السبت، 26 سبتمبر 2009

أطلب النصح

أطلب النصح


أنا عارف إن الكل مستنى إنى أحكى عن اللى حصل يوم الخميس لما رحت أجيب النوته ، بس اسمحوا لى بتأجيل الكلام ده حبتين لإن فى موضوع وعايز أعرضه عليكم وأخد رأيكم فيه .ضرورى ضرورى ضرورى
من زمان جدا يعنى بعد الحرب العالمية التانيه بفتره كده أنا اتولدت ( آه والله اتولدت )، والحمد لله مع الوقت كبرت ، وكأى انسان عادى كانت لى هوايات ومواهب وكان أشهر حاجه لاحظها زمايلى فى من واحنا صغيرين إن إيدى خفيفه جدا ، يعنى كنت أخد أى حاجه من أى حد من غير ما يحس إطلاقا ، ويفضل يدور وانا بألعب مع الباقيين وممكن أدور معاه عليها كمان ولا أكن فى حاجه ، وبراءة الأطفال فى عينى كما يقال
ومع الوقت الحمد لله الموضوع استمر معايا وكان مدخل لضحك ومقالب كتير أيام الدراسه طال حتى المدرسين ، لدرجة إن كان فى مدرس معانا الله يرحمه كان دايما معاه نضاره سوداء من النوع الغالى جدا ، وكان فى بيننا تحدى إنى أقدر أخدها منه من غير ما ياخد باله واستمر التحدى بيننا من نهاية الإبتدائيه وحتى تانيه ثانوى ، كان كل ما يدور على النضاره ويلاقيها اختفت يعرف إنى كسبت كوباية شاى ( تمن الرهان وطبعا كان بيبقى فرحان لإنى مش بأشرب الشاى ) ، المهم فى نهاية الثانويه وبعد انتهاء الامحانات فوجئت بطلب غريب جدا .
واحد جالى وقال لى المعلم بحر عايز يكلمك فى موضوع كده وهو موجود يوم الاتنين فى أى وقت تقدر تكون موجود فيه ولو هتسافر يبقى حدد يوم وابعت له وهو يستناك علشان الموضوع ضرورى ، وطبعا أنا اندهشت شويتين لإن المعلم بحر صعب يكون فى موضوع ما بيننا سواء من الناحية التجاريه لاختلاف النشاط أو من ناحية أمور العائليه لإنى وإن كنت مصاحب ابنه الصغير على خفيف من أيام الطفوله لكن مفيش مبرر يخليه يطلبنى وبالإلحاح ده ، المهم قدرنا نحدد يوم ورحت وأنا طول الطريق دماغى بتودى وتجيب مش فاهم حاجه ، وأول ما وصلت ابنه دخلنى عنده وقعدت معاه نتكلم وجه العشاء والحاجه الساقعه وبعدها لقيته داخل فى الكلام ناحية زاويه أنا ما كنتش أتوقعها على الإطلاق ، نشاطه غير المشروع لإن المعلم بحر يعتبر كبير المركز عندنا وأولاده بيتولوا أنشطه عديده بخصوص المواضيع دى ، لكن أنا مالى ، الله أعلم
المهم دخلت معاه فى الكلام وعن العيال السريحه بتوعه ونشاط البوليس بعد عدد من السرقات غير المبررة للكابلات وحديد القطارات بدون جانى معروف لأى من الطرفين مما ضيق الخناق عليهم إلى أقصى حد ممكن ، وتطرق الموضوع رويدا إلى أنه يفكر فى اقتحام أسواق جديده لم يتطرق إليها الأخرون ، مما يعنى فرصه أكبر فى الكسب ورزق أكبر يساعد على سد الأفواه الجائعه ، وبعدها بدأ يدخل فى الموضوع وبدأت انتبه لما يريده فقد كان معروفا عنى كثرة السفر والدخول إلى النوادى الكبيره وبالطبع حضور العديد من الحفلات بها إلى جانب النشاط الرياضى ، وبالإضافه إلى معلومة خفة يدى التى لم يكن مقتنعا أننى أستخدمها سلميا فقط فقد آمن أننى الرجل المناسب لهذه المهمه وأن ما يعيقنى هو عدم معرفتى بكيفيه تصريف الحصيله ، وعندما رفضت رفضا باتا ، وبدأتت إفهامه أن هذا لا يتفق مع أخلاقى أو دراستى كما أننى بالتأكيد لست العضو الفاسد دونا عن كل أسرتى ، وأن