعوذ بالله

الازهرى يقول...

خيارا
ذيك غلط
اسمها زيك
باظت اللغه يا خراب بيتك يا عطوه

Kiara يقول...

يالهوووووووووووووووووووووووووي


هشد في شعري منك اما اجي بس سيبني اركز في البيوست الغريب دا

رحلتنا في الحياة يقول...

صايم ياااااااااارب الجو يقلب حر شديد وتكون عايز تشرب والمغرب يتاخر او حتى وتفضل تقول احد احد
اعوذ بالله منك ياشيخ
اعوذ بالله :(
وبعدين انا وحدى بمزاجى يااخى ايه الناس الغريبة دى

كيارا ياقمر انتى قافلة المدونة بتاعتك ليه :( انا زعلت كده طيب

Kiara يقول...

ذيك ذيك ذيك ذيييييييييك شوف انا كتبت ومش واخده بالي بس كتبتها قصد بقي دلوقت هه بث

Kiara يقول...

هنزل البوست وهتفتح ياقمررررررررررررررررر

الازهرى يقول...

ايوشه

كل ده ليه يعنى ؟ هو انا قتلت لك قتليل والا ايه
وكمان انا مش بافطر المغرب لان بيكون عندى شغل
انا يا دوب كوباية ميه بالكتير وبعدها حلبينى بقى الساعه عشره على ما افضى اكل

وكمان تعالى هنا تانى
والا اقول لك بلاش روحى عند بيتكم

الازهرى يقول...

خيارا
لالالالالا
لن اقبل لازم تتعدل حالا
والا
والا
والا
مش فاكر صرحه والا ايه ؟
ما علينا مره تانيه

رحلتنا في الحياة يقول...

ايه هو اللى تعالى هنا ورحى هناك ايه اصله ده لالالا مش واخد بالك انت بتكلم مين انا ايوشة ولقبى المفترية يعنى متعرفش انا ممكن اعمل ايه وبعدين انا هروح عند بيتنا فعلا علشان اروح اتغدى p:

الازهرى يقول...

ايوه مفتريه الحمد لله شهادة حق اخيرا وبتزعلوا لما اقولها انا
وكمان
تروحى تتغدى
تنامى
تموتى زى ما انت عايزه
بس المهم تحلى عننا
يا ربىىىىىىىىىىىىىىىىىىىىىى
على الخنقه

حروف يقول...

كل سنة وانتي طيبة وبصحة وسلامة انا بعتاللك اغنيه ع فتيس بوك وحغنيهاللك
عقباللك يوم ميلادك لما تنول اللي شغل باللك ياقلبي لالالا مش دية
كل سنة وانتي طيبة يا ممتي لالا مش دية
انزل ياجميل ع ساحة انزل كدة كدة براحة هابي بيرث داي تو يو
يالا وبوسة ومثاثة كمان
مع انك وحشة

Yusuf يقول...

ايه ده

هي دي اسمها ميزانية عيد ميلاد

دي ميزانية دولة

عموما كل سنة وهي طيبة وبما اني من المدونين الجدد ف انا هخش اتصفح ف مدونتها دلوقتي

يالا سي يو سووووون

بيطرية ومش بايدى يقول...

سيبك منه يا كيارا
ده شهر العظماء اسألينى انا اه
ده كفاية ان فيه الدراسة دى لوحدها عظييييييييييمة اعظم عظمات الستات

كل سنة وانتى طيوبة ياجميل
وعقبال........سنة
حطى الرقم اللى انتى عايزاه والهدايا ليكى انتى وبس لاتعدى على ذكريات ولا اللى فات سات

كل كلامك دبش كده ياد يا ازهرى انت

عمرو جويلى يقول...

السلام عليكم
كل عام وكيارا طيبة وبصحة وسعادة
وعقبال 1000000 سنة
تقبل مرورى

Unknown يقول...

