ضحكة خفيفة :)

جيزة يا أسطى ؟؟؟

كل مرة البطارية تفضى منه ويتصل بى آجى أقطره

حاجة تقرف 

بابا كلمنى من شوية وقال فى الطريق 

وجايب لكم الغدا معاه 

وأثبتت الدراسات إن اللابات والنت من أسباب التفكك الأسرى 

آخر الخط يا جماعة 

قالت لك تجيب إيه تانى يا أرنوب ؟

قالت لك تجيب إيه تانى يا أرنوب ؟

شكلى هأتعاقب :(

المس روحت 

وماما مش جت 

أروح إزاى أنا بقى ؟

وخدها براسه 

وجون وجون 

وجوووووووون

الصوم ينجى 

صبر نفسك يا مؤمن 

عنى أنا

أناااااااااااااااااااااااااااااااااااااااااااااااااااااااااااا

راجعين :)

راجعين للشيكولاتة والبشاميل من تانى 

منطق كل الستات

منطق كل بنات حواء

لما تسألهم اتأخرتوا ليه

هع هع هع هع هع هع

 

من بعد الملك لير

دى أول حاجة أحبها لشكسبير

سيطرة

قرار هااااام

لالالا من غير كلام بعد إذنك

لو سمحتى على جنب ومش عايز كلام كتير قلنا

أيوه يا ابنى

هات لى أخر اتنين على اليمين دول

والواد اللى لابس مخطط فى رابع صف هناك ده

والأربع بنات اللى جنب بعض وبيكتموا فى ضحكتهم

واللى لابس نضارة معاهم

ناقص واحد كمان راح فين ؟؟؟؟ هرب ؟؟؟؟ الجبان

ما علينا

لمهم هنا كده جنب الباب اللى هناك ده

لالالالا فى الركن اللى بعده لحد ما يقرأ الحكم

قول يا ابنى وسمعهم

لقد قرر جلالته وبناءا على ما صدر منهم من آثام وما ارتكبوه من جرائم فى حق المجتمع أدت إلى انهيار العديد أسس ودعائم وراكائز الدولة وهددت بالإنهيار العاجل لمقدراتها ، وما حاولوه وثبت فى عليهم من محاولة الإضرار العمدى والتعرض بالقول والفعل لأيقونتها الساهرة على رعايتها ، وما كادوا يتسببون فيه من دمار تمت السيطرة عليه بفضل الله وشجاعة وقوة التدريب وما تتمتع به قواتنا من خبرات واسعة فقد تكرر الآتى :

            * يتم حرمان المذكورة أسمائهم من البشاميل لمدة عام على الأقل

            * يتم تكليفهم بالعمل ضمن المسخرين لاستصلاح الأراضى الصحراوية لمدة عام أيضا

            * يتم تغريم كل منهم عدد 4 قطع شيكولاتة مستورد من الحجم الكبير

هذا ويتم التنفيذ عقب إبلاغ كل منهم بالقرار

حفظ الله جلالته وأدام لنا حكمته وحكمه العادل

انتهى القرار .

 

خدهم يا ابنى من هنا

علشان كل واحد يفكر ولو للحظة يدعى على وأنا فى الإمتحان يبقوا عبرة ليه

أنا هأوريكم يا بشر الوش التانى من النهاردة ورايح ما دام الإحترام مش نافع معاكم

نداء هام

 

أغيثونا أغاثكم الله

 

لكل اللى يعرفنى

واللى ما يسمعش عنى

أخوكم الغلبان موروط ومحتاجكم معاه

الموضوع وما فيه

إن فى حد من أعمدة حزب الشر والأذى

وأكبر زعماؤه

( مرفق أعلاه صورتها )

وقع على عقوبة كاملة

إنى لازم  أخلى أكبر عدد من الناس الحلوين

يتعرفوا على الموقع ده

http://www.baladyonline.com/

والفيس ده
 

https://www.facebook.com/MwqBldy?ref=nf#!/MwqBldy

 
وتويتر ده
https://twitter.com/baladyonlinews
 

وشير بقى ولايك وريتويت منهم

وحاجات من دى كتييييييييييييير

وإلا يبقى لى عقاب زى بتاع بروميثيوس كده

 

زوبة

هع

البلاء

 

اللهم قنا شر البلاء

بتحصل

هع هع هع

عجبتنى 

جواز

او حصل فى يوم من ذات الأيام بعد عمر طويييييييييييييييييييييييييييييل 

ولقيتونى متجوز 

أكيد هيكون بسبب تأثير الفيلم ده 

بدون تعليق

معترض

أقولها وبكل الثقة

هذا الرجل لا يمثلنى 

ولا أتفق معه فيما يقول 

*

*

*

صورت يا ابنى ؟؟؟؟

أنشرها بقى 

خليهم يحلوا عنى شويتين 

عنده حق

وشكلى هأحصله 

يوم دراسى

دا المشهد اللى كان فى ذهنى وأنا رايح المدرسة الصبح

وعمال أضحك وكل اللى حوالى مستغربين 

ومش فاهمين باضحك ليه 

تخاريف 6

ماذا لو

تخلص العالم من النساء ؟؟؟؟

 سؤال بيلح على من فترة  وبدأ يزداد فى الفترة الأخيرة بشكل كبير ، وحاليا وصل لذروته جدا جدا جدا جدا

فى البداية وعلشان عارف إن فى ناس كتير هتفضل تقول لى إنت ظالمهم ، وماينفعش كلامك ده ، ومش كلهن ، والكلام البايت اللى مالوش عازة على رأى واحد أعرفه ، أحب أقول له إن انا فى 80 % من تعاملاتى كانت مع الستات .