مهارتى إنما أستخدمها للضحك ليس إلا ، بدأ فى تغيير الكلام إلى تعليم صبيانه كيفية الدخول إلى تلك الأماكن وهم سيقومون بالباقى ، وبالطبع قوبل طلبه بالرفض أبضا ، فعندما يدخل الإنسان المكان ويعرفه من فيه فهم يأتمنونه وليس أفظع من خيانة الأمانه ، وهنا بدأ يلين فى الكلام وينصرف إلى أمور أخرى فى الحديث عن أحوال المنطقه وما استجد عليها وأمور الدنيا العاديه ، وحين استأذنت فى الإنصراف فوجئت به يوصينى أن أفكر فى الموضوع مليا وكنت أحسب أنه قد تغاضى عنه ، وخرج معى ابنه وسألته هل يعلم ما الذى كان يريدنى فيه قال بأنه كان يعلم وحاول إثنائه وإفهامه ولكنه لم يستجب لأحد منهم ولذلك لم يكن هو من سلمنى الرساله ، فتركته وأنا أندهش فى كل لحظة أكثر من سابقتها ، ولكن مع الوقت ومع دخولى الجامعه انطوى الموضوع إلى النسيان من جديد وانشغلت فى دراستى حتى أنهيتها والحمد لله .
وبدأت أتواجد فى المدينة من جديد ، كم أننى توليت النشاط الرياضى عندنا ، وظهرت مرة أخرى ، وفو جئت بطلبى مرة أخرى ، وذهبت إليه وأنا هذه المره أخمن لم طلبنى وأضع الإحتمال البعيد أيضا فى الحسبان ، وكالمرة السابقة من عشاء وحاجه ساقعه وبداية للحديث ، إلا أنه حدثنى هذه المره عن البعض ممن تم القبض عليهم مؤخرا من رجاله ، والحق أننى ذهلت من الأسماء التى قيلت لى فقد كانوا من كبارهم ، ومن المعروفين تماما ، وبالطبع المفروض أننى لا علاقة لى بهم وهذا معروف للجميع ، فعدت لدهشتى ، ولكن هذه المرة قاطعته فى الكلام وقلت له أن يأتى بالنهاية فيما يريد وهنا قفزت دهشتى إلى ذروتها تماما وتعدت إلى الذهول الشديد .
كان يؤمن ككل المعلمين فى كل الحرف أن الصنعة لم تعد كما كانت وأن الرجال لم يعودوا رجالا ، وأن وأن وأن وأن ......... ، وانتظرت أن يحاول ضمى إلى زمرة صبيانه ولكن طلب منى العجب ، كان يريد منى أن أعمل معلما للجيل الجديد من الأطفال والصبيان على كيفية خفة اليد والتعامل مع الزبائن ، وأنه يتفهم أننى لا أريد الخوض فى الطريق الحرام ولكننى لن أعمل معهم فقط سأعلمهم كيفية التعامل مع الناس وكيفية جذب الإنتباه بعيدا بحيث يمكنهم الإيقاع بمن يريدون ، وبذلك فلا شأن لى بما سيفعلون كما انهم لن يتواجد حيث أكون إطلاقا منعا لوجود أى شبهة حولى ، وبدأ الرجل فى اللهاث وهو يتكلم وتزداد سرعته ، وحاولت تهدئته لأفهمه ولكنه لم يكن على استعداد لذلك اطلاقا ، وبعد محاولات عديده ومضنيه بدأ يهدأ ، وسألته لم كل هذا فأخبرنى عن اثنين من رجاله تم القبض عليهم ومعروف عنهم أنهم الأخف يدا على الإطلاق فى المحافظة كلها ويتداول الناس حكاياتهم ونوادرهم فى كل مكان ، وكانوا من المعلمبن الأساسين عنده وأنه لا يجد بديلا لهما أو أى من القدامى المعروف عنهم خفة اليد من قديم والتعامل مع الناس حتى ولو على سبيل الفكاهه المهم أن تصل إلى الهدف وليتصرف كل حسب مبادئه بعدها ولذلك أرسل إلى ، وأنه مستعد لدفع مبالغ كبيره ( وعرض مبلغا مغريا بالفعل ) مقابل ذلك وأن المهنة قد تكسد ويحتل رجال المناطق الأخرى المناطق التى يعمل بها ما دام ليس لديه من يعمل فيها ، وبدا الرجل موشكا على البكاء ، فهدأت من روعه وتركته وكان هذا ثالث أيام العيد
وحتى الأن لا أجد ما أقوله له