الله الله الله!
هو عيد ميلاد
كيارا دليل الحيارى
النهاردة لولولولوىىى
طب مش تقول يــــاأزهرى
كل سنـــــة وانــت وهى وانا
والكل كليلة بخير وسعادة وهناء
بس بجد عيد ميلاد يشرف ياازهرى
اكتسرا اكسترا اكستررررررررررا!

فشكووول يقول...

انت يا ابنى عاملها فزوره ... مش كنت تقول لنا هى مين .. والله هى اللى مفروض تحجز لك فى العباسيه

على العموم هى افصحت عن نفسها فى التعليقات ...

كل سنه وانت طيبه يا كلارا وعيد ميلاد سعيد من ضمن الاعياد الجمله بتاعة اليومين دول بعيد الفطر وخلافه وكمان اعياد اكتوبر ... اليومين دول كبشة اعياد ومن ضمنها عيد ميلاد كيارا

عارف يا ازهرى لو الواحد يقعد على النت كدا ويجيب الاكل دا كله فى اى وقت ... يا سلاااااااام كان الواحد يهبر

مبروك انك اهتميت بذكريات عشان كنت مطنشها كتير

Kiara يقول...

ازهري

***********

انا فعلا مهما اقول او اتكلم عمر الكلام ماهيعبر عن اللي عاوزه اقوله بس اكيد انت حاسه من غير كلام

انت فعلا اعز اخ ليا

ربنا يديم الود دايييييييما ومفاجاه بجد رووووووعه

رغم انك عملت فيا مقلب ونزلت بوست الاول

وميرسي علي الكرنفال الكبير دا والشيكولاه اللي انا بحبها

بس انتيمتي بقي هتاخد هه بث
وبجد احلي مفاجاه النهارده
وميرسي علي الورد والحاجت الحلوه بجد مش عارفه اقول ايه او ايه

الفرحه عمرها ماهتتوصف

وكل سنة وانت والجميع بخير

Kiara يقول...

ايوشة

*********

شفتي بيجوعنا واحنا صايمين

عشان يعذبناااااااااااا


كل سنة وانتي طيبة يااحلي ايوشه والمدونة اتفتحت اهي ياقمر

Kiara يقول...

سالي

******

وانتي طيبة ياقمر وميرسي علي الكرنفال دا ومش تزحلي مني بئا والله غصب حني خالث مالث

Kiara يقول...

يوسف

*********

وانت طيب والمدونة كلها تور بيك

Kiara يقول...

بيطرية ومش بايدى

*******************

هههههههههههههههههههههههههههههههه

ايواااااااااان كله الا الدراسة كنت بكره عيد ميلادي عشان الدراسة ههههههههههه


ايووووووون زي فريال كدا (^_*)

وانتي طيبة ياجميل

واللي عاوز يديني هدية يديني مثااااااااااااثه

ههههههههههههههههههههههه موتيني من الضحك

Kiara يقول...
أزال المؤلف هذا التعليق.
Kiara يقول...

norahaty

*************
وانتي طيبه ياقمرررررر
هو فعلا عيد ميلاد يشرف اي حد بصراحه انا مش عارفه اوصفلك فرحتي بجد

Kiara يقول...

فشكوول

********

وانت طييييييييييييب شفت بقي ان عيد ميلادي جاي في وقت كميل ازاي

كل سنة وانت طييييييييييييب

عاشقه الرومانسيه يقول...

انت كارهها وجايبها تشحت عليها ولا ايه؟
حرام عليك
شردت البت
ههههههههههههه
كل سنه وانت بخير
وكل سنه وكيكى يبه وبخير يارب

الازهرى يقول...

يوسف

صدقنى يا صاحبى هى تستاهل اكتر من كده بكتييييييييييييييييييير

بس روح المدونه وانت تصدقنى

الازهرى يقول...

بيطريه ومش بايدى

ايه سيبك منه دى

هو انا كم مهمل يعنى ولا ايه ؟
وكمان واحد بيقول رأيه بصراحه تزعلوا منه

فينك يا حموم الانسان

الازهرى يقول...