فى البيت ، فى المحل بتاع البقالة القديم ، فى المعرض  ، فى النوادى ، فى الشركة ، فى التدوين ، فى الصيدلية ، فى تويتر ، فى الفيس ، حتى فى الميدان ، يعنى عاشرتهم وعرفتهم على كل شكل وملة ولون وعقلية وأى حاجة حد يفكر فيها للمقارنة .

وبأقولها وبكل قوة ، كفاااااااااااااااااااااية ارحمونى ، ويا إما تسيبوا البلد وترحلوا يا إما ترحلونى أنا منها على أى مكان مفيش فيه ستات إطلاقا ، وعلى رأى العيال الثوار اللى خربوا البلد خنقتوووووووووووووووووووونا

نعم ؟ فى محترم قاعد فى الصف اللى على الشمال بيغمغم ، ممكن أعرف بتقول إيه بصوت واضح ؟؟؟؟

نعم يا روح طنط ، فى دليلى

فاكرنى هأعمل زى الأفلام الهندى واقلع لك هدومى وأفرجك على الكرابيج اللى بيضربونى بيها مثلا

ولا أقول لك أنا هأحترم برضه وجود حد بعقليتك معانا هنا وبما إن القافلة تسير بقدر احتمال أضعفها هأقول لك كمثال فى السريع كده

سنة 2002 كنت مسافر الغردقة ورفضت آخد حد معايا قلت للكل أجازة ومصيف ومش عايز حد يقرفنى

وعنها وبدأت الحرب و ( س ) من السيدات لفت لتخليها أجازة نحس على

وانتظرت لحد ما وصلت الغردقة وقعدت الكام يوم بتوعى وانا راجع ويا دوب ركبت الأتوبيس ونمت

ودى اتصلت بحد من القريبين منى وبتسأله صحيح الخبر اللى سمعناه ده ؟؟؟؟

خبر إيه ؟؟؟؟

إن الأزهرى عمل حادثة وهو راجع ونقلوه المستشفى وفارق الحياة

وطبعا مع الكثير من النهنهة والشحتفة والعياط والصويت والذى منه

وعنها وهو اتصل يطمن من حدا تانى والخخد  التانى اتصل بحد تالت

وانتشر الخبر والجيزة كلها اتقلبت وقتها

وطبعا أنا فى الغيبوبة لإن مفيش طريقة حد يوصل لى بيها نهائى لحد ما أنزل القاهرة أو الجيزة

وحتى بعض المقربين منى اتصلوا بالبيت عندنا وبيسألوا انافين فيقولوا لهم دا مسافر وراجع بكرة

وطبعا مفيش حد عايز يبقى هو اللى نقل الخبر السيء ناهيكم عن إنه مش متأكد أساسا

وفضلت الدنيا تغلى ويتصلوا بستشفيات الطريق والبوليس وكانت كارثة

لحد ما وصلت بيت خالى فى الجيزة وعرفت من أولاده الموضوع   وبدأنا نتصل نطمن الناس

سيبك بقى من عملت إيه بعدها  لحد ما وصلت لها ولا حتى انتقامى منها

وكان ف موقف تانى بأعيشه حاليا عبارة عن مأساة حقيقية

تخيل لما حد يوطك إنك تشتغل جليسة أطفال لحد عنده 22 سنة

سيبك منه علشان وأنا باكتب دخلت على بنت أمورة ومعاها جوزها وطفلتها وانا باكتب التدوينة دى

وعايزو علاج للكحة لبنتها

طيب يا ستى معاها بلغم او برد ؟؟؟؟

آه معاها

لأ مش معاها

يعنى معاها ولا مش معاها ؟؟؟؟

مش عارفة

طيب يا ست الكل

وهى بتكح بتحسى غن صدرها تقيل مثلا او حاجة غريبة فى كحتها ؟؟؟؟

أيوه فى

لأ مفيش

يعنى فى ولا مفيش ؟؟؟؟

مش عارفة

طيب هى أسنانها بدأت تطلع ولا لأ ؟؟؟؟

أيوه بدأت

لأ لسه

يعنى بدأت ولا لسه ؟؟؟؟

مش عارفة

طيب سؤال أخير

هى عمرها كام ؟؟؟؟

سنتين وشهرين

لأ سنة وشهرين

نعععععععععععععم

تيجى إزاى دى بقى إن شاء  الله

طيب اتولدت قبل الثورة ولا بعدها ؟؟؟؟

قبلها

لأ بعدها

هى اتولدت فى شم النسيم

قلت لها حلو

يعنى فى أبريل ويبفى كده هندها تقريبا

سنة و 3 شهور

لأ هى اتولدت فى فبراير

يا ستى طول عمر شم النسيم بييجى فى أبريل مع عيد ميلادى

لأ النسة اللى فاتت كان فى فبراير

طبعا غلطت نفسى

وقلبت الكلام ضحك مع جوزها وبنكمل كلامنا

وعرفت إن الأبلة المعدلة

اللى حارقة دمى من الصبح المفترض تقول لى يا خال

تبعا لقواعد عائلات الريف اللى كيد عارفينها

طبعا

كان نفسى أولع فيها وفى بنتها وفى جوزها وفى أبوها لو شفته هو كمان

دى عينة بسيطة من المأساة

ترضيكم ولا نقول تانى ؟؟؟؟