هناك 110 تعليقات:

ألـــــــوان الحيــــــــاة يقول...

هو انا اول واحده ولا فيه خودعه تانيه ؟؟؟

ألـــــــوان الحيــــــــاة يقول...

هيييييييييه انا اول واحده

yoyo يقول...

صباحك سكر

احجز بس اول تعليق

yoyo يقول...

ايه الظلم دا بقى
داالناس نايمة على الباب
يبقى التانى

الازهرى يقول...

لالالالا مش خدعه ولا حاجه
الوان تفوز المره دى

yoyo يقول...

و كمان التعليق دا
عشان خاطر بابا وماما وسيتو من السعودية
ههههههههههههه

yoyo يقول...

نشوف البوست كدا ونرجع يا ريس
نلتقى بعد الفاصل
تيت تيت

الازهرى يقول...

ايوه ايوه هيصى من حقك

دا اول مش اى كلام

ألـــــــوان الحيــــــــاة يقول...

مش احنا اخر ناس يهمك راينا ؟؟؟؟

انا من رايى تتعاون مع المعلم بحر هتطلعوا اجيال هايله جدااا ونشوف صورك فى الجرايد قريب باذن الله




مكتوب فوقيها wanted

الازهرى يقول...

يويو
يا صباح الجمال

بس الوان تغلب
مره تانيه بقى

الازهرى يقول...

لالالا
مش ظلم والله
والا فكرانى بتاع مقالب ؟

الازهرى يقول...

وايه ودا سيتو السعوديه بس؟

اكيد هربانه منك

الازهرى يقول...

نهار ابيض يا يويو

انت كل ده ولسع هاتقرى
هى التعليقات بقت مجانا والا ايه يا اولاد ؟

yoyo يقول...

اماا الحق اسيب حاجتى على بابا المدونة ياعم
الواحد كدا هيعد صوابعه وهو خارج

yoyo يقول...

بس حلوة اوى حتة براءة الاطفال فى عينيك
ياختى ثكر
ههههههههههههه
المعلم بحر دا صاحب المعلم مطر ولا ايه النظام

الازهرى يقول...

ألوان

مش معقول ؟ أنا مش مصدق نفسى ؟
شكلى مش بتقرى جرايد
انا صورتى اتنشرت فى الأهرام صفحه أولى يا بنتى من زمان

بس صراحه كان مكتوب تحتها مش فوقها

الازهرى يقول...

يويو

لالالا
اصحابى كانوا بيعدوا صوابعهم طول ما انا موجود على بعد كيلو متر حواليهم

اسماء واحلام فى وجدانى يقول...

انا جاى اتفرج على اللى بحصل هنا

وفى انتظار اشارة البدء

فينك يا حاج

yoyo يقول...

مش بيقولك قم للمعلم
وياسلام لو كان المعلم بحر
ههههههههههههههه
دى يا بنى عقد احتراف
وسنة ولا اتنين و تبقى معلم كبير ولك صبيان

yoyo يقول...

* اسماء واحلام فى وجدانى

هنا يا مرحبا يا مرحبا

الازهرى يقول...

بس على فكره المعلم بحر ده فعلا كبير الانشطه غير المشروعه عندنا
وابنه ابو سريع من اعز زمايلى من واحنا صغيرين
حقيقي مش خيال

yoyo يقول...

من موقعى هذا انا بشجعك
ومش تخاف اى كبسة ولا اعرفك
هههههههههههههههه

yoyo يقول...

اها
دا الموضوع كبير هو انت تعرف ابو سريع
وصلنا لقمة الانحراف يا قطة
هههههههههههه

yoyo يقول...

لاء لاء لاء
تعرف عنى ذلك
مش تخاف وراك بالعيش و الحلاوة
ومش اى حلاوة ام فستق كمان
الله يصبحك بالخير يا سباعى

الازهرى يقول...

اسماء واحلام فى وجدانى

اتفرج المره دى انما
ساعة الصفر اتأجلت يوم كامل عن الميعاد اللى اتفقنا عليه قبل كده

بالمناسبه انا كنت عندك امبارح وعجبنى الكلام
لكن قبل ما اعللق اتخطفت فى موضو كده ولسه راجع من ساعه يا دوب

ألـــــــوان الحيــــــــاة يقول...

انا على فكرة مش فاهمه الحيرة فى انك تقوله ازاى ولا فى الفكرة نفسها ؟؟؟

معتقدش ابدا انك تكون محتار فى قبول او رفض الفكرة لانها باينه من عنوانها عايزك تبقى مدرب خفه يد قد الدنيا وتبقى المعلم من بعده


الفكرة انك تقوله ايه وترفض ازاى اكيد .....فى الحالة ممكن تقوله انك معندكش القدرة انك تدرب حد على حاجه زى دى مش سكتك يعنى وان دى كانت هوايه عندك فى الطفولة يعنى وانك نسيت سر الصنعه وكده يعنى

او اقولك روح سجل الحوار وبلغ عنه واخللص 

الازهرى يقول...

يويو

احتراف مين بس

تابعى تانى
دا عقد تعليم
العبد له محترف قديم
وله تاريخ كمان

yoyo يقول...

ازهررررررررررررررررررررى

انت اتقفشت ولا ايه

الحق اجرى البوكس على اول المدونة
اخلع

الازهرى يقول...

وكمان بترحبى بالناس
ليه ؟
وكمان شويه ونعمل زى زمان وتقولى لى هات المشاريب

اسماء واحلام فى وجدانى يقول...