نورهاتى

ربنا يبارك فيكى يا رب
دى حاجه على ما قسم كده
انت عارفه بقى خريج والميزانيه مش قد كده

انما لو فى ميزانيه كان الموضوع بقى له شكل تانى خالص


ولا كنت اعرفكم

الازهرى يقول...

عمنا فشكول

لالالالالالالا
كلامك يتاخد عليه حق عرب كبير قوى قوى قوى

بس نخليه عندك مش عايزين عكننه هنا

الازهرى يقول...

عاشقة الرومانسيه

يعنى انت تختفى تختفى وترجعى تضربى
خليكى محضر خير
هى ما اخدتش بالها
طنشى انت

Kiara يقول...

اللؤلؤة
*****

وحضرتك طييييييب

وميرسي جدااا وبعتذر جداااااااااااااااااا

ليس فقيرا من يحب يقول...

يا سلام يا سلام

ايس كريم وشوكلاته

شكلى هبات فى المدونه النهارده

ليس فقيرا من يحب يقول...

كل سنه وانتى طيبه يا قمر

وعقبال 85 سنه ياااااااارب

ربنا يسعدك ويحققلك كل احلامك

ليس فقيرا من يحب يقول...

اياااااااااااااااااااااااااااكم

حد يمد ايده على الايس كريم والتورتتين

اللى بالشوكلاته دول

هاشرحه

ههههههههههههههههههههههههههههه

ليس فقيرا من يحب يقول...

اه صح والمكرونه بالبشاميل كمان

حسكم عينكم حد يمد ايده عليها

بلاش طفاسه

Kiara يقول...

عاااااااااااااااااااااااااا

الثوكلاته تي تاعتي انا عاااااااااااااااااااااااااااااااااا

كله طمحان فيها عاااااااااااااااا


تي تاعتي انا بث هه

Kiara يقول...

وانت طيب يااااااااااارب

ليس فقيرا من يحب يقول...

ادى هيدتك ياقمر

(دبدوب)

خديه من بين القوسين

ههههههههههههههههههههههههههه

كل سنه وانتى طيبه يا حبيبتى

Kiara يقول...

وانتي طيبة ياجمييييييله وهدية احلي من ارق بنوته

سمكه واحده يقول...

ايه ياعم انت ده؟؟؟ظ
ياعم انا معرفتش اقري حاجه حولتين بالاكل والفراخ والايس كريم وكله كله
مش حرام عليك بزمتك
اشحال انا مكنتش عطشااااااااانه
وابقي جعانه كمان
اهو ده اللي كان ناقص
طبعا كيوره كل سنه وهي بخير
هي حد جميل جدا جدا جدا اتمني اتعرف عليه من قريب
وطبعا ده مش كلامي كلامي انا هيجي ايه جمب كل الناس الجميله اللي بتحبها
بنت عسوله ربنا يحميها ويحفظها
وكل سنه وهي سعيده ومبسوطه ومرتاحه البال ومحققه كل ما تحلم بيه
قول امين يا عم انت متبرقش لاكل اللي عندك
ياساتر
تحياتي

بيطرية ومش بايدى يقول...

حموم مين ياعم الامور
انت شكلك اللى اكلت سندويشتات بتاعة الحيلاوة

ياعم بهرق معاك
وعشان ماتزعلش
انا هاجيب لكيارا مثاااااثة اجيبلك معايا
بس على حسابك ماشى

واوعى تقولى المرة دى
فينك يا حروق الانسان

SHAPE YOUR LIFE (ABOALI) يقول...

كيارا كل فتمو لحظة وانت فى احسن حال
وتكونين فى اعلى علين مع الاخيار
ويرزقك الله الهدى فى الدنيا فرحة الوجة ليل ونهار
ونور ايمان تمتعين به مهما مرت السنون والازمان

عيد ميلاد سعيد


سؤال جانبى ؟
هل تجوز التهنئة فى مدونة ازهرى ؟

لحظة تأمل يقول...

كل سنة وانتى طيبة يا كيارا ويارب دايما تعيشى كل لحظة فى سعادة وتحققى كل اللى تتمنيه

عيد ميلاد جميل يا ازهرى .. ادام الله عليك حبك لاصدقائك وحبهم ليك

منى يقول...

ماشاء الله كل سنه
وانتى بكل خير يا كيار ومنوره بلوجر كله وكل سنه وانت طيب ووفى يا ازهرى
ربنا يكرمكم جميعا دايما بكل خير
تحياتى

Kiara يقول...

سمكه واحده ...

*****************وانتي طيبه ياقمر وايه الكلام الحلو دا مش اده خاااااااااااااالص

ربنا يخليكي يارب ياسمكتى

Kiara يقول...

بيطرية ومش بايدى
****************

ايوان ايوان كبيلي مثاثه انا وحدىىىىى

Kiara يقول...

ABOALI ...

****************
اللهم امييييييييين

ومالها التهنئه في مدونة ازهري كفايه انك تقولهالي في اي مكان احنا كلنا واحد

وانت طيييييييييييييييييييييييب ياابوعلي

Kiara يقول...

لحظة تأمل

*******************

وانتي طيييييييييييييييبه ياقمر وميرسي لكلامك ياقمر

Kiara يقول...

منى

***********

وانتي طيبه يامنوووووووووووووووووووووون
وازهري بجد عملي مفاجاه النهارده بجد مش متوقعه

ربنا يديم الاخوه

Unknown يقول...

بسم الله الرحمن الرحيم
كيـــــــــــــارا...
السلام عليكم و رحمه الله و بركاته ...
كل سنه وأنت طيبه ...
و عيد ميلاد سعيد ...
وعمر مديد في طاعه وتجديد .
خلي بالك أحسن يكون الأزهري عمل الحفله خمس نجوم دي ...من فلوس المعلم بحر .

Unknown يقول...

بسم الله الرحمن الرحيم
أزهري ...
زهره المدونيين.
عندنا مثل بيقول ...
( اللي يفنجر يفنجر من جيبه )
مُش بخفه اليد .

شمس النهار يقول...

تصدق لما اشوفك بس

كده تحرق لي المفاجأه بتاعتي انا غلطانه اني غششتك

ماشي ماشي
وهو ده عيد ميلاد
حسستني انها الذكري الثانويه

ماعلينا خاليك فاكرها :)


بس بجد طلعت زي ماقلت قلب ابيض طالع له انسان

ربنا مايحرمكم من بعض
ودايما في الخير

كل سنه وكيااااااااااراااااااا
بخير وسعاده وفرح
ومحققه كل احلامها

وانت ياازهري سعيكم مشكور:):)

الازهرى يقول...

ليس فقيرا من يحب

تؤتؤتؤتؤتؤتؤ

خطر عليكى
ممنوع لمس الشيكولاته منعا باتا
حتى من كيارا نفسها

مفهوم ؟ والااااااااااااا

الازهرى يقول...

سمكمك

انت اساسا حوله
احنا هنفترى ؟
وكمان تعالى هنا انا قلت امين ومش كنت بابرق بطلى توقعى بين الناس

الازهرى يقول...

بيطريه

انا اسااسا مش باحب الحواوه
وكمان انا موافق على المثاثه
انما لو على حسابى يبقى فيها كلام تانى خاااااااااااالص

الازهرى يقول...

اختى الغاليه لحظة تأمل

ربنا يكرمك يا رب
ويجمعنا على الخير والحق دايما

الازهرى يقول...

جين اير

ربنا يكرمك يا رب
وتكونى معانا دايما
على الحق والخير والحب فى الله

الازهرى يقول...

فرررررررررررركشاوىىىىىىىىىىىىىى

بقى انا بافنجر بفلوس المعلم بحر

ليه كدا بس ؟
انا اغنى منه الف مره

ومن غير خفة اليد

رحلتنا في الحياة يقول...