بس على فكرة انا مش باحب الحرب الباردة

انا عايز ضرب نار للصبح

الازهرى يقول...

يا عينى على النداله الأصلى
بقى كده
وانا قلت يويو اول ما اتمسك هتيجىى وتقول انا برىء وان الحجه بتاعتها وانها فدايا

عمرو جويلى يقول...

السلام عليكم
ضمنت يا عم مستقبل باهر
واهو بالمرة تنمى مواهبك
وتبقى من أغنى أغنياء البلد
هههههههههههههههه
تقبل مرورى

yoyo يقول...

ماهو واضح ياعم الخبرة
مش هنعرف نكلمك بقى
هتبقى معلم كبير
وتخرج اجيال تعمل فى سبيل اوطن
و الله الدمعة هتفر من عنيا
عاااااااااااااااااااا
شمعة تحترق من اجل الاخرين

الازهرى يقول...

لا والله مش موضوع انحراف
دا زالة منطقة واحده
بس الحق يقال واد مجدع واخر تمام

yoyo يقول...

و النبى يا ضنايا كنت لسه هاقولك
انزل بالمشاريب
لاحلى ضيوف

اسماء واحلام فى وجدانى يقول...

طيب اوعى حد يعرف ساعة الصفر عشان الجواسيس هنا كتير قول ليويو بس ومش تخاف مفيش حد هيعرف الا كمان ثانية

حمدلله على سلامتك يا عم الحاج

yoyo يقول...

* اسماء واحلام فى وجدانى

صباح الناس الىى بتهدى النفوس

الازهرى يقول...

وكمان ام فستق
لالالاالا
صعب اقدر على كده
انا اتأثرت ودموعى قربت تفر من عينى
انا بانهار من كتر المشاعر

yoyo يقول...

* اللؤلؤة

وعليك السلام ورحمة الله وبركاته

منورة والله

هيبقى مستر اكس الجديد
هههههههههههه
تحياتى
يويو

الازهرى يقول...

اسماء واحلام

اصبر يا صاحبى
ضرب النار هيكون فى الميعاد المتفق عليه قبل سابق
بس انت قرر انت فى انهى جنب
لحسن الدم هيبقى للركب

اسماء واحلام فى وجدانى يقول...

حد يتصل بـــ 911 معانا واحد بينهار

اى اسعافات يا جماعة

طب حد يكبرله فى ودنه

معقول كده

الراجل هيروح فى شربة مية

yoyo يقول...

ساعة الصفر مين يا بنى
انا اللى اقول يالا

الازهرى يقول...

الؤلؤة
وعليكم السلام ورحمة الله وبركاته
يعنى انت من رأيك ان انا أوافق
على بركة الله
الحمد لله استشرنا اهل الرأى وباقى الاستخاره وربنا يعيننا

yoyo يقول...

يامامى يا مامى
دم للركب
عارف لو كان تحت الركب كان المووع اختلف
هههههههههههه

yoyo يقول...

ازهرى فوق يا ضنايا
شباب المجرمين امانة فى رقبتك
مصر كلها وراك يا وحيد
هههههههههههه
مين وحيد دا

الازهرى يقول...

يويو

شوفى بقى الواحد بيتعب قد ايه ؟
تعرفى كل المنطقه متوقعه بعد ما امسك اننا نقدر بعد كده ندى دورات عندنا للناس من المناطق التانيةوبعد سنه تقريبا ممكن نوصل للعالميه

اسماء واحلام فى وجدانى يقول...

يا ساتر يارب

سلام قولا من رب رحيم

ابعد مقتك وغضبك يارب

والنبى يا رب تجيب العواقب سليمة

انا دعوتى كل يوم

والنبى يارب لا تدخلنى عتبة ده

ولا عتبة ده

والنبى يارب

تطلعنى من دار البلا بلا بلا

الازهرى يقول...

انت صدقتى بقى ؟ وناوى تضايفيهم على قفايا
لأ حاسبى
ابعت يخطفوكى من قلب بيتكم
انت نسيتى انى هابقى مين ؟

yoyo يقول...

الله اكبر

لا تقولى ابو موتة ولا السباعى
الازهرى هيوصل للعالمية
هتبقى الازهرى بوند
لولولولولولولوولولولى
عقبال فاروق ياام فاروق

شمس النهار يقول...

ايه ده
بجد الكلام ده

لا لا لا
مش مصدقه فعلا


ده رجل غريب
والاغرب انك تروح احد عنده وانت تعلم من هو

ازهري ماتحطش نفسك في الموقف ده تاني خالص

انت خوفتني عليك منهم فعلا

والا ده كمان مقلب

انا طبعا مصدقاك رغم مقالبك الكتير

بس انا لما حطيت الينك جربته
مرتين
ماعلينا

هبقي اصلحه الصبح ان شاء الله

yoyo يقول...