انا خنقة وكمان بتقولى روحى نامى شوف ازاى وعملى بس تعليق فى المدونة تعالى ضرورى عندى فى المدونة وساعة الصفر وغيرنا ساعة الصفر وشغل العصابات بتاعك ده وبعدين تقولى خنقة طيييييييييييييب ماشى هتشوف

الازهرى يقول...

شموووووووووووووسه

لالالا غششتينى ايه بس
شوفى للينك الموجود فى اول الموضوع وانت تفهمى انى باجهز له ن زمان
وكمان اسألى كيارا عن المقلب اللى عملته فيها وقدرت انزل الموضوع بدرى عن ميعاده بحيث اسبقها

وكمان تعالى هنا انت مش فى تعليقك على مقالب قلتى شريرررررررررر
وفين االقلب الابيض بقى

ايه الناس المحيرينا معاهم دول
ما ترسوا على حل
طيب ولا شرير

الازهرى يقول...

أيوشه

ما هو انا كنت باقول لك تعالى
علشان تخنقى كيارا
انما لقيتك قلبتى عليا
يبقى بناقص
ونوم الظالم عباده والا اييييييييه ؟

ألـــــــوان الحيــــــــاة يقول...

لالالالالالالالالالا

تؤتؤتؤتؤتؤ


انتى لازم متسكتيش عاللى بيحصل ده ابدااا يا كيكتى

ده عاملك عزا مش عيدميلاد وطمعان فى الاكل كله


الكلام ده مينفعش معانا خالث


بس عامة احنا هناخد الاكل اللى هنا ونروح ناكله لوحدنا بس هنسيبله سرادق العزاء وطقم القهوة والدقيقه الحداد


ما علينا يعنى


كل سنة وانتى طيبة يا جميل انتى بجد حد اتشرفت بمعرفته وعقبال 99 سنة-اكتر من كده هيبقى ملل- فى طاعة ربنا

انا هبعتلك هديتك عندك عشان هنا مفيش امان


سلامز

طوبه فضه وطوبه دهب يقول...

kol sana whya yarab tayba wfa7san 7al wyarab daymn akhwat wasdkaa YA RAB TOL EL 3OMR

yoyo يقول...

صباحك سكر يا ازهرى

و الله انا سعيدة اوى بروحك الجميلة و محبتك الخالصة لكيارا
ربنا يديم بينكم المحبة والمودة يارب
ويارب دايما متجمعين فى الفرح
صدق طلعت صاحب واجب يا نصة
هههههههههههههههه

yoyo يقول...

صباحك سكر يا كيارا

كل سنة وانتى بالف خير و سعادة
ويارب عقبال 100000000000000000 مليون سنة وانت عز وهنا

يارب دايما منورة التدوين كله يا قمر
كل سنة وانت طيبة
تحياتى
يويو

ابو على يقول...

هههههههههه

هو فعلا يوم حزين ف تاريخ الامه

هههههههههه

انا عايز اسال سؤال بتاع واحد نفس اسمى
هل يجوز التهنئه ف مدونه ازهرى هههههههههههههههه

جامده اوى

افتينا يا عم الشيخ

عاش ازهرى مهيج الجماهير عاش عاش

صدى الصمت - عاشقة الورد - يقول...

والله يا أزهرى أنا إفتكرت من عنوان البوست قبل ما أدخل أقرأ إنك تقصد ذكرى وفاة الرئيس جمال عبد الناصر
لكن لما دخلت وشوفت لقيت مالذ وطاب وكل ماتشتهى الأنفس وجوعتنى خالص
كل سنة وكوكى الجميلة طيبة وإنت كمان طيب وبخير
تحياتى

marmar يقول...

كل سنه وانتي طيبه يا كوكتي ويارب عقبال 10000000 مليون سنه يا حبيبتي

وانت يا واد ازهري ايه العنوان المنيل ده ده انت مصيبه يا شيييخ :@
روح كده ومتجيش بسرعه حتى :@

Butterfly يقول...