توء توء توء

هى يويو بتتهدد ولا ايه ؟!
كان غيرك اشطر
دا برده يويو

الازهرى يقول...

اسماء واحلام فى وجدانى

اتفقنا بس انت راجعها كويس لانى عايزك اول تعلي فى الموضوع الجاى
راجع ردودى حقيقي وانت تعرف الميعاد
وتكسب اول تعليق
انما بقى يوي
انا اقول ل رويتر او سى ان ان
هلاقى ناس اقل عارفينه

yoyo يقول...

* شمس النهار

صباحك سكر يا شموسة

دا الموضوع كبير ربنا يستر عليه

الازهرى يقول...

يويو

هو يهدى النفوس بمزاجه
مكانه وهو حر فيه
اطلعى انت منها

yoyo يقول...

ماشى ماشى
يويو مركز متنقل
واللى غيران منا يقلدنا
لو يعرف

الازهرى يقول...

وكمان بتردى على التعليقات


دا احنا فجرنا وشويه ونشرب حشيش

yoyo يقول...

نعم نعم يا ازهرى

مكانه وهو حر
ماشى
اطلع منها ليه
برده انا حرة

yoyo يقول...

لا الراجل حالف علينا اشيش بس
حشيش حاشا لله
ههههههههههههههه
اضرب بانجو ممكن

الازهرى يقول...

اسماء واحلام فى وجدانى

مين دا اللى هيسورق
وعايز ميه

دا انا اكلهم يا ابا
انا واخدك بس معايا تتفرج مش اكتر وعلشان لما ارجع الاقى حد يونسنى فى الطريق

الازهرى يقول...

يويو

لالالا
ساعة الصفر دى ليلة تانيه خالص
قصه قديمه بينى وبينه تعرفيها لما تكبرى

yoyo يقول...

ماشى يابابا لما اكبر اعرف
مش حد بيفضل نونة بقى

الازهرى يقول...

لأ هو للركب
ولو خايفه من دبح الفراخ
استخبىبسرعه
قبل ما رقاب البنى ادمين تبا تطير
والا يمكن تكونى منهم
الموضوع متوقف انت مع مين ضد مين

اسماء واحلام فى وجدانى يقول...

لاء يا عم لو على كده انا ماشى من دلوقتى

الازهرى يقول...

ومتاخافيش
انا عامل حسابى كويس وفى خطة تدريب كاملة
اما انت فاكره انهم اختارونى كده لله فى لله
يا بنتى ان شاء الله انا هاخد بيهم اوليمبياد خفة اليد الجاية

الازهرى يقول...

اسماء واحلام فى وجدانى

لالالالالالالا
شكلك كده ماتنفعش ضهر لى
وهتيجى فى قلب المعركه وتجرى

اجمد كده لسه التقيل جاى فى السكه

الازهرى يقول...

يويو

بس بس بس
اخجلتم تواضعنا عالمية ايه بس
احنا ناس بسطاءوعلى قدنا
خلينا فى حالنا
انما باذن الله بوند افندى ده هامسحه باستيكه ام ربع جنيه

الازهرى يقول...

الحاجه شموسه

طبعا صح انت تعرفى عنى انى كداب مثلا او بتاع مقالب ؟
هو جزء كبير صح
وانا باروح اى حته وعند اى حد لان عندى حصانه كاملة وممنوع اى حد يلمسنى
يمكن ابقى اكتب عن الجزء ده او اقول له لك بعدين

اما اللينك ففعلا مش عايز يشتغل معايا ومش عارف ليه مع انى جربته برضه كذا مرة

الازهرى يقول...

يويو مش يويو

كله عندنا واحد
من وسط اهلك وفى عز الضهر

احترسى

الازهرى يقول...

وباذن الله ربنا هيسترها علينا هو احنا بنسرق والا بنسرق

الازهرى يقول...

واقلدك ليه اساسا ؟
ما انا عندى الاصل هنا

وكمان يابانى

الازهرى يقول...

حره حره
انت هتذلينى

وكمان مرة تانيه
المكان مكانه

الازهرى يقول...

خلاصص اتفقنا
يبقى الواجب عندى
ان شاء الله يوم التلات بعد صلاة الجمعه
نيجى فى ضوء القمر وتعدى تضربى بانجو على مزاجك

الازهرى يقول...

وكمان
فين على ما تكبرى
ربنا يا بنتى يدينى طولت العمر واشوفك كده عروسه
وافضل عايش لما اجوزك انت واخواتك

الازهرى يقول...

اسماء واحلام فى وجدانى

الله الله الله
شكل كده الرجاله ماتت فى الحرب

ما علينا نستعين بصديق

yoyo يقول...

هههههههههه
العمر كله لك يا حاج
انت لسه شباب

الازهرى يقول...

يويو

شباب مين بس يا بنتى
احنا هناخد زمنا وزمن غيرنا
ربنا يبارك لى فيكم وتعمرو ا الارض من بعدى انا ربيتم علشان تكونوا امتداد صالح لى وتشيلوا الرسالة

ادم المصرى يقول...

يلهوى ايه ده لا انا اجى وقت تانى افضل لحسن انا خلقى ديق وممكن اشد فى اى حد هنا سلام

Yusuf يقول...

المعلم ازهري
صباح الكيف يامربرب روب ياهندسة
احنا اللي ستفنا الاونطة وجطيناها جوة الشنطة


بص يامعلم معتقدش انك ممكن تفكر ف الموضوع ده بس انا عارف شوشو وشوشو صعب اوي راجع من بعد رمضان مش شايف قدامه

لو شوشو حاول يلاعبك اي لعبة ف دماغك اقرا قصة الغلام بتاعه سورة البروج

وازاي بعد ماكان هو رايح يتعلم من الساحر حول بلد كاملة ووحدهم علي لا اله الا الله

ولو المعلم بحر كلمك تاني قوله انك شغال معايا
ولو ميعرفش يسأل عن المعلم نهر

واحنا لحمنا جملي مكنز منتاكلش

وفي النهاية

يحرم عليا الكيف لو حطوا علي رقبتي السيف

عمرو يقول...

و الله ضحكت من قلبى يا أزهرى :))
يا صاحبى ده ناس كتير غيرك يتمنوا أن يكون لديهم موهبه فذه زى اللى عندك أو على الأقل يعرض عليهم عرض مغرى زى اللى عرضه عليك المعلم بحر :)
عموما كويس أنك عرفتنا هذه الموهبه عنك ماحدش عارف بكره فيه أيه ..
تقبل تحياتى ..

Foxology يقول...

ياراجل ده كلام ؟؟ ده موضوع تاخد رأينا فيه ؟؟؟؟

توكل على الله واوعدك كمان عشرين سنة هنشوف صورتك وانت هربان بمليار جنيه :)))

والله حاجة مسخرة بجد هم يضحك وهم يبكى

تحياتى وشد حيلك مع المعلم بحر :)

الازهرى يقول...

ألوان

اسف انى عديت على التعليق من غير ما اخد بالى بس انت كنت شايفه يويو وحربها ضد الارهاب


وواضح انك رافضه اساس الفكره كويس جدا مع ان كتير بيقولوا كويسه ورزقها كتير
هاحطه فى التصويت واعلن النتيجه فى النهايه

أما بخصوص اقول له ازاى
فلما اخد انا نفسى رأي
أنما ابلغ عنه واخون العيش والملح
بالذمه انت ترضى لى كده ؟

تحياتى دوما

الازهرى يقول...

آدم المصرى

نعمل ايه بقى يا صاحبى
الامر لله هما البادئين

اما بقى بخصوص انك ترجع وقت تانى فصراحه انا مصدوم المفروض انك تقف معايا والا ايه ؟

على العموم فى انتظار رجوعك

الازهرى يقول...

يوسف
أحلى صباح واحلى مسا على الناس الحلوه الكويسه

وليه ما افكرش بس ؟ العرض كويس والمبلغ محترم
بس على العموم يتحط رأيك فى الررافضين وستعلن النتيجه فى النهايه
اما بخصوص شوشو فانا بفضل الله نحيته من حياتى من زمان لانه لقى صعب يعلمنى الشر وقعد يتعلم منى بس طردته لانه طالب غير مجتهد

بخصوص القصة فالحمد لله عارفها وقدام عينى طول الوقت واقدر اقول بكل صدق انها من اساسيات حياتى

اما المعلم بحر فعلى فكره هو شخصيه حقيقية مش تهريج واسأل عنه اى حد من اصحابك فى جنوب الجيزه

تحياتى دوما

الازهرى يقول...

عمرو الغالى

ربنا يجعل الضحكه دايما فى قلبك

يعنى من رأيك أقبل
الحمد لله عدد أصوات القبول فى ازدياد شكلى هاوافق

بس ايه رأيك مش موهبة كويسه تنفع الواحد فى الزمن ده

تحياتى وخالص مودتى
ومستنى رأيك فى المقالب

الازهرى يقول...

فوكسولوجى

وكمان رأيى بيقول أوافق
شكل الموضوع مش محتاج استفتاء اكتر من كده
على العموم النتيجه تعلن فى النهايه
بس على فكره صعب يكون معاه مليار ويهرب
الهربانين دول بيكونوا من الغلابة بتوع الملاليم

تحياتى دوما

غروب يقول...