كل سنه وهى طيبه :)

TWEETY يقول...

ازيك ياعمو

مبسوطة انى زرت المدونة

كل سنة وهى طيبة

وعقبال 100 سنة

mohamed ghalia يقول...

كل سنة وانتى طيبة ياكيارا
ربنا يسعد أيامك دايمااااااااااااااااااااااااااااااااااا

Beram ElMasry يقول...
أزال أحد مشرفي المدونة هذا التعليق.
”*°•.˜”*°•..سونه..•°*”˜.•°*”˜ يقول...

السلام عليكم
كل سنه وانتى طيبه يارب
وربنا يجعل كل ايامنا عيد
بس كده ارجيم بااااااااااظ
يلا عشان خطركم بس
ملحوظه
اناشربت العصير ده فى انى مدونه قبل كده
فين ياسونه فين ياسونه
ههههههههههههههههههههه
تحياتى ليك .

صبرني يارب يقول...

كل سنه انتى طيبه يا كوكي

وصاحب واجب يا ازهري دايما

وايه كل الاكل ده ياعم

ده انا كده مش هاطبخ بكره

اعشق فى الليل ضوء القمر يقول...

كيارا
كل سنه و انت طيبه و عقبال 1000 سنه فى طاعه لله

أما بالنسبه للأزهرى طبعا انت عارف انا هاخد حاجتين بس
من العزومه دى
طبعا عصير التوت
و المكرونه بالبشاميل

أسماء علي يقول...

ههههههههه
كل سنة و انتي طيبة يا كيارا
و كل سنة و انت منورنا على طول كده يا أزهري
ندخل ف الموووهم
انا جعانة و بما اني بقيت معاكم ف عيد الميلاد يبقى عن اذنكم صواني المكرونة و هاسيبلك واحدة بس ياازهري عشان عرفاك ف الموضوع ده
و هاخد كام تورتة كده
و اروح اتعشى بيهم بقى

:)))
كل سنة و مواليد الميزان محتلين كوكو الأرض

أسماء علي يقول...

هههههههههههههههه
استنى هنا ياأزهري
أنا لسا لاقطة موضوع يضربوا بعض و اللي تغلب تاخد المكان لحسابها
ههههههههههههه
ده انت مفتري

الحفلة كلها لكيارا طبعا

موت بغيظك بقى
مفيش بنات تتضرب بعضها على حفلات
:))))

GiGi world يقول...

ربنا يكرمك ويعزك يارب
وكل سنه وهى بخير يارب

عمرو يقول...
أزال المؤلف هذا التعليق.
رحلتنا في الحياة يقول...

شوف البخل يعنى بتوفر انت ولا ايه مش هاين عليك تعمل بوست جديد ياساتر عليك ياساتر :(
على العموم كل سنة وهى طيبة انا معرفهاش بس هروح اقولها كل سنة فى المدونة عندها

♥نبع الغرام♥♪≈ يقول...

السلام عليكم

ربنا يبارك فيك وكل سنه وهى طيبه عيد ميلاد سعيدد وعمر مديد

Beram ElMasry يقول...
أزال أحد مشرفي المدونة هذا التعليق.
أبــــو ضـــيــاء يقول...

آه يا بطنيييييييييي
أنا تعبت من كتر الاكل

سندس وأمل يقول...

ايه الاكل ده ياعمونا!!

انا معجبنيش غير العروسه الى بتشد جوزها معاها:D

مسخررره:)

كل شنه وانتى طويبه ياكياره:D

والله انا بأتشرف انه لازهرى اخت زيك ياكيارا:D:D:D:D

انا عايزه اكل حقيقى مليش دعوه

احم اح..ممكن محشى وحمام:D:D

امل بتقولك كل سنه وانتى طيبه

بس النت عندهم حصله قفله:)

سلامات بقى..سنديسسوووو

اسماء واحلام فى وجدانى يقول...

طيب انا كنت جاى اقولك حاجة بس مش هاقولها

Kiara يقول...

مين دا اللي يتخانق

كل سنة واحلي سمسه طيبه وبخير
والعيد ميلاد بتاعها هي

ربنا يرزقك كل اللي تتمنيه ويباركلك في حياتك

كل سنة وانتي طيبه

ازهرررررررررري بلاش بلاش شغل شركات اولمبيك

عمرو يقول...

كل سنه و كيارا طيبه و كل الناس طيبين و بخير ..
و الحقيقه هى تستحق الشكر الجزيل على اٍتاحة الفرصه لنا للتمتع بكل هذا الكرم الحاتمى من أزهرى اللى الحقيقه عمل واجب يشكر عليه :)
تورته و شيكولاته و عصائر و حاجات كده تخللى الواحد عاوز يقعد فى المدونه دى لبكره ..
كل سنه و أنتم طيبين و تقبل تحياتى ..

اسماء واحلام فى وجدانى يقول...

يا عم ده انا واقع فى غابة بشرية

بس بصراحة جميلة جدا

بس فى عيب لو اتكلمت الاحتلال هيزيد

فالطيب احسن

مفيش عندك شريك ياخد بايدى

yoyo يقول...

صباحك سكر

اممممممم
تصدق يا بنى انا شاكة فيك والله
شكلك كدا عامل الاحتفالات دى و بتلم عليها فلوس اهوا سبوبة برده يعنى
امال يعنى الاكل و العصاير و الحلويات دى ببلاش كدا

yoyo يقول...

ولا شكلك كدا بتاخد الهدايا بالنص
اه هو دخول الحمام زى خروجه بقى
شكلك كدا بتعمل عاملة و لسه ماخفى كان اعظم

ربنا يستر لما نشوف اخرتها معاك ايه

yoyo يقول...

تهدر دم مين ياعم الحاج
هو الكلام ببلاش كدا ؟!
والنبى يابنى اتكلموا على ادكم والا ماخفى كان اعظم
قال ساكت على ايه قال
خد بيده كدا ورينا ايه ممكن يحصل
يابنى بلاش نجرى على الشر ونرجع نقول خلاص كفاية
هو لازم يعنى العين الحمر تظهر

اسماء واحلام فى وجدانى يقول...

فى ناس عندى جابتك فى سيرتك
قلت اقولك قبل ما اتصرف هتيجىء بنفسك ولا اتصرف انا

------ يقول...

انا جااية اتخانق وربنا

بس طبعا الاول نقول لكيارا كل سنة وهى طيبة

وعقبال 100 سنة

------ يقول...

انا جيت اسلم اهه واقولك تسلم ايدك على الدعوات الحلوة ههه

بتر رقبة

اخص اخص دا انا شكلى كدا محطوطة فى البلاك ليست ولا ايييييييه

اسبوع بس خليها شهر سنة هو حد بيسأل عليكى

ايه الجمال دا تحفة

وبعدين كفاية دخلتك عليا فى المدونة بالدنيا هههههد

تغيرى الكاتب
ياابنى اصلا النهايه اشاشا اشاشا كانت سعيدة جدا خااالص لدجة تشل امال انا كنت مسمياها وانجلى الحزن ليه

بس قولت اغيرها ولقيت دى انسب حاجة

بس تعالى هنا وقولى انت كنت عايز النهايو ازاى طيب

وربنا كنت هعيط وانا بقرأ تعليقك

بلاش الطوب اللى بتحدفه دا

بس
ربنا يكرمك ان شاء الله وتقومى بالسلامه وترجعى بالف صحه ان شاء الله تعالى

ربنا يكرمك بس مش كنت خليتها فى الاول تفتح النفس ههههه

دمت بكل خير ياازهرى

mahasen saber يقول...

كل سنه وانتى طيبه وبكل خير يا كوكا

ربنا يبارك فى عمرك

وتتحققى كل اليى بتتمنيه