انت بتسالنا تعمل ايه ؟؟؟

وافق يا ابنى طبعا ده مرتب كبير

هههههه

طبعا بهزر

الموضوع مشمحتاج تفكير يا ازهرى

الراجل ده تبلغ عنه وتقول الكلام اللى بيقوله ليك ده وياريت تسجله كمان

ولو مش عارف تعمل ده

يبقي ترفض تانى وتالت وعاشر لحد ميفقد الامل


دى هوايه ايه المنيله اللى توصلك لكده دى

هههه

ربنا يسترها

وابقي عرفنا الاخبار

صبرني يارب يقول...

ازهري ثانيه واحده اجيب مطوه واجي اغزك

مغري مين ياعم

طبعا طبعا لا

اولا طبعا حرام لانك عارف بل متاكد انهم هايتعلموا ده عشان يسرقوا

ثانيا هاتودي نفسك فى داهيه يا ابنى دول ناس مسجلين كلهم

يا لهوي يا مراري

بتفكر فى ايييييييه
عزل من المنطقه كلها اوعى تفتن فى دينك

قال بافكر قاااااااال

ده انا هاجيب المطوه واجي يا ازهري دلوقتي حالا

بيطرية ومش بايدى يقول...

مفيش مشورة فى الكلام ده
خالص الموضوع ده منتهى
ابقى اسأله لو كان الرسول موجود دلوقتى
كان يجرؤ انه يسالك السؤال ده
اسأله بس السؤال ده وشوف هيجاوب عليك ويقول ايه؟؟؟؟؟

”*°•.˜”*°•..سونه..•°*”˜.•°*”˜ يقول...

السلام عليكم
المشوره مطلوبه اكيد
بس انا بحب القرار يكون نابع من داخل الشخص عشان يكون متحمل المسئوليه
وانا بقى سعيده جدا بزيرتك الاخيره وتعليقك
بجد المكان فى ناس كتير كويسه واصدقاء فى وقت الشده ومينفعش نبعد عنهم
تحياتى ليك اختك سونه .

الازهرى يقول...

غروووووووووووووووب

يا خساره طلعتى بتهزرى
انا فرحت وقلت هتشجعينى وابدأ أبنى مستقبلى من جديد دا مرتب مش هين غير العمولات

ما علينا نحط رأيك مع المعارضين نشوف النتيجه فى النهايه

وكمان كل واحد وهوايته انت مش سمعتى ان الانسان المفروض ينمى مواهبه ؟

الازهرى يقول...

صبرنى يا رب

صبرنى يا رب على الناس دول
مطوه ؟ مطوه ؟
لأ وشمس زعلانه انى معترض على كلمة أمامير
أقول ايه بس ؟ أٌول ايه ؟
وكمان تعالى هنا يعنى هو كل الفكره هنا مش انى اطلع حراميه الموضوع انى احافظ على سممعة رجالة المنطقة بتاعتنا ضد المناطق التانية يعنى مسألة كرامة مش اكتر
وكمان يعنى اهو ميزانيه تسند مع الواحد فى بداية حياته

وكمان اشمعنى هم مشجلين وأنا لأ ؟
أحسن منى فى ايه هم يعنى ؟ والا احسن منى فى ايه ؟

وكمان هاتى المطة نشوف هتعملى بيها ايه ؟

الازهرى يقول...

بيطريه

بس الهداوه كده
يعنى تفكرى لو هو بيسمع كلام الرسول صلى الله عليه وسلم أو بيخاف انه يزعل منه
او بيعمل اعتبار للحلال والحرا كان يسرق او يشتغل فى النشاط غير المشروع ؟


زيارتك أسعدتنى جدا واتمنى دوام التواصل

الازهرى يقول...

أختى الغاليه سونه
وعليكم السلام ورحمة الله وبركاته

طبعا المشورة مطلوبه جدا
قولى لى بقى وشورى على أعمل ايه ؟

أما بخصوص التعليق فأتمنى يكون سبب فى رجوعك تماما ومن غير كلام عن الاختفاء تانى

اتفقنا ؟
مستنى اول موضوع

yara يقول...

ترفض طبعا مش عايزه كلام لانك لو وافقك وبررت لنفسك فعلك ده والشيطان زين لك الموضوع هتندم جدااااا بعد كده ومش هتقدر تسامح نفسك لما تشوف الاطفال دول والناس اللى علمتهم بيستغلوا تعليمك ليهم فى شىء يغضب ربنا وكمان هتاخد ذنبهم كلهم وهتبقى بدل الازهرى المعلم الكبير بتاعهم.....
من غير كلام طبعا ارفض وقوله كلمه واحده
اااااااااااسف جدااااا انا فكرت وحسيت انى مش هقدر اعمل كده .
ولا ترضى احد على حساب رضا ربك لان غضب عمك بحر ده اهون كتيييييير من غضب ربنا

سلااااااااااااااام

أمل حمدي يقول...

آه منك يا أزهري

خلصت الكلية وها تشتغلنا

ربنا يحفظك

Unknown يقول...

بسم الله الرحمن الرحيم.
أزهري ...
السلام عليكم ورحمه الله وبركاته.
واللهِ العظيم ...لولا إني بحبك قوي قوي
كنت أكسر الكومبيوتر علي دماغ عمك بحر دا.
وافك شبكه النت كلها و أكتفك بحبالها و أقول اللي يحب النبي يزُء...كل أزهري في بحر
الظلمات ...يا لطيف اللطف ياااارب*

رحلتنا في الحياة يقول...

نصح ايه اللى انت عايزه انت اصلا المفروض لما طلبك تانى مش تروحله بلا بحر بلا ترعة ارفض طبعا والمفروض عليك تنصحه وتقوله اللى بيعمله ده حراااااام ومش تحاول تقابله تانى من اصله لو طلبك مرة تانية

الازهرى يقول...

يارا

المعلم الكبير
تصدقى لقب جميل ومغرى

ما علينا مش عارف ليه الأصوات المعارضه للقرار بدأت تزيد فى الأخر
لكن نستنى للنهايه ونشوف احصاء الأراء ونعلن النتيجه
بس عجبنى رأيك جدا عن الغضب
ولو انى عمى محمد بحر صعب يغضب على
أنا زى ابنه برضه

وسعيد جدا جدا جدا بزيارتك وبرأيك الواضح والصريح
أتمنى تكونى كده دايما وأتمنى أكتر لو ألاقى رأيك على طول

الازهرى يقول...

ماما أموله

طيب أعمل ايه يعنى
اشتغل نفسى ؟

ربنا يكرمك يا رب ويخليك لنا

ايوشة يقول...

اقولك انا الحل اكيد جمع عصابة البنات المفترية ن المدونين اللى انت مضايق منهم ومتغاظ وهتفرقع هههههههه وابعتهم للمعلم بحر وان شاء الله بعد نص ساعة هيعلن توبته وتوبة كل صبيانه ايه رايك :))



ان شاء الله هحاول اكون موجودة بالليل

الازهرى يقول...

فركشاوى الغالى
وعليكم السلام ورحمة الله وبركاته

ليه كل ده ؟ ومين يسمح لك أساسا ؟
دا والد صاحبى يعنى فى مقام والدى واى حد يقرب منه ادبحه

بس المهم رأيك ايه فى العرض ؟

الازهرى يقول...

ايووووشه

بس نعمل ايه ؟
كده المعرضين للقرا بيزيدوا
شكل كده هاعلن النتيجه قبل النهاية وهى رفض المشروع وبكل الأسف

ماعينا الامر لله

الازهرى يقول...

أيوشه
حرام عليك الراجل الغلبان
دا لو واحده بس تخلى توبة فرع جنوب الدلتا كله يتوب تقومى تقولى العصابه كلها ؟
دا انا اسلمه للبوليس بضمير مستريح اهون على من اقتراحك ده

والميعاد شكله هيتغير حاولى تكونى موجوده بدرى على قد ما تقدرى

Kiara يقول...

هو انت بتتكلم جد ولا مقلب انا خلااااااااااااااص هولع في نفسي منك هههههههههههههههههههههههه

لو الكلام حقيقي اصلا تروحله تاني ليه مفتكرش انك تكون حيران في قبول عرض او رفضه هو اصلا ضد كل حاجه انت عشتها واتربيت عليها

اما انك شايل انه والد صحبك فاعتذر بلبااااااقه او اقولك بلغ عنه

اما لو بتهزر وانا شاكه في الاحتمال دا فبجد بقي عاااااااااااااااااااااااااااااااااااااااااااااااااااااااااااااااااااااااااااااااااااا

الازهرى يقول...

خياراااااااااااااا


ما علينا من هزار او جدا
نحط رأيك مع المعارضين

وكمان مش ينفع ابلغ عنه دا عيش وملح يا جماعه ينفع اخونهم يعنى ؟

وكمان عاااااااااااااااا
براحتك ولا يهمنى

Unknown يقول...

أزهري ...
أنت لسه بتسأل عن رأيي في العرض بجد؟
......
طيب مش لما أعرف الطول ...
وبعدين مقام صاحبك ووالد صاحبك محفوظ فوق دماغي ...بس أنت عارف ..أنا قاصدمين .

الازهرى يقول...

عمنا فركشاوى

يعنى انا فوتها لان المدونه متراقبه وانت عارف
تقوم انت تقولها وش كده

عموما العرض 110 سم
يبقى مقاس البدله كام ؟

رئيس التحرير يقول...
أزال المؤلف هذا التعليق.
Unknown يقول...

عرفت العرض 110 سم ...
بس أعرف سم أيه ؟
عشان اقولك ع المقاس .

أسماء علي يقول...

ههههههههههههههههههههه
ههههههههههههههههههههههه
أنا صوت ضحكي جاب آخر الشارع
بجد مش طبيعي
آدي آخرة خفة الايد
